ཡིད་བཞིན་ནོར་བུ།

Comments (6) on “ཡིད་བཞིན་ནོར་བུ།”

1. ༸སྐྱབས་མགོན་ཏྰ་ལའི་བླ་མ་མཁྱེན་ནོ། །
   ༸སྐུ་མདུན་ཡིད་བཞིན་ནོར་བུ་མཁྱེན་ནོ། །
   ༸རྒྱལ་བ་ཡིད་བཞིན་ནོར་བུ་མཁྱེན་ནོ། །
   ༸གོང་ས་ཡིད་བཞིན་ནོར་བུ་མཁྱེན་ནོ། །

   གཞིས་བྱེས་བོད་མི་ཡོངས་ལ་མཁྱེན་ནོ། །
   ཤར་ནུབ་མི་འབོར་ཡོངས་ལ་གཟིགས་རོགས། །
   དུད་འགྲོ་སྣོད་བཅུད་ཡོངས་རྫོགས་སྐྱོབས་རོགས། །
   ཁམས་གསུམ་འཁོར་བ་པ་རྣམས་སྒྲོལ་རོགས། །

   ༸གོང་ས་མཆོག་རང་༸སྐུ་ཚེ་བརྟན་རོགས། །

2. ཨེ་མ་ཧོ། །
   དཀོན་མཆོག་ཀུན་འདུས་ཏྰ་ལའི་བླ་མ་མཁྱེན། །
   སྙིགས་ལྔའི་ལོག་སྤྱོད་བསམ་སྦྱོར་རྒྱུན་བཅད་ནས། །
   ཞི་བདེ་བྱང་ཆུབ་སེམས་མཆོག་རིན་པོ་ཆེ། །
   འགྲོ་བ་ཀུན་ལ་སྐྱེ་བར་བྱིན་གྱིས་རློབས། །
   དམ་ཆོས་ཚུལ་བཞིན་ནུས་པར་ཐུགས་རྗེས་བཟུང་། །
   ཨོཾ་ཨྰཿ་ཧྰུྃ་ཧྲྰིཿབྷྲྰུྃ།།
   ཤྲྰིས་སོ། །
   http://www.tibetcy.com/showart.asp?art_id=689

3. འཛམ་གླིང་སྐྱེ་དགུ་ཡོངས་ཀྱི་དཔྲལ་བའི་མིག།
   གངས་ཅན་འགྲོ་བ་ཡོངས་ཀྱི་འདི་ཕྱིའི་སྐྱབས།།
   ཆོས་སྲིད་ཁང་བཟང་འདེགས་པའི་མི་རྗེ་མཆོག།
   ང་ཡི་བླ་མ་བསྟན་འཛིན་རྒྱ་མཚོ་ཡིན།།

   ང་ཡི་བླ་མ་བསྟན་འཛིན་རྒྱ་མཚོ་ནི།།
   ས་ཡི་ཁྱོད་ན་དབེན་པའི་སྐྱེས་མཆོག་ཡིན།།
   དེ་ཡི་སྐྱབས་འོག་ཚུད་པའི་ལས་ཅན་ང་།།
   གཞན་མེད་བདེ་སྐྱིད་ཁོ་ནས་འཚོ་ཞིང་སྐྱིད།།

   གླིང་ལྔ་མཚོ་བཞིས་བསྐོར་བའི་ས་གཞི་འདིར།།
   ཞི་བདེ་མཛའ་མཐུན་བདེ་བ་འབྱུང་བའི་གནས།།
   སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི།།
   ཞབས་པད་སྲིད་མཐའི་བར་དུ་བརྟན་གྱུར་ཅིག།

4. འཛམ་གླིང་ཞི་བདེའི་དེད་དཔོན་།།
   གོང་༧ས་ཡིད་བཞིན་ནོར་པུ་།།
   གངས་ཅན་བོད་ཀྱི་མགོན་སྐྱབས་།།
   རྒྱལ་དབང་དོན་གྱི་བདག་པོ་།།
   མི་རང་གངས་རིའི་ལྗོངས་ལ་།།
   ཞབས་སོར་འཁོད་པའི་རྟེན་འབྲེལ་།།

5. ས་ཆེན་གོ་ལའི་སྒང་གི་ཡིད་བཞིན་ནོར་བུ།།
   ས་ཡ་ཁྲི་ཕྲག་འགྲོ་བའི་ཡིད་བཞིན་ནོར་བུ།།
   ས་གསུམ་སྡུག་བསྔལ་ལས་སྐྱོབ་ཡིད་བཞིན་ནོར་བུ།།
   ས་ཡ་དྲུག་གི་རེ་ལྟོས་ཡིད་བཞིན་ནོར་བུ།།

   པོ་པོ་མོ་མོ་སྙིང་གི་ཡིད་བཞིན་ནོར་བུ།།
   ཨ་ཕ་ཨ་མའི་སེམས་ཀྱི་ཡིད་བཞིན་ནོར་བུ།།
   བུ་དང་བུ་མོའི་མིག་གི་ཡིད་བཞིན་ནོར་བུ།།
   མདོར་ན་སུ་དང་གང་གི་ཡིད་བཞིན་ནོར་བུ།།

6. གངས་རིའི་ཞིང་གི་གཟི་བརྗིད་ཡིད་བཞིན་ནོར་བུ།།
   གངས་ལྗོངས་སྣོད་བཅུད་མགོན་དཔུང་ཡིད་བཞིན་ནོར་བུ།།
   གངས་ཅན་གཞིས་བྱེས་སེམས་ནང་ཡིད་བཞིན་ནོར་བུ།།
   གངས་ཅན་མགོན་པོའི་སྐུ་ཚེ་བརྟན་པར་སྨོན་ནོ།།