བོད་དོན་དང་ཨ་རིའི་ཆབ་སྲིད་པ།

བསྟན་འཛིན་སྐལ་བཟང་། (ནིའུ་ཡོག)
 
བོད་ཀྱི་བདེ་སྡུག་ལ་དོན་དམ་གྱི་ཤ་ཚ་ཡོད་ཚེ་ཁྲོམ་ཕུ་ནི་མེད་དུ་མི་རུང་བའི་ཆབ་སྲིད་ཀྱི་ཁ་ལོ་སྒྱུར་མཁན་ཞིག་ཆགས་ཡོད། གང་ལགས་ཤེ་ན་ད་བར་བོད་དོན་ཐོག་ཚིག་མཚོན་ཙམ་རྒྱ་ནག་ལ་འདེབས་ཐུབ་པའི་ནུས་པ་མེད་པའི་Obama དང་རིག་ཤེས་ཉམས་ཤིང་རང་གི་ཆུང་མ་དང་གཅུང་མོ་ངོ་མི་ཤེས་པའི་Joe Biden གཉིས་ནི་གཡོན་ཕྱོགས་ཚོགས་པའི་རྒྱུད་ལམ་ཁག་ལ་ཆ་མ་བཞག་པར་བློ་གཟུ་བུར་གནས་ནས་བལྟས་ཚེ། ཨོ་བྷ་མ་དང་ཁོའི་ཨབ་ཕྲུག་Joe Biden གཉིས་ནས་རྒྱ་ནག་ལ་སྔར་ལས་ལྷག་པའི་ཡིད་ཆེས་བློས་འགེལ་བྱས་ཏེ་རྒྱ་ནག་གི་མི་སེར་ཚོར་ལོ་བཅུ་ཡོད་པའི་དམིགས་བསལ་གྱི་མཐོང་མཆན་སྤྲད་ནས་རྒྱ་ནག་པོའི་འདྲེ་ལག་དེ་ཨ་རིའི་མཐོ་སློབ་ནས་བུ་བཅོལ་ཁང་བར་དུ་བསྣར་ཏེ། བོད་ཀྱི་ལོ་རྒྱུས་ལ་དཀྱོག་བཤད་དང་། བོད་ནང་གི་བོད་མི་ཚོ་རྒྱ་ནག་གི་བཀའ་དྲིན་འོག་འབྱོར་འབྲིང་གི་བདེ་སྐྱིད་འཚོ་བ་ལ་ལོངས་སུ་སྤྱོད་པ། འགྲོ་བ་མིའི་ཐོབ་ཐང་། ཆོས་དད་རང་དབང་། དེ་བཞིན་ཁོར་ཡུག་སོགས་ལ་མཐོང་ཆེན་བྱེད་ཀྱི་ཡོད་པ་སོགས་མདོར་ན་བོད་དང་འབྲེལ་བའི་གནས་དོན་ཚང་མར་དཀྱོག་བཤད་བྱས་ཏེ། ཨ་རིའི་གཞོན་ནུ་ཚོས་རྒྱ་ནག་གི་དཔོན་རིགས་ཀྱིེས་བཤད་པའི་བོད་ཀྱི་ལོ་རྒྱུས་དེ་ཚོར་ཡིད་ཆེས་བྱེད་དགོས་པ་བཟོས་ཡོད་ལ། ལྷག་པར་དུ་བོད་མི་ཞིག་ཡིན་ཚེ་སེམས་ནང་མིག་ཆུ་ཤོར་དགོས་པ་ཞིག་ལ་ཏྭ་ལའི་བླ་མ་དང་ཁོའི་རྗེས་འབྲང་པ་ཉུང་ཤས་ཤིག་གིས་བོད་ནང་གནས་དོན་མེད་བཞིན་དུ་རྙོག་དྲ་བཟོ་གི་འདུག་ཅེས་དང་ཏྭ་ལའི་བླ་མ་ནི་རྒྱ་ནག་གི་Bin Ladin་རེད་ཅེས་གཞི་མེད་ཀྱི་སྨྱོ་གཏམ་དེ་ཚོ་Conficius Institute ཞེས་པའི་ཚོགས་པའི་མིང་ཐོག་ནས་དྲིལ་བསྒྲགས་བྱེད་བཞིན་ཡོད། Obama དང་Biden གཉིས་ནས་རྒྱ་ནག་གི་འཆར་གཞི་ལྡན་པའི་སིམ་འཛུལ་དེ་ཚོར་གདོང་ལེན་བྱ་རྒྱུ་ཕར་བཞག ཁོ་པ་གཉིས་ནས་རྒྱ་ནག་ནི་ཨ་རིའི་མཐུན་ཕྱོགས་རྒྱལ་ཁབ་ཅིག་ལ་ངོས་འཛིན་བྱས། ཨ་རྒྱའི་འབྲེལ་བ་ཡག་པོ་ག་ཚོད་ཡོད་པ་དེ་ཙམ་གྱིས་བོད་དོན་ལ་དོ་སྣང་མེད་པ་ཆགས་རྒྱུ་ནི་ལོ་རྒྱུས་ལས་ཤེས་ཐུབ། Bill Clinton་སྲིད་འཛིན་གྱི་འོས་མིར་གྱུར་དུས་Bush་རྒན་པར་རྒྱ་ནག་དང་འགྲོགས་འདྲིས་བྱས་པར་ཁ་རྡུང་དྲག་པོ་བཏང་བས་མ་ཚད་Clinton་ཨ་རིའི་སྲིད་འཛིན་འདེམས་ཐོན་བྱུང་ཚེ་ཁོས་རྒྱ་ནག་གི་འགྲོ་བ་མིའི་ཐོབ་ཡར་རྒྱས་མ་བཏང་ཚེ་དཔལ་འབྱོར་གྱི་ཉེས་པ་གཏོང་གི་ཡིན་ཞེས་ཁས་ལེན་བྱས་ཡོད། དོན་དངོས་ཐོག་ཁོས་ཨ་རིའི་ཚོང་དོན་དང་འགྲོ་བ་མིའི་ཐོབ་ཐང་གི་ཁྲིམས་ཡིག་ལ་འགྱུར་བ་བཏང་བ། རྒྱ་ནག་ལ་དམིགས་བསལ་ཚོང་དོན་ཁྲལ་བཅག་ཅེས་པའི་སྲིད་བྱུས་ཤིག་གཏན་འབེབས་བྱས་མཐར་ཨ་རིས་རྒྱ་ནག་གི་འགྲོ་བ་མིའི་ཐོབ་ཐང་ཐོག་ཤུགས་རྐྱེན་ཡོད་པ་དེ་ནུས་མེད་སུ་བཏང་ཞིང་རྒྱ་ནག་ལ་ཚོང་ལས་ཀྱི་གོ་སྐབས་ཞིག་དང་ཕྱི་རྒྱལ་ཁག་གི་འགྲོ་མིའི་ཐོབ་ཐང་དང་བོད་མིའི་རང་དབང་སྐོར་ལ་སྐྱོན་འཛུགས་ཀྱང་རིམ་བཞིན་ནུས་པ་མེད་པར་གྱུར། བོད་པ་ཚོར་མཚོན་ན་ལོ་རབས་༩༠་པ་ནས་བཟུང་རྒྱ་དམར་གྱིས་བཙན་གནོན་བྱེད་པ་དེ་ལོ་རབས་༨༠་པ་ལས་ཀྱང་ཇེ་སྡུག་ཏུ་སོང་། ༧གོང་ས་མཆོག་གི་སྐུ་པར་སྒྲིག་མི་ཆོག་བཟོས་པ་དང་༧་ཆུང་སྲིད་པཎ་ཆེན་གྱིས་གཙོས་ནང་མི་རྣམས་གར་སོང་ཆ་མེད་འགྱུར་བ་སོགས་བསམ་ཡུལ་འདས་པའི་གནས་ཚུལ་མང་པོ་ཞིག་Clinton་ཨ་རིའི་སྲིད་འཛིན་ཡིན་པའི་སྐབས་སུ་བྱུང་། མདོར་ན་ཨ་རྒྱ་གཉིས་གོ་ཚོད་ཀྱིས་ཐག་ཉེ་བར་ཆགས་ན་དེ་ཙམ་བོད་ལ་གོད་ཆག་མང་བ་ཡོང་རྒྱུ་ཡིན་པ་ནི་ལོ་རབས་༩༠་པའི་ནང་འཚར་ལོངས་བྱུང་མི་ཚང་མས་ཤེས་གསལ་ཡིན།

ཕཱ་རེ་སིའི་ཆིངས་ཡིག

ཁོར་སྲུང་སྐྱོབ་ཀྱི་ཆིངས་ཡིག་ཅིག་རྒྱ་ནག་གི་སྲིད་དབང་སྒེར་འཛིན་པ་Xi Jing Ping དང་སྐབས་དེ་དུས་ཀྱི་ཨ་རིའི་སྲིད་འཛིན་གཞོན་པ་Biden སོགས་ཀྱིས་བཞག་ཡོད། འོན་ཀྱང་༢༠༡༧་ལོའི་སྤྱི་ཟླ་དང་པོའི་ཚེས་༡་ཉིན་སྲིད་འཛིན་ཁྲོམ་ཕུས་ཨ་རི་ཆིངས་ཡིག་དེ་ལས་ཕྱིར་འཐེན་བྱས་ཡོད། སྐབས་དེ་དུས་གཡོན་ཕྱོགས་ཚོགས་པ། རང་མོས་རིང་ལུགས། ཁོར་ཡུག་ཚོགས་པ་སོགས་ཀྱིས་ཁྲོམ་ཕུར་ཁ་རྡུང་དྲག་པོ་བཏང་ཡོད། སྐབས་དེ་དུས་ཨའུ་སི་ཁྲོལེ་ཡའི་(Austrilia)མི་ཚོས་Xi Jing Ping ལ་ཡིད་ཆེས་ཁྲོམ་ཕུ་ལས་མང་བྱེད་ཀྱི་ཡོད་ཅེས་གཡོན་ཕྱོགས་ཚོགས་པའི་རྒྱུད་ལམ་CNN གྱིས་དཀྱོག་བཤད་ཚད་མེད་བྱས་ཡོད། དོན་དངོས་ཐོག་ཁྲོམ་ཕུས་ཁ་ཤུགས་ཆེན་པོས་བརྗོད་ད་པ་བཞིན་ཕཱ་རེ་སིའི་ཆིངས་ཡིག་ནི་རྒྱ་ནག་གི་མགོ་སྐོར་བསླུ་འབྲིད་ཞིག་རེད། ང་ཚོ་བོད་མི་ཚོས་བརྗེད་མེད་ཤག་རེད། རྒྱ་ནག་མཉམ་དུ་ཆིངས་ཡིག་བཞག་པ་དེར་དོན་དངོས་ཀྱི་ལག་ལེན་མེད་པ་དེ་སྤྱི་ལོ་༡༩༥༡་སྤྱི་ཟླ་༥་པའི་ནང་དབང་ཡོད་འོག་བཞག་པའི་ཆིངས་ཡིག་དོན་ཚན་༡༧་ཞེས་པ་དེས་ལོ་རྒྱུས་ཀྱི་དཔང་པོ་བྱེད་ཐུབ། དབྱིན་ཇི་དང་རྒྱ་ནག་གཉིས་ནས་ཧོང་ཀོང་ལོ་༥༠་རིང་རྒྱལ་ཁབ་གཅིག་ལ་ལམ་ལུགས་གཉིས་ཞེས་པའི་ཆིངས་ཡིག་ཅིག་སྤྱི་ལོ་༡༩༨༤་སྤྱི་ཟླ་༩་པའི་ཚེས་༢༨་ཉིན་བཞག་ཡོད། འོན་ཀྱང་ད་ཆ་ཧོང་ཀོང་ལ་གཅིག་གཟིགས་དང་། རྒྱ་ནག་གཞུང་ནས་ཆིངས་ཡིག་ལག་ལེན་བྱེད་ཀྱི་འདུག་གམ། དེ་དང་ཕྱོགས་མཚུངས་པའི་བོད་དང་འབྲེལ་བའི་གནས་དོན་ཞིག་ལ། སྤྱི་ལོ་༡༩༥༤་ལོར་རྒྱ་དཀར་ནག་གཉིས་བར་མཉམ་གནས་རྩ་འཛིན་ལྔ་ཞེས་པའི་ཆིངས་ཡིག་ཅིག་རྒྱ་གར་གྱི་སྲིད་བློན་ནེ་རུའུ་Nerhu་དང་རྒྱ་ནག་གི་ཕོ་ཉ་ཀྲོའུ་ཨན་ལན་གྱི་བར་བཞག འོན་ཀྱང་༡༩༦༠་ལོར་རྒྱ་ནག་ནས་ཐད་ཀར་ཆིངས་ཡིག་རྩི་མེད་དུ་བཏང་ནས་མཐར་རྒྱ་དཀར་ནག་བར་དམག་འཁྲུག་དང་པོ་དེ་༡༩༦༢་ལོར་བྱུང་།

འཛམ་གླིང་གི་དཔོན་རིགས་དང་མི་མང་ཕལ་མོ་ཆེ་རྒྱ་ནག་གི་སེམས་ངན་གདུག་རྩུབ་དེར་ཆ་རྒྱུས་རྩ་བ་ནས་མེད་ལ་ཡོད་པ་ཚོ་ཡང་རྒྱ་ནག་གི་ད་ཆ་དངུལ་ལོར་གྱི་བསླུས་ནས་དོན་དངོས་ལ་གདོང་ལེན་བྱེད་པའི་ནུས་པ་མེད་པ་ཆགས། ཕཱ་རེ་སིའི་ཆིངས་ཡིག་དེས་བོད་པའི་ཁོར་ཡུག་ལ་ཕན་པའི་དབང་དུ་བཏང་ཚེ། རྒྱ་ནག་གི་ཆིངས་ཡིག་གཞན་པ་ལྟར་དེ་ནི་ལོ་རྒྱུས་ནང་གི་ནོར་འཁྲུལ་ཆེན་པོ་ཞིག་ལ་འགྱུར་རྒྱུ་རེད། ཁྲོམ་ཕུས་ཆིངས་ཡིག་ཕྱིར་འཐེན་བྱེད་པར་དཔལ་འབྱོར་དང་ཁོར་ཡུག་སོགས་ལ་ཕན་ཐོགས་ཡོད་པའི་རྒྱུ་མཚན་སྟོང་ཕྲག་ཅིགག་འདུག ཡིན་ནའང་བོད་དོན་དང་ཐལ་ཀར་འབྲེལ་བ་མེད་པས་འདིར་མི་གླེང་། མདོར་ན་ཕཱ་རེ་སིའི་ཆིངས་ཡིག་དེ་ཁྲོམ་ཕུས་ཕྱིར་འཐེན་བྱས་པ་དེས་རྒྱ་ནག་རྒྱ་སྐྱེད་རིང་ལུགས་ཀྱི་རྨི་ལམ་ལས་དཀྲོགས་པའི་ཐིར་སྒྲ་དང་པོ་དང་འཛམ་གླིང་འདི་རྒྱ་དམར་གྱི་གཡོ་བྱུས་འོག་ལས་རེ་ཞིག་ཐར་ཙམ་བྱུང་ཡོད།

ཁྲོམ་ཕུ་དང་རྒྱ་ནག

ད་བར་ཨ་རིའི་སྲིད་འཛིན་ཞིག་གིས་རྒྱ་ནག་ཐོག་དཔལ་འབྱོར་གྱི་ཆད་པ་གཏོང་བ། གཞུང་འབྲེལ་དཔོན་རིགས་ཤིང་ཅང་དང་ཧོང་ཀོང་ནང་མནར་སྤྱོད་གཏོང་མཁན་ཚོར་དཔལ་འབྱོར་གྱིས་བཀག་རྒྱ་འཇོག་པ། རྒྱ་འབྲེལ་ཆེ་བའི་ཨ་རིའི་མཐོ་སློབ་ཀྱི་མཁས་དབང་མང་དག་གཙང་སེལ་བྱེད་པ། རྒྱ་ནག་གི་གཞུང་ཚབ་ཡན་ལག་ཁང་སྒོོ་བརྒྱབ་པ། རྒྱ་ཡི་གསང་ཉུལ་མི་ཉུང་བ་ཞིག་དམར་འཛིན་བྱེད་པ། ཐེ་ཚོམ་མེད་པར་ཐེ་ཝན་གྱི་སྲིད་འཛིན་ལ་ཁ་པར་བཏང་བ། ཧའུ་ཝེ་སྲས་མོ་མང་ཝན་ཀྲུའོ་( Huawei’s princincess Meng Wanshou) བཙོན་དུ་བཟུང་བ། རྒྱ་ནག་གི་གཞུང་འབྲེལ་གསར་འགྱུར་གྱི་ལས་མི་རྣམས་ངེས་པར་དུ་དབུས་ཞིབ་དཔྱོད་ལས་ཁང་ལ་འབྱོར་ཐོ་དང་ཐོན་ཕྱག་ཞུ་དགོས་པ། རྒྱ་ནག་གི་ནག་ཉེས་དང་གཡོ་བྱུས་ཚང་མ་ཀུན་གྱིས་ཤེས་སུ་འཇུག་པ། རྒྱ་ནག་གི་ཕྱིར་བསྐྱོད་སློབ་མ་ཚོར་དམར་ཤོག་ཚོགས་པའི་ཚོགས་མི་ཡིན་མིན་དང་རྒྱ་དམར་གྱི་དམག་ཞབས་པ་ཡིན་མིན་ལ་ཞིབ་བཤེར་ནན་པོ་བྱེད་པ། ཨ་རིའི་ནང་ཡོད་Conficius Institute་སྒོ་རྒྱག་དགོས་པའི་བཙན་བཀའ་བཏང་བ། རྒྱ་ཡི་སྐད་འཕྲིན་དང་ཐྲིག་ཕྲོག་སྤྱི་ཟླ་༩་པའིཟླ་མཇུག་ཏུ་ཨ་རི་ནས་ཕྱིར་འབུད་གཏོང་བ། ཆུ་ཚོད་༡༠་རེའི་ནང་རྒྱ་ནག་ཁོ་ནར་དམིགས་ཏེ་ཞིབ་དཔྱོད་བྱེད་མཁན་གྱི་དབུས་ཞིབ་དཔྱོད་ལས་ཁང་གི་ཡན་ལག་གསར་པ་བཙུགས་པ། ལྷོ་རྒྱ་ནག་རྒྱ་མཚོའི་ནང་ཨ་རིའི་མཚོ་དམག་གྲུ་ཟིང་འཛེམ་མེད་དུ་གཏོང་བ། རྒྱ་ནད་གསར་པར་(corona virus)་ལ་རྒྱ་ཡི་ནད་སྲིན་ཞེས་འབོད་པ། Xijing Ping་ལ་རྒྱ་ནག་གོང་མའམ་རྒྱལ་པོ་ཞེས་འབོད་པ། ཉེ་ཆར་རང་རྒྱ་དམར་པོའི་སློབ་མ་༡༠༠༠་ལྷག་གི་མཐོང་མཆན་མེད་པ་བཟོས་པ། ཐེ་ཝན་ལ་ཆེས་མཐོའི་གཞུང་འབྲེལ་མི་སྣ་འཚམས་གཟིགས་ལ་བཏང་བ། དེ་བཞིན་རྒྱ་ནག་གཅིག་ཞེས་པའི་རྒྱ་དམར་གྱི་འགྲེལ་བཤད་བྱེད་སྟངས་དང་ཨ་རི་གཞུང་གི་གོ་བ་ལེན་སྟངས་གཅིག་པ་མིན་ཞེས་པ་སོགས་༡༩༧༢་ནས་ད་བར་བྱུང་མ་མྱོང་བའི་ལངས་ཕྱོགས་གསར་པ་ཞིག་སྲིད་འཛིན་ཁྲོམ་ཕུ་ཡིས་འགོ་བཙུགས། དུས་མཉམ་དུ་Australia་ལ་སོགས་པའི་ཡར་ཐོན་ཅན་གྱི་རྒྱལ་ཁབ་མང་ཆེ་བའི་རྒྱ་ནག་ལ་ལྟ་སྟངས་འགྱུར་བ་འགྲོ་བཞིན་ཡོད་ལ་གཞུང་ཙམ་མིན་པར་མི་མང་མང་པོ་ཞིག་གིས་ཀྱང་རྒྱ་དམར་གྱི་གཡོ་བྱུས་ཤེས་ཁན་མང་དུ་ཕྱིན་ཡོད། བོད་དོན་ལ་མཚོན་ན་ཁྲོམ་ཕུས་ཕན་ཚུན་འགྲོ་འོང་བརྗེ་རེས་ཀྱི་བཅས་ཁྲིམས་ལ་མཚན་རྟག་བརྒྱབ་པ་བཅས་ཁྲིམས་འདིའི་འོག་ཏུ་གལ་ཏེ་ཨ་རིའི་མི་སེར་དང་གཞུང་གི་གནས་ཡོད་མི་སྣ། དེ་བཞིན་གསར་འགོད་ལས་རིགས་པ་སོགས་ལ་འགོག་རྐྱེན་བྱེད་མཁན་གྱི་རྒྱ་ཡི་དཔོན་པོར་དཔལ་འབྱོར་གྱི་བཀག་རྒྱའི་ཉེས་པ་ཕོག་གི་ཡོད། གལ་ཏེ་ཁྲོ་ཕུ་རྒྱ་ནག་གི་གྲོགས་པོ་རེད་ཟེར་བ་དང་ཁོ་རྒྱ་ནག་ལ་སྐྲག་ནས་༧གོང་ས་མཆོག་འཇལ་ཡོད་མ་རེད་ཟེར་བ་ནི་དཀར་ནག་ཕྱིན་ཅི་ལོག་པའི་སྐད་ཆ་ཞིག་རེད། དོན་དངོས་ཐོག་༧ཁྲོམ་ཕུར་༧གོང་ས་མཆོག་མཇལ་འདོད་ཡོད་རུང་གྲོས་ཚོགས་འོག་མའི་མགོ་འཁྲིད་Nancy Peloci་ལ་སོགས་པས་ལམ་དུ་གཏོང་མི་སྲིད་གང་ལ་ཟེར་ན་རྣམ་ཀུན་ཨ་རིའི་སྲིད་འཛིན་གྱིས་༧གོང་ས་མཆོག་མཇལ་དགོས་པའི་རྒྱུ་མཚན་ནི་བོད་དོན་ལ་ཤ་ཚ་སྟེ་མིན་པར་ཁོ་པ་ཚོ་མི་ཡག་པོ་ཞིག་ཡིན་པའི་སྣང་བརྙན་ཞིག་བསྐྲུན་རྒྱུའི་ཆེད་དུའམ་ཡང་ན་རྒྱ་ནག་ལ་འཇབ་རྡོ་ཞུ་བའི་ཆེད་དུ་རེད། གལ་ཏེ་ཁྲོམ་ཕུས་༧གོང་ས་མཆོག་དང་མཇལ་འཕྲད་བྱས་ཚེ་ཁྲོམ་ཕུ་ནི་གཡོན་ཕྱོགས་ཚོགས་པས་འགྲེལ་བཤད་བརྒྱབ་པའི་མི་ངན་ཁྲོམ་ཕུ་གློ་བུར་དུ་མི་ཡག་པོ་ཞིག་ལ་ངོས་འཛིན་འཐུབ་རྒྱུ་རེད། དེ་ལྟ་བུ་བྱུང་ཚེ་Nancy Peloci་ལ་སོགས་པའི་ཆབ་སྲིད་ཀྱི་གྱོང་གུན་ཆེན་པོ་རག་གི་རེད། ཁྲོམ་ཕུ་ནི་རྒྱ་ནག་ལ་དངོས་སུ་ཕར་རྒོལ་བྱེད་མཁན་ཞིག་ཡིན་དུས་བོད་དོན་དེ་ཆབ་སྲིད་ཀྱི་ལག་ཆར་བེད་སྤྱོད་བྱེད་པའི་དགོས་པ་མེད།

ཨོ་བྷ་མ་དང་རྒྱ་ནག

Obama་དང་རིག་འཚོ་ཉམས་པའི་Biden་གཉིས་གྱི་མིག་ནང་དུ་རྒྱ་དམར་གྱིས་མཛུབ་མོ་འཛུགས་ཀྱང་ཨ་ཚ་ཁ་ནས་འདོན་མི་ཕོད་པའི་སྡར་མ་ཁ་མཁས་ཚིག་བཟང་རྗོད་མཁན་གྱི་ཆབ་སྲིད་པའི་མི་ཚེ་སྐྱེལ་ཐབས་མཁན་གཉིས་རེད། Obama་ཡིས་རྒྱ་དམར་རྒྱ་གར་ལས་ཀྱང་ཐག་ཉེ་བའི་གྲོགས་པོར་འཛིན་ཅིང་ཐ་ན་ཁོ་ཡི་ཨ་ཕ་ཡང་རྒྱ་མི་རིགས་ཟེར། སྐབས་རེ་ཆབ་སྲིད་ཀྱི་དགོས་མཁོ་བྱུང་ཚེ་བོད་ཀྱི་འགྲོ་བ་མིའི་ཐོབ་ཐང་གླེང་ཙམ་དང་། ངེད་ཚོའི་འདི་ཕྱི་གཉིས་ཀྱི་སྐྱབས་གནས་དམ་པ་༧གོང་ས་མཆོག་གད་སྙིགས་དོར་སའི་ལམ་ནས་གདན་དྲངས་ཏེ་ཕོ་བྲང་དཀར་པོའི་ཟུར་ཞིག་ལ་འཕྲལ་སེལ་ཞབས་སྟེགས་བསྒྲིགས་ཏེ་Obama་ལ་སོགས་པས་ཏྭ་ལའི་བླ་མ་ཐུག་པ་ཡིན་ཞེས་འདྲ་པར་རེ་རེ་ཙམ་མཐོང་རྒྱུ་ཡོད་པ་མ་གཏོགས་ད་བར་བོད་དོན་ཐོག་གྲུབ་འབྲས་སོན་པའི་བྱ་བཞག་གཅིག་རྐྱང་མིག་གིས་མཐོང་རྒྱུ་མེད་ལ་ཐ་ན་༧གོང་ས་མཆོག་དང་ཨ་རིའི་སྲིད་འཛིན་བར་བོད་དོན་སྐོར་ལ་བཀའ་མོལ་བྱུང་ཡོད་མེད་སོགས་གང་ཡང་གོ་རྒྱུ་མེད། རྒྱ་ནག་གི་ཁ་རྡུང་ལ་མ་བཟོད་པར་obama་ཡིས་བོད་དེ་རྒྱ་མིའི་ཆ་ཤས་ཤིག་རེད། ཨ་རིས་བོད་ནང་གི་འགྲོ་བ་མིའི་ཐོབ་ཐང་ལ་སེམས་འཚབས་ཡོད། ཡིན་ན་ཡང་ང་ཚོས་བོད་རང་བཙན་རྩ་བ་ནས་ཁས་མི་ལེན་ཞེས་བཤད། ༢༠༠༩་ལོར་Obama་ཡིས་ཕྱི་སྐྱོད་དང་པོ་དེ་རྒྱ་ནག་གི་གྲོང་ཁྱེར་ཧྲང་ཧའི་ནས་འགོ་བཙུགས། སྐབས་དེ་དུས་རྒྱ་དམར་གྱི་སློབ་མ་ཞིག་གིས་ཏྭ་ལའི་བླ་མ་ནི་རྒྱ་ནག་གི་ངོས་ནས་བཤད་ན་འཇིགས་སྐུལ་རིང་ལུགས་པ་ཞིག་རེད། ཁྱོད་ཁོ་དང་མཉམ་དུ་འབྲེལ་བ་བྱེད་མི་རུང་་ཞེས་རེ་བ་བཏོན། Obama་མའི་སྲིད་འཛིན་དམ་འབུལ་གཏམ་བཤད་ནང་འགྲོ་མིའི་ཐོབ་ཐང་དང་ཆོས་དད་རང་དབང་སོགས་མེད་མཁན་ཚོའི་ཆེད་དུ་ལས་དོན་བྱ་གི་ཡིན་ཞེས་པ་ལ་སོགས་པའི་མི་སེམས་འགུལ་བའི་ཚིག་མང་པོ་ཆུ་ཡི་ལྦུ་བ་བཞིན་ཁོའི་ཁ་ནས་དོན་ཡོད། ཡིན་ཡང་རྒྱ་ནག་གི་སློབ་མ་ཞིག་གི་༧གོང་ས་མཆོག་ལ་ལྟ་སྟངས་དེ་འདྲ་ཡོད་པ་དེར་ཡོ་བསྲང་བྱ་རྒྱུ་ཕར་བཞག་བོད་ཅེས་པའམ་ཡང་ན་འགྲོ་བ་མི་ཐོབ་ཐང་ཞེས་པའི་ཚིག་གཅིག་རྐྱང་Obama་ཁ་ནས་དོན་མེད། དེ་ལས་ལྡོག་སྟེ་ཁོས་ངའི་ཨ་ཕ་རྒྱ་མི་ཡིན་ཞེས་བརྗོད་ཏེ་དེ་སྔ་དམ་འབུལ་སྐབས་སུ་བཤད་པའི་སྐད་ཆ་ཚང་མ་རྣ་བའི་རྒྱབ་ཀྱི་རླུང་བུར་བསྐུར། Obama་མས་རྒྱ་ནག་ལ་བཟོད་བསྲན་དང་སྟུན་མཁས་ཀྱི་ངང་ནས་རྒྱ་ནག་གཞུང་གཉེར་རམ་གཞུང་དང་འབྲེལ་བ་ཡོད་པའི་བཟོ་ལས་ཁང་ཁག་དང་། ཨ་རིའི་Wall Street དངུལ་ཁང་ཁག Cilicon་ལུང་གཤོངས་འཕྲུལ་རིག་ཚོང་ལས་ཁང་ཁག དེ་བཞིན་མིང་གྲགས་ཆེ་བའི་ཚོང་ལས་ཚོགས་པ་ཁག་སོགས་ལ་ཁེ་བཟང་ཧ་ཅང་ཆེན་པོ་རག་ཡོད་རུང་ཨ་རིའི་དཔལ་འབྱོར་དང་གཞུང་གི་རྨང་གཞི་ལྟ་བུར་འགྱུར་བའི་འབྱོར་འབྲིང་གི་ཁྱིམ་ཚང་མང་པོ་ཞིག་དབུལ་ཕོངས་ཀྱི་གནས་སུ་ལྷུངས་ནས་ཨ་རི་རྒྱལ་ཁབ་ཀྱི་དཔལ་འབྱོར་གྱི་གནས་སྟངས་དེ་སྔ་ལས་སྡུག་ཏུ་སོང་། དཔལ་འབྱོར་གྱི་ཉམས་ཉེས་དེས་རྐྱེན་པས་ཆབ་སྲིད་ལ་ཤི་འཐམ་རོ་འཐམ་བྱེད་མཁན་Hillary་འདྲ་བར་ཞེན་པ་གཏིང་ནས་ལོག་སྟེ་ཁྲོམ་ཕུ་ལྷ་བུ་ཐེངས་དང་པོར་ཆབ་སྲིད་ནང་ཞུགས་མཁན་ཞིག་ལ་སྲིད་འཛིན་གྱི་གོ་ས་ཐོབ། Obama་མས་ཁྲོམ་ཕུ་ལ་ཕོ་བྲང་དཀར་པོ་ལག་པ་གཉིས་ཀྱིས་བཀྱགས་ནས་ཕུལ་བ་རེད་ཅེས་བཞད་གད་སློང་མཁན་ཀྱང་ཡོད།

བྷེ་ཡི་གྲན་དང་རྒྱ་ནག

Biden་ལ་མཚོན་ན་Obama་ལས་ཀྱང་ལྷག་པའི་རྒྱ་ནག་ལ་ཁ་ཞེ་གཉིས་མེད་ཀྱི་འབྲེལ་བ་ཡོང་ཐབས་བྱེད་མཁན་ཞིག་ཡིན་ལ། Biden་གྱི་སེམས་ཁམས་ལ་ད་ལྟ་འདུ་ཤེས་ཉམས་པའི་ན་ཚ་ཡོད་པ་ཀུན་གྱིས་ཤེས་གསལ་རེད། དཔེར་ན། ཉེ་ཆར་རང་Binden་བརྗོད་དོན་ངས་སྤོབས་པ་ཆེས་སྐྱེ་འོས་པའི་བྱ་བ་ཞིག་ནི་༢༠༡༦་ལོར་རྒྱ་མིའི་Deng Xiao Ping་མཉམ་དུ་ཕཱ་རི་སིར་ཆིངས་ཡིག་བཞག་པ་དེ་ཡིན་ཞེས་བརྗོད། Biden་གྱིས་Xi དང་Deng་སུ་ཡི་མིན་ཡང་ཤེས་ཀྱི་མེད། དེ་དང་འདྲ་བའི་དཔེ་དུ་མ་ཞིག་མཆིས། འདིར་ཁྱེད་རྣམས་ལ་ཞུ་འདོད་པ་ནི་Biden་དང་རྒྱ་ནག་གི་སྐོར་ཡིན། Biden་ལ་མཚོན་ན་རྒྱ་ནག་མྱོང་འདྲིས་ཆེ་ཤོས་ཡོད་དགོས་པའི་དཔོན་རིགས་ཡིན་དགོས། གང་ལ་ཞེ་ན་༢༠༠༡་གི་ལོར་Biden་རྒྱ་ནག་ལ་འགྲུལ་བཞུད་བྱས་ཏེ་སྐབས་དེའི་རྒྱ་དཔོན་Jiang་དང་ཐུག་ཅིང་རྒྱ་ནག་གི་འཛམ་གླིང་ཚོང་དོན་སྒྲིག་འཛུགས་སུ་མཉམ་ཞུགས་བྱ་རྒྱུའི་རྨི་ལམ་དེར་Biden་གྱིས་སྟ་གོན་བྱས་ཡོད། Biden་གྱིས་རྒྱ་ནག་འབྱོར་པ་ཅན་དུ་འགྱུར་རྒྱུ་ནི་ཨ་རིའི་དམིགས་ཡུལ་ཡིན་ལ་རྒྱ་ནག་འཛམ་གླིང་ཚོང་དོན་སྒྲིག་འཛུགས་སུ་མཉམ་ཞུགས་བྱ་རྒྱུར་དགའ་བསུ་ཡོད། རྒྱ་ནག་གིས་རྒྱལ་སྤྱིའི་ཁྲིམས་ལུགས་ལ་བརྩི་མཐོང་བྱ་གི་རེད་ཅེས་རྒྱ་དཔོན་གྱི་མདུན་དུ་བརྗོད་པས་མ་ཚད་ཨ་རིར་ཡང་གསར་འགོད་ལྷན་ཚོགས་སུ་ཡང་བསྐྱར་བཤད། ༢༠༡༣་ལོར་Biden་དང་རང་ཉིད་ཀྱི་བུ་Hunter Biden་ཁྲིད་དེ་སྲིད་འཛིན་གཞོན་པའི་མིང་ཐོག་ནས་རྒྱ་ནག་ལ་བསྐྱོད། བདུན་ཕྲག་གཉིས་གྱི་ནང་Hunter་ནི་BHR་འབོད་པའི་རྒྱ་ནག་གཞུང་དང་འབྲེལ་བ་ཡོད་པའི་མ་འཇོག་ཚོགས་པ་ཞིག་གི་ལས་འཛིན་ལྷན་ཚོགས་ཀྱི་ཁོངས་མིར་གྱུར། དོན་དངོས་ཐོག་Hunter་ལ་དམིགས་བསལ་ཀྱི་ལས་འགན་གང་ཡང་མེད་རུང་ཁོའི་མིང་དེ་BHR་གྱི་ལས་བྱེད་པའི་མིང་ཐོག་ནས་ཟླ་རེར་ཨ་སྒོར་འབུམ་གཅིག་ཙམ་གླ་ཆར་སྤྲོད་བཞིན་ཡོད། Hunter་གྱི་ཨ་ཕ་ཨ་རིའི་སྲིད་འཛིན་ཡིན་པ་དང་མི་རིགས་དཀར་པོ་ཡིན་པས་ཆ་ནས་ཁོ་ལ་ལས་གནས་དེ་ཐོབ་པ་མ་གཏོགས་Hunter་རང་གི་འཇོན་ཐང་ལ་ཞིག་ནས་ལས་གནས་ཐོབ་པ་རྩ་བ་ནས་མིན། Hunter་ནི་མི་སྤྱོད་པ་ཡག་པོ་མེད་པ་དང་བྱ་བཞག་གི་ཆེད་ཨུ་ཚུགས་བྱེད་མི་ཐུབ་མཁན་ཞིག་ཡིན། བོད་ཀྱི་གཏམ་དཔེར། ཐང་དཀར་རྒོད་པོའི་ཞོར་ལ། ཁྱི་ཤིག་ཉི་མས་དྲོད་ཟེར་བ་ལྟར་Hunter་ནི་ཨ་ཕའི་དམིགས་བསལ་གནས་བབ་འོག་ནས་ལུགས་མཐུན་མིན་པའི་གོ་སྐབས་དམ་འཛིན་བྱས་ཏེ་ཨ་རིའི་རྨི་ལམ་སྒྲུབ་ཐབས་བྱེད་མཁན་ཞིག་ཡིན། ཁོ་རང་གི་སྤྱོད་པར་མཚོན་ན། ཆང་རག་དང་བུད་མེད་དུག་རྫས་སོགས་ལ་ལོངས་སུ་སྤྱོད་པའི་གོམས་གཤིས་ངན་པ་ཡོད་མཁན་ཞིག་ཡིན། ཁོས་བུད་མེད་ཞིག་ལ་ཕྲུ་གུ་བཟོས་ནས་ཕ་ཡི་འགན་འཁུར་མ་བྱས་པས་མཐར་ཁྲིམས་ལ་ཐུག་ཡོད། འདས་གྲོངས་སུ་སོང་བའི་ཁོ་རང་གི་གཅེན་པོའི་བཟའ་ཟླ་མཉམ་དུ་ཉལ་བ་སོགས་གླེང་སློང་མང་དག་ཅིག་ཡོད། Biden་གྱི་སེམས་ནང་རྒྱ་ནག་ནི་ཨ་རི་ལྟར་ཁྲིམས་ཀྱིས་སྐྱོང་བའི་རང་དབང་ལྡན་པའི་རྒྱལ་ཁབ་ཅིག་ལ་ངོས་འཛིན་བྱས་ཏེ་བོད་དོན་དང་དེ་བཞིན་རྒྱ་ནག་གི་མིག་མཐོང་ལག་ཟིན་ཐུབ་པའི་བྱས། ཉེས་པ་ཚང་མ་མ་མཐོང་མ་གོ་བའི་ཚུལ་དུ་བཞག རྒྱ་ནག་ལ་འཐམ་འཁྱུད་བྱ་རྒྱུ་བྱུང་ན་བསམ་བསམ་བྱས་ཡོད། ༢༠༡༣་ལོར་ཁོས་སི་ཁྲོན་སློབ་ཆེན་དུ་རྒྱ་ནག་དང་ཨ་རི་ནི་མཐུན་ལམ་ཡང་དག་ཡོད་སྐོར་དང་ཨ་རྒྱ་གཉིས་ཀར་བདེ་སྲུང་གི་གནད་དོན་མཉམ་རུབ་ཀྱི་ཐོག་ནས་འཐབ་འཛིང་བྱ་གི་ཡིན་ཞེས་བརྗོད། རྒྱ་ཡི་འཐབ་འཛིང་བྱེད་ས་༡གོང་ས་མཆོག་དང་། བོད། ཤིན་ཅང་། ཐེ་ཝན་། དེ་བཞིན་ཆབ་སྲིད་དང་ལྟ་བ་མི་མཐུན་པའི་རྒྱ་རིགས་ཚོ་ཡིན་པ་ལས་Iran, North Korea་སོགས་མིན། Biden་གྱིས་དངོས་ཡོད་གནས་ཚུལ་ཤེས་བཞིན་དུ་རྒྱ་དཔོན་གྱི་མདུན་དུ་སྤྲེལ་ལས་དེ་འདྲ་བྱེད་དགོད་དོན་གང་ཡོད་དམ་ཞེ་ན། Biden་དང་འདྲ་བའི་ཆབ་སྲིད་པ་ཚོ་ནི་མིང་དོན་མཚུངས་པའི་Wall Street, Cilican Valley, Big corps་ཚོའི་སྤྲང་པོ་སྤྲེའུ་ཡིན་པས་སོ།། ༢༠༡༩་ལོར་Biden་གྱིས་གལ་ཏེ་ང་ཨ་རིའི་སྲིད་འཛིན་ཆགས་ཚེ། རྒྱ་ནག་གི་འབྲེལ་བ་སླར་གསོ་བྱ་རྒྱུ་ཡིན་ལ་དཔལ་འབྱོར་གྱི་ཉེས་པ་ཡང་ཕྱག་ཡང་གཏོང་གི་ཡིན་ཞེས་བཤད། Biden་ནས་མི་གསོད་ལག་དམར་བ་Mao Zidong་གི་ཚིག་དུམ་ཞིག་ལུང་དྲངས་ནས་གཏམ་བཤད་བྱས་ཡོད་ལ། Xi་ནི་མི་ཡག་པོ་ཞིག་རེད་ཅེས་བརྗོད་ཡོད། གང་ལྟར་Biden་ནི་རྒྱ་དམར་བར་མི་སྒེར་གྱི་གྲོགས་པོའི་འདུ་ཤེས་དང་། དཔལ་འབྱོར་གྱི་ཁེ་ཕན། དེ་བཞིན་ཁེ་ལས་ཚོགས་པ་ཁག་གི་གནོན་ཤུགས་ལ་བརྟེན་ནས་བོད་དོན་ནི་ཨ་རིའི་ཆབ་སྲིད་པ་གཞན་པ་ལྟར་སྣང་མེད་རྒྱ་ཡན་གཏང་རྒྱུ་ཡིན་པ་ནི་དོན་མི་ཟ། ད་ལྟ་འདེམས་བསྐོའི་དུས་ཚོད་ཡིན་དུས་ངོ་ཚ་དང་བདེན་པ་སྤུ་ཙམ་མེད་པའི་ངག་ཀྱལ་དང་། བསྒྲུབ་རྒྱུ་ཡིན་མཉམ་པ་འམ་སྒྲུབ་ཐུབ་ངེས་ཡིན་བསམ་པའི་གདེང་ཚོད་སྤུ་ཙམ་མེད་པར་ཧམ་བཤད་དང་ཁས་ལེན་བྱེད་པ་ནི་ཆབ་སྲིད་ལ་གོམས་ཆ་ཆེ་བའི་Biden་ལ་མཚོན་ན་རང་བཞིན་པ་ཞིག་ཡིན་ལ་ཁོས་གླེང་བཞིན་པའི་བོད་དོན་ལ་རྒྱབ་སྐྱོར་དང་༧་གོང་ས་མཆོག་མཇལ་བ་སོགས་བརྗོད་པ་དེ་ཚོ་ནི་ཆུ་ནང་དུ་རྟུག་དྲི་བཏང་བ་བའི་སྣང་བ་ཡང་གཏོང་མི་སྲིད།

ཁྲོམ་ཕུ་ཡི་བྱས་རྗེས།

ཨ་རི་རྒྱལ་ནང་ལ་མཚོན་ན་ཁྲོམ་ཕུ་ཡིས་བསྒྲུབས་པའི་བྱ་བ་ཉུང་ཉུང་མིན། དབུས་གཞུང་གི་འགྲོ་སོང་བསྲི་ཚགས་ཡོང་ཆེད་དང་ཚོང་ལས་གཉེར་མཁན་ཚོར་ཁེ་ལས་གཉེར་བའི་སྐུལ་སློང་ཡོང་ཆེད་དེ་སྔ་Obama་མས་གསར་དུ་བཙུགས་པའི་ལས་ཁུངས་མང་པོ་ཉུང་དུ་བཏང་ནས་ལས་དོན་ལ་འགོག་རྐྱེན་དང་ནར་འགྱངས་བྱེད་པའི་དཔོན་ཉམས་རིང་ལུགས་ཀྱི་འགྲོ་སྟངས་འོག་གནས་པའི་ལམ་ལུགས་མེད་པར་བཟོས་ཏེ། རྣམ་ཀུན་ཚོང་ཁང་ཞིག་གཉེར་བར་ལས་ཁུངས་བཅུ་ཡི་སྒོར་འགྲོ་དགོས་པའི་ལམ་ལུགས་དེ་ད་ལྟ་ལས་ཁུངས་གཅིག་གི་སྒོར་འགྲོ་ན་ཆོག་པ། རྣམ་ཀུན་ཟླ་འགྱངས་ལོ་འགྱངས་བྱེད་པའི་ལུགས་སྲོལ་དེ་ཉིན་བཅུའི་ནང་ལས་དོན་སྒྲུབ་ཐུབ་པ་བཟོས་ཡོད། ཁེ་ལས་ཀྱི་ཚོང་རྭ་རྒྱ་ཆེ་རུ་གཏོང་ཆེད་དངུལ་བུན་གྱི་སྐྱེད་ཀ་ཉུང་རུ་བཏང་བ། མི་རིགས་ནག་པོ་གནས་སའི་ཁོར་ཡུག་ཁག་དུ་འཛུགས་སྐྲུན་དང་ཁེ་ལས་གཉེར་མཁན་ཚོར་ཁྲལ་བསྡུ་གཅོག་པ། དེ་སྔ་དུག་རྗས་སྤྱོད་མཁན་ཡིན་པ་ལ་མི་གསོད་དོན་རྐྱེན་གྱི་ཉེས་པ་མེད་པའི་མི་རིགས་ནག་པོའི་བཙོན་པ་མང་པོའི་ཉེས་པ་ཆག་ཡང་བཏང་བ། མདོར་ན་ཁྲོམ་ཕུས་མི་རིགས་ནག་པོ་ཚོར་ལས་ཀ་ཡོད་པ་བཟོ་བ་དང་ཆབས་ཅིག་དེ་སྔ་ཐོར་ཞིག་དུ་སོང་བའི་ཁྱིམ་ཚང་མང་པོ་ཞིག་ལ་ཁྲོམ་ཕུ་ཡིས་ཁྲིམས་ཁག་གཅིག་ལ་འགྱུར་བ་བཏང་བའི་འོག་ཁྱིམ་གཞིས་སླར་གསོ་བྱུང་། མདོར་ན་ཁྲོམ་ཕུ་སྲིད་འཛིན་ལོ་གསུམ་ལྷག་ཙམ་བྱེད་རིང་ཨ་རིའི་ནང་གི་ལས་མེད་བརྒྱ་ཆ་༤% བར་ཆགས་ཏེ་ལོ་རྒྱུས་ཀྱི་ཟིན་ཐོ་གསར་པ་བཏོད། Obama་མ་སྲིད་འཛིན་གྱི་འོས་མིར་ལངས་དུས་ཨ་རིའི་སྨན་རྫས་ཀྱི་རིན་པ་ལུགས་དང་མི་མཐུན་པའི་གོང་ཆེན་པོ་ཡོད་པ་དེ་རིན་གོང་བརྒྱ་ཆ་༥༠%་ཉུང་རུ་གཏོང་གི་ཡིན་ཞེས་དམ་བཅའ་བྱས་རུང་ཁོ་དངོས་སུ་སྲིད་འཛིན་ཆགས་དུས་བརྒྱ་ཆ་༥༠%་ཕར་བཞག་བརྒྱ་ཆ་གཅིག་ཡང་ཉུང་རུ་གཏོང་ཐུབ་མེད། ཁྲོམ་ཕུ་ཡིས་སྲིད་འཛིན་གྱི་ལག་ལེན་བཙན་བཀའ་བེད་སྤྱད་དེ་གཅིན་པ་མངར་གྱུར་སྨན་ཁབ་གྱི་རིན་གོང་བརྒྱ་ཆ་༢༥%་ཡིས་ཉུང་རུ་བཏང་བ་དང་ཨ་རིའི་ནང་བྱིས་པ་བཙན་ཁྲིད་བྱེད་མཁན་གཙང་སེལ་གྱི་ལས་འགུལ་ཟེར་བའི་འོག་ཉེ་ཆར་རང་བྱིས་པ་མང་པོའོ་ཚེ་སྲོག་བསྐྱབས་ཡོད། ཨ་རིའི་ལྷོ་ཕྱོགས་ས་མཚམས་སུ་ལྕགས་རི་རྒྱག་བཞིན་པ་དེས་ཨ་རིའི་ནང་ཁྲིམས་འགལ་གྱིས་འཛུལ་ཡོང་མཁན། དུག་རྫས་སྣ་ཚོགས། གོ་ཚོན་ཕྱིར་ཚོང་བྱེད་མཁན་སོགས་བཀག་སྡོམ་ནན་པོ་བྱེད་བཞིན་ཡོད་པ་དེར་མཐའ་མཚམས་ཀྱི་མངའ་སྡེ་མང་ཆེ་བས་བསྔགས་བརྗོད་བྱེད་བཞིན་ཡོད། མང་གཙོ་ཚོགས་པས་ཁྲོམ་ཕུ་ལ་མཐའ་མཚམས་སུ་ལྕགས་རི་བསྐོར་བ་དེ་མི་ཆོས་དང་མི་མཐུན་པ་རེད་ཅེས་བརྗོད་པའི་ལན་དུ། ཁྱེད་ཚོས་ངས་མཐའ་མཚམས་བདེ་སྲུང་ལེགས་བཅོས་བཏང་བ་དེ་སྒྲིག་མེད་པར་དོན་དམ་གྱི་རྒྱུ་མཚན་ཡོད་སྙམ་ན། མཚན་མོ་གཉིད་དུ་ཡུར་དུས་ཁྱེད་ཚོའི་ཁང་པའི་སྒོ་དམ་པོར་བརྒྱབ་སྟེ་བདེ་འཇགས་ཡོང་ཐབས་བྱེད་པ་དེ་ཡང་མི་སྤྱོད་དང་མི་མཐུན་པ་ཞིག་རེད། ཁྲོམ་ཕུ་ཡི་ལས་དོན་བསྒྲུབ་རྒྱུ་དེ་ལ་འབད་རྩོན་བྱས་པ་མ་གཏོགས་རྒྱུད་ལམ་ཁག་དུ་སྐད་ཆ་སྙན་པོ་བཤད་པས་མི་སེམས་འགུགས་ཐབས་བྱེད་ཀྱི་མེད། ཨ་རིའི་སྲིད་འཛིན་གཞན་གྱི་མི་ཚེ་གང་སྒྲུབ་མ་ཐུབ་པའི་བྱ་བ་མང་དག་ཅིག་ཁྲོམ་ཕུ་ཡིས་ལོ་གསུམ་ལྷག་ཙམ་གྱི་རིང་ལ་བསྒྲུབས་ཡོད།

རྒྱལ་སྤྱིའི་ནང་ལ་མཚོན་ན་ཁྲོམ་ཕུ་ཡི་བྱས་རྗེས་ནི་དེ་བས་གཟེངས་སུ་ཐོན་པ་ཞིག་རེད། Obama་དང་Biden་གཉིས་ནས་རྒྱ་ནག་ནི་བྱང་ཁོ་རི་ཡའི་དཀའ་ངལ་སེལ་བར་མེད་དུ་མི་རུང་བའི་ཐབས་ལམ་དུ་བརྩིས་ཏེ་རྒྱ་ནག་བརྒྱུད་ནས་བྱང་ཁོ་རི་ཡར་འབྲེལ་བ་ཡོང་ཐབས་བྱས་ཀྱང་དཀའ་ངལ་སེལ་བར་གོམས་པ་གང་ཡང་མདུན་སྐྱོད་བྱེད་ཐུབ་མེད། ཁྲོམ་ཕུས་ཐད་ཀར་Kim་དང་ཐུག་སྟེ་རྒྱ་ནག་བརྒྱུད་ནས་བྱང་ཁོ་རི་ཡར་འབྲེལ་བ་བྱེད་ཡས་དེ་མེད་པ་བཟོས། ཁྲོམ་ཕུ་ནི་རྒྱ་ནག་གི་ལུགས་མཐུན་མིན་པའི་ཚོང་ལས་བྱེད་ཀྱི་ཡོད་པ་ཤེས་མཁན་དང་པོ་དེ་རེད་ལ། གདོང་ལེན་བྱེད་མཁན་དང་པོ་དེ་ཡིན། ཉེ་ཆར་དཀྱིལ་ཤར་ཡུལ་གྲུའི་ནང་དེ་སྔ་བྱུང་མྱོང་མེད་པའི་ཞེ་བདེའི་ཆིངས་ཡིག་Esrael་དང་UAE་གྱི་བར་ཁྲོམ་ཕུས་བར་འདུམ་བྱས་ཏེ་བྱུང་ཡོད་ལ་དེ་དང་དུས་མཚུངས་Sebiria་དང་Kosvos,དེ་བཞིན་Esrael དང་Bahrain་སོགས་བར་ཞི་བདེ་ཆིངས་ཡིག་བཞག་ཐུབ་བ་བྱུང་ཡོད། ༢༠༢༠་ལོའི་Nobel་ཞི་བདེ་གཟེངས་རྟགས་སྤྲད་རྒྱུའི་ཁོངས་སུ་དུ་ཁྲོམ་ཕུ་ཡི་མིང་ཐེངས་གཉིས་ཙམ་སླེབས་ཟིན། གང་ལྟར་ཁྲོམ་ཕུ་ནི་བོད་ཚང་གི་ཁམས་པའི་མི་ཡག་པོ་ཞིག་དང་འདྲ་བར་ཁ་བཤད་ལག་ལེན་བྱེད་མཁན་ཞིག་ཡིན།

རྒྱུད་ལམ་ཁག་གི་རྫུན་གཏམ་དང་བསླུ་བྲིད།

༢༠༢༣་ལོར་BBC་གསར་ཁང་ལ་རྒྱ་དམར་གྱིས་རྒྱུན་མངགས་བྱེད་པའི་ངོ་བོའི་ཐོག་ནས་དཔལ་འབྱོར་གྱི་སྦྱིན་དག་བྱས་ཏེ་BBC་ཡི་དཔལ་འབྱོར་གྱི་སྦྱིན་དག་ཆེ་ཤོས་དེ་རྒྱ་ནག་ཆགས། དེ་ནས་ཡུན་རིང་མ་འགོར་བར་BBC་རྒྱ་སྐད་ཡིག་ཀྱི་ལས་རིམ་དེ་མེད་པ་བཟོས། ནམ་རྒྱུན་BBC་རྒྱ་སྐད་ཐོག་ནས་རྒྱ་ནག་གི་དངོས་ཡོད་གནས་ཚུལ་དང་། ཆོས་འཁོར་སྒྲུབ་སྡེ། རྒྱ་ནག་གི་མང་གཙོ་དོན་གཉེར་བ། བོད་ཀྱི་འགྲོ་བ་མའི་ཐོབ་ཐང་སོགས་རྒྱང་བསྲིང་བྱེད་ཀྱི་ཡོད། དེ་ནས་རིམ་བཞིན་རྒྱ་ནག་གཞུང་གི་སེམས་ལ་གཟན་པའི་དངོས་ཡོད་གནས་ཚུལ་རྣམས་རིམ་བཞིན་BBC་དབྱིན་སྐད་ཀྱི་ལས་རིམ་ནང་དུ་ཡང་མེད་པར་གྱུར། རྒྱ་ནག་གཞུང་ནས་རྒྱལ་ཁབ་གཞན་གྱི་གུ་ཡངས་དང་རང་དབང་གི་གོ་སྐབས་དེ་ཚོ་བེད་སྤྱད་དེ། འཛམ་གླིང་གི་རྒྱུད་ལམ་གྲགས་ཆེ་བ་ཚང་མ་རྒྱུན་མངགས་བྱས་ཏེ་དངུལ་ལོར་ཕོན་ཆེན་བཏང་བ། ཕྱོགས་གཅིག་ནས་རྒྱ་ནག་གཞུང་གི་ལངས་ཕྱོགས་དང་མཐུན་པའི་གསར་འགྱུར་ཁྱབ་བསྒྲགས་བྱེད་པ། ཕྱོགས་གཞན་ཞིག་ནས་རྒྱ་ནག་གི་ཁ་གཏད་དུ་ལངས་མཁན་ཚོའི་གནས་ཚུལ་སྣང་མེད་དུ་གཏོང་བ་སོགས་བྱས་ཏེ། གང་ལྟར་བོད་པའི་རང་ལུས་མེ་སྲེག་ལས་འགུལ་ལ་སོགས་པའི་བོད་དོན་དང་འགྲོ་བ་མིའི་ཐོབ་ཐང་སོགས་ཀྱི་གནས་ཚུལ་CNN,NBC, New York Time, Bloomgerg, Time, Los Angelis Time, Washington Post,CBS་ལ་སོགས་པའི་ནང་ཧ་ལམ་མཐོང་རྒྱུ་མེད། གྲགས་ཅན་རྒྱུད་ལམ་ཁག་ནས་རྒྱ་ནག་གཞུང་འབྲེལ་Xing Hua་གསར་ཁང་གི་གནས་ཚུལ་ལུང་དྲངས་ཏེ་རྒྱ་ནག་གི་གནས་ཚུལ་ཁྱབ་བསྒྲགས་བྱེད་བཞིན་ཡོད། རྒྱལ་སྤྱིའི་གསར་འགོད་རང་དབང་གི་ཟིན་ཐོར་ཞིག་ན་༢༠༡༣་ལོ་ནི་གསར་འགོད་རང་དབང་ལ་ཉེ་བའི་ལོ་༣༠་ཙམ་གྱི་རིང་གཉའ་གནོན་ཆེ་ཤོས་ཀྱི་ལོར་ངོས་འཛིན་བྱས་ཡོད། ༢༠༡༦་ལོར་ཁྲོམ་ཕུ་སྲིད་འཛིན་ཆགས་པ་ནས་བཟུང་གཡོན་ཕྱོགས་ཚོགས་པ་དང་ཁོང་ཚོའི་རྒྱབ་ཏུ་ཡོད་པའི་ཁེ་ལས་ཚོང་གཉེར་བ་ཚོའི་དེ་སྔའི་ཨ་རིའི་ཆབ་སྲིད་པ་ཁ་ལོ་སྒྱུར་བའི་ཐབས་ལམ་དེ་ཚོ་བེད་མེད་དུ་གྱུར། དེ་སྔོན་ཡིན་ན་ཁེ་ལས་ཚོང་གཉེར་པ་ཚོས་སྲིད་འཛིན་འོས་མིར་དཔལ་འབྱོར་གྱི་རྒྱབ་སྐྱོར་གྱ་ནོམ་པ་སྤྲད། རྗེས་སུ་སྲིད་འཛིན་ཆགས་དུས་སྲིད་འཛིན་ནམ་ཡང་ན་ཆབ་སྲིད་པ་སུ་ཡིན་རུང་ཁེ་ལས་ཚོང་གཉེར་པའི་ཁ་ལ་མ་ཉན་ཐབས་མེད་ཆགས་ཡོད། ཁེ་ལས་ཚོགས་པ་ཚོས་དེ་སྔ་གཞུང་ཞབས་པ་བྱེད་མྱོང་བའི་གྲོས་ཚོགས་མི་སྣ་དང་དེ་བཞིན་ཕོ་བྲང་དཀར་པོའི་ནང་ལས་ཀ་བྱེད་མྱོང་བའི་མི་སྣ་མང་པོ་ཞིག་དབུས་གཞུང་དང་ཁེ་ལས་ཚོགས་པའི་བར་འབྲེལ་མཐུད་པར་Washington DC་དུ་ལས་ཁུངས་བཙུགས་ནས་བཞག། དེ་སྔ་Obama་མའི་གསར་འགོད་ལྷན་ཚོགས་ཀྱི་དྲུང་ཡིག་ཆེན་མོ་ད་ལྟ་Amazon་ཁེ་ལས་ཚོགས་པའི་འབྲེལ་མཐུད་པ་ཡིན། དེ་བཞིན་ཉིན་ཁ་ཤས་ཀྱི་སྔོན་དེ་སྔ་Obama་མའི་སྐབས་དབུས་གསང་བའི་ལས་ཁང་གི་དབུ་འཛིན་ཟུར་པ་Alexander་ནི་Amazon་གི་སློབ་སྟོན་དབུ་འཛིན་ཆགས། གང་ལྟར་དངོས་ཤུགས་རྒྱུད་གསུམ་གྱི་ཐོག་ནས་ཁེ་ལས་ཚོགས་པ་ཁག་གིས་ཆབ་སྲིད་པ་ཚོ་ཁོང་ཚོའི་འདོན་དོན་བསྒྲུབ་ཏུ་བཅུག་གི་ཡོད། ཁྲོམ་ཕུ་དང་པོ་སྲིད་འཛིན་གྱི་འོས་མིར་ལང་གི་ཡིན་ཞེས་གསལ་བསྒྲགས་སྤེལ་དུས་གསར་འགྱུར་རྒྱུད་ལམ་ཁག་དང་དེ་བཞིན་ཁེ་ལས་ཚོགས་པ་ཁག་དེ་མ་ཐག་ཏུ་ཁྲོམ་ཕུ་ཡི་ཁ་གཏད་དུ་གྱུར། གང་ལ་ཞེ་ན་ཁྲོམ་ཕུ་ཡི་རང་ཉིད་ཀྱི་ལག་དངུལ་བཏང་སྟེ་ཕོ་བྲང་དཀར་པོ་འཐོབ་པ་ལས་ཁེ་ལས་ཚོགས་པ་སུ་ཞིག་ཀྱང་རོགས་དངུལ་བླངས་མེད་པ་དེེས་སྲོལ་རྒྱུན་གྱི་ལམ་ལུགས་དངུལ་ལོར་གྱིས་ཆབ་སྲིད་པ་ཁ་ལོ་སྒྱུར་བའི་ལམ་དེ་རྩ་བའི་ཆ་ནས་མེད་པར་གྱུར། གཡོན་ཕྱོགས་ཚོགས་པའི་རྒྱུད་ལམ་ཁག་དང་། གཡོན་ཕྱོགས་ཚོགས་པའི་ཆབ་སྲིད་པ།དེ་བཞིན་ཁེ་ལས་ཚོགས་པ་མང་པོ་ཞིག་མཉམ་རུབ་བྱས་ཏེ་ཁྲོམ་ཕུ་ཡི་ཁ་ལོ་དེ་མི་མང་བརྒྱུད་ནས་སྒྱུར་ཐབས་བྱེད་བཞིན་པ་ཡིན། འོན་ཀྱང་ད་བར་དོན་ཕན་གྲུབ་འབྲས་སོན་པ་བྱུང་མེད། ཁྲོམ་ཕུས་ཁོང་ཚོར་གདོང་ལེན་བྱས་ཏེ་ད་ལྟ་ཆབ་སྲིད་ཀྱི་ཚིག་ཚོགས་གསར་པ་ཁག་ཅིག་ཀྱང་གསར་བཏོད་བྱས། དཔེར་ན་གསར་འགྱུར་རྫུན་མ་དང་ཆབ་སྲིད་དང་མ་བསྟུན་པའི་སྐད་ཆ་ལྟ་བུ་ཡིན། མདོར་ན་གྲགས་ཆེ་བའི་གསར་འགྱུར་རྒྱུད་ལམ་ཁག་ལ་གཅིག་ནས་རྒྱ་ནག་གི་ཤུགས་རྐྱེན་ཆེན་པོ་ཡོད་པ་དང་། གཉིས་ནས་ཁེ་ལས་ཚོགས་པ་ཁག་གིས་ཁྲོམ་ཕུར་རྒོལ་བའི་མཚོན་ཆར་འགྱུར་དུས་ཁོང་ཚོའི་གསར་འགྱུར་ནང་གི་ཁྲོམ་ཕུ་ནི་དོན་དངོས་ཀྱི་ཁྲོམ་ཕུ་ཡི་བར་གནམ་ས་ལྟ་བུའི་ཁྱད་པར་ཡོད།ད་ཆ་གྲགས་ཆེ་བའི་གསར་འགྱུར་རྒྱུད་ལམ་ལ་ཡིད་ཆེས་བྱེད་མཁན་བརྒྱ་ཆ་ནི་༢༥% ལས་ཟིན་ཀྱི་མེད། དེང་སྐབས་རྒྱ་སྐྱེད་ཆེན་པོ་འགྲོ་བཞིན་པའི་སྒེར་གྱི་གླེང་སྟེགས་མང་པོ་ཞིག་Youtube་ཀྱི་ཐོག་ཡོད་པ་དེ་ཚོར་མི་ཚོས་ཡིད་ཆེས་མང་བ་བྱེད། རིང་པོར་མི་ཐོག་པར་གྲགས་ཆེ་བའི་རྒྱུད་ལམ་ཁག་རིམ་བཞིན་མེད་པར་འགྲོ་རྒྱུ་ནི་གདོན་མི་ཟ། མིང་གྲགས་ཅན་གྱི་རྒྱུད་ལམ་ཁག་ནས་དངོས་ཡོད་ཀྱི་གནས་ཚུལ་དཀྱོག་བཤད་བྱས་ཏེ། མི་ཞིག་གི་མི་ཚེར་གནོད་ཇི་ཙམ་བྱ་གི་ཡོད་མེད་གཤམ་གྱི་དངོས་བྱུང་གི་ལོ་རྒྱུས་ལས་ཤེས་ཐུབ།

༡༩༩༦་སྤྱི་ཟླ་༧་ཚེས་༢༧་ཉིན་ཨ་རིའི་གྲོང་ཁྱེར་Atlanta་རུ་འབར་གས་ཀྱི་དོན་རྐྱེན་ཞིག་བྱུང་སྐབས་མིང་ལ་Richard Jewell་ཟེར་བའི་མི་ཞིག་གིས་འབར་གས་མ་ཐོར་བའི་སྔོན་ནས་ཤེས་ཏེ་མི་མང་པོའི་ཚེ་སྲོག་བསྐྱབས་ཡོད། གློ་བུར་དུ་Atlanta Journal་ཞེས་པའི་ཚགས་པར་གྱིས་Richard་ནི་འབར་གས་དང་པོ་འཇོག་མཁན་ཡང་ཁོ་རེད་ཅེས་གཞི་མེད་ཀྱི་དཔྱད་རྩོམ་ཞིག་བྲིས། དེ་ནས་བཟུང་གསར་འགྱུར་རྒྱུད་ལམ་ཁག་ནས་ཆུ་ཚོད་༢༤་རིང་ལ་Richard་ཡི་འགྲོ་སྡོད་དཔྱོད་གསུམ་ཚང་པར་ཞིབ་དཔྱད་ནན་པོ་བྱས། རྗེས་སུ་ཁོའི་ཤི་ལ་ཉེ་བའི་གྲོགས་པོ་སྨན་ཁང་ནང་དུ་ལུས་པ་ལ་ཡང་ལྟ་བར་འགྲོ་མ་ཐུབ་པ་བཟོས། ཁྲིམས་ཐོག་ནས་Richard་ལ་དྲི་བ་ཙམ་ཡང་ལེན་མེད་ལ་དོན་དངོས་ཐོག་ཁོ་ལ་ནག་ཉེས་གང་མེད། ཁྲུམ་ཕུ་ཡི་རྒྱབ་སྐྱོར་བ་ཞྭ་མོ་དམར་པོ་སྟེང་ཨ་རི་ཡང་བསྐྱར་རླབས་ཆེན་བཟོ་ཞེས་ཁོད་པ་གྱོན་མཁན་མིང་ལ་Nick Sandmann་ཟེར་བ། ལོ་༡༦་སོན་པའི་ན་གཞོན་ཞིག་གི་སྐོར་མཆེད་མངགས་༢༠༡༩་སྤྱི་ཟླ་དང་པོའི་ནང་CNN,Washington Post, NPCABC, CBS, The Guardian, The Huffington Post, NPR, Slate, The Hill and Gannett་སོགས་ཀྱིས་དངོས་ཡོད་ཀྱི་གནས་ཚུལ་དང་ཡོངས་སུ་འགལ་བའི་གསར་འགྱུར་རྒྱུད་བསྒྲགས་བྱས་ཏེ་མི་མང་པོ་ཞིག་གིས་ན་གཞོན་དེར་སྤྱི་ཚོགས་དྲྭ་རྒྱའི་སྟེང་ཚེ་སྲོག་ལ་འཇིགས་སྐུལ་དང་དམའ་འབེབས་ཤུགས་ཆེ་བྱས། དེ་ནས་ཉིན་ཁ་ཤས་ཀྱི་རྗེས་ལ་Youtube་སྟེང་དངོས་ཡོད་ཀྱི་གནས་ཚུལ་གསལ་པོར་ཐོན་དུས་གཞི་ནས་མིང་གྲགས་ཅན་གྱི་རྒྱུད་ལམ་གྱིས་རྐང་བཙུགས་ནས་སྐྱག་རྫུན་བཤད་པ་ར་འཕྲོད། ན་གཞོན་Sandmann་གྱིས་མཚན་ཤས་དང་། མིང་ཆད་བཟོས་པ། བདེ་འཇགས་ལ་ཉེན་ཁ་བཟོས་པ། མི་བདེན་རྫུན་སྒྲིག་བྱེད་པ་སོགས་ཉུང་མཐར་དོན་ཚན་གསུམ་གྱི་ཐོག་ནས་CNN, Washington Post་སོགས་ལ་ཁྲིམས་གཏུག་བྱས་ཏེ་ད་ཆ་CNN་དང་Washington Post་གཉིས་ནས་ཨ་སྒོར་༢༥,༠༠༠,༠༠༠+ ༢༥,༠༠༠,༠༠༠=$500 million་སྤྲད་དེ་ཁ་མཆུ་ཕྱིར་འཐེན་བྱས། མིང་གྲགས་ཅན་གྱི་རྒྱུད་ལམ་གཞན་པ་ཁག་ལ་ཡང་Sandmann་གྱིས་ཁྲིམས་གཏུག་བྱ་བཞིན་ཡོད། དེ་འདྲ་ཡིན་དུས་མིང་གྲགས་ཅན་གྱི་རྒྱུད་ལམ་ལ་ཆ་བཞག་སྟེ། དངོས་ཡོད་གནས་ཚུལ་ཡོང་རེ་བྱེད་བ་ནི་བོད་ཀྱི་གཏམ་དཔེར་སྤྱང་ཀིའི་ཁ་ནས་ཁྲག་གི་ཐིགས་པ་མི་ཐོན་ཞེས་པ་ལྟར་གྲགས་ཅན་རྒྱུད་ལམ་ཁག་ནས་དངོས་ཡོད་ཀྱི་གསར་འགྱུར་ཐོན་མི་སྲིད་དོ།།

དཔྱད་གཞིའི་ཡིག་ཆ།

Hidden Hand – exposing how the Chinese Communist Party is reshaping the world by Clive Hamilton.https://www.goodreads.com/book/show/48838251-hidden-hand

Off the Record: My Dream Job at the White House, How I Lost It, and What I Learned
https://www.amazon.com/Off-Record-Dream-White-Learned/dp/1546059709

Obama’s America: Documentary movie
The Enemy of the People: A Dangerous Time to Tell the Truth in America, Book by Jim
Must Watch Video: RIDING THE DRAGON: The Bidens’ Chinese Secrets (Embedded)

https://forbiddenknowledgetv.net/riding-the-dragon-the-bidens-chinese-secrets-full-documentary/#:~:text=‘Riding%20the%20Dragon%3A%20The%20Bidens’%20Chinese%20Secrets’%20is,Class%20Hides%20Corruption%20and%20Enriches%20Family%20and%20Friends.’

Book: Room Where it Happened by John Bolton

https://www.cbsnews.com/news/john-bolton-book-trump-revelations-the-room-where-it-happened/#textFormer20national20security20adviser20John20Bolton27s20soon-to-be20publisheda20half20that20Bolton20spent20in20the20job

https://www.distractify.com/p/nicholas-sandmann-net-worth