རྔ་བ་ཀུན་བཟང་སྒྲོལ་མ།
ངའི་ཨ་ཡེ་ནི་ཧ་ཅང་བྱམས་སེམས་ཆེ་བའི་སྐྱེས་མ་ཞིག་ཡིན་ཞིང་། ད་ལྟ་ལོ་རྒན་གོ་བརྒྱད་བརྒལ་ཡང་བློ་རིག་ཧ་ཅང་གསལ། སྐུ་གཟུགས་ཐང་ལ་རྣམ་པ་ཡང་མཛེས། ཁོང་ཆུང་དུས་འབྲོག་མོ་ཞིག་ཡིན་ལ། རྟ་ནོར་ལ་དེ་བས་ཀྱང་དགའ་མཁན་ཞིག་རེད། ཁོང་ལ་ཞི་མོ་གཉིས་དང་ཞི་ལུ་གཅིག་ཡོད། ཁོང་ཚོས་ཚང་མ་ད་ལྟ་མི་ཆེན་པོ་ཏག་ཏག་ཡིན། ད་དུང་ངའི་ཨ་ཡེ་ལ་གཞས་དང་གླུ་རིགས་ལ་ཧ་ཅང་དགའ་ལ་སྐད་ཡང་སྙན།
སྐད་ཆ་དྲང་པོ་བཤད་ན་ཨ་ཡེ་ནི་མིང་དོན་མཚུངས་བའི་ངའི་ཨ་མ་དང་ཆ་ཡིན། ང་གཉིས་ངོ་ཤེས་ནས་ལོ་དགུ་ཙམ་སོང་ལ། ལོ་འདི་དག་གི་རིང་ལ་མ་བུ་ལྟར་ཕན་ཚུལ་ལ་ཧ་ཅང་བརྩེ་སེམས་ཆེན། ཨ་ཡེ་ལ་མཚོན་ན་ངའི་མིང་ཆ་ཚང་མི་ཤེས། ནམ་ཡིན་ན་ཡང་ང་ལ་སྒྲོལ་མ་ཞེས་འབོད། སྐབས་རེ་མྱི་ནོར་ནས་བུད་མེད་གཞན་ལ་ཡང་སྒྲོལ་མ་དང་སྒྲོལ་མ་ཞེས་འབོད། ད་ལྟར་བསམ་ན་དགོད་བྲོ་བ་ཞིག་རེད་ཨང་།
དེ་བས་དགོད་བྲོ་བ་ཞིག་ལ་ལོ་འགའ་གོང་ལ་ཨ་ཡེ་ང་གཉིས་ནང་པའི་གནས་ཆེན་ཁག་ལ་མཇལ་སྐོར་ལ་སོང་ཡིན། སྐབས་དེ་དུས་ངས་མགོ་ལ་སྐྲ་ཐུང་། ལམ་འགྲོ་བ་འགའི་ང་གཉིས་ལ་མིག་རིག་རིག་ངང་ལྟ་ལ། ཡང་འགའ་རེའི་ཡ་མཚན་ཅན་གྱི་རྣམ་པ་བལྟས། གང་ལྟར་ཉིན་གཅིག་ཨ་ཡེ་དང་ང་གཉིས་ནྭ་ལེནྡ་ལ་གནས་མཇལ་ལ་སོང་ཡིན། སྐབས་དེ་དུས་ཕྱི་མི་རེ་ལ་སྒོར་300དང་།ཡུལ་མི་རེ་ལ་སྒོར་10རེད་འདུག། སྒོ་སྲུང་རྒྱ་གར་དེ་ང་ཕྱི་མི་རེད་འདོད་ནས་སྒོར་༡༠་ཡི་ནང་ལ་མ་བཏང་། དེ་མ་ཐག་ཨ་ཡེ་ཧ་ཅང་རླུང་ལངས་ནས་ལག་ནང་གི་ཤོག་བུ་དེ་ས་སྟེང་དུ་གཡུགས་རྗེས། ང་ལ་“སྒྲོལ་མ་ད་མགྱོགས་པོ་བྱེད་ནས་སྐྲ་རིང་བོ་བཟོས་ཤོག ། ངས་ཁྱེད་འདི་ནས་སྒུག་དགོས་”་ཞེས་བརྗོད་ནས་ལམ་སང་སྒོ་སྲུང་གི་གཡས་ཕྱོགས་སུ་སོང་ནས་ས་ལ་སྡད་ནས་ཁ་ནས་མ་ཎི་མུར་མུར་འདོན།
སྐབས་དེ་དུས་ཀྱི་གནས་ཚུལ་བྱུང་ནས་ད་བར་ངས་སྐྲ་གཏན་ནས་སྒྲ་རིང་བོ་བཞག་མེད། རྒྱུ་མཚན། ད་ལྟར་བསམ་ན་དགོད་བྲོ་ལ་སུས་ཀྱང་སྣང་བ་མི་གཏོང་བའི་དོན་ཞིག་ཡིན་ན་ཡང་། ང་དང་ཨ་ཡེ་གཉིས་ལ་མཚོན་ན་གནས་ཚུལ་འདི་ནས་ནམ་ཡང་བརྗེད་དཀའ་བའི་མ་བུ་ཞིག་གི་དངོས་ཡོད་གཏམ་རྒྱུད་ཞིག་ཡིན་ལ། ཕྱོགས་གཞན་ནས་གནས་ཚུལ་དེ་དང་དེ་འདྲ་བ་དེ་རིང་ཁ་སང་གི་ངའི་འཚོ་བའི་ཁྲོད་ན་ཡང་ཧ་ཅང་མང་གིས། དེ་ཕྱིར་ང་དང་ཨ་ཡེ་གཉིས་ཀྱི་གཏམ་རྒྱུད་མཚམས་མི་ཆད་བའི་ཆེད་དུ། ངའི་ནམ་ཡང་སྐྲ་ལོ་དེ་ཐུང་ཐུང་བཟོས་བཞིན་ཡུལ་སྐོར་ལ་འགྲོ་ནས་འདས་ཟིན་པའི་འཚོ་བ་ལ་དྲན་གསོལ་ཐེངས་གཅིག་བྱེད་འདོད།
2021/1/3
ཨ་ཡེ།
རྔ་བ་ཀུན་བཟང་སྒྲོལ་མ།
ངའི་ཨ་ཡེ་ནི་ཧ་ཅང་བྱམས་སེམས་ཆེ་བའི་སྐྱེས་མ་ཞིག་ཡིན་ཞིང་། ད་ལྟ་ལོ་རྒན་དགུ་བཅུ་གོ་བརྒྱད་བརྒལ་ཡང་བློ་རིག་ཧ་ཅང་གསལ། སྐུ་གཟུགས་ཐང་ལ་རྣམ་པ་ཡང་མཛེས། ཁོང་ཆུང་དུས་འབྲོག་མོ་ཞིག་ཡིན་ལ། རྟ་ནོར་ལ་དེ་བས་ཀྱང་དགའ་མཁན་ཞིག་རེད། ཁོང་ལ་ཞི་མོ་གཉིས་དང་ཞི་ལི་གཅིག་ཡོད། ད་ལྟ་ཁོང་ཚོ་ཚང་མ་མི་རྒན་ཏག་ཏག་ཡིན། ད་དུང་ངའི་ཨ་ཡེ་ནི་ལ་གཞས་དང་དམངས་གླུ་སོགས་ལ་ཧ་ཅང་དགའ་ལ་སྐད་ཡང་སྙན།
དྲང་པོ་བཤད་ན་ཨ་ཡེ་ནི་མིང་དོན་མཚུངས་བའི་ངའི་ཨ་མ་དང་ཆ་ཡིན། ངེད་གཉིས་ཀྱིས་ཕན་ཚུན་ངོ་ཤེས་ནས་ལོ་དགུ་ཙམ་སོང་ལ། ལོ་ངོ་འདི་དག་གི་རིང་ལ་མ་བུ་ལྟར་ཕན་ཚུན་ལ་ཧ་ཅང་བརྩེ་སེམས་ཆེ། ཨ་ཡེ་ལ་མཚོན་ན་མོས་ངའི་མིང་ཆ་ཚང་མི་ཤེས། ནམ་ཡིན་ན་ཡང་ང་ལ་སྒྲོལ་མ་ཞེས་འབོད། སྐབས་རེར་མྱི་ནོར་ནས་བུད་མེད་གཞན་ལ་ཡང་སྒྲོལ་མ་དང་སྒྲོལ་མ་ཞེས་འབོད། ཕྱིར་འདང་བརྒྱབས་ན་དགོད་བྲོ་བ་ཞིག་རེད་ཨང་།
དེ་བས་ཀྱང་དགོད་བྲོ་བ་ཞིག་ལ། ལོ་འགའི་གོང་ལ་ཨ་ཡེ་དང་ངེད་གཉིས་ནང་པའི་གནས་ཆེན་ཁག་ཏུ་མཇལ་སྐོར་ལ་སོང་། སྐབས་དེ་དུས་ངའི་སྐྲ་ལོ་ཐུང་བའི་དབང་གིས་ལམ་འགྲོ་བ་འགས་ངེད་གཉིས་ལ་མིག་གིས་རིག་རིག་བལྟས་ཤིང་། ཡང་འགའ་རེས་ཡ་མཚན་ཅན་གྱི་རྣམ་པས་བལྟས། གང་ལྟར་ཉིན་ཞིག་ལ་ཨ་ཡེ་དང་ངེད་གཉིས་ནྭ་ལེནྡ་ལ་གནས་མཇལ་ལ་སོང་། སྐབས་དེར་ཕྱི་མི་རེ་ལ་སྒོར་300དང་།ཡུལ་མི་རེ་ལ་སྒོར་10རེད། སྒོ་སྲུང་རྒྱ་གར་བ་དེས་ང་ཕྱི་མི་ཞིག་རེད་འདོད་ནས་སྒོར་༡༠་ཡི་ནང་ལ་མ་བཏང་། དེ་མ་ཐག་ཨ་ཡེ་ཧ་ཅང་རླུང་ལངས་ནས་ལག་གི་ཤོག་བུ་དེ་ས་ལ་གཡུགས་རྗེས། ང་ལ་“སྒྲོལ་མ། ད་མགྱོགས་པོ་བྱས་ནས་སྐྲ་རིང་བོ་བཟོས་ཤོག ། ངས་ཁྱོད་ལ་འདི་ནས་སྒུག་དགོས་”་ཞེས་བཤད་དེ་ལམ་སང་སྒོ་སྲུང་གི་གཡས་ཕྱོགས་སུ་སོང་ནས་ས་ལ་བསྡད་དེ་མ་ཎི་མུར་མུར་འདོན།
གནས་ཚུལ་དེ་བྱུང་བ་ནས་ད་བར་དུ་ངས་སྐྲ་ལོ་གཏན་ནས་རིང་བོ་འཇོག་གིན་མེད། རྒྱུ་མཚན། ད་ལྟ་བསམ་ན་དགོད་བྲོ་ལ་སུས་ཀྱང་སྣང་བ་མི་གཏོང་བའི་དོན་དག་ཅིག་ཡིན་ན་ཡང་། ཨ་ཡེ་དང་ངེད་གཉིས་ལ་མཚོན་ན་གནས་ཚུལ་འདི་ནམ་ཡང་བརྗེད་པར་དཀའ་བའི་མ་བུ་གཉིས་ཀྱི་དངོས་ཡོད་གཏམ་རྒྱུད་ཅིག་ཡིན་ལ། ཕྱོགས་གཞན་ནས་བཤད་ན། ཁ་སང་དེ་རིང་གི་ངའི་འཚོ་བའི་ཁྲོད་ན་ཡང་གནས་ཚུལ་དེ་དང་དེ་འདྲ་བ་ཧ་ཅང་མང་། དེ་ཕྱིར་ཨ་ཡེ་དང་ངེད་གཉིས་ཀྱི་གཏམ་རྒྱུད་མཚམས་མི་ཆད་བའི་ཆེད་དུ། ངས་ནམ་ཡང་སྐྲ་ལོ་ཐུང་ཐུང་བཟོས་ཏེ་ཡུལ་སྐོར་ལ་སོང་ནས་འདས་ཟིན་པའི་འཚོ་བ་ལ་དྲན་གསོ་ཐེངས་གཅིག་བྱེད་ན་འདོད།
2021/1/3
ཀུན་བཟང་ལགས། ང་རང་བརྩམས་སྒྲུང་ལ་དགའ་བའི་དབང་གིས་ཆ་ཚང་ཞིབ་ཀློག་བྱས། རྗེས་སུ་ཡི་རང་ཡོད། ཤེས་མདོག་བསྟན་པ་མིན་མོད་ནོར་བཅོས་དང་བཟོ་བཅོས་ཅུང་ཙམ་བྱས་ཡོད། ཐུགས་ལ་མི་འབབ་ན་དགོངས་དག་ཞུ།