སྐྲན།
རྐང་ཤག་གཡས་པའི་ནང་ནས།། མི་ཚོ་ཡར་ལ་རྒྱུགས་ཤིང་།།
རྐང་ཤག་གཡོན་པའི་ནང་ནས།། རླངས་འཁོར་མར་ལ་བཞུད་ཅིང་།།
འཛོམས་ས་ཁ་ཁོར་ནང་ཡིན།།
རྐང་ཤག་གཡས་ནས་ཆས་ན།། སླར་ཡང་གཡོན་ནས་ཐོན་ཆོག།
པུས་མོ་རལ་བའི་ནང་ནས།། ཡང་བསྐྱར་ཕྱིར་ལ་ཐོན་ཆོག།
རྡ་ས་རྐང་སྣམ་རལ་བོ།།
བརླ་ཁུག་གཡས་ཀྱི་ས་ན།། བོད་རྒྱ་གཉིས་ཀྱི་ཇ་ཁང་།།
བརླ་ཁུག་གཡོན་པའི་ཕྱོགས་ན།། བོད་དབྱིན་གཉིས་ཀྱི་ཚོང་ཁང་།།
རྡ་ས་རྐང་སྣམ་རལ་བོ།།
གཅིན་སྒོའི་ཐད་ཀ་ཞིག་ན།། རྡ་སའི་ཆང་ཁང་ཆེན་མོ།།
བོད་རྒྱ་དབྱིན་གསུམ་འདུས་ནས།། གཅིན་པ་འདི་ལ་བཏང་འགྲོ།།
རྡ་ས་རྐང་སྣམ་རལ་བོ།།
སུག་བཅག་གཡས་པའི་མདོ་ན།། དད་པའི་ཕྱི་སྐོར་ནང་སྐོར།།
སུན་བཅག་གཡོན་པའི་མཚམས་ན།། བཙོན་སྡུག་ཁོས་མྱངས་ངས་མྱངས།།
རྡ་ས་རྐང་སྣམ་རལ་བོ།།
ཁྱོད་རང་གཡས་ནས་ཕེབས་དང་།། ང་རང་གཡོས་ནས་ཡོང་ཆོག།
རྐང་ཤག་རལ་བོ་རེ་ནས།། ཟུར་མིག་ལན་རེར་འཕངས་ཆོག།
རྡ་ས་རྐང་སྣམ་རལ་བོ།།
ཚ་བའི་དུག་རླངས་འཕྱུར་དུས། གང་ཡང་རལ་བས་སྐྱིད་པ།།
ཆར་སྨིག་ཆར་ཟླ་གྲང་དུས།། གང་ཞིག་རལ་བས་གྲང་བ།།
རྡ་ས་རྐང་སྣམ་རལ་བོ།།
བུ་མོ་མཛེས་མ་ཞིག་གི། ལྡེམ་སྟེངས་གཡོན་ནས་མཐོང་ན།།
རལ་བའི་བུ་ག་ཞིག་ནས།། ང་ཡང་གཡོན་ལ་ཐོན་ཆོག།
རྡ་ས་རྐང་སྣམ་རལ་བོ།།
སློབ་ཕྲུག་པྲ་འཆལ་ཞིག་གིས།། དགའ་བོར་དབུ་སྐོར་བཏང་ཡང་།།
རྐང་སྣམ་ཁ་ཁོར་ནང་ནས།། ཡང་བསྐྱར་གདོང་ཐུག་བརྒྱག་པ།།
རྡ་ས་རྐང་སྣམ་རལ་བོ།།
རྩོམ་འདི་སུས་ཀྱང་བཤད་ཤེས་ཤིང་སུས་ཀྱང་འབྲི་མ་ཐུབ་པར་ལྷག་པ་ཞིག་ཡིན་པས། སྙན་ངག་རེད། ཚིག་ཁ་ཤས་ཤིག་ཚང་མས་གོ་ཐུབ་མིན་མི་ཤེས་པས། དེར་འགྱུར་བ་ཞིག་གཏོང་ཐུབ་ན་སྔར་ལས་ཡིད་དབང་འགུགས་ཐུབ་པ་ཞིག་ཡོང་ངེས་རེད།
ཁ་བརྡ་ཚང་གིས་སྙན་དངག་གི་གྲས་སུ་བཀོད་ཀྱང་། བྲོ་བ་ཚད་ལྡན་ཞིག་མ་བྱུང་།
རྒན་ལྷ་སྡེ་གནམ་ལོ་ཡག་ནས་བསྟོད་ར་བྱས་པར་ཐུག་རྗེ་ཆེ་ཞུ་བ་དང་རྗེས་སུ་གང་ལེགས་བཟོ་ངེས་་་་
དྲ་གྲོགས་སྨུག་པོ་ལགས་ཀྱི་བསམ་ཚུལ་དྲང་བརྗོད་བྱས་པར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།