བོད། ལྷ་ཀླུ་གཉན་གསུམ་ནས།
སེམས་ཀྱི་སྐྱིབས་ཁུགས་སུ་འདར་བའི་རང་བྱུང་གི་གཤིས་ལ།།
དུས་གསུམ་གང་དུ་འང་མི་འགྱུར་ཆོས་ཉིད་ཀྱི་རྣམ་ཤེས།།
རྒྱབ་མདུན་གཏད་སོ་ཡི་བྲལ་བ་སེམས་ནང་གི་འཆར་གཞི།།
གཅིག་དུ་སྤུངས་པ་རུ་འབོད་པ་འགྲོ་བ་ཡི་ཚེ་སྲོག།
འདས་ཀྱང་སྲུང་བྱ་ཡི་སྟོང་བའི་འཇའ་གཟུག་ཀྱི་གནམ་འོག།
བྲིས་ཀྱང་འབྲི་སྨྱུག་གི་གཟད་པོའི་རྒྱུ་ཆ་ལས་གྲུབ་པའི།།
བརྩད་ཀྱང་ཚར་ཐབས་ཤིག་མེད་པ་ཞེ་སྡང་གི་འཐབ་ར།།
དེ་ཉིད་སྤྱི་གཙུག་དུ་བཀུར་མཁན་རྒྱལ་གཅེས་སུ་གྲུབ་འདུག།
གཟུགས་བསྡུས་འཛིན་མེད་ཀྱི་དགའ་སྡུག་འཕྲུལ་ཤེས་ཀྱི་རྟ་ལ།།
ཉེས་མེད་ལྕགས་ནག་གི་ཡང་ཡང་བརྒལ་བ་ལ་གཞུས་དུས།།
དྲིན་ལ་དྲིན་ཤེས་ཀྱི་ན་བུན་རྒྱང་རིང་གི་གླུ་སྐད།།
རྣ་བའི་བུ་རམ་དུ་ངར་ཞོར་སྐྱིད་སྣང་ལ་བསྲེས་འདུག།
རྒྱུས་མེད་དུར་ཐང་གི་ཕྱོགས་ནས་ཨག་སྐད་ཅིག་བརྒྱབ་ཀྱང་།།
ཉེ་ལ་སྙིང་སྡུག་གི་ཞལ་རས་འཛུམ་མདངས་དེ་མ་བཤིག།
དུངས་བ་བཀའ་དྲིན་གྱི་ཡབ་མེས་དམ་པ་ཡི་རྗེས་ཀྱང་།།
ཆལ་མོའི་གཡོ་ལས་ཀྱི་གཞུག་དུ་སྤྲུད་སྨན་གྱི་བཟི་འདུག།
ཨེས་སུ་རལ་རྒྱལ་ཁབ་ཀྱི་ལྷོ་ཕྱོགས་ཨེས་ལ་ཀྲི་ལ་ནས་༣༠།༨།༡༠མཚན་མོར། དབུགས་སྔ་གསོ་ཆེད་དུ་བྲིས་པ་ལས། གཞན་ལ་ངོམ་སོ་བྱེད་ཆེད་དུ་འབྲི་དོན་མེད་ལ། འབྲི་ཡང་འདོད་ཀྱི་མི་འདུག བྲིས་ཀྱང་ཕན་ཐོག་ཡོད་པ་ཞིག་ངས་ནམ་ཡང་འཁྱོང་ཁག་པོ་རེད། ཁག་ས་དེ་ནས་ངས་དུས་རྒྱུན་དུ་རོ་ལངས་ཤིག་བརྒྱབ་དེ་བསྡད་ཡོད།
རྒྱུས་མེད་བྱེ་མ་ཐང་གི་ཐང་དཀྱིལ་ན།།
ཆ་མེད་ཞྭ་མོ་དཀར་བོའི་གྲལ་མཇུག་ན།།
ཡུལ་མེད་བོད་ཀྱི་ལྷ་ཀླུ་གཞི་བདག་གིས།།
བྱིན་མེད་ཨད་ལ་འབོད་པ་བྱེད་བཞིན་འདུག།
མཐའ་མེད་འཁོར་བ་རྒྱ་མཚོ་འདི་ཀ་ནས།།
ཕྱོགས་མེད་རྒྱལ་ཁམས་རྐང་པས་འགྲིམ་ན་ཡང་།།
ཆད་མེད་རང་སེམས་དག་པའི་སྐུད་པ་ནི།།
ནོག་མེད་གངས་རིའི་མགུལ་དུ་བཏགས་པ་མཐོང་།།
དགེ་མེད་ཁ་ལས་རླུང་རྟ་ཉམས་པ་ནི།།
མཛད་མེད་སྡུག་བསྔལ་རྒྱ་མཚོའི་རྦ་རླབས་བཞིན།།
སེམས་མེད་སེམས་ཅན་བདས་ནས་རྗེས་རྙེག་པས།།
མཐའ་མེད་འཛམ་གླིང་གོ་ལ་ཟླུམ་པོ་ནས།།
ཐར་མེད་བཅིངས་ནས་བྲོས་ས་མེད་པར་མཐོང་།།
དགེ་མེད་ཁ་འདིས་མཐོ་དམན་ཡོད་ཚད་ལ།།
བཟང་མེད་ཚིག་གི་མཚོན་ཆ་འཕངས་བ་ནི།།
གྲངས་མེད་སྡུག་པའི་སྣོན་མ་ལས་མ་འདས།།
ལྡོག་མེད་རང་གིས་མྱོང་འགྱུར་ད་ཅི་དྲག།
སེམས་ཀྱི་སྐུད་པ་བཤིག་མེད་རྡོ་རྗེ་བྲག།
ལས་ཀྱི་དབང་ཐང་མ་ཉམས་རི་རྒྱལ་ལྷུན།།
རེ་བའི་དམིགས་སོ་བསྒྱུར་མེད་བཙན་པོའི་བུ།།
དྲི་མེད་ཁ་བཏགས་ཤིག་གི་སྣེ་མོ་རུ།།
ནམ་ཡང་འཐམ་པའི་འུ་ཅག་མི་རིགས་འདི།།
གཉིད་ལས་མ་སངས་བར་དུ་མ་ཤི་ཚེ།།
སྙིང་གི་གཏིང་འོག་ཡོད་ཚད་བསྔོག་བསྔོག་ནས།།
གང་ཤེས་གང་འཇོན་བོད་ཀྱི་སྤྱི་དོན་དུ།།
གླེང་བའི་དམ་བཅའ་རང་ལ་ཡོད་པ་དང་།།
བོད་མི་ཡོངས་ལ་སྐུལ་སློང་བྱེད་འདོད་ཀྱི།།
འདུན་པ་འདི་ཉིད་སྲ་ཞིང་འཁྲེགས་པོ་ཡིན།།
ལྷ་ཀླུ་གཉན་གསུམ་ལ་ཕུལ་བའི་རེ་གླུ།།
ཕྱི་རྒྱལ་མགོ་སེར་ཡུལ་དེ་ན།།
ཁྱེད་ལ་སེམས་ཤུགས་དེ་འདྲ་ཞིག།
ཡོད་པ་ཙམ་གྱི་ཡིད་མ་ཚིམ།།
ད་དུང་ཁྱེད་ལ་ལས་བྱ་ཡོད།།
ཁྱེད་ཀྱི་བུ་རྒྱུད་གཙང་མ་ཞིག།
སྤེལ་བ་ཁྱེད་ཀྱི་ལས་འགན་ཡིན།།
མགོ་སེར་བུ་ཌྷམོའི་རྐུབ་ལ་བལྟས།།
རིགས་རྒྱུད་གཙང་མ་མ་སྦེལ་ན།།
རང་གི་རིགས་ལ་ཞེན་པ་དང།།
དུངས་པའི་ལྷག་བསམ་དཀར་པོ་དེ།།
ཁྱོད་དང་མཉམ་དུ་རྫོགས་འགྲོ་བ།།
དེ་འདྲ་སོང་ཙང་ད་ལྟ་ནས།།
བུ་རྒྱུད་སྤེལ་ན་མི་ལེགས་སམ།།
ཐུབ་ན་བུ་རྒྱུད་གཙང་མ་ཞིག།
འདི་ནི་ང་ཡི་རེ་བ་ཡིན།།
བོད་མི་ཚང་མའི་བསམ་དོན་རེད།།
དབང་ཆ་གཙོ་བོ་ཁྱེད་ལ་ཡོད།།
ལག་བསྟར་བཀོད་མིན་ཁྱེད་རང་རེད།།
ང་ཚོས་དྲན་སྐུལ་བྱས་པ་ཡིན།།
ཇོ་མོ་གླང་མའི་སྙིང་གི་གཏམ་དེ་དག།
ཐོས་ན་སེམས་པ་དགའ་བའི་གཏམ་ཡིན་ཡང་།།
ལས་ངན་འཁྱམ་པོ་ང་ཡི་རིགས་རྒྱུད་ནི།།
སྔ་ནས་གཞན་གྱི་རིགས་སུ་བཏབ་ཟིན་པས།།
དེ་ཡི་ཆེད་དུ་སེམས་དང་བསམ་པ་ཡིས།།
གྲོགས་ཁྱེད་འདྲ་བའི་སྤུན་ཟླ་གང་ཡོད་ལ།།
འཐོལ་ལོ་གཤེགས་ཤིག་ཟེར་ནས་ཞུ་རྒྱུ་དང་།།
ཞོར་ནས་རང་གི་ལུས་ཀྱི་ཅི་འཁྱོག་དང་།།
སེམས་ཀྱི་ནུས་པའི་གང་ཡོད་ཚོར་བ་རུ།།
སྤུངས་ནས་རིགས་ཀྱི་སྲུ་ཞུ་གང་ནུས་ཤིག།
མིག་ཟུང་ཀླད་བརྟག་མ་འཁོར་བར་དུ་ལ།།
ཅི་དྲགས་གང་དྲགས་ཤིག་ལ་ང་ཡིས་འབད།།
དེ་ཡི་རམ་འདེགས་སྤུན་ཟླ་ཁྱེད་ཅག་གིས།།
དུས་རྒྱུན་བྱེད་པར་རེ་སྐུལ་ནན་ཏན་ཞུ།།
ཕྱི་རོལ་གླིང་ལ་དགའ་ནས་ཡོང་མེད་ཀྱང་།།
རྐྱེན་སྣ་གང་མང་ཞིག་གི་མནར་གཅོད་ཁྲོད།།
བྱེས་ཡུལ་དེ་ནས་བསྡད་ཡུན་རིང་ན་ཡང་།།
དེ་ཡི་ཚོད་ཀྱི་འདུག་ས་བརྟེན་ཡུལ་ཞིག།
ཡོད་རེ་ཐང་ཡང་སེམས་ཀྱི་རེ་འདོད་ཞིག།
འགྲུབ་པའི་ཕྱོགས་སུ་རེ་བ་ཕྲ་སོང་བས།།
འདི་འདྲའི་ལམ་དུ་རང་དབང་མེད་པར་ལྷུང་།།
ལྷུང་ཡུལ་འདི་ནས་ཨམ་ཚིག་བསྡམ་ཞོར་དུ།།
རིགས་ཀྱི་དུངས་པ་ཟབ་མོ་དྲ་ངོས་ནས།།
རིགས་ཀྱི་སྤུན་ཟླ་ཡོངས་ལ་གླེང་བཞིན་ཡོད།།
༄༅། དེ་རིང་2010་སྤྱི་ཟླ་9་ཚེས་8་ནི་ཐོག་མར་ངེད་ཁ་བརྡའི་འཁོར་ཡུག་ཏུ་ཚུད་པའི་ཉིན་མོ་ཡིན་པས་གྲོགས་པོ་རྒན་པ་ཐམས་ཅད་ལ་ངེད་ནས་གུས་འདུད་དང་བཀྲ་ཤིས་བདེ་ལེགས་ཞུ།
ཤར་ལྷོ་ནུབ་བྱང་སོགས་ཕྱོགས་བཅུར་བཞུགས་པའི་ལྗགས་ཡངས་པ་དག་ས་ཁད་རིང་བ་དང་། མཛད་འཕྲིན་རྒྱས་པས་དུས་སྐབས་ནམ་ཡིན་ལ་ཡང་ཡང་མཇལ་འཛོམས་དཀའ་མོད། འདི་ལྟའི་དྲ་རྒྱས་རིན་ཐང་ཅན་གྱི་གསུང་རྩོམ་དག་ལེགས་པར་བསྡུས་ཏེ་མཁས་བརྒྱར་མཆོད་པ་དང་། བརྒྱ་ཕྲག་མུན་སེལ་སྒྲོན་མེ་བར་སྣང་དུ་བཏེགས་པར་ལེགས་སོ་འབུལ།