ཀླུ་སྨྱོན།
སྙིང་གི་རྩ་མདུད་གྲོལ་བའི་ཆེད། །
རྩ་གསུམ་ལྷ་ལ་གསོལ་བཏབ་པས། །
རང་སྣང་ཌྰ་ཀིའི་གཟི་བྱིན་འབུམ། །
འཇའ་འོད་ཀློང་ནས་ས་ལ་བབས། །
རྡུལ་བྲལ་འཇིག་རྟེན་དཀར་པོའི་ཞིང་། །
ངོ་མཚར་ཌྰ་ཀིའི་ཞིང་ཁམས་སུ། །
གཅིག་དང་དུ་མར་འཕྲུལ་བའི་གར། །
རྡོ་རྗེའི་རོལ་བ་འབྱམས་སུ་ཀླས། །
འདོད་པའི་མྱོས་བུམ་མཁྲངས་ཟླུམ་ཞིང་། །
བྷ་གའི་དཀྱིལ་འཁོར་ཆེར་གདངས་པའི། །
དགའ་མ་བྱུ་རུའི་མདོག་ཅན་ཞིག །
སྒྱུ་རྩལ་དྲུག་ཅུའི་ཀློང་ན་བརྒྱལ། །
མ་དག་སྒྱུ་ལུས་འདོར་བ་དང་། །
དག་པའི་གཟིགས་མོར་རོལ་བའི་ཕྱིར། །
ཡང་ཡང་གསོལ་བ་བཏབ་པ་དང་། །
སྒོ་གསུམ་དཀྱིལ་འཁོར་མཆོད་པར་བཤམས། །
སྙིང་གི་དཀྱིལ་ནས་ཁྲག་ཕྱུངས་ཏེ། །
ས་གཞིར་མནཌལ་དམར་པོ་བྲིས། །
ཀླད་པ་དུང་ཁང་གཏོར་བྱས་ནས། །
ཀླད་ཞོ་ཚོགས་ཀྱི་རྫས་སུ་བཤམས། །
རྣལ་འབྱོར་ཡོངས་ཀྱི་རྒྱལ་པོ་སྟེ། །
བླ་མ་ཧེ་རུ་ཀ་དཔལ་གྱིས། །
མི་རྐང་གླིང་བུ་ཐེངས་གསུམ་གྱིས། །
མཁའ་འགྲོ་ཁ་བ་འབབ་འབབ་བྱེད། །
ལ་ལ་སྟག་དང་སེང་གེར་ཆིབས། །
ལ་ལ་རླུང་ནག་འཚུབ་མར་ཞོན། །
ལ་ལ་ཉི་ཟེར་ཀློང་ནས་ཕེབས། །
ལ་ལ་འཇའ་ཚོན་འོད་དང་འདྲེས། །
ཞི་བའི་མཁའ་འགྲོ་དཀར་ཞིང་མཛེས། །
རྒྱས་པའི་མཁའ་འགྲོ་སེར་ཞིང་འཚེར། །
དབང་གི་མཁའ་འགྲོ་དམར་ཞིང་བརྗིད། །
དྲག་པོའི་མཁའ་འགྲོ་མཐིང་ཞིང་འཇིགས། །
མཁའ་འགྲོའི་ཚོགས་ཀྱི་གྲངས་མཉམ་པར། །
དཔའ་བོའི་བྲོ་ར་ཆེན་པོ་རུ། །
རང་སྣང་འབར་བའི་རྣལ་འབྱོར་ཚོགས། །
ཆགས་ཤིང་མྱོས་པའི་གད་རྒྱངས་སྒྲོག །
འདོད་པའི་སྒྱུ་རྩལ་དྲུག་ཅུ་དང་། །
དགའ་བ་བཅུ་དྲུག་རོལ་མོའི་སྒྲས། །
སྲིད་གསུམ་འདར་བའི་ལྟད་མོ་ཡིས། །
ཀླ་ཀློའི་སྙིང་ལ་ཟུག་རྔུ་བསྐྱེད། །
མུ་འགོད།
It is very good.
ཧེ་རུ་ཀ་ལགས། མུ་འགོད་ཞུ།
ཧེ་རུ་སྨྱོན་པ་ལགས།
ཁྱོད་དངོས་གནས་མིང་དོན་མཚུང་ཐལ།
ཀླུ་སྨྱོན་ལགས། སྐུ་ཁམས་བཟང། ཁྱེད་དངོས་སུ་མ་མཇལ་ཡང་ལོ་མང་སྔོན་ནས་ངས་ཁྱེད་ངོ་ཤེས།
ཁྱེད་ཀྱི་ང་ཚོར་གནང་བའི་སྙན་ངག་གི་ང་ཚོ་དགའ་དགོས་པ་དང་། སྡུག་བཅུགས་པ་སོགས་ཀྱི་ཚོན་སྣང་དྲ་མིན་སྩལ་བ་དང་ལྷན་དུ་ང་ཚོར་ཤེས་ཡོན་ཡར་རྒྱས་འགྲོ་བའི་སྦྱིན་སྟོང་གི་ཕྱག་ཟུང་རྐྱངས་མྱོང་ཡོད། དེ་རིང་ཡང་འདོད་ཆགས་རྒྱས་པའི་སྙན་ངག་སྙན་པོ་ཞིག་བྲིས་ནས་ངའི་སེམས་འདོད་ལྷའི་བུ་མོའི་བག་མར་བཏང་བྱུང།
Tashi Delek, very good airl,