གློག་ལམ་གྱི་བརྩེ་འཕྲིན་བཞི་བ།

ཀུན་དགས་དབྱིན་ཡིག་ནས་བོད་བསྒྱུར་བྱས།

བརྩེ་བའི་གྲོགས་པོ་ལགས། དེ་རིང་བདེ་བོ་ཡིན་པས་འཚམས་འདྲི་ཞུ་རྒྱུ་ཡིན། འདི་རུ་བདག་གིས་ང་རང་གི་ཉིན་ཐོ་ལྟ་བུའི་འཆར་ཅན་འགྲོ་ལུགས་སྐོར་ཞིག་ངོ་སྤྲོད་བྱེད་རྒྱུ་ཡིན།
ཞོགས་པའི་ཆུ་ཚོད་ལྔ་བའི་ཐོག་མལ་ལས་ལངས་བ་ཡིན།འཆར་ཅན་གྱི་འགྲོ་ལུགས་ལྟར་སོ་དང་གདོང་སོགས་གཙང་མ་བཟོས་རྗེས་བག་ལེབ་གཉིས་ཀྱི་བར་ཤ་དང་།ཆུར་བ།སྔོ་ཚོད་སོགས་བཅུག་པའི་ཁ་ལག་སྟབས་བདེ་ཞིག་ཟས་ཤིང་།ཞོགས་ཇ་གྲུབ་རྗེས་ཕལ་ཆེར་སྐར་མ་སུམ་ཅུ་ནས་བཞི་བཅུ་འགོར་བའི་ལམ་དུ་སྤྱི་སྤྱོད་རླངས་འཁོར་ནང་སོང་བ་ཡིན།ངའི་ལས་ཀའི་དུས་ཚོད་ནི་ཕྱོགས་པའི་ཆུ་ཚོད་༨ནས་དགོང་དྲོ་ཆུ་ཚོད་དྲུག་པའི་བར་ཡིན།
ངའི་གྲོགས་པོ་ཚོས་བཤད་ན།ང་ནི་སྤྲོ་སྣང་རང་བཞིན་ལྡན་པའི་བུ་མོ་ཞིག་རེད་ཅེས་བརྗོད་ཀྱིན་འདུག་་ངོ་མ་བཤད་ན།ང་ནི་ཧུར་བརྩོན་ཅན་དང་།འགུལ་བསྐྱོད་རང་བཞིན་ལྡན་པ་ཞིག་ཡིན།ང་ནི་མི་མང་འདུ་འཛོམས་སྐབས་སུ་གཏམ་བཤད་དང་སློབ་ཁྲིད་ལ་དགའ་ཞིང་།སྤྲོ་ཉམས་དོད་པོས་ཡིག་འབྲེལ་བྱེད་རྒྱུར་དགའ།
སྟབས་མི་ལེགས་པ་ཞིག་ནི་དེང་སང་ངེད་ཀྱི་ཕྱོགས་མཐར་ཡོད་པའི་གྲོགས་པོ་ཚང་མར་ཡིག་འཕྲིན་དང་གློག་ལམ་གྱི་འབྲེལ་བ་བྱེད་རྒྱུ་ཉུང་དུ་སོང་ཡོད།དེ་ནི་ང་ལ་ལས་ཀ་མང་པོ་ཡོད་པའི་རྐྱེན་གྱིས་ཡིན།ཡང་གཅིག་བཤད་ན་ང་ནི་མཚུངས་ཆ་མི་སྙོམས་པའི་འཆར་ཡན་རིང་ལུགས་པ་ཞིག་དང་།རིག་པ་རྣོ་བ་དང་།འདོད་ཡོན་ལ་ཆགས་སེམས་མཉེན་མོ་ཅན་གྱི་བུ་མོ་ཞིག་ཀྱང་རེད།
དུས་ཚོད་སྟོང་པ་འདི་དག་གི་སྐབས་ང་ལ་འཆར་སྣང་སྣ་ཚོགས་ཀྱི་རྨི་ལམ་འདི་ལྟར་བྱུང་།བརྩེ་བའི་གྲོགས་པོ་ཚོ་དང་ལྷན་དུ་བཀག་སྡོམ་གྱི་རྭ་བ་ལས་གྲོལ་ཏེ་གྲོང་ཁྱེར་གྱི་སྲང་ལམ་དུ་འཆམ།ལུས་རྩལ་རྭ་བ་དང་ཆུར་སྐྱལ་རྫིང་བུ།དགུན་ཁར་གངས་ཤུད་བང་ལེབ་སྟེང་འཁྱག་ཤུད་རྩེད།ཉ་ལེབ་ཟ་བ་དང་།འཆམ་འཆམ་དུ་འགྲོ་བ།རྐང་འཁོར་འཕྲུལ་རྟ་ཞོན་སྟེ་རྒྱང་ཐག་རིང་པོར་རྒྱུག་རྩལ་བྱེད་པ་སོགས་འཆར་སྣང་མང་པོ་ཞིག་གློག་བརྙན་བཞིན་བསྒོམ།
ཡིག་འབྲེལ་བ་ལགས།ཁྱེད་རང་འགྲུལ་བཞུད་བྱེད་རྒྱུར་དགའ་བོ་ཡོད་དམ།ཁྱེད་རང་ལུས་རྩལ་རྩེད་རྒྱུར་དགའ་བོ་ཡོད་དམ།
ང་ནི་དབྱར་ཀར་རྐང་འཁོར་འཕྲུལ་རྟ་བཞོན་རྒྱུར་དགའ།ད་དུང་ཡུལ་བསྐོར་འགྲུལ་བཞུད་བྱེད་པར་སྤྲོ་ནའང་རང་གི་རྒྱལ་ཁབ་ཀྱི་ཕྱི་ལོགས་སུ་ཐོན་མ་མྱོང་བའི་མཐོང་ཐོས་ཀྱི་མིག་རྒྱ་ཅི་འདྲའི་ཐུང་འང་།
ང་རང་ཆེས་དགའ་ས་གཞན་ཞིག་ནི་རང་ཉིད་ཀྱི་སེམས་མཐུན་གྲོགས་པོར་མཉམ་གཤིབ་ཀྱིས་ཕྱོགས་པའི་འཆར་ཀ་དང་།དགོང་ཁའི་ནུབ་ཁ་སོགས་སུ་འཚམས་འདྲི་དང་སྐྱེལ་མ་བྱེད་རྒྱུ་དེ་ཡིན།ང་ནི་རང་བྱུང་ཁམས་ལ་བརྩེ་བ་ཡོད།ཆུ་ངོགས་དང་ལྗོན་ཤིང་གསེབ་ཏུ་ཁེར་རྐྱང་གིས་འཆམ་ཉུལ་ལ་སྤྲོ།རང་ཉིད་ཀྱི་དྭངས་གཙང་གི་ཚོར་བ་ཡོད་ཚད་ཆུ་བོའི་རླབས་རིས་ལ་བཅོལ་ན་ཇི་འདྲའི་སྐྱིད།
ཡིག་འབྲེལ་བ་ལགས།ཁྱེད་རང་རང་བྱུང་ཁམས་ཀྱི་ཆོས་ཉིད་གང་འདྲ་ལ་དགའ་བོ་ཡོད།
ང་ནི་ཡོངས་ཁྱབ་རང་བཞིན་གྱི་སྒྲ་དབྱངས་དང་གཞས་ལ་ཉན་རྒྱུར་དུང་།ངའི་རྒྱལ་ཁོངས་སུ་དར་སྲོལ་ཆེ་བའི་གནའ་བོའི་སྒྲ་དབྱངས་ལ་དགའ་བ་མ་ཟད།ལྷས་འཐག་རི་མོ་ཅན་གྱི་ཚོས་རིས་ལའང་དགའ།
ཁྱེད་ཀྱིས་ཉན་འདོད་པའི་གཞས་དང་རོལ་མོ་ག་རེ་ཡིན།
ང་ནི་དེབ་ཀློག་རྒྱུར་ཡང་ཧ་ཅང་དགའ།སེམས་ཁམས་རིག་པའི་སྐོར་དང་།མི་ཚེ་ཡི་སྐབས་སུ་བབ་པའི་དངོས་སྒྲུང་།ད་དུང་འཆར་ཡུན་རིང་ལུགས་པའི་རྟོག་སྒྲུང་ཀློག་རྒྱུར་ཡང་དགའ།ངས་ཀློག་དེབ་ཀྱི་ཐ་མ་ནི་དྲི་ཞིམ་གྱིས་ཁྱབ་པ་ཞེས་པ་ཞིག་རེད།དེ་ལ་ཁྱད་དུ་འཕགས་པའི་སྒྱུ་རྩལ་གྱི་རྩོམ་ཤུགས་ངེས་ཅན་ཡོད་པའི་མཐོང་ཚུང་བྱུང་།
ཁྱེད་ཀྱིས་ཀློག་འདོད་པའི་དེབ་དེ་གང་ཡིན།ངས་བསམ་བློ་བཏང་ན་ཀློག་པ་ཙམ་གྱིས་འགུགས་ཤུགས་ལྡན་པའི་རྩོམ་དེབ་ཞིག་ཡིན་རྒྱུ་རེད།ཡང་ན་ཁེར་རྐྱང་གི་འཚོ་བ་དང་།རང་ཉིད་ཀྱི་གཤིས་རྒྱུད་མཚོན་པའི་དེབ་འདྲ་ཡང་ཡིན་སྲིད།
ངས་ཐོས་འདོད་པ་ནི་ཁྱེད་ཀྱི་རྒྱལ་ཁབ་ནང་གི་གནའ་བོའི་རིན་ཐང་ལྡན་པའི་ལོ་རྒྱུས་དག་ཡིན།ཁྱེད་ཀྱིས་ཤོད་དང་།ང་རང་ཧུར་བརྩོན་ཆེན་པོའི་ལམ་དུ་ཞུགས་ཏེ་ཡར་རྒྱས་ལྡན་པའི་འཛམ་གླིང་གསར་བའི་གར་སྟེགས་སུ་བསྐྱོད་འདོད་ཡོད།
ལམ་འགྲོ་མེད་པ་ཞིག་སྟེ།ང་ལ་བརྙན་འཕྲིན་ཡང་ཡང་ལྟ་བའི་གོ་སྐབས་ཀྱང་ཉུང་།ངའི་དུས་ཚོད་ཡོད་ཚད་ལས་ཀ་ཡིས་ཟ་བཞིན་ཡོད།ང་ནི་འགུལ་བསྐྱོད་རང་བཞིན་དང་།འབྲེལ་ལམ་དར་ཐག་འཐེན་རྒྱུར་དགའ་བོ་ཡོད།ཡིན་ནའང་།གནམ་འོག་གི་བདེ་སྐྱིད་ཚང་མ་ང་ལ་དགོས་པའི་ཧམ་སེམས་མེད།ཚད་དང་ལྡན་པའི་བྱམས་སྐྱོང་དང་བརྩེ་བ་ཞིག་གིས་བདག་སྐྱོང་ཐོབ་ན་འགྲིག་་རྒྱུན་དུ་སེམས་པས་འཚོལ་སྙེག་ཁོ་ན་ནི་སུ་ཞིག་གི་དྲང་བདེན་གྱི་བརྩེ་བ་དྲོན་མོ་ང་ལ་ཐོབ་མིན་དེ་ཡིན།
ངས་རང་ཉིད་ཀྱི་བརྩེ་བ་ལ་ལྟ་བཞིན་ཡོད།ཡིག་འབྲེལ་བ་ལགས།ཁྱེད་ཀྱིས་རང་ཉིད་ཀྱི་ཐོབ་དཀའ་བའི་བརྩེ་བ་ལ་བསམ་གཞིགས་བྱེད་མྱོང་ངམ།
ཞིབ་ཏུ་བསམ་ན་ང་ཚོ་ཚང་མ་ཆེན་པོ་བསམ་མཁན་དང་།འཛུམ་མདངས་འདོད་མཁན་ཤ་སྟག་རེད།ང་རང་ཉིད་ཀྱི་ཤེས་དགོས་པ་ནི་དྲང་བདེན་ལ་བློ་བཅོལ་ཡིད་ཆེས་བསྟེན་པའི་བརྩེ་བ་ཞིག་རེད།ཡིན་དང་ཡིན།ང་ལ་དགོས་པ་ནི་སུ་ཞིག་དང་རྒྱུན་ཏུ་འགྲོགས་པའི་དགོད་སྒྲ་སྐྱིད་པོ་དེ་ཡིན།ངས་འབྲེལ་ལམ་འདིའི་ཁྲོད་ནས་གཟབ་ནན་བྱེད་ཀྱིན་ཡོད།ངས་འགྲོ་ཞོར་འདུག་རེས་ཀྱི་རྩེད་མོ་འཁྲབ་སྟོན་བྱེད་ཀྱིན་མེད་་ལ།འཚོ་བའི་ཁྲོད་ཀྱི་ལས་ཞོར་གྱི་དགའ་དད་བྱེད་སྒོའང་སྤེལ་གྱིན་མེད།
སྐུ་མཁྱེན།ང་ལ་ཁྱེད་ཀྱི་སྐོར་མང་ཞིག་ཤོད་དང་།དེ་རིང་འབྲི་མཚམས་འདི་ནས་འཇོག་རྒྱུ་ཡིན།ང་རང་ནང་དུ་ལོག་པའི་དུས་ཚོད་ཟིན་སོང་།ཁྱེད་དང་མཉམ་དུ་སྐད་ཆ་བཤད་པ་དེས་ང་ལ་དགའ་ཚོར་བླ་མེད་སྦྱིན་བྱུང་བས་མདུན་བསྐྱོད་ཀྱི་ལམ་དུ་ཕྱོགས་པའི་རེ་སྒུག་ཁྲོད་ནས་ང་ལ་ཡིག་ལན་གསར་བ་རེ་གང་མགྱོགས་གནང་བའི་རེ་བ་དང་བཅས་ཁྱེད་རང་གི་གྲོགས་མོ་ཏ་ཏའི་ཡ་ན་ནས།