འདི་ག་ཝི་སི་ཀོན་སིན་བོད་རིགས་སྤྱི་མཐུན་ཚོགས་པ་དང་ས་གནས་གཞོན་ནུ་ཚོགས་པ། བོད་རང་དབང་སློབ་ཕྲུག་ཚོགས་པ་བཅས་ཐུན་མོང་གོ་སྒྲིག་འོག་མལ་ཌི་སིན་གནས་སྡོད་བོད་མི་ཚོས་ཕྱི་ཟླ་ ༤ ཚེས་ ༣༠ རེས་གཟའ་སྤེན་པའི་ཉིན་ཝི་སིན་ཀོན་སིན་མངའ་སྡེའི་གྲོས་ཚོགས་མདུན་དུ་ཉེ་ཆར་མདོ་སྨད་རྔ་པ་ཀི་རྟི་དགོན་པའི་དགེ་འདུན་པའི་གྱེན་ལངས་ངོ་རྒོལ་ལ་གདུང་སེམས་མཉམ་སྐྱེད་ཀྱི་མར་མེ་ཁྲོམ་སྐོར་བྱས་ཤིང་། ཕྱི་ཟླ་ ༥ ཚེས་ ༡ ཉིན་རི་དྭགས་ཚལ་དགོན་པར་བོད་མི་སེར་སྐྱ་རྒན་གཞོན་རྣམས་འཛོམས་ཏེ་ཉེ་ཆར་རྔ་པ་ཁུལ་དུ་རང་སྲོག་གཅེས་འདོར་དང་བསད་རྨས་བྱུང་བ་རྣམས་ཀྱི་ཆེད་བསྔོ་བ་སྨོན་ལམ་དང་མ་ཎི་གསོག་འདོན་བྱས་འདུག
བོད་ནང་རྔ་བ་ཀིརྟི་དགོན་ཆེན་དགེ་ལྡན་ལེགས་བཤད་གླིང་གི་དགེ་འདུན་པས་སྣེ་ཁྲིད་པའི་གྱེན་ལངས་ངོ་རྒོལ་བྱས་རྗེས་བཟུང་།་རྔ་བའི་མི་མང་སེར་སྐྱ་ཡོངས་ཀྱིས་ངོ་རྒོལ་མཚམས་འཇོག་མེད་པར་བྱེད་བཞིན་ཡོད་ལ། ཕྱི་བསྡོད་རྔ་བའི་སྤུན་ཟླ་ཡོངས་ཀྱིས་ས་ཕྱོགས་གང་ས་ནས་གདོང་སེམས་མཉམ་བསྐྱེད་ཀྱིས་ངོ་རྒོལ། ཁྲོམ་བསྐོར། སྐད་འབོད་གོམ་བགྲོད་བྱེད་དང་བྱེད་མས་ཡིན།