མདོ་སྨད་དབུས་རྒྱུན་ཚོགས་ཟུར་བསྟན་པའི་དངོས་སྒྲུབ་ཀྱིས།
བསྟོད་པས་དགའ་བར་མི་འགྱུར་རང་ཉིད་རང་གིས་ཤེས་པའི་མི།།
སྨད་པས་སྡང་བར་མི་འགྱུར་བསམ་ཤེས་གུ་ཡངས་མཉམ་པར་འཛིན།།
ལྟ་བའི་མིག་དང་ཁོག་པའི་སྙིང་ཞེས་མགོ་ནག་བོད་མིའི་སྐྱབས་གཅིག་བུ།།
སྒྲུབ་པའི་མཆོད་པས་མཉེས་པར་བྱེད་མཁས་མི་རྗེ་ཁྱེད་ཉིད་གཙུག་ཏུ་བཀུར།།
ཆོལ་ཁ་གསུམ་དང་གཞིས་བྱེས་གཉིས་སོགས་ང་དང་ཁྱོད་ཀྱི་བར་ཐག་ཀུན།།
བརྩེ་བས་འདུམ་ཞིང་འཛུམ་གྱིས་སྐྱོང་བར་ཤེས་ཡོན་གཤོག་ཡངས་རབ་རྒྱས་ཏེ།།
ལྷག་བསམ་གྲུ་གཟིངས་བརྩོན་འགྲུས་རླུང་གིས་ཉེ་ཞོ་མེད་པར་རབ་དྲངས་ནས།།
སྐྱབས་བཅོལ་ལོ་ཟླའི་རྒྱ་མཚོའི་ཀློང་ནས་གངས་རིའི་ལྗོངས་སུ་འདྲེན་པར་སྨོན།།