ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
དུས་ཀྱི་འགྱུར་བ་དང་སྤྱི་ཚོགས་ཀྱི་འཕེལ་རིམ་རྒྱལ་སྤྱིའི་གནས་བབ་སོགས་ལ་ང་ཚོའི་འགན་འཁུར་ནས་མདུན་བསྐྱོད་བྱ་དགོས་པ་དེ་འཛམ་གླིང་སྤྱི་དང་མཐུན་པ་ཞིག་ཡིན་པ་དང་མང་གཙོའི་སྒྲིག་འཛུགས་ནང་དྲང་བདེན་དང་འདྲ་མཉམ་ཕྱི་གསལ་ནང་གསལ་ཁྲིམས་ཀྱི་དབང་བསྒྱུར་དེ་ཚོ་ལས་གལ་ཆེ་བ་མེད་པ་དང་མང་གཙོའི་སྒྲིག་འཛུགས་ནང་དེ་ཚོ་མེད་ན་མང་གཙོའི་སྒྲིག་འཛུགས་རྒྱུན་རིང་འཚོ་མི་ཐུབ་པ་དེང་སྐབས་འཛམ་གླིང་ཤར་ནུབ་ཀྱིས་ལུང་པ་མང་པོའི་ནང་མི་གསོད་ཁྲག་སྦྱོར་གྱི་གནས་ཚུལ་ཉིན་ལྟར་གསར་འགྱུར་རྒྱུད་ལམ་ནས་ང་ཚོའི་མིག་མདུན་དུ་འཆར་ཡོང་བ་ནས་ང་ཚོའི་ཤེས་ཐུབ་པ་དང་མང་གཙོའི་གཞུང་གི་རྒྱལ་ནང་གི་སྲིད་བྱུས་དང་ཕྱི་འབྲེལ་གྱི་སྲིད་བྱུས་ དཔལ་འབྱོར་གྱི་སྲིད་བྱུས་ཤེས་ཡོན་སློབ་ཁྲིད་ཀྱིས་སྲིད་བྱུས་ འཕྲོད་བསྟེན་སློབ་གསོའི་སྲིད་བྱུས་ རྒྱལ་སྲུང་བདེ་འཇགས་ཀྱི་སྲིད་བྱུས་ ཆོས་རིག་སྲུང་སྐྱོབས་གྱི་སྲིད་བྱུས་ འཁོར་ཡུག་སྲུང་སྐྱོབས་ཀྱི་སྲིད་བྱུས་སོགས་དྲང་བདེན་དང་འདྲ་མཉམ་ཕྱི་གསལ་ནང་གསལ་ཁྲིམས་ཀྱི་དབང་བསྒྱུར་འོག་ཏུ་གནས་དགོས་པ་ནི་དུས་རབས་ཉེར་གཅིག་གི་འཛམ་གླིང་སྤྱིའི་མང་གཙོའི་གྲལ་དུ་ང་ཚོ་ཡང་སླེབ་་དགོས་པ་ནི་བོད་མི་རིགས་ལ་བསམ་ན་ཤིན་ཏུ་ནས་གལ་ཆེན་དོན་ཆེན་ཞིག་ཡིན་པ་དང་བཙན་བྱོལ་སྤྱི་ཚོགས་ནང་༸གོང་ས་མཆོག་ནས་མང་གཙོའི་སྒྲིག་འཛུགས་བཙུག་ནས་བཅའ་ཁྲིམས་ལེའུ་གཉིས་པ་ གཞི་རྩའི་ཐོབ་ཐང་དང་ལས་འགན་ དོན་ཚན་དགུ་པ་ ཁྲིམས་ཀྱི་མདུན་སར་འདྲ་མཉམ་ཟེར་བའི་ནང་ བོད་ཀྱི་ཡུལ་མི་ཚང་མ་ཁྲིམས་ཀྱི་མདུན་སར་འདྲ་མཉམ་ཡིན་ ཕོ་མོ་དང་ རིགས་རུས་ སྐད་ཡིག་ ཆོས་ལུགས་ སེར་སྐྱ་ དབུལ་ཕྱུག་ སྐྱེས་ཡུལ་ སྤྱི་ཚོགས་ཀྱི་འབྱུང་ཁུངས་ གོ་གནས་ གནས་སྟངས་ གཞན་དག་བཅས་ཀྱི་ཐོག་ནས་དབྱེ་འབྱེད་མེད་པར་ལེའུ་འདིར་འཁོད་ཀྱི་ཐོབ་ཐང་ཁག་ལ་ལོངས་སུ་སྤྱོད་ཆོག་པ་ཡིན་ཅེས་གསལ་བ་ནས་བཅའ་ཁྲིམས་ལ་ང་ཚོའི་འགན་ཁུར་ནས་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་སྲིད་སྤྱི་གཉིས་ཀྱི་འོས་བསྡུའི་ལས་རིམ་ལ་ཆ་ཤས་ལེན་དགོས་པ་དེ་མང་གཙོའི་ཐོབ་ཐང་ཆེ་ཤོས་དེ་ཡིན་པ་དང་ ལྷག་དོན་དུ་དུས་ཀྱི་འགྱུར་བའི་འོག་དེང་དུས་སྤྱི་ཚོགས་ཀྱི་འཕེལ་རིམ་དང་ རྒྱལ་སྤྱིའི་གནས་བབ་ མི་མང་གི་མངོན་འདོད་ ཕོ་མོ་འདྲ་མཉམ་གྱི་འགན་ཁུར་སོགས་ལ་ང་ཚོའི་ཕྱི་མིག་བལྟ་སྐབས་འདས་པའི་བཙན་བྱོལ་སྤྱི་ཚོགས་ནང་སྐྱ་སེར་གཉིས་ནས་བཀའ་ཁྲི་འམ་སྲིད་སྐྱོང་གི་འགན་དབང་བཞེས་ནས་བཙན་བྱོལ་སྤྱི་ཚོགས་ཀྱིས་འཚོ་བའི་ལས་དོན་ཁག་ལ་བཟང་ཕྱོགས་དང་ངན་ཕྱོགས་ཀྱི་སྒྲུབ་འབྲས་ག་རེ་བཞག་ཡོད་མེད་དང་ལྷག་དོན་དུ་བོད་རྒྱའི་འབྲེལ་ལམ་དང་ཆོལ་གསུམ་བོད་མིའི་ཆིག་སྒྲིལ་ལ་ལེགས་སྐྱེས་ཀྱིས་འགན་ཁུར་གང་དང་གང་གནང་ཡོད་མེད་སོགས་བཙན་བྱོལ་བོད་མིའི་སྒྲིག་འཛུགས་ཀྱི་ལོ་རྒྱུས་དེབ་ཐེར་ནང་འཁོད་པ་ནས་གསལ་རྟོགས་ཐུབ་རྒྱུ་དང་བཀའ་ཁྲི་འམ་སྲིད་སྐྱོང་གི་ལས་འགན་ཆེ་ཤོས་དེ་བཅའ་ཁྲིམས་དོན་ཚན་བཅོ་ལྔ་ནང་འཁོད་པའི་བོད་དོན་བདེན་མཐའ་གསལ་ཐབས་ དང་ བཙན་བྱོལ་བའི་སྤྱི་ཚོགས་བདེ་ཐབས་དེ་ཡིན་པ་དང་རྗེས་ལོའི་སྲིད་སྐྱོང་ལ་བུད་མེད་སླེབ་དགོས་པ་དེ་ཕོ་མོ་འདྲ་མཉམ་ཟེར་བའི་ཐ་སྙད་རྫིག་པོ་དེ་བཙན་བྱོལ་བོད་མིའི་བཅའ་ཁྲིམས་ནང་འཁོད་པ་ནས་དབུས་བོད་མིའི་སྒྲིག་འཛུགས་འཛིན་སྐྱོང་བཀའ་ཤག་གི་ལས་འཆར་ནང་བཀོད་པའི་བུད་མེད་ཀྱི་ནུས་སྟོབས་གོང་སྤེལ་ཟེར་བའི་དམ་བཅའ་ལ་ང་ཚོའི་འགན་ཁུར་ནས་བོད་ཀྱི་བུད་མེད་ཀྱི་ནུས་པ་དེ་རྒྱལ་སྤྱིའི་ཆབ་སྲིད་གདེངས་ཆའི་་སྟེང་མངོན་ཐུབ་པའི་འགན་དེ་འོས་འཕེན་རྒྱ་ཆེ་མི་མང་ལ་ཡོད་པ་དེ་ཡང་གསལ་པོ་མཁྱེན་པ་གནང་ནས་རྗེས་ལོ་ ་༢༠༢༡ གི་སྲིད་སྐྱོང་ལ་བུད་མེད་སླེབ་དགོས་པ་དེ་གོང་གི་གནས་ལུགས་དང་རྒྱུ་ཚན་སོགས་ནས་ངོ་སྤྲོད་ཐུབ་ངེས་བཅས་བཙན་བྱོལ་བོད་མིའི་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་གླེང་པ་འདིའི་ཀྱང་རྗེས་ལོ་༢༠༢༡ གི་སྲིད་སྐྱོང་དེ་ཕྱོགས་གཏོགས་ཆབ་སྲིད་དང་ལུང་ཚན་ཤོག་སྒྲིལ་འགོ་འདྲེན་དང་སྐབས་ཚོལ་རིང་ལུགས་གྲལ་རིམ་གཅིག་བསྡུད་སོགས་ཀྱི་ས་འོག་དར་ཐག་གི་རྗེས་སུ་ནམ་ཡང་ཁ་མ་ཕྱོགས་པར་མང་གཙོ་དང་དྲང་བདེན་འདྲ་མཉམ་ཕྱི་གསལ་ནང་གསལ་་ཁྲིམས་ཀྱི་དབང་བསྒྱུར་ལ་འགན་འཁུར་ནས་བོད་རྒྱལ་ཁབ་དང་བོད་མི་རིགས་ཀྱི་མ་འོངས་མདུན་ལམ་དེ་གལ་ཆེན་དོན་ཆེན་ལ་ངོས་འཛིན་གནང་ནས་སྲིད་སྐྱོང་ལ་་བུད་མེད་ཞིག་སླེབ་ཐུབ་པའི་འགན་དེ་རང་ལོ་བཅོ་བརྒྱད་ཡན་གྱི་འོས་འཕེན་རྒྱ་ཆེ་ཆོལ་གསུམ་མི་མང་གི་ཕྱག་ཏུ་ཡོད་པར་ཡིད་ཆེས་དང་བཅས་འབོད་བསྐུལ་ཡང་ཞུ་གི་ཡོད་ལ་དེ་དང་མཉམ་དུ་བོད་མི་མང་གིས་སྐུ་ཚབ་སྤྱི་འཐུས་ལའང་ན་གཞོན་བློ་གསར་དེང་དུས་ཕྱི་ནང་གི་ཤེས་ཡོན་ཅན་རང་མགོ་ཐོན་པ་གཞན་བསྟེན་མ་དགོས་པ་ལྷག་བསམ་གྱི་འགན་ཁུར་དང་རྒྱལ་ཞེན་གྱི་བསམ་བློ་བརྟན་པོ་ཡོད་པ་་ཆོལ་ཞེན་གྱི་དྲི་ངན་མེད་པ་ཤ་སྟག་སྤྱི་འཐུས་ལ་སླེབ་དགོས་པ་དེེ་ད་ལྟའི་ཛ་དྲག་གི་དུས་སྐབས་འདིར་བོད་མི་རིགས་ལ་བསམ་ན་ཤིན་ཏུ་ནས་གལ་ཆེན་དོན་ཆེན་ཞིག་ཡིན་པའི་ངོ་སྤྲོད་ཡང་ཞུ་འདོད་བྱུང་ལ་འདས་པའི་བཙན་བྱོལ་སྤྱི་ཚོགས་ཀྱི་བྱུང་རབས་ལོ་རྒྱུས་ཉམས་མྱོང་དུ་བཞག་ནས་མ་འོངས་ཆོལ་གསུམ་བོད་མིའི་ཆིག་སྒྲིལ་ནི་བོད་དོན་བདེན་མཐའ་སེལ་བའི་བླ་སྲོག་ཡིན་ལ་ལྡེའུ་མིག་ཀྱང་ཡིན་ན་བོད་མི་ཚང་མས་ནམ་ཡང་བརྗེད་མི་ཉན་ནོ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་ཕྱི་ལོ་ ༢༠༢༠ སྤྱི་ཟླ་ ༩ ཚེས་ ༡༡ ཉིན་རང་ཁྱིམ་དུ་ཟིན་བྲིས་སུ་བཏབ།