ཐེངས་འདིའི་རོལ་དབྱངས་དུས་ཆེན་དུ་གླུ་བ་གདན་འདྲེན་ཞུ་བའི་ཚད་གཞི་ངེས་ཅན་གཞིར་བཟུང་ནས། ཀྲུང་གོའི་ནང་ཁུལ་དང་ཞང་ཀང་། ཐའེ་ཝན། སིང་ཀ་ཕོར་སོགས་རྒྱལ་ཁབ་དང་ས་ཁུལ་གྱི་གླུ་བ་སྐད་གྲགས་ཅན་མང་པོ་གདན་འདྲེན་ཞུས། རྒྱུས་ལོན་བྱས་པ་ལྟར་ན། ཀྲུང་གོའི་བོད་ཀྱི་གླུ་མ་རིན་ཆེན་གྱིས་མཐོ་སྒང་བུ་མོའི་ལྷན་སྐྱེས་ཀྱི་སྐད་ངག་གིས་རྩ་འཛུགས་ཨུ་ཡོན་ལྷན་ཁང་གི་ཡིད་སེམས་འཕྲོག་པ་རེད། ཀྲུང་གོ་ནང་ཁུལ་ནས་ཐོག་དང་པོར་མ་ལེ་ཞི་ཡའི་རོལ་དབྱངས་དུས་ཆེན་དུ་གདན་འདྲེན་ཞུས་པའི་བོད་ཀྱི་གླུ་མ་ཡིན་པའི་ཆ་ནས། ཁོ་མོས་འགོ་ཚུགས་མཛད་སྒོའི་སྟེང་དུ་བོད་ཀྱི་གླུ་དབྱངས་《སྐལ་བཟང་མེ་ཏོག་རྣམ་པར་བཞད》དང་《ཡར་ཀླུང་གཙང་པོ》གཉིས་བརྩེ་བ་ལྡན་པའི་ངང་ནས་བླངས་པ་རེད། གླུ་དབྱངས་དེ་གཉིས་ལ་ཡུལ་ཕྱོགས་དང་ས་ཁུལ་གྱི་ཁྱད་ཆོས་ལྡན་པ་དང་། ཨེ་ཤ་ཡ་ཤར་ལྷོ་ཡི་ཉམ་ཞན་པའི་དབྱངས་འགྲོས་དང་མི་འདྲ་བས་ལྟད་མོ་བ་རྣམས་ཀྱིས་དགའ་བསུ་ཆེན་པོ་ཐོབ། འཁྲབ་སྟོན་ཚར་རྗེས་གསར་འགོད་པས་བཅར་འདྲི་བྱེད་སྐབས་ཁོ་མོས་བཤད་རྒྱུར། རིག་གནས་མི་འདྲ་བ་དང་། རོལ་དབྱངས་ལ་བརྟེན་ནས་རིག་གནས་མི་འདྲ་བ་དང་མི་རིགས་མི་འདྲ་བའི་ལྟད་མོ་བ་རྣམས་ལ་བོད་མི་རིགས་དང་བོད་ཀྱི་རིག་གནས་རྒྱུས་ལོན་བྱེད་དུ་འཇུག་པའི་རེ་བ་ཡོད་ཟེར།
རོལ་དབྱངས་དུས་ཆེན་གཙོ་སྒྲུབ་མཁན་CFS SHOWBIZདང་མ་ལེ་ཞི་ཡ་ཡི་KPI MUSICགཉིས་ཀྱིས་གསར་འགྱུར་ཁྱབ་བསྒྲགས་ཚོགས་འདུའི་སྟེང་། རྗེས་ཕྱོགས་སུ་རོལ་དབྱངས་དུས་ཆེན་ལོ་རེའི་ནང་དུ་ཐེངས་རེ་འཚོག་རྒྱུ་ཡིན་པ་ཁྱབ་བསྒྲགས་མཛད། རྩ་འཛུགས་ཨུ་ཡོན་ལྷན་ཁང་གིས་བཤད་རྒྱུར། ལོ་གཞུག་མའི་རོལ་དབྱངས་དུས་ཆེན་ཀྲུང་གོ་ནས་འཚོག་རྒྱུ་ཡིན་པས་ཀྲུང་གོའི་ལྟད་མོ་བ་རྣམས་ལ་རྣམ་པ་གསར་བའི་མཛད་སྒོ་གཟབ་རྒྱས་ཞིག་སྤེལ་ཐུབ་པའི་ཡིད་ཆེས་ཡོད་ཟེར།
བོད་ལྗོངས་ཆ་འཕྲིན་ལས་དྲངས།
བོད་མི་རིགས་དང་བོད་ཀྱི་རིག་གནས་རྒྱུས་ལོན་བྱེད་དུ་འཇུག་ཐུབ་ནི་དངོས་གནས་འཛངས་མ་རེད།