ཀུན་དགས་དབྱིན་ཡིག་ནས་བོད་བསྒྱུར་བྱས།
༼གྲོགས་པོ་རྣམ་པ་ལགས།ངེད་ཀྱི་ཡིག་བསྒྱུར་འདིར་དེ་ཙམ་གྱིས་རིན་ཐང་མི་ལྡན་ལ།ཆབ་སྲིད་དང་རིག་གཞུང་གི་ཁོར་ཡུག་བཟང་པོ་ཁ་བརྡའི་དྲ་ངོ་འདི་སྦག་བཙོག་བཟོ་བྱེད་ཅིག་ཡིན་ཀྱང་སྲིད།འོན་ཀྱང་།ཡིག་འབྲེལ་འདི་ནི་རྟོག་བཟོ་ཙམ་མིན་པར་བུ་མོ་ཞིག་གི་སེམས་གཤིས་ངོ་མ་ཡིན་པ་དང་།འབྲི་ཐབས་ཀྱི་ཁྱད་ཆོས་ཤིག་ནི་བརྩེ་དུང་གི་ཚོར་བ་རྐྱང་པ་ལབ་གླེང་བྱེད་པ་ཙམ་མིན་པར་འབྲི་ཐེངས་རེ་རེའི་ནང་བརྗོད་བྱ་གསར་བ་ཁོར་ཡུག་དང་།ཆོས་ལུགས།ལྟ་ཚུལ།ལས་གནས་སོགས་མང་པོ་ཞིག་འཁོད་འདུག་པས་འབྲི་རྩལ་གྱི་ཆ་ནས་བརྩེ་དུང་གི་ཨ་ལོང་ལས་ཤོར་བའི་སེམས་འཕྲིན་དམར་པོ་ལས་ལྷག་ཅིག་མཐོང་སོང་།དེའི་ཕྱིར།ང་ལྟ་བུའི་ལས་དང་པོ་བར་བོད་ཡིག་གློག་འདོད་ཀྱི་དང་བ་སྐྱེས་ཕྱིར་བསྒྱུར་འགོད་བྱས་པ་ཡིན།ད་ཆར་བུ་མོ་འདིའི་འཕྲིན་ཡིག་༢༧ཙམ་ལག་སོན་བྱུང་མོད།མུ་མཐུད་བསྒྱུར་འགོད་བྱེད་ཐུབ་མིན་མི་ཤེས།བུ་མོའི་འདིའི་ཚོར་བ་དང་སྐད་ཆ་གཉིས་གཏིང་ཟབ་ཏུ་འགྲོ་བཞིན་འདུག་པས་ཅུང་ཟད་ཞེད་སྣང་ཡོང་གིན་འདུག་་་ཀུན་དགའ་ནས།༽
བརྩེ་བའི་ཡིག་འབྲེལ་བ་ལགས།
གཟབ་ནན་དང་ཞིབ་ཀློག་གི་བར་ནས་ཁྱེད་ཀྱི་ཡིག་འབྲུ་རེ་རེ་ནི་ང་ཡི་ངོ་གདོང་གི་འཛུམ་མདངས་ཁོ་ནར་གྱུར།
དེ་རིང་ངས་ཁྱོད་ལ་བཤད་འདོད་པ་ནི་ང་རང་གི་ལས་ཀའམ།བདུན་ཕྲག་རེའི་ནང་གི་འཚོ་བའི་གནས་བབ་དང་འབྲེལ་བ་ཞིག་ཡིན།
ངའི་ལས་ཀ་ནི་དྭ་ཕྲུག་གསོ་སྐྱོང་ཁང་གིོ་བྱིས་པ་ཚོར་སེམས་ཁམས་རིག་པའི་སྐོར་གྱི་སློབ་གསོ་དང་།བདག་སྐྱོང་བྱེད་རྒྱུ་དེ་ཡིན།ང་རང་གང་དུ་བསྡད་ནའང་གོ་རིམ་ཡོད་པའི་ལས་ཀར་ཧུར་བརྩོན་བྱེད་ཀྱིན་ཡོད།དྭ་ཕྲུག་གསོ་སྐྱོང་ཁང་འདི་ཧ་ཅང་གི་ཆེན་པོ་མ་རེད།འདིའི་ནང་བུ་ཕྲུག་དྲུག་ཅུ་ལྷག་ཡོད་ལ།ཁོ་ཚོ་ནི་དངོས་འབྲེལ་ཕ་མ་མེད་མཁན་རྐྱང་རྐྱང་རེད།འདིར་ལས་བྱེད་༢༥ཡོད།ང་ཚོས་བྱིས་པ་ཚོར་དངོས་ཐོག་བདེན་འཚོལ་དང་།བསམ་བློའི་འཕྲོད་བསྟེན་དང་འབྲེལ་བའི་སློབ་གསོ་དང་བདག་གཉེར་གནང་བཞིན་ཡོད།དེ་བཞིན་ངས་ཀྱང་གྲ་སྒྲིག་འཐུས་ངོ་ཚང་བའི་སློབ་ཚན་གཙོར་འདེམས་བྱེད་ཀྱིན་པ་དང་།ལས་རོགས་ཚང་མར་མཐུན་ལམ་ཡག་པོ་ཡོད།
དྭ་ཕྲུག་ཚོའི་ངོ་གདོང་སྐྱ་བོ་མཐོང་ཐེངས་རེར་ང་ལ་སེམས་འགུལ་ཐེབས་ཤིང་།ཁོ་ཚོའི་ཆེད་དུ་ངེད་ཀྱིས་གང་ཡང་བློས་གཏོང་ཕོད་པའི་འཁྲུལ་སྣང་སྐྱེས་ཀྱིན་འདུག་་འདི་ནི་ང་རང་ཉིད་བདག་མེད་ནས་དྭ་ཕྲུག་ཏུ་གྱུར་མྱོང་གིས་ཡིན་ནམ།མནར་གཅོད་ཐེབས་པའི་བུད་མེད་ཐུན་མོང་གི་སེམས་གཤིས་ཡིན།གཅིག་བྱས་ན་དཀོན་མཆོག་གིས་ད་དུང་ང་ལ་བཀོད་སྒྲིག་གང་ཡང་མེད་པར་གནམ་འོག་གི་གྲུ་ཟུར་ཞིག་ན་བརྩེ་བའི་འབོད་སྒྲ་རེ་སྒྲོག་ཏུ་བཅུག་པའི་རྐྱེན་ཡང་ཡིན་སྲིད།
ཡིན་ནའང་།ཉེ་ཆར་ང་ཚོའི་ནང་འཇིགས་རུང་ལྟ་བུའི་ཟིང་ཆ་ཞིག་བྱུང་བ་རེད།དེ་ནི་ལས་བྱེད་རེ་ཟུང་གི་བྱེད་སྟངས་ལ་བརྟེན་ནས་བྱིས་པ་ལོག་ལམ་དུ་ཁྲིད་མི་ཡོང་ངམ་སྙམ་པའི་སེམས་ཁྲལ་ཞིག་རེད།འདི་གའི་ལས་བྱེད་བུ་མོ་ན་ཏ་བྱའི་མྱོས་རྫས་སྤྱད་པའི་དོན་རྐྱེན་ཞིག་རེད།བདུན་ཕྲག་རྗེས་མའི་ནང་ང་ཚོ་སློབ་གྲྭའི་ནང་དུ་འདུ་འཛོམས་ཤིག་བྱས་པ་ཡིན།ང་ཚོའི་ནང་དུ་ན་ཏ་བྱ་ཟེར་བའི་བུ་མོ་གསར་པ་ཞིག་ཡོད།ཁོ་མོའི་ཕ་མ་གཉིས་ནི་རྒྱུན་དུ་ཆང་རག་ལ་རོལ་མཁན་རེད།ཉིན་དེའི་འདུ་འཛོམས་སྐབས་ན་ཏ་བྱའི་ཕ་མ་གཉིས་ཀྱི་བསླབ་བྱ་བརྒྱུད་ལུགས་མཐུན་གྱི་སྒོ་ནས་ཁོ་མོས་ཕྱིན་ཆད་མྱོས་རྫས་མི་སྤྱོད་པ་ཡེ་ཤུའི་མཆོད་སྟེགས་མདུན་ནས་ཁས་ལེན་དང་དགོངས་དག་བྱས་པ་རེད།
དེ་ནས་བཟུང་ན་ཏ་བྱས་སུ་གཅིག་ལ་སྐད་ཆ་མི་བཤད་པ་དང་།ཟ་མའང་ཟ་གིན་མི་འདུག་་ངས་མོ་རང་ཡག་པོ་ཞིག་ཆགས་རྒྱུར་བསམ་བློ་བཏང་བ་ཡིན།མོ་རང་དང་མཉམ་དུ་སྐད་ཆ་བཤད་པ་དང་།ཧུར་བརྩོན་ཆེན་པོས་བདུན་ཕྲག་རེ་མཇུག་གི་ཉིན་མོར་འགྲོ་འདུག་ཐད་རོགས་རམ་བྱས་པ་ཡིན།སྐབས་རེར་སྲང་ལམ་ན་ངའི་གྲོགས་མོ་ཁ་ཏ་ཡ་ཟེར་བ་ཞིག་ཡོད།ཁོ་མོ་ཧ་ཅང་གི་ཀུ་རེ་དང་རྩེད་དགོད་ལ་དགའ་བ་ཞིག་རེད།ང་རང་བྱིས་དུས་སྐབས་ནས་འགྲོགས་འདྲིས་ཡོད་པ་ཞིག་ཀྱང་ཡིན།ང་ཚོ་བསམ་ཚུལ་མཐུན་པ་ཁག་ཅིག་དང་མཉམ་དྭ་ཕྲུག་ཁང་དང་།སྐབས་རེར་ཡུལ་སྐོར་ལྗོངས་རྒྱུ་སོགས་ཀྱིས་དུས་ཚོད་བཟང་པོ་དེ་ལྟར་བསྐྱལ་བ་ཡིན།
སྤྱིར་བཏང་གུང་སེང་གི་ཉིན་མོར་ང་རང་ལྟད་མོ་ལ་དགའ་བོ་ཡོད།ཡིན་ནའང་།འདི་ཡང་གཟའ་མཇུག་ནམ་རྒྱུན་ལ་རེག་ཐུབ་པ་ཞིག་མ་རེད།ངའི་ལས་ཀ་ལ་དུས་ཚོད་མང་པོ་འགོར་ངེས་རེད།ད་དུང་རྒྱུན་ལྡན་ལྟར།གླུ་དབྱངས་དང་རོལ་མོ་ལ་ཉན་རྒྱུ།དེབ་ཀློག་རྒྱུ།གཙང་མ་བཟོ་རྒྱུ།ཁ་ལ་བཟོ་བར་གྲ་སྒྲིག་བྱེད་དགོས་པ་སོགས་རེད།
སྐུ་མཁྱེན་ང་ལ་ཤོད་དང་།ཁྱེད་ཀྱི་བདུན་ཕྲག་གི་ཉིན་ཐ་མའམ།རེས་གཟའ་སྤེན་པ་དང་ཉི་མའི་གུང་སེང་སྐབས་ཀྱི་བརྩེ་བ་དེ་སུ་ལ་བདག་གིན་ཡོད།ཁྱེད་ལ་དགའ་མགུ་ཅན་གྱི་རྩེད་གྲོགས་མང་པོ་ཡོད་དམ།
ངས་ཁྱེད་རང་བརྒྱུད་ནས་ནང་ཆོས་ནི་སེམས་ཁམས་རིག་པའི་གཞུང་ལུགས་ཟབ་ཤེས་ཤིག་དང་།འཛམ་གླིང་ན་ཀུན་སྤྱོད་ཁྱད་འཕགས་ཀྱི་སྐྱེས་བུ་ཏཱ་ལའི་བླ་མའི་མཛད་འཕྲིན་སྐོར་ཡང་གོ་སོང་།
དངོས་གནས་ཐུགས་རྗེ་ཆེ།ངས་བསམ་ཚོད་ཅིག་ནི་ཁྱེད་རང་མི་བཟང་པོ་ཞིག་ཡིན་པའི་འཆར་སྣང་ཡོད།ད་དུང་སྤྲོ་སྣང་དང་ཞི་དུལ་རྒྱུན་སྤྱོད་ཅན་ཞིག་ཀྱང་རེད།ནམ་ཞིག་ང་ཚོ་ལྷན་དུ་འཛོམས་རྒྱུ་ནི་ངེད་ཀྱིས་སྤྲོ་སྣང་ཆེ་བའི་དུས་ཚོད་ཅིག་རེད།ཁྱེད་རང་སེམས་ངོར་ཡང་ཡང་དྲན་བཞིན།ཞི་དུལ་ལྷོད་པོས་སྒོ་ནས་ཁྱེད་ལ་ཚོད་ལྟའི་འོ་ཞིག་བསྐྱལ་ངེས་ཡིན།
ཁྱེད་ཀྱི་གྲོགས་མོ་ཡག་ཤོས་ཏ་ཏའི་ཡ་ན་ནས།
བཀླགས་ཚར་ཡིན། ཡག་པོ་བསྒྱུར་འདུག་མུ་མཐུད་དུ་་་་་་སྒུག་ནས་འདུག
ད་བྱེད་དུས་འཕྲིན་འདི་བོད་པའི་ཕོ་གསར་ཞིག་ལ་བྲིས་པ་རེད། ངོ་མཚར་ཆེ།
ཀུན་དགའ་ལགས་ཁྱེད་ཀྱི་འཕྲིན་ཡིག་དེ་དག་ཆ་ཚང་བོད་བསྒྱུར་གནང་རོགས་གནང་ཞེས་འབུལ་སྐུལ་ཞུ་རྒྱུ་ཡིན་། ཡིག་བསྒྱུར་དེས་ང་ལྟ་བུར་ཏན་ཏན་ཕན་ཐོགས་ཡོང་གི་འདུག་། བརྩེ་འཕྲིན་དྲུག་པ་སྒུག་ནས་ཡོད་་་་་་་་་་་་།
བརྩེ་འཕྲིན་ཡག་ཀི། ཀུན་དགའ་ལགས་མུ་མཐུད་བསྒུར་རོག་དང་།
ཐུགས་རྗེ་ཆེ།
ཀུན་དགའ་ལགས་བརྩེ་སེམས་ཟབ་པའི་བུ་མོ་ཡག་པོ་དེ་འདྲ་རག་དུ་གོ་སྐབས་བློས་གཏང་རྒྱུ་ཡོག་མ་རེད། ཁྱེད་གཉིས་ཀྱི་མ་འོང་་བ་ཡག་པོ་ཡོང་བའི་སྨོན་འདུན་ཞུ།
ཐུགས་རྗེ་ཆེ། གཟུགས་བཟང་མ་དེའི་གཞན་ཕན་གྱི་བསམ་སྤྱོད་དང་བླ་ན་མེད་པའི་བརྩེ་སེམས་ཀྱི་དབུ་འཕང་མཐོན་པོ་ང་ཚོའི་མིག་དྲུང་དུ་བཤམས་པར་དགའ་བས་རྗེས་སུ་ཡི་རང་ཞུ།།
ཡག་པོ་མིག་དཔེར་འོས་སོ༌༌༌༌༌༌༌༌༌༌༌༌༌༌༌༌༌༌༌༌མུ་མཐུད་ཅིག
nice
ཀུན་དགས་རང་ཉིད་ཀྱི་འཕྲིན་ཡིག་དག་བསྒྱུར་ནས་སྤེལ་བཞིན་པ་ཡང་ལེགས་པོ་འདུག
ཀུན་དགའ་ལགས་
ངོ་གནས་ཡག་པོ་བསྒྱུར་འདུག།
གཞི་ནས་འཕཱྀྲིན་ཡིག་ལྔ་བ་ཞིབ་ཀློག་ཅིག་བྱས་པ་ཡིན། དེ་ནས་བཞི་བ་དང་གསུམ་པ་སོགས་ཀློག་འདོད་ཀྱི་བསམ་བློ་ཞིག་རང་ཤུགས་ཀྱིས་སྐྱེས་སོང། ད་མུ་མཐུད་ནས་འཕྲིན་ཡིག་གང་སྒྱུར་རྣམས་ཆད་ལྷག་མེད་པར་ཀློག་ཡིན། མུ་མཐུད་ནས་སྒྱུར་རོགས་ཞུ།
ར་ཤེ་ཡ་ལ་དངོས་གནས་བུ་མོ་མཛེས་མ་ཡོད་ནི་རེད། རྒྱོ་རྒྱགས་དགོས་ཀྱང་རྩལ་འཛོམས་ཡོད་ནི་རེད།
དེའི་སྟེང་བརྩེ་དུང་ཟབ་མོ་ཞིག་ཡོད་ན་བུ་མོ་དེ་འདྲ་ད་མ་ལག་ལ་མ་ཐོབ་པར་ཡོད་ཡ།
ང་འདྲ་བོ་ཞིག་ལ་བུ་མོ་འདི་མོ་ཞིག་གིས་ཤོག་ཟེར་ན་ཡུམ་སང་ཉིན་ནས་ར་ཤེ་ཡའི་གཞུང་ཚབ་ཀྱི་ནང་དུ་མཐོང་ཆེན་ཞུ་ནེ་འགྲོ་རྐྱང་ཡིན།
མཐའ་དོན་ཡིག་སྐུར་འདི་འབྲི་ས་བོ་སུ་ཞིག་ཡིན་ན་ད་བུ་མོ་ལ་མགྱོགས་པོར་ཐུག་ཐབས་ཤོས་དེ་མིན་ཡིག་སྐུར་དག་དག་བརྩེ་དུང་ཡུན་རིང་བོར་བརྟན་ནི་མ་རེད། ཨ་རོགས་ར་ཤེ་ཡའི་བུ་མོ་འདི་ཚོ་གཟུགས་པོ་མཉེན་ནི་རེད་འཁྱུག་གི་འདུག་རེད།࿋࿌࿊࿌
ས࿋࿊࿌࿊
དྲ་གྲོགས་རྣམ་པས་ཀློག་པར་ཐུགས་རྗེ་ཆེ།
ངས་ཨུ་ཚུགས་ཀྱིས་བསྒྱུར་བའི་རེ་འདོད་འགྲུབ་སོང་།
མི་ནི་མ་གཞི་ནས་བརྩེ་བའི་བདག་ཉིད་ཅན་ཞིག་ཡིན་ན། བརྩེ་འཕྲིན་འདི་ལྟ་བུ་ཡང་ང་ཚོར་ངེས་པར་དུ་དགོས་པ་ཞིག་རེད་བཞག
གྲོགས་པོ་ཀུན་དགའ་ལ་མཚམས་འདྲི་དང་བཅས།
ཁྱེད་ཀྱིས་ཡིག་སྒྱུར་གནང་བ་དགའ་པོ་བྱུང་ང་ཚོའི་སྐད་ཡིག་གིས་འཛམ་གླིང་ཐོག་རྗོད་བྱ་ཡོད་ཚད་སྟོན་པའི་ནུས་པ་ཡོད་ན་ཡང་མི་རིགས་གཞན་གྱི་བརྩེ་སྒྲུང་སོགས་ནི་ཤིན་དུ་དཀོན་པོ་རེད། སྐད་ཡིག་འདི་མཐུས་སྒོ་ཚང་ཞིང་སྐོར་སྐྱོད་བྱེད་སའི་འཁོར་ཡུག་དང་། བརྗོད་བྱ་སྣ་ཀ་མཛོམ་པོ་སོགས་བྱུང་ན་བེད་སྐྱོད་བྱེད་མཁན་མང་རུ་འགྲོ་ངེས་རེད། དེ་ལྟ་བྱུང་ན་རང་གི་བུ་ཕྲུག་ལ་བོད་ཡིག་སྦྱོངས་དགོས་ཞེས་བཤད་བཤད་ཀྱང་གཏངས་དགོས་རྒྱུ་མ་རེད་སྙམས།
ལོ་སེར་གཙོས་པའི་དྲ་གྲོགས་གཞན་རྣམས་ལ་ཞུ་རྒྱུར། གུས་མོས་བཙན་བྱོལ་བོད་མིའི་སྤྱི་ཚོགས་ལ་ཡོད་པའི་སྨྲ་བརྗོད་རང་དབང་གི་ཁོར་ཡུག་དེ་དང་། རང་ཉིད་ལ་ཤེས་བྱ་དང་གོ་རྟོག་གང་ཡོད་པ་རྣམས་བེད་སྤྱད་དེ་བློ་གཟུར་བོར་གནས་པའི་ཐོག་ནས་བཀའ་ཁྲིའི་བཀའ་སློབ་དེར་རང་རང་གི་བསམ་ཚུལ་ཙམ་བཤད་པ་ལས་ཁོང་སྐུ་སྒེར་ལ་འཁོན་འཛིན་དང་མི་དགའ་བ་བྱེད་དགོས་དོན་རྩ་བ་ནས་མེད། ལྷག་དོན་ཕྲན་ནས་དུས་དང་རྣམ་པ་ཀུན་དུ་རང་ཉིད་ནི་གངས་ཅན་པ་ཞིག་ཡིན་བསམ་པ་ལས། ཁམས་པ་དང་། ཨ་མདོ་བ། དབུས་གཙང་བ་སྟེ་ཆོལ་ཁ་དང་ལུང་ཚན་བྱེ་བྲག་པ་ཞིག་གི་མི་ཡིན་བསམ་མྱོང་མེད་ལ། ས་དགེ་བཀའ་རྙིང་བོན་དང་བཅས་པར་དད་གུས་བྱེད་མཁན་གྱི་རིས་མེད་པ་ཞིག་ཡིན་བསམ་གྱི་ཡོད། གང་ལགས་ཤེ་ན། བོད་མི་རིགས་དང་རྒྱལ་ཁབ་ཅེས་འབོད་སྐབས་ཆོལ་ཁ་དང་ཆོས་ལུགས་དེ་རྣམས་ཀྱི་དབྱེ་འབྱེད་མེད་པར་རྡོག་རྩ་གཅིག་ཏུ་སྒྲིལ་བ་ཞིག་ལ་མཚོན་བཞིན་ཡོད་པ་རེད། དེར་བརྟེན། གང་ཟག་ཕལ་པ་ཕྲན་ལྟ་བུས་མི་ཚེའི་ནང་དུ་བྱ་བ་གང་དང་བསམ་བློ་གང་ཞིག་གི་ཐོག་ཏུ་བཞུགས་པའི་སྐབས་སུ་ཐོག་མར་རང་ཉིད་བོད་པ་ཞིག་ཡིན་པ་མཚོན་ཐུབ་པའི་བོད་མི་རིགས་འདི་དང་། རང་ཉིད་གང་དུ་སྐྱེས་སའི་བོད་རྒྱལ་ཁབ་འདིའི་འཕྲལ་ཕུགས་ཀྱི་བེད་སྡུག་ལ་གང་ཐུབ་ཀྱིས་བསམ་ཞིབ་བྱེད་རྒྱུར་བརྩོན་ལེན་བྱེད་མཁན་ཞིག་ཡིན། བོད་ཀྱི་བསྟན་སྲིད་དང་མི་རིགས་ཀྱི་བདེ་རྩར་གནོད་སྐྱོན་གཏོང་མཁན་གྱི་རྒྱ་འདྲེ་འདོད་རྒྱལ་ལྟ་བུར་སུ་ཞིག་གིས་དད་པ་བྱེད་དམ། འདས་པའི་བཙན་བྱོལ་བོད་མིའི་སྤྱི་ཚོགས་ཀྱི་ཁྲོད་དུ་ཆོལ་ཁ་དང་ལུང་ཞེན་སྐམ་པོར་སེམས་ཆགས་ཤིང་། ཆོས་ལུགས་གྲུབ་མཐའ་འདྲ་མིན་དབར་འཐེན་འཁྱེར་ལ་དགའ་བའི་གླེན་པ་གང་ཟག་བྱེ་བྲག་པ་ཞིག་གི་རྗེས་ལ་སུ་ཞིག་ནས་རྒྱུག་གམ། ང་ཚོ་ཚང་མས་དྲ་རྒྱ་འདིའི་ནང་དུ་བོད་ཀྱི་ཆོས་དང་རིག་གཞུང་། བསྟན་སྲིད་དང་མིོ་རིགས་ཀྱི་འཕྲལ་ཕུགས་ལ་ཕན་པའི་བསམ་ཚུལ་དང་དགོངས་འཆར་གང་ཡོད་པ་རྣམས་ལྷག་བསམ་ཟོལ་མེད་ཐོག་གླེང་བ་ལས་མི་སྒེར་གྱི་ཆགས་སྡང་ཕྱོགས་ལྷུང་གི་འོག་ཏུ་མི་ཤོར་བའི་འབོད་སྐུལ་རྒྱུ་ཡིན།