ཆང་སྐྱེས།
དགུན་ནམ་ཟླ་རི་བོ་རྩེ་ནས་སླེབས།།
སྡོང་ལོ་མ་ཙག་གིས་ཁྱེར་དུས་རེད།།
རོགས་ཆུང་ལོ་བྱུ་རུ་རྣ་ཏོག་ཅན།།
མིག་ཆུ་མ་ཤོར་བའི་གཞི་མ་རེད།།
ས་ཐག་རིང་གཞན་ཡུལ་ལུང་པ་རེད།།
སྐྱིད་མེད་ལ་སེམས་པ་གྲང་མོ་རེད།།
སྦྲ་རོགས་འདབས་ཀྱི་ཆུང་འདྲིས་རོགས།།
དྲན་དང་ན་སེམས་ཀྱི་གཏིང་ཞིག་རེད།།
རོགས་ཆུང་ལོ་སྙིང་གི་ཕྱེད་ཀ་ཡིན།།
སེམས་བསམ་པའི་གཉི་གའི་བར་ན་ཡོད།།
ཞེ་སྣང་བ་གསེར་གྱི་དར་སྐུད་འདི།།
ཆད་འགྲོ་བའི་བསམ་པ་ང་ལ་མེད།།
འབྲི་ཐུལ་མ་བཞོ་བའི་སྙིང་སྡུག་མ།།
དུས་རྟག་ཏུ་དྲན་པའི་ཀློང་ན་འཛུམ།།
ཆུང་བྱིས་པ་དུས་ཀྱི་རྩེད་རོགས་མ།།
བརྗེད་མི་ཐུབ་གངས་དཀར་སེམས་ན་ཡོད།།