སྐྱོ་བྲག་དགའ་དབང་།
འདུས་བྱས་ཀྱི་ཆོས་ནི། མཛོད་འགྲེལ་གྲུབ་བདེའི་དཔྱིད་འཇོ་ལས། འདུས་བྱས་ཡིན་པ་གཞིར་བྱས་ལ་དེའི་མཚན་ཉིད་སྐྱེ་གནས་རྒ་འཇིག་བཞི་དང་མི་ལྡན་པ་ནི་མ་ཡིན་ནོ། །ཞེས་སྐྱེ་གནས་རྒ་འཇིག་གི་མཚན་ཉིད་ཅན་ཡིན་པ་བཞིན། བདག་གི་ལུས་ཀྱི་ཆ་ཤས་རེ་རེས་ཀྱང་རྒྱུད་རིམ་འདི་དག་འགྲིམ་དགོས་ངེས་སུ་ཡོད་སྟབས། ལོ་ཤས་གོང་བལ་ཡུལ་རྒྱལ་ས་ཡམ་བུར་ཡོད་སྐབས་ཤིག་ཏུ་ངའི་མ་འགྲམ་གཡོན་པའི་འགྲམ་སོ་སྦུག་མ་སྲིན་འབུས་ཟོས་པའི་ན་ཟུག་སྨན་སྔགས་དག་གིས་བཅག་པ་ཡིན། ལོ་འདིར་ནི་ཡ་འགྲམ་གཡས་གཡོན་དང་། མ་འགྲམ་གཡོན་པ་བཅས་ཀྱི་འགྲམ་སོ་ཁ་ཤས་སྲིན་འབུས་ཟོས་པའི་ན་ཟུག་གིས་ནམ་སྟོད་གཉིད་ཆག་པ་དང་། རྒྱུན་ལྡན་བཟའ་བཅའ་མི་ནུས་པའི་དཀའ་ངལ་གྱིས་ཟླ་ཤས་མནར་བའི་བདེ་གཟར་བྱུང་བ། རོགས་སྙེ་མོ་བ་བསྟན་འཛིན་ཆོས་འཕེལ་གྱིས་རིན་པོ་ཆེ་ལ་སྙན་གསན་ཞུས་ཤིང་། རིན་པོ་ཆེས་མཛོད་པ་མཆོག་ལ་སྨན་ཁང་དུ་ཁྲིད་དགོས་པའི་བཀའ་མངགས་གནང་བ་བཞིན། ང་ཤྲི་གུ་རུ་ལ་ཁྲིད་དེ། སྤྱི་ལོ་ ༢༠༢༢ ཟླ་༡༠ ཚེས་ ༡༨ ཉིན། རྒྱ་རིགས་སྨན་པ་ Yinpou Wu ལ་བསྟན་སོང་། སྨན་པ་འདི་ནི་སོ་ཡི་སྨན་པ་མཁས་ཅན་ཡིན་པ་གང་ཞིག་ལ། ལས་ཀ་ཚང་མ་ཞིབ་ཚགས་ཀྱིས་བྱེད་ཅིང་རྒྱུད་དྲང་པོ་དང་འདོད་རྔམས་ཁྱོན་ནས་མེད་པ་ཡིན་
ཕྱིར། རིན་པོ་ཆེ་ལ་སོགས་པ་མང་པོ་ཞིག་གི་སོ་སྟོན་སའི་སྨན་པ་རྒྱུས་ཡོད་རེད་གདའ། ཁྱད་མཚར་བ་ཞིག་ལ། སྨན་པ་ནི།ཧ་ལས་པའི་ཁྲོ་སྐྱེན་པོ་དང་། གཤེ་གཤེ་ཁོ་ན་གཏོང་གིན་ལས་ཀ་བྱེད་ཀྱི་འདུག །ངས་ནི་ཟླ་གཅིག་མ་ཟིན་ཙམ་གྱི་རིང་སྨན་པ་ལ་ཐེངས་བཅུ་གསུམ་སྟོན་ཚེའི་སྐད་སྒྱུར་ནི་ཕྱག་མཛོད་རྣམ་གཉིས་དང་།མཁན་སྤྲུལ་སོགས་ཁོམ་ལྕོགས་གང་ཡོད་ཀྱིས་གནང་ཞིང་། སྤྱི་ཟླ་ ༡༡ ཚེས་ ༧ ཉིན། སོའི་བུག་ལྷན་ལ་སོ་རྒྱུ་ཡག་ཤོས་ཡིན་པ་ལྷན་པ་དེས་ལོ་བཅུ་ནས་སུམ་ཅུའི་བར་འདང་གི་རེད་ཟེར་ཞིང་གདའ། གང་ལྟར་ད་ནི་ཕོ་སར་གྱི་སོ་འདྲ་བའི་བདེ་ཐང་གདའ་བས་སྨན་པ་ལ་སྟོན་རིན་ཆོག་པ་བྱུང་ངོ་། །
ནུབ་ཕྱོགས་ཡུལ་ན་མི་ཚང་མས་མ་མཐར་ཡང་ལོ་གཅིག་གི་ནང་ལ་ཐེངས་གཉིས་རེར་སོའི་གཙང་མ་བཟོ་བ་དང་བརྟག་དཔྱད་བྱེད་ཀི་འགྲོ་བ་རེད། བོད་པའི་སྤྱི་ཚོགས་ནང་ན་འདི་འདྲ་མེད་པ་དེ། གཅིག་དཔལ་འབྱོར་གྱི་ཡིན་སྲིད། གཉིས་དོ་སྣང་མེད་པས་ལན། མི་འཆི་ནད་པ་སོ་ན་སྡུག་ཟེར་བ་ལྟར། ག་ལ་བཟོད་ཐུབ། མ་འོང་པར་དུས་ནས་དུས་སོ་ལ་བརྟག་དཔྱད་བྱེད་ཀི་འགྲོ་རྒྱུ་མ་བརྗེད་རོགས། །
གཞུག་མ་སོ་ན་ན་ལམ་སང་སྨན་ཁང་ལ་འགྲོ་རྐྱང་གྱིས།
སྨན་ཁང་དེ་ཤྲི་གུ་རུ་གང་ཕྱོགས་ལ་ཡོད་ན།???
ཁ་བྱང་ཞིག་འདིར་འཇོག་རོགས་ཞུ།