(ཨོ་བྷ་མ་དང་ཧུ་ཅིན་ཐའོ་ལྷན་འཛོམས་བྱས་པར་དམིགས་ནས་བསྐྱར་དུ་ཨ་རི་དང་རྒྱ་ནག་གི་འབྲེལ་བ་གླེང་བ།)
བུ་རྫོང་ལྷ་མོ་ཚང་ཚེ་རིང་དབང་ཕྱུག
ཧོང་ཀོང་གི་ (PHOENIX TV) བརྙན་འཕྲིན་ཐོག་ཟླ་བ་འདིའི་ཚེས་ ༢༤ ཉིན་དགོང་མོ་གནས་ཚུལ་སྤེལ་སྐབས་༼རྒྱ་ནག་གི་གཟུགས་བརྙན་༽སྐོར་འགྲོ་གྲོན་ཆེན་པོ་བཏང་སྟེ་ཨ་རིར་དྲིལ་བསྒྲགས་བྱས་པ་ཕམ་ཉེས་བྱུང་བ་མ་ཟད། ཧུ་ཅིན་ཐའོ་ཨ་རིར་རྒྱལ་དོན་འཚམས་འདྲི་བྱས་པ་དེ་རྒྱ་ནག་གི་ཞིང་པ་ཕྱུག་པོ་ཞིག་གྲོང་ཁྱེར་ནང་གཏམ་འདོད་ཀྱི་བོང་བུ་འདོན་འཇུག་པ་དང་གཉིས་སུ་མེད་ཅེས་ཟུར་ཟ་བྱས་ཡོད་པ་རེད།
ཕྱི་ལོ་ ༢༠༡༡ ཟླ་ ༡ ཚེས་ ༢༤ ཉིན་རྒྱ་ནག་གི་སྲིད་འཛིན་ཧུ་ཅིན་ཐའོ་དང་ཨ་རིའི་སྲིད་འཛིན་ཨོ་བྷ་མ་གཉིས་མཇལ་འཛོམས་བྱས་པའི་སྐབས་དེར་ཧོང་ཀོང་གི་གོང་གསལ་བརྙན་འཕྲིན་བརྒྱུད་ལམ་གྱི་གཙོ་སྐྱོང་པས་དཔལ་འབྱོར་རིག་པ་བ་(མཁས་པ་)ཝུན་ཡོན་ཁའི་ལ་ཧུ་ཅིན་ཐའོ་ཨ་རིར་འཚམས་འདྲི་བྱས་པ་དེ་དང་རྒྱ་ནག་གཞུང་གིས་སྤེལ་བའི་རྒྱ་ནག་གི་༼གཟུགས་བརྙན་དྲིལ་བསྒྲགས་༽ཨ་རིར་ནུས་པ་ཇི་ཙམ་ཐོན་སྐོར་དྲི་བ་སྐུལ་བར་ལན་འདེབས་བྱེད་སྐབས། མཁས་པ་དེས་འཛེམས་བག་མེད་པར།“ཨ་རིའི་མིས་ད་ལྟའི་རྒྱ་ནག་དེ་གོ་སྐབས་ཟིན་ནས་ཕྱུག་པོ་ཆགས་པའི་ཞིང་པ་ཞིག་ལ་ངོས་འཛིན་བྱས་པ་ལྟར། ཧུ་ཅིན་ཐའོ་ཨ་རིར་འཚམས་འདྲིར་བྱས་པ་དེ་ཞིང་པ་ཕྱུག་པོ་ཞིག་གྲོང་ཁྱེར་ནང་སླེབས་ཏེ་གཏམ་འདོད་ཀྱི་ཕོངས་ཏེ་གྲོང་ཁྱེར་ནང་གི་ཚོང་པས་ཁོ་པའི་དངུལ་རྣམས་བཅོམ་ནས་བོང་བུ་འདོན་འཇུག་པ་ནང་བཞིན། ཨ་རིས་རྒྱ་ནག་དེ་ལུག་རྒྱག་པ་ཞིག་ལ་བརྩིས་ཏེ་སྐད་ཆ་ཚིག་སྙན་པོ་འགའ་ཤས་ཀྱིས་ལུག་གི་གཟུགས་པོའི་སྟེང་ཡོད་པའི་བལ་རྣམས་རིན་མེད་ཐོག་གཅོད་བྲེག་བྱས་པ་རེད། ”ཅེས་བཤད་འདུག ཤོད་ཚུལ་དེར་ཁུངས་དང་རྒྱུ་མཚན་གང་འདུག་ཅེ་ན། དང་པོ། ད་རེས་ཧུ་ཅིན་ཐའོ་ཨ་རིར་འཚམས་འདྲི་བྱེད་སྐབས་རྒྱ་ནག་གཞུང་ངོས་ནས་ཨ་རིའི་གནམ་གྲུ་ཉོ་ཆེད་ཨ་རིའི་ཌོ་ལར་དུང་ཕྱུར་ ༥༠ བླུགས་པའི་ཤོག་ཆག་དམར་པོ་ཞིག་ཨོ་བྷ་མ་ལ་རྔན་པ་སྤྲད་པ་ཙམ་མ་ཟད། ད་དུང་དགའ་ཚོར་ཆེན་པོའི་ངང་ཨ་རིའི་ནོར་སྲིད་(དཔའ་འབྱོར་)ཉེན་ཁ་ལས་གྲོལ་ཆེད་རྒྱ་ནག་གི་ཕྱི་གསོགས་མ་དངུལ་ཁོངས་ནས་ཨ་སྒོར་དུང་ཕྱུར་ ༥༠༠༠ ཨ་རིར་སྔ་གཡར་བྱས་ཡོད་པ་རེད། གཉིས་པ། ཨ་རིར་ཁེ་བཟང་ཆེན་པོ་འདི་ཙམ་རགས་ཡོད་ཀྱང་དེས་གཏམ་འདོད་ཚ་བའི་རྒྱ་ནག་ལ་ག་རེ་སྤྲད་ཡོད་རེད་ཟེར་ན། ཧུ་ཅིན་ཐའོ་ད་རེས་ཨ་རིར་འཚམས་འདྲིར་སླེབས་སྐབས་ཚད་མཐོའི་སྣེ་ལེན་ཞུས་པར་རྒྱ་ནག་གི་དཔོན་རིགས་ཆེ་ཆུང་ཚང་མ་དགའ་ཐག་ཆོད་དེ་གཏམ་འདོད་ཀྱི་བོང་བུ་འདོན་འཇུག་ནས་རང་ཉིད་ཀྱི་ཁེ་ཕན་ལ་གྱོང་གུན་བཟོས་པ་ཡང་ཡུད་ཙམ་རིང་ཤེས་ཚོར་བྱུང་མེད།
ཨ་རིར་ད་རེས་རྒྱ་ནག་ཕྱོགས་ནས་ཨ་རིའི་ཌོ་ལར་དུང་ཕྱུར་ ༤༥༠ ཚོང་འབྲེལ་གྱི་གན་རྒྱ་བཞག་ཡོད་པ་དེས་ཨ་རིའི་མི་ཉིས་འབུམ་སུམ་ཁྲི་ལྔ་སྟོང་ལྷག་(༢,༣༥,༠༠,༠༠)ཙམ་ལ་ལས་ཀ་འཐོབ་རྒྱུ་ཡིན་སྐོར་གསར་འགྱུར་བརྒྱུད་ལམ་ནང་བིར་གྲགས་བྱས་པ་ལྟར་ཁེ་བཟང་ཆེན་པོ་རགས་ཡོད་པ་དེས། རྒྱ་ནག་ཕྱོགས་ལ་ཕྱི་ཚུལ་ཙམ་གྱི་ཚད་གཞི་མཐོ་བའི་གུས་བསུ་ཐོབ་པ་དེ་ནི། དེང་རབས་ཀྱི་གཡོ་རྒྱུ་ཚ་བའི་ཨ་ཆེ་ཝ་མོས་གླེན་རྟགས་ཚ་བའི་ཁྭ་ཏའི་ཁའི་ནང་གི་ཤ་ཁོག་ས་ལ་ལྷུང་འཇུག་ཆེད། ཁྭ་ཏར་གཞས་གཏང་ན་སྙན་པོ་འདུག་ཟེར་གཞས་བཏང་འཇུག་ནས་ཁྭ་ཏའི་ཤ་ཨ་ཆེ་ཝ་མོར་རགས་པའི་དཔེ་གསར་པ་ཞིག་ཆགས་སྟེ་ཧུ་ཅིན་ཐའོ་ལྐུག་རྟགས་ཅན་གྱི་ཁྭ་ཏ་ཞིག་ལ་གྱུར་བར་མི་རྣམས་ཀྱིས་འཕྱ་སྨྲོས་བྱས་ཡོད། དེར་བརྟེན་སྨྱུག་འཛིན་པ་ཁ་ོབོས་ཧུ་ཅིན་ཐའོ་ཨ་རིར་འཚམས་འདྲི་མ་བྱས་གོང་དུ་༼རིང་མིན་ཨོ་བྷ་མ་དང་ཧུ་ཅིན་ཐའོ་ལྷན་འཛོམས་བྱ་རྒྱུར་དམིགས་ནས་ཨ་རི་དང་རྒྱ་ནག་གི་འབྲེལ་བ་གླེང་བ།༽ ཞེས་པའི་རྩོམ་ཡིག་སྤེལ་ཡོད་པའི་ནང་“ད་རེས་ཨ་རིས་འཇམ་རྩུབ་གཉིས་སམ་ཞི་དྲག་གཉིས་ཐོག་ནས་རྒྱ་ནག་གིས་ངེས་པར་དུ་བློས་གཏོང་ཆེན་པོ་ཞིག་མ་བྱེད་ཀ་མེད་ཅིག་བྱ་རྒྱུར་ཨ་རིས་གྲ་སྒྲིག་ཆ་ཚང་བྱས་ཟིན་ཡོད།”ཅེས་སྔོན་དཔག་བྱས་པ་དེ་དོན་ལ་ཡང་གནས་པ་ར་སྤྲོད་གསལ་པོ་བྱུང་ཡོད།
དེ་གའི་དགོང་མོའི་༼དུས་བབ་གླེང་མོལ་༽ཞེས་པའི་ལེ་ཚན་ནང་། དུས་བབ་ལ་དཔྱད་ཞིབ་པ་ཚོས་རྒྱ་ནག་གཞུང་གིས་ཨ་རིའི་ཚན་པ་འགའ་རེས་ངན་སེམས་ཁོག་བཅངས་ཀྱིས་“ད་ལྟའི་ཉོ་ཚོང་གི་ཚད་གཞིའི་སྟེང་ནས་རྩིས་བརྒྱབ་ན། རྒྱ་ནག་གི་ལོ་རེའི་སྤྱི་ཐོན་བབ་(གཁང)ཨ་རི་ལས་བརྒལ་ཡོད་སྐོར་བཤད་ཡོད་པ་དེར་དགའ་ཐག་ཆོད་པ་དེར་དངངས་ཚབ་སྐྱེས་ཀྱི་འདུག གང་ཡིན་ཞེ་ན། ད་ལྟའི་རྒྱ་ནག་དང་ཨ་རིའི་དབར་དོན་དམ་གྱི་སྟོབས་ཤུགས་ཀྱི་ཁྱད་པར་དེ་ལོ་ལྔ་དང་བཅུའི་ནང་མེད་པ་བཟོ་རྒྱུ་གླེང་ཐབས་བྲལ་བ་རེད། ཨ་རིའི་ལོ་གཅིག་གི་ཡོང་འབབ་དེ་རྒྱ་ནག་གི་ལོ་རེའི་ཡོང་འབབ་ལས་ལྡབ་བཅུ་ལྷག་གིས་མང་བ་ཡོད་པ་མ་ཟད། རྒྱ་ནག་གི་ད་ལྟའི་ཟོག་གོང་ནི་ཨ་རི་ལས་ཆེ་བ་ཡོད་སྟབས། རྒྱ་ནག་གི་མིའི་ཉིན་རེའི་འཚོ་བའི་གནས་ཚད་དེ་ཨ་རི་མིའི་བཅུ་ཆ་གཅིག་ལས་དམའ་བ་ཡོད། འོན་ཀྱང་རྒྱ་ནག་གི་དཔོན་རིགས་ཚོས་ད་དུང་༼བདེ་སྐྱིད་ལྡན་པའི་རྒྱ་ནག་༽ཅེས་དྲིལ་བསྒྲགས་ཤུགས་ཆེ་བྱེད་ཀྱི་ཡོད་རེད་”ཟེར་བཤད་འདུག
ཆེས་མཆོག་ཏུ་བཀུར་འོས་བུ་རྫོང་ལྷ་མོ་ཚེ་རིང་མཆོག་ལུ་ཞུ་དོན།
ཁྱེད་ཀྱིས་སྐུ་ངལ་ལ་མ་འཛེམས་པར་ཐུགས་ཁུར་ཆེར་བཞེས་ཐོག་འདི་འདྲ་སྤེལ་ཐུབ་ཚེ་བོད་ཀྱིས་གཞོན་སྐྱེས་ཚོར་ཨ་རི་དང་རྒྱ་ནག་གི་བར་གྱི་འབྲེལ་ལམ་ཇི་བཞིན་འགྲོ་གི་ཡོད་མེད་ཤེས་པའི་ཐོག་ཕན་ཐོག་ཆེར་བ་བརྟེན་མུ་མཐུད་ཐུགས་ཁུར་ཆེར་བཞེས་གནང་རོགས།
དེ་བཞིན་དུ་སྐུ་ཉིད་ཝི་ཨོ་ཨེ་བརྙན་འཕྲིན་གྱི་དཔྱད་ཞིབ་གླེང་སྟེགས་སྟེང་ཕེབས་སྐབས་བོད་ལྭ་གཅིག་བནབས་ཐུབ་ན་ཤིན་ཏུ་ལེགས།
ཁ་ཏྭས་ཝ་མོའི་མགོ་རུ་བབ་འདོད་ཀྱང་། །
ཧ་མོས་ཁ་ཏྭ་རྔ་མའི་མཇུག་ཏུ་བཞག །
ཁ་ཏྭས་མི་སྐྱག་གཞན་ལ་བྱུག་པ་ལྟར། །
ཧུ་འུ་གཅིན་གྱིས་གཅིན་པ་གཞན་ལ་གཏོར། །
PHOENIX TV ཟེར་བ་དེ་རྒྱ་བྱ་བརྙན་འཕྲིན་ཁང་ཡིན་པ་འདྲ། རྒྱ་ནག་ལ་ཟུར་ཟ་རེ་བྱས་ཡོད་མོད། ཨོ་བྷ་མས་ཧུའུ་གཅིན་འཐུང་ལ་ཟ་མ་སྟེར་སྐབས་སྒྱུ་རྩལ་བ་ལང་ལང་ཟེར་བ་དེས་ཨ་རི་ལ་དམའ་འབེབས་ཀྱི་རོལ་དབྱངས་དཀྲོལ་བ་དེ་ཁྱད་མཚར་བ་ཞིག་རེད། ༼དེ་ནི་བྱིས་བློ་ལྟ་བུའི་སྲིད་འཛིན་ཞིག་གིས་མི་རྒན་ཉམས་མྱོང་ཅན་གྱི་སྒེར་སྡེམ་པ་ཞིག་ལ་སྣེ་ལེན་བྱས་པ་རེད་མོད། ༽ཝེ་ཅིན་ཧྲིན་གྱིས།
ཧ་མོ་འ་མོར་བཅོས།
མཆན་༢པའི་ཧ་མོས་དེ་ཝ་མོས་ལ་བཅོས།
ཚེ་རིང་དབང་ཕྱུག་གིས་གསུངས་པ་བཞིན་ཡིན་ན་རྒྱ་ནག་ལ་ཁེ་སང་སྣེ་གཅིག་བྱུང་མེད་པ་རེད་དམ། དེ་ལྟར་ཡིན་ན། ཁ་སང་ཧུའུ་གཅིན་འཐུང་གི་སྐད་ཆ་རྫིག་པོ་དེ་ཚོ་ལ་རིན་ཐང་མེད་སོང་བ་རེད། ཕྱོགས་གཉིས་སུ་མ་ལྷུང་བར་བལྟས་ན་རྒྱ་ནག་ལའང་ཁེ་སང་མང་པོ་བྱུང་ཡོད་ཀྱི་རེད།
ཨ་རྒྱའི་འབྲེལ་བའི་གླེང་གཏམ་ཅོལ་ཆུང་དང།
ཨ་རྒྱའི་སྲིད་འཛིན་ཐུག་འཕྲད་བྱས་པ་གཉིས།
གཅིག་འགོག་གཅིག་མནོན་བྱེད་པའི་གཡོ་བྱུས་ལས།
གཅིག་ཕན་གཅིག་ལ་དགོས་པའི་གནད་དོན་མིན།
ཁ་ཤ་ཉ་མོའི་ལག་ཏུ་ཤོར། །ཉ་ཤ་ཆུ་མོའི་གཏིང་ལ་ཤོར། །ཕར་གཅེ་ཚུར་གཅེ་སུ་ལ་གཅེ།
གཏན་ཁྱོ་བཞག་ནས་དུས་ཁྱོ་བཙལ། གོས་དང་རྒྱན་ཆ་ཇག་པས་བཅོམ། ཕར་གཅེ་ཚུར་གཅེ་ཁྱོད་ལ་བལྟ།
གཞན་འབྱོར་བཅོམ་ལ་དཔའ་བའི་མཆེ་མདེར་ཅན། ། བདུད་སྡེའི་དཔུང་ཚོགས་རྒྱ་དམར་ཇག་གཙོ་དེར། །སྟོབས་ཆེན་ཨ་རིའི་སྲ྄ིང་སྐྱོང་ཀླད་མེད་དེས། །མཆེད་བསྟོད་གདན་དམར་གཏིང་བ་འོས་མ་ཡིན།