མྱི་ལྟིག
རྫ་རི་མཐོན་པོའི་ཉག་ཁ་བརྒྱུད་དུས་ཁྱེད་ནི་བྲེ་སེར་འབྲོང་རྒོད་ཅིག།
རྒྱ་རྫོང་ནགས་ཀྱི་རྐང་ལམ་བརྒྱུད་དུས་ཁྱེད་ནི་དམར་ཡག་སྟག་རྒོད་ཅིག།།
སྤང་ཐང་ཡངས་པོའི་ཞེང་ཁ་བརྒྱུད་དུས་ཁྱེད་ནི་ཅང་ཤེས་རྟ་རྒོད་ཅིག།།
ས་ཡ་དྲུག་གི་སེམས་པའི་དཀྱིལ་ན་ཁྱེད་ནི་མར་མེ་ཚེ་འབར་ཞིག།།
དྲིན་ཆེན་ཕ་མའི་དད་འདུན་ཀློང་ན་ཁྱེད་ནི་སྐྱོབ་པའི་ལྷ་ཆེན་ཞིག།།
བརྩེ་ལྡན་ཕུ་ནུའི་སེམས་པའི་སྒམ་ན་ཁྱེད་ནི་གསང་བའི་གླེགས་བམ་ཞིག།།
ན་མཉམ་གྲོགས་པོའི་སྙུ་གུའི་སྣེ་ན་ཁྱེད་ནི་སེམས་པའི་གཏད་སོ་ཞིག།།
ས་ཡ་དྲུག་གི་སེམས་པའི་དཀྱིལ་ན་ཁྱེད་ནི་མར་མེ་ཚེ་འབར་ཞིག།།
ཟླུམ་གཟུགས་གོ་ལའི་སྒལ་བའི་གཞུང་ན་ཁྱེད་ནི་སྟོན་པའི་དགེ་སློང་ཞིག།།
དུས་རབས་འདི་ཡི་འགྲན་རྩོད་ཁྲོད་ན་ཁྱེད་ནི་རྒྱུ་འབྲས་རྒྱ་མ་ཞིག།།
དམར་པོའི་མཚོན་ཆའི་ཁྲག་དྲོན་མདུན་ན་ཁྱེད་ནི་ཞུམ་མེད་དཔའ་བོ་ཞིག།།
ས་ཡ་དྲུག་གི་སེམས་པའི་དཀྱིལ་ན་ཁྱེད་ནི་མར་མེ་ཚེ་འབར་ཞིག།།
གངས་རིའི་བསྐོར་བའི་མུ་ཁྱུད་ཞིང་ན་ཁྱེད་ནི་འདི་ཕྱིའི་སྐྱབས་མགོན་ཏེ།།
ཕྱི་ནང་འགལ་རྐྱེན་ཚེར་མའི་གསེབ་ན་ཁྱེད་ནི་མགོ་ནག་འགོ་བ་སྟེ།།
ཕམ་ཉེས་འབུམ་གྱི་གྲུ་ཟུར་ཞིག་ན་ཁྱེད་ནི་སྤོབས་པའི་རྫ་རི་སྟེ།།
ས་ཡ་དྲུག་གི་སེམས་པའི་དཀྱིལ་ན་ཁྱེད་ནི་མར་མེ་ཚེ་འབར་ཞིག།།
ལྷ་ཀླུ་གཉེན་པོའི་སྡོང་གྲོགས་མི་མཁོ་ཁྱེད་ནི་བདག་གི་དངོས་གྲུབ་ཡིན།།
གདོན་འདྲེ་འགོང་བོའི་གནོད་པར་མི་སྐྲག་ཁྱེད་ནི་བདག་གི་བླ་མ་ཡིན།།
མུན་ནག་སྨག་གི་རྔམ་ཁར་མི་སྐྲག་ཁྱེད་ནི་བདག་གི་སྐྱ་རེངས་ཡིན།།
ས་ཡ་དྲུག་གི་སེམས་པའི་དཀྱིལ་ན་ཁྱེད་ནི་མར་མེ་ཚེ་འབར་ཞིག།།
༢༠༡༠ལོའི་ཟླ་༧ཚེས༦ཉིན་གསོག་སྒར་སློབ་གྲྭ་ནས།
ཚིགས་བཅད་ག་མཐར་ཆིག་ཤད་བྱ།།
ཨ་ར མྱི་ལྟིག་ཁྱེད་ཚོའི་དགེ་རྒན་ཚོས་བོད་ཡིག་གི་ཤད་རྒྱག་སྟངས་ཁྲིད་ཀྱིན་ཡོད་ས་མ་ར། ཡང་ན་ཁྲིད་ཤེས་ཀྱི་མེད་པ་རེད་དམ། ཧཧཧཧཧ་སྐུ་རེ་ཡིན།
ཤུགས་རྒྱོབས་དང་རྩོམ་ཡིག་ཡག་པོ་ཡོང་ས་མེད།
རིགས་མཐུན་ས་ཡ་དྲུག་གི་སེམས་ནང་གི་ངེས་དོན་གྱི་བླ་མ་༸གོང་ས་མཆོག
ཁྱེད་ཀྱི་མཐུན་སྣང་གི་མཛད་པ་ཙམ་ཡང་ཇི་བཞིན་བརྗོད་པར་སུ་ཡིས་ནུས།
སྙིགས་མའི་རང་མཚང་ཀུན་ནས་བརྡལ་དུས་ཁྱེད་སྐུ་མཚན་དཔེ་པདྨོ་བཞད།།
གངས་ལྗོངས་འགྲོ་བ་བསོད་ནམས་རྒུད་དུས་ཁྱེད་ནི་བོད་མི་སྐྱོབ་པའི་གཉེན།།
ཆོས་ལུགས་ཕན་ཚུན་དགྲ་ལྟར་ལྟ་དུས་ཁྱེད་ཀྱིས་མཐུན་ལམ་ཡང་དག་བསྐྲུན།།
ཁྱེད་ནི་རྒུད་ཚོགས་རྨོངས་མུན་བསལ་བའི་འོད་སྣང་སྟོང་ལྡན་ཉི་གཞོན་ཞིག།
ཨ་རོ། སུ་ཡིན་ང་བློ་ཡར་གྱི་མིང་རྐུས་ནས་མྱི་ལྟིག་ལ་བསླབ་བྱ་དང་། ཀུ་རེ་རྩེད་མཁན་ཁྱེད་སུ་ཡིན།
རྐུན་མ་ཁྱེད་ཀྱིས་བྲིས་པ་འདི་རེད་༼ཨ་ར མྱི་ལྟིག་ཁྱེད་ཚོའི་དགེ་རྒན་ཚོས་བོད་ཡིག་གི་ཤད་རྒྱག་སྟངས་ཁྲིད་ཀྱིན་ཡོད་ས་མ་ར། ཡང་ན་ཁྲིད་ཤེས་ཀྱི་མེད་པ་རེད་དམ། ཧཧཧཧཧ་སྐུ་རེ་ཡིན།
ཤུགས་རྒྱོབས་དང་རྩོམ་ཡིག་ཡག་པོ་ཡོང་ས་མེད།༽
བློ་ཡར་རྫུན་མ་ལགས།ང་ནོར་བ་མ་རེད།ངའི་དྲུང་ཡིག་རེད།་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་གང་ལྟར་རྗེས་ཕྱོགས་གཟབ་ནན་བྱེད་ཁོ་ཐག་ཡིན།ཁྱོད་ཀྱིས་ཀྱང་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ཧཧཧཧཧཧཧཧཧཧཧཧཧཧཧཧཧ་