སྤྱི་ཚེས་༡༢ཉིན་གྱི་ཕྱི་དྲོའི་དུས་ཚོད་དང་པོའི་ཐོག། ཁ་ཎ་སྒྲའི་(Toronto University)ཁྲོ་རོན་ཁྲོ་གཙུག་ལག་སློབ་ཁང་དུ། བོད་རིགས་གླུ་བ་ཨ་མཆོག་མགོན་པོ་དོན་གྲུབ་ལགས་ཀྱིས་བཟོས་བའི་ངེས་གཏན་མེད་པའི་མི་ཚེ་ཞེས་བའི་གློག་བརྙན་དེ་དབུ་འབྱེད་གནང་གཏན་འཁེལ་འདུག
ད་དུང་། ཁྲོ་རོན་ཁྲོ་གཙུག་ལག་སློབ་གཉེར་ཁང་གིས་སྤེལ་བའི་གསལ་བསྒྲགས་དེའི་ཁོངས་སུ།
ཨ་མཆོག་མགོན་པོ་དོན་གྲུབ་ནི་གཙུག་ལག་སློབ་གཉེར་ཁང་འདི་ནས་གློག་བརྙན་བཟོ་བསྐྲུན་གྱི་ཐོག་ལ་སློབ་ཐོན་གནང་བའི་སློབ་མ་ཞིག་ཡིན་པ་མ་ཟད།
ཁོང་ནི་བོད་ཀྱི་སྲོལ་རྒྱུན་གླུ་བ་དང་གླུ་གཞས་གཏོང་མཁན་ཞིག་ ཁོང་གིས་བཟོས་བའི་ངེས་གཏན་མེད་པའི་མི་ཚེ་ཞེས་བའི་གློག་བརྙན་དེས།
འཛམ་གླིང་མཐོ་སྒང་དུ་གནས་བའི། བོད་མི་དཀྱུས་མའི་འཚོ་བ་དང་དད་མོས། རིན་ཐང་། ཡུལ་སྲོལ་གོམས་གཤིས་སོགས་བསྟན་འདུག་པ་མ་ཟད།
ལྷག་པར་དུ། གློག་བརྙན་འདིའི་ནང་དུ། སྤྱི་ཚོགས་ཀྱི་འགྱུར་བ་དང་བསྟུན་ནས། ཇི་ལྟར་བོད་མི་དང་བོད་མིའི་འཚོ་བ་དེ་ངེས་གཏན་མེད་པར་འགྱུར་གྱིན་པའི་ངང་ཚུལ་དང་དེའི་མི་རྟག་པའི་རྣམ་པ་གསལ་སྟོན་བྱས་འདུག་ཅེས་འཁོད་འདུག
ཞོར་ནས་ཞུ་རྒྱུར། ཨ་མཆོག་མགོན་པོ་དོན་གྲུབ་ཀྱིས་ཁ་བརྡ་རྩོམ་སྒྲིག་ཚོགས་ཆུང་མགྲོན་འབོད་གནང་བར་ཡང་ཡིག་ཐོག་ནས་བཀའ་དྲིན་ཆེ་ཞུ་བཞིན་ཡོད
གནས་ཚུལ་རྒྱས་པ་འབྲེལ་ཐག་བརྒྱུད་གཟིགས།
བཀྲ་ཤིས་བདེ་ལེགས། གློག་བརྙན་འདིའི་ཁྱབ་བསྒྲགས་ཀྱི་དུམ་བུ་ཐུང་ཐུང་དེར་བལྟས་པ་ཡིན། ཡག་པོ་འཁྲབ་འདུག
བསྟན་འཛིན་སྒྲོན་གསལ། ལ། བསྟན་འཛིན་སྒྲོན་སེལ་བྲིས་པ་དག་ནོར་ཆེན་པོ་རེད་སྙམ། འོན་ཀྱང་གློག་བརྙན་བཟོ་བསྐྲུན་ལ་ཐུགས་རྗེ་ཆེ་ཞེས་ཞུའོ། །
ངས་གློག་བརྙན་དེ་འོད་ཟེར་ལགས་ཀྱི་དྲ་རྒྱ་ནས་མཐོང་བྱུང་ དེ་འདྲ་ཞིག་བཟོ་ཐུབ་པ་ཧ་ཅང་ཡག་པོ་རེད་
ཁག་པོ་ཡང་རེད་ ཡིན་ནའང་ངས་སྐར་མ་གཅིག་གཉིས་མ་གཏོགས་བལྟ་ཐུབ་མ་སོང་་ གང་ཡིན་ཟེར་
ན་ ཁོང་ཚོའི་སྐད་མདངས་དང་ སྐད་ཆ་ཤོད་སྟངས་དེས་བྱས་པ་འདྲ་ ནམ་རྒྱུན་ཁམ་སྐད་དང་ ཨམ་སྐད་ དབུས་སྐད་ གཙང་སྐད་ ཧོར་སྐད་སོགས་གང་བཤད་ཀྱང་སྙན་པོ་གོ་གི་ཡོད་་ ལྷག་པར་དུ་ན་གཞོན་དང་ཕྲུ་གུས་རང་གི་ཡུལ་སྐད་དམ་པོ་རྒྱབ་ན་ཧ་ཅང་སྙན་པོ་གོ་གི་ཡོད་ འོན་ཀྱང་
གློག་བསྙན་འདི་དང་དེ་འདྲ་བའི་ནང་སྐད་ཆ་ཤོད་སྟངས་དེ་རང་བཞིན་མིན་པ་དང་ ཚིག་ཚང་མ་གོ་ནའང་་ཧ་ཅང་མ་རབས་ཞིག་གོ་གི་འདུག་ རྗེས་སུ་བོད་སྐད་ཡག་པོ་བཤད་ཐུབ་མཁན་
དང ཡང་ན་བོད་སྐད་ཡག་པོ་སྦྱངས་ནས་འཁྲབ་ན་ཡག་པོ་འདུག་ དེ་ང་རང་གི་བསམ་ཚུལ་ཡིན་