ཙ་རྐང་དྲུག་གིས།
འདིར་ཁོ་བོའི་ལས་གྲོགས་བོད་དགེ་ཐུབ་བསྟན་རིག་བཟང་ལགས་ཀྱིས་《སྒེའུ་ཁུང་ཆུང་ཆུང་།》ཞེས་པའི་དཔེ་ཆ་ཞིག་མི་འགྱང་བར་སྤྱི་ཚོགས་སུ་དགྲམ་ལ་ཉེ་ན། ཐོག་མར་བསྒྱུར་བ་བོ་ཁོང་ལ་བཀྲ་ཤིས་བདེ་ལེགས་ཞེས་འཚམས་འདྲི་དང་བཅས། སྒེའུ་ཁུང་ཆུང་ཆུང་ཞིག་ནས་བྱ་དངོས་དུ་མ་ཞིག་མཐོང་རྒྱུའི་རེ་བ་བཅང་པའི་ཀློག་པོ་ཡོངས་མཛུམ་གྱིས་བསུ། སྒེའུ་ཁུང་ཆུང་ཆུང་ནི་བོད་དབྱིན་ཤན་སྦྱར་གྱི་བརྡ་སྤྲོད་ཅིག་ཡིན་ལ། དེ་ཡང་མ་ཕྱི་དབྱིན་ཡིག་ལས་བོད་ཡིག་ཐོག་བསྒྱུར་བའི་འགྱུར་རྩོམ་ཞིག་ཀྱང་ཡིན། དཔེ་ཆ་འདི་བརྒྱུད་ནས་ཀློག་པ་པོ་རྣམས་ཀྱིས་ཤེས་རིག་གི་རྣམ་གཞག་དུ་མ་ཞིག་ཟ་མ་བཞིན་ལོངས་སུ་སྤྱོད་ཐུབ་པར་ཐེ་ཚོམ་མེད་ཅེས་ཁོ་བོས་བཤད་པར་སྤོབས།
སྤྱིར་བསྒྱུར་རྩོམ་ཞེས་པའི་ཐ་སྙད་འདི་མཐོང་སྐབས། ང་ཚོའི་བློ་ངོར་ཐད་ཀར་འཁོར་བ་ནི་སྙན་ངག་དང་བརྩམས་སྒྲུང་ལྟ་བུའི་རྩོམ་ཡིག་རེ་ཟུང་མིན་འགྲོ་སྙམ་པའི་སེམས་ཚོར་ཞིག་ངང་གིས་སྦྱིན་མོད། སྐབས་འདིར་དེ་ལྟ་བུའི་སེམས་ཚོར་གྱིས་བྲིས་པའི་རྩོམ་ཡིག་འབའ་ཞིག་མིན་པར། སྐད་ཡིག་གང་ཞིག་གི་ཚེ་སྲོག་ལྟ་བུའི་བརྡ་ཡང་དག་ཏུ་སྤྲོད་པའི་གཞུང་ལུགས་ཤིག་རེད། དེ་ན་འདི་ནི་དབྱིན་བོད་གཉིས་ཀྱི་བརྡ་སྤྲོད་ཀྱི་འདྲ་བའི་ཆ་དང་མི་འདྲ་བའི་ཆ་གང་ཡིན་ལེགས་པར་མཐོང་བྱེད་ཀྱི་སྒེའུ་ཁུང་ཆུང་ཆུང་ཡིན་པས། བལྟ་འདོད་ཆེ་བའི་ཀློག་པོ་ཚོས་ཐད་ཀར་འབྲེལ་བ་བྱ་ན། ས་གནས་གང་དང་རྒྱལ་ཁབ་གང་ཡིན་ན་ཡང་བསྐུར་ཐུབ་པའི་ལས་གཞི་བསྒྱུར་བ་བོ་ལ་འདུག་པས་བདེ་ལེགས་ངང་འབྱོར་ཐུབ།
༄༅། དགྲམ་་་་་ཞེས་པ་ཐོས་པ་དང་པོ་ཡིན། གཅིག་བྱས་ན་ང་རང་ཤེས་རྒྱ་ཆུང་
བའི་སྐྱོན་ཡིན་འགྲོ།
སྒེའུ་ཁུང་ཆུང་ཆུང་ཞེས་པ་དེ་བྱིན་ཡིག་ནས་བོད་སྐད་ལ་བསྒྱུར་བ་དེ་་་དེ་ཙམ་གྱི་ཕན་པ་
འདྲ་ཅི་ཡོད་དམ་མི་ཤེས།