གཡང་སྐྱབས་རྒྱལ་གྱིས།
_______________
དེ་རིང་རེས་གཟའ་སྤེན་པ་རེད། ང་སྐྲ་བཞར་ཁང་ཞིག་ཏུ་སོང་། སྐྲ་བཞར་ཁང་དེའི་སྐྲ་བཞར་པ་རྣམས་ནི་དབྱིན་མོ་དཀར་པོ་ཤ་སྟག་རེད། ང་སྒོ་ནས་ཡར་འཛུལ། ཐོ་འགོད་ཀྱི་མདུན་ཅོག་དེའི་མདུན་ནས་ཡར་ལངས། བུ་མོ་ཞིག་འཛུམ་དང་བཅས་ཚུར་གློག་ཀླད་ཀྱི་མདུན་དེར་སླེབས།
“ཁྱེད་རང་གི་སྐྲ་བཞར་དགོས་ཡོད་དམ།”
“ལགས་ཡོད། ངའི་སྐྲ་བཞར་དགོས་ཡོད།”
“མིང་ལ་ཅི་ཟེར།” “ཁ་བྱང་དང་ཁ་པར་ཨང་གྲངས་ག་རེ་ཡིན།”
ངས་དྲི་བ་རེ་རེ་ལ་ལན་བཏབ། གུས་ཞབས་དང་བཅས་ལན་བཏབ།
“སྐར་མ་ ༢༠ ལ་སྒུག་དགོས།”
“ཡིན་དང་ཡིན། ང་སྐར་མ་ཉི་ཤུ་ནས་སླེབས་ཡོང་” ངས་ལན་དེ་སྤྲད་རྗེས་འཁྲིས་ཀྱི་ཇ་ཁང་ཞིག་ཏུ་འཛུལ། ཇ་ཁང་དེར་ང་ལ་ངན་ལང་དུ་ཤོར་ཟིན་པའི་འཚིག་ཇ་ཞིག་ཉོས་ནས་འཐུང་ཞོར་ཚགས་པར་བཀླགས་པ་ཡིན། སྐར་མ་ཉི་ཤུ་འགོར་སོང་། ག་ལེར་སླར་ཡང་སྐྲ་བཞར་ཁང་དུ་སོང་། དབྱིན་མོ་ལོ་ན་སུམ་བཅུ་བརྒལ་བ། སྐྲ་ཐུང་ངུ་རྣ་རྩ་ནས་བཅད་པ། སྐྱེ་གཟུགས་ལེགས་པ་ཞིག་གིས་ང་མཐོང་མ་ཐག་གློག་ཀླད་ཀྱི་མདུན་དེར་སླེབས་ཡོང་། ང་ཡང་གུས་ཞབས་དང་བཅས་མོའི་མདུན་དེར་རྒྱུགས། མོའི་གདོང་ན་འཛུམ་རིས་ཤིག་མི་འདུག ང་ནི་མི་གསོད་ཀྱི་དམེ་བོ་ཞིག་གམ། རིགས་ངན་གྱི་བུ་ཞིག་ཡིན་པ་ལྟར། སྣེ་ལེན་བྱས་བྱུང་།
“ཁྱོད་ཀྱི་མིང་ལ་ཅི་ཟེར”
“ངས་ངའི་མིང་ཐོ་བཀོད་ཟིན་པ་ཡིན།”
“ཡིན་ན་ཡང་། ང་ལ་མིང་ཐོ་དགོས།”
“ངས་མིང་ཐོ་བཀོད་ཡོད་པ་ལ་གཟིགས་རོགས།”
“མིང་ལ་ཅི་ཟེར།”
གདོང་ནག་སེང་ངེར་འདུག ཁྲོ་མིག་ཆེན་པོ་ཞིག་ངའི་གདོང་ལ་འཕངས། ཁ་མུར་མུར་གྱིས་ཅིག་ཟ་བཞིན་འདུག་ལ། ཧ་ལམ་ང་ནི་མོའི་མདུན་གྱི་ཉེས་ཅན་པ་ཞིག་དང་། མོ་ནི་ངའི་མདུན་གྱི་ཁྲིམས་དཔོན་ཞིག་དང་འདྲ། ངའི་སེམས་ལྗིད་ཏིག་གེར་གྱུར། ང་ལ་འདི་ལྟར་བྱེད་དོན་གང་ཡིན་ནམ། ངའི་ཨེ་ཤེ་ཡའི་གདོང་འདིའི་ནག་ཉེས་ཡིན་ནམ། སྐད་ཅིག་གི་རིང་། ང་ལ་དོན་འདི་ལ་གདོང་ལེན་བྱེད་པའི་ཐབས་མེད་པར་གྱུར།
“དགོངས་དག ངས་སྐྲ་བཞར་གྱི་ཐོ་བཀོད་པ་དེ་མེད་པ་བཟོ་རོགས།” ངའི་ཁ་ནས་ཚིག་དེ་ཤོར། ང་ཕྱིར་བསྣུར་བྱས། དེ་ནས་ང་ཁོང་ཚོ་དང་ཁ་བྲལ་ནས་སྐྲ་བཞར་ཁང་གཞན་ཞིག་ཏུ་ཕྱིན་པ་ཡིན། “འདྲ་མཉམ་དང་རང་དབང་”གི་འོད་སྣང་འཕྲོ་བའི་ས་ཆ་འདི་ན་ཡང་ “མཐོང་ཆུང་དང་ཁྱད་གསོད་”ཀྱི་མེ་ལྕེ་མཆེད་བཞིན་འདུག
ཨ་རོ། སྐྱབས་བཅོལ་བ་ཡིན་ཚར་བའི་རྗེས་ལ། གང་ནས་བསྡད་ན་ཡང་། ཕྱིའི་མཐུན་རྐྱེན་འགྲིག་བསྡད་རུང་། ནང་སེམས་པ་མི་སྐྱིད་གི་ཡ།
ཁོ་མོས་ཁྱེད་རང་རྒྱ་རྒན་ཞིག་རེད་འདོད་པ་ཡིན་རྒྱུ་རེད།
ངའི་ཉམས་མྱོང་ལྟར་ན་བྱ་བ་གང་ཐད་ནས་ཨ་རིའི་ནང་ལོ་རྒན་ལས་ལོ་གཞོན་གྱི་རྣམ་འགྱུར་ཡག
སྔོན་མ་ཞིག་ལ་བྱ་ཁྱུང་དགོན་པར་མཆོད་མཇལ་དུ་སོང་དུས། དཔའ་ལུང་ནས་ཡིན་པའི་དཀོར་གཉེར་ཞིག་གིས་ཕྱག་འཚལ་ན་ལྷ་ཁང་ཕྱི་རུ་སོང་ཟེར་བར། དེའི་རྒྱུ་མཚན་ཅི་ཡིན་ནམ་ཞེས་དྲིས་པར། སྐད་ཆ་འདྲི་རྒྱུ་མ་མང་བར་སྒོར་སོང་ཟེར་ནས་ཕྱི་ལ་དེད་པ་དེ་དྲན་ཚེ། རང་གི་ཕ་ས་ཕ་ཡུལ་ནས་སྟོན་པའི་ན་བཟའ་གྱོན་མཁན་གྱི་མཆོད་གནས་ཚོའི་བརྙས་བཅོས་ཀྱང་མྱོང་དགོས་པ་དེ་དྲ་གྲོགས་ཚོར་དྲན་གསོ་ཤིག་ཞུས་ན་བསམ་བྱུང་། ཡིན་ནའང་བྱ་ཁྱུང་གསེར་སྡོང་ལྷ་ཁང་གི་དཀོར་གཉེར་དེ་ནི་གྲྭ་བ་བཟང་པོ་གསེར་འདྲ་འདྲ་ཞིག་རེད། གང་ལྟར་སྟོན་པའི་ན་བཟའི་ཕག་ན་ཡིན་མདོག་བྱེད་པའི་གྲྭ་རྫུན་བླ་རྫུན་ཚོའི་མཐོང་ཆུང་དང་ཁྱད་གསོད་ལས་ལྷག་གི་བློ་ཕམ་དང་རེ་ཆད་འབྱུང་ས་ཤིག་ཨེ་ཡོད་བསམ།
ཕྱི་དཀྱུས་མ་ཞིག་གིས་རྣམ་འགྱུར་ལ་དེ་ཙམ་བློ་ཕམ་བྱེད་རིན་མེད་པ་མཐོང་། སེམས་སྐྱོ་བ་ཞིག་ལ་ལོ་གཅིག་ཙམ་གྱི་གོང་དུ་གུས་པའི་མ་རྒན་རྒྱ་གར་ལ་༧རྒྱལ་བ་རིན་པོ་ཆེ་མཇལ་དུ་ཡོང་བ་དང་བསམ་དོན་བཞིན་ཁོང་རིག་གི་ཕྱག་མཇལ་ཐོབ། ཞལ་གསུང་ཐོས་ནས་དགའ་འདུག དེ་ནས་རྒྱལ་བ་ཀརྨ་པ་མཇལ་དུ་སོང་དུས་མ་རྒན་ལོ་ལོན་མ་འབྱོར་དུས་ཀརྨ་པའི་མཇལ་ཁ་གནང་གི་མེད་པའི་ཉི་མར་ཁེལ་འདུག་པས། མཇལ་ཁ་ཐོབ་རྒྱུ་ཕར་ཤོག་ཉེ་འཁོར་གྱི་གྲྭ་བ་ཞིག་གིས་རྣམ་འགྱུར་སྡུག་སྐྱག་ཅིག་སྟོན་ཞོར་ལ་གཤེ་གཤེ་འདྲ་བོ་བཏང་ནས་ཕུད་འདུག དེ་ནས་ཁོང་ལ་མཇལ་མ་ཐུབ་པར་ཕྱིར་ཕ་ཡུལ་ལ་ལོག་སོང་བ་རེད། ཚེ་འདི་ལ་ཁོང་དང་སླར་ཡང་མཇལ་དུ་ཡོང་ཐུབ་ཀྱི་མེད་པ་རེད། སྐབས་དེར་ངའི་བསམ་པར་༧རྒྱལ་བ་རིན་པོ་ཆེས་བོད་ནས་མཇལ་བ་གསར་འབྱོར་ཚོར་དེ་ཙམ་གྱིས་བརྩེ་བས་གཟིགས་ཤིང་མཇལ་ཁ་གནང་གི་ཡོད་ན། རྒྱལ་བ་ཀརྨ་པས་མཇལ་རང་གི་གཟི་བརྗིད་སྟོན་སྟངས་དང་སྟོན་ས་འགྲིག་ཡོད་ན་དྲན་སོང་། ཁོང་གིས་ཉེ་འཁོར་གྱི་ལས་བྱེད་དེ་ཚོའི་སྤྱོད་པ་དང་བོད་ནས་ཕེབས་པའི་གསར་འབྱོར་ཚོའི་རེ་བ་དང་དད་པ་མཁྱེན་ཐུབ་ཡོད་ན་བསམ་ནས་སེམས་པ་སྐྱོ་བོ་བྱུང་།
སྐྲ་ཅིག་བཞར་ན་ཡང་སྡོད་གནས་ཁ་བྱང་དང་ཁ་པར་ཨང་གྲངས་དགོས་པ་རེད་དམ།
ཤོབ་གཏམ་རེ་ཡེ་ཤོབ་གཏམ་རེ་བྱེད་ཡ། སྔ་མ་ཞིག་ལ་པེ་ཅིན་ལ་མའོ་ཙེ་ཏུང་གི་སྐུ་གདུང་མཇལ་དུ་སོང་བ་ཡིན། ངའི་སྐེ་ན་དར་དམར་པས་དམག་མི་ཚོས་ང་མཇལ་ཁ་ཡག་བཏང་སོང་། འདི་གནས་ཚུལ་ངོ་མ་ཡིན།
མའོ་ཙེ་ཏུང་གི་སྡིག་རོ་ལ་ཅི་ཞིག་ལྟ་རྒྱུ་འདུག
ཨོ་ལེ། མའོ་ཙེ་ཏུང་གི་རོ་ལ་ཇི་ཞིག་ལྟ་རྒྱུ།
ད་གང་ལྟར་ང་ཚོས་ཤུགས་བརྒྱག་དགོས་ཀྱི་འདུག
མ་གཞི་སྐྲ་བཞར་བ་ལ་ཐོ་འགོད་བྱེད་དགོས་པའང་ཡ་མཚན་རེད། དེ་རྒྱལ་ཁབ་སུ་ཞིག་གི་སྲོལ་རེད།
གྲོགས་པོ་ཚོས་ངའི་རྩོམ་ལ་མཆན་བཏབ་པ་ལ་ཐུགས་རྗེ་ཆེ། དྲི་བ་གཉིས་འདུག ལན་ནི།
སྐྲ་བཞར་དུས་ཐོ་འགོད་བྱེད་དགོས་ས་འདི་ཨ་མི་རི་ཀའི་ལུང་པ་རེད། ཁ་པར་ཨང་གྲངས་དང་ཁ་བྱང་ཡང་དགོས་གི་འདུག
སྐྲ་བཞར་ཁང་དེའི་བུད་མེད་དེ་དཀའ་ལས་ཁག་ཡོད་ནའང་འདྲ་།གང་ལྟར་ང་ཚོས་ཕར་གླ་སྤྲོད་ཀྱི་ཡོད་པ་རེད་མ་གཏོགས་ཚུར་སྤྲད་པ་དཔེ་མི་སྲིད་།་སྒོར་མོ་སྤྲད་ན་སྐྲ་བཞར་ཁང་ནི་སོ་སོར་འདེམས་ཁ་ཡོད་བཞིན་།ཁྱེད་ཀྱིས་དེར་སྐར་བཞི་བཅུ་ལ་སྒུག་དགོས་དོན་ཅི།ཡང་ཅིག་མིན་ན་བུད་མེད་དེའི་རྣམ་པས་ཁྱེད་རང་་་་་་་་་་་་་་་་་་་་
ངའང་དོགས་པ་ཟ་གི
ཁྱེད་རང་གི་ནོར་འཁྲུལ་རེད། གཏོགས་ཙམ་བཟོད་གསན་དང་། མིང་ཡང་བསྐྱར་ཐེངས་ཤིག་ལབ་ན་འགྲིགས་ཀྱི་རེད་པ།