གྲགས་པས།
དེ་རིང་བཙན་བྱོལ་བོད་མིའི་ས་གནས་ཁག་ནས་བཀའ་ཁྲི་དང་སྤྱི་འཐུས་ཀྱི་འོས་ཤོག་བླུག་གི་ཡོད་པ་ལྟར། འདི་ག་བལ་ཡུལ་དུ་གནས་སྡོད་བྱེད་མཁན་ས་གནས་ཆོལ་གསུམ་བོད་རིགས་མང་ཚོགས་ཀྱིས་གལ་ཆེ་དོན་ཆེན་གྱིས་འོས་བསྡུའི་ལས་རིམ་ལ་ཞུགས་ནས་སྔ་དྲོའི་ཚོུད་༩་ནས། ཕྱི་དྲོའི་ཚོུད་༤ཟ་མ་ཟིན་གྱི་མཚམས་ལ་བསླེབས་དུས་བློ་བུར་དུ་བལ་ཡུལ་གྱི་དྲག་ཆས་ཉེན་རྟོག་པ་རླངས་འཁོར་གཅིག་དང་། ཉེན་རྟོག་པ་རླངས་འཁོར་གཅིག་ཡོང་ནས་མི་མང་གིས་བླུགས་ཚར་པའི་འོས་སྒམ་ཁ་ཤས་འཕྲོག་བཅོམ་བྱས་པས་མ་ཚད། འོས་འཕེན་པ་དེ་ཚོའི་ཐོག་དྲག་པོའི་རྣམ་འགྱུར་ཤུགས་དྲག་བསྟན་སོང་། ད་དུང་དྲག་ཆས་ཉེན་རྟོགས་པ་དེ་ཚོ་ནི་ལག་ཏུ་དབྱུག་པ་དང་། མི་མདའ་ཐོག་པ་དེ་འདྲ་རེད་འདུག ཉམས་ཐག་པའི་བོད་རིགས་མང་ཚོགས་ཀྱི་གདོང་ལ་སྐྱོ་ཉམས་དང་བཅས། ཇི་བྱ་གཏོར་མེད་དུ་གྱུར་ནས་རང་སོར་ཕྱིར་ལོག་བྱེད་དགོས་བྱུང་ཞིང་། ད་ལོའི་འོས་ཤོག་གི་ལས་རིམ་འདིའི་ནང་བལ་ཡུལ་ས་གནས་ཀྱི་བོེད་རིགས་མང་ཚོགས་ཀྱིས་ཁུར་བླངས་ནས་འཚང་ཁ་ཤིགས་ཤིགས་ཀྱིས་བང་སྒྲིག་ནས་ལས་དོན་ལེགས་འགྲུབ་འབྱུང་བཞིན་པའི་སྐབས་དེ་འདྲའི་དོན་རྐྱེན་བྱུང་བ་དེ། ད་བར་བྱུང་མ་མྱོང་བའི་ཐབས་སྐྱོ་བའི་གནད་དོན་ཞིག་རེད། དོན་གནད་འདིའི་ཐོག་ནས་ང་ཚོར་ར་འཕྲོད་པ་ནི། ཇི་སྲིད་བོད་དོན་བདེན་མཐའ་མ་གསལ་པ། དེ་སྲིད་དུ་བལ་ཡུལ་ནང་གནས་སྡོད་བོད་རིགས་མང་ཚོགས་ཀྱིོས་བཙན་བྱོལ་བོད་གཞུང་གི་མང་གཙོའི་ཆ་ཤས་ལེན་རྒྱུར་བཀག་འགོག་ཤུགས་ཆེ་བྱེད་རྒྱུ་མ་ཟད། ཕར་འགྲོ་ཚུར་འོང་གི་ཐོབ་ཐང་དེ་ཚོ་ཡང་མེད་པ་བཟོ་རྒྱུའི་མངོན་རྟགས་ཤིག་ཏུ་འཁུམ། ད་ནས་བཟུང་གཞུང་སྒེར་གཉིས་ཀའི་ངོས་ནས་ཐབས་ལམ་གཞན་དག་ཅིག་མ་བཙལ་ན་འགྲིག་ཐབས་མེད་པ་ཞིག་རེད། འདས་པའི་བྱུང་རབས་ལ་ཕྱིར་མིག་ཅིག་བལྟས་ཀྱང་། རང་གཞུང་གི་སྐུ་ཚབ་དོན་གཅོད་དེ་ཡང་ཁྲིམས་ཐོག་ནས་དེབ་སྐྱེལ་ཙམ་ཡང་བྱེད་ཐུབ་མེད། ད་དུངམུ་འཐུད་ནས་ང་ཚོ་འདོར་ལུགས་ནས་བསྡད་པ་ཡིན་ན་ནམ་ཞིག་འབྲུག་པ་སྐྱབས་བཅོལ་བ་ནང་བཞིན་མི་ཡོངབའི་ངེས་པ་མེད་པར་སེམས། ང་ཚོར་ནམ་རྒྱུན་༧གོང་ས་༧་སྐྱབས་མགོན་དོན་གྱི་བདག་པོས། གྲ་སྒྲིག་སྡུག་ས་ནས་བྱེད་དགོས་པ་དང་། རེ་བ་བཟང་སར་རྒྱག་དགོས་ཚུལ་གསུངས་པའི་བཀའ་སློབ་དེ་ཚོ་ཡིད་ལ་ལྷང་ལྷང་དུ་ཤར་འོང་གི་འདུག བལ་ཡུལ་ནང་མཚོན་ན་བོད་པ་གཉིས་ཁྲི་ཟ་མ་ཟིན་ཡོད་ཅིང་། འདི་ཚོའི་མ་འོངས་མདུན་ལམ་གྱི་ཐོག་ནས་ལྟ་ས་མེད་པར་གྱུར་སོང་ན་ཧ་ཅང་གི་བློ་ཕམས་པོ་རེད། དེས་ན་རང་རེ་བོད་མི་རྣམས་ཀྱིས་བལ་ཡུལ་གཞུང་གི་ལག་ནས་ཐོབ་ཐང་ཞིག་མ་རག་ཀྱང་། ས་གནས་བལ་ཡུལ་མི་མང་གིས་རྒྱབ་སྐོར་རག་ཐབས་ཤིག་ངེས་པར་དུ་བྱེད་དགོས་པ་གལ་གནད་ཆེ། དེས་ན་བལ་ཡུལ་ནང་གི་ས་གནས་བོད་རིགས་མང་ཚོགས་ཀྱིས་བློ་དང་། རིག་པ་སྒྲིམ་དགོད་པའི་དུས་ལ་སླེམ་འདུག
སྐུ་དྲག་དེ་ཚོའི་སོ་སོའི་ལུང་བ་བདག་འཛིན་སྲུང་སྐྱོབས་ལ་དོན་སྣང་མ་བྱས་པར་སྒྲོག་ཙེ་སྒང་དུ་ཁང་བ་གསར་རྒྱག་གི་ལས་དོན་ཆུང་ཙག་ལ་མགོ་འཁོར་བའི་མཇུག་འབྲས་འདི་བྱུང་བ་རེད། སོ་སོ་ལ་ལུང་བ་མེད་པའི་སྐྱབས་བཅོལ་བ་རེད། ལུང་བ་གཞན་ཞིག་གི་ནང་དུ་ང་ཚོས་མང་གཙོས་ཐོབ་ཐང་ལོངས་སུ་སྤྱོད་ཀྱི་ཡིན་ལུགས་བཤད་པ་གཞན་དབང་ལ་བསྟུན་དགོས་སྟབས་སྐབས་རེ་འདི་ལྟ་ཡོང་གི་རེད། ཡིན་ནའང་སེམས་ཤུགས་ཆགས་མི་རུང་།
ང་ཚོ་བལ་ཡུལ་ཁུལ་དུ་གཏན་འཇགས་བསྡོད་མཁན་ནི་དབྱུག་པ་དང་མེ་མདེའི་སོ་ཁའི་འོག་ནས་མགོ་བོ་འབུར་ཙམ་ཡང་བྱེད་ས་མེད་པའི་མཚོན་རྟགས་ཞོག་རེད།
གོང་དེར་འབུ་ཨ་རུ་ར་ནས་། ཁ་དགྲ་ལ་མཁོར་ནས་ཀི་མི་འདེབ་པར་། ཁ་ནང་ལ་མཁོར་ནས་ཧོ་འདེབས་པ་འདི་ཡག་པོ་མ་རེ་ད།
ད་ནི་དོན་དངོས་ཐོག་བལ་ཡུལ་དུ་གནས་སྡོད་བོད་མི་དག་གི་འགྲོ་བ་མིའི་ཐོབ་ཐང་ཐད་། མཉམ་འབྲེལ་རྒྱལ་ཚོགས་རྒྱུད་པ་འམ་ཡང་ན་མི་རེ་རེ་ངོས་ཐད་ཀར་རང་རང་བསྡོད་སའི་བལ་པའི་དོན་གཅོད་ཁང་དག་ལ་ཞུ་འབོད་བྱེད་པ་འམ་ཡང་ན་སྡུག་སྐུལ་བྱེད་པས་དུས་ལ་བབ་པ་རེད་།
བོད་མིང་ཐོག་ནས་ལྟོ་གོས་དང་ཐོབ་ཐང་ལེན་བཞིན་པས་ཤར་བ་པ་དང་རྟ་མིང་བ་དེ་གིས་ཀྱང་བསམ་བློ་རེ་གཏོང་ན་འགྲིག།
ཨ་རི་གནས་སྡོད་བལ་པོ་དོན་གཅོད་ལ་ཐད་ཀར་ཞུ་གཏུགས་བྱེད་ན་མིང་དང་ཁ་བྱང་འདི་ཡིན།
Mr Shankar P. Sharma to
info@nepalembassyusa.org
སྦྲ་ནག་ཚང་གི་བསམ་ཚུལ་ཡག་པོ་བཤད་འདུག སྐབས་འདྲ་ལའང་ཚིག་གཅིག་གིས་བོད་མིའི་བདེ་སྡུག་མི་གླེང་བར་མི་དགོས་པའི་ཚིག་ངན་རང་གི་ནང་དུ་བསྐོར་ནས་གང་ནུས་ཅུ་ཏུབ་ཀྱིས་ཅིག་ཅིག་མིག་མིག་ཅེས་བཤད་ཁུལ་བྱས་ནས་ཅི་ཕན། སྡུག་ཐིག་ལ་སྡུག་དང་། རོ་ཐོག་ལ་རྟ་མ་རྒྱུགས་ན་མི་བཟང་ངམ། བལ་ཡུལ་མི་དམངས་ལ་འཕྲད་པའི་དཀའ་ངལ་སྤྱི་དང་། སྒོས་སུ་ད་ཏེངས་ཀྱི་གནས་སྟངས་སདུག་ཅག་འདིས་ང་ཚོ་སྐྱབས་བཅོལ་བ་སྤྱི་དང་། བོད་གཞིས་བྱེས་གཉིས་ཀའི་སེམས་ལ་རྨ་ཁ་ཆེན་པོ་ཞིགབཞག་མི་འདུག སྤྱིར་འགྲོ་མིའི་ཐོབ་ཐང་དང་སྒོས་སུ་སྐྱབས་བཅོལ་བའི་ཐོབ་ཐང་ཙམ་ལ་ཡང་བརྩི་སྲུང་བྱེད་པ་ཕར་ཟད། འདི་ལྟར་ཐུབ་ཚོད་དང་། བོད་མིའི་དམངས་གཙོའོ་ཐོབ་ཐང་ལག་ལེན་བྱེད་པར་རྡོག་བརྫིས་བཏང་བར་སྐད་ཆ་ཚིག་གཅིག་ཙམ་རེ་ཤོད་ན་ལས། དེ་མིན་སྐབས་འདི་འདྲ་ལ་༼རལ་གྲིའི་སོ་ཁ་༽ནང་དུ་མ་སྐོར་རོགས། ཐུགས་རྗེས་གཟིགས།
བལ་ཡུལ་གནས་སྡོད་བོད་མིའི་འོས་སྒམ་འཕྲོག་བཅོམ་བྱས་པའི་གནས་ཚུལ་འདི་ངེས་པར་རྒྱལ་སྤྱིའི་གསར་ལམ་ཁག་ལ་གཞུང་སྒེར་གཉིས་ཀས་སྐྱེལ་ཐུབ་པ་ཞིག་དགོས།
དེ་ནི་བཙན་བྱོལ་བོད་མིའི་མང་གཙོ་བོ་ལམ་ནས་མང་མོས་འོས་བསྡུ་བརྒྱུད་དེ་མི་མང་གི་དབུ་ཁྲིད་མི་མང་གིས་འདེམས་བཞིན་པའི་དོན་དངོས་དེ་ཡང་ཞོར་དུ་ཁྱབ་བསྒྲགས་འགྲོ་ངེས་རེད།
བལ་ཡུལ་གནས་སྡོད་བོད་མི་ཚོ་དངོས་གནས་སེམས་ཤུག་འདུག
བལ་ཡུལ་དུ་འོས་སྒམ་བཙན་འཕྲོག་བྱས་པ་འདི་བལ་བོ་གནས་སྡོད་བོད་མི་གཅིག་པོའི་གནད་དོན་ཞིག་མིན་པར་བོད་མི་ས་ཡ་དྲུག་གི་བདེ་སྡུག་གི་གནད་དོན་ཞིག་ལ་ངོས་འཛིན་བྱེད་ཀྱི་ཡོད། ང་ཚོས་འདས་པའི་ལོ་རྒྱས་ལ་ཕྱི་མིག་ཅིག་བལྟ་རྒྱུ་དང་། ད་ལྟའི་གནས་ཚུལ་འདིའི་ང་ཚོ་ལ་ཉམས་མྱོང་ཞིག་སྤྲད་པ་རེད། ད་དུང་་བཀའ་བློན་ཁྲི་བ་དང་། བོད་མི་མང་སྤྱི་འཐུས་ཀྱི་དངོས་གཞིའི་འོས་འདེམས་བྱེད་རྒྱུ་ལྷག་ཡོད་པའི་ང་ཚོའི་སེམས་ཤུགས་མི་ཆག་པར་དངོས་གཞིའི་འོས་འཕེན་བྱེད་ཐུབ་པར་ཐབས་ལམ་གསར་བ་ཞིག་བཙལ་རྒྱུ་གལ་ཆེན་རེད།།
རྒྱ་དམར་གྱིས་བལ་བོ་གཞུང་ལ་གནོན་ཤུགས་སྤྲད་པས་བལ་གཞུང་གི་མི་འདོད་བཞིན་དུ་བྱེད་དགོས་བྱུང་བ་ཞིག་ཡིན་སྲིད། དེ་འདྲ་སོང་ཙང་བལ་བོའི་གཞུང་ལ་ང་ཚོས་ཁ་ནས་ཐོན་ཚད་བརྗོད་ན་རྗེས་སུ་བལ་ཡུལ་གནས་སྡོད་བོད་མི་ཚོ་ལ་དེ་ལས་དཀའ་ངལ་འཕར་མ་བཟོ་བའི་ཉེན་ཁ་ཡོད་པའི་དོག་ཟོན་བྱེད་གལ་མཐོང་།
ཁ་དགྲ་ལ་འཁོར་ནི་ཀི་འདེབ་པའི་ཕན་ཐོགས་ཡོང་རྒྱུ་མེད་པར་སེམས།
ཨ་རུ་རས་བཤད་པ་ནི་བདེན་པ་རེད། བལ་ཡུལ་ནི་བལ་གཞུང་གི་དབང་ཆ་རེད། ཨ་རི་ལ་ཞུ་གཏུགས་བྱེད་ཀྱང་མ་བྱེད་ཀྱང་ཆོ་མི་ཡོང་། དེ་བས་བལ་གཞུང་ལ་གསོལ་བ་འདེབས་ནས་འབྲེལ་བ་བཟོ་ན་ཡག
སྐྱབས་བཅོལ་བོད་མི་ཚོས། ག་དུས་ཡིན་ཡང་བོད་ཀྱི་ཆབ་སྲིད་ཀྱི་སྐད་ཆ་དང་མཉམ་དུ་འབྲུག་འཐེན་ཁྱེར་བྱེད་ཀྱི་འདུག ངས་བྱེད་ན་དེ་ནི་ཡག་རྟགས་ཤིག་མ་རེད།
འབྲུག་གཞུང་ནི་སྐྱབས་བཅོལ་བོད་མི་ཡོངས་ལ་བཀའ་དྲིན་ཆེ་ཤོས་ཤིག་རེད། བཀའ་དྲིན་བསམ་དགོས་པ་རེད། བཀའ་དྲིན་ཅན་ལ་བཀའ་དྲིན་བསམ་མི་ཤེས་པ་ནི། བཟང་སྤྱོད་རྣམ་གཞག་མ་རེད།
ཨ་རུ་རས་བཤད་པ་ནི་བདེན་པ་རེད། བལ་ཡུལ་ནི་བལ་གཞུང་གི་དབང་ཆ་རེད། ཨ་རི་ལ་ཞུ་གཏུགས་བྱེད་ཀྱང་མ་བྱེད་ཀྱང་ཆོ་མི་ཡོང་། དེ་བས་བལ་གཞུང་ལ་གསོལ་བ་འདེབས་ནས་འབྲེལ་བ་བཟོ་ན་ཡག
སྐྱབས་བཅོལ་བོད་མི་ཚོས། ག་དུས་ཡིན་ཡང་བོད་ཀྱི་ཆབ་སྲིད་ཀྱི་སྐད་ཆ་དང་མཉམ་དུ་འབྲུག་འཐེན་ཁྱེར་བྱེད་ཀྱི་འདུག ངས་བྱེད་ན་དེ་ནི་ཡག་རྟགས་ཤིག་མ་རེད།
འབྲུག་གཞུང་ནི་སྐྱབས་བཅོལ་བོད་མི་ཡོངས་ལ་བཀའ་དྲིན་ཆེ་ཤོས་ཤིག་རེད། བཀའ་དྲིན་བསམ་དགོས་པ་རེད། བཀའ་དྲིན་ཅན་ལ་བཀའ་དྲིན་བསམ་མི་ཤེས་པ་ནི། བཟང་སྤྱོད་རྣམ་གཞག་མ་རེད། དེ་ནི་ངའི་བསམ་ཚུལ་ཙམ་ཡིན།