མདའ་མོ་ཚང་རྨོག་རུ་བསྟན་པ།༼རྒྱལ་ས་ལྡི་ལི་ནས།༽
༡ ༽བདེན་པ་བོར་བའི་མུན་ནག་ཚོ་ཇི་ལྟར་རྔམ་མཐུག་ནའང་།སང་ཉིན་གྱི་སྐྱ་རེངས་ནི་ གནམ་འོག་གི་སྒྲོན་མེ་ཚུལ་དུ་ཡོད་པས།སྟོན་པ་ཤཱཀྱ་ཐུབ་པ་དང་།སྟོན་པ་ཏཱ་ལའི་ བླ་མ།གནམ་འོག་གི་བདེན་པའི་དྲང་སྲོང་མཁན་པོ།ཁྱེད་ཅག་གི་ཕེབས་ལམ་ན་འོད་མདངས་ ཀྱི་མེ་སྟག་མཆེད་པས།རེ་བས་ཁེངས་ཤིང་།ཡིད་ཆེས་ཀྱི་མྱོས་བའི་ང་ཚོས།མུན་ནག་གི་ ངོ་གདོང་སྟུག་པོ་ཞིག་རལ་ཕྱིར།རྨོངས་མུན་གྱི་འཇིག་རྟེན་སྐྱ་བོ་ཞིག་སངས་ཕྱིར།གནམ་སྔོན་པོ་དབང་དུ་བཞག་སྟེ།ལྷ་ ཆེན་པོར་གོང་བཀུར་བྱེད།
༢ ༽མི་ལོ་ལྔ་བཅུའི་སྔོན་དུ་ཕམ་ཉེས་སུ་གྱུར་བའི་གདོང་དམར་གྱི་བོད་པ་ཚང་།དེ་ རིང་གཅིག་རྗེས་གཉིས་སུ་མཐུད་པའི་ལ་རྒྱ་དང་ཀི་སྒྲས་གསོན་ཡོད་པས།བདེན་པ་དང་ ལས་འབྲས་ནི་བཅོས་ཐབས་མེད་པའི་གནམ་གྱི་རྒྱལ་མོའི་བཀའ་ཡིག་ཅིག་མ་ཡིན་ནམ།ཀི་ བསྭོ་འཐེན་པའི་དཔའ་རྒོད་ཚོ།ལ་བརྒྱའི་བདག་པོ་བུ་རྒོད་ཚོ།རེ་བ་དང་ཡིད་ཆེས་ ཀྱི་གསོན་མིག་ཁྲོད་ནས།ཁྱོད་དང་ང་ཚོའི་ད མ་ཚིག་གི་ཕྱིར་ཏུ།བྲག་རི་བཞིན་བརྟན་པའི་ཆོད་སེམས་གཙང་མ་ནི།མི་རིགས་ཤིག་གི་ རེ་སྙེག་ཏུ་ཕུལ་བའི་ལེགས་སྐྱེས་མ་ཡིན་ནམ།
༣ ༽མེ་མདའ་དང་མཚོན་ཆ་ཐོགས་པའི་མཁྲེགས་འཛིན་རིང་ལུགས་པ་ཚོ།ཁེར་རྐྱང་གི་རི་སུལ་ ཞིག་ཏུ་ངར་ངར་གྱིས་འཚོ་ནའང་།གནམ་འོག་གི་ཕྲ་མཐོང་རྒྱང་ཤེལ་ལ་དབང་བཙན་པས། གླེན་པའི་ཁ་དོག་་ལྐུགས་པའི་ཨུ་ཚུགས།སྡར་མའི་དཔའ་རྟགས་སོགས་མི་ཆོས་རིང་ལུགས་ པས་ཀྱང་གད་སྙིགས་ཡིན་པས།དྲང་སྲོང་ཚོའི་ལམ་སྟོན་ཁྲོད་དུ།སྙིང་རྗེ་དང་།བཟོད་ བསྒོམ།བྱམས་པ་དང་།བརྩེ་སེམས་ལ་ནུས ་ཤུགས་ཡོད་པར་གསུང་བ་མ་ཡིན་ནམ།
༤ ༽གནམ་འོག་གི་བདེན་པ་སྲུང་བའི་དཔའ་རྒོད་ཚོ།འདུ་ཤེས་མེད་པའི་མི་བུ་ནི་འཚོ་ གནས་ཙམ་ཞིག་ཡིན་མོད།རེ་བ་ཡོད་པའི་ཉིན་མོ་ནི་མི་རབས་གསར་བའི་གོམ་སྒྲ་ཡིན། གོམ་སྒྲ་དང་གོམ་སྒྲར་མཐུད་པའི་བདེན་དོན་གྱི་ཆེད་དུ།སྙིང་ཁྲག་འདི་ས་ལ་འཕོ་དགོས་ཀྱང་།མགོ་བོ་འདི་རྡོ་ལ་བརྡབས་དགོས་ཀྱང་།ཝ་རྔ་མ་ཤ་ལེ་འབྲོ་བ་ལས།སྟག་འཛུམ་དྲུག་ཉིལ་ལེ་ཤི་ན་དགའ་བའི་བརྟན་ཚུག ས་དང་རང་གཤིས་ནི་རྩམ་གཟན་ཕ་མེས་ཚོའི་རྣམ་ཤེས་མ་ཡིན་ནམ།
༥ ༽གནམ་འོག་གི་བདེན་པ་སྲུང་བའི་དཔའ་རྒོད་ཚོ།རི་བོའི་ཕ་རོལ་ན་རྣམ་ཤེས་ཀྱི་རེ་སྒུག་མང་།གངས་རིའི་ཕར་རྒྱབ་ཏུ་གསེར་མདོག་གི་རྨི་ལམ་འཕྲོས།འདི་དག་ནི་ང་ཚོར་ལྐུལ་ལྕག་དང་།འདི་དག་ནི་ང་ཚོར་འབོད་པ་མ་ཡིན་ནམ།གངས་རིའི་ཚེ་སྲོག་དང་ལ་རྒྱའི་མགོ་འཕང་ནི་གནམ་འོག་གི་བདག་པོ་མ་ཡིན་ནམ།གནམ་སྔོན་པོ་གཙུག་ཏུ་བཀུར་ཏེ། ས་ཆེན་པོ་དབང་དུ་བཞག་ནས་དྲང་བདེན་དང་།རང་དབང་།འདྲ་མཉམ།ཆིག་སྒྲིལ།གུ་གཤངས་ཀྱི་ལམ་དུ་ཤར་བསྐྱོད་བྱེད་རྒྱུ་ནི་ ངའི་དཔའ་རྒོད་ཚོས་བཞག་པའི་གཏན་ཚིགས་མ་ཡིན་ནམ།
སྐུ་ཞབས་རྨོག་རུ་བསྟན་ལགས།སྐུ་ཉིད་ཚ་ཚད་༤༢་ལ་སླེབས་པའི་རྒྱལ་ས་དྷི་ལིར་བདེ་ལགས་ངང་འབྱོར་བ་རྟོགས་ཁར་ཁོ་བོ་སྤྲོ་བ་བརྟས།སྐུ་ཉིད་འདི་ལྟར་སྤོབས་པ་མཐའ་ཡས་ཤིག་གིས་མདུན་བསུས་ཏེ་ཆོད་སེམས་དང་རྗེས་སེམས་སླད་མེད་ཅིག་གིས་ལས་འགུལ་གྱི་ཚ་ཤས་ཙམ་ལེགས་འགྲུབ་བྱུང་བར་ཁོ་བོ་ལྷག་ལས་བརྟས།སྐུ་ཉིད་གར་སོང་ས་ནས་རྗེས་བྱང་གི་དོད་དུ་ཉིན་ཐོ་རེ་བཀོད་རྒྱུ་ཁོ་བོའི་རེ་བ་ལགས་ན།སྐུ་ཉིད་ཀྱིས་བརྗེད་དུ་མ་འཇུག
རྨོར་རུ་ཚང་གི་རྩོམ་ཡིག་འདི་ཧ་ཅང་གི་བློ་ལ་ཐད་སོང་། མུ་མཐུད་དུ་ཕྲིས་ཤོག་ཨ
ཁ་སང་ཕྱི་དྲོ་ཆུ་ཚོད་གཉིས་པ་ནས་ལྔ་བ་བར་ལྡི་ལིར་གོམ་བགྲོད་བྱས་ཤིང་མ་ཧཱ་གན་རྡེ་ལྡུམ་རྭར་མཆོད་འབུལ་དང་སྨོན་ལམ་སྟབས་བདེ་ཞིག་འཚོགས་ཏེ་ལས་འགུལ་མཇུག་བསྡུ་གནང་།
དབུས་གཙང་ཚོགས་གཙོ་སྤྱི་འཐུས་ཟླ་བ་ཚེ་རིང་དང་།མདོ་སྨད་སྤྱི་འཐུས་ཟླ་བ་ཚེ་རིང་།མདོ་སྨད་དབུས་རྒྱུན་བསྟན་པའི་དངོས་གྲུབ།དབུ་མའི་ལམ་མི་མང་ལས་འགུལ་ཁང་གི་ཁོ་བོ་བཅས་ཅན་རྡི་མན་རྡིར་དབུས་གཞོན་ནུའི་ཟས་བཅད་ངོ་རྒོལ་བ་ཚོའི་རྩར་སོང་སྟེ་སེམས་གསོ་དང་ཁ་བཏགས་འཐེན་ཅིང་སྟོང་མིན་གྱི་ལས་འགུལ་ཆེད་ཞལ་འདེབས་ཙམ་ཕུལ།
ངོ་མ་བཤད་ན་ཟས་བཅད་ཉིན་དྲུག་ལྷག་བརྒལ་བའི་རྒྱལ་གཅེས་པ་ཚོས་མདུན་སྐད་ཆ་ཇི་འདྲ་ཞིག་བཤད་དགོས་པའང་ཤེས་ཀྱིན་མི་འདུག་་་ཡིན་ཡང་་་་་
ཕྱིར་མགྲོན་ཁང་དུ་སླེབས་རྗེས་ངེད་ཀྱི་རྩོམ་ཡིག་འདི་སྤེལ་བ་ཡིན།
རྡོ་རིག་པའི་མདའ་མོ་ནས་དགོངས་འཆར་གནང་བར་དགའ།ཐུགས་རྗེ་ཆེ།
རྨོག་རུ་མཆོག ཟས་བཅད་ངོ་རྒོལ་བ་ཚོའི་གནས་སྟངས་ཇི་འདྲ་རེད།
དྲ་གྲོགས་རྣམ་པས་སྐུ་ཁམས་བཟང་།ཟས་བཅད་ངོ་རྒོལ་བ་ཚོའི་སྐུ་གཟུགས་ལ་དེ་ཙམ་གྱིས་གནོད་སྐྱོན་ཆེན་པོ་མི་འདུག་་་་ཕར་བལྟས་ཚོད་ཀྱིས་ཚང་མ་སྔར་བཞིན་ཡིན་པའི་རྣམ་པ་འདུག་་་ཡིན་ནའང་།ཞལ་རས་ཅུང་ཟད་སྐམ་དུ་འགྲོ་འདུག་པ་དང་།གསུང་བཤད་གནང་སྐབས་སྐད་ཤུགས་ཆུང་དུ་ཕྱིན་ཡོད་པ།གསུང་བཤད་མང་པོ་གནང་ན་སྐད་ཤུགས་ཀྱིས་མ་འདང་བའི་དཀའ་ངལ་ཡོད་པ་ཞིག་མཐོང་བསྡད་ཀྱིན་འདུག་་་ཁོ་ཚོ་གསུམ་ཀ་ཕྱི་ལོགས་སུ་རྐུབ་བཀྱག་རེ་ཡི་སྟེང་བཞུགས་འདུག་་་གློ་བུར་དུ་ཡར་ལངས་ན་མགོ་ཡུ་འཁོར་བཞིན་འདུག་ཟེར་་་སྨན་ཞབས་ཀྱིས་བརྟག་པ་ལྟར་ནའང་ད་དུང་ཐང་པོ་ཡོད་ཚུལ་འདུག་་་་