ཚེ་རིང་།
—–དངོས་གཙོ་རྩོད་སྒྲུབ་སྨྲ་བའི་མཁས་དབང་ཉེ་རབས་བོད་ཀྱི་ལོ་རྒྱུས་སྟེང་གི་གྲགས་ཅན་མི་སྣ་ཁོང་ལ་མྱ་ངན་ཞུ།
སྨུག་ཧ་ཅང་གནག་པའི་མཚན་མོ་འདིར
འོད་འཚེར་བའི་མར་མེ་གྲངས་མེད རེ་རེ་བཞིན
སྡིག་རྩུབ་ཀྱི་རླུང་ཁ་ནས་ན་ཟུག་གིས་གཟིམས་སོང
གཞོབ་དྲི་ཁ་བའི་དུ་སྨུག་ནག་པོ་དེ
སུ་ཞིག་གི་ཞེན་ཆགས་བཞིན ད་དུང
སྤང་གཞོངས་དང་རི་སུལ་ཀུན་ལ་ནན་གྱིས་འཁྱིལ་འདུག
ཚེ་སྲོག སྐར་མདའ་ལྟ་བུའི་ཚེ་སྲོག་དེས
མཚན་མོའི་ནམ་མཁའ་འོད་ཀྱིས་གཤགས་ནས་ཡལ་རྗེས
རི་བོའི་མཐོ་ས་ཀུན་ལ་ཁ་བས་བཟུང་ཞིང
ལོ་རྒྱུས་ཀྱི་ཆུ་བོ་ལའང
དུས་དང་མི་འཚམས་པའི་འགྲམ་དར་ཆགས་སོང
ལོ་ཟླ་ཅི་ཙམ་འདས་ཀྱང་ཁྱོད་ནི་ནམ་ཡིན་ཡང
རིགས་བརྒྱུད་ཅིག་གི་ང་རྒྱལ་དང་སྤོབས་པ་ཡིན་པས
ལོ་རྒྱུས་ཀྱིས་ཁྱེད་རང་བརྗེད་མི་སྲིད
ནམ་ཞིག་མ་སྐྱེས་ཨ་མའི་ཇ་ཁང་གི་དབུ་འབྱེད་མཛད་སྒོར
གསར་བརྗེའི་སྙན་ངག་གྱེར་བའི་སྐུ་མགྲོན་དེས
ཁྱོད་རང་ཡང་བསྐྱར་གླེང་ངེས
2014/3/30
བོད་འདི་དམར་ཤོག་གིས་འཕྲོག་རོགས།
གོང་ས་མཆོག་ཁྲི་ལས་ཕབ་མི།
མི་ཚེ་ཏང་ལ་སྐྱེལ་མི།
རྫུན་གཏམ་མེད་འདི་མཚར་ཨང་།
བོད་འདི་དམར་ཤོག་གི་འཕྲོག་རོགས་ཟེར། སྐད་ཆར་ནོར་འཕྲུལ་མི་འདུག
༧གོང་ས་མཆོག་ཁྲི་ལས་ཕབ་མི། སྐད་ཆ་འདིར་དོགས་པ་ཟ་གི་འདུག
མི་ཚེ་ཏང་ལ་སྐྱེལ་མི། དེ་ཡང་བདེན་བྱུང་།
བོད་ཀྱི་མེས་པོ་འབའ་བ་མཆོག་ནི་ང་ཚོའི་༧པཎ་ཆེན་ལགས་ཀྱིས་གྲོགས་པོ་ཡག་ཤོས་ཡིན།
༧གོང་ས་མཆོག་གི་འང་གྲོགས་པོ་ཡིན་པ་མ་ཟད་ཁོང་ནི་རྒྱ་གུང་ཁྲན་ངོ་རྒོལ་གནང་མཁན་དམར་ཤོག་གི་མཁས་ཆེན་འགྲན་ཟླ་དང་བྲལ་བ་དང་། ངས་ཚོད་དཔགས་བགྱིས་པ་ནོར་མེད་ན། བོད་རིགས་ཡོངས་ཀྱི་ནང་ནས་སྤྱི་ཚོགས་རིང་ལུགས་པ་གྲགས་ཤོས་དེ་རེད། མདོར་བསྡུས་ན་སྤྱི་ཚོགས་རིང་ལུགས་ལ་མཁས་པ་གནམ་གྱི་ས་གབ་པ་ལྟ་བུ་དེ་ཡིན། དྲ་འབུ་རང་གིས་ཉོན་དེང་ཕྱིན་ཆད་རྩ་མ་ཟོས་པར་ལྕི་བ་མ་གཏོང་ཨ།