ཁྲག་ཐིགས།
སྨག་ནག་གིས་ཟིན་པའི་མཚན་དཀྱིལ་འདིར།
ངའི་དབུགས་གཏོང་ལེན་གྱིས་ལུས་པོ་འདི་སྒུལ་གྱིན་འདུག
གློག་སྒྲོན་དང་སྒེའུ་ཁུང་ཐ་ན་ཁང་མིག་ཀྱང་ཅུང་ཙམ་ཞིག
སྐབས་དེར་སྨག་ནག་པའི་ཕྱི་རོལ་ནས།
ངའི་སྒེའུ་ཡོལ་གྱི་ངོས་སུ་གྲིབ་གཟིགས་མང་པོ་ཞིག་འཚང་བྱུང་།
གྲིབ་གཟིགས་དེ་དག་གིས་སྐད་སྒྲ་སྒྲོག་གྱིན།
རྨི་ལམ་མང་པོ་ཞིག་ལ་རྡོག་གཞུས་གཏོང་།
དོ་དགོང་ངའི་ཁ་གཏད་དུ་ཡོད་པ་མཚན་མོ་དང་།
ཚད་འཇལ་དཀའ་བའི་སྨག་རིམ་དེ་ཡིན་ཡང་།
ངས་མཚན་ལྗོངས་འདིའི་ལྷིང་འཇགས་དཀྲོགས་པར་བསམ་ནས།
གློག་གཞུ་གཟིམས་ཟིན་མོད།
གྲིབ་གཟིགས་དེ་དག་གི་སྐད་སྒྲ་ཆེ་ནས་ཆེ་རུ་ཕྱིན་སོང་།
སྐད་སྒྲ་དེས་ངའི་དབུགས་ཀྱི་གཏོང་ལེན་ཡང་རྒྱུ་མའི་མཐིལ་དུ་དེད
གློག་གཞུ་གཟིམས་ཟིན་པའི་སྔ་རྗེས་སུ།
གྲིབ་གཟིགས་དེ་དག་གིས་མུན་པ་གོས་སུ་གྱོན་ནས།
མཚན་མོ་ཟས་སུ་ཟ་བཞིན།
ཁང་མིག་རེ་རེའི་སྒེའུ་ཁུང་གི་ངོས་སུ།
རི་མོ་རེ་འབྲི་གྱིན་འདུག ཚོན་མདོག་ནག་པོ་ཅན་གྱི་རི་མོ་ཞིག
རི་མོ་དེ་དག་ལས་ལན་རེར་ཨག་སྐད་ཅིག་རྣ་བར་གྲགས་འོང་གིན་འདུག
འདི་ལྟར་ངས་མཚན་དཀྱིལ་འདི་བརྒལ་རྗེས།
རང་ཉིད་ཀྱང་ཚོན་ཁྲ་དེའི་གྲལ་དུ་བྲིས་འདུག་པ་གཞི་ནས་ཚོར།
2011.4.27
དྲ་གྲོགས་རྙིང་པ་ཁྲག་ཐིགས་ལགས། སྐུ་ཁམས་བདེ་མོ་ཡིན་ནམ། ད་དུང་ཡང་ཁྱེད་སྟོང་སྣང་གི་ཞིང་ཁམས་སུ་བཞུགས་འདུག ཁྱེད་འཇིག་རྟེན་དུ་ག་དུས་འཕེབས་ངེས་ཡིན། ང་ལ་ལན་ཞིག་གནང་རོགས། ངས་ཁྱེད་ལ་བཞུགས་གནས་གྲ་སྒྲིག་བྱེད་ངེས་ཡིན
གྲོགས་བྱ་ཁྲ་ལགས ཁྱེད་ལ་མང་པོ་རྩོད་པ་མི་བྱེད། ཡིན་ཡང་། ང་འཇིག་རྟེན་དུ་སླེངས་ཚར་ཡོད་ལ་མ་ཟད་ད་དུང་ཁྱེད་དང་ཁྱེད་ལྟ་བའི་མང་པོ་ཞིག་ཇི་ལྟར་སྙོམས་སྒྲིག་བྱེད་དགོས་མིན་ལ་བསམ་བློ་གཏོང་གིན་ཡོད།
སྙན་ངག་སྙན་མོ་བྱུང་ཡང་དག་ཆ་འགའ་ཞིག་ནོར་འདུག
སླད་མར་ཐུགས་ཟབ་གནང་རོགས།