གཞིས་བཞུགས་རྩོམ་པ་པོ་གངས་མིང་བས་ཆེད་བྲིས་༼ས་བྱི་ཁྲག་བྲིས་དམར་པོ༽ཞེས་པ་བཙན་བྱོལ་སྤྱི་ཚོགས་ནང་ཡོངས་ཁྱབ་དཔར་འགྲེམས་ཆེད་བསྐུར་འབྱོར་བྱུང་འདུག་པ་དཔར་སྐྲུན་གྲུབ་སྟེ། དེ་རིང་ཕྱི་ཚེས་ ༢༤ ཉིན་གྱི་ཕྱི་དྲོ་ཕྱི་དྲིལ་ལྷག་པ་ཚེ་རིང་ཚོགས་ཁང་ནས་ཡོངས་ཀྱབ་དབུ་འབྱེད་ཀྱི་མཛད་སྒོ་འཚོགས་འདུག
༼ས་བྱི་ཁྲག་བྲིས་དམར་པོ༽ཞེས་པའི་དེབ་ནང་གཙོ་བོ། ཕྱི་ལོ་ ༢༠༠༨ ནས་ ༢༠༠༩ བར་གྱི་ས་བྱི་ཞི་རྒོལ་ཆེན་མོའི་སྐབས། རྩོམ་པ་པོ་གངས་མིང་པ་ཁོང་གིས་དངོས་སུ་མཐོང་བ་དང་ཐོས་པ། ས་གནས་ཁག་ཅིག་ལ་ཆེད་ཕེབས་ཀྱིས་གནས་སྟངས་ལ་ཞིབ་འཇུག་དང་། སྐབས་དེར་རྨས་སྐྱོན་ཕོག་སྟེ་སྨན་ཁང་ནང་སྡོད་མཁན་ཁག་ཅིག་ལ་བཅར་འདྲི་ཞུས་པ་སོགས། སྒྲོ་འདོགས་དང་འཁྱོག་བརྗོད་མེད་པའི་ཐོག་ནས་གནས་ཚུལ་རྣམས་ཟིན་བྲིས་བརྒྱབ་པ་ཞིག་ཡིན་འདུག
བོད་ནང་གི་བོད་མིའི་སྙིང་སྟོབས་དང་བློས་བཏང་འདིས་ཕྱི་རྒྱལ་རང་དབང་ལུང་པ་ཡོད་པའི་བོད་མི་རྣམས་ལ་གང་ཞིག་བརྡ་ལན་སྤྲོད་བཞིན་འདུག་གམ།
བདེན་དཔང་གསོན་པོ་ཞིག་འདོན་སྤེལ་གནང་བ་བསྔགས་འོས་སུ་ཆེ། ད་རུང་ཕྱི་དྲིལ་གྱིས་མེ་བསྲེག་གི་དྲི་བ་ཞེས་པའི་གློག་བརྙན་ཞིག་བཟོས་འདུག་པ་ལེགས་གནས་སུ་འདུག གློག་བརྙན་འདི་ན་ཡོད། http://www.youtube.com/watch?v=1HhKF4_-9g8
ང་ལ་སྐད་ཆ་ཚིག་གསུམ་ཞུ་རྒྱུ་ཡོད། དང་པོ། དེབ་འདིའི་འབྱུང་ཁུངས་བོད་ནང་ཡིན་མིན་ལ་དོགས་པ་ཡོད། གཉིས་པ། ལས་ཀ་འདི་འདྲ་ཞིག་བྱེད་དགོས་པ་དང་ཡར་སྒྲིལ་མ་སྒྲིལ་གྱི་ས་འོག་དར་ཐག་འདི་འདྲ་ཞིག་འཐེན་དགོས་པར་ང་རང་བློ་ཕམ་ཡོད། གསུམ་པ། བཙན་བྱོལ་བོད་གཞུང་བཀའ་ཤག་དང་དྲིལ་བསྒྲགས་ལྷན་ཁང་། དེ་བཞིན་དེབ་འདི་ལ་དངོས་ཤུགས་བརྒྱུད་གསུམ་ནས་འབྲེལ་བ་འཛུགས་མཁན་དག་ལ་སེམས་འཚབ་ཡོད།
དེབ་འདི་ག་བ་ནས་རགས་གིན་ཡོད་ན་་་་
སྐུ་ཞབས་བཀྲིས་བཟང་བའི་སྐད་ཆ་ཚིག་གསུམ་གྱི་བསྟན་དོན་གང་ཡིན་ནམ། གང་ལྟར་དེབ་དེ་བཀླག་པར་འཚུབ་ཤ་ལངས་ནས་ཡོད།
ས་༢༠༠༨བྱི་ཁྲག་བྲིས་དམར་པོ། སྤར་སྐྲུན་འགྲེམ་སྤེལ་གྱི་བྱ་གཞག་ལ་དགའ་བསུ་ཚད་མེད་ཡོད་ལགས།