བོང་སྟག་རི་ལུ།
སྤྲིན་ནག་ཁུར་བའི་ནམ་ཟླ།།
ཁྱེད་ཀྱི་བར་སྣང་ནས་ལུས།།
སྡུག་བསྔལ་ཁུར་བའི་བགྲེས་མོ།།
ཁྱེད་ཀྱི་མིག་མདུན་ནས་འགྱེལ།།
ཉིས་སྟོང་བརྒྱད་ལོ།
ལོ་རྒྱུས་ཀྱིས་བཞག་པའི་དྲན་ཤིང༌།།
སྙིང་ཁོང་ལ་བརྐོས་པའི་རྨ་ཁ།།
ཟུངས་ཁྲག་འདྲེས་པའི་གཙང་པོ།།
ཁྱེད་ཀྱི་རྐང་འོག་ནས་བཞུར།།
བརྩེ་བ་འཁྱིལ་བའི་གཉེན་ཉེ།།
ཁྱེད་ཀྱི་མིག་མཐའ་ནས་ཡལ།།
ཉིས་སྟོང་བརྒྱད་ལོ།
ལོ་རྒྱུས་ཀྱིས་བཞག་པའི་དྲན་ཤིང༌།།
སྙིང་ཁོང་ལ་བརྐོས་པའི་རྨ་ཁ།།
ཕ་མ་བོར་བའི་དྭ་ཕྲུག།
ཁྱེད་ཀྱི་ཉེ་འགྲམ་ནས་ལུས།།
སྲོག་དང་བྲལ་བའི་ངོ་གདོང༌།།
ཁྱེད་ཀྱི་མིག་ཀོང་ལ་འཁྱིལ།།
ཉིས་སྟོང་བརྒྱད་ལོ།
ལོ་རྒྱུས་ཀྱི་བཞག་པའི་དྲན་ཤིང༌།།
རྙིང་ཁོང་ལ་བརྐོས་པའི་རྨ་ཁ།།
ཤོར་བ་དེས་ང་ཚོ་ཉམ་མྱོང་ཞིག་སྤྲད་ཡོད་ལ། རྗེས་ཕྱོགས་ངེད་ཅག་གི་མི་རིགས་འདིའི་གང་བྱེད་མཐའ་དག་ལ་རང་གི་མི་རིགས་ཀྱི་ལས་དོན་རང་ཉིད་ཁོ་ན་ལས་སུས་ཀྱང་བྱེད་མི་ཐུབ་པ་དེ་ཡང་ངེད་ཅག་ལ་བདེན་དཔུང་བྱས་ཡོད། ཡིན་ཡང་། དེ་ནི་རྒྱ་ནག་སྲིད་གཞུང་གི་འདོད་ངན་དང་ཇུས་ངན་དེ་དག་གི་གཡོ་སྒྱུའི་ཐབས་ཇུས་འོག་དུ་མི་འགྲོ་བ་བྱེད་རྒྱུ་དེ་ནི་དམིགས་གསལ་གྱིས་བོད་ནང་གི་བོད་མི་དེ་དག་ལ་འགན་ཆེན་པོ་ཞིག་ཡོད། ལས་སྣེ་གང་ཞིག་སྣེ་ཁྲིད་དང་ཕྱོགས་སྟོན་བྱེད་མཁན་སུ་ཞིག་བྱུང་ན་ཡང་རྒྱ་ནག་སྲིད་གཞུང་ངན་པའི་འདོད་རྔམ་འོག་དུ་མི་འགྲོ་བ་བྱེད་རྒྱུ་དེ་ནི་གལ་ཆེན་ནང་གི་དོན་ཆེན་རེད།