ཤར་ཕྱོགས་ཁུག་རྟ།
གསར་དུ་སྒོ་འབྱེད་བྱས་པའི་ལན་འདེབས་དྲ་ངོས་འདི་ནི་རྒྱ་ནག་གཞུང་གིས་༧གོང་ས་མཆོག་དང། བཙན་བྱོལ་བོད་གཞུང་གི་འདས་མ་ད་གསུམ་གྱི་དོན་དངོས་ལ་འཁྱོག་བཤད་དང། རྫུན་སྒྲིག་བྱས་པ་དག་ལ་བདེན་པས་གསལ་བཤད་བྱེད་རྒྱུ་དབུས་སུ་འཇོག་རྒྱུར་ཆེད་ བཟོ་བྱས་པ་ཞིག་ཡིན། རྒྱ་གཞུང་གི་སྲིད་དོན་རྩེད་མོའི་རྣམ་འགྱུར་ལ་མཁྱེན་ལྡན་རྣམས་རྒྱུས་མངའ་ཡོད་ ཁར། དེའི་རྫུན་སྒྲིག་ལ་ལན་འདེབས་བྱས་ཀྱང་གོ་བརྡ་འཕྲོད་པའི་རྣམ་འགྱུར་ཙམ་ཡང་ ཕྱིར་བཏོན་བྱེད་རྒྱུ་དཀའ་བར་བཞེད་ནའང། གནས་ཚུལ་དངོས་གནས་མ་རྟོགས་པའི་བོད་རིགས་རྣམས་དང་བོད་ཀྱི་གྲོགས་པོ་ཚོ་ལ་དྲ་ ངོས་འདི་བརྒྱུད་བཙན་བྱོལ་བོད་གཞུང་གི་དྲང་བདེན། ཕྱི་གསལ་ནང་གསལ་གྱི་སྲིད་བྱུས་རྣམས་ཤེས་རྟོགས་འབྱུང་རྒྱུའི་རེ་བ་བྱེད་ཀྱི་ཡོད། འདས་པའི་ཉམས་མྱོང་ལྟར། ༧གོང་ས་མཆོག་དང་རང་གཞུང་ལ་རྒྱ་ནག་གཞུང་ནས་སྐུར་འདེབས་ཁྱད་གསོད་བྱས་པར་བོད་ མི་ཆེ་ཕྲ་ཚང་མར་ཐུགས་ཕམ་ཚད་མེད་བྱུང་བ་ལྟར། དྲ་ངོས་འདི་བརྒྱུད་ནས་བོད་རིགས་ཚང་མས་རྒྱ་ནག་གཞུང་གི་རྫུན་མཐིལ་བརྟོལ་ཏེ་ ཐུགས་ཕམ་རྣམས་དྲང་པོའི་གསལ་བཤད་ཀྱིས་གསོ་ཐུབ་པ་ཞིག་ཡོང་རྒྱུར་མཉམ་རུབ་གནང་ སྐྱོང་ཡོང་བ་དང་། བོད་རིགས་སུ་གཏོགས་ཚད་ཚང་མས་རང་ཉིད་ཀྱི་ཡིད་སེམས་དཀྲུག་གཞིའི་རྒྱ་གཞུང་གི་ སྐྱོན་བརྗོད་དང། རྫུན་སྒྲིག་མཐོང་ཐོས་སུ་གྱུར་བ་རྣམས་འདི་ག་ལན་འདེབས་ཚོགས་ཆུང་དུ་མཁོ་སྤྲོད་ བྱེད་པའམ། དངོས་དོན་ཤེས་ཐབས་ཀྱི་ཐབས་ལམ་བསྟེན་ཏེ་མཉམ་རུབ་ཀྱིས་སྨྱུག་ཁ་རྫུན་བཟོ་ལ་ གཏོད་ཐུབ་པ་ཞིག་འབྱུང་རྒྱུའི་རེ་བ་དང་བཅས།
དྲ་ངོས་རྩོམ་སྒྲིག་པའམ། ལན་འདེབས་ཚོགས་ཆུང་གི་རྒྱུན་ལས། ལྕག་ལོ་ཚང་བློ་བཟང་ཆོས་འབྱོར་གྱིས།
འབྲེལ་བ་གནང་ཡུལ། ཨིས་མལ། gangjenpa888@yahoo.co.in/ loveyoutibet@gmail.com/
ལག་ཁྱེར་ཁ་པར་ཨང། -91-9882533773
དྲ་རྒྱར་འཁྱུག་ཙམ་བལྟས་པ་ཡིན། རྒན་ཚེ་རིང་དབང་ཕྱུག་མཆོག་གིས་དབུས་ལན་འདེབས་ཚོགས་མི་ཚང་མར་བཀྲ་ཤིས་བདེ་ལེགས་ཡོད།
གོང་གི་ངོ་སྤྲོད་ནི། རྒྱ་ནག་ལ་ལན་ཐེབས་མིན་མི་ཤེས། བོད་པ་ནང་ཁུལ་ལ་གོ་བརྡ་སྤྲོད་པར་ཕན་པ་ཡོད་ཟེར་བའི་གོ་བ་སྟེར་བ་ཞིག་རེད། དེ་ཡང་ཡག་པོ་རེད། ཡིན་ནའང་། ངའི་འདི་ནས་ཁྱེད་རང་ཚོའི་དྲ་རྒྱ་དེ་དབུ་མེད་ལས་དབུ་ཅན་མི་འཆར་བ་ཞིག་འདུག དེར་ལམ་སྟོན་འདྲ་ཡོད་དམ།
རྒྱ་ནག་དབུས་གཞུང་གིས་བཙན་བྱོལ་གཞུང་ལ་ཁ་གཏད་དུ་དྲ་རྒྱ་དེ་འདྲ་ཞིག་བཟོས་འདུག ཁྱེད་ཚོའི་དྲ་བ་འདི་ཡང་དེའི་ལད་མོ་ལྟ་བུ་ཞིག་རེད། བདེན་པ་ནི་ནམ་ཡང་བདེ་པ་ཡིན་པས་ག་ལེར་གསལ་བོར་ཆགས་ཡོང་སྟབས། དེ་ལ་བསམ་གཟས་ཚོགས་པ་བཟོ་བ་དང་སྐུལ་སློང་བྱས་ཏེ་ལན་འདེབས་དགོས་པ་གང་ཡང་མཐོང་གི་མི་འདུག འདི་བདེན་པའི་མེད་པའི་རྒྱ་དམར་ལྟ་བུ་ཞིག་ཡིན་ངེས་པར་དུ་ལྷོད་མི་རུང་ལས་གཞི་ཡིན། ང་ཚོ་བདེན་པ་ཡོད་སྟབས་ལན་རྒྱོབ་མི་རྒྱོབ་ཀྱི་དཀའ་ངལ་མྱང་མི་དགོས་པར་འདོད།