༧རྒྱལ་བ་རིན་པོ་ཆེ། ཁྱོད་སྐུ་ཚེ་ཞབས་པད་བརྟན་པར་ཤོག
༧རྒྱལ་བ་རིན་པོ་ཆེ། ཁྱོད་སྐྱེ་འཆི་ལ་རབ་དབང་མངའ་ཨེ་ཡོད།
ཁྱོད་སྐྱེ་འཆི་ལ་རང་དབང་མངའ་མེད་ན།
ངའི་གསོལ་འདེབས་འདིའང་དོན་གྱིས་སྟོང་འདུག
རྒྱལ་བ་རིན་པོ་ཆེ། ཁྱོད་སྐྱེ་འཆི་ལ་རང་དབང་མངའ་ཡོད་པར་ཤོག
ངས་འདི་ལྟར་གསོལ་བ་འདེབས་པར་རྒྱུ་མཚན་གཅིག་ལས་མེད།
བོད་ནང་གི་ཁ་རྒན་གཞོན་ཚང་མས།
ཁྱེད་བོད་ལ་ཕེབས་པར་སྒུག་འདུག
ལོ་ལོན་ཚོས་མ་ཤི་སྔོན་ཅིག་མཇལ་ན་བསམ་གོ་གི
གཞོན་པ་ཚོས་གསོན་པའི་རིང་ཅིག་རིག་ན་བསམ་གོ་གི
ས་ཆ་གང་ཞིག་ལ་ཕྱིན་ན།
རྒྱལ་བ་རིན་པོ་ཆེ། ནམ་ཕེབས་རྒྱུ་རེད།?
རྒྱལ་བ་རིན་པོ་ཆེ། ནམ་ཕེབས་རྒྱུ་རེད།?
རྒྱལ་བ་རིན་པོ་ཆེ། ཁྱོད་སྐུ་ཚེ་ཞབས་པད་ཅིག་བརྟན་དགོས་གི
ལྷ་ངོ་མི་ངོ་ཐུག་ནས།
ལྷ་ངོར་ཉི་མ་ཤར་ཤོག
མི་ངོར་་འཛུམ་མདངས་རྒྱས་ཤོག
སྐུའི་འཁྲུངས་སྐར་ལ་དགའ་གུས་རྟེན་འབྲེལ་ཞུ།
འོ་ད་ངས་སེམས་སྟེང་གི་ཚོར་བ་ཟེར་ན་ཇི་འདྲ་ཞིག་ཡིན་པ་ཧ་གོ་སོང་། ངས་ཞབས་བརྟན་གསོལ་འདེབས་མང་པོ་བཏོན་མྱོང་། རྙིང་མའི་བླ་མ་ཚོས་རྩོམ་པའི་ཞབས་བརྟན་གསོལ་འདེབས་བཏོན་མྱོང་། དགེ་ལུགས་པའི་བླ་མ་ཚོས་རྩོམ་པའི་ཞབས་བརྟན་གསོལ་འདེབས་བཏོན་མྱོང་། མང་པོ་མང་པོ་བཏོན་མྱོང་། ཡིན་ན་ཡང་མི་ཆུ་བཞུར་མ་མྱོང་། གོང་གི་ཞབས་བརྟན་གསོལ་འདེབས་འདི་འདོན་སྐབས་སུ་མི་ཆུ་བཞུར་སོང་། ༧ རྒྱལ་བ་རིན་པོ་ཆེ་སྐུ་ཚེ་འཕེལ་བར་སྨཽན།།
གཞོན་ནུ་ཟླ་མེད་ཀྱིས་གོ་རེ་བཟོ་གི་བཟོ་གི
གོ་རེའི་སྟེང་ལ་མིག་ཆུའི་ཐིགས་པ་གཅིག་འཐོར་འདུག
དྭངས་གཙང་ལྷད་མེད་ཀྱི་མིག་ཆུའི་ཐིགས་པ་དེ།
ཁོང་ཚང་སྐུ་ཚེ་བརྟན་པའི་རྒྱུ་རུ་འགྱུར་བར་ཤོག
་་ ༧ རྒྱལ་བ་རིན་པོ་ཆེ་སྐུ་ཚེ་འཕེལ་བར་སྨཽན།།་་
ཞེས་པའི་སྨོན་ཚིག་དེས།
མིག་ཆུའི་ཐིགས་པ་དེའི་ལྗིད་ཚད་མི་ལོངས་པ་འདྲ།
ངའི་དག་སྣང་དུ།
རྒྱལ་བ་རིན་པོ་ཆེས
ཁྱེད་ཀྱི་ཕ་ཡུལ་དུ་
ཁྱེད་ཀྱི་ཕ་ཡུལ་གྱི་གོ་རེ་རྣམ་གྲངས་མང་པོ་དེ་མཆོད་བཞིན་པ་མཐོང་སོང་།
ཨ་ཁུ་གཞོན་ནུ་ཟླ་མེད་ཀྱིས། །
དེ་རིང་རྒྱལ་བའི་འཁྲུངས་སྐར་ལ། །
མིག་ཆུའི་མེ་ཏོག་རྐང་གཅིག་གིས། །
མཆོད་པའི་བསོད་རྣམས་གང་གིས་མཚོན། །
ཨ་ཁུ་གཞོན་ནུ་ཟླ་མེད་ཀྱིས། །
དེ་རིང་རྒྱལ་བའི་འཁྲུངས་སྐར་ལ། །
མིག་ཆུ་མེ་ཏོག་དཀར་བོ་གཅིག །
མཆོད་པའི་བསོད་རྣམས་འབྱམས་སུ་ཀླས། །
ཡང་ན་་
བླ་རྒན་འཁོར་བའི་ཉམས་མྱོང་ཅན། །
དེ་རིང་པ་ལེབ་བཟོ་སྟངས་སོགས། །
མ་གླེང་ངུས་ནས་འདུག་པ་འདིས། །
འཁོར་བར་ངེས་འབྱུང་སྐྱེས་པ་འདྲ། །