བཞག་ལྡོམ་ལྗང་ལོ།
ང་ཆུང་དུས་སུ་རྒན་རབ་པ་ཚོའི་ངག་རྒྱུན་ལས་འབྱུང་བོ་རོ་ལངས་ཞེས་བའི་བྱིས་སྒྲུང་གང་མང་ཞིག་ལ་ཉན་མྱོང་ཡོད་ལ། དེ་དག་བདེན་པ་རུ་འདོད་དེ་ཞེད་སྣང་ཡང་སྐྱེས་མྱོང་ཡང་། རིམ་གྱིས་ང་རང་ནར་སོན་ཡོང་དུས་བྱིས་སྒྲུང་དེ་དག་ནི་རྟོག་བཟོ་ཡིན་པ་ལས་དངོས་ཡོད་མ་ཡིན་པ་གཞི་ནས་ཤེས་བྱུང་། གང་ལྟར་། དེ་རིང་ཡང་སྐྱར་ངའི་སེམས་ཁམས་སུ་བྱིས་སྒྲུང་དེ་དག་དྲན་བསོ་ཐེངས་གཅིག་བྱས་ཡོང་། བྱིས་སྒྲུང་དེ་ནི་ཨ་རིའི་མངའ་སྡེ Pennsylvania ཡི་གྲོང་ཁྱེར་Philadelphia ནས་དུས་བཞིའི་སྐར་ཆེན་འཁོར་ཡུག་གཙང་བཟོ་ཚོང་ཉེར་ཁང་གི་ས་གནས་དེ་རེད། ཀུན་ཀྱིས་ཤེས་གསལ་ལྟར་ཟླ་བ་འདི་ཡི་ནང་། ཨ་རི་བ་ཚོས་མང་གཙོའི་ཚེ་སྲོག་འཚོ་མིན་ལ་ཆབ་སྲིད་ཀྱི་གཡུལ་ས་ན་ཁྱོད་ཤི་ང་བསོན་ཀྱིས་བསམ་བློའི་འཐབ་ཁྲུག་མེ་རི་བཞིན་ཤུགས་ཀྱིས་འབར་ཡོད་པ་དང་། འཐབ་ཁྲུག་དེ་ལ་བརྟེན་ནས་ཨ་ཁུ་ཁྲོ་ཐུང་”Trump”་གི་བསམ་བློའི་དཔུང་ཚོགས་གཅིག་རྗེས་གཉིས་མཐུད་དུ་གྲོང་དང་གྲོང་ཁྱེར་རྒྱུད་དེ་འཕམ་ནས་ཡོང་བ་བརྟེན། ཨ་ཁུ་ཁྲོ་ཐུང་གིས་སེམས་ཀྱི་ཚེ་སྲོག་མཇུག་མ་རྫོགས་སྔོན་ལ་ཁ་ཆེམས་ཤིགTwitter་སྟེང་བཞག་ཡོད་པའི་ནང་དུ། དུས་བཞིའི་སྐར་ཆེན་ས་ཚིགས་སུ་གཞི་རྒྱ་ཆེ་བའི་གསར་འགོད་གསལ་བསྒྲགས་ཤིག་བསྐོང་གི་ཡོད་ཟེར་བ་བཞིན། གསར་འགོད་པ་ཚོ་བྲེལ་ཚུབ་ངང་དུས་བཞིའི་སྐར་ཆེན་མགྲོ་ཁང་ལ་འགྲོ་སྐབས། མགྲོ་ཁང་གིས་གསར་འགོད་པ་ཚོར་གནས་འདི་ན་བྱེད་སྒོ་གསར་བ་གང་ཡང་མེད་ཅེས་གསལ་བཤད་Twitter རྒྱུད་ནས་བྱས་འདུག རིམ་གྱིས་གསལ་འགོད་པ་ཚོས་ཧ་གོ་བ་ལྟར་ན། ཁྲོ་ཐུང་གི་བློན་ཆེན་Rudy ཡིས་མགྲོན་ཁང་ལས་ས་ཚིགས་གཞན་པ་དེ་འདེམས་པ་དང་། དེ་ལ་དགོས་བ་དང་རྒྱུ་མཚན་མང་པོ་ཡོད་པ་རྣམས་མདོར་བསྡུས་ན་གསུམ་གྱི་ནང་དུ་ཚུད་ཡོད་འདུག
༡༽ ཁྲོ་ཐུང་གི་མི་ཚེའི་ནང་བུ་མེད་ཚོའི་འདོད་མིན་ལ་མ་ལྟོས་བར་འདོད་སྲེད་འདྲ་མིན་བྱས་བའི་མཚོན་དོན་དུ། དེ་ན་སྣ་མང་ཆགས་སྤྱོད་ཚོང་ཁང་ཡོད་པ་དང་།
༢༽ ཁོའི་ལྟ་བའམ་སེམས་ཀྱི་འདུ་ཤེས་འཕམ་པའམ་འདས་བོ་དེ་མཚོན་དོན་ལ་དུར་སྲེག་ཁང་ཡོད་པ་དང་།
༣༽ ཁོའི་མི་ཚེའི་ནང་ཁྲིམས་ལུགས་ལ་རྒྱུན་དུ་འགལ་བའི་མཚོན་དོན་ལ་ཁྲིམས་ཁང་ཡོད་འདུག བློན་ཆེན་Rudy་ཡིས་གོང་དུ་བཀོད་པའི་མཚོན་དོན་གསུམ་པོ་ནི་ཁྲོ་ཐུང་ཆེས་ཞེན་ཆགས་སའི་ཡུལ་ཡིན་པས། ཁོའི་སེམས་ཀྱི་གདོན་འདྲེ་ད་དུང་ཤི་མེད་པ་དང་། གལ་སྲིད་ཤི་བ་ཡིན་ན་འབྱུང་བོ་བཞིན་རོ་ལངས་བྱ་ཡོང་གི་རེད་ཅེས་འཇིགས་སྣང་སྐུལ་པ་བརྟེན། དུས་བཞིའི་སྐར་ཆེན་ཚོང་ལས་ཁང་གིས་གལ་སྲིད་འབྱུང་བོ་རོ་ལངས་བྱས་པ་ཡིན་ན་རྩྭ་བྲན་”Rake”གྱིས་ཡང་སྐྱར་ས་འོག་རིམ་པ་དགུ་ལ་གཡུག་གི་ཡིན་ཟེར།
https://twitter.com/realDonaldTrump/status/1325087011464749056?s=20
https://twitter.com/FSPhiladelphia/status/1325102014964109312?s=20