དེ་རིང་ནི་ ༢༠༠༩ ལོའི་ཟླ་གཉིས་པའི་ཚེས་བཅུ་གསུམ་རེད། གྷོའུ་གྷལ་གྱི་མདུན་ཤོག་ན་ཡོད་པའི་གསར་འགྱུར་དག་བམ་ཀློག་ཅིག་བྱས་པ་ཡིན། མདང་གནམ་གྲུ་ཞིག་ཨ་རིའི་ནིའུ་ཡོག་ཁུལ་དུ་བརྡབས་ནས་འགྲུལ་མི་དང་བཅས་པའི་མི་ལྔ་བཅུ་ཤི་འདུག ཨ་རིའི་སྲིད་འཛིན་གསར་པས་ཨ་རིའི་དཔལ་འབྱོར་ཉམས་ཆག་ཏུ་ཕྱིན་པ་གསོ་སླད་ཨ་སྒོར་དུང་ཕྱུར་བརྒྱད་བརྒྱ་ཙམ་གྱི་གཞུང་དངུལ་གཏོང་འཆར་ཡོད་པ་དེ་གྲོས་ཚོགས་ཀྱིས་རྒྱབ་གཉེར་ཐོབ་ལ་ཉེ་ཟེར། སོ་ནཱེ་ཟེར་བའི་བཟོ་གྲྭའི་དཀོན་མཆོག་གི་དམག་གསུམ་པ་ཞེས་པའི་གློག་ཀླད་རྩེད་མོ་ཞིག་བཟོས་འདུག
ཨེ་རག་གི་བུད་མེད་ཅིག་འབར་རྫས་ལུས་ལ་བཅིངས་ནས་ཤིའེ་ཏི་ཞེས་པའི་ཁ་ཆེའི་གནས་སྐོར་བ་བཞི་བཅུ་ལྷག་བསད་འདུག ཨི་ཟི་རལ་གྱི་དམག་གིས་གནམ་ཐོག་ནས་མདེལ་འཕེན་གྱིས་པཱ་ལི་སི་ཐེན་གྱི་ན་གཞོན་ཞིག་བསད་འདུག ཨ་ཧྥི་རི་ཀའི་ཛིམ་བྷ་ཝེ་ཞེས་པའི་བློན་ཆེན་འོས་གཞི་ཞིག་འཛིན་བཟུང་བྱས་འདུག ཨོ་སི་ཀྲི་རི་ལ་ཡའི་མེ་སྐྱོན་གྱི་གནད་དོན་ཐད་ནས་ཉེས་ཅན་པའི་དོགས་པ་ཡོད་པ་ཞིག་འཛིན་བཟུང་བྱས་འདུག ཨ་རིའི་ཧྥི་ལོ་རེ་ཌ་ཞེས་པའི་ནང་བུ་མོ་ལོ་ལྔ་ཅན་ཞིག་བོར་སོང་བ་དེ་ལ་རྐྱེན་བྱས་ནས་ཉེན་རྟོག་པས་བཙན་གཡེམ་ཐོ་འགོད་བྱས་པའི་མི་བཞི་བཅུ་ལ་འདྲི་བརྩད་བྱས་འདུག རྒྱ་གར་གྱིས་པཱ་ཀི་སི་ཐན་ལ་མུམ་བྷེའི་འཇིགས་སྐུལ་ནང་ཞུགས་མཁན་ཚོར་ཁྲིམས་གཅོད་བྱེད་དགོས་པའི་དགོས་འདུན་བཏོན་འདུག ཨི་ཟི་རེལ་གྱི་འོས་འདེམས་དེའི་མཇུག་འབྲས་ད་དུང་གསལ་ཁ་མི་འདུག་ཟེར། ཡེ་ཤེས་བླ་ཆེན་པོབ་ཀྱིས་ཇིའུ་ཆོས་ལུགས་པ་ཚོར་འབྲེལ་གཏུགས་བྱས་ནས་སྔོན་ཇིའུ་མི་རིགས་ས་ཡ་སྡེབ་གསོད་བྱས་པ་དེ་ཁས་ལེན་མི་བྱེད་ཐབས་མེད་རེད་ཟེར། རྒྱའི་སྲིད་འཛིན་ཨ་ཧྥི་རི་ཀ་ལ་བསྐོར་བསྐྱོད་བྱེད་གི་འདུག དབྱིན་ཡུལ་གྱི་བྱིས་པ་ལོ་ ༡༣ ཅན་ཞིག་ཕ་ཆགས་པ་རེད་ཟེར། འདི་འདྲ་མང་པོ་འདུག གྲོགས་པོ་ཚོ། མགོ་ན་གི་མི་འདུག་གམ།
ཨ་རོ། མགོ་ན་གི་མི་འདུག ཞོགས་པར་ཡར་ལངས་བ་འཛམ་གླིང་གི་གསར་འགྱུར་ྐློག་གི་ཡོད། དགོང་དྲོ་མར་མ་ཉལ་སྔོན་ལ་ཡང་གསར་འགྱུར་ྐློག་གི་ཡོད།
འདི་ཚོ་མ་ྐློག་ན་སློབ་གྲོགས་ཚོའི་རྗེས་མི་ཟིན་གི་ཡ།
ང་ཡང་དེ་བཞིན་ཡིན་ལགས།