ཀླུ་སྨྱོན་ཧེ་རུ་ཀ
ན་བཟའ་དམར་པོ་དེ་ཁྱེད་ཀྱི་བྱམས་བརྩེ་ཡིན།
རྫ་རི་སྨུག་པོ་དེ་ཁྱེད་ཀྱི་སྐུ་ལུས་ཡིན།
གངས་རི་དཀར་པོ་དེ་ཁྱེད་ཀྱི་དབུ་སྐྲ་ཡིན།
ནམ་མཁའ་སྔོན་པོ་དེ་ཁྱེད་ཀྱི་ཐུགས་དགོངས་ཡིན།
ཀླུ་སྨྱོན་ཧེ་རུ་ཀ
ན་བཟའ་དམར་པོ་དེ་ཁྱེད་ཀྱི་བྱམས་བརྩེ་ཡིན།
རྫ་རི་སྨུག་པོ་དེ་ཁྱེད་ཀྱི་སྐུ་ལུས་ཡིན།
གངས་རི་དཀར་པོ་དེ་ཁྱེད་ཀྱི་དབུ་སྐྲ་ཡིན།
ནམ་མཁའ་སྔོན་པོ་དེ་ཁྱེད་ཀྱི་ཐུགས་དགོངས་ཡིན།
དྷ་སའི་མགོན་མཆོག་གསོལ་འདེབས།
་
བདག་གི་རྩ་བའི་བླ་མ།
སྲོང་བཙན་ལས་ལྷག་དབང་ཐང་།
ཁྲིས་སྲོང་ལས་ལྷག་མཛད་པ།
ལྔ་པ་ལས་ལྷག་གདུལ་བྱ།
པོ་ཏ་ལས་ལྷག་གཟིམ་ཆུང་།
ལྷ་ས་ལས་ལྷག་དྷ་ས།
གངས་ལྗོངས་གསར་པའི་རྗེ་བོ།
དད་ལྡན་ཡོངས་ཀྱི་གཙུག་རྒྱན།
མི་རིགས་ཡོངས་ཀྱི་དེད་དཔོན།
སྐྱེ་འགྲོ་ཡོངས་ཀྱི་སྐྱབས་མགོན།
སྙིགས་དུས་སྤྱན་རས་གཟིགས་དབང་།
ཤཀྱྰ་ཐུབ་པའི་རྒྱལ་ཚབ།
བོད་རིགས་ཡོངས་ཀྱི་རེ་ས།
མི་རིགས་ཡོངས་ཀྱི་བཀུར་ས།
ཛམ་གླིང་ཞི་བདེའི་དེད་དཔོན།
བོད་ལྗོངས་ཕྱོགས་ལ་གཟིགས་བགྱིད།
གཞན་པའི་ཡུལ་ལ་བཞུགས་བགྱིད།
རང་ཡུལ་ཕྱོགས་ལ་དགོངས་བགྱིད།
དགྲ་ལ་གོ་སྐབས་གནང་བགྱིད།
གཉེན་ལ་རེ་བ་གནང་བགྱིད།
འཕྲོད་བསྟེན་གཟབ་གཟབ་གནོངས་དང་།
དགུང་ལོ་བརྒྱ་དང་ཉེར་ལྔ།
བཞུགས་པར་ཐུགས་དགོངས་བཞེས་དང་།
༸སྐུ་ཚེ་ཡུན་དུ་བརྟན་དང་།
ང་ཚོ་བོད་རིགས་ཡོངས་ཀྱིས།
དྲིན་ལན་ཅུང་ཟད་འཇལ་ཆོག
ང་ཚོ་མི་རིགས་ཡོངས་ཀྱིས།
ཐུགས་ཕུག་སེམས་ལ་བཅང་ཆོག
རྒྱ་བོད་བསམ་དོན་སྒྲུབ་ངེས།
ཤར་ཕྱོགས་བསྟན་པ་དར་ངེས།
ནུབ་ཕྱོགས་ཞི་བདེར་གནས་ངེས།
ཐུགས་བཞེད་ལྷུན་གྲུབ་འོངས་ངེས།
་
ཀརྡོས།
ཧི་མ་ལ་ཡི་རི་ལྗོངས་སུ། །
དྷ་ས་ཐེག་ཆེན་ཆོས་གླིང་ཆགས། །
མེག་ལོར་གྷན་ཇིའི་རི་ཟུར་ལ། །
ཕོ་བྲང་ཐོག་ལྗང་གསར་བརྩིགས་སུ། །
སྤྱན་རས་གཟིགས་དབང་དགེ་སློང་བཞུགས། །
དགེ་སློང་ནམ་མཁའི་སྙིང་པོ་འདྲ། །
སློབ་དཔོན་པདྨ་འབྱུང་གནས་འདྲ། །
ཁྲི་སྲོང་ལྡེ་བཙན་སླར་བྱོན་འདྲ། །
སྲོང་བཙན་འབྲོམ་སྟོན་ལ་སོགས་སྤྲུལ། །
དགེ་འདུན་གྲུབ་ནས་བཅུ་བཞིའི་བར། །།
དགེ་སློང་ཚུལ་གྱིས་འགྲོ་དོན་བསྐྱངས། །
༸བསྟན་འཛིན་རྒྱ་མཚོ་རྒྱལ་གྱུར་ཅིག །