84000དྲྭ་ཐོག་དཔེ་ཀློག་ཁང་དབུ་འབྱེད་གཏམ་བཤད། རྫོང་སར་མཁྱེན་བརྩེ།

Comments (19) on “84000དྲྭ་ཐོག་དཔེ་ཀློག་ཁང་དབུ་འབྱེད་གཏམ་བཤད། རྫོང་སར་མཁྱེན་བརྩེ།”

1. ཧཧཧཧ་་་་་འཛམ་གླིང་འདིར་རྒྱལ་ཁབ་ཉིས་བརྒྱ་སོ་བརྒྱད་ཐམ་པ་ཕུང་གསུམ་པས་གྲངས་ཀ་བརྩིས་རྒྱུ་ཡོད་དམ།

2. ང་ནི་མི་བསོད་དེ་སྐམ་པོ་དེའི་རིགས་ཡིན། འཛམ་གླིང་སྤྱི་ལ་བསམ་བློ་དེ་འདྲ་འཁོར་འཐུབ་ཀྱི་མི་འདུག གལ་སྲིད་བོད་ཀྱི་ནང་བསྟན་ཆོས་གཞུང་འདི་གཞན་ལ་དགོས་མཁོ་ཡོད་ཚེ་ཁོ་རང་ཚོས་ཐབས་ཤེས་གཏོང་གི་རེད། སྔོན་མ་བཙན་པོའི་སྐབས་ནས་བཟུང་སྟེ་བོད་མི་རིགས་ཀྱིས་འགྲོ་གྲོན་ཚད་མེད་བཏང་སྟེ་ནང་བསྟན་འདི་ཚུར་ལེན་བྱས་བ་ཞིག་རེད་མ་གཏོགས་རྒྱ་གར་བས་ཁྱད་དུ་དཀའ་བ་སྤྱད་དེ་བོད་ལ་སྤྲད་བཞག་པ་དེ་འདྲ་མ་རེད། ང་ཚོར་ངོམ་དུ་རུ་བ་གཅིག་རང་ཡོད་པ་ནི་ནང་བསྟན་གྱི་ཆོས་གཞུང་འདི་རེད། འདི་ལ་བརྟེན་ནས་ང་ཚོའི་སྲིད་འབྱོར་རིགས་གསུམ་གྱི་ཁེ་ཕན་ཞིག་ལེན་མ་ཐུབ་ཚེ་ང་ཚོར་ཅི་ཡང་མེད། མ་མཐའ་ཡང་གཞན་གྱི་དགོས་མཁོ་བེད་སྤྱད་དེ་ནང་བསྟན་ཕྱི་འདྲེན་བྱེད་པ་འདིའི་ཚབ་ཏུ་དངུལ་ཙམ་མ་ཡིན་པར་རིགས་གསར་གྱི་གཞུང་ལུགས་མང་པོ་ཞིག་ང་ཚོར་ཚུར་རག་ཐབས་བྱེད་དགོས། ཕར་སྤྲོད་རྐྱང་བྱས་ཚུར་ལག་སྟོང་ལ་འདུག་དགོས་ན་ཕམ་ཁ་རེད། སྐབས་འདིར་ངས་རྒྱ་ནག་གི་རྩོམ་པ་པོ་ལུའུ་ཞུན་གྱི་”ཚུར་ལེན་རང་ལུགས་”ཞེས་བའི་འབོལ་རྩོམ་གཞོབ་དྲི་ཁ་བ་དེ་དྲན་སོང་། ངོ་མ་ང་ཚོ་ཡང་གཞན་གྱི་རྙིགས་རོ་མ་གཏོགས་ལེན་མ་ཐུབ་པའི་ཕམ་ཚོང་བ་དེ་དག་རེད་ཨང་།

3. གང་འདྲ་བསྒྱུར་ཡོད་མེད་ཅི་ཤེས། སྔོན་མ་བོད་པའི་གཞོན་སྐྱེས་ཞིག་གིས་བོད་པའི་བླ་མ་ཞིག་ལ་སྐད་བསྒྱུར་བྱས་པར། བླ་མས་རྫོགས་ཆེན་གྱི་གདམས་པ་ནས་བཤད་པའི་སྒྲོན་མ་དྲུག་གི་སྐོར་ལ་དཔེ་ཁྲིད་གནང་དུས། སྐད་བསྒྱུར་བ་དེ་ཡིས། སྒྲོན་མ་དྲུག་ལ་. Six Tara ཞེས་བསྒྱུར་རེད་ཟེར། ཧཧཧཧ་ཉེན་ཁ་ཆེན་པོ་རེད། འདི་ནའང་འཁོར་གྱིས་ཞུས་པ་ཞེས་པར་quotation ཞེས་བསྒྱུར་འདུག འཁོར་གྱིས་དྲི་བ་དྲིས་པ་མ་རེད། ཡར་དྲི་བ་ཞུས་པ་དང་ཡར་ཞུས་པ་གཉིས་ལ་ཁྱད་པར་ཡོད་རེད། aske ཞུ་བ་ཞུས་པ་ལ་ཟེར། aske དང་quotion གཉིས་ལ་ཁྱད་པར་ཡོད་པ་རེད། གཟབ་གཟབ་མ་གནང་ན། གཡག་རྔ་དཀར་ཤི་སོང་ཟེར་བར། གཡག་ལྔ་ཀར་ཤི་སོང་ཟེར་བར་གོ་ཉེན་ཡོད།

4. ནོར་བུ་རང་ལ་ཡོད་དུས་བདག་པོ་མ་རྒྱབ་ན་ནོར་བུ་མི་ལ་ཤོར་དུས་འགྱོད་ན་ཕྱིས་པ་རེད་ཟེར་བའི་གཏམ་དེ་མིན་ན་སྟབས་ཡག་།

5. བཀའ་བསྟན་རྣམས། གང་གང་ཐུབ་ཐུབ་ཀྱིས་གཞན་སྐད་དུ་བསྒྱུར་དགོས་འདུག གང་ཡིན་ཟེར་ན། དིང་སང་གི་བོད་རིགས་ཚོས་བོ་ཡིག་ཏུ་ཡོད་པའི་བོད་ཆོས་ད་ཕར་ཞོགས། བོད་ཡིག་ཚགས་པར་ཙམ་ཡང་ཀློག་འདོད་བྱེད་བགྱིད་མི་འདུག
   དེས་ན། བཀའ་བསྟན་སུས་བདག་པོ་བརྒྱབས་ན་ཡང་དེ་ལ་རྗེས་སུ་ཡི་རང་བྱས་ནས་ཐུགས་རྗེ་ཆེ་ཞེས། ལབ་ཞོར་དུ། ད་ལྟའི་གངས་རིའི་འཁྲོད་དུ་བོད་པས་ཉར་ནས་བསྡད་ཡོད་ཀྱང་། ད་བོད་རིགས་རྣམས་ནི། དངུལ་ལོར་མ་གཏོགས་མི་དགོས་པ་ཆགས་ནས། སུ་བཀའ་བསྟན་གྱི་བསྟན་འཛིན་ན་ཡང་འཛིན་དུ་ཆུགས་ཞེས་ཞུ་འདོད་འོང་བགྱིད་འདུག་གོ། །།

6. གདོན་མི་ཟ། ghost doesn’t eat . འགྱུར་འདི་འདྲ་མཐོང་མྱོང་ངམ། སྙིགས་དུས་ཀྱི་ལོ་ཙཱ་བ་དག་གིས་འདི་ལྟར་བསྒྱུར་སྲིད།

7. བཀའ་བསྟན་ཨིན་སྒྱུར་གྱི་ལས་གཞི་དེར་མཐའ་གཅིག་ཏུ་ངོ་རྒོལ་ཡོད། མ་གཞི་ནས་གྲགས་སྐམ་བླ་སྤྲུལ་ཕུང་གསུམ་པའི་རིགས་ལ་ལས་དོན་ཡང་ཕུང་གསུམ་པ་ཞིག་མ་གཏོགས་མེད། ཡ་མཚན་པ་ཞིག་ལ། ཕུང་གསུམ་པའི་རིགས་འདི་ཚོར་བོད་ཀྱི་ཐུན་མིན་སྙིང་ནོར་ཐད་ནས་དབང་ཚད་དང་ཤུགས་རྐྱེན་ཡང་ཆེན་པོ་འདུག

   ཨིན་སྒྱུར་ལས་གཞི་འདི་བོད་རང་གི་སྐད་ཡིག་གི་ཚེ་ཐག་ཐུང་དུ་གཏོང་བྱེད་ཀྱི་གཞི་རུ་རིམ་གྱིས་འགྱུར་ཉེན་ཆེ་བ་དང་། བོད་སྐད་ཡིག་སྲུང་སྐྱོབ་ཀྱི་བསམ་བློའི་ནུས་ཤུགས་གཞོམ་བྱེད་ཀྱི་གཟུགས་མེད་མཚོན་ཆ་ལྟ་བུར་ཡང་རིམ་འགྱུར་མི་ཡོང་བའི་ངེས་པ་མེད། རྫོང་སར་མཁྱེན་བརྩེ་ཁོང་ལ་རིགས་ཀྱི་འདུ་ཤེས་དང་ལར་ཞེན་འོག་ནས་བོད་རང་གི་ཐུན་མིན་སྐད་ཡིག་གིས་མཚོན་པའི་རིག་གཞུང་སྲུང་སྐྱོབ་ཐད་ལ་འགན་འཁྲི་ཅི་ཡང་མེད་པ་ཡིན་མི་སྲིད་སྙམ་མོ།

8. སངས་རྒྱས་བསྟན་པའི་བདག་དབང་དེ་སངས་རྒྱས་བསྟན་པའི་རྗེས་བྲང་ཚང་མར་ཡོད། དེར་བརྟེན། སངས་རྒྱས་ཀྱི་གསུང་དབྱིན་ཡིག་དང་སྐད་ཡིག་གཞན་ལ་བསྒྱུར་བ་དེ་རླབས་ཆེན་གྱི་བྱ་བཞག་རེད། རྗེས་སུ་ཡི་རངས་ཀྱི་ཡུལ་རེད། བཀའ་དྲིན་ཆེ།

9. བླ་མས་རྫོགས་ཆེན་གྱི་གདམས་པ་ནས་བཤད་པའི་སྒྲོན་མ་དྲུག་གི་སྐོར་ལ་དཔེ་ཁྲིད་གནང་དུས། སྐད་བསྒྱུར་བ་དེ་ཡིས། སྒྲོན་མ་དྲུག་ལ་. Six Tara ཞེས་བསྒྱུར་རེད་ཟེར། ཧཧཧཧ་ཉེན་ཁ་ཆེན་པོ་རེད།
   ་
   འདི་ལ་ཧ་ལས་པ་གང་ཡང་མེད། བྱང་སེམས་སྤྱོད་ཡུལ་ལམ་བདེན་པ་པོའི་ལེའུ་ན། སྒྲོན་མའི་འོད་བཞིན། ཞེས་པར་སྣར་ཐང་། པེ་ཅིན། སྡེ་དགེ། ལྷ་ས་བཀའ་འགྱུར་ཚང་མ་ན། སྒྲོལ་མའི་ཡིད་བཞིན། སྤར་ཡོད། ལ་དྭགས་ཏོག་མཁར་བྲིས་པ་ན། སྒྲོན་མ། ཞེས་བྲིས་སོ།

10. དངོས་གནས་བྱས་ན་བོན་པོའི་བཀའ་དང་བཀའ་བརྟེན་དེ་ཚོ་བདག་པོ་ཡག་པོ་རྒྱོབས། སྔར་མའི་ཁ་དཔེ་ལ། ཞིམ་ད་བུ་རམ་ཞིམ་ཡོང་། ཟ་ཡུན་རྩམ་པ་རིང་ཡོང་། ཟེར་བ་ཞིག་ཡོད་ལེ་རེད་ད། ཕྱི་རྒྱལ་གྱི་དཔེ་མཛོད་ཅིག་ནས་དཔེ་ཆ་ཞིག་གཡར་དགོས་ན་ངོ་མ་དཀའ་མོ་འདུག་ད། རིན་དགོང་ཆེན་པོ་མ་སྤྲད་ན་ཤོག་ལྡེབ་གཅིག་ཀྱང་མི་གཡར་ཐག་ཆོད་རེད། ང་ནི་རྣམ་རྟོག་འདྲ་ཟ་སོང་། བོད་པའི་བླ་མ་ཚོ་ནི་ཕྱི་རྒྱལ་བ་ཞིག་སླེབས་སོང་ན་མར་འདྲ་པོ་ཆ་ཚང་ཞུ་འགྲོ་ཡི་འདུག་དེ་འདྲ་དངོས་གནས་ག་འདྲ་ཡིན་ནམ་ལགས། །

11. རྒན་ལ་དྭགས་པ་ལགས་ལ་ཞུ་དོན།
    རྫོགས་ཆེན་གྱི་གདམས་པ་ནས་བཤད་པའི་སྒྲོན་མ་དྲུག་ནི་
    གནས་པ་གཞི་ཡི་སྒྲོན་མ།
    ཙི་ཏ་ཤ་ཡི་སྒྲོན་མ།
    དཀར་འཇམ་རྩ་ཡི་སྒྲོན་མ།
    རྒྱང་ཞགས་ཆུ་ཡི་སྒྲོན་མ།
    ཞིང་ཁམས་ངོ་སྤྲོད་ཀྱི་སྒྲོན་མ།
    བར་དོ་དུས་ཀྱི་སྒྲོན་མ་བཅས་དྲུག་ཡིན་ཅིང།
    དེ་ཚོ་ལ་Tara ཟེར་ན་འགྲིག་གམ། Tara ཟེར་བའི་དོན་གང་ལ་འགྲེལ། ལ་དྭགས་ལ་དྭགས་ཟེར་ནས་ཐམས་ཅད་རང་ངོ་དང་མཐུན་པར་བྱེད་དགོས་དགོངས་པ་དེ་ཡ་མཚན་རེད།

12. སངས་རྒྱས་ཀྱི་གསུང་དྲི་མ་མེད་པ་བོད་ཡིག་ནང་ཡོད་པ་དེ་ཕྱིའི་རྒྱལ་ཁབ་གཞན་གྱི་སྐད་ཡིག་ནང་བསྒྱུར་བ་དེ་ནང་བསྟན་
    དར་སྤེལ་ལ་འགྲོ་གི་ཡོད་དམ་བོད་ཡིག་ཉམས་ཆགས་འགྲོ་བའི་སྔ་ལྟས་མིན་ན་སྟབས་ཡག་།

13. རྒྱ་གར་ལེགས་སྦྱར་གྱི་སྐད་དམ། སནྶཀྲིཏ་སྐད་ཀྱང་སྐད་སྙིང་དུ་ཚུད་ཀྱང་། དུས་ད་ལྟ་ཡང་མཁས་པ་ཆགས་པ་ལ། ལེགས་སྦྱར་མ་སྦྱངས་ན་མི་སྒྲིག་མཐོང་བའི་དུས་འདིར། མ་འོངས་པར་ལོ་བརྒྱ་ཕྲག་མང་པོའི་བར། བོད་སྐད་དུ་ཡོད་པའི་ནང་ཆོས་མཐར་ཕྱིན་ཤེས་པ་ལ་ཡང་། བོད་སྐད་དང་བོད་ཡིག་མ་སྦྱངས་རང་སྦྱང་ཆགས་འགྲོ་བགྱིད་ཡོད་རེད།
    དེས་ན་ནང་ཆོས་ཤེས་པར་བཀའ་བསྟན་ཨིན་སྐད་སོགས་སུ་བསྒྱུར་ན་ཕན་པ་ལས། གནོད་པ་མི་སྲིད་ཀྱང་། བོད་པས་བོད་སྐད་མ་ཤེས་ན་ད་ག་རེ་བྱས། བོད་རིགས་ཀྱིས་བོད་ཡིག་མ་སྦྱངས་ན་ད་ག་རེ་བྱེད་དགོས་རེད། བོད་པས་བོད་ཆོས་ལ་མ་དད་ན་ད་ག་རེ་བྱེད་ག་རེ་བྱེད་དགོས་རེད། ལགས།

14. གནའ་བོའི་མེས་པོ་ཚོས་དཀའ་བ་ཁྱད་དུ་བསལ་པ་དང་གསེར་དངུལ་སོགས་ཀྱི་འགྲོ་སོང་དང་།མཐའ་ན་སྲོག་གི་འགྲོ་སོང་ཚུན་ཆད་ནས་བཏང་ཏེ་གཞན་གྱི་རིག་གནས་ནང་འདྲེན་བྱས་ཤིང་། ད་ལྟའི་མི་རབས་འདིའི་བླ་ཆེན་ང་ཡིན་དང་སྤྲུལ་སྐུ་ང་ཡིན་ཟེར་བ་ཚོས་ད་བར་ཉམ་ཆུང་གི་མི་རིགས་འདིས་ཁོ་ཚོར་ལྟོ་སྤྲད་ཅིང་ལུས་ངག་ཡིད་གསུམ་ཕུལ་ན་ཡང་། ད་ལྟ་རྒྱལ་ཁབ་འཇིག མི་རིགས་འདིས་འཛམ་གླིང་གི་ཡུལ་གང་སར་སྐྱབས་བཅོལ་ཡོད་པས། ཁོ་ཚོས་ཉམ་ཆུང་གི་མི་རིགས་འདི་ལས་ཕྱི་གླིང་གི་མི་རིགས་ཀྱིས་ཁེ་ཕན་མང་དུ་བསྐྲུན་པ་བསམ་པའམ། མ་འོངས་བའི་ཡང་སྤྲུལ་མགོ་སེར་ནང་སྐྱེས་པའམ་གདུལ་བྱ་ཕྱི་གླིང་བར་དམིགས་ནས་མི་རིགས་འདིའི་རིག་གཞུང་ཉིང་བཅུད་ཕྱི་ཡིག་ཏུ་བསྒྱུར་ནས་བཙོང་བཞིན་འདུག འདི་ནི་ཁོ་ཚོ་ལ་མཚོན་ན་ཁེ་སྤོགས་དེ་ལས་ཆེ་བ་ཞིག་གང་ན་ཡོད།
    དེ་ལས་ལབ་རྩེ་དཔེ་མཛོད་ཁང་གིས་ཕྱི་རྩོམ་བོད་འགྱུར་མ་བརྒྱ་རྩ་བརྒྱད་ཀྱི་ལས་འཆར་ལ་སེམས་སྟེང་ནས་ཡིད་སྨོན་སྐྱེས་ཤིང་བོད་ཀྱི་དེང་རབས་རིག་གནས་ལ་མཛད་རྗེས་མི་དམན་པ་བཞག་འདུག

15. བོད་པས་བོད་སྐད་མ་ཤེས་བོད་པས་བོད་སྐད་མ་སྦྱང་བོད་པས་བོད་ཆོས་ལ་མ་དད་ན་བྱེད་རྒྱུ་ཡོད་པ་མ་རེད། དུས་ཀྱིས་འགྱུར་སོང་བ་རེད། བོད་པས་རང་གི་ཕ་མྱེས་ཀྱི་ཆོས་དང་བླ་མ་ལྷ་སོགས་རྒྱབ་ཏུ་དོར་མྱངས། ད་དུང་བོད་པ་ཚོ་འགྱུར་འགྲོ་གི་རེད། བོད་པས་བོད་པའི་ཆོས་མེ་ལ་བསྲེག་ཆུ་ལ་བསྐུར་མྱོངས་བྱེད་རྒྱུ་གང་ཡོད་ད་དུང་དེ་འདྲ་བྱེད་སྲིད། ཉི་ཟླ་ལ་འཆར་ནུབ་སྲིད་པ་བཞིན་བོད་པའི་ཆོས་དང་སྐད་ཡིག་ལའང་དར་ནུབ་སྲིད་པ་རེད་ཧ་ལས་རྒྱུ་འདུག་གམ།

16. ཁྱུང་སེ་ལེགས་ཀྱི་རྫོགས་ཆེན་གྱི་གདམས་པ་ནས་བཤད་པའི་སྒྲོན་མ་དྲུག་གི་ངོ་སྤྲོད་ལ་བཀའ་དྲིན་ཆེ། ཙི་ཏ་ཤ་ཡི་སྒྲོན་མ། ཙི་ཏ། ཞེས་པའི་དོན་དག་གང་ཡིན་ནམ།

    སྒྲོན་མ་འོད་བཞིན་བྱང་ཆུབ་སྤྱད་པ་སྤྱོད།
    ་
    ཅེས་སོགས་རྣམ་རྟོག་མེད་པ་ཡིན་ན། རྫོགས་ཆེན་གྱི་ལྟ་བ་ཡིན། སྒྲོན་མ་Tara སྟེ། ལྷ་མོ་སྒྲོལ་མ་ལ་ཟེར་ན། མི་འགྲིག སྣར་ཐང་བཀའ་འགྱུར་སོགས་ན་ལྷ་མོ་སྒྲོལ་མ་ལ་གོ་བ་ལྟ་བུ་མཆིས། གཅིག་ནོར་ན། བརྟག་དཔྱད་མེད་པར་ནོར་འཁྲུལ་དེ་ཉིད་ལ་དག་པར་སེམས་མཁན་མང་པོ་ཡོད། དཔེར་ན། ལྡང་ལ་འདང་ཟེར་བ་ལྟ་བུའོ། ལ་དྭགས་ཞེས་པ་བྱེ་བྲག་གི་མིང་སྤྱི་ལ་བཏགས་ཤིང་མ་དག་རྒྱུན་འབྱམས་སུ་སོང་བ་ཞིག་ཡིན།
    པཎ་ཆེན་བློ་བཟང་ཡེ་ཤེས་ཀྱིས། ལ་འཐགས། ཞེས་བྲིས་ཡོད་པ་དྲན་ནོ།

17. ཙི་ཏ་ཤ་ཡི་སྒྲོན་མ་ཟེར་བ་ནི་གནས་ལུགས་རང་བྱུང་ཡེ་ཤེས་འཆར་བའི་གཞི་རེད། དེ་ལ་ཏཱ་ར་ཟེར་ན་འགྲིག་གམ། ཏཱ་ར་དང་འབྲེལ་མེད་དོན་གཞན་རེད།

18. ཙིཏ་ནི་སྙིང་གི་སྐད་དོད་དེ། ཙིཏ་ཤ་ཡི་སྒྲོན་མ་ནི་ དེ་ན་གནས་པའི་རང་བྱུང་གི་ཡེ་ཤེས་འཆར་གཞི་འོད་རྩ་ཞིག་ལ་གོ རྫོགས་ཆེན་འདི་གསང་སྔགས་ཐམས་ཅད་ཀྱི་རྐྱལ་པོའམ་བླ་ན་མེད་པ་དེ་ཡིན་པའི་རྒྱུ་མཚན་གྱིས་མ་ཡིན་ནམ། རྗོད་བྱེད་ཚིག་ལའང་དཔེར་ན། མིག་ལ་རྒྱ་མཚོ་དང་། ཀླད་པ་ལ་དུང་ཁང་། སྙིང་ལ་ཙིཏ་ཟེར་བ་སོགས་གབ་ཅིང་སྦས་པ་མང་པོ་འབྱུང་ངོ་།

19. ཙིཏྟ། ཞེས་པ་ལེགས་སྦྱར་སྐད་ཡིན། སེམས་ཀྱི་སྐད་དོད་དུ་སྣང་། དེ་ཡང་བསགས་པའི་དོན་ཡིན་པར་བོད་དཔེ་ཞིག་ན་བྲིས་པར་མཐོང་། ལེགས་སྦྱར་སྐད་དོ། ཙི་ ཙ་ཡ་ནེ། ཞེས་པ་ཞིག་དྲན་ཏོ།