ཚེ་བརྟན་འགྱུར་མེད།
ཆོས་ལུགས་དང་མདོ་སྟོད་སྤྱི་འཐུས་རྣམ་པའི་སྤྱི་འཐུས་དམ་ཆ་མ་ཕུལ་ནས་ད་བར་གྲོས་ཚོགས་འཚུགས་མ་ཐུབ་པའི་རྐྱེན་ལས་བཀའ་བློན་འདེམས་རྒྱུ་སོགས་བོད་སྤྱི་པའི་ལས་དོན་མང་པོ་ཞིིག་ཞུ་མ་ཐུབ་པར་རྒྱུན་རིང་ནར་ལུས་སུ་གྱར་ཡོད་པ་ཚང་མས་མཁྱེན་གསལ་རེད། ད་དུང་དེ་ལྟར་མུ་མཐུད་གནས་རྒྱུའི་དོག་གཞི་ཡོད་ན་དབུས་འོས་བསྡུ་ལྷན་ཁང་ནས་སླར་དུས་འགྱངས་སུ་མ་འགྲོ་བའི་ཐག་གཅོད་ཞུ་དགོས་གལ་ལས་དེ་མིན་འོས་བསྡུ་ལྷན་ཁང་ལའང་མི་དགོས་གཏམ་ངན་ཡོང་མི་སྲིད་པ་མིན། གོང་འཁོད་སྤྱི་འཐུས་ནང་དབུས་གཙང་དང་བྱང་ཨ་རི་སྤྱི་འཐུས་གཉིས་སྐོར་ཞུས་མེད། ཁོང་གཉིས་ལ་མགོ་མཐར་སར་འཇུག་མ་མཐར་པའི་འགྲེལ་བཤད་ཡོད་ན་ལས་དེ་མིན་ཕྱོགས་སོ་སོའི་ཁུངས་ནས་གང་གབ་གཟིགས་དགོས་རྒྱུ་ཡང་མེད་དམ་སྙམ།
གཉིས་སུ་དཀའ་གནད་འདི་དང་འབྲེལ་བའི་ལམ་སེལ་གནས་དོན་ཞིག་དེ་སྔ་དུས་བབ་ནང་ཞུས་ཡོད། ད་རེས་ཀྱང་སླར་ཞུས་ན་ཕན་པ་
ལས་གནོད་གང་ནས་འོང་། དེ་ཡང་དེ་སྐབས་མདོ་སྟོད་མགོ་སྟོན་པའམ་མི་མང་ཆེ་མཐོང་ཡོད་པའི་གྲགས་ཅན་མཁས་དབང་ཟབ་གདོང་རིན་པོ་ཆེ་དང་སྲིད་སྐྱོང་ཟུར་པ་བློ་བཟང་སེང་གེ་རྣམ་གཉིས་ཀྱི་མཚན་ཐོག་ནས་ཞུས་ཡོད། ད་ཡང་ཁོང་རྣམ་གཉིས་དང་དེ་མིན་ཆབ་སྲིད་དང་སྤྱི་ཚོགས་ནང་མཐོང་དང་གུས་བཀུར་ཡོད་པའི་མི་སྣ་རྒྱ་རི་སྒྲོལ་མ་ལགས་དང་དབུ་དཀར་ཚང་སྐལ་བཟང་རྡོ་རྗེ་ལགས་སོགས་སྤྱི་སྙོམས་ཀྱི་དགོངས་གཞི་ཡོད་མཁན་རྣམ་པས་ཁོང་ཚོར་གོ་བསྡུར་ལམ་ནས་འགྲིགས་ཆགས་བྱུང་ན་དེ་ལས་ལམ་མངོན་འདོད་ཆེ་བ་ཞུ་དགོས་མེད། ལྷག་དོན་ད་ཡོད་ཁྲིིམས་ཞིབ་མདུན་ནས་དམ་ཆ་ཐོག་མ་ཞུ་མཁན་ནི་བཀའ་ཤག་གསར་རྙིང་གཉིས་ལས་གཞན་བྱུང་མེད་པས་དེར་འབྲེལ་ལམ་ཞིག་མ་མཆིས་སམ།
ཁ་ནང་གི་རྨ་དེ་ཁ་ནང་ནས་སྒྲིག་གསལ་ལྟར་གསོ་ཐབས་བྱུང་ན་ལེགས་པའི་རྒྱན། སྤྱི་ཚོགས་ཡར་རྒྱས་ཀྱི་རྣམ་པ། ཆོལ་གསུམ་རྡོག་བསྒྲིལ་གྱི་གོང་ནུས་སོགས་རྣམ་གྲངས་དུ་མ་བཀོད་རྒྱུ་ཡོད་ལ་མདོ་སྟོད་སྤྱི་འཐུས་རྣམ་པར་དགའ་གུས་ཀྱང་འོང་ཆེ། ཆོལ་གསུམ་མི་མང་གི་མངོན་འདོད་ཀྱང་དེ་ལྟར་ཡིན་པས་ཁྱེད་རྣམ་པར་ཐུགས་བསམ་མི་ཆུང་བ་ཅེས་ཞུས་ན་ཁྱད་གསོད་དུའང་མི་འགྲོའམ། གང་ལགས་ཞུས་ན་མང་གཙོའི་གཞུང་ནང་མང་བ་དེ་གལ་ཆེ་ཡིན་པ་ཚང་མས་མི་མཁྱེན་ནམ། དེ་ལྟར་མ་བྱུང་ན་མཐའ་མིའི་ཞུ་ཡུལ་དེ་བོད་མིའི་བླ་ན་མེད་པའི་དབུ་འཁྲིད་༸གོང་ས་མཆོག་ལ་སྙན་གསོལ་གྱི་ཐབས་ལམ་ཡོང་བ་ཞུ་རྒྱུ་ཕྱི་མ་གྱུར་ཀྱང་སྔ་མེད་པ་ཚང་མས་བློ་ཚབ་ངང་གནས་ཡོད་གཤིས་ལ་སོང་དེ་ལྟར་འོས་བསྡུ་ལས་ཁང་ནས་གནང་རྒྱུ་མིན་ནམ་བསམ་བཞིན་པ་ཞུ། བོད་མི་མང་གི་འདོད་དོན་སླད་༸གོང་ན་མཆོག་གིས་བཀའ་ཇི་ཕེབས་སུ་ཆོལ་གསུམ་མི་མང་ནས་བཀའ་གསུངས་དམ་གཙང་ཞུ་རྒྱུ་ཡིན་ལགས་སོ། བོད་འབངས་རྒྱལ་གྱུར་ཅིག །།
བོད་ཆོལ་ཁ་གསུམ་རྡོག་རྩ་གཅིག་ཏུ་བསྒྲིལ་ནས་བོད་མིའི་གནད་དོན་ལ་ཐག་གཅོད་ཞུ་དགོས། འོན་ཀྱང་ངོས་བོད་རྣམས་ལ་གལ་ཆེ་ཤོས་དེ་བཙན་བྱོལ་བོད་མིའི་བཅའ་ཁྲིམས་རིན་པོ་ཆེ་ལ་སྙིང་ཐག་པ་ནས་བརྩི་བཀུར་ཇི་ལྟར་ཞུ་ཡི་ཡོད་མེད་ལ་རགས་ལུས། བཙན་བྱོལ་བོད་མིའི་བཅའ་ཁྲིམས་རིན་པོ་ཆེ་དབུས་སུ་བཞག་ནས་དེ་དང་འགལ་མེད་ཀྱི་སྟེང་ནས་ཐག་གཅོད་ཞུ་དགོས། བཅའ་ཁྲིམས་རིན་པོ་ཆེ་དང་འགལ་བའམ་འགལ་བཅུག་ནས་བོད་ཆོལ་ཁ་གསུམ་རྡོག་རྩ་ཆིག་སྒྲིལ་ཡོང་ཐབས་མེད། སྐབས་འདིའི་རྙོག་གླེང་དེའང་གནས་ཚུལ་དེར་ཐུག་ཡོད། དེ་ལྟར་ཡིན་དུས། བོད་མིའི་འགོ་འཁྲིད་ཚོས་གང་མྱུར་བཙན་བྱོལ་བོད་མིའི་བཅའ་ཁྲིམས་གཞིར་བཟུང་ཐག་གཅོད་གནང་དགོས་པ་ལས་དེ་མུར་དུས་ཚོད་བསྐྱལ་ནས་འཇོག་ཐབས་མེད།
ད་ལྟའི་བོད་་མིའི་རྙོག་གླེང་ནང་དུ་རྒྱ་དམར་གྱི་གཡོ་བྱུས་གཞིར་བོད་མི་བསམ་མེད་འགས་དངུལ་དངོས་ཀྱི་ཁེ་ཕན་བླངས་ནས་འཁྲབ་བཞིན་ཡོད་པ་ཚང་མས་ཤེས་དགོས། དེ་དག་གིས་ངོ་ཚ་སྤངས་ནས་འགོ་འཁྲིད་ཁུལ་བྱས་ཏེ་བོད་མི་བསམ་མེད་ཀླད་ཆུང་མང་པོ་ཞིག་མགོ་བོ་འཁོར་ནས་སྡོད་ཡོད་པའང་བོད་མི་ཚོས་ཤེས་དགོས། འོན་ཀྱང་ཁྱོད་རྣམས་ལ་ལས་རྒྱུ་འབྲས་ཀྱིས་འཕྱུགས་མི་ཡོང་ངོ་།། ཁྱོད་འདྲ་བ་སྤྱི་ཚོགས་དཀྲུག་མཁན་མང་པོ་ལ་ཚེ་མཇུག་ཏུ་བཀྲ་མི་ཤིས་པ་ཡོང་བ་དང་འཆི་ཁར་སྡུག་བསྔལ་སྣ་ཚོགས་མྱངས་ནས་འཆི་ཡི་ཡོད་པ་ང་ཚོས་མིག་མཐོང་དུ་བྱུང་སོང་བའང་ལས་རྒྱུ་འབྲས་ལ་ཐུག་ཡོད་དོ།། བོད་རྒྱལ་ལོ།།
པ་རྡོ་རྗེ། ཁྱེད་ཀྱི་བསམ་ཚུལ་དང་ངའི་བསམ་ཚུལ་ལ་མཐུན་པའི་ཆ་དེ་བཅའ་ཁྲིམས་གཞི་བཟུང་འགྲོ་དགོས་གལ་དེ་ཡིན་འདུག གནས་དོན་རྒྱ་ཆེ་ས་དེ་ད་ག་རང་རེད། ཡིན་ཀྱང་ཁྱེད་ཀྱི་ཆན་གྱི་མཐར་དེར་ཁྱོད་འདྲ་པོ་སྤྱི་ཚོགས་དཀྲུག་མཁན་ཅེས་པའི་ཁྱོད་དེ་ང་སྤྱི་དོན་ལ་དགོངས་བཞེས་ཡོང་བ་ཅེས་ཞུ་མཁན་པ་གོ་མིན་ནམ་བསམ་བྱུང། རེད། ཆོལ་ཁའི་མིང་བྲིས་ན་དཀྲུག་མཁན་ལྟ་བུ་མངོན་སྲིད་ཀྱང་སྐྱོན་ཡོད་ས་དེ་མཛུབ་སྟོན་ཞུས་ན་ནམ་ལངས་ན་འགྲོ་བདེ་པའི་་དང་པོའི་དཔེ་ལྟར་རེ་བ་ལས་སྤྱི་ཡོངས་སུ་གོ་རྒྱུ་འཚོ་མེད་པའི་ཁྲོམ་གཡུག་ཞུས་མེད། བཅའ་ཁྲིམས་ནང་༸རྒྱལ་བའི་སྐུ་པར་དང་བཅའ་ཁྲིམས་སྐུ་མདུན་དམ་འབུལ་ཞུ་རྒྱུ་ཡོད་པ་གང་དུ་གསལ་ལམ། རྐྱེན་རྩ་འདི་རེད། དངོས་བདེན་དང་ཐབས་བྱུས་མཉམ་ཞུས་ཡོད།
ང་ཚེ་བརྟན་འགྱུར་མེད་ལ་ཆ་མཚོན་ན་མི་ཚེའི་གསུམ་ཆ་གཅིག་ཙམ་བོད་རྒྱལ་ཁབ་དང་མི་མང་ཞབས་སྤྱི་ཞུས་ཡིན། སོ་སོའི་མི་ཚེའི་མདུན་ལམ་རང་ཁ་རང་གསོས་ཀྱིས་ད་དུའང་ལོ་གཅིག་ཉི་མ་གསུམ་བརྒྱ་དྲུག་བཅུའམ་དྲུག་བཅུ་རེ་ལྔ་ནས་ཉིན་བརྒྱ་ལྷག་ཙམ་བོད་རྒྱལ་ཁབ་དང་མི་མང་མངོན་འདོད་ཆེད་འབད་རྩོན་ཞུ་བཞིན་ཡོད་དོ། ཁྱེད་རང་གི་སྒྲུང་དེ་གསུང་དང་པ་རྡོ་རྗེ་། མིང་འདིའང་རྫུན་མིན་ན་ལེགས་ཐེ།