རིན་པོ་ཆེ།
CCTV
ཁུངས་མེད་རུ་དཔུང་ཞེས་པ་ཞིག་ཅི་ལྟར་བཏགས་པ་ཡིན་ནམ།
ཤར།
དེ་ནི་དོན་དང་བྱེད་ལས་ཀྱི་ཆ་ནས་ཐོལ་གྱིས་བཏགས་པ་ཞིག་ཡིན། ངེས་པར་དུ་ཤེས་དགོས་པ་ཞིག་ལ་ཁུངས་མེད་རུ་དཔུང་ལ་རང་ཚོད་ཀྱི་ལྷག་བསམ་ཡོད་པ་རེད།
CCTV
ཁྱེད་ཚོར་སྲིད་དོན་ཚོགས་པ་མེད་པ་མ་ཟད། ཆབ་སྲིད་ཀྱི་ལྟ་གྲུབ་བཤད་ཡོང་སྐབས་དཀའ་ངལ་ཞིག་ཡོང་གི་མེད་དམ།
ཤར།
དེ་ཁྱེད་རྦད་དེ་ནོར་འདུག སྲིད་དོན་ཚོགས་པ་མེད་པ་བདེན་ཡང་། ཆབ་སྲིད་ཀྱི་ལྟ་གྲུབ་དང་སྲིད་བྱུས་ལངས་ཕྱོགས་བཤད་དུས་དཀའ་ངལ་ཡོང་གི་ཡོད་པ་མ་རེད། ཁྱེད་ཀྱི་རྣམ་རྟོག་ནི་ཏག་ཏག་ཁུངས་མེད་རུ་དཔུང་གིས་བཤད་བཞིན་པའི་སྲིད་བྱུས་ལངས་ཕྱོགས་དད་འདུན་གྱིས་ཁ་བསྒྱུར་གྱི་འདུག ཤུགས་ཆེན་པོས་ཁྱེར་གྱི་འདུག་ཅེས་བཤད་ཡོད་པ་དེ་དང་གཅིག་མཚུངས་རེད། དེ་ནི་བཙན་བྱོལ་སྒྲིག་འཛུགས་ཀྱི་མང་གཙོར་དོགས་པ་ཡོད་མཁན་ཚོ་དང་། ལྷག་པར་སྐུ་ཉིད་ཀྱི་གཞུང་ལ་འཕྲོད་ཐག་གཅོད་འཕྲོད་ས་རེད། ཡིན་ནའང་། གོང་གི་སྐད་ཆ་འདི་དོན་དངོས་ཀྱི་ཆ་ནས་རྫུན་མ་ཡིན་ཡང་། སྲིད་དོན་སྒྱུ་རྩལ་གྱི་སྐད་ཆའི་ཁྱབ་ཁོངས་ནས་ངས་ཕྱིར་བཏོན་མེད།
CCTV
ཁུངས་མེད་རུ་དཔུང་དང་ཏཱ་ལའི་རུ་ཚོགས་ཀྱི་མང་གཙོ་རྫུན་མའི་འབྲེལ་བ་ཅི་ལྟར་ལྟ་དགོས་སམ།
ཤར།
དེ་ཧ་ཅང་གསལ་བོར་བཤད་ཡོད། དེ་ནི་རྒྱ་ནག་ཙམ་ཏུ་མ་ཟད། ང་ཚོ་བོད་རིགས་ཚོས་ཀྱང་༧གོང་ས་མཆོག་མ་མཐོང་པའི་ངོས་ཤིག་ཡིན་པ་གསལ་བོ་རེད། བཙན་བྱོལ་སྒྲིག་འཛུགས་ཀྱི་མང་གཙོའི་འཕེལ་རིམ་ནི་བྱིས་པ་ཞིག་ནར་སོན་པའི་བརྒྱུད་རིམ་དང་མཚུངས་ལ། ངས་ནན་བརྗོད་བྱེད་གཞི་ནི་བྱིས་པར་ཉོབ་སྣང་མེད་པའི་ཕའམ་མ་དེའི་ངང་རྒྱུད་དང་ཕུགས་བསམ། རེ་བ་བཅས་ཡིན། ལེགས་བཅོས་སྤྱི་ཚོགས་བཙུགས་པ་ནས་ཆབ་སྲིད་ཀྱི་འགན་དབང་རྩིས་སྤྲོད་བྱེད་རྒྱུའི་བར་༧གོང་ས་མཆོག་གི་ཐུགས་ཐག་ཆོད་པས་འགྱུར་བ་བཏང་རིམ་ནི་ཞིབ་འཇུག་སྔོན་སོང་གིས་འཕྲལ་ཕུགས་རྒྱང་གསུམ་ལ་གཟིགས་པ་ཤ་སྟག་ཡིན། འོན་ཀྱང་ཁུངས་མེད་རུ་དཔུང་དང་ང་ཚོའི་ཡང་དག་པའི་མང་གཙོའི་བར་ལ་འབྲེལ་བ་ཅི་ཡང་མེད། དེ་ནི་རང་གིས་རང་ཉིད་མང་གཙོ་དོན་གཉེར་བར་བསྒྲགས་པ་ཚོས་བཙན་བྱོལ་བོད་མིའི་མང་གཙོ་འཕེལ་རིམ་ལ་དོན་དམ་གྱི་བསམ་འཆར་གང་ཡང་ད་བར་ཕུལ་ཐུབ་མེད། ཁོ་ཚོས་ད་བར་གནང་བ་དག་ནི་ཤོག་སྦགས་ལྟར་འཕྲལ་དུ་སྐད་ཆེན་པོ་འདྲ་ཞིག་གྲགས་རུང་། དེ་ནི་སྐར་ཆ་ཁ་ཤས་ནས་ས་རྡུལ་གྱི་ངོ་བོར་གྱུར་སོང་བ་དེ་རེད། ས་རྡུལ་འཕྱུར་ཡོང་སྐབས་མི་ཚང་མས་ལག་པ་གཡུག་ནས་ལམ་སེང་དེ་ལས་གཡོལ་ཐབས་དང་མི་འདོད་པའི་རྣམ་འགྱུར་སྟོན་པ་ཆོས་ཉིད་ཅིག་རེད།
CCTV
ཁྱེད་ཀྱིས་བཤད་བཞིན་པའི་ཁུངས་མེད་རུ་དཔུང་ཞེས་པ་ནི་དོན་དངོས་ཅི་ཞིག་ཡིན་ནམ།
ཤར།
དེ་ནི་ངས་གསལ་བོ་བཤད་ཡོད། ང་ཚོའི་མི་རིགས་འདི་དཀའ་དུས་སྡུག་དུས་ཚང་མའི་གནས་སྐབས་དང་། མདོར་ན་གུང་བྲན་ཏང་གིས་བཙན་ཟོས་བྱས་དུས་ནས་བོད་མི་རིགས་འདི་མི་རིགས་ཤིག་གི་རྣམ་པར་ས་ཆེན་པོར་གནས་འཆའ་རྒྱུར་བསམ་མནོ་དང་ཕྱག་ལས་གཉིས་ཀ་ཐོངས་དང་བྱེད་མཁན་ནི་༧གོང་ས་མཆོག་གཅིག་རང་གཅིག་ཡིན། རྒྱུ་མཚན་དེས་ཡིན་ནམ། ངས་གོ་ཐོས་སུ་མའོ་ཙེ་ཏུང་གིས་གསེར་ཉ་མེད་པའི་རྒྱ་མཚོ་ཅི་ལྟར་ཆེ་ཡང་དོན་སྙིང་མི་ལྡན་ཚུལ་བཤད་འདུག དོན་དམ་གྱི་ཆ་ནས་བཤད་ན་བོད་རིགས་མི་མང་སྐྱོབ་པའི་རླབས་ཆེན་གྱི་དབུ་ཁྲིད་༧གོང་ས་མཆོག་ཉག་ཅིག་ཡིན་པ་དང་། ཁོང་ཡོད་ན་བོད་མི་རིགས་ཀྱང་གནས་ངེས་པར་སྐབས་དེ་ཤེད་ནས་རྒྱ་ནག་གི་འགོ་ཁྲིད་ཚོས་ཀྱང་མི་འདོད་བཞིན་དུ་ཁས་ལེན་གནང་གི་ཡོད་པ་རེད། ཡིན་ནའང་། དུས་རབས་གསར་པའི་འགོ་ཁྲིད་ཚོས་ཁུངས་མེད་རུ་དཔུང་གི་བྱེད་ལས་ལྟར་རྫུན་སྒྲིག་དང་སྐུར་འདེབས་ཀྱི་ལས་ཁོ་ན་བསྟེན་བཞིན་པ་དེ་རེད། དེ་ནི་འགྲོ་བ་མིའི་ཆེ་མཐོང་དང་། བརྩི་བཀུར། བདེ་སྡུག་མཉམ་མྱོང་གི་ཁྱབ་ཁོངས་ལས་བརྒལ་སོང་བ་ཞིག་ཡིན་པས། གཞུང་འཛིན་སྟོང་ཕྲག་མང་པོའི་ཁྲོད་ནས་དབུ་ཁྲིད་ཀྱི་རྣམ་རིག་ཆེས་ཐབས་སྡུག་ཅིག་མ་རྙེད་པས་འཛམ་གླིང་རྒྱལ་ཚོགས་ནང་ནས་རང་བཞིན་གྱིས་ཟུར་དུ་ཐོན་པ་རེད། ཁུངས་མེད་རུ་དཔུང་གིས་ཀྱང་དེ་ལྟར་གཞི་མེད་ལ་དོགས་གཞི་དང་། མཁས་མཛངས་འཕྲུལ་གསུམ་གྱི་རྣམ་དཔྱོད་ཀྱིས་སྐྱོན་བརྗོད་བྱེད་པ་ལས་ལྡོག་སྟེ། སྐུར་འདེབས་རྐྱང་རྐྱང་བྱས་སྟབས། ཆབ་སྲིད་འཐབ་རྩོད་ཀྱི་ཁྱབ་ཁོངས་ནས་༼ ཁུངས་མེད་རུ་དཔུང་ ༽ཞེས་པ་འདི་ཏག་ཏག་མཛའ་ལ་འོས་པའི་མིང་ཞིག་ཡིན། ཡིན་ནའང་། བྱེད་ལས་འདི་དག་ཡོངས་ཁུངས་ཀྱི་གང་ཟག་ཁོ་རང་གི་ཤེས་བབ་དང་སྒེར་གཤིས་ལ་ངས་ཇུས་གཏོགས་བྱས་མེད། བོད་མི་རིགས་ལ་མཚོན་ན། ངས་ཇུས་གཏོགས་མ་བྱས་ས་དེ་ཀུན་པོའི་ངོ་བོ་དང་འབྲེལ་སྟབས་དམངས་ཁྲོད་ནས་རང་བཞིན་གྱིས་དྲི་བ་དང་དོགས་པ་བྱེད་ཀྱི་རེད།
CCTV
ཉེ་ཆར་གྱི་༧ཏཱ་ལའི་རྒས་གཡོལ་ནི་ཆབ་སྲིད་ཀྱི་འཁྲབ་སྟོན་ཞིག་ཡིན་པ་གསལ་བོ་རེད། དེས་བོད་མི་ཚོར་སེམས་འཚབ་ཅི་ལྟར་བསླངས་པ་རེད་དམ།
ཤར།
ཁྱེད་ཚོའི་དམར་པོའི་གཞུང་གིས་རྒས་གཡོལ་དེ་ཁ་ཞེ་གཉིས་མེད་ཡིན་མིན་ལ་ཁུངས་སྐྱེལ་དགོས་ཞེས་ཤོད་རྒྱུར་ངས་ཚོད་དཔག་ཐུབ་ཀི་འདུག་ལ། དེ་ནི་ཏག་ཏག་ལོ་སྔོན་མ་དག་གི་སྐབས་སུ་བྱུང་པའི་ཕྱེད་རང་བཙན་དང་རྣམ་པ་འགྱུར་པའི་རང་བཙན་ཟེར་བ་དག་གི་གྲས་སུ་བཙན་འདོགས་བྱེད་རྒྱུ་ནི་སྨྲས་མ་དགོས་པ་ཞིག་རེད། ང་རང་མྱི་ཆུང་ཆུང་སྒེར་གྱི་བསམ་ཚུལ་སྔ་མོ་ནས་ཞུས་པ་ལྟར། དོན་དངོས་པོའི་ཆ་ནས་བཤད་ན། ད་ཐེངས་ཀྱི་འགྱུར་གཏོང་དགོས་རིགས་ཁོང་གི་ཆབ་སྲིད་དང་འཛིན་སྐྱོང་གི་འགན་ཁུར་མཚོན་པའི། དགའ་ལྡན་ཕོ་བྲང་གི་གཞུང་སའི་མིང་བྱང་ཚུན་ཆད་བཅས་པ་རེད། འདི་ནི་ཡིག་ཐོག་རང་བཞིན་གྱི་འགྱུར་བ་ཞིག་ཡིན་ན་མ་གཏོགས་དོན་དམ་མང་གཙོ་དབུ་བརྙེས་དུས་ནས་འགྱུར་བ་ཕྱིན་ཚར་བ་རེད།
ད་དུང་གསལ་བོ་རྟོགས་ཀྱི་མེད་པ་ཞིག་དང་བོད་མི་ཚོར་བློ་འཚབ་བསླངས་གཞི་ཞིག་ནི། ༧གོང་ས་མཆོག་གི་གསུང་འཕྲིན་ནང་དུས་ཚོད་སྨིན་པོར་ངོས་འཛིན་གནང་བ་དེ་དང་། ཁོང་གི་རླབས་ཆེན་དང་ལོ་རྒྱུས་ཡོད་པའི་མཚན་གནས་རྗེས་འབྲེལ་གཞུང་སྲིད་ནང་མཇུག་བསྡུ་རྒྱག་དགོས་གསུངས་པ་དག་རེད། ང་ཚོ་མི་རབས་གསར་བ་རེད་ལ། བཙན་འོག་གི་བོད་པ་ཚོ་ལས་དེང་རབས་ཀྱི་ཤེས་ཡོན་དང་རང་དབང་སོགས་གང་ས་ཅི་ཐད་ནས་ང་ཚོར་སློབ་རྒྱུའི་གོ་སྐབས་ཐོབ་ཡོད་པས། བོད་མི་རིགས་རང་གི་དགོས་མཁོ་དང་འཛམ་གླིང་སྤྱི་སྲོལ་དང་མཐུན་པའི་ལམ་ལུགས་འཛུགས་བསྐྲུན་བྱེད་དགོས་ན། ༧གསུང་འཕྲིན་ནང་གི་འཁོད་དོན་ཡོངས་རྫོགས་ལག་བསྟར་བྱེད་དགོས་པར་རྦད་དེ་མཐོང་གི་མི་འདུག མཐོང་པའི་བློ་མིག་རྙེད་ཀྱི་མི་འདུག ད་བར་དེ་དག་གིས་གནོད་གཞི་ཞིག་རྒྱ་ནག་གིས་སྒྲོག་གི་ཡོད་ན་མ་གཏོགས་རྒྱལ་སྤྱིའི་ཁྱོན་ན་རྒྱུ་མཚན་ལྡན་པའི་ངོས་འཛིན་གནང་མཁན་གཅིག་ཀྱང་བྱུང་མེད། ཡིན་ནའང་། ང་ཚོ་མང་གཙོ་ཡིན་པས་ཐབས་ཤེས་མེད་པ་རེད། དོན་དག་འདི་ངས་ལྟོས་ན་བོད་མི་ཚོ་བློ་འཚབ་ལངས་བྱེད་དེ་རེད།
CCTV
གཞོན་ནུ་ལྷན་ཚོགས་ནི་དྲག་སྤྱོད་པ་ཡིན་པ་དང་། ད་བཀའ་བློན་ཁྲི་པ་ཟེར་པ་སླེབས་རྒྱུའི་བློ་བཟང་སེང་གེ་ཀྱང་དྲག་སྤྱོད་པ་ཞིག་རེད། ཏཱ་ལས་དངོས་གནས་ཆབ་སྲིད་ཀྱི་འགན་མ་བཞེས་ཚེ། མ་འོངས་པར་ཁ་བྲལ་པ་ཚོ་ལམ་ཁ་གང་དུ་བསྐྱོད་ཀྱི་ཡོད་དམ།
ཤར།
གཞོན་ནུ་ལྷན་ཚོགས་དང་བཀའ་ཁྲིའི་འོས་མི་དྲག་སྤྱོད་པ་ཡིན་ཚུལ་གསུངས་པ་ནི་དགོད་བྲོ་བ་ཞིག་རེད། དྲང་བདེན་དང་ཤེས་རབ། མཁས་མཛངས་ཀྱི་མི་ཚེ་བསྐྱལ་བའི་༧གོང་ས་༧ཏཱ་ལའི་བླ་མ་ལྟ་བུའི་སྐྱེས་ཆེན་རྣམས་འཛམ་གླིང་ཤར་ནུབ་གང་དུའང་བྱོན་མ་མྱོང་པའི་དབང་དུ་བཏང་ན། ང་ཚོ་དབང་པོ་ལྔ་ཚང་གི་འགྲོ་བ་མི་རྣམས་ཀྱིས་དྲག་པོའི་ལམ་ཁ་ནས་འཚོ་གནས་ཙམ་པོ་བ་ཞིག་དོན་དུ་མི་གཉེར་པའི་ངེས་པ་ཅི་ཡང་མེད་པ་རེད། ལར་ཞེན་དང་ཁོག་དཔུང་ཟེར་བའི་བོད་མི་རིགས་ཀྱི་མི་རབས་རིམ་བརྒྱུད་ཀྱི་སྙིང་སྟོབས་དེ་དག་ནི་རྦད་དེ་དངུལ་དངོས་ཀྱིས་ཉོ་ཐུབ་པའམ། ཚད་འབྱེད་ཐུབ་ས་ཞིག་རྩ་བ་ནས་མ་རེད། ང་སྒེར་ནས་བཤད་ཀྱང་། ངས་ང་རང་འུ་ཐུག་རྒྱུ་ཞིག་ཡོད་པ་རྟོགས་ཡོད་ལ། ཆེས་འུ་ཐུག་པའི་སེམས་ཚོར་དེས་འཇིག་རྟེན་གྱི་བྱ་དངོས་ཡོད་ཚད་མོག་མོག་པོར་སྒྲིབ་བཞག་པ་ཞིག་ཡོང་གི་འདུག རྒྱུ་མཚན་འདིས། ཅི་ཞིག་མ་ཐོབ་པར་རང་སྲོག་བཅད་པ་ཞེས་པའི་སྐད་ཆ་དེ་དག་ལ་ངས་གོ་བ་གཏིང་ཟབ་པོ་ལོན་ཐུབ་ཀྱི་འདུག མདོ་དོན་བོད་མི་རིགས་གནས་པ་ལ་སྙིང་པོ་མེད་པ་ཞིག་དང་། བོད་མི་རིགས་འདི་གཞན་གྱི་བྲན་གཡོག་ནས་ཐར་རྒྱུ་མེད་པའི་དུས་སྐབས་ཤིག་འབྱུང་རྒྱུ་ལས་འཇིགས་སོང་ན་ཡག་ཤོས་རེད། དེ་བས། བོད་མི་རིགས་ལ་བོད་མི་རིགས་མ་གཏོགས་ཅི་གང་ཡོད་པ་མ་རེད།
CCTV
འཆར་ཟླའི་ནང་ཁྱེད་ཚོ་ཁ་བྲལ་རུ་ཚོགས་ཚོགས་ཆེན་ཚོགས་ཀྱི་ཡོད་པ་རེད། དེས་ཅི་ཞིག་མཚོན་གྱི་ཡོད་དམ།
ཤར།
གོང་དུ་ཞུས་པ་ལྟར་དང་༧གོང་ས་མཆོག་གི་སྐུ་ཚབ་རྣམ་པས་ཁ་བྲལ་ནི་ཅི་ཞིག་ཡིན་མིན་ཁྱེད་ཚོའི་དབུ་ཁྲིད་ཚོར་གསལ་བཤད་གནང་མྱོང་བ་ལྟར། སྐྱག་རྫུན་ལན་བརྒྱར་སྨྲས་ཏེ་བདེན་པར་རེ་བ་ནི་བསམ་ཚུལ་ཙམ་ཡིན་པས། སྐད་ཆ་རེ་བཟོ་ཐུབ་ན་མ་གཏོགས། རླབས་ཆེན་གྱི་སྐྱེས་བུ༧གོང་ས་མཆོག་གི་ཆབ་སྲིད་འགན་དབང་ཁུར་དུས་ཁ་བྲལ་མིན་པའི་འབབ་ས་ཡོད་ཚད་ཡིག་ཐོག་ནས་སྤྲད་ཚར་བ་རེད། ཡིན་ནའང་། ཚོགས་ཆེན་འདི་རྒྱ་ཆེའི་མི་མང་གི་རེད་ལ། ཁོང་ཚོས་༧གོང་ས་མཆོག་གི་གཉིས་ཕན་དགོངས་བཞེས་ལ་ཡ་ལན་མ་གནང་བའི་རྗེས་ཀྱི་བོད་མི་རིགས་ཀྱི་རྩ་དོན་ལ་གྲོས་བསྡུར་བྱེད་རྒྱུ་རེད། མི་མང་གིས་གང་ཞིག་གདམ་ག་བྱེད་མིན་གྱིས་ཚོགས་ཆེན་གྱིས་ཅི་ཞིག་མཚོན་ཐུབ་མིན་གསལ་བཤད་བྱེད་ཀྱི་རེད། ངས་བློ་འཚབ་བྱེད་གཞི་ཞིག་ནི། མི་མང་གིས་༧གོང་ས་མཆོག་ལྟ་བུའི་ངང་བརྒྱུད་དང་བཟོད་བསྲན། གཉིན་ཕན་བསྟེན་རྒྱུ་ཉུང་དུ་ཕྱིན་པ་ཡིན་ན། རྒྱ་ནག་གཞུང་གིས་དེ་ལ་འགན་ཁུར་ཅི་ལྟར་བྱེད་མིན་དེ་ཡིན།
བློ་གྲོས་བསྟན་འཛིན་རིན་པོ་ཆེས་ལྡི་ལི་གསར་བར་བསྒྲིགས།
ལས་བྲེལ་གྱི་དབང་གིས་ཡིག་ཆད་ཁ་ཤས་ཤིག་བྱུང་འདུག་ཀྱང་། ཀློག་མཁན་ཚོས་ཀློག་ཤེས་པ་གནང་རོགས།
བཀླགས་ཟིན། འདི་ཟློས་གར་འཁྲབ་ཚིག་ཏུ་བཅོས་ཏེ་འཁྲབ་སྟོན་བྱས་ན་ཡང་ལེགས།
བཀླགས་ཟིན། གོ་བ་འདྲ་ལ་ཅང་མ་གོ་བའང་འདྲ། རིན་པོ་ཆེས་ཡི་གེ་ཁ་ཤས་ཆད་འདུག་པའི་ནང་གི་དྲི་བ་བཞི་པའི་དྲིས་ལན་ནང་༼ ལས་༽ཡིག་ཅིག་ངེས་ཅན་དུ་སྦྱོར་དགོས་ས་རེད།
ཡེ་རྡོར་གྱི་རྩོམ་ཡིག་དེའི་ཁ་གཏད་དང་གདོང་ལེན་དུ་འདི་བཞེངས་བཞག་ཡོད་ཀི
cctvབཅར་འདྲའི་སྐབས་ཟིང་སློང་རུ་དཔུང་གི་བྱ་སྤྱོད་སྦོས་དོན་ག་རེ་ཡིན་ན། གལ་སྲིད་དྲང་ཚིགས་ཅན་གྱི་སྐད་ཆ་བཤད་ན། ཟིང་སློང་རུ་དཔུང་ངམ་ལུང་ཚན་སྲིད་དོན་པ་ཞེས་པའི་མཚན་གནས་འདི་དྲ་ལམ་དུ་འབུས་ཤིང་ཁྱབ་དགོས་དོན་ཡང་གོང་གི་གནས་ཚུལ་དང་འབྲེལ་ནས་ལོས་ཡོད། cctv མིང་སྤྱོད་མཁན་གྱི་གསར་འགོད་པས་ཀྱང་ཟིང་སློང་རུང་དཔུང་ངམ་ལུང་ཚན་སྲིད་དོན་པའི་སྐོར་གྱི་དྲི་བ་སླེབས་པ་མ་ཐུབ་པ་ནི་ཡ་མཚར་ཞིག་རེད་ཨང་།
འདི་བདེན་ཡིན་ནམ། འདི་ས་གནས་གང་དུ་རྒྱུད་ལམ་གང་ཞིག་ཏུ་དྲི་བ་དྲིས་ལན་བྱས་པ་རེད། འདི་འདྲ་ཐུབ་མིན་ལ་ཅུང་དོག་པ་འདུག བདེན་པ་ཡིན་ན་ནི་མི་འཐུད་དུ་འབྲེལ་བ་བཟུང་ནས་ཡིག་རིགས་གཞན་ལྷགཔར་དུ་རྒྱ་ཡིག་ཏུ་སྤེལ་ཧ་ཅང་ལེགས།
ཁུངས་མེད་བཅར་འདྲི་འདི་འདྲ་སུས་འདིར་བཀོད་པ་ཡིན། མི་གཏི་ཐུག་འདི་འདྲའི་སྐད་ཆ་ཉན་འདུག་དགོས་བྱུང་ན་ང་ཚོ་ཚར་ཚར་རེད། བོད་སྤྱི་ཚོགས་ནང་ལ། ལྟ་བའི་ཐོག་ནས་དབྱེ་འབྱེད། ཆབ་སྲིད་ལངས་ཕྱོགས་འཛིན་སྟངས་ཀྱི་ཐོག་ནས་དབྱེ་འབྱེད། གསར་རྙིང་གི་དབྱེ་འབྱེད། ལོ་རྒན་གཞོན་གྱི་དབྱེ་འབྱེད། དགའ་སྡུག་ཆགས་སྡང་གི་དབྱེ་འབྱེད་མང་དུ་བྱེད་པ་འདི་རིགས་ནི། འབྲི་མཁན་རང་ཉིད་ཀྱི་ངོས་ནས་བསམ་བློ་གུ་དོག་ཡིན་པ་དང་། བོད་སྤྱི་ཚོགས་ལ་མཚོན་ན། དཀྲུག་ཤིང་གི་རང་བཞིན་དང་། དམངས་གཙོ་ལ་མཚོན་ན། བགེགས་དང་བར་ཆད་ཀྱི་རང་བཞིན་ལས་མ་འདས་པས་ཉེན་ཁ་ཅན་གྱི་མི་འདི་རིགས་ལ་དོགས་ཟོན་གནང་བར་རིགས།
cctv སྙིང་རྗེ། བོད་གཞིས་བྱེས་གཉིས་ཀྱི་ནང་མི་སྟག་འདྲ་གཟིག་འདྲ་དབྱར་ཁའི་ཤ་མོ་བཞིན་བརྡོལ་ཡོད་པར། འདི་འདྲའི་མི་ལྟ་བ་ཕྱོགས་མཐར་ལྷུང་པ་ཞིག་ལས་བཅར་འདྲི་བྱེད་ས་མ་རག་པ་ཡ་རེ་ང་།
གསེར་དང་ར་གན་ནོར་ས་ཡོད། གཡུ་དང་དོ་ལོ་ནོར་ས་ཡོད། མཁས་དང་ཟོག་རྫུ་ནོར་ས་ཡོད།། ཁྲམ་པ་དྲང་མོ་ནོར་ས་ཡོད།།
འགའ་རེས་ཆོལ་ཁའི་ལ་རྒྱ་བཟུང་ནས་དཀྲུག། རེ་འགས་ལྟ་བ་གསར་རྙིང་ཕྱེ་ནས་དཀྲུག། ཁ་ཅིག་དད་པ་ཡོད་མེད་གླེང་ནས་དཀྲུག། ཉུང་ཤས་རྒྱལ་བ་ཁ་ལ་ཁྱེར་ནས་དཀྲུག།
ཁ་ལག་སྣ་བརྒྱ་འཛོམས་ན་ཞིམ་པ་ཡིན།། མེ་ཏོག་སྣ་བརྒྱ་འཛོམས་ན་མཛེས་པ་ཡིན།། མཁས་བརྒྱ་འགྲན་གླེང་བྱས་ན་བཟང་བ་ཡིན།། ལྟ་བའི་ཆུ་མང་འདྲེས་ན་ཆུ་ཆེན་ཡིན།། དོན་ལྡན་དམངས་གཙོའི་དཔལ་ལ་སྤྱོད་པ་ཡིན།།
དེ་ལྟར་གོ་བར་གྱིས་ཤིག་རིགས་ཀྱི་བུ།། ཧ་ཅང་ཕྱོགས་མཐར་མ་ལྷུང་རིགས་ཀྱི་བུ།། བྲང་ཁོག་ཡངས་པོར་ཕྱེ་ཤིག་རིགས་ཀྱི་བུ།། ཀླད་ཞོ་གཙང་མར་ཉོར་ཅིག་རིགས་ཀྱི་བུ།།
གཅེས་འཛིན་མཁྲེགས་འཛིན་མེད་ན་ལྟ་བ་ཡིན།། ཕྱོགས་སུ་ལྷུང་བ་མེད་ན་ལྟ་བ་ཡིན།། སྤྱི་ལ་གནོད་པ་མེད་ན་ལྟ་བ་ཡིན།། དུས་ཀྱིས་རྒས་པ་མེད་ན་ལྟ་བ་ཡིན།།
བཀླགས་ཟིན་གང་ལེགས་བྲིས་འདུག
ཕྱིས་བྱུང་མུ་མཐུད་འབྲི་རོགས།ཡིན་ནའང་དག་སྡེབ་ལ་དོ་སྣང་དང་།ཅུང་ཁ་གསལ་ཙམ་འབྲི་ན་འདུལ་བྱ་རིགས་ཅན་གསུམ་པོ་ཚང་མའི་གཅོད་ཡུལ་དུ་འགྱུར་རྒྱུའི་དགེ་མཚན་ཆེ།
ཤར་ཕྱོགས་ཁུག་རྟས་ཡང་སྐྱག་བཤད་རྒྱག་རྒྱུ་འགོ་བཙུགས་སོང་། རིན་པོ་ཆེ་ཟེར་ནས་རང་ལ་མིང་ཞིག་བཏགས་ནས་ད་དུང་དགེ་ཆོས་ཡིན་བསམ་གི་ཡོད་ནི་རེད། སྙིང་མ་རྗེ། ནམ་ཡིན་ཡང་རང་ཉིད་ཆེན་པོ་ཞིག་ལ་རློམ་ནས་སྡོད་པ་འདི་སྙིང་རྗེ། གོང་གི་བཅར་འདྲི་འདྲ་བོ་འདིའི་ནང་ནའང་རྒྱལ་བ་རིན་པོ་ཆེར་ཁ་གཏོང་གི་འདུག་ག སྔོན་མར་ཡང་ཁ་བཏང་བ་རེད། ད་ཡང་ལྟོ་བ་ཅུང་རྒྱགས་པའི་སྐབས་སུ་ཡང་ཁ་གཏོང་རྒྱུ་འགོ་བཙུགས་ཀི་འདུག་ད།
ལ་རྒྱའི་བདག་པོ་ལགས། ངས་ཀྱང་གདུལ་བྱ་རིགས་ཅན་གསུམ་པོར་དམིགས་ཁུལ་གྱིས་དྲ་ངོས་ནས་འདི་ལྟར་སྒྲིག་པ་ཡིན་མོད། ཁ་སང་དེ་རིང་ལྡི་ལིར་ཆིབས་བསྒྱུར་སོགས་ཡོད་དབང་གིས་ལས་བྲེལ་གྱིས་ལྕོགས་མ་སོང་། དེར་དགོངས་འགལ་མེད་པ་དང་། ཤ་གཟན་དམར་པོ་ཟུག་འདར་ཤོར་དགོས་དོན་གང་ཡང་མེད་པར་འདོད། ཤར་ཕྱོགས་ཁུག་རྟས་ཁུངས་མེད་རུ་དཔུང་བཏགས་པ་དོན་ལ་གནས་ནས་དེང་སང་སྤྱི་ཚོགས་ནང་ཆེ་ཕྲ་ཚང་མས་ངོས་འཛིན་བྱེད་བཞིན་པའི་སྐབས་འདིར། ང་ནི་གཅིག་ཡིན། རྒྱུ་མཚན་ཡོང་ས་དེ་དོལ་རྒྱལ་སྐོར་ནས་ཡོང་བ་ཡིན། རིག་གནས་ཡོན་ཏན་ཅང་མེད་དེ་སྤྱི་པའི་ཆེད་དུ་ཡི་གེ་རེ་འབྲི་རུ་ཡོང་གི་ཡོད། སྔ་མོར་ལྷ་རམས་དམ་བཅས་བརྡ་སྤྲོད་སྦྱང་དུ་མ་བཅུག་རུང་། ཞོར་སྦྱངས་ལྟ་བུས་ཁྱེད་ཚོར་ཁ་ལོན་པར་སེམས་ནས་འདིར་ཡོང་ཡོད།
རྡོ་རྗེ་ཚེ་བརྟན་ལགས།
ངས་གལ་སྲིད་ཁྱེད་ལ་ནག་འགེལ་དང་བསྙོན་འཛུགས་བྱས་ཡོད་ན་ཁྱེད་ལ་ང་སུ་ཡིན་མིན་གཙོ་གལ་ཆེ་བར་སེམས་ལ། དེ་མིན་ངས་ཁ་སང་ཁྱེད་ཚོས་རུ་དཔུང་གིས་རྡོ་རྗེ་དབང་ཕྱུག་ལགས་སུ་སྐུར་འདེབས་བྱས་དབང་གིས། ཁོང་ལ་ཡིག་འབྲེལ་དང་འབྲེལ། དྲ་ཐོག་ནས་ཤར་ཕྱོགས་ཁུག་རྟར་བཅར་འདྲི་བྱས་པ་ཡིན། ངས་འདིར་ཇུས་གཏོགས་བྱེད་དགོས་དོན་གཙོ་བོ་དོལ་རྒྱལ་གྱི་སྐོར་ནས་ཡིན། ད་དུང་དོལ་རྒྱལ་གྱི་སྐོར་ལ་འཁྱོག་བཤད་རྒྱབ་ན་ང་འདྲ་བོ་ཤི་དགོས་ཀྱང་འགྱོད་པ་གང་ཡང་མེད། དེའི་ཕྱིར་བོད་སྤྱི་པའི་ཆེད་དུ། རང་གིས་འགོ་ཚོས་སར་ཡི་གེ་འབྲི་རུ་ཡོང་ཡོད། རྗེས་ནས་ཁྱེད་འདྲའི་མི་འུ་ཐུག་ཚོར་དོན་དག་མེད་སར་སྐད་ཆ་བཤད་འདོད་མེད།
བཅའ་འདྲི་ཡག་པོ་བྱས་འདུག སྒྲུང་ཡིན་ན་འདྲ་དངོས་གནས་ཡིན་ན་འདྲ། ག་ལེར་ཀློག་ན་གོ་རྒྱུ་ཞིག་འདུག ཞོར་དུ་རིན་པོ་ཆེ་དང་ཤར་ཕྱོགས་ཁུག་རྟ་གཉིས་ལ་ཞུ་རྒྱུ་ཞིག་ལ། ཁུངས་མེད་རུ་དཔུང་ད་ཉག་ཕྲ་བས་གནས་སྐབས་གཡུག་ཞོག ཁོང་ཚོར་གོ་སྐབས་ཤིག་བྱིན་ན་མི་ལེགས་སམ། ཇུས་གཏོགས་ཙམ་ཡིན།
ཁ་ཤས་ཀྱིས་ཟིང་སློང་རུ་དཔུང་གི་ཉོག་རྩོམ་ཆེད་འགོད་པ་རྡོ་རྗེ་དབང་ཕྱུག་ཀྱང་ལུང་ཚན་སྲིད་དོན་པའི་རྒྱབ་ཏུ་ཡིབ་པའི་གཏེ་བོ་ཞིག་ཡིན་པར་བཤད་ཀྱི་འདུག་ལ། དེ་རིང་གི་ཉོག་རྩོམ་འདི་ལས་ཀྱང་ར་འཕྲོད་འདྲ་ཞིག་བྱུང་སོང་།
ངས་བཤད་འདོད་པ་དེ་ང་རང་ཟིང་སློང་རུ་དཔུང་དང་ཁུངས་མེད་རུང་གཉིས་ཀྱི་ཉོག་བཤད་རྣ་བ་སུན་པས་ཡིན།
འདི་རྡོ་རྗེ་དབང་ཕྱུག་གིས་ཆེད་དམིགས་ཀྱིས་ནག་བསུབ་བཏང་སྟབས་ཡང་བསྐྱར་བཀོད་པ་ཡིན། ཁྱེད་ལ་སྤྱི་ཚོགས་ཟིང་སློང་ངན་སྐུལ་གྱི་ངན་ཇུས་འཐེན་རྒྱུར་མི་སྐྲག་ན། འདི་ལྟ་བུ་ཞིག་བྲིས་པར་ཞེད་དགོས་དོན་ཨེ་འདུག།
རང་མགོ་རང་གིས་གཡོག་གི།
རང་སེམས་རང་གིས་གསོ་གི།།
སྒྱུ་མའི་འཁྲབ་སྟོན་འདི་འདྲ་སྟོན་རིན་འདུག་གམ།
ཁུག་མིང་ཅན་དང་དེའི་གྲིབ་འོག་གི་མིའམ།
ད་གཤོབ་བཤད་ཀི་མ་འདུག
དྲ་གྲོགས་ཚོ། བཅར་འདྲི་འདི་ངས་དངོས་སྒྲུང་དུ་བྲིས་པ་ཡིན་པར་གོང་ནས་བཤད་ཡོད། ཡིན་ནའང་། དོན་དག་དངོས་མ་ཞིག་ལ་ལག་སྙོབས་བྱེད་ཀྱི་ཡོད་ཁུལ་ཡིན་པས་བརྗོད་གཞི་དང་འབྲེལ་ནས་དྲི་བ་ཅི་ལྟར་སླེབས་ཀྱང་ངས་བསམ་ཚུལ་བརྗེ་རེས་བྱེད་ཀྱི་ཡིན།
ཡིན་ནའང་། གསལ་བོ་བཤད་འདོད་པ་ཞིག་ནི། འདི་ངས་དྲ་ཐོག་ནས་ཤར་ཕྱོགས་ཁུག་རྟར་སྐུ་རྩེད་དང་སྦྲགས་ནས་བཅར་འདྲི་བྱས་པ་ཁོང་གིས་འཕྲལ་མར་དང་ལེན་གྱིས་ང་ལ་ལན་འདེབས་གནང་བ་ཡིན་པས། ཁོང་ལ་ཕྲག་པ་དོག་མཁན་ཚོར་གསལ་བརྗོད་བྱེད་དགོས་པ་ཞིག་ནི། བཅར་འདྲི་འདི་དང་འབྲེལ་པའི་འགན་ཁུར་ཡོངས་རྫོགས་ང་སྒེར་ངོས་ནས་ཁུར་གི་ཡིན་ལགས།
ཆོས་འབྱོར་གྱི་སྐྱག་རྫུན་རེད་ལ། རིན་པོ་ཆེ་ཟེར་བ་འདི་ཡང་ཆོས་འབྱོར་གྱི་མིང་རྫུན་རེད། བླ་མ་རྫུན་མ་རང་རེད་ལོ།
ཤར་ཕྱོགས་ཁུག་རྟ་ལགས། ཉིད་ནས་བཙན་བྱོལ་ལོ་རྒྱུས་ལ་ཞིབ་འཇུག་བྱེད་ཀྱི་འདུག་སྐད་ཀྱིས་ངས་རེ་བ་ཞུ་རྒྱུ་ཞིག་ལ། གུང་ཚུལ་ཟེར་བ་དེ་ག་དུས་ཡིན་ཡང་མི་ཁ་ཤས་ཀྱི་སྙོག་གླེང་གི་གཞིར་དྲངས་འདུག་པས། དེའི་སྐོར་གྱོ་དོན་དངོས་ག་འདྲ་ཞིག་ཡིན་མིན་བྲིས་ཆོག་གམ། ཡང་ན་དེར་ཞིབ་འཇུག་བྱེད་སྟངས་ག་འདྲ་ཞིག་བཟུང་ན་འོས་སམ། ལན་ཅིག་གནང་རོགས་ཞུ།
ད་ང་དངོས་གནས་སུན་བྱུང་།ཆོས་འབྱོར་འབོད་མཁན་གངས་སྐྱིད་ཀྱི་སྤྲུལ་བརྫུས་འདིས་ཅི་བྱེད་བསམ་འདུག ཅི་ལྟར་འཁྲབ་ཀྱང་མི་ཚོའི་མིག་ནང་ན་ཁོ་འདྲེ་ཆགས་ཚར་རེད།
ཤར་ཕྱོགས་ཁུག་རྟར་གང་འདྲ་བྱས་ནས་cctvནས་བཅར་འདྲི་བྱེད་དགོས་སོང་རེད།གནད་དོན་འདིའི་སྐོར་ཁོ་ལ་ཅི་ལྟར་འདྲི་དགོས་སོང་ནི་རེད། ང་ཚོར་དོགས་གཞི་ཆེན་པོ་ཡོད།་ རྒྱུས་ལོན་བྱས་པ་ལྟར་ན་མི་འདི་གངས་སྐྱིད་ཀྱི་སྒོ་ཁྱི་ཞིག་རེད། cctvནས་བཀའ་ཁྲི་སོགས་ལ་མི་འའདྲི་བར་མི་འདི་ཚོར་སྐུ་དབང་གླེང་བའི་ཐོབ་ཐང་དང་ནུས་པ་ཡོད་དམ། དྲ་ངོས་དང་འཆལ་རྕོམ་ཁ་ཤས་ལས་མི་འདི་གང་འདྲ་ཡིན་པ་ཤེས་ཡོད།
ཁ་དྲོ་བཀྲ་ཤིས། ད་ཁ་བཟུང་བརྡད་ན་ཨེ་བ་གི