ཀུན་དགས་དབྱིན་ཡིག་ནས་བོད་བསྒྱུར་བྱས།
བརྩེ་བའི་ཡིག་འབྲེལ་བ་ལགས།ངེད་ཀྱི་སེམས་གཏམ་མང་པོ་ཞིག་ཆུ་བོ་བཞིན་བཞུར་ཟིན་ནའང་།ཁྱོད་ཀྱི་ཁོར་ཡུག་དང་གནས་བབ་མང་པོ་ཞིག་ད་དུང་ང་ལ་རབ་རིབ་ཆགས་ཀྱིན་འདུག་་དེ་ལས་ཀྱང་གལ་ཆེ་བ་ནི་ང་ལ་ཁྱོད་ཀྱི་ཁ་པར་ཨང་གྲངས་སྤྲད་རོགས།
སྟབས་ཉེས་པ་ཞིག་ནི་ང་ཚོའི་རྒྱལ་ཁོངས་འདིར་ཕྱི་ཕྱོགས་ཀྱི་ཁ་པར་རིན་གོང་མཐོན་པོ་རེད།ཁྱེད་རང་གི་ཁ་པར་ཨང་གྲངས་སྤྲོད་དང་།ང་རང་སྐྱོ་སྣང་འཐུང་བཞིན་པའི་ཉིན་མོར་ཁྱེད་ཀྱི་སྦྲང་རྩི་ལྟ་བུའི་སྐད་ངག་འཇམ་པོ་དེ་གོ་ན་འདོད་སོང་།ངས་ཁྱོད་ཀྱི་ཁ་པར་གྱི་ཨང་གྲངས་སྤྱད་དེ་རང་ཉིད་ལ་སེམས་གསོ་བྱེད་ན་འདོད་བྱུང་།
དོ་དགུང་གི་མཚན་ཕྱེད་འདིར་ཡང་ང་རང་གཉིད་གཏན་ནས་མ་ཁུག་་དེ་ནི་ཁྱོད་དང་ང་ཚོའི་བར་གྱི་འབྲེལ་ལམ་གྱིས་དཀྲོགས་པའི་ཅོང་བརྡ་ཞིག་རེད།ཁྱེད་ནི་ངའི་སེམས་ངོགས་ཀྱི་བརྩེ་བའི་རིན་ཐང་ལྡན་པ་ཞིག་ཡིན་ལ།ང་ལ་དགོས་པ་ནི་རིན་ཐང་དང་དོན་སྙིང་གིས་གྲུབ་པའི་འཚོལ་སྙེག་གི་མི་ཚེ་དང་བརྩེ་བ་ཞིག་ཡིན།ང་ཚོའི་ཡིག་འབྲེལ་གྱི་ཁྲོད་ནས་ངས་ཁྱོད་ཀྱི་ལྷག་བསམ་རྣམ་དག་མཐོང་ཞིང་།བཏང་ལྷོད་མེད་པའི་རྣམ་ཤེས་འདི་ཡིས་ཁྱོད་ཁོ་ན་ནི་ང་ལ་མཁོ་གལ་ཆེ་བའི་གནམ་བསྐོས་དེ་ཡིན་པར་བསམ་བཞིན་ཡོད།ང་ཡི་ཞི་དུལ་རྒྱུན་སྤྱོད་ཅན་གྱི་གོམས་གཤིས་དག་ཀྱང་རང་གི་བདག་པོར་ཕྲད་པའི་ཁྱི་ཕྲུག་བཞིན།སླད་མེད་པའི་རྔ་མ་དང་རྣ་ཅོག་ཕབ་སྟངས་འདིས་དོན་དངོས་ཀྱི་བརྩེ་བ་ཞིག་ལ་མགྲོན་བསུ་བྱེད་བཞིན་ཡོད།
ད་ལྟ་ཡང་འདས་ཟིན་པའི་འཆར་སྣང་ཀློང་གི་དོན་དངོས་ཤིག་ཕྱིར་དྲན་ཐེབས་སོང་།དེ་ནི་ང་ལ་སྡིགས་ར་དང་བསྟན་བཤིག་སློང་བའི་འདས་གྲོགས་ཡོ་ར་ཡིན།ཁོ་ལ་དགོས་པ་ནི་ང་ཡི་དྭངས་གཙང་གིས་འཛུམ་པའི་ལང་ཚོ་ཡིས་གནས་སྐབས་ཀྱི་དགོས་འདུན་སྒྲུབ་རྒྱུ་ཁོ་ན་རེད།
ཡིན་ཡང་།ད་ལྟ་ནི་ང་ཡི་འོད་སྟོང་འཕྲོ་བའི་རྣམ་ཤེས་ཀྱིས་བློ་གཏོད་བཅོལ་སའི་ཁྱོད་ལ་ཐུགས་རྗེ་ཆེ་ཞུ་རྒྱུ་ཡིན།བརྩེ་བའི་གནམ་བསྐོས་ལགས།ཁྱོད་ནི་གོ་ལ་ཧྲིལ་བོའི་སྟེང་གི་ཡིད་ཆེས་ཡོད་སའི་ངའི་མི་བུ་དེ་ཡིན།ཁྱེད་ཀྱིས་ང་ལ་སེམས་གཅོང་དང་བེད་སྤྱོད།མགོ་བསྐོར་མི་གཏོང་བའི་ཡིད་ཆེས་བྱེད་བཞིན་ཡོད།ཁྱེད་ནི་མི་དྲང་བདེན་ཅིག་་རྣམ་དཔྱོད་ལྡན་པ་ཞིག་་ངའི་ཚོར་བའི་ཁ་ཕྱོགས་ནི་ཁྱེད་ཀྱི་མཇལ་སྤྲོ་བའི་སེམས་གཤིས་དང་སྙིང་བརྩེ་བའི་རིན་ཐང་ཡིན།
ངའི་མི་ཚེ་ལ་དགོས་པའི་དོན་དངོས་དེ་དྲང་བདེན་ཁོ་ནའང་མ་རེད།བརྩེ་བ་དང་བརྩེ་བའི་རིན་ཐང་ངོ་མ་ཞིག་ངའི་བསམ་གཞིགས་ཀྱི་ཀློང་ན་འཕྱོ།ཁྱེད་ཀྱིས་ཤེས་གསལ་རེད།གནམ་འོག་གི་བུ་མོ་མང་པོ་ཞིག་སྒོར་མོ་དང་རྒྱུ་དངོས་ཀྱི་རྗེས་འབྲངས་བ་རེད།ང་ནི་སྒོར་མོའི་ཉོས་པའི་བརྩེ་བ་ལ་ཡིད་ཆེས་མི་འདུག་་དེ་ནི་གནས་སྐབས་ཀྱི་ནམ་མཁར་ཤར་བའི་མིག་སྔའི་འཇའ་འོད་ལྟ་བུ་རེད།སྒོར་མོ་ནི་དེང་རབས་འཕྲུལ་རིག་གིས་བཟོས་པའི་ཤོག་བུ་ལེབ་མོ་ཞིག་རེད།
ངོ་མ་བཤད་ན་བུ་མོའི་རིན་ཐང་ནི་གང་འདོད་བེད་སྤྱོད་ཆོག་པའི་ཤོག་སྙིགས་ཤིག་མ་རེད།ཡིན་ཡང་མང་པོ་ཞིག་གིས་བུ་མོ་ཚོ་ནི་དབྱར་སེང་བེད་སྤྱོད་ཆོག་པའི་སྤྲོ་སྐྱིད་རྫིང་བུ་ལྟ་བུར་བྱེད་ཀྱིན་འདུག་་ཚོར་སྣང་འདོད་ཞེན་ལ་བཅོལ་བའི་མི་བུ་ཚོས་གློག་ཀླད་དྲ་ཁང་ནང་ཆགས་སྤྱོད་ལྟད་མོར་ལྟ་ཀྱིན་ཡོད་པ་རེད།ངས་ནི་བསམ་ཞིབ་དང་སེམས་ཚོར་བསྲེས་ཏེ་དོན་སྙིང་ལྡན་པའི་མཛའ་འབྲེལ་ཞིག་བསམ་བཞིན་ཡོད།ང་ནི་ཁྱོད་དང་ལྷན་དུ་རྩེད་མོའི་གར་སྟེགས་སུ་རོལ་བའི་སྤྲེའུའི་འཁྲབ་སྟོན་མིན།ང་ཡི་ཡིད་ཆེས་ནི་དྲོད་སྐྱིད་དང་ངོ་མཚར་ལྡན་པའི་ཁྱེད་ཀྱི་རིན་ཐང་ཡིན།ང་ཡི་ཡིད་ཆེས་ནི་འཛམ་གླིང་འདི་རུ་རིན་ཐང་མེད་པའི་མི་སེམས་འགུགས་ཤུགས་ཀྱི་རྣམ་ཤེས་ཡིན།
ངའི་གནམ་བསྐོས་ལགས།ངའི་སེམས་ངོགས་ཀྱི་འཇིག་རྟེན་འདི་གཏིང་འོག་བརྗེ་དེ་ཕྱི་གསལ་ནང་གསལ་ཡིན།ངས་ཁྱོད་ལ་བཤད་པ་ནི་བརྩེ་སེམས་ཀྱི་ཆུ་མིག་བརྡོལ་བའི་སེམས་པའི་བཞུར་རྒྱུན་ཞིག་ཡིན།ངའི་ཡིད་ཆེས་ནི་ཚོར་སྣང་དར་ཐག་གིས་སྦྲེལ་བའི་ང་ཚོའི་མཛའ་འབྲེལ་གྱི་མུ་ཁྱུད་ཡིན་ལ།ལས་དབང་གི་གེགས་རྒྱ་མེད་པའི་རེ་སྨོན་གྱི་མིག་ཆུ་ནི་དཀོན་མཆོག་ལ་ཕུལ་བའི་དད་རྟེན་ཙམ་ཡིན།
ཁྱེད་ཀྱི་ལྕམ་ཆུང་ཏ་ཏའི་ཡ་ན་ནས་ཕུལ།
ཨ་མ་མ་ད་ཡིན་ན་ག་རེ་ལབ་དགོས་ཡང་ཤེས་མ་སོང་བུ་མོ་ཏ་ཏའི་ཡ་ན་དེ་མི་མ་མཐོང་སྔོན་ནས་རྩེ་བ་དེ་འདྲ་སླེབས་འདུག། དཀོན་མཆོག་མཁྱེན་མོ་རང་གི་བསམ་དོན་སྒྲུབ་པར་སྨོན།།
ཨཱ་ ཨོ་ཡ་དཀོན་མཆོག་མཁྱེན་ བུ་མོ་འདིའི་བརྩེ་དུང་ཅི་ཟེར་དགོས་ནི་རེད་ངོ་མ་བྱེད་དཀའ་གི་ཡ
ད་ཡིན་ཆང་ས་རྒྱག་སྒོ་ནི་རེད་
ད་དངོས་གནས་རིན་ཐང་འདུག ལྕམ་ཆུང་དུ་གྱུར་འདུག རྩོམ་ཡིག་འདི་འདྲ་མུ་མཐུད་ནས་ཀློག་འདོད་པས་མུར་འགོར་པར་ཞུ།
ཀུན་དགའ་ལགས་སྙན་པ་ལ་ཚད་ཅིག་མི་འདུག་མུ་ཐུད་བསྒྱུར་རོགས་གནང་་་་་་་་།
ཀུན་དགའ་ཟེར་བའི་མི་འདི་ལྦ་ན་སློབ་གླིང་གི་མི་རྐྱང་ཐ་མའི་རྒྱལ་བོ་དེ་ཨེ་ཡིན།
སྙན་མོ་འདུག་མུ་མཐུད་དུ་གྲོགས་པོ་ལགས།
སྙན་པོ་འདུག་གྲོགས་པོ་ལགས་མུ་མཐུད་དུ་་་་་་་་།
ད་ནི་ཁྱོད་ལ་ཐོབ་ཀྱི་ཡོད་ཚོད་རེད། ང་ཚོས་ཁྱོད་ཀྱི་འཕྲིན་ཡིག་དེལ་རེ་བས་ཉན་ཞིང་སྒུག་བཞིན་ཡོད། བུ་མོ་དེའི་པར་དེ་དག་ནི་ཉིན་གཅིག་ལ་བརྒྱབ་པའི་པར་ལྟ་བུ་ཡིན་པས། དེ་འདྲའི་ཚོར་སྣང་དང་འདྲེས་བདེ་བོ་ཞིག་མ་བྱུང་། རང་བྱུང་གི་ཚོར་བ་དག་ནི་བཅོས་མིན་གྱི་སེམས་ཁམས་ཀྱི་ངོས་ཤིག་ཡིན་པས། ཀུན་དགའ་ལགས་ཀྱིས་རྟོག་བཟོ་མི་བྱེད་པར། ཀློག་མཁན་མི་མང་པོ་ཞིག་གི་རེ་ལྟོས་ཡོད་པ་མོ་ལ་མ་གསང་བར་བཤད་ན། ད་དུང་འདི་ལས་སྤྱི་ཚོགས་ཉམས་མྱོང་དང་མི་སེམས་རྙོག་འཛིང་། སློབ་གསོ་ཡི་བྱེད་ཐབས། བདེན་པའི་རྒྱལ་ཁ་སོགས་མང་པོ་ཞིག་རྙེད་པར་ངེས།
ཀུན་དགའ་ལགས་ཀྱིས་ཞེ་དྲགས་སྙན་པོ་བསྒྱུར་འདུག་པས་ཐུགས་རྗེ་ཆེ་ཞུ་བ་དང་ཆབས་ཅིག་ངོས་ཀྱི་བསམ་པར་བུ་མོ་ཐྰ་ཉ་ནི་ཡོད་ཚད་བློས་བཏང་གིས་རང་སེམས་སོང་མི་དེ། །གཏན་གྱི་མདུན་མར་བྱུང་ན། རྒྱ་མཚོའི་ནང་ནས་ནོར་བུ། །ལེན་པ་དེ་དང་འདྲ་བྱུང་། ཞེས་གསུངས་པ་ལྟར་དང་། ཡིག་འབྲེལ་བ་ལགས་ནི་དེ་ལས་ལྡོག་ཏེ་བཟའ་མི་བུ་ཕྲུག་ཡོད་མཁན་ཁ་ཞེ་མི་མཚུངས་མཁན་ལས་མེད་ཉི་མ་གང་འཁྱོལ་བྱེད་མཁན་ཅིག་ཡིན་ན་ཐང་་