པྲདཱིཔ ཤརྨས་བརྩམས།
ཟླ་བ་གཞོན་ནུས་བསྒྱུར།
རྒད་པོ་ཞིག་འབབ་སྟེགས་སུ་ཡོད་པའི་རྐུབ་བཀྱག་རིང་མོའི་སྟེང་དུ་བསྡད་དེ་མེ་འཁོར་ལ་སྒུག་བཞིན་འདུག དུས་དེར་གསར་བུ་ཞིག་ཁོང་གི་རྩིབ་ལ་ཡོང་ནས་དུས་ཚོད་དྲིས་པར། རྒད་པོས་དུས་ཚོད་བཤད་ཁ་མ་ཉན་པས། གསར་བུ་དེས་ཡང་དང་བསྐྱར་དུ་དུས་ཚོད་དུ་ཡིན་མིན་བཤད་རྒྱུའི་ཞུ་བ་ཕུལ་ནས་བསྡད་མོད། རྒད་པོ་དེས་ཁྱོན་ནས་མ་བཤད།
དེ་ནས་གསར་བུ་དེས་དེའི་རྒྱུ་མཚན་ཤེས་འདོད་ནས་བཀའ་འདྲི་ཞུས་པར། རྒད་པོས་”གལ་སྲིད་ངས་ཁྱོད་ལ་དུས་ཚོད་དུ་ཡིན་མིན་བཤད་པ་ཡིན་ན་ཁྱོད་ཀྱིས་ངའི་སྐོར་ཤེས་ན་འདོད་རྒྱུ་རེད། ངའི་མིང་དང་ལས་ཀ་སོགས་ཀྱི་སྐོར་ཤེས་འདོད་རྒྱུ་རེད། དེའི་རྗེས་ལ་ངས་ཁྱོད་ཀྱི་སྐོར་ཤེས་འདོད་རྒྱུ་རེད། འདི་ལྟར་དུ་ངེད་གཉིས་ཕན་ཚུན་ཤིན་ཏུ་འདྲིས་པར་འགྱུར་རྒྱུར་མ་ཟད། ཁྱོད་ལ་ང་རང་དང་མཉམ་པའི་སྡོད་ས་རེག་རྒྱུ་རེད། ད་དུང་ཕར་འབྱོར་ན་ངའི་མཉམ་དུ་མེ་འཁོར་ལས་འབུད་རྒྱུ་རེད། ངའི་བུ་མོ་ང་ལེན་དུ་ཡོང་གི་ཡོད་པས། མོ་ཁྱོད་ལ་འཐུག་རྒྱུ་རེད། ངའི་བུ་མོ་ཤིན་ཏུ་མཛེས་པས་ཁྱོད་མོ་ལ་དགའ་སྲིད་རྒྱུ་རེད། མོས་ཀྱང་ཁྱོད་བློར་འབབ་རྒྱུ་རེད། དེའི་གཞུག་ནས་མོས་ཁྱོད་ལ་ཆང་ས་བརྒྱག་རྒྱུ་ཞེས་ང་རང་ཡང་སྡུག་ལ་གཏད་རྒྱུ་རེད།
དེ་བས། དགོངས་དག ང་ལ་རང་གི་ལག་ན་དུས་ཚོད་དུ་ཡིན་ལྟ་སྤྱད་ཀྱི་ཆུ་ཚོད་ཀྱང་མེད་པའི་མག་པ་ཞིག་རྩ་བ་ནས་མི་དགོས།” ཞེས་བརྗོད་དོ།།
( अहा ! ज़िनदगि ༼ཨ་ལ་ལ། མི་ཚེ།༽ཞེས་པའི་ཧིནྡཱིའི་དུས་དེབ་ཅིག་ལས་བསྒྱུར།)
བོད་མི་ཞིག་ཡིན་ཕྱིན་འདི་ལྟར་བསམ་བློ་གཏན་ནས་གཏོང་མི་ཉན། འདིའི་བསམ་ངན་གྱིས་ལུགས་སྲོལ་འདི་རྒྱ་གར་པའི་གོམས་གཤེས་རེད། བསྒྱུར་མཁན་ལགས། རྗེས་ཕྱོགས་རྩོམ་ངན་དེ་འདྲ་མ་བསྒྱུར་རོགས་གནང་། ཐུགས་རྗེ་ཆེ།
ཡ་རབས་སྤྱོད་བཟང་ཐད་ཀྱི་བསམ་བློ་ཞིག་བཏང་མི་འདུག་མ་གཏོགས་རྒད་པོ་དེས་བསམ་བློ་ཞིབ་ཚགས་ཤིག་བཏང་འདུག ཁྱད་མཚར་རེད་ཡ།
རྒད་པོ་དེ་དེ་འདྲའི་དྲན་རྒྱུ་ལ། ཧ་ཧ་ཧ་
གླེན་པ་ཐ་མ་ཟེར་བས་འདི་དགོད་གཏམ་ཞིག་ཡིན་པའང་རྟོགས་མི་འདུག
མེ་ཏོག་དཀར་པོ་གྲུང་ཙམ་འདུག
འདིར་བལྟས་རྗེས་ཁྱེད་ཀྱིས་བྱ་དགོས་པ་གཅིག་གཅིག་པུ་ཡོད་པ་ནི་གྲོད་ཁོག་བསྐྱོར་ནས་གད་མོ་དིར་དིར་བྱ་རྒྱུ་དེ་རེད།