གསར་འགྱུར་མཁོ་གཏོང་བ་རིག་འཛིན། །
ཁ་སང་སྤྱི་ཚེས་༡༩ཉིན་ཨོ་སི་ཀྲོ་ལེ་ཡའི་གྲོང་ཁྱེར་མལ་སྦོན་གྱི་བོད་རིགས་ཚོགས་པའི་གོ་སྒྲོག་འོག་ས་གནས་བོད་མི་དང་བོད་དོན་རྒྱབ་སྐྱོར་བ། རྒྱ་བོད་མཛའ་འབྲེལ་ཚོགས་པའི་ཚོགས་མི་བཅས་ཁྱོན་མི་གྲངས་ ༢༠ ་ལྷག་གིས་ཞོགས་པ་ཆུ་ཚོད་ ༡༠ ནས་དགོང་ ཆུ་ཚོད་ ༤བར་གྲོང་ཁྱེར་མལ་སྦོན་(Melbourne)གྱི་རྒྱ་ནག་གཞུང་ཚབ་མདུན་དུ་ཟས་བཅད་ངོ་རྒོལ་དང་སྐད་འབོད་ཀྱི་ལས་འགུལ་ཞིག་སྤེལ་སོང་།
སྐབས་དེར་རྒྱ་བོད་མཛའ་འབྲེལ་ཚོགས་པའི་ཚོགས་གཙོ་རྒྱ་རིགས་Frank ལགས་ ཀྱིས་( བཀའ་སློབ་གནང་དོན་བོད་རྒྱལ་ཁབ་ནི་ལོ་རྒྱུས་ཡུན་རིང་ལྡན་པའི་རྒྱབ་ཁབ་ཤིག་དང་རྒྱ་ནག་དམར་གཞུང་གི་བོད་ས་བཙན་འཛུལ་མ་བྱས་སྔོན་རྒྱ་བོད་གཉིས་ནི་ཕན་ཚུན་མཛའ་འབྲེལ་ལྡན་པའི་རྒྱལ་ཁབ་གཉིས་ཡིན་པ་རེད། རྒྱ་ནག་དམར་གཞུང་གིས་ད་ལྟའི་བོད་ནང་གི་མི་སྤྱོད་ལས་འདས་པའི་མནར་གཅོད་དང་གདུག་རྩུབ་ཡོངས་རྫོགས་མཚམས་འཇོག་དགོས་འབོད་སྐུལ་ཡང་གནང་སོང་།
དེ་རྗེས་ལས་འགུལ་སྣ་འཁྲིད་པ་བསྟན་འཛིན་བློ་བཟང་ལགས་ཀྱིས་བཀའ་སློབ་གནང་དོན་(དེ་རིང་འདིར་ང་ཚོས་ལས་འགུལ་འདི་གོ་སྒྲིག་གནང་དགོས་དོན་ཉེ་བའི་ཆར་བོད་ནང་གི་རྒྱལ་གཅེས་དཔའ་བོ་དཔའ་མོ་རྣམས་པས་བོད་རྒྱལ་ཁབ་དང་མི་རིགས་ཀྱི་ཆེད་དུ་རང་གི་གཅེས་པར་འོས་པའི་སྐུ་ལུས་མེར་བསྲེགས་བཏང་སྟེ། ཞུམ་པ་མེད་པའི་སྙིང་སྟོབས་བཅང་ནས་རྒྱ་ནག་དམར་གཞུང་ལ་ངོ་རྒོལ་གྱི་ལས་འགུལ་སྤེལ་བཞིན་པ་དེར་རྒྱབ་སྐྱོར་མཚོན་དང་ཤུལ་ལུས་ཕ་མ་དང་སྤུན་ཉེ་བཅས་པར་གདུང་སེམས་མཉམ་སྐྱེད་མཚོན་བྱེད་ཡིན་གསུངས་སོང་།
དགོང་དྲོ་ཆུ་ཚོད་༦ པ་ནས་ ཆུ་ཚོད་བརྒྱད་པ་བར་མལ་སྦོན་བོད་རིགས་ཚོགས་པའི་ཚོགས་གཙོ་ཐུབ་བསྟན་ལགས་དང་ཚོགས་གཞོན་ངག་དབང་སྟོབས་ཆེན་ལགས་གཉིས་ཀྱིས་སྣེ་འཁྲིད་འོག་བོད་མི་དང་རྒྱ་རིགས་ཕྱི་རྒྱལ་བ་བཅས་ཁྱོན་མི་གྲངས་ ༥༠ ལྷག་གི་མལ་སྦོན་( MELBOURNE)གྲོང་ཁྱེར་གྱི་སྟེ་གནས་མི་མང་འདུས་འཛོམས་ཐང་ཆེན་དུ་མར་མེའི་ཁྲོམ་སྐོར་གྱི་ལས་འགུལ་སྤེལ་གནང་སོང་།
ད་ལྟའི་བོད་ནང་གི་ཛ་དྲག་གི་གནང་སྟངས་སྐོར་གྱི་ཡིག་ཆ་འགྲེམས་སྤེལ་སོགས་གནང་ཡོད། སྐབས་དེར་རྒྱ་ནག་སྐམ་ས་ནས་ཡོང་བའི་རྒྱ་རིགས་སློབ་ཕྲུག་སོགས་ཀྱི་དོན་སྣང་ཆེན་པོས་པར་བརྒྱབ་པ་དང་བོད་དོན་སྐོར་དྲི་བ་གནང་མཁན་ཡང་འདུག
ལས་འགུལ་འཇུག་བསྡོམས་སྐབས་ཚོགས་གཙོ་ཐུབ་བསྟན་ལགས་ཀྱིས་ལས་འགུལ་འདིའི་དམིགས་ཡུལ་གྱི་གཙོ་བོ་ནི་བོད་ནང་གི་རྒྱལ་གཅེས་དཔའ་བོ་དཔའ་མོ་རྣམས་པར་རྒྱབ་སྐྱོར་མཚོན་བྱེད་དང་དེ་རིང་ཉིན་གཅིག་དུས་གཅིག་ལ་བོད་མིའི་སྒྲིག་
འཛུགས་ཀྱི་བཀའ་སྤྱི་གཉིས་ཀྱིས་སྣེ་འཁྲིད་པའི་བྱེས་སྡོད་བོད་མིའི་གནས་ཡུལ་གང་ས་ནས་ལས་འགུལ་སྤེལ་བ་དེ་ནི་བོད་ཕྱི་ནང་གཉིས་མཐུན་སྒྲིལ་དང་དམ་ཚིག་ཆིག་སྒྲིལ་མཚོན་བྱེད་ཡིན་གསུངས་སོང་།
མཇུག་མཐར་ལས་འགུལ་བ་རྣམ་པས་བོད་རྒྱལ་ཁབ་ཀྱི་རྒྱལ་གླུ་དང་ཚད་མེད་ཡོན་ཏན་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་དུ་བསྔོ་སྨོན་བཅས་གནང་སོང་།། །།
གུས་པ་རིག་འཛིན་གྱིས་༢༠༡༡ །༡༠ །༢༠ ཕུལ།
ཡག་པོ་རེད་ཁྱེད་རྣམ་པས་བོད་ནང་བཞུགས་སྐབས། བཙན་འགོག་རྒྱལ་སྐྱོབས་ཆེད་ལས་འགུལ་སྣེ་ནང་སྤེལ་ཡོད་ཐུགས་རྗེ་ཆེ་བསྔགས་བརྗོད་ཡོད། དེར་རྒྱ་མིའི་གཞུང་ཚབ་ལ་མགོ་འབུལ་ལུས་འབུལ་བྱེད་མཁན་མི་སྣ་ཁ་ཤས་ཡོད་ཚོད་འདུག་ན་ད་ལྟ་བོད་མིའི་ཞེན་འདོད་བསྒྲུབ་ཟིན་མེད་པའི་གནས་ཚུལ་དེ་རིགས་མི་ཡོང་བ་གནང་རྒྱུ་མ་ཟད། ཁྱེད་རྣམ་པར་བཙན་བྱོལ་བོད་གཞུང་གིས་རྒྱབ་སྐྱོར་དང་༧གོང་ས་སྐྱབས་མགོན་ཆེན་པོའི་བཀའ་དྲིན་གྱིས་གཞན་ཡུལ་དུ་གང་སྤྱིའི་ཐད་གང་ཡག་ཡོད་པ་མ་བརྗེད་པ་གནང་རོགས་ཞེས་ལག་གཉིས་ཐབ་མོ་སྦྱར་ནས་ཞུ་བཞིན་མཆིས་ལགས།། །།
སྣེ་ནང་(སྣེ་མང་)ལ་བཅོས་རོགས།།
བོད་ནང་དུ་གཞོན་སྐྱེས་མང་པོ་ཞིག་ནས་རང་སྲོག་བློས་བཏང་དུས་ད་དངོས་གནས་ང་ཚོ་ལང་དགོས་པའི་དུས་ལ་སླེབས་འདུག
གསར་འགྱུར་རྒྱུད་ལམ་མང་པོ་ཞིག་གིས་མིག་སྔའི་རྒྱལ་གཅེས་དཔའ་བོ་དགུའི་ལུས་སྲོག་མཆོད་མེར་བསྒྲོན་པའི་ལས་འགུལ་དེ་ཆོས་ལུག་རང་དབང་མེད་པ་ཙམ་ཞིག་དང་ལྷག་པར་རེ་འགས་བོད་ཀྱི་ས་ཆ་ག་གེ་མོ་ཞིག་ན་རང་དབང་མེད་པར་བྱས་པ་ཞིག་ཏུ་བརྗོད་ཀྱིན་འདུག་པས། ང་ཚོས་ངེས་པར་དུ་དཔའ་བོ་འདི་དག་གི་ཚེ་སྲོག་གི་རིན་ཐང་དེ་ཆོས་ལུག་རང་དབང་གཅིག་པུ་དང་ལྷག་པར་དུ་ས་ཁུལ་རེ་འགའ་བ་གཅིག་ལ་རང་དབང་མེད་པར་བཞལ་མི་ཉན་པར་རྒྱལ་སྤྱིའི་སྟེང་འདི་ནི་བོད་རིགས་ཡོངས་ཀྱིས་རྒྱ་དམར་གྱི་མི་རིགས་བཙན་གནོན་ལ་མ་ཟོད་པའི་སྡུག་སྐད་ཞིག་དང་ན་ཟུག་ཞིག་ཡིན་པར་བསྒྲགས་དགོས། ད་དུང་ང་ཚོས་དཔའ་བོ་དེ་དག་ཚང་མ་རབ་བྱུང་པ་མ་ཡིན་པར་མི་སྐྱ་ཡང་ཡོད་པ་ཤེས་དགོས་ལ་དེ་ལྟར་བརྗོད་ཀྱང་དགོས་པར་སེམས།