༄༅། །བོད་གཞུང་སྨན་རྩིས་མཐོ་སློབ་ཁང་དུ་སྨན་སློབ་གསར་བསྡུའི་གསལ་བསྒྲགས།

Comments (11) on “༄༅། །བོད་གཞུང་སྨན་རྩིས་མཐོ་སློབ་ཁང་དུ་སྨན་སློབ་གསར་བསྡུའི་གསལ་བསྒྲགས།”

1. བོད་གཞུང་སྨན་རྩིས་ཁང་གི་འགན་འཛིན་གྱི་མིང་ཙམ་འཛིན་པའི་སྨན་པ་རྟ་མགྲིན་གྱིས་དབྱིན་ཡིག་ཡག་པོ་ཤེས་དགོས་པ་མ་གཏོགས་བོད་སྨན་ཡག་པོ་ཤེས་མི་ཐུབ་ཅེས་གཏམ་བཤད་ཅིག་ཡོད་རབ་ཐོས་དུས་བོད་གཞུང་སྨན་རྩིས་ཁང་གང་འདྲ་ཞིག་འགྱུར་འགྲོ་བསམ་པའི་སེམས་ཚོར་དྲག་པོ་བྱུང་།

2. གསར་བསྒྲགས་བཀླགས་ཟིན།

3. རིག་གསར་ལ་ཤེས་སྟོབས་ལྡན་ཞིང་རང་གི་རིག་གཞུང་ལ་སྦྱངས་པ་གནང་འདོད་ཡོད་མཁན་ཤ་སྟག་ཡོང་བའི་སྨོན་འདུན་ཡོད།

4. མཐའ་མཚམས་ཀྱི་ཕོ་ཉས་བཤད་པ་དེ་བདེན་པ་རེད།
   རྟ་མགྲིན་གྱི་མགྲིན་པ་ནས་བཟོད་པར་དཀའ་བའི་རྟ་སྐད་ཅིག་རྒྱབ་པ་ནི།
   བོད་སྨན་སྦྱོང་བ་ལ་བོད་ཡིག་གི་ཤེས་ཚད་ལས་དབྱིན་ཡིག་གི་ཤེས་ཚད་གལ་ཆེ་བའི་གཏམ་བཤད་དེ་རེད།
   ད་དུང་ཚོགས་འདུ་ཞིག་གི་ནང་དུ་ཁོང་གིས་གཏམ་བཤད་ཅིག་སྤེལ་བའི་སྐབས།
   ཁོང་གི་རྩོམ་ཤོག་ལ་དག་ཆ་དང་ཚིག་སྦྱོར་སོགས་ཀྱི་ཐད་ལ་སྐྱོན་པ་ཧ་ཅང་མང་པོ་ཞིག་ཡོད་པ་ངས་དངོས་སུ་མཐོང་བྱུང་། སྤྱིར་སྐད་ཡིག་སྣ་འཛོམས་ཤེས་དགོས་པ་ནི་གལ་ཆེན་ལོས་ཡིན།
   འོན་ཀྱང་བོད་སྨན་གཞུང་ལུགས་ལེགས་པར་ཤེས་དགོས་ན་ངེས་པར་དུ་རིག་གནས་སྤྱི་དང་ལྷག་པར་དུ་ནང་ཆོས་གང་འཚམ་མ་ཤེས་ཐབས་མེད་རེད། རྒན་རིན་པོ་ཆེས་ རིག་གནས་སྤྱི་ལ་གོ་བ་གཏན་པོ་ཞིག་མ་བྱུང་ན་སྨན་གཞུང་གི་རྩ་ཚིག་ལན་བརྒྱ་ལ་སྐྱོར་ཡང་གོ་རྒྱུ་ཅང་མེད་ ཅེས་གསུངས་པ་ནི་རང་ཉིད་ཀྱིས་རིག་པ་འདི་ཡི་གནད་དོན་རྟོགས་ཤིང་གཞན་ལའང་ལེགས་པར་འདོམས་པའི་གསུང་ཞིག་རེད། སྤྱིར་སྐྱབས་བཅོལ་བའི་སྨན་པ་ཚོས་ནང་ཆོས་ཡག་པོ་ཞིག་ཤེས་ཀྱི་མེད་པ་དང་ལྷག་པར་དུ་དག་ཆའི་ཐད་ཤིན་ཏུ་ནས་སྐྱོ་བས་རྗེས་འཇུག་སྨན་སློབ་རྣམས་ནས་ངེས་པར་དུ་ཟབ་དགོས་འདུག གཞན་ཡང་དགོད་ཤོར་བ་དང་ངུ་ཤོར་བའི་གནས་ཚུལ་མང་པོ་གོ་རྒྱུ་འདུག་ཀྱང་གནས་སྐབས་དེ་ཙམ་མོ།།

5. སྨན་པ་ཚོར་ཞུ་འཕྲིན།
   བཙན་བྱོལ་དུ་ཆེས་མཐོའི་སྨན་ལྷན་ཆེད་འཛུགས་བྱས་པ་ནས་བོད་ཀྱི་གསོ་རིག་བསྟན་པའི་འཕེལ་རྒྱས་ཐད་དབང་ལུང། ཟབ་སྦྱོང། བགྲོ་གླེང། སློབ་ཚན་བསྐྱར་ཞིབ། སྨན་པའི་སྤུས་ཚད། ཁྲིམས་ཐོག་དེབ་སྐྱེལ་སོགས་ལས་གཞི་གསར་བ་གང་མང་ཞིག་མགོ་འཛུགས་གནང་དང་གནང་མུས་ཡོད་པ་ནི་བསྔགས་བརྗོད་དང། སྨན་ལྷན་ཆེད་འཛུགས་བྱས་པའི་དོན་སྙིང་ཡང་རེད།
   ད་ཐེངས་ཀྱི་ཚོགས་ཆེན་འདི་ལྟབུ་འཚོགས་སྐབས་བོད་ལ་སྨན་པ་མང་ཡང་འབྲི་རྩལ་ཚིག་སྦྱོར་ལེགས་པའི་སྨན་པ་ཉུང་བ། སྤྱི་ཕན་ལྷག་བསམ་ཆེ་བའི་སྨན་པ་ཉུང་བ། གཞུང་དོན་འཆད་རྩོམ་མཁས་པའི་སྨན་པ་ཉུང་བ། ལག་ལེན་མཐོང་ཆོས་མང་བའི་སྨན་པ་ཉུང་བ། བཤལ་སྐྱུག་གཏར་བསྲེག་མཁས་པའི་སྨན་པ་ཉུང་བ། མདོར་ན་རིག་པའི་གནས་བཅུ་ཕྲག་ལ་བྱང་བའི་སྨན་པ་ཤིན་ཏུ་ཉུང་བའི་རྒྱུ་རྐྱེན་དབྱེ་བ་རྟགས་བཅོས་ཐབས་བཅས་གང་ཡིན་སྐོར་ལ་བརྟག་དཔྱད་དང་སྨན་བཅོས་ཤིག་བྱེད་རན་མི་འདུག་གམ།
   ངའི་བསམ་པར་ནད་པ་ལ་བརྟག་དཔྱད་སྨན་བཅོས་མ་བྱས་པའི་གོང་དུ་སྨན་པའི་ཤེས་ཚད། འཇོན་ཐང་། ལྷག་བསམ་སོགས་ལ་བརྟག་དཔྱད་དང་སྨན་བཅོས་དགོས་ཤིང། དེའི་འགན་གཙོ་བོ་སྨན་པའི་ལྷན་ཚོགས་དང་། སྨན་པ་རྒན་གྲས། སྨན་པའི་ལས་ཀྱི་སྣེ་མོར་གཏོགས་པ་རྣམས་ལ་འཁྲི་བ་རེད། སྤྱིར་ཝཎ་མཐོ་སློབ་ཀྱི་གསོ་རིག་སློབ་དཔོན་ཆེན་མོ་རག་རྡོ་བློ་བཟང་བསྟན་འཛིན་ལྟབུ་མཁས་གྲུབ་གཉིས་ལྡན་གྱི་སྨན་པ་འགའ་ཤས་ཡོད་ཀྱང། དེ་འདྲའི་རིགས་རེ་འགའ་ལས་གཞན་སྨན་པའི་མིང་ཙམ་དུ་སོང་ན་ཉིན་གཅིག ཙུ་ཏུའི་ཡུལ་དུ་བྱིན་པ་ན།།རྐང་གཉིས་པ་ལ་མིར་མི་བརྩི།། ཞེས་པའི་དཔེ་ལྟར་དུ་འགྱུར་ངེས་རེད།
   དེ་མཚུངས་བཙན་བྱོལ་ནང་སྨན་པའི་གྲངས་ཀ་མང་དུ་འགྲོ་བ་དང་ཆབས་ཅིག་སྨན་པའི་སྤུས་ཀ་སྐྱོ་རུ་འགྲོ་བཞིན་པའི་རྣམ་འགྱུར་ཞིག་ཐོན་འདུག འདིའི་འབྱུང་རྐྱེན་གཙོ་བོ་སློབ་མ་བསྡུ་ཕྱོགས། སློབ་ཚན་གཏན་འབེབས། སྨན་པའི་སློབ་གསོ་བཅས་ཀྱིས་མ་འདང་བས་ཡིན་ངེས། བོད་སྨན་འདི་བོད་ཀྱི་སྐད་ཡིག་གི་སྟེང་ནས་སྦྱོང་གི་ཡོད་པས་བརྡ་སྐད་སྙན་སུམ་དང་ནང་ཆོས་སོགས་རྨང་གཞི་ཤེས་ཚད་བཅས་ལ་སློབ་གྲྭ་གཞན་དང་མི་འདྲ་བའི་དམིགས་བསལ་གྱི་གོ་རྟོགས་དགོས་ངེས་རེད། ད་ལྟའི་སྨན་རྩིས་ཁང་ལ་དཔེར་བླངས་ཏེ་སློབ་མ་བསྡུ་ཕྱོགས་ལྟར། གཞི་རིམ་འཛིན་གྲྭ་བཅུ་གཉིས་ཐོན་ཙམ་ལ་ཆ་བཞག་སྟེ་མུ་མཐུད་ཕྱིན་པ་ཡིན་ན་བོད་ཀྱི་གསོ་བ་རིག་པའི་བསྟན་པ་ཉག་ཕྲ་རུ་ཕྲ་རུ་འགྲོ་རྒྱུ་དེ་ད་ལྟའི་གནས་བབས་ལས་སྔོན་དཔག་བྱེད་ཐུབ། སྤྱིར་དབྱིན་ཇིའི་སྐད་ཡིག་གལ་ཆེ་བ་བདེན་པ་རེད། ཡིན་ན་འང་གལ་ཆེ་བ་ཐམས་ཅད་ཤེས་དགོས་ན། ཚེ་ནི་ཡུན་ཐུང་ཤེས་བྱའི་རྣམ་གྲངས་མང།། ཞེས་པ་ལྟར་རེད། མ་ཟད་སྨན་གཞུང་ན་ཡོད་པའི་ལག་ལེན་ཆེས་མང་པོ་ཞིག་དང་སྨན་པ་གཉིས་ཀྱི་བར་དུ་སྟོང་ཆ་བསུབ་དཀའ་བ་ཞིག་ཡོད་པ་དེ་གང་ནས་བྱུང་བ། ཅིའི་ཕྱིར་བྱུང་བ། ཇི་ལྟར་ཁ་བསྐང་དགོས་མིན་སྐོར་ད་ཐེངས་ཀྱི་ཚོགས་ཆེན་འདི་ལྟབུའི་བརྗོད་བྱས་ན་མི་འོས་སམ།
   མཐའ་དོན། རྒྱ་ནག་གི་ཁྲིམས་ཀྱིས་བོད་ཡིག་ཉམས་དམས་སུ་གཏོང་བ་དང། བོད་ཀྱི་སྨན་པ་ཚོས་རང་གི་བརྡ་སྤྲོད་སྙན་སུམ་ཟུར་དུ་འཇོག་པ་གཉིས་ངོ་བོ་གཅིག་ལྟབུར་འགྱུར་བཞིན་འདུག་ན་ངས་ཀྱང། བོད་ནང་གི་སློབ་ཕྲུག་ཚོའི་སྐད་གསང་ལ་ཉན་ཞོར་སྐད་འབོད་ཅིག་བྱས་པ་ཡིན།

6. མཐའ་མཚམས་ཕོ་ཉས་ཐོས་དོན་བདེན་པ་རེད།
   སྔར་སྨན་པའི་ཚོགས་ཆེན་ཞིག་ལ་ཟུར་ཉན་དུ་སོང་སྐབས།
   ཉིན་དེར་གཏམ་བཤད་པའི་གྲས་སུ་སྨན་པ་རྟ་མགྲིན་འདུག
   ཚོགས་འདུ་དེར་ཚོགས་ཞུགས་པ་སྨན་པ་དང་ཟུར་ཞུགས་པ་བརྒྱ་ཕྲག་ལྷག་འཛོམས་པའི་དབུས།
   སྨན་པ་རྟ་མགྲིན་གྱིས་བཤད་དོན་ལ། འཛིན་རིམ་བཅུ་གཉིས་ཀྱི་ལག་ཁྱེར་མེད་པ་དང་དབྱིན་ཡིག་མི་ཤེས་ཚེ་བོད་གཞུང་སྨན་རྩིས་ཁང་དུ་སློབ་གཉེར་བྱེད་པའི་ཐོབ་མེད། དེའི་སྒྲིག་འཛུགས་དེ་གཙོ་བོ་བཟོ་མཁན་ང་ཡིན་ཟེར། རྒྱུ་མཚན་གང་ཡིན་ཞེ་ན་སྨན་པ་ཐོན་རྗེས་དབྱིན་ཇི་མ་ཤེས་ན་འགྲིག་གི་མི་འདུག་ཟེར། བོད་ནས་ཡོང་མཁན་ལྟ་བུ་དབྱིན་སྐད་མི་ཤེས་མཁན་ཚོ་རྒྱལ་ས་ལྟབུའི་བརྟག་དཔྱད་སྨན་ཁང་དུ་བཏང་ཚེ་སྐད་ཀྱི་དཀའ་ངལ་ཕྲད་ཀྱི་འདུག དེའི་རྐྱེན་གྱིས་བཀག་སྡོམ་བྱས་པ་ཡིན་ཟེར། ཉན་ཚོད་ལ་བདེན་པ་འདྲ་བོ་དང་འདྲ་ཆགས་པོ་ཞིག་ཡོད་ཀྱང། དོན་དུ་རྒྱུ་མཚན་ཡང་དག་གང་ཡང་མེད་པའི་ཕྱོགས་རེས་ཀྱི་སྲིད་ཇུས་ཤིག་རེད།
   འོན་ཁྱོད་རང་ལ། དབྱིན་ཇི་ཤེས་པ་ཙམ་གྱིས་མི་ཐམས་ཅད་ལ་གོ་བརྡ་འཕྲོད་པས་ཁྱབ་པ་ཐལ། དབྱིན་ཇི་ཤེས་ན་དཀའ་ངལ་མི་ཕྲད་ལ་མ་ཤེས་ན་ཕྲད་པའི་རྒྱུ་མཚན་འཐད་པའི་ཕྱིར། འདོད་ན། དབྱིན་ཇི་ཤེས་པའི་སྨན་པ་ཆོས་ཅན། ཡོས་རོབ་ཀྱི་མི་ཐམས་ཅད་ལ་གོ་བརྡ་འཕྲོད་པར་ཐལ། དབྱིན་ཇི་ཤེས་པའི་ཕྱིར། མ་ཁྱབ་ཟེར་ན། འོན་བོད་སྨན་སྦྱང་བ་ལ་ཡོས་རོབ་སྐད་ཡིག་ཤེས་དགོས་པར་ཐལ། སྨན་པ་གང་ཞིག་ཡོས་རོབ་ཏུ་སོང་ཚེ་སྐད་ཀྱི་དཀའ་ངལ་ཕྲད་པའི་ཕྱིར། འདོད་ན། བོད་སྨན་སྦྱང་བ་ལ་སྐད་རིགས་བརྒྱ་ཕྲག་མི་ཤེས་སུ་མི་རུང་བར་ཐལ་ལོ།།

7. དམུ་ཐག་དཀར་པོ་ལགས།
   1་དབྱིན་ཇི་མ་ཤེས་པ་དང་དེང་དུས་ཀྱི་སློབ་སྦྱོང་མེད་པའི་གྲྭ་ལོག་དང་རྙིང་ཞེན་གྱི་ཁྱུ་ཚོགས་དེ་ཚོའི་རྐྱེན་གྱིས་སྨན་རྩིས་ཁང་ཡར་རྒྱས་འགྲོ་ཐུབ་ཀྱི་མིན་འདུག དངོས་ཡོད་གནས་ཚུལ་ཡིན།
   ངས་ཁྱེད་ལ་མེད་ལུགས་གཅིག་བགྲང་ཡོད། ང་ལ་ཡོད་ལུགས་གཉིས་ཀྱི་འགྲེལ་བཤད་མི་དགོས།

8. དབྱིན་ཡིག་མ་ཤེས་ན་མི་འགྲིག་ས་ཡོད་ངེས་ཀྱང་། བོད་ཀྱི་སྨན་གཞུང་གི་བཤད་པ་དང་ལག་ལེན་གྱི་མྱོང་བ་གང་ཡིན་ཡང་། བོད་རང་གི་སྐད་ཡིག་གིས་ངོ་འཕྲོད་ཐུབ་པ་ཙམ་མ་ཟད་དབྱིན་ཡིག་སོགས་སྐད་ཡིག་གཞན་གྱིས་མཚོན་མི་ཐུབ་པའི་ཆ་གང་མང་ཞིག་བོད་ཡིག་གཅིག་བུས་ཉར་ནས་ཡོད་པ་ཨ་ཕོ་མཐུ་ཆེན་སོགས་ཨ་གསར་ཅན་ཚོས་ངེས་པར་ཐུགས་ལ་ཉར་ནས་གླེང་མོལ་བྱེད་རོགས།

   ཁྱེད་ཀྱིས་གསུངས་པ་ལྟར་སྨན་རྩིས་ཁང་། དབྱིན་ཡིག་མི་ཤེས་པའི་གྲྭ་ལོག་དང་ཀླད་རྙིང་མཁྲེགས་འཛིན་ཅན་ཚོའི་རྐྱེན་གྱིས་ཡར་རྒྱས་འགྲོ་ཐུབ་ཀྱི་མེད་པ་བདེན་སྲིད་ཀྱང་། དེ་ནི་གང་ཟག་གི་བར་གྱི་གནད་དོན་དང་གནས་སྟངས་ཤིག་ལས་བོད་ཀྱི་སྐད་ཡིག་རིག་གཞུང་གིས་འགོག་རྐྱེན་བཟོས་པ་ཞིག་མིན་པའང་ངེས་པར་དུ་མཁྱེན་དགོས།

9. ཨ་ཕོ་མཐུ་ཆེན་ལགས། ངས་བསྒུག་བསྡད་ཡོད་པའི་དྲི་བ་དེ་དེ་རེད། བོད་པའི་སྨན་པ་འགའ་ཞིག་གིས་རྩ་བའི་བསམ་བློ་གཏོང་ཕྱོགས་ནོར་བ་རེད། དང་པོ་སྨན་པ་ཞིག་ཡིན་ན་ཕྱི་ལུགས་ཀྱི་སྨན་པའི་ཟོལ་བྱེད་དགོས་བསམ་པ། གཉིས་པ་སྨན་པ་ཆགས་ན་ཕྱི་རྒྱལ་ལ་འགྲོ་དགོས་བསམ་པ། གསུམ་པ་ཕྱི་རྒྱལ་དུ་སླེབས་ན་དབྱིན་ཇི་མི་ཤེས་ཀྱང་ཤེས་ཁུལ་མ་བྱས་ན་འགྲིག་གི་མ་རེད་བསམ་པ། དེ་དག་གི་རྐྱེན་ལས་བོད་ཀྱི་སྨན་པ་དང་སྨན་གཞུང་གཉིས་ཀྱི་མཛའ་འབྲེལ་ཉིན་རེ་བཞིན་རློག་བཞིན་པ་དེ་རེད། འདི་ནས་ངས་ཀྱང་ཁྱེད་ལ་བསམ་ཚུལ་ཁ་ཤས་འདྲི་འདོད་བྱུང། ༡ བོད་ཀྱི་སྨན་པས་བོད་ཆས་གྱོན་པ། ལུས་ནད་གཉེན་པོའི་གནས་ལུགས་དང་དེ་མཚོན་པའི་བརྡ་དང་ཐ་སྙད་དམིགས་བསལ་ཡོད་པའི་རྐྱེན་གྱིས་བོད་ཀྱི་སྨན་པ་ཡིན་ན་དབྱིན་སྐད་དང་ཕྱི་ལུགས་ཀྱི་སྨན་གཞུང་ཤེས་པས་ཁྱབ་པ་ཡོད་པ་མ་རེད་ཅེས་འགྲེལ་བཤད་བརྒྱབ་ན་མི་འགྲིག་གམ། ༢ སྨན་པ་འགྲོ་ས་དང་ནད་པ་ཡོད་ས་འབྱོར་ལྡན་ལུང་བ་གཅིག་བུ་མིན་པར་ནད་པ་གང་ན་ཡོད་ན་འགྲོ་དགོས་སྙམ་པའི་ཀུན་སློང་དང་ལག་ལེན་ཡོད་ན་གོང་གི་དཀའ་ངལ་སེལ་བར་མི་ཕན་ནམ། ༣ རིག་གསར་ཤེས་དགོས་པ་བདེན་པ་རེད། དེ་ཤེས་པ་ལ་སྨན་པ་ཚོས་ཐབས་ཤེས་དུ་མ་བརྩམས་ཏེ་རིག་གསར་གྱི་ཤེས་ཡོན་ཁག་བོད་སྐད་དུ་ཕབ་བསྒྱུར་བྱས་ན་མི་འགྲིག་གམ། ཁྱོད་ཚོས་བོད་ཀྱི་སྨན་གཞུང་དབྱིན་སྐད་དུ་ཕར་བསྒྱུར་ན་ཆོག་ལ། ཚུར་བསྒྱུར་ན་མི་ཆོག་པ་དང་མི་ཐུབ་པའི་རྒྱུ་མཚན་ཅི་རེད། དེང་སང་སྐད་ཡིག་གཞན་ཏག་ཙམ་ཤེས་མཁན་ཚོ་བོད་ཀྱི་ཤེས་ཡོན་ཕར་འཚོང་མཁན་མ་གཏོགས་ཚུར་ཉོ་མཁན་མ་རེད་ཟེར་གྱི་ཡོད། དེ་བདེན་པ་རེད། ༤ ཁ་ནས་བོད་ཀྱི་སྨན་པ་ཡིན་ཟེར་གྱི་ཡོད་ཀྱང་། དོན་དུ་རང་རེའི་སྨན་གཞུང་གི་ལག་ལེན་རྣམས་ཕར་གཡུགས་ཏེ་ཕྱི་ལུགས་ཀྱི་ཐ་སྙད་ཕྲན་བུ་རེ་ལ་འགྲེལ་བཤད་མགོ་མེད་མཇུག་མེད་རེ་བརྒྱབས་ཏེ་དུས་ཚོད་བསྐྱལ་ན་བོད་ཀྱི་སྨན་པ་རེད་དམ།
   རང་གི་སྨན་གཞུང་ནས་བཤད་པའི་ན་ཚ་གང་ཡིན་ངོས་མ་ཟིན་གོང་ལ་དབྱིན་ཇིའི་ཐ་སྙད་འགའ་ཤས་བསྒྲིགས་ཏེ་ཞེ་བོ་གནས་ལུགས་ཟབ་མོ་རྟོགས་པའི་ཟོལ་གྱིས་འུད་ཤོད་ཀྱི་ཡོད། དངོས་གནས་ཕྱི་ལུགས་སྨན་པ་གྲགས་ཅན་ཞིག་གི་མདུན་དུ་སླེབས་ན་སེངྒེའི་མདུན་ལ་རི་བོང་ལྟར་འགྱུར་ངེས་ཡིན། དེས་ན་རང་རེའི་སྨན་གཞུང་གི་ཕུན་སུམ་ཚོགས་པའི་ལྟ་གྲུབ་དང་དེའི་ལག་ལེན་ཁྱད་པར་བ་རྣམས་ཡིག་ཐོག་ནས་ལག་ཐོག་ཏུ་བླངས་ཏེ་འཛམ་གླིང་ལ་བསྐོར་བ་བརྒྱབ་པ་ན། གཤོག་རྩལ་ཆེ་བའི་མཁའ་ལྡིང་བཞིན་དངོས་གནས་ལྟད་མོ་ཡོད་པ་རེད། དཔེར་ན་གོང་ས་མཆོག་དང་གྲྭ་སའི་དགེ་བཤེས་ཚོ་ལྟབུ་རེད།
   དེ་ལྟར་མ་ཡིན་པར་མགོ་ཡང་མོ་བྱེད་རྒྱུ་མང་དྲགས་ན། ལྷས་རང་མགོ་མི་ཐོན་ཀྱང་། འདྲེ་ལ་ཇུས་གཏོགས་ཞེས་དཔེ་ལྟར་དུ་མི་འགྱུར་རམ།
   ཨ་ཕོ་ལ་གུས་ཞབས་མེད་པར་གང་བྱུང་མ་བྱུང་བཤད་ཡིན། དགོངས་དག། རིག་གཞུང་གི་འགན་དབང་གི་ཆ་ནས་ཞུས་པ་ཡིན་དགོངས་འགལ་མེད་པར་ཞུ ཁྱེད་ལྟབུ་སྨན་པ་འགའ་ཞིག་གིས་འཕྲོད་བསྟེན་གྱི་ལས་ཁུར་བཞེས་ཏེ་དྲ་ཚིགས་སུ་ཕེབས་པ་དང་ཕྲན་ལ་དགོངས་འཆར་གནང་བར་ཐུགས་རྗེ་ཆེ།

10. དྲ་གྲོགས་ཨ་ཕོ་མཐུ་ཆེན་ལགས། ངས་བསྒུག་བསྡད་ཡོད་པའི་དྲི་བ་དེ་དེ་རེད། བོད་པའི་སྨན་པ་འགའ་ཞིག་གིས་རྩ་བའི་བསམ་བློ་གཏོང་ཕྱོགས་ནོར་བ་རེད། དང་པོ་སྨན་པ་ཞིག་ཡིན་ན་ཕྱི་ལུགས་ཀྱི་སྨན་པའི་ཟོལ་བྱེད་དགོས་བསམ་པ། གཉིས་པ་སྨན་པ་ཆགས་ན་ཕྱི་རྒྱལ་ལ་འགྲོ་དགོས་བསམ་པ། གསུམ་པ་ཕྱི་རྒྱལ་དུ་སླེབས་ན་དབྱིན་ཇི་མི་ཤེས་ཀྱང་ཤེས་ཁུལ་མ་བྱས་ན་འགྲིག་གི་མ་རེད་བསམ་པ། དེ་དག་གི་རྐྱེན་ལས་བོད་ཀྱི་སྨན་པ་དང་སྨན་གཞུང་གཉིས་ཀྱི་མཛའ་འབྲེལ་ཉིན་རེ་བཞིན་རློག་བཞིན་པ་དེ་རེད། འདི་ནས་ངས་ཀྱང་ཁྱེད་ལ་བསམ་ཚུལ་ཁ་ཤས་འདྲི་འདོད་བྱུང། ༡ བོད་ཀྱི་སྨན་པས་བོད་ཆས་གྱོན་པ། ལུས་ནད་གཉེན་པོའི་གནས་ལུགས་དང་དེ་མཚོན་པའི་བརྡ་དང་ཐ་སྙད་དམིགས་བསལ་ཡོད་པའི་རྐྱེན་གྱིས་བོད་ཀྱི་སྨན་པ་ཡིན་ན་དབྱིན་སྐད་དང་ཕྱི་ལུགས་ཀྱི་སྨན་གཞུང་ཤེས་པས་ཁྱབ་པ་ཡོད་པ་མ་རེད་ཅེས་འགྲེལ་བཤད་བརྒྱབ་ན་མི་འགྲིག་གམ། ༢ སྨན་པ་འགྲོ་ས་དང་ནད་པ་ཡོད་ས་འབྱོར་ལྡན་ལུང་བ་གཅིག་བུ་མིན་པར་ནད་པ་གང་ན་ཡོད་ན་འགྲོ་དགོས་སྙམ་པའི་ཀུན་སློང་དང་ལག་ལེན་ཡོད་ན་གོང་གི་དཀའ་ངལ་སེལ་བར་མི་ཕན་ནམ། ༣ རིག་གསར་ཤེས་དགོས་པ་བདེན་པ་རེད། དེ་ཤེས་པ་ལ་སྨན་པ་ཚོས་ཐབས་ཤེས་དུ་མ་བརྩམས་ཏེ་རིག་གསར་གྱི་ཤེས་ཡོན་ཁག་བོད་སྐད་དུ་ཕབ་བསྒྱུར་བྱས་ན་མི་འགྲིག་གམ། ཁྱོད་ཚོས་བོད་ཀྱི་སྨན་གཞུང་དབྱིན་སྐད་དུ་ཕར་བསྒྱུར་ན་ཆོག་ལ། ཚུར་བསྒྱུར་ན་མི་ཆོག་པ་དང་མི་ཐུབ་པའི་རྒྱུ་མཚན་ཅི་རེད། དེང་སང་སྐད་ཡིག་གཞན་ཏག་ཙམ་ཤེས་མཁན་ཚོ་བོད་ཀྱི་ཤེས་ཡོན་ཕར་འཚོང་མཁན་མ་གཏོགས་ཚུར་ཉོ་མཁན་མ་རེད་ཟེར་གྱི་ཡོད། དེ་བདེན་པ་རེད། ༤ ཁ་ནས་བོད་ཀྱི་སྨན་པ་ཡིན་ཟེར་གྱི་ཡོད་ཀྱང་། དོན་དུ་རང་རེའི་སྨན་གཞུང་གི་ལག་ལེན་རྣམས་ཕར་གཡུགས་ཏེ་ཕྱི་ལུགས་ཀྱི་ཐ་སྙད་ཕྲན་བུ་རེ་ལ་འགྲེལ་བཤད་མགོ་མེད་མཇུག་མེད་རེ་བརྒྱབས་ཏེ་དུས་ཚོད་བསྐྱལ་ན་བོད་ཀྱི་སྨན་པ་རེད་དམ།
    རང་གི་སྨན་གཞུང་ནས་བཤད་པའི་ན་ཚ་གང་ཡིན་ངོས་མ་ཟིན་གོང་ལ་དབྱིན་ཇིའི་ཐ་སྙད་འགའ་ཤས་བསྒྲིགས་ཏེ་ཞེ་བོ་གནས་ལུགས་ཟབ་མོ་རྟོགས་པའི་ཟོལ་གྱིས་འུད་ཤོད་ཀྱི་ཡོད། དངོས་གནས་ཕྱི་ལུགས་སྨན་པ་གྲགས་ཅན་ཞིག་གི་མདུན་དུ་སླེབས་ན་སེངྒེའི་མདུན་ལ་རི་བོང་ལྟར་འགྱུར་ངེས་ཡིན། དེས་ན་རང་རེའི་སྨན་གཞུང་གི་ཕུན་སུམ་ཚོགས་པའི་ལྟ་གྲུབ་དང་དེའི་ལག་ལེན་ཁྱད་པར་བ་རྣམས་ཡིག་ཐོག་ནས་ལག་ཐོག་ཏུ་བླངས་ཏེ་འཛམ་གླིང་ལ་བསྐོར་བ་བརྒྱབ་པ་ན། གཤོག་རྩལ་ཆེ་བའི་མཁའ་ལྡིང་བཞིན་དངོས་གནས་ལྟད་མོ་ཡོད་པ་རེད། དཔེར་ན་གོང་ས་མཆོག་དང་གྲྭ་སའི་དགེ་བཤེས་ཚོ་ལྟབུ་རེད།
    དེ་ལྟར་མ་ཡིན་པར་མགོ་ཡང་མོ་བྱེད་རྒྱུ་མང་དྲགས་ན། ལྷས་རང་མགོ་མི་ཐོན་ཀྱང་། འདྲེ་ལ་ཇུས་གཏོགས་ཞེས་དཔེ་ལྟར་དུ་མི་འགྱུར་རམ།
    ཨ་ཕོ་ལ་གུས་ཞབས་མེད་པར་གང་བྱུང་མ་བྱུང་བཤད་ཡིན། དགོངས་དག། རིག་གཞུང་གི་འགན་དབང་གི་ཆ་ནས་ཞུས་པ་ཡིན་དགོངས་འགལ་མེད་པར་ཞུ ཁྱེད་ལྟབུ་སྨན་པ་འགའ་ཞིག་གིས་འཕྲོད་བསྟེན་གྱི་ལས་ཁུར་བཞེས་ཏེ་དྲ་ཚིགས་སུ་ཕེབས་པ་དང་ཕྲན་ལ་དགོངས་འཆར་གནང་བར་ཐུགས་རྗེ་ཆེ།

11. སྨན་པ་རྟ་མགྲིན་གྱིས་ཡིག་ནོར་བརྒྱ་ཕྲག་ལས་གྲུབ་པའི་རྙོག་བཤད་དེ། ད་ཆ་ཕྲན་གྱི་ལག་ཏུ་དངོས་སུ་འབྱོར་ཀྱང་། (font) གློག་ཀླད་ཡིག་གཟུགས་མི་འདྲ་བའི་རྐྱེན་གྱིས་འདིར་དངོས་སུ་འགོད་ཐུབ་མ་སོང་།