དགེ་རྒན་བྱང་ཆུབ་སེམས་མ་བུག་ཏོར་ཡ་སོ་ཐོ

Comments (18) on “དགེ་རྒན་བྱང་ཆུབ་སེམས་མ་བུག་ཏོར་ཡ་སོ་ཐོ”

1. སྐྱབས་སུ་མཆི། འདི་བྱང་ཆུབ་སེམས་མ་ཞིག་ཡིན་པ་ཐེ་ཚོམ་མེད་པ་རེད། འདི་ལྟ་བུའི་མིའི་རིགས་ཀྱི་ཐ་ཤལ་གདོལ་སྤྱོད་ཀྱི་བྱ་བས་ང་ཚོ་ལ་གྱོང་སྤྲོད་བཞིན་པའི་ཞོར་དུ་འདི་ལྟ་བུའི་མིའི་དྭངས་མ་རེ་རེའི་གཟི་བརྗོད་ཀྱང་མངོན་ཐུབ་ཀྱིན་ཡོད་པ་དེ་ནི་མིའི་རིགས་ཀྱི་རྒྱལ་ཁ་ཞིག་ཀྱང་རེད།

2. ཕྱི་གླིང་བ་ཚོས་མེ་བསྲེག་གི་ལས་འགུལ་འདི་སྨྱོན་པ་རེད་ལབ་མཁན་མང་པོ་བྱུང་། ད་ཡིན་ན་འདི་འདྲའི་གནས་ཚུལ་བྱུང་སྐབས་གང་ཞིག་ལབ་འདོད་ཡོད་དམ། མ་གཞི་ནས་སྙིང་རྗེ་རེད། འདི་འདྲའི་རིགས་མང་པོ་བྱུང་ཚར་བ་རེད། ངོ་མ་ཨ་རི་ནང་ལ་ཉི་ཤུ་སོན་པ་ཡན་ཆད་ལ་མེ་མདའ་ཉོ་ཆོག་པའི་དབང་ཆ་ཡོད་པས། འདི་ནི་ཨ་རིའི་ནོར་འཁྲུལ་ཆེ་ཤོས་ཞིག་ཡིན་པ་རེད།
   དེ་སྔོན་འདི་འདྲ་ཞིག་བྱུང་སྐབས། བོད་ཕྲུག་བུད་མེད་ཞིག་གིས་འདི་ལྟར་འཛིན་ཁང་སྒོ་བརྒྱབ་པས་གནས་ཚུལ་ཡོད། འདི་གཉིས་གཅིག་མཚུངས་ཆོག་ཡོད།

3. སྐྱེ་བ་རྗེས་མ་ཡང་འདི་ལས་མཛེས་པ་དང་། འདི་ལས་དཔའ་བ་ཅིག་འཁྲུངས་ངེས་པས། མིའི་རྟེན་བཟང་མྱུར་དུ་ཐོབ་པའི་སྨོན་འདུན་ཡོད།

4. ཧ་ཧ་ཧ་འབྲོག་པ་རྒད་པོ་ཟེར་བ་དེ་འཛམ་གླིང་ནང་སྟོབས་ཆེ་བའི་
   ཨ་རིས་རྒྱལ་ཁབ་ལ་ཆ་སྲིད་སྲིད་སློབ་མཁན་མི་འདི་འདྲ་མཁས་པ་
   ཁ་ཤས་ཞིག་བོད་ལ་ཡོད་ན་བོ་རང་བཙན་མགྱོག་པོལེན་ཐུབ་ས་རེད་

5. ཚེ་ལས་འདས་པའི་དགེ་རྒན་གཞོན་ནུ་མ་འདི་དངོས་གནས་དཔའ་མཛངས་ཐབས་མཁས་ཅན་ཞིག་རེད། དངངས་སྐྲག་ཆེ་བའི་ཛ་དྲག་གི་དུས་སྐབས་འདི་འདྲར་རང་ཉིད་ཐར་ཐུབ་མ་བྱས་པར་སོ་སོའི་སློབ་ཕྲུག་ཚང་མ་སྦས་སྐུང་བྱས་ཏེ་རང་ཉིད་གཅིག་བུ་ལག་དམར་བའི་གདོང་ལ་འཐོན་དེ་ཞུ་བ་འཐེན་སྐབས་ལག་དམར་བས་དེ་མ་ཐག་མེ་མདའ་རྒྱབ་ཏེ་བསད་འདུག དཔའ་མོ་འདི་བྱང་ཆུབ་སེམས་དཔའ་མིན་པའི་དབང་དུ་དང་རུང་བྱང་ཆུབ་སེམས་དཔའི་ཀུན་སྤྱོད་ཀྱི་ཆ་ཤས་ཤིག་མོ་ལ་མངའ་བ་ཤ་སྟག་རེད། མོའི་མཛད་སྤྱོད་ལ་ཡི་རང་ཞུ་བ་དང་མཉམ་དུ་སྙིང་ཐག་པ་ནས་མྱ་ངན་གུས་འདུད་ཞུ། ཧ་ཅང་ཕངས་པ་ལ། ཧ་ཅང་སེམས་པ་སྐྱོ་བ་ལ། གནས་ཚུལ་འདི་ཐོས་མ་ཐག་ངའི་ཡིད་སེམས་སྐྱོ་བའི་ཁེངས་ཏེ་མིག་ཆུ་རང་དབང་མེད་པར་ཤོར་སོང་། གནས་ཚུལ་ཐབས་སྡུག་འདི་འདྲ་ཨ་རིར་ཐེངས་མང་བོར་བྱུང་མྱོང་ཡོད་པ་རེད་དེ་ད་དུང་ཁྲིམས་ཐོག་ནས་མི་སེར་ཀྱིས་མེ་མདའ་འཁྱེར་ཆོག་པའི་ཁྲིམས་གཞི་ལ་བཀག་འགོག་ཕྱིར་བསྡུ་མེད་པ་ནི་སེམས་ཁམས་མི་དྭངས་པའི་མི་སྨྱ་སེ་སྨྱོ་སེ་དང་། བྱམས་སྙིང་རྗེ་དང་ཐ་ན་བརྩེ་བ་ཙམ་ཡང་མེད་པའི་མིའི་སེམས་ལ་གདོན་ཞུགས་པའི་སྨྱོ་འབག་ཅན་རྣམས་ཀྱིས་གང་བྱུང་དམར་གསོད་བྱེད་པའི་ཉེན་ཚབས་ཅན་གྱི་རིགས་ཡོང་གཞི་གཙོ་བོ་ཞིག་རེད། ད་ཨོཾ་མ་ཎི་པདྨ་ཧུཾཿ

6. བིཀྟོ་རི་ཡ་སོ་ཏོ་ཞེས་པའི་ཕྲུ་གུ་རྣམས་ཀྱི་སློབ་དཔོན་མ་དེ་གཞན་ལ་ཕན་སེམས་ཅན་ཡིན་པ་བྱུང་ཆུབ་སེམས་རྒྱུད་ལ་ལྡན་པར་སྣང་། རང་གིས་ཐབས་མཁས་ཀྱིས་རང་གི་་སློབ་མ་རྣམས་ལ་སྲོག་སྐྱོན་མ་བྱུང་བ་དང་། རངཉིད་ཀྱི་སྲོག་ཤོར་བ་དེ་ལ་སྐྱེ་བ་སྔོན་མའི་ལས་ཤིག་ཡོད་ངེས། མདོ་སྡེ་ལས་བརྒྱ་པ་སོགས་མདོ་ན།
   ལུས་ཅན་དག་གི་ལས་རྣམས་ནི།
   བསྐལ་པ་བརྒྱར་ཡང་ཆུད་མི་ཟ།
   ཚོགས་ཤིང་དུས་ལ་བབས་པ་ན།
   འབྲས་བུ་ཉིད་དུ་སྨིན་པར་འགྱུར།།
   ད་ལྟ་སེམས་བཟང་གིས་གཞན་མང་པོའི་སྲོག་བསྐྱབས་པའི་འབྲས་བུར་མཐར་ཐམས་ཅད་མཁྱེན་པ་འཐོབ་པར་ངེས་པས། རང་ཅག་རྣམས་ཀྱིས་ཀྱང་དེ་འདྲ་བའི་ལས་བརྩོན་དགོས་པ་དང་། དེ་འདྲ་བྱེད་ཐུབ་པའི་སྨོན་ལམ་ནི་རང་རེ་བོད་རིགས་ཚང་མས་ཁ་ནས་འདེབས་དང་འདེབས་བཞིན་པ་ལགས་སོ།།

7. བུ་མོ་འདི་ནི་བྱང་ཆུབ་སེམས་མ་དངོས་གནས་རེད་འདུག
   ནང་པའི་བྱང་ཆུབ་སེམས་དཔའ་སེམས་མ་རྣམས་ནི་ལྐོག་གྱུར་གྱི་རེད།
   ཡང་ན་ལྷ་ཁང་ནང་གི་བྱང་ཆུབ་སེམས་མ་རེད།

8. རང་ལས་གཞན་གཅེས་འམ་གཞན་ཕན་ཁོ་ན་བསམ་པའི་གང་ཟག་ནི་མིའི་འཇིག་རྟེན་འདིའི་ཆེས་རླབས་ཆེན་ཀྱི་གང་ཟག་དེ་ཡིན། གལ་སྲིད་མིའི་སྤྱི་ཚཽགས་ནང་དུ་འདི་འདྲའི་སྐྱེས་བུ་དམ་པ་མང་ཙམ་ཡོད་ཀྱིས་
   ས་སྒང་འདིར་ཉིན་ལྟར་འཇིག་སྣང་དང་མིག་ཆུའི་བརླན་པའི་དུས་ཤིག་འབྱུང་བའི་ཧ་ཅང་ཉུང་། མི་བུ་འདིའི་རྣམ་ཤེས་བདེ་བ་ཅན་དུ་སྐྱེས་པའི་སྨོན་ལམ་གྲངས་མེད་འདེབས།

9. རང་ཁེ་འགྲན་རྩོད་ཀྱིས་འུར་ཟེང་གི་དུས་རབས་འདི་ལ་་་་་རླབས་ཆེན་བུད་མེད་འདི་ལྟ་བུ་འགའ་རེ་བཞུགས་གནང་ཡོད་པ་་་་་་གནམ་འོག་གི་བསོད་ནམས་རེད་་་

10. འགྲོ་བ་མི་ཟེར་བ་འདི་ཆ་མ་མཚུངས་དངོས་རེད། ལ་ལས་མིའི་ཚེ་སྲོག་དོན་མེད་ད་འཕྲོག ལ་ལས་རང་གི་ཚེ་སྲོག་བློས་གཏང་བྱས་གཞན་གྱི་སྲོག་སྐྱོབ་པར་བྱས།

11. བདག་ནི་བླ་མ་གཞན་སྤངས་ནས།།
    སྙིང་རྗེ་ཁྱོད་ལ་སྐྱབས་སུ་མཆི།།

12. བདག་ནི་བླ་མ་གཞན་སྤངས་ནས།
    བཅུ་དྲུག་སྒེགས་མར་བདག་སྐྱབས་མཆིའོ།

13. ཨ་རི་ལ་ཕྲུ་གུ་མང་པོ་བསད་པའི་ཉིན་མོ་དེར། ཨོ་བྷ་མ་མིག་ཆུ་ཤོར་བའི་ཉིན་མོ་དེར། ཨ་རིའི་རྒྱལ་དར་ཕྱེད་ཕབས་བྱས་པའི་ཉིན་མོ་དེར། ཏག་ཏག་ཉིན་མོ་དེ་རང་ལ་རྒྱ་ནག་གི་ཧེ་ནན་ཟེར་བའི་ལུང་པར་མི་ཞིག་གིས་བྱིས་པ་ཉིས་ཤུ་ཙམ་ལ་གྲི་བརྒྱབ་ནས་རྨས་ཡོད་པའི་གནས་ཚུལ་བྱུང་མོད། རྒྱ་ནག་གི་བརྙན་འཕྲིན་དང་གཞུང་འོག་ཚགས་ཤོག་ཁག་ཏུ་ཨ་རིའི་བཀྲ་མ་ཤིས་པའི་དོན་རྐྱེན་དེ་ས་བསྒྲགས་གནམ་བསྒྲགས་བྱས་པ་ལས་ཧེ་ནན་དུ་བྱུང་བའི་བྱིས་པའི་ཁྲག་དམར་དེ་དག་སྦས་སྐུང་བྱས་ཡོད་པ་དང་། གནས་ཚུལ་དེ་དྲ་བའི་ནང་དུ་མ་གཏོགས་ཐོན་ཐུབ་མི་འདུག ཨ་རིའི་མི་སེར་རྣམས་ལ་མཚོན་ཆ་ཉར་ཆོག་པའི་དབང་ཆ་དེ་ནི་༡༧༨༩ལོར་གཏན་ལ་ཕབས་པ་དང་། དེ་ཡང་༡༧༧༦ལོར་ཨ་རི་དབྱིན་ཇིའི་འོག་ནས་རང་བཙན་ཐོབ་རྗེས་རྒྱལ་ཁབ་ཀྱི་རྩ་ཁྲིམས་བཟོས་ཡོད་པ་དང་། ལོ་ཤས་རྗེས་མི་སེར་གྱི་དབང་ཆ་འགན་ལེན་ཡོང་བའི་ཆེད་དུ་རྩ་ཁྲིམས་ནང་དུ་སྨྲ་བརྗོད་རང་དབང་དང་། ཆོས་དད་རང་དབང་། དཔེ་ཆ་འགྲིམ་སྤེལ་རང་དབང་སོགས་རིམ་པས་སྣོན་ཡོད་པ་དང་། མི་སེར་གྱིས་མེ་མདའ་འཛིན་ཆོག་པ་དེ་ཡང་རྩ་ཁྲིམས་ནང་གི་སྣོན་ཆའི་གྲས་ཡིན་པར་འདུག དེ་ཡང་མི་སེར་རྣམས་ལ་མེ་མདའ་མེད་ན་ནམ་ཞིག་སྲིད་གཞུང་དེ་ཉིད་སྒེར་གཅོད་དང་རུལ་སྲུང་གི་གནས་སུ་ལྷུང་ནས་ཆབ་འབངས་རྣམས་རྐང་འོག་ཏུ་བརྫི་སྲིད་པ་དང་། དེ་ལྟ་བུའི་གནས་ཚུལ་མི་ཡོང་བ་དང་བྱུང་ཀྱང་མི་སེར་རྣམས་ཀྱིས་སྲིད་གཞུང་མགོ་རྟིང་སློག་ནས་གཞུང་གསར་པ་འཛུགས་ཆོག་པའི་སྔོན་འགྲོའི་ཆ་རྐྱེན་ལྟ་བུར་མི་སེར་རྣམས་ལ་མཚོན་ཆ་འཛིན་དབང་ཡོད་པ་བྱས་འདུག ༥༩གོང་ང་ཚོ་བོད་ལ་ཡང་མེ་མདའ་འཛིན་ཆོག་པ་འདྲ་ཞིག་མ་རེད་དམ། ཕྱིས་སུ་དམར་གཞུང་གི་སྒེར་གཅོད་འོག་ཚོགས་ཆེན་བཅོ་བརྒྱད་མ་ཚོགས་གོང་རྒྱ་ནག་གི་ས་ཆ་མང་པོར་ཁབ་དང་ཨ་ར་བཞར་བྱེད་གྱི་གྲི། ད་དུང་ཚལ་གྲི་སོགས་ཀྱང་ཉོ་ས་མེད་པ་བྱས་འདུག་ཟེར་གྱི་འདུག རྒྱུ་མཚན་ནི་སྲིད་གཞུང་ངན་དྲག་པའི་དབང་གིས་མི་སེར་གྱིས་ཚལ་གྲི་གནམ་ལ་འཕྱར་ནས་གནམ་སྡེ་སྒོ་མོ་ཁྲག་གིས་དཀྲུག་མི་ཡོང་ངམ་སྙམས་ནས་སྐྲག་གི་ཡོད་ས་རེད། བྱང་ཆུབ་སེམས་མ་དེ་ལ་ཕྱག་དང་མ་ནི་ཡོད།

14. སློབ་ཕྲུག་བུ་དང་བུ་མོའི་ཆེད། །
    རང་གི་ལུས་སྲོག་ཡོངས་དོར་བའི། །
    སྐྱེ་གཟུགས་ལེགས་ལྡན་གཞོན་ནུ་མ། །
    ཝི་ཁ་ ཏོ་རེ་ཡ་ སོ་ཏོ། །
    བྱང་སེམས་མིན་ཡང་དཔའ་མོ་ཡི། །
    མཚན་སྙན་ཡོངས་སུ་རྫོགས་པར་གདའ། །

15. དཔའ་བློ་ཁོག་ཅན་ཡོད་ཚད་བྱང་ཆུབ་སེམས་དཔའ་ཟེར་ན་བྱང་ཆུབ་སེམས་པའི་དོན་མ་ཤེས་པའི་འུར་ཤོད་ཙམ་ལས་དེ་མིན་གོ་རྒྱུ་གང་ཡང་མེད། ཡིན་ཡང་དཔའ་མོ་ཞིག་དང་ཡ་རབ་རེད་ཟེར་ན་ཆོག ། དྲ་འབུ་ནི་དྲ་འབུ་རང་རེད་ཞག །བཤད་ཡ་རྫོགས་ནས་གང་བྱུང་བཤད་གྱི་འདུག་་་་་་

16. བོད་མི་རྣམས་ཀྱི་གཤེད་མར་གྱུར་བའི་གུང་ཁྲན་གཞུང་གི་དམག་མི་ཚོ་ལའང་རང་ལས་གཞན་གཅེས་བར་འཛིན་པ་དེ་ལྟ་བའི་སེམས་ཞིག་ཡོད་ན་དགའ་བ་ལ།

17. “བུ་ཏོ་ར”བུག་སེ་འཇོག་དགོས་ས་རེད་གོ

18. བྱང་ཆུབ་སེམས་མ་ཟིག་ཡིན་མིན་མི་ཤེས་མོད་བྱང་ཆུབ་སེམས་དཔའི་མཛད་པ་དངོས་ཡིན་མིན་ལ་ཐེ་ཚོམ་མི་འདུག སེམས་གཏིང་ནས་གུས་བཀུར་ཡོད།