བསྟན་འཛིན།
ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག བཅའ་ཁྲིམས་དང་སྒྲིག་གཞི་ཁག་སྤྱན་གྱི་འབྲས་བུ་ལྟར་སྲུང་མཁན་ཞིག་ཡིན་པས། ང་ཚོའི་འོས་བསྡུའི་ཐུན་མིན་རིང་ལུགས་དང་མཐུན་པར་ཕེབས་ཀྱི་ཡོད་པ་ལས། འོས་བསྡུའི་ལམ་སྲོལ་ནང་གཞན་གྱི་ངན་གོམས་ཚུར་བླངས་པ་ལས་མ་དག་རྒྱུན་འབྱམས་ལྟ་བུས་དྭང་བླངས་པ་ཚོར་”སྔོན་འགྲོའི་འོས་མི་”ཞེས་བོས་ཏེ། མདོ་དོན་དྭང་བླངས་ཐོན་ལུགས་མེད་པ། དྭང་བླངས་ཐོན་ན་དགེ་ཕན་མེད་པ། དྭང་བླངས་ཐོན་མི་དགོས་པ། སྔོན་འགྲོ་ནི་མི་མང་རང་གི་ཕྱག་ཏུ་འཇོག་དགོས་པ་ཞིག་ཡིན་པ་སྒྲིག་གཞིའི་ཟིན་བྲིས་འདེབས་སྐབས་ནས་༸རླབས་ཆེན་དགོངས་གཞི་ཇི་བཞིན་གསལ་ཁ་བཏོད་ཡོད་ཀྱང་། དེ་དག་ལྟོས་མེད་བརྩི་མེད་ཀྱིས་སྔོན་འགྲོའི་སྐབས་ནས་རང་གིས་རང་ལ་སྲིད་སྐྱོང་འོས་མི་ཞེས་སྒྲོགས་མཁན་ཞིག་བཀའ་ཟུར་འབྲོང་ཆུང་དངོས་གྲུབ་མཆོག་གཏན་ནས་མིན།
དེ་མིན་ཙང་། གཞུང་གི་ཞབས་ཞུའི་ས་མིག་ནང་གི་སྲིད་སྐྱོང་འོས་མི་ཞིག་ནམ་ཡང་ཆགས་མེད། ༡ སྔོན་འགྲོའི་སྐབས་འོས་མི་ཟེར་པ་ཞིག་མེད་པ་དང་གཅིག ༢ མི་མང་གིས་མཚན་བཏོན་པ་ཙམ་གྱིས་གཞུང་སྣེ་ནས་འཁྱུར་དགོས་པའི་སྲོལ་མེད་པ་དང་གཉིས། དཔེར་ན། གཞུང་ཞབས་ཤིག་དང་སྤྱི་འཐུས་ཤིག་བཀའ་བློན་དུ་བདམས་རྗེས་ལས་གནས་ནས་རྩ་དགོངས་ཞུ་དགོས་པ་གཅིག་མཚུངས་ཡིན། ༣ བཀའ་ཟུར་མཆོག་གིས་དངོས་གཞི་ལས་ཕྱིར་འཐེན་མི་གནང་བ་དང་། སྔོན་འགྲོའི་སྐབས་འོས་མི་ཞེས་དྭང་བླངས་ཐོན་དགོས་པའི་ལམ་སྲོལ་མེད་གསུང་པ་ནི་ཚད་མར་གནས་ལ། གཞུང་དང་མང་གཙོའི་ཡར་རྒྱས་ལ་ཐུགས་འགན་བཞེས་པ་ཡིན་པ་ལས། རྐང་པ་གཉིས་འཛུགས་སུ་མཐོང་བ་ནི། ཡི་དྭགས་ཀྱི་མིག་ལམ་བདུད་རྩི་རྣག་ཁྲག་ཏུ་གྱུར་བ་ཡིན་པས། དེར་ལྟ་མཁན་རང་གི་ཤེས་རྒྱའི་ཆེ་ཆུང་གིས་ལན་མ་གཏོགས་གཞན་གང་ཡང་མིན།
མཇུག་གི་བཀའ་སློབ་རིན་པོ་ཆེ་ནི་འདིར་འབྲེལ་བ་མ་ཆགས་པས་ཞུ་བྱ་མ་མཐོང་ལ། ༢༠༡༥།༢༠༡༦ ལོའི་སྲིད་སྐྱོང་འོས་བསྡུའི་སྐབས་ཕྱོགས་གཉིས་ནས་མངོན་ལྐོག་རྒྱབ་མདུན་ཅན་གྱི་ལས་ཀ་སྲིད་སྐྱོང་འོས་མི་སོ་སོས་དངོས་སུ་ག་རེ་བྱས་མིན་ཤེས་མཁན་ཞིག་ཡིན་པ་བཅས་ཨ་དགའ་ཁྲོ་ཐུང་ཟེར་པའི་ཧམ་རྫུན་ལ་ལན་འདེབས་ཙམ་དུ།།