ཨ་མ་ལགས ངས་ཁྱེད་རང་དྲན་གི

Comments (11) on “ཨ་མ་ལགས ངས་ཁྱེད་རང་དྲན་གི”

1. ད་སྐབས་ཚང་མས་ཨ མ་དྲན་པའི་དུས་ཚོད་རེད་

2. http://www.youtube.com/watch?feature=related&v=-MlAdXlXyck&gl=IT

3. ང་ཡང་ཨ་མ་དྲན་བགྱིད་འདུག །
   ཨ་མ་དྲན་བགྱིན་དྲན་བགྱིན་སྒང་། །
   མིག་ནས་མིག་ཆུ་འཁོར་བགྱིན་འདུག །
   ཕྲེང་བགྱིན་སྨོན་ལམ་འདེབས་བགྱིན་ཡོད། །

   ཨ་མའི་དྲིན་ལན་འཁོར་བར་ཤོག །

4. ཁྱིམ་ཚང་ཞིག་ལ་དཔེ་བླངས་ན་ནང་གི་ནོར་བུ་ཟེར་ནའི་འདྲ། ཕྱི་ཡི་ལྕགས་རི་ཟེར་ནའི་འདྲ།་ཨ་མ་ནི་མེད་དུ་མི་རུང་བ་ཞིག་ཡིན། དེ་ན་སྐྱེ་ཕོ་མོ་རྒན་གཞོན་སུ་འདྲ་ཡིན་རུང་ཨ་མ་ལོས་དྲན།་ ཚང་མར་དྲན་བསྐུལ་བཏང་གནང་བར་ཐུགས་རྗེ་ཆེ།

5. དྲན་བྱུང་་དྲན་བྱུང་ཨ་མའི་ཞལ་རས་དེ་དྲན་བྱུང་།།
   འཛུམ་མདངས་མེ་ཏོག་བཞད་པའི་ཞལ་རས་དེ་དྲན་བྱུང་།།
   བརྩེ་སེམས་འཇའ་རིས་འཁྱིལ་བའི་ཞལ་རས་དེ་དྲན་བྱུང་།།
   ཡུན་རིང་མིག་ལ་གོམས་པའི་ཞལ་རས་དེ་དྲན་བྱུང་།།

   ལུས་ལ་ན་ཚ་མེད་པར་ཨ་མ་ཁྱེད་བདེའམ།།
   སེམས་ལ་སྐྱོ་ངལ་མེད་པར་ཨ་མ་ཁྱེད་བདེའམ།།
   འཚོ་བར་དཀའ་སྡུག་མེད་པར་ཨ་མ་ཁྱེད་བདེའམ།།
   སྔར་བཞིན་ཕྱག་སྐོར་བྱེད་བཞིན་ཨ་མ་ཁྱེད་བདེའམ།།

   བཙན་པོས་གཉའ་གནོན་མེད་པས་བུ་ཆུང་ང་བདེ་ཡོད།།
   འགྲམ་ན་ཕྲག་དོག་མེད་པས་བུ་ཆུང་ང་སྐྱིད་འདུག།
   རང་དབང་ཐོབ་ཐང་ཆེ་བའི་རྒྱལ་ཁམས་ཀྱི་ཕྱོགས་ནས།།
   ཡུམ་ཆེན་ཁྱེད་ཉིད་དྲན་པའི་སྙན་ཚིག་འདི་ཕུལ་ཡོད།།

6. ལེགས་བཅོས།
   དྲན་བྱུང་་དྲན་བྱུང་ཨ་མའི་ཞལ་རས་དེ་དྲན་བྱུང་།།
   འཛུམ་མདངས་མེ་ཏོག་བཞད་པའི་ཞལ་རས་དེ་དྲན་བྱུང་།།
   བརྩེ་སེམས་འཇའ་རིས་འཁྱིལ་བའི་ཞལ་རས་དེ་དྲན་བྱུང་།།
   ཡུན་རིང་མིག་ལ་གོམས་པའི་ཞལ་རས་དེ་དྲན་བྱུང་།།

   ལུས་ལ་ན་ཚ་མེད་པར་ཨ་མ་ཁྱེད་བདེའམ།།
   སེམས་ལ་སྐྱོ་ངལ་མེད་པར་ཨ་མ་ཁྱེད་བདེའམ།།
   འཚོ་བར་དཀའ་སྡུག་མེད་པར་ཨ་མ་ཁྱེད་བདེའམ།།
   སྔར་བཞིན་ཕྱག་སྐོར་བྱེད་བཞིན་ཨ་མ་ཁྱེད་བདེའམ།།

   བཙན་པོས་ཐོག་ལྕགས་མེད་པའི་རྒྱལ་ཁབ་འདི་བདེ་གི།
   ཕྲག་དོག་ཚེར་མ་ཉུང་བའི་ས་ཆ་འདི་སྐྱིད་སྐྱིད་ཀི།
   རང་དབང་ཐོབ་ཐང་ཆེ་བའི་རྒྱལ་ཁམས་ཀྱི་ཕྱོགས་ནས།།
   ཡུམ་ཆེན་དྲན་པའི་སྙན་ཚིག་མེ་ཏོག་འདི་བཞེས་རོགས།།

7. འདང་ཅན་མ་ལོ་དྲན་དུས་འཁྱག་སྣང་སྐྱེས།།
   དུང་མདོག་སྐྲ་ལོ་མཐོང་དུས་འདར་སྣང་སྐྱེས།།
   སྒུར་བའི་སྐྱེས་གཟུགས་རིག་དུས་འགྱོད་སྣང་སྐྱེས།།
   བས་མཐར་གཅེར་བུར་ལྷུང་དུས་སྡུག་སྣང་གིས།།
   བྱམས་པའི་ཡུམ་ཆེན་ལྷག་ཏུ་སེམས་ནས་དྲན།།

8. ཤར་ཕྱོགས་ཁུག་རྟ་ཡིས་རྩོམ་ཡིག་མང་པོ་སྤེལ་རོགས།
   མུ་མཐུད་ནས་མུ་མཐུད་དུ་་་་་་་་་་་་་་་་་་་་་་་་་་་་་་་་་་་་་་་་་་་་་

9. ལོ་ཡི་ཕྲེང་བ་བསྟར་ལ་འགྲིགས་པས་ཡུམ་ཁྱེད་སྐུ་གཟུགས་གུད་དུ་ཕྱིན།
   རྒྱ་དམར་ཇག་པའི་གདུག་རྩུབ་དེ་ཡིས་ཁོ་བོ་ས་མཐའི་ཡུལ་ལ་བསྐྱལ།
   མི་ལོ་ཉི་ཤུའི་བགྲོད་ལམ་རིང་པོར་ཁྱོད་ཞལ་མཇལ་བའི་སྐལ་བ་བྲལ།
   དབུ་སྐྲ་དཀར་བའི་སྐུ་པར་མཇལ་དུས་ང་ཡི་སྙིང་ལ་ན་ཟུག་ལངས།
   མི་ཡི་མེ་ཚེར་སྐྱིད་སྡུག་དར་གུད་དལ་འགྲོ་རྒྱུན་བཞིན་འགྲོ་མུས་ཀྱང་།
   ཨ་མ་བྲལ་བའི་སྡུག་མངལ་དེ་ནི་བཅོས་ཐབས་བྲལ་བའི་སེམས་ནད་ཅིག

10. ལྷན་རྒྱས་ཕེབས་པ་ཐུགས་རྗེ་ཆེ། སྤྱིར་བཏང་བྱས་ན། ང་མི་འདི་སྙན་དངགས་ལས་ལ་བསྐོས་ཡོད་ནི་མ་རེད། སྙན་དངགས་ཟེར་དགོ་རེད་པས། གང་ལྟར་འདི་འདྲ་ཞིག་འབྲི་དུས་འདི་ག་རེ་ཡིན་ན་བསམ་ནས་འདང་རྒྱག་གིས་ཁྱེར་འགྲོ་གི སྐབས་དེ་ཤེད་དུ་གླུའུ་རྒོད་ཡང་ཤོར་འགྲོ་གི

    ཡིན་ནའང། ཁ་སང་གནམ་གང་གི་དགུང་མོ་ཨ་མའི་ང་རང་དྲན་སྟངས་དམིགས་བསལ་ཞིག་ཡིན་པ་དེས། ལྡོམ་པོའི་རྡོ་སེམས་ལ་ནེམ་ཐིག་ཞིག་རྒྱས་ནས་སེམས་ལ་ཤར་བ་འདི་འབྲི་ཁུལ་བྱས་པ་ཡིན།

    ངེད་ཚང་གི་ལྕམ་སྐུ་འཁྲིས་སུ་ཡོད་དུས་སྐད་ཆ་བཤད་རྒྱུའི་གོ་སྐབས་མ་བྱུང། ལྕམ་སྐུ་ལགས་ལ་བཀྲ་ཤིས་བདེ་ལེགས་ཞུ་རྒྱུ་ཡིན།

11. སྟག་སྨྱོན་ཁྱེད་ཚོའི་བཅད་མ་དེ་བཀླགས་པས། ངས་སྔོན་མ་མགུར་འཐེན་པ་དག་དྲན་གི དེ་༧ཡབ་རྗེའི་མགུར་མ་དང་ཞབས་དཀར་ཚང་གི་ཨ་མ་དྲན་མགུར་དག་ཡིན། བཞི་པའི་སྨྱུང་གནས་སྐབས་དྲན་མགུར་དེ་འཐེན་དང་ན་རྒན་གཞོན་མེད་པར་མ་ཎི་འདོན་མ་ཐུབ་པར་ཚང་མ་ངུས་ནས་འདུག་གི་རེད། དེའི་ནང་གི་ཚིག་བཅད་ཅིག་ད་དུང་དྲན་ལམ་ན་ཡོད་ཀི།

    ཡུལ་ཁང་ཆུང་སྒོ་ཡི་ཕྱི་ནང་ན།། མ་བཟང་མོའི་ལུས་དབྱིབས་རྣམ་འགྱུར་དང།། ངག་བཤད་ཚུལ་ཡིད་ལ་ཝ་ལེར་ཤར།། དེ་བསམ་ཞིང་བསམ་ཞིང་ཨ་མ་དྲན།།

    དེ་ནས་ཁ་སང་ལྕམ་སྐུས་བཀོད་པ་དེའི་ནང་དུ༧གོང་ས་མཆོག་གིས།

    བརྩེ་བའི་འཛུམ་དང་མཛའ་བའི་འབེལ་གཏམ་གྱིས།། འགྲོགས་པའི་ཚུལ་ནི་མདང་གསུམ་རྨི་ལམ་བཞིན།། ད་ལྟ་དྲན་པའི་ཡུལ་ལས་མངོན་སུམ་དུ།། མཐོང་ཐོས་བྲལ་འདི་སྙིང་ལ་ནད་དུ་ཆེ།།
    གསུངས་འདུག འདི་དག་ཅིག་མཇལ་ཡོང་དུས། དངོས་གནས།

    བས་མཐར་འཁྱམ་ཡང་ཐོས་པའི་དོན་མ་ལོན།།
    ཨ་མས་བཙས་ཡང་བུ་ཡི་གོ་མ་ཆོད།།
    རིགས་ལ་ཞེན་ཡང་དོན་ལ་རྗེས་མ་ཞོག།

    ཟེར་ནོ་རེད་བསམ་གི་འདུག།།