སྙིང་གི་ཚིལ་ལུ། ཆུང་འདྲིས་བྱམས་པར་ཕུལ་བའི་མཐའ་མའི་བརྩེ་འཕྲིན་ཞིག

Comments (39) on “སྙིང་གི་ཚིལ་ལུ། ཆུང་འདྲིས་བྱམས་པར་ཕུལ་བའི་མཐའ་མའི་བརྩེ་འཕྲིན་ཞིག”

1. གོ་ཚོད་ལྟར་ན་མཛངས་མ་ཚེ་རིང་སྐྱིད་ཀྱི་བརྩེ་འཕྲིན་འདི་ལ་ཨང་རིམ་གསུམ་པ་ཐོབ་འདུག་ཅེས་གོ་ཐོས་བྱུང་། དེ་ཡིན་ན་ངས་བཀྲ་ཤིས་པའི་ཁ་གཡང་འབོད། གཞན་ཚེ་རིང་སྐྱིད་ཀྱིས་བྲིས་པ་འདི་དངོས་སྒྲུང་ལྟ་བུ་རེད་འདུག་པས་ཀློག་ན་ལོས་ཡིན་བསམ་སྐྱིད་ཅིག་རེད།

2. xxxxxxxxxxxxxxxxx
   ཚེ་རིང་སྐྱིད་ཀྱི་བརྩེ་འཕྲིན་ནི་དམིགས་བསལ་ལས་རིམ་ཞིག་ཡིན་པ་ལས། འགྲན་སྡུར་བརྩེ་འཕྲིན་ནང་དུ་མཉམ་ཞུགས་གཏན་ནས་བྱེད་མེད། ཨང་གསུམ་པ་དང་དང་པོའི་གནས་ཚུལ་ཞིག་མ་རེད་ཡ། རྒྱུད་རིམ་དང་ལས་རིམ་ཧ་གོ་ན་ཁ་གསལ་གོ་བདེ་རེད་དེ། ཁྱེད་ཚོ་ལ་ཇི་ལྟར་བཤད་ཀྱང་གནས་ལུགས་དང་དངོས་ཡོད་འགྲོ་ས་ཞིག་ངོ་མ་མི་འདུག
   བླ་རྒན་ཁྱེད་ཀྱིས་ཀྱང་མིག་གིས་ལས་རིམ་དེར་མིག་གིས་ལྟོས་པ་མ་ཡིན་ནམ། མིག་གིས་ལྟོས་ཚར་ནས་ད་དུང་ཨང་གསུམ་པ་སུ་ཡིན་དང་ཚེ་རིང་སྐྱིད་ཀྱི་འཕྲིན་ཡིག་འདི་མཛའ་འཕྲིན་འགྲན་སྡུར་མཉམ་ཞུགས་བྱེད་མེད་པ་ཡང་མ་ཤེས་སམ།
   བླ་རྒན་གྱིས་མིག་གཉིས་ཆ་ཕྱེ་ནས་ལྟོས་ཀྱང་ད་དུང་ལས་རིམ་མ་གོ་ན་ད་དེ་ལ་བྱ་ར་ལབ་དགོས་སམ་ཡང་ན་ཇི་ལྟར་འབོད།

3. བརྩེ་དུང་ཉིན་མོར་མཚམས་འདྲི་ཞུ།
   མཛངས་མ་ཚེ་རིང་སྐྱིད་ལགས་ཀྱིས་ཧ་ཅང་སྙན་མོ་ཞིག་བྲིས་འདུག་ལ། དམིགས་གསལ་ཁོང་གིས་voaནང་གིས་ལེ་ཚན་(དྲྭ་ནང་གིས་བོད་)ཅེས་པ་འདིས་ངས་སེམས་ཡོངས་སུ་སྒུག་སོང། ངོ་མ་ངས་རང་གིས་སྙིང་སྡུག་འདོར་ཏེ་བརྩེ་དུང་ཉིན་མོར་མཛངས་མ་ཁོང་ལ་འོ་མཇམ་པོ་ཞིག་བྱེད་ན་འདོད།
   ཧ་ཧ་ཧ་་་་་་་་རྣམ་པ་ལྷན་རྒྱས། དགའ་གྲོགས་ཡོད་ན་བརྩེ་དུང་ཉིན་མོར་མཚམས་འདྲི་དང། དགའ་གྲོགས་མེད་ན་རང་དབང་གིས་ཉིན་མོར་བདེ་བར་སྨོན།

4. འདོད་པའི་ལང་ཚོ་དར་བའི་གཞོན་ནུ་ཟུང་། །
   ཆགས་པའི་མེ་ལྕེ་ཀུན་ནས་འབར་བར་གྱུར། །
   འདོད་པའི་ཚིག་གི་སྦྱོར་བའི་ཕྲེང་བ་འདིས། །
   ཆགས་ལྡན་སྐྱེ་བོའི་ཡིད་ལ་གདུང་བ་སྐྱེད། །

5. འོ་ད་རེ་མ་མཆན་ཞིག་མ་བརྒྱབ་ན་ཡང་ཀླུ་སྨྱོན་ཅིག་ན་རླུང་གིས་བདས་པ་ལྟར། གཟན་གྱི་སྣེ་མོ་ཡང་རླུང་གིས་རྒྱབ་ལོག་ན་བསྐྱོད་བཞིན། གོམས་པ་འཁྱར་འཁྱོར་ངང་ནས་ཡོང་གི་ཡོད་མེད་ལ་ཐེ་ཚོམ་མེད། ཚེ་རིང་སྐྱིད་ཀྱི་སྙན་ངག་གི་བདུད་རྩི་དེའི་བཟི་ཁ་ཅུང་ཟད་བདག་གི་སྣ་ལམ་དུ་སོང་བས། ངའི་གོམས་ཁ་ཡང་འཁྱར་འཁྱོར་ངང་དུ་འགྱེལ་ནས་མགོ་བོ་ས་ལ་བརྡབ། ད་ཡིན་ན་འཕྲོ་རིམ་འཕྲོར་དྲ་ལམ་གྱི་ཕོ་ལྟེ་ཐོག་ཚང་མ་བཟི་ཁ་འདིས་ས་ལ་བརྡབ་གྱི་ཡིན་པར་དཔོག་ནུས། གོང་དུ་མི་གཉིས་སྙན་ངག་གི་བཟི་ནས་ནང་དུ་སླེབས་པ་དང་རྒྱག་རེས་མགོ་ཚུགས་འདུག ངའི་མགོ་བོ་བསྐྱོར་དགོས། ཡང་ན་འབྲོ་དགོས་མོད། གོམས་ཁ་འཐབ་ནས་མདུན་དུ་སྤོ་མི་ཐུབ་པར་གྱུར། ད་ཡིན་ན་བདེ་ས་འཇམ་ས་ཞིག་ནས་ཉལ་བསྡད་ན་ཡག་ས་རེད།

6. དཔེ་ཡག་པོ་འདུག་

7. དགའ་གྲོགས་དུས་ཆེན་ཉིན་མོ་དི་ལ། ལྷན་རྒྱས་ལ་བཀྲིས་བདེ་ལེགས། ཚེ་རིང་སྐྱེད་ལགས་གི་བརྩེ་འཕྲིན་དེ་དངོས་སྒྲུང་དང་འདྲ་མཚུངས་འདུག། སེམས་འགུལ་ཐེབས་པ་ཞིག་འདུག། ཧ་ཅང་ཡག་པོ་འདུག་ཚེ་རིང་སྐྱེད་ལགས་ལ་དགའ་བསུ་ཞུ།།

8. བརྩེ་དུང་གི་མདུན་དུ་རྒྱལ་ཕམ་ཞེས་པའི་སྐད་ཆ་མེད།
   གལ་ཏེ་ཡོད་ན་ནི་མཛེས་སྡུག་ལྡན་པའི་ཕྱིར་དྲན་གྱི་དུས་ཚོད་ནི་བརྩེ་དུང་གི་རྒྱལ་ཁ་རེད་ལ། བརྩེ་དུང་གི་མདུན་དུ་མིག་ཆུ་དང་ཐོབ་ཤོར་ཡོད་ཚད་ཀྱང་མཛེས་སྡུག་གི་ནོར་འཁྲུལ་ཡིན། དེ་བས་བརྩེ་དུང་གི་མདུན་དུ་དུས་ནམ་ཡང་ཕམ་ཁ་མེད།

9. དྲ་གྲོགས་ལགས་གཞོན་ནུའི་ལང་ཚོ་དར་བའི་དུས་ཟེར་བའི་མིང་ཚིག་དཀྱུས་མ་དེ་ནི། མི་ཚེའི་བདེ་སྐྱིད་ངོ་མཚར་ལྡན་པ་ཞིག་ཡིན་ལ། དཀའ་སྡུག་དྲག་པོ་མྱང་དགོས་པའི་དུས་ཤིག་ཀྱང་ཡིན། འབྱུང་འགྱུར་གྱི་ཕུགས་བསམ་དང་བདེ་སྐྱིད་ཡོད་ཚད་ཀྱི་འགོ་ཚུགས་གནས་ཤིག་ཀྱང་། གཞོན་ནུའི་ལང་ཚོ་སྟེ། སྟོབས་ཤུགས་དང་། རེ་འདུན། ཕུགས་བསམ། ཤེས་རིག་སྦྱོང་འདོད།།

10. ཚེ་རིང་སྐྱིད་ལགས།
    བྱམས་བརྩེ་དང་འགྲོགས་པའི་བརྩེ་དུང་ལ་ནམ་ཡང་རྒྱལ་ཕམ་མེད།དེ་ནི་དུས་ཀུན་གཞན་གྱི་དོན་དུ་ཡིན་པས་རེད།ཁྱོད་དང་ང་ལྟ་བུ་ཡོད་པའི་བརྩེ་དུང་དེ་ནི་ཆགས་ཞེན་དང་འདོད་རྔམ་གྱིས་བཟུང་བའི་བརྩེ་དུང་རེད།དེར་རྒྱལ་ཕབ་རང་གཤིས་ཡོད་ཡོད་པ་རེད།སེམས་ཀྱི་མཛེས་སྡུག་དང་ནང་གི་མཛེས་སྡུག།ཡང་ན་མཛེས་སྡུག་རིག་པ་ཟེར་བ་འདི་ཚོ་ཕོ་མོའི་བར་གྱི་ཆགས་ཞེན་དང་འགྲོགས་པའི་བརྩེ་དུང་དང་ཁ་ཐག་རིང་བོ་རེད།ཁྱེད་རང་གིས་བྲིས་པའི་གོང་གི་ལྷུག་རྩོམ་དེ་ནི་འཇིག་རྟེན་པ་ཞིག་གི་བརྩེ་དུང་གི་རྒྱལ་ཕམ་བརྗོད་གཞི་ཡིན་པ་མ་ཡིན་ནམ།

11. ཨ་རིག་དགེ་མཐོང་ལགས།
    ངས་འདི་ནས་ཁྱོད་ལ་བསམ་ཚུལ་ཞིག་བཤད་ན་འདོད་བྱུང་།ངས་གོ་བ་ལྟར་ན་སྐུ་ཉིད་དཔེ་ཆ་ཡག་པོ་ཡོད་པ་རེད་ཟེར་བ་ཞིག་གོ་སོང་།ང་ཧ་ཅང་གི་དགའ་བོ་བྱུང་།ཡིན་ནའང་དྲ་རྒྱ་དར་ནས་བཟུང་ཁྱོད་དྲ་རྒྱར་འཛུལ་བ་མང་དྲགས་ཏེ་སློབ་སྦྱོང་ལ་འཐུས་ཤོར་འགྲོ་བཞིན་ཡོད་པ་རེད་ཟེར་བ་འང་གོ་རྒྱུ་འདུག།དེ་བདེན་པ་ཡིན་པ་འདྲ་སྟེ་ཁྱོས་མཆན་འགོད་པ་དང་ཟིན་བྲིས་སྤེལ་བ་ཅུང་མང་པོ་རེད།འདི་ཚོ་ལ་དེ་ཙམ་རིན་ཐང་ཞིག་ཡོད་ནི་མ་རེད།དེར་ཁྱོད་ཀྱིས་བསམ་བློ་ཞིག་གཏོང་རོགས།ངས་ཁྱོད་ཉིད་ད་ལྟ་ཨ་རིགས་དགེ་བཤེས་ཆེན་མོའི་མར་ཞབས་དང་ཨ་རིགས་གླེན་པ་ཆེན་མོའི་གོང་རོལ་ན་ཨ་རིགས་དགེ་མཐོང་ཡོད་པ་ཤེས་ནས་ཡོད།མ་འོངས་པར་ཨ་རིགས་དགེ་མཐོང་གིས་ལྷ་རམས་དགེ་བཤེས་བཏང་བ་རེད་ཟེར་བའི་གསལ་འགྱུར་ཞིག་ལ་སྒུག་ནས་འདུག་གི་ཡིན།

12. ཨ་རིག་དགེ་མཐོང་གི་ཟིན་བྲིས་བཏབ་པ་ལ་སྐྱོན་ཅི་ཡང་མི་འདུག་བསམ། ངས་བསམ་ཚུལ་ལ་ཁོ་ནི་མཐོང་རྒྱ་ཆེ་བའི་དགེ་འདུན་པ་ཞིག་རེད། མུ་མཐུད་དུ་རྩོམ་ཡིག་སྤེལ་་་་ཨ་དགེ་མཐོང་།

13. ཆུང་འདྲིས་བྱམས་པ་མེད་ན། མི་དེ་སེམས་པ་རྡོ་རེད།

14. ངོ་མ་སྙན་འཇེབས་ལྡན་པ་ཞིག་བྲིས་འདུག
    ཚེ་རིང་སྐྱིད་ལ་ཨང་རིམ་སོན་པར་རྟེན་འབྲེལ་ཞུ།

15. ཚེ་རིང་སྐྱིད་ཀྱི་རྩོམ་ཡིག་ཨང་དང་པོ་ཐོབ་ཆོག་པ་ཞིག་རེད། གཞན་དག་ཀྱང་འདི་ལྟར་བཀོད་ཐུབ་ལེགས་པར་མཐོང་།

16. མི་ཟེར་བ་འདི་ཚོས་རང་ཉིད་མེ་ལོང་གི་ནང་དུ་གསལ་བོར་མི་ལྟ་བར་གཞན་དང་བསྡུར་ནས། ད་དུང་རང་ལ་སྐར་མ་མཐོ་བོ་ཞིག་སྤྲོད་བཞིན་རྒོད་ནྲོ་བ་ཞིག་རེད། ཡང་དྭགས་པའི་བརྩེ་དུང་ལ་རྒྱལ་ཕམ་མེད་ལ། ཡང་དྭགས་པའི་བརྩེ་དུང་ལ་ངེས་པར་དུ་གྲུབ་འབྲས་དགོས་པའི་ངེས་པ་ཡང་མེད།
    གཞན་ཨ་རིག་དགེ་མཐོང་ལགས། ཁྲོན་པའི་སྤལ་བ་ལྟ་བུ་མི་ཚོས་ག་དུས་ཡིན་ཡང་རང་སེམས་ཆུང་ཆུང་གིས་མཐོང་བ་དེ་གནས་ལུགས་ཡིན་པར་འདོད་ཀྱིན་ཡོད་པ་རེད། ཁྱེད་རང་གྲྭ་བ་དགའ་ཞིག་ཡིན་པ་མ་ཟད། དཔེ་ཆ་ཡག་པོ་དང་བོད་མིའི་གཤིས་བཟང་གི་རང་བཞིན་ཡོད་པ་ཞིག་རེད། དྲ་རྒྱའི་ནང་དུ་ཤེས་རིག་གི་བང་མཛོད་ཆེན་པོ་ཡོད།

17. དྲ་གྲོགས་ཚོས་དོན་མེད་དུ། ནང་ཁུལ་ལ་ཀླན་ཀ་འཚོལ་བ་དང་མཐོང་ཆུང་བྱེད་པ་སོགས་ལ་ཁ་བརྡས་དགའ་བསུ་མི་ཞུ། མཆན་དེའི་རིགས་དང་མཆན་རྒྱག་མཁན་གཉིས་ཀ་འགོག་གི་ཡིན།

    ཁ་བརྡ་རྩོམ་སྒྲིག་པས།
    http://www.khabdha.org
    khabdha@gmail.com

18. རྟོག་བཟོས་བརྩེ་འཕྲིན་ཞིག་མིན་ནམ་སྙམ་པ་འདུག དངོས་ཡོད་ཅིག་ཡིན་པའི་དབང་དུ་བཏང་ནའང་ནང་ལ་ལྷན་པ་མང་པོ་བརྒྱབ་ཡོད་པ་འདྲ།

19. མདོ་ཁམས་དབུས་སྟོད་བཞི་ཡི་གངས་ཅན་བོད་ཀྱི་མཛངས་མ་་་་་་ཨ་མདོའི་བུ་མོ་ཚེ་རིང་སྐྱིད་་་་་ཀྱིས་རང་གི་སྙིང་གི་ནོར་བུར་གྱུར་པའི་ཆུང་འདྲིས་བྱམས་པ་དང་ལྷན་དུ་གཞོན་ནུའི་བརྩེ་འབྲེལ་གྱི་མི་ཚེའི་མྱོང་བ་ཧ་ཅང་ཟབ་མོ་ཞིག་བྲིས་པར་སེམས་ཁོངས་ནས་དགའ་བསུ་དང་བཀྲ་ཤིས་བདེ་ལེགས་ཞུ།

20. ད་ནི་ངཽ་རྒོལ་བྱེད་མཁན་ཇེ་མང་རེད། ཨར་ཅི་ལི་ཡས་ཡང་ངཽ་རྒོལ་བྱེད་གྱིན་འདུག འདི་ནས་དེའི་སྐོར་ཀྱི་གནས་ཚུལ་མཐོང དཀའ་བས་དྲྭ་གྲོགས་ཚོས་Algeria་་རྒྱལ་ཁབ་ཀྱི་ད་ལྟའི་གནས་སྟངས་གསལ་བོ་ཤེས་ན་བརྒྱུད་འགོད་ཡོད་པར་ཞུ། །

21. དཀར་གསལ་ཟླ་བའི་མཛེས་ལྡང་བརྐུས་ནས་རང་གི་ལང་ཚོའི་སྟོད་ལ་སྦྱར།
    ལྷོ་ཕྱོགས་འཁྲི་ཤིང་གཞོན་ནུ་བརྐུས་ནས་རང་གི་ལང་འཚོ་ཡིན་ཉམས་བྱེད།
    དགེ་བའི་དབང་པོའི་སྙན་ཚིག་བརྐུས་ནས་སྙན་ངག་མཁན་པོ་མིག་ཆུ་ཤོར།
    རྐུ་མ་ཁྱོད་ནི་དེ་རབས་གངས་རིའི་བུ་མོ་ཀུན་གྱི་རྒྱན་ཆ་ལགས།

22. ཟླ་བ་ཆོས་འཛོམས་ལགས་ཀྱིས་ཨ་རིག་དགེ་མཐོང་ལ་ཤིན་ཏུ་རྩ་ཆེ་བའི་བསླབ་བྱ་གསེར་ལྟ་བུ་ཞིག་སྐྱོན་འདུག ང་ཡང་ཧ་ཅང་དགའ་པོ་བྱུང་། དངོས་གནས་བྱས་པ་ཡིན་ན་དེང་སང་གི་དུས་འདིར་བསམ་བློ་འདི་ལྟ་བུ་གཏོང་ཐུབ་མཁན་ཤིན་ཏུ་ནས་དཀོན་པོ་རེད། ལྷག་དོན་དུ་བུ་མོ་ཞིག་གི་ངོས་ནས། ཟླ་བ་ཆོས་འཛོམས་ཞེས་པ་བུ་མོ་ཡིན་ཁུལ་བྱས་པའམ་བུ་དངོས་གནས་ཡིན་པ་གང་ལྟར་ཡང་རྣམ་དཔྱོད་ཅན་ཞིག་ཡིན་པར་ངོས་འཛིན་བྱེད་ཀྱི་ཡོད། དེང་སང་གཞོན་སྐྱེས་མང་པོ་ཞིག་རྟོག་དཔྱོད་ཀྱིས་ཕོངས་ནས་གཡམ་རྒྱུགས་ཁོ་ན་བྱེད་བཞིན་ཡོད་ཀྱང་། ཁོ་མོས་ཤིན་ཏུ་ཞིབ་ཚགས་པོའི་སྒོ་ནས་བསམ་བློ་གཏོང་གི་ཡོད་པ་ནི་བློ་སེང་ལ་དོན་དང་ལྡན་པའི་སྒོ་ནས་དབྱེ་ཞིབ་བྱས་པ་སོགས་ལས་ཤེས་ནུས། མ་ཟད་དགེ་མཐོང་ལ་དྲ་སྟེང་ཡོང་རྒྱུར་དགག་བྱ་གནང་བ་དང་། དོན་དངོས་ཀྱི་ཤེས་ཡོན་ངོ་མ་དེ་གང་འདྲ་ཞིག་ལ་གོ་དགོས་པ་སོགས་ཀྱི་བརྡ་སྤྲད་པ་འདི་བསམ་བློའི་གནས་ཚད་ཀྱང་ཅུང་མཐོ་བ་ཞིག་ཡིན་པར་སེམས། ངས་ཀྱང་ཁོང་གི་བསླབ་བྱ་དང་དུ་བླངས་ཏེ་དྲ་སྟེང་ཡོང་རྒྱུར་ཚོད་འཛིན་བྱ་རྒྱུ་ཡིན། འོན་ཀྱང་དགོངས་ཚོམས་མེད་པ་ཞུ་རྒྱུ་ཞིག་ལ་བཀའ་ཁྲིའི་འོས་བསྡུའི་ལས་འགུལ་མཇུག་སྒྲིལ་བའི་མཚམས་ནས་དྲ་སྟེང་དུ་ཕལ་ཆེར་ཡོང་རྩིས་མེད། དེ་སྔོན་ཡང་དྲ་སྟེང་རྩ་བ་ནས་ཡོང་མྱོང་མེད་ཀྱང་རྨོངས་པ་ཁྱུ་དང་ཁྱུ་བྱས་ཏེ་གཡམ་རྒྱུགས་ཀྱིས་བོད་ཀྱི་མ་འོངས་པ་འདི་རླུང་ལ་བསྐུར་རྩིས་ཡོད་པའི་གནས་ཚུལ་གོ་རྗེས་དྲ་སྟེང་མི་ཡོང་ཐུ་མེད་ཆགས་སོང་། ང་དྲ་སྟེང་ཡོང་ནས་བདེན་པའི་གནས་ལུགས་དྲངས་པ་ལ་གྲུབ་འབྲས་ཀྱང་མི་དམན་པ་ཞིག་ཐོབ་སོང། གང་འགྲོ་གཏོལ་མེད་པའི་མི་མང་པོ་ཞིག་ལ་འགྲོ་ལམ་བཤངས་ཐུབ་སོང་ལ་མ་མཐར་ཡང་མགོ་བསྐོར་བསླུ་བྲིད་བྱེད་མཁན་གྱི་དཔུང་ཁག་གི་གདོང་རིས་ངོ་མ་དེ་མི་དམངས་མདུན་གསལ་སྟོན་བྱེད་ཐུབ་སོང་།འདི་དངོས་གནས་དགའ་འོས་པ་ཞིག་མ་ཡིན་ནམ། ལྟོས་དང་། ད་ཆ་ཁོ་ཚོ་ལ་རྒྱུ་མཚན་ལྡན་པའི་གནས་ལུགས་ཤིག་འདྲེན་རྒྱུ་འདུག་གམ ད་ལྟ་ཁོ་ཚོ་བག་ཁུམས་ཀྱིས་དོན་ཡང་ཡོང་ནུས་ཀྱི་མི་འདུག གལ་ཏེ་སྐབས་རེ་ཡོང་ཁུལ་བྱས་པའི་དབང་དུ་བཏང་ཀྱང་གཞན་ལ་གཞི་མེད་ཀྱི་སྒྲོ་སྐུར་དང་ཚིག་མཚོན་འདེབས་པ་སོགསརེད། ལྟོས་དང་། ཁོ་ཚོས་སྤེལ་བའི་ཡིག་ཚོགས་འདི་ཚོ་གང་འདྲ་ཞིག་འདུག དག་ཆ་དང་སྡེབ་སྦྱོར། དེ་བཞིན་ཚིག་སྦྱོར་སོགས་ཧ་ཅང་གི་ངོ་ཚ་དགོས་པའི་གནས་ཤིག་མ་ཡིན་ནམ། མ་ཟད་བློ་སེང་ཁོང་ད་ལན་བསྐོར་བསྐྱོད་སྐབས་དེ་སྔ་ལྟར་མ་ཡིན་པར་སྐད་ཆ་ཤོད་སྐབས་ཧ་ཅང་གིས་གཟབ་ནན་བྱེད་ཀྱི་འདུག་ཟེར། ད་སྔ་ཡིན་ན་ཁོ་རང་མི་དང་གཞན་རྣམས་དུད་འགྲོ་ལྟ་བུ་ཞིག་ཏུ་བཟུང་སྟེ་རང་གི་ཁ་ནས་གང་ཐོན་ཤོད་ཀྱི་ཡོད་པ་དེ་ལ་ང་ཚོས་སྟངས་འཛིན་ལེགས་པོ་ཞིག་བྱེད་ཐུབ་པ་འདི་རྒྱལ་ཁ་ཞིག་མ་ཡིན་ནམ། སོང་ཙང་ངས་དགའ་འོས་པའི་གནས་ཚུལ་འདི་ཡང་ཟླ་བ་ཆོས་འཛོམས་ལགས་སུ་ཤོད་འདོད་བྱུང་། དངོས་གནས་བྱས་ན་ང་ལ་དུས་ཚོད་ཧ་ཅང་དཀོན། ཡིན་ཡང་གལ་ཆེ་དོན་ཆེར་དམིགས་ཏེ་དུས་ཚོད་མང་པོ་ཞིག་དྲ་ཐོག་ཏུ་བཏང་ཟིན། རྗེས་ནས་ནི་དེ་ལྟར་མ་ཡིན། ཚང་མས་ད་དུང་ཡང་ཟླ་བ་གཅིག་ཙམ་ལས་ཀ་ཧུར་ཐག་གནང་རྒྱུའི་རེ་བ་བཅས། བྷི་བྷི་སི་ཡིས་འདི་ཚེས་ལ།

23. ཚེ་རིང་སྐྱིད་ལ་གྱོང་པོ་བྱུང་སློབ་ཆུང་ལོ་རིམ་དྲུག་པ་ནས་བརྩེ་དུང་མེ་ཏོག་ཞལ་ཁ་ཕྱེ་ཡོད་པ་འདྲ། སྐུ་རྩེད་ཞུས།

    ག་རེ་ཡིན་ན་ཡིན། གང་ལྟར་གོང་དུ་དྲ་གྲོགས་སྦི་སྦི་སི་ལགས་ནས་གསུངས་པ་ལྟར་ཟླ་བ་གཅིག་རིང་དྲ་གྲོགས་ཚང་མས་རང་ཅག་གངས་ཅན་པའི་ལས་དབང་ལ་གཞིགས་ཏེ་མ་འོངས་པའི་བཀའ་ཁྲིའི་ཐོག་ཐུགས་བསམ་ཆེ་བཞེས་ཀྱིས་དོན་དངོས་དང་མཐུན་པར་བཀའ་ཁྲིར་སུ་འོས་པ་དང་། སུ་ཞིག་མི་འོས་པའི་ལེགས་སྤེལ་ཉེས་འགོག་ཡོང་བ་རེ་བ་ཡོད་ལ་ང་ཡང་དྲ་ཚང་འདི་ན་ཡོང་དོན་ཡང་དྲ་གྲོགས་དགའ་ཞིག་གི་བདེན་སྟོབས་རབ་ཏུ་བཅོམས་ཕྱིར་ངན་བཤད་ཀྱི་མཐོ་བ་དང་ཁུ་ཚུར་འཕྱར་བཞིན་པར་སེམས་ཀྱི་མི་བཟོད་པར་བདེན་དོན་འཐབ་རྩོད་ཆེད་བཅར་བ་ཡིན། དེའི་ཕྱིར་བདེན་པར་རྒྱལ་ཁ་སྤྲོད་དགོས་པ་ནི་དོན་དངོས་དང་མཐུན་ཞིང་འཇིག་རྟེན་ཡ་རབས་ཀྱི་ལུགས་ཀྱང་རེད་ལ་ལི་ཐང་རྒྱ་མཚོའི་རང་གཤིས་ཀྱང་ཡིན།
    བོད་རྒྱལ་ལོ།

24. ཡག་པོ་འདུག་སྟེ། འོ་ན་དེའི་རྗེས་ནས་བརྩེ་དུངས་ཞལ་ཁ་ཕྱེས་དྲགས་པའམ། འདབ་བརྒྱ་མང་དྲག་ནས་སྦྲང་མ་མང་པོ་འཁོར་བ་ཞིག་གོ་སྟེ། བརྩེ་དུང་གིས་བུད་མེད་མང་པོ་འཕྲོ་ལྷག་ལ་འགྲོ་བཞིན་པ་དངོས་ཡོད་རེད་ལ། དམ་ཚིག་ཅན་གྱི་བུད་མེད་རྣམས་ཀྱང་བརྩེ་དུང་གིས་ཉལ་བོ་གང་བྱུང་མང་བྱུང་བྱེད་མཁན་ཞིག་ཏུ་བསྒྱུར་གྱིན་འདུག

    ཡང་བུད་མེད་ཁ་ཤས་གསང་རྒྱ་དམ་དྲག་ནས། ཁ་ནས་འབོད་སྟངས་དང་ལག་ནས་བྱེད་སྟངས་ཁ་ཁར་ཆགས་སོང་བས། བརྩེ་དུང་ནི་ཁ་ལ་སྐྱོར་རྒྱུ་ཞིག་ཏུ་ཟད་པའི་ངང་ཚུལ་ཡང་འདུག་སྟབས། ཡིག་ཐོག་ལས་སྤྱི་ཚོགས་ནང་འགུལ་བསྐྱོད་རྒྱབ་པ་ལ་ལྟོས་ནས་ང་ཚོས་བརྩེ་བ་ད་གཟོད་རྟོགས་ཐུབ་པ་ཞིག་རེད།

    ངས་བསམས་ན། བརྩེ་དུང་གཅིག་སེམས་པའི་སྟེང་ན་ཡོད། དེ་ལས་སླ་བོ་མཐོང་དཀའ་བ་ཡིན། གཅིག་རང་ཉིད་འཚོ་གནས་འཆའ་སའི་སྤྱི་ཚོགས་དང་རང་གི་གྲིབ་གཟུགས་དང་རྐང་རྗེས་ལ་འགྲོགས་ནས་ཡོད། དེ་མཐོང་རྒྱུ་ལས་སླ་མོ་མིན། གལ་སྲིད་ངས་མ་འོངས་པར་བརྩེ་དུང་ཅན་ངོས་འཛིན་བྱེད་དགོས་ན། སྨྱོ་ཁང་ནང་གི་ཆེ་གེ་མོ་དང། ཁུ་སིམ་པོར་འཚོ་བ་ངན་ངོན་བསྐྱལ་བའི་གནས་སུ་ངས་ཅིག་མཐོང་སྲིད་པ་རེད།

    དེ་རིང་བརྩེ་དུང་གི་ཉིན་མོ་རེད། དེ་བས་ང་ཚོས་རང་རང་གི་མཐོང་ཐོས་ཤིག་གླེང་ན་ཅུང་ཕན་གི་རེད།

25. གཞོན་ནུ་ཟླ་མེད་འདིས། ཡང་ཀླུ་སྨྱོན་ལ་བཪ་ཆད་བྱས་སོང་། ཁོ་མགྱོགས་མྱུར་དུ་ཡོང་བཞིན་པའི་ལམ་བར་ནས་ཟླ་མེད་ཀྱི་ཟུར་ཟའི་སྐད་ངན་ཡོངས་བསྒྲགས་བྱས་པ་གྲོགས་པོ་ཟ་ལེ་བརྒྱུད་ནས་གོ་འདུག་པས། ཀླུ་སྨྱོན་ཡང་ངོ་ཚ་བ་དང་ཕོ་ཁྱོ་གའི་རང་ཚུགས་དང་ལ་རྒྱ་བཟུང་ནས་ཐེངས་འདིར། མི་ཡོང་རྒྱུའི་བློ་ཐག་བཅད་འདུག

    ད་ཟླ་མེད་ཁྱེད་ལ་བྱེད་རྒྱུ་དང་བཤད་རྒྱུ་ཡོད་ན་ཤོད་དང་། བྱོས་དང་། ཀླུ་སྨྱོན་གྱི་གེགས་བར་ཆད་ལས་ཐེངས་འདིར་ཁྱེད་རང་ཐབས་ཤཻས་ཀྱིས་རྒྱལ་སོང་།

26. བྷི་བྷི་ལགས་ཀྱིས་བྲིས་པ་འདིར་དགེ་ཚན་ཆེན་པོ་འདུག་པས་ངས་དཔར་སྐྲུན་སྦྱིན་བདག་བྱས་ཏེ་གྲངས་ཆིག་སྟོང་དཔར་སྐྲུན་བྱ་རྒྱུ་ཡིན། ལྟོས་ཨང་། འདི་ནས་ཡིན།
    ༢༢༽ BBC ནས།
    སྤྱི་ལོ་ ༢༠༡༡ ཟླ་ ༢ ཚེས་ ༡༣ གི་ཆུ་ཚོད་ ༢༢ སྐར་མ་ ༢༡

    ཟླ་བ་ཆོས་འཛོམས་ལགས་ཀྱིས་ཨ་རིག་དགེ་མཐོང་ལ་ཤིན་ཏུ་རྩ་ཆེ་བའི་བསླབ་བྱ་གསེར་ལྟ་བུ་ཞིག་སྐྱོན་འདུག ང་ཡང་ཧ་ཅང་དགའ་པོ་བྱུང་། དངོས་གནས་བྱས་པ་ཡིན་ན་དེང་སང་གི་དུས་འདིར་བསམ་བློ་འདི་ལྟ་བུ་གཏོང་ཐུབ་མཁན་ཤིན་ཏུ་ནས་དཀོན་པོ་རེད། ལྷག་དོན་དུ་བུ་མོ་ཞིག་གི་ངོས་ནས། ཟླ་བ་ཆོས་འཛོམས་ཞེས་པ་བུ་མོ་ཡིན་ཁུལ་བྱས་པའམ་བུ་དངོས་གནས་ཡིན་པ་གང་ལྟར་ཡང་རྣམ་དཔྱོད་ཅན་ཞིག་ཡིན་པར་ངོས་འཛིན་བྱེད་ཀྱི་ཡོད། དེང་སང་གཞོན་སྐྱེས་མང་པོ་ཞིག་རྟོག་དཔྱོད་ཀྱིས་ཕོངས་ནས་གཡམ་རྒྱུགས་ཁོ་ན་བྱེད་བཞིན་ཡོད་ཀྱང་། ཁོ་མོས་ཤིན་ཏུ་ཞིབ་ཚགས་པོའི་སྒོ་ནས་བསམ་བློ་གཏོང་གི་ཡོད་པ་ནི་བློ་སེང་ལ་དོན་དང་ལྡན་པའི་སྒོ་ནས་དབྱེ་ཞིབ་བྱས་པ་སོགས་ལས་ཤེས་ནུས། མ་ཟད་དགེ་མཐོང་ལ་དྲ་སྟེང་ཡོང་རྒྱུར་དགག་བྱ་གནང་བ་དང་། དོན་དངོས་ཀྱི་ཤེས་ཡོན་ངོ་མ་དེ་གང་འདྲ་ཞིག་ལ་གོ་དགོས་པ་སོགས་ཀྱི་བརྡ་སྤྲད་པ་འདི་བསམ་བློའི་གནས་ཚད་ཀྱང་ཅུང་མཐོ་བ་ཞིག་ཡིན་པར་སེམས། ངས་ཀྱང་ཁོང་གི་བསླབ་བྱ་དང་དུ་བླངས་ཏེ་དྲ་སྟེང་ཡོང་རྒྱུར་ཚོད་འཛིན་བྱ་རྒྱུ་ཡིན། འོན་ཀྱང་དགོངས་ཚོམས་མེད་པ་ཞུ་རྒྱུ་ཞིག་ལ་བཀའ་ཁྲིའི་འོས་བསྡུའི་ལས་འགུལ་མཇུག་སྒྲིལ་བའི་མཚམས་ནས་དྲ་སྟེང་དུ་ཕལ་ཆེར་ཡོང་རྩིས་མེད། དེ་སྔོན་ཡང་དྲ་སྟེང་རྩ་བ་ནས་ཡོང་མྱོང་མེད་ཀྱང་རྨོངས་པ་ཁྱུ་དང་ཁྱུ་བྱས་ཏེ་གཡམ་རྒྱུགས་ཀྱིས་བོད་ཀྱི་མ་འོངས་པ་འདི་རླུང་ལ་བསྐུར་རྩིས་ཡོད་པའི་གནས་ཚུལ་གོ་རྗེས་དྲ་སྟེང་མི་ཡོང་ཐུ་མེད་ཆགས་སོང་། ང་དྲ་སྟེང་ཡོང་ནས་བདེན་པའི་གནས་ལུགས་དྲངས་པ་ལ་གྲུབ་འབྲས་ཀྱང་མི་དམན་པ་ཞིག་ཐོབ་སོང། གང་འགྲོ་གཏོལ་མེད་པའི་མི་མང་པོ་ཞིག་ལ་འགྲོ་ལམ་བཤངས་ཐུབ་སོང་ལ་མ་མཐར་ཡང་མགོ་བསྐོར་བསླུ་བྲིད་བྱེད་མཁན་གྱི་དཔུང་ཁག་གི་གདོང་རིས་ངོ་མ་དེ་མི་དམངས་མདུན་གསལ་སྟོན་བྱེད་ཐུབ་སོང་།འདི་དངོས་གནས་དགའ་འོས་པ་ཞིག་མ་ཡིན་ནམ། ལྟོས་དང་། ད་ཆ་ཁོ་ཚོ་ལ་རྒྱུ་མཚན་ལྡན་པའི་གནས་ལུགས་ཤིག་འདྲེན་རྒྱུ་འདུག་གམ ད་ལྟ་ཁོ་ཚོ་བག་ཁུམས་ཀྱིས་དོན་ཡང་ཡོང་ནུས་ཀྱི་མི་འདུག གལ་ཏེ་སྐབས་རེ་ཡོང་ཁུལ་བྱས་པའི་དབང་དུ་བཏང་ཀྱང་གཞན་ལ་གཞི་མེད་ཀྱི་སྒྲོ་སྐུར་དང་ཚིག་མཚོན་འདེབས་པ་སོགསརེད། ལྟོས་དང་། ཁོ་ཚོས་སྤེལ་བའི་ཡིག་ཚོགས་འདི་ཚོ་གང་འདྲ་ཞིག་འདུག དག་ཆ་དང་སྡེབ་སྦྱོར། དེ་བཞིན་ཚིག་སྦྱོར་སོགས་ཧ་ཅང་གི་ངོ་ཚ་དགོས་པའི་གནས་ཤིག་མ་ཡིན་ནམ། མ་ཟད་བློ་སེང་ཁོང་ད་ལན་བསྐོར་བསྐྱོད་སྐབས་དེ་སྔ་ལྟར་མ་ཡིན་པར་སྐད་ཆ་ཤོད་སྐབས་ཧ་ཅང་གིས་གཟབ་ནན་བྱེད་ཀྱི་འདུག་ཟེར། ད་སྔ་ཡིན་ན་ཁོ་རང་མི་དང་གཞན་རྣམས་དུད་འགྲོ་ལྟ་བུ་ཞིག་ཏུ་བཟུང་སྟེ་རང་གི་ཁ་ནས་གང་ཐོན་ཤོད་ཀྱི་ཡོད་པ་དེ་ལ་ང་ཚོས་སྟངས་འཛིན་ལེགས་པོ་ཞིག་བྱེད་ཐུབ་པ་འདི་རྒྱལ་ཁ་ཞིག་མ་ཡིན་ནམ། སོང་ཙང་ངས་དགའ་འོས་པའི་གནས་ཚུལ་འདི་ཡང་ཟླ་བ་ཆོས་འཛོམས་ལགས་སུ་ཤོད་འདོད་བྱུང་། དངོས་གནས་བྱས་ན་ང་ལ་དུས་ཚོད་ཧ་ཅང་དཀོན། ཡིན་ཡང་གལ་ཆེ་དོན་ཆེར་དམིགས་ཏེ་དུས་ཚོད་མང་པོ་ཞིག་དྲ་ཐོག་ཏུ་བཏང་ཟིན། རྗེས་ནས་ནི་དེ་ལྟར་མ་ཡིན། ཚང་མས་ད་དུང་ཡང་ཟླ་བ་གཅིག་ཙམ་ལས་ཀ་ཧུར་ཐག་གནང་རྒྱུའི་རེ་བ་བཅས། བྷི་བྷི་སི་ཡིས་འདི་ཚེས་ལ།

27. ལི་ཐང་རྒྱ་མཚོ་ལགས་ཀྱིས་ཆ་འཇོག་གནང་བར་ཐུགས་རྗེ་ཞུ། ཁྱེད་རང་གི་མཆན་འདིར་ཡིག་ནོར་ཉུང་བ་དང་གོ་བདེ་ཁ་གསལ་ཞིག་འདུག་པ་མ་ཟད། སྡེབ་སྦྱོར་ཡང་ཅུང་ལེགས། བྱས་ཙང་དགའ་པོ་བྱུང་། མུ་མཐུད་བསམ་ཚུལ་སྤེལ་རོགས་གནང་། སོ་སོའི་བལྟ་ཕྱོགས་མཐུན་མིན་ནི་ཡོང་སྲིད་པ་ཞིག་རེད། རང་གི་བསམ་ཚུལ་ལྷུག་པོར་བརྗོད་རྒྱའི་རེ་བ་ཞུ།

28. མི་ཁ་ཤས་ཀྱིས་སེམས་ཤུགས་ཡོད་མདོག་མདོག་དང་གནས་ལུགས་ཤེས་མདོག་མདོག་གིས་འདིར་ཡོང་ནས་ཆབ་སྲིད་ལབ་ནས་འདུག་རེད། བརྩེ་དུང་ལབ་ཡ་ཡོད་མ་རེད་ལ་སོགས་པའི་སྐད་ཆ་བཤད་ཀྱིན་འདུག
    དེ་ནི་དེང་རབསས་ཅན་གྱི་སྤྱི་ཚོགས་ནང་དུ་སྒྱུ་རྩལ་དགོས་མ་རེད་ལབ་པ་འདྲ་བོ་འདུག
    ངས་ནི་དྲ་རྒྱ་དང་སྤྱི་ཚོགས་གང་འདྲ་ཞིག་ཡིན་ཡང་། སྣ་མང་ཕུན་སུམ་ཚོགས་པོ་ཡོད་ན་ཧ་ཅང་གིས་དགེ་བ་ཡོད་པར་མཐོང་བས། ཆ་བཤད་དུས་ཡ་བཤད་མཁན་དང་ཡར་བཤད་དུས་མར་བཤད་མཁན་ཚོས་རང་ཉིད་ཀྱི་རྐང་པ་གང་ངུ་སྤོས་ཡོད་མེད་ཤེས་ཀྱིན་མེད་པར་སྣང་།
    བཀའ་བློན་ཁྲི་པའི་སྐོར་ལ་ཁ་བརྡ་ཚང་གིས་ནུས་པ་ཆེན་པོ་ཐོན་ཡོད་ལ། དེའི་སྐོར་ལ་བགྲོ་གླེང་སོགས་ཧ་ཅང་གིས་མང་པོ་བྱུང་ཡོད།
    ད་དུང་འབྱུང་ངེས་རེད་ལ། ཡང་ད་དུང་བགྲོ་གླེང་གི་བར་དུ་སླེབས་ཡོད་པ་ཡང་ཡོད། དེ་ཚོར་སོང་ནས་བཀའ་བློན་ཁྲི་པ་མི་བཤད་པར་འདིར་ཡོང་ནས་ཀུ་ཅོ་འདོན་དོན་ཡོད་པ་མ་རེད།
    གཞན་ལ་ག་རེ་བཤད་མེད་གཞན་གྱིས་ཐག་གཅོད་ཀྱི་རེད་ལ་རང་གིས་ག་རེ་བཤད་མེད་ཁྱེད་རང་གི་དོན་དག་རེད།

29. ཐང་རིང་ནས་ཉན་ན་གླིང་བུ་ལྟ་བུའི་མི་བུ་གང་མང་ཞིག་ལ་ཐག་ཉེ་ནས་ཉན་ན་བོང་བུའི་སྐད་ལྟ་བུར་འགྱུར་འགྲོ་བ་འདི་ཁོང་ཚོའི་གདོང་རིས་ངོ་མ་དེ་ཡིན།
    རྩོམ་ཡིག་འདིའི་ནང་དོན་རྣམས་དངོས་གནས་ཡིན་ན་དེར་བསམ་བློ་གུ་དོག་དྲགས་པའི་ཆ་མང་དུ་འདུག་ལ། རྣམ་དཔྱོད་རྟུལ་དྲགས་པ་དང་གནད་ལ་ཐུག་ན་འཁུམ་འགྲོ་བའི་ཆའང་དེ་བཞིན་འདུག བརྩེ་དུང་ལ་བཅང་བའི་བརྩི་ཐང་རབ་རིབ་དང་ཁ་ཕྱོགས་མེད་པ། མདོར་ན་བརྩི་དུང་རྣལ་མ་ངོས་མ་ཟིན་པའི་རྣམ་པ་ཤུགས་ཆེར་འདུག ཡིག་སྐྱོན་གྱི་ཆ་ནས་ཨ་མདོ་བ་ཕལ་མོ་ཆེར་འབྱུང་བཞིན་པའི་སྐྱོན་ཏེ་གི་གུ་དང་ཞབས་ཀྱུ་གཉིས་ཀྱི་གོ་ས་བསྣོལ་བའང་གང་མང་འདུག ལ་རྩེ་ཚང་གི་འགྲན་བསྡུར་འདིའི་ཁྲོད་དུ་ཞུགས་མཁན་སུ་ཡིན་རུང་བརྩེ་དུང་འདི་རྩེད་ཆས་ཤིག་ཏུ་ངོས་བཟུང་བ་ལས་བརྩེ་དུང་ལ་བརྩེ་དུང་གི་བརྩི་ཐང་བཞག་མེད་པའང་མཐོང་ཐུབ་བོ།
    སྐད་ཆ་འདི་རང་ཉིད་ལ་བརྩེ་དུང་གི་མནར་གཅོད་ཕོག་པ་དང་རང་ཉིད་ནམ་ཡང་བརྩེ་དུང་རྣལ་མའི་ཕྱོགས་སུ་ལང་མཁན་ཞིག་ཡིན་པས་ཆ་ནས་སྨྲས་པ་ལགས།

30. བརྩི་དུང་ ཞེས་པ་ བརྩེ་དུང་ དུ་བཅོས་རོགས།

31. དྲ་གྲོགས་སྦི་སྦི་སི་ལགས་སྐུ་ཉིད་ཀྱི་དེ་འདྲ་གསུངས་པར་དགའ་བོ་བྱུང་། གང་ཞེ་ན་སྐུ་ཉིད་ནི་དྲ་ནང་འདི་ནས་ཆེས་གདེངས་འཇོག་ཡོད་པའི་དྲང་བདེན། ལྷག་བསམ། ཤེས་ཡོན་གྱི་གཤོག་ཟུང་རྒྱས་པའི་གངས་ཅན་པའི་ཕོ་རྒོད་ངོ་མ་ཞིག་རེད། དེའི་ཕྱིར་ངས་ཀྱང་དུས་ནམ་བྱུང་ལ་གླེང་རྒྱུ་ཡིན་ལ་གླེང་དགོས་ངེས་རེད།

32. ཁྱེད་ཀྱིས་བརྩེ་དུང་ཁྱེད་ཀྱིས་རྣལ་མར་མཐོང་བ་ནི་ཁྱེད་རང་ཉིད་ཀྱི་གནས་ལུགས་བཤད་སྟངས་ཤིག་རེད།
    རང་ཉིད་བདེན་པར་རྩིས་ཏེ་གཞན་ལ་རྡོག་རོལ་གཏོང་བ་ནི་གནས་ལུགས་མ་རྟོགས་པ་རང་རེད།
    རང་ཉིད་བརྩེ་དུང་རྣལ་མའི་ཕྱོགས་སུ་ལངས་མཁན་ཟེར་ན་ག་རེ་ལབ་ཀྱིན་ཡོད་པ་རེད།

33. རྩོམ་པ་པོ་ཚེ་རིང་སྐྱིད་ཀྱིས་བརྩེ་གདུང་ལ་རྒྱལ་ཕམ་མེད་ཟེར། ངས་ནི་བརྩེ་གདུང་ལ་སྤྱི་ལྡོག་ནས་རྒྱལ་ཕམ་མེད་སྲིད་ཀྱང་། རང་ལྡོག་ནས་རྒྱལ་ཕམ་ཞིག་ཡོད་པར་སེམས། རྒྱུ་མཚན་ནི་རྩོམ་པ་པོ་ག་གེ་མོ་ཞིག་གིས་བཀོད་པ་ལྟར། བརྩེ་གདུང་ཟེར་བ་དེ་མཁོ་འདོད་ཅིག་ཡིན་ན། མཁོ་འདོད་དེ་བསྒྲུབ་ཐུབ་པ་དེའི་ཚེ་མཁོ་འདོད་བསྐྱེད་པ་པོ་དེའི་བརྩེ་གདུང་ལ་རྒྱལ་ཁ་ཐོབ་པ་ཡིན་ལ། མཁོ་འདོད་བསྒྲུབ་མ་ཐུབ་པ་དེའི་ཚེ་ཕམ་ཁ་ལོན་པ་ཡིན།
    བརྩེ་གདུང་ལ་རྒྱལ་ཕམ་ཡོད་པ་ཇི་བཞིན། ངས་ནི་བརྩེ་གདུང་ལ་ཡང་ལྗིད་ཀྱང་ཡོད་པར་འདོད། དེ་ཡང་དཔེར་ན་ཕོ་མོ་གཉིས་གཉེན་བསྒྲིགས་བྱས་ནས་མཉམ་དུ་སྡོད་པའི་སྐབས་སུ། ཕོ་མོ་གཉིས་ཀའི་ཕྱོགས་ནས་བརྩེ་གདུང་ཡང་ལྗིད་སྙོམས་པོ་དགོས། གལ་ཏེ་ཕོ་མོ་གཉིས་སུ་ཞིག་གི་ཕྱོགས་ནས་བརྩེ་གདུང་ལ་ཡང་ལྗིད་ཤོར་བ་དུས་དེའི་ཚེ་ན་བརྩེ་གདུང་དེ་ཁོང་ཁྲོ་ལ་འགྱུར་གྱི་ཡོད། བརྩེ་གདུང་ཁོང་ཁྲོ་རུ་གྱུར་བའི་མཐར་ཕོ་མོ་གང་རུང་ཞིག་ལ་བློ་ཕམ་ཡིད་ཕམ་འབྱུང་གི་ཡོད་ལ། བློ་ཕམ་ཡིད་ཕམ་སུ་ལ་བྱུང་བ་དེ་ཡི་བརྩེ་གདུང་ལ་ཕམ་ཁ་ལོན་པ་རེད།
    གང་ལྟར་བརྩེ་གདུང་ནི་ང་ཚོའི་ཚེ་སྲོག་ཡིན་པས། བརྩེ་གདུང་མེད་ན་ང་ཚོ་སུ་ཞིག་ཡིན་ཀྱང་འཇིག་རྟེན་འདིར་འཚོ་མི་སྲིད། དེས་ན་ངས་བརྩེ་གདུང་ལ་རྟག་པར་རྒྱུན་དུ་རྒྱལ་ཁ་ཐོབ་པའི་སྨོན་ལམ་འདེབས་ཀྱིན་ཡོད།

34. མ་བསམ་ས་ནས་བུ་མོ་ཞིག་གིས་ང་ལ་བསླབ་བྱའམ་སེམས་གཏམ་བཤད་པ་འདི་རེད། འདི་ད་སོ་མ་རིག་ནི་ཡིན། དངོས་གནས་བདེན་པ་རང་རེད། འོན་ཀྱང་ང་དྲ་རྒྱར་ཉུལ་བ་འདི་བརྩེ་དུངས་ཤིག་དང་འབྲེལ་བ་ཡོད་པས་ལམ་སེང་མཚམས་འཇོག་རྒྱུ་དཀའ་མོ་རེད།

    བརྩེ་དུངས་ཟེར་ན་ཞི་ལི་ཟིག་དང་ཞི་མོ་ཟིག་གི་བར་གྱི་གནད་དོན་གཅིག་བུ་མ་རེད། ཡིན་ནའང་། ངས་ཁྱེད་ཀྱི་རེ་བ་སྟོང་ཟད་དུ་མི་གཏོང་། ཧྭ་དམ་པ་ཆང་གིས་བཟི་ཡང་། དོན་དམ་པ་རླུང་ལ་མི་བསྐུར་ཞེས་པའི་དཔེ་ལྟར་ཡིན། ཨ་ཁུ་ལ་ཤ་ཚ་བའི་བུ་མོ་དངོས་གནས་ཡིན་མིན་ཆ་མ་འཚལ་བའི་ཆོས་འཛོམས་མིང་ཅན་ལ་སྤྲིངས་སོ།།

    ད་དུང་དགེ་བཤེས་ལྷ་རམས་པ་ཞིག་ལ་རེ་བ་བརྒྱབས་ན་བློའི་གཅོག་ཀྱང་ཚེ་ཡི་མི་གཅོག་གི་གོ ཧེ་ཧེ་ཀུ་རེ།
    ཡང་རེ་བ་ཞིག་ལ། ལོ་གཉིས་གསུམ་རྗེས་ནས་ངས་དགེ་བཤེས་གཏོང་ཐུབ་སོང་ན་ཆོས་འཛོམས་ཁྱེད་སྐུ་པར་གདན་འདྲེན་ལ་སྐད་གཏོང་རྒྱུ་ཡིན།

35. ཡང་ཚེ་རིང་སྐྱིད་ལ་ལན་དུ་སྨྲས་པ། བརྩེ་དུངས་ལ་རྒྱལ་ཕམ་མེད་ཟེར་ན།ཨ་ལགས་ཀླུ་སྨྱོན་ཚང་གིས་དགའ་རོགས་ཉིན་མོར་བྲིས་པའི་ལྷུག་རྩོམ་དེ་ཀློག་དང་དེ་ནས་ཤེས་ཡོང་། ཟམ་པ་དེའི་འགྲམ་ནས་བཞུད་ཚར་བའི་རྣམ་ཤེས་དེ་ཚོ་བརྩེ་དུངས་ཀྱི་རྒྱལ་ཕམ་རེད་ཡ།

36. བླ་རྒན། ངས་ལྷུག་རྩོམ་དེ་ད་ལྟ་ཡོངས་སུ་མཇུག་གྲུབ་པར་བྱས་ཡོད་པས། ཡང་སྐྱར་ཚར་གཅིག་གཟིགས་དང་ཁྱེད་ལ་སྔར་དང་མི་འདྲ་བའི་ཚོར་བ་གཞན་ཞིག་སྟེར་ནའང་ཐང་།

37. ཀླུ་སྨྱོན་གཞོན་ནུར་སྐྲགས་ནས་འདིར་ཡེ་ཤེས་ཡིན་ན་གཅིག་ཟེར་ནས་ཡོང་གི་འདུག་་་་་་སྐད་འདི་སུས་གོ་ན་གཞོན་ནུ་ལ་བཤད་དགོས།

38. བོད་ཕྱི་ནང་གཉིས་ཀར་ཚང་མས་ཐུགས་གནང་གནང་བཞིན་པ་དེ་ད་ལྟ་བཀའ་བློན་ཁྲི་བའི་འོས་འདེམས་འདི་རེད་་་་་འོན་ཀྱང་ངས་འདྲིས་བ་ཞིག་ཡོད།་་་་ང་ཚོ་ད་ལྟ་རང་བཙན་བརྩོད་ཀྱི་ཡོད་རེད་དམ་དབུ་མས་ལམ་བརྩོད་ཀྱི་ཡོད་དམ།་་་་གལ་ཏེ་དབུ་མས་ལམ་བརྩོད་ཀྱི་ཡོད་ན་འཁྲོམ་འཁོར་བྱེད་པའི་སྐབས་རང་བཙན་དགོས་ཞེས་བརྗོད་པ་ཅི་ཞིག་ཡིན་ནམ་་་་་་་་་་གལ་ཏེ་རང་བཙན་བརྩོད་ཀྱི་ཡོད་ན་༧གོང་ས་མཆོག་གི་བཀའ་ལ་རྩིས་གུས་མེད་རང་བཙན་བརྩོད་ཀྱི་ཡོད་རེམ་དམ།་་་་་་ང་ནི་བོད་གཞུང་ཀྱི་ལས་ཀ་དེ་མངོས་མགོ་ཐོམ་སོང།

39. མཐོ་འབྲིང་མ་རྫོགས་རྡ་སར་བྲོས་བ་ནི།། ཆུང་འདྲིས་བྱམས་པའི་ཆེད་ཡིན་སུ་ཡིས་ཤེས།། སྐྲ་རིང་བློ་ཐུང་མ་ཚོ་རློམ་རྒྱུ་མེད།། གང་ལྟར་རྩོམ་ཡིག་ཡག་པོ་སྤེལ་འདུག་པས།། ཚིག་སྦྱོར་ཚུལ་ལ་མཁས་པའི་མཛངས་མ་ཁྱེད།།ཡང་ཡང་ཕེབས་དང་ལབ་ཙེ་སྐུ་མགྲོན་འཁོར།། སྙན་ངག་ང་ཡི་ཆོས་ལུགས་ཡིན་ཞེས་བསྒྲགས།།དེ་འདྲའི་བླུན་གཏམ་མ་བཤད་རང་ཚོད་བཟུང་།།བོད་རྒྱ་དབྱིན་གསུམ་ཤན་སྦྱར་ཚིག་ཚོགས་སྤེལ།།བལྟས་བ་ཙམ་གྱིས་རྒྱབ་ལྗོངས་རྟོགས་འགྲོ་བས།། ད་དུང་སློབ་སྦྱོང་བྱེད་དགོས་རིག་བཟང་མ།།