༄༅། ། ཕྱི་ལོ ༡༩༩༧ ཟླ ༩ ཚེས ༡༨ ཉིན་བོད་མི་མང་སྤྱི་འཐུས་ལྷན་ཚོགས་ཀྱིས་” ༧གོང་ས་སྐྱབས་མགོན་ཆེན་པོས་རྒྱལ་སྤྱི་དང་རྒྱལ་ནང་གི་གནས་བབ་ལ་གཟིགས་ཏེ་དུས་ནས་དུས་སུ་ཐག་གཅོད་མཛད་གནང་ཡོང་བ་དང། ༧གོང་ས་སྐྱབས་མགོན་ཆེན་པོས་ཐག་གཅོད་གང་གནང་ལ་མང་མོས་ཐག་གཅོད་འོས་བསྡུའི་ལམ་ནས་ཐག་གཅོད་བྱུང་བ་དང་གཅིག་གྱུར་བརྩི་རྒྱུ་ཡིན“་པའི་སྤྱི་མོས་གྲོས་ཆོད་བཞག་པ་བཞིན། ༡༩༩༨ ལོའི་གསུམ་དུས་གསུང་འཕྲིན་ནང་༧གོང་ས་ཆེན་པོས་གཉིས་སྨན་དབུ་མའི་ལམ་གྱི་སྲིད་བྱུས་འགྱུར་མེད་དམ་འཛིན་གནང་རྒྱུ་ཡོངས་བསྒྲགས་གནང་ཡོད་སྟབས། ཉིན་མོ་འདི་དབུ་མའི་ལམ་གྱི་མི་མང་ལས་འགུལ་ཁང་གིས་“དབུ་མའི་ལམ་གྱི་ཉིན་མོར་”གཏན་འབེབས་ཀྱིས་ལོ་བསྟར་ཆགས་སུ་སྲུང་གཙི་ཞུ་བཞིན་ཡོད་པ་ལྟར། འདི་ལོའི་དབུ་མའི་ལམ་གྱི་ཉིན་མོ་སྲུང་བརྩིའི་མཛད་སྒོ་༧སྐུ་བཅར་ཕན་བདེ་ལེགས་བཤད་གླིང་གི་ཐེག་ཆེན་ཆོས་གླིང་གཙུག་ལག་ཁང་གི་ཆོས་རྭར་ཉིན་གཉིས་སྔ་བསྣུར་གྱིས་ཕྱི་ཚེས ༡༦ རེ་གཟའ་ཉི་མའི་སྔ་དྲོ་ཆུ་ཚོད ༡༠།༣༠་ཚོགས་གཏན་འཁེལ་བ་ལགས་ན། དེ་ཉིན་རྡ་སར་གནས་འཁོད་སེར་སྐྱ་མི་མང་རྣམས་ཆུ་ཚོད ༡༠ འགྱང་མེད་གཙུག་ལག་ཁང་དུ་མཛད་སྒོར་མཉམ་ཞུགས་གནང་སྐྱོང་ཡོང་བ་དང་མཛད་རིམ་རྣམས་ཟུར་འཛར་ལྟར་ཡིན་པ་བཅས།།
དབུ་མའི་ལམ་གྱི་ཉིན་མོ་སྲུང་བརྩིའི་མཛད་རིམ་གཤམ་གསལ།
༡ ཆུ་ཚོད ༡༠། ༤༥ སྟེང་སྐུ་མགྲོན་རྣམས་བཞུགས་གནས་སུ་འཁོད་རྒྱུ།
༢ ཆུ་ཚོད ༡༠། ༥༠ སྟེང་སྐུ་མགྲོན་གཙོ་བོ་དཔལ་ལྡན་བཀའ་ཤག་གི་སྐུ་ཚབ་ནང་སྲིད་བཀའ་བློན་རྒྱ་རི་སྒྲོལ་མཆོག་དང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག དམིགས་བསལ་སྐུ་མགྲོན་བཀའ་ཟུར་ཐུབ་བསྟན་ལུང་རིགས་བཅས་གདན་འདྲེན་ཞུ་རྒྱུ།
༣ སྐུ་མགྲོན་གཙོ་བོ་རྣམ་གཉིས་ཀྱིས་༧གོང་ས་སྐྱབས་མགོན་ཆེན་པོའི་སྐུ་པར་མཐོང་བ་ཀུན་གྲོལ་མཆོག་ལ་མཇལ་དར་འབུལ་རྒྱུ།
༤ བོད་བསྟན་སྲིད་མི་རིགས་ཆེད་རང་སྲོག་བཏང་བའི་ཞིང་གཤེགས་དཔའ་བོ་དཔའ་མོ་རྣམས་ཀྱི་ཆེད་དུ་མྱ་ངན་ངག་བཅད་སྐར་མ་གཅིག་རིང་ཞུ་རྒྱུ།
༥ དབུས་བོད་མིའི་སྒྲིག་འཛུགས་ཟློས་གར་ཚོགས་པ་ནས་བདེན་ཚིག་སྨོན་ལམ་གསུང་འདོན་གནང་རྒྱུ།
༦ དབུ་མའི་ལམ་མི་མང་ལས་འགུལ་ཁང་གི་སྤྱི་ཁྱབ་འགན་འཛིན་ལས་རོགས་བློ་བཟང་ཆོས་འབྱོར་ལགས་ནས་དབུ་མའི་ལམ་གྱི་ཉིན་མོའི་གཏམ་བཤད་གནང་རྒྱུ།
༧ དམིགས་བསལ་སྐུ་མགྲོན་བཀའ་ཟུར་སྤྱི་འཐུས་ཐུབ་བསྟན་ལུང་རིགས་མཆོག་ནས་གཏམ་བཤད་གནང་རྒྱུ།
༨ སྐུ་མགྲོན་གཙོ་བོ་དཔལ་ལྡན་སྤྱི་འཐུས་ཚོགས་གཙོ་མཆོག་ནས་གཏམ་བཤད་གནང་རྒྱུ།
༩ སྐུ་མགྲོན་གཙོ་བོ་དཔལ་ལྡན་བཀའ་ཤག་གི་སྐུ་ཚབ་ནང་སྲིད་བཀའ་བློན་རྒྱ་རི་སྒྲོལ་མ་མཆོག་ནས་གཏམ་བཤད་གནང་རྒྱུ།
༡༠ རྩོམ་པ་པོ་གླིང་ཚ་ཚེ་བརྟན་རྡོ་རྗེ་ལགས་སུ་ཞི་བའི་འཐབ་རྩོད་པའི་གཟེངས་བསྟོད་འབུལ་རྒྱུ།
༡༡ འཆར་ཅན་གྱི་གཞས་སྣ་ཕྱིར་བསྡུ་དང་འབྲེལ་རྟེན་འབྲེལ་མཚོན་བྱེད་དབུས་བོད་མིའི་སྒྲིག་འཛུགས་ཟློས་གར་ཚོགས་པ་ནས་༼ དབུ་མའི་ལམ་༽ཞེས་པའི་མཉམ་གཞས་གཟིགས་འབུལ་ཞུ་རྒྱུ།
༡༢ གཞས་མ་གྲགས་ཅན་བཀྲས་མཐོང་ཆོས་སྐྱིད་ལགས་ནས་༧རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་ཆེད་དང་བོད་ཀྱི་རང་དབང་ཆེད་རང་སྲོག་བཏང་བ་ཡོངས་ཀྱི་ཆེད་མ་ཎི་གདངས་དབྱངས་སུ་གྱེར་ནས་རྗེས་དྲན་ཞུ་རྒྱུ།
༡༣ གཞས་པ་གདུག་བྷེ་ལགས་ཀྱིས་༼ བོད་ཀྱི་བདེན་དོན་༽ཅེས་པའི་མྱ་ངན་གླུ་གཞས་གཏོང་རྒྱུ།
༡༤ ཨ་རིག་འགྱུར་མེད་ལགས་ཀྱིས་༼ གདུང་ཚོར་དྲག་པོས་ཁྱེད་ལ་མྱ་ངན་ཞུ ༽ཞེས་པའི་སྙན་ངག་གྱེར་འདོན་གནང་རྒྱུ།
༡༥ དབུ་མའི་ལམ་མི་མང་ལས་འགུལ་ཁང་གི་དབུས་རྒྱུན་ལོ་རྒྱུས་ཉམས་ཞིབ་པ་འགུ་ལོག་དམ་ཆོས་དཔལ་བཟང་ལགས་ནས་ཐུགས་རྗེ་ཆེ་ཞུའི་གཏམ་བཤད་གནང་རྒྱུ།
དབུས་དབུ་མའི་ལམ་མི་མང་ལས་འགུལ་ཁང་གིས། ༢༠༡༢། ༩། ༡༢། ཉིན།
དབུ་མའི་ལམ་ལས་འགུལ་ཁང་དེ་ཆབ་སྲིད་ཀྱི་དགོས་དབང་མ་ཡིན་པར་དོན་དམ་གྱི་ལས་འགུལ་ཁང་ཞིག་ཆགས་པའི་རེ་བ་དང་ཡིད་ཆེས་བསྟན་པོ་ཡོད།
སྔ་རྗེས་སུ་གླིང་ཚའི་ཆེད་དུ་ཤ་ཚ་མདོག་དང་ལས་དོན་བྱས་མདོག་གིས་གླིང་ཚ་ལ་ཞབས་འདེབས་བྱུང་དངུལ་ནས་འགྲོ་སོང་ལེན་གྱི་ཡོད་པའི་ཤར་ཕྱོགས་ཁུག་རྟ་(་རྨོངས་རུ་བསྟན་པའང་ཚུད་ཡོད)ད་དུང་ཡང་། གླིང་ཚའི་ཞབས་འདེབས་ནས་ཕྱིར་ཁོང་ལ་གཟེངས་རྟགས་འབུལ་རྒྱུ་ཡིན་ནམ། ཡང་ན་་་་ད་དུང་གཅིག་པུར་མིང་དོན་མཚུངས་པའི་ལས་ཀ་ཞིག་བྱས་ཀྱི་ཡིན། ངོ་མ་འདྲ་ཆགས་ཀྱི་འཁྲབ་སྟོན་ཆེད་དུ་རྒྱུ་ལས་བློ་མིག་ཟེར་བ་ལོང་བ་འདི་ཅི་ཞིག་གི་གནད་སྨིན་ཡིན་ནམ།