བསྟན་འཛིན་ཐོས་བསམ།
སྤྱི་ལོ་ ༢༠༡༡ ཟླ་ བ ༥ཚེས་༨ ཉིན་ཨ་རིའི་སྙན་གྲགས་ཅན་གྱི་ཝིར་ཇི་ནི་ཡ་མཐོ་སློབ་ཆེན་མོར་བོད་མི་ཤེས་ཡོན་ཅན་ཁག་ཅིག་གིས་ད་ལྟའི་བཙན་བྱོལ་བོད་མིའི་བཅའ་ཁྲིམས་བསྐྱར་བཅོས་ཀྱི་ལས་དོན་དེ་དང་འབྲེལ་ཡོད་ཀྱི་བགྲོ་གླེང་ཚོགས་འདུ་ཞིག་བསྐོངས་པ་ཡིན། སྐབས་འདིའི་ཚོགས་ཞུགས་པ་ཚོས་ཐུགས་ཁུར་བཞེས་ཕྱོགས་དང་དམིགས་བསལ་གྱི་འབྲེལ་བ་ཡོད་པར་བརྟེན། ཕྱི་ཚེས་༧ཉིན་གྱི་དགུང་དྲོར་ཁྲིམས་ལུགས་མཁས་དབང་གྲགས་ཅན་དང་སློབ་ཆེན་དེའི་རྩ་ཁྲིམས་གྱི་སློབ་དཔོན་ཆེན་པོ་ཇན་མེ་སི་རོན་ཡན་(James E Ryan)གདན་དྲང་ནས་ཚོགས་ཞུགས་པ་ཚོ་ལ་རྩ་ཁྲིམས་ཀྱི་ངོ་བོ་དང་། བྱེད་ལས།གྲུབ་ཆ་བཅས་ཐད་གསུང་བཤད་གལ་ཆེན་གནང་ཡོད། བགྲོ་གླེང་ནང་དངོས་སུ་མཉམ་ཞུགས་གནང་མཁན་ཨ་རིའི་རྒྱལ་ས་ཝཱ་ཤིན་ཏོན་དང་། ནིའུ་ཡོག་གྲོང་ཁྱེར་ནས་ཕེབས་ཡོད་པར་མ་ཟད། བོད་བཙན་བྱོལ་གཞུང་གི་བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་དང་རྒྱ་ནག་སྲིད་དོན་ཁྱད་མཁས་པ་སྐྱབས་རྗེ་ཨ་ཀྱཱ་རིན་པོ་ཆེ་མཆོག་གཉིས་ཀྱིས་ཀྱང་སྔ་རྗེས་སུ་(Skype)དྲ་བརྙན་བརྒྱུད་དེ་མཉམ་བཞུགས་གནང་ཡོད།
ཚོགས་ཞུགས་པ་ཚང་མས་ཉེ་ཆར་བཀའ་སྤྱི་ལས་གྲུབ་པའི་བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་གིས་༸གོང་ས་མཆོག་གི་སྐུ་དབང་དང་འབྲེལ་ཡོད་ཀྱི་བཅའ་ཁྲིམས་བསྐྱར་བཅོས་ཀྱི་སྙན་ཐོ་ཞིག་གྲོས་ཚོགས་ལ་ཕུལ་བའི་རགས་ཟིན་དེ་ལ་དམིགས་ནས། རིང་མིན་འཚོག་འགྱུར་གྱི་བོད་གཞུང་མང་རྒྱལ་ཡོངས་ཚོགས་ཆེན་ཐེངས་གཉིས་པ་དེའི་སྟེང་དུ་འདས་པའི་རྒྱལ་རབས་ལོ་རྒྱུས་ཀྱི་བདེན་དཔང་དང་། མ་འོངས་བོད་ཀྱི་བུ་རབས་ཚ་བརྒྱུད་ལ་འགན་ཁུར་བའི་རྗེས་འབྲས་ཤིག་འདོན་ཕྱིར་རྒྱལ་ཁབ་དང་སྲིད་གཞུང་ཞིག་གི་བླ་སྲོག་ཏུ་གྱུར་པའི་བཅའ་ཁྲིམས་རིན་པོ་ཆེའི་དགོངས་དོན་རླབས་ཆེན་དེ་དག་སེམས་སྟེང་དུ་བླངས་ཏེ་གཟུར་གནས་བློ་ཡིས་བགྲོ་གླེང་ལྷུར་པོར་གནང་བའི་དོན་སྙིང་རྣམས་བོད་གཞུང་བཀའ་ཤག་དང་།གྲོས་ཚོགས།གཞན་འབྲེལ་ཡོད་ལས་ཁུངས་ཁག་དང་གནད་ཡོད་མི་སྣ་དག་གིས་ཐུགས་སྣང་ཡོང་ཆེད་དོན་ཚན་དྲུག་དུ་བསྡུས་ཡོད།
དང་པོ།
སྤྱིར་ད་རེབ་ཀྱི་བཅའ་ཁྲིམས་བསྐྱར་བཅོས་ལས་དོན་དེ་དངོས་འབྲེལ་ཞུས་ན་ལོ་ངོ་འགའ་ཞིག་གི་གོང་རོལ་ནས་ལས་མགོ་རྩོམ་དགོས་པ་ཞིག་རེད། གང་གིས་ཞེ་ན། ༸གོང་ས་མཆོག་གིས་སྐུ་བགྲེས་ཡོལ་དུ་ཕེབས་ཀྱི་ཡིན་ཞེས་གསུངས་ནས་ལོ་མང་ཕྱིན་ཡོད་པ་དང་། ལྷག་པར་དུ་སྔ་ལོའི་ཕྱི་ཟླ་༡༠ནང་༸གོང་ས་མཆོག་ཁེ་ན་ཌ་ལ་ཆིབས་བསྒྱུར་གནང་སྐབས་ད་ལོའི་གྲོས་ཚོགས་ཀྱི་ཚོགས་འདུའི་སྐབས་དང་བསྟུན་མགོན་པོ་གང་ཉིད་ཀྱིས་བགྲེས་ཡོལ་ཆ་ཚང་ལ་ཕེབས་པའི་ཐུགས་དགོངས་ཡོད་ལུགས་གསར་འགྱུར་བརྒྱུད་ལམ་ཁག་ལ་གསལ་པོར་གསུངས་པ་ནི་ཡོངས་གྲགས་ལྟར་རེད། ཚོགས་ཞུགས་པ་ཡོངས་ནས་ཁྲིམས་ཀྱི་དབང་སྒྱུར་ནི་མང་གཙོ་ཡང་དག་ཡིན་མིན་གྱི་ཚད་ཐིག་རྒྱག་ས་ཞིག་ངེས་པར་དུ་ཡིན་བས།ད་རེབ་ཀྱི་བཅའ་ཁྲིམས་བསྐྱར་བཅོས་ཀྱི་ལས་དོན་ནི་འདིའི་སྔོན་དུ་ཐེངས་འགའ་ཤས་བྱས་པ་དེ་དག་དང་གཏན་ནས་མི་འདྲ་བར་ཆེས་ཤིན་ཏུ་གལ་འགངས་ཆེ་ཞིང་། མདོར་ན་རྒྱལ་ཁབ་དང་སྲིད་གཞུང་ཞིག་གི་རྩ་དོན་ཞིག་ཏུ་སོང་བས་ཧ་ཅང་གི་བྲེལ་འཚབ་ཆེན་པོའི་ངང་གཏན་འབེབ་མི་གནང་བའི་གསོལ་འདེབས་ཞུ་ཀྱིན་ཡོད༎
གཉིས་པ།
༸གོང་ས་མཆོག་གིས་བོད་གཞུང་གི་ཆབ་སྲིད་འགན་དབང་མ་བཞེས་ནའང་མགོན་པོ་གང་ཉིད་བོད་མིའམ་བོད་རིགས་ཙམ་མ་ཡིན་པར་བོད་རྒྱལ་ཁབ་ཀྱི་དབུ་ཁྲིད་བླ་ན་མེད་པ་ཞིག་ཡིན་ལུགས་དེ་བཅའ་ཁྲིམས་ཀྱི་གཞི་རྩའི་ལམ་སྟོན་ནང་དུ་བརྗོད་བབ་ཙམ་གྱིས་མི་འགྲིག་པར་༧གོང་ས་མཆོག་ལ་བོད་རྒྱལ་ཁབ་ཀྱི་དབུ་ཁྲིད་བླ་ན་མེད་པའི་མཚན་གནས་དེ་ངེས་པར་དུ་ཕུལ་དེ་རྩ་ཁྲིམས་ནང་གསལ།དཔེར་ན། རྒྱབ་ཁབ་ཀྱི་ཁྲིམས་ཡིག་ཐོག་མཚན་རྟགས་འགོད་པ་དང། བཀའ་ཁྲི་དང་བཀའ་བློན་རྣམས་ཀྱི་དམ་བཅའ་འབུལ་ཡུལ་སོགས་ཀྱིས་མཚོན་པའི་ཐུགས་འགན་དང་སྐུ་དབང་ཡང་ཡོད་ཅེས་གསལ་པོར་འགོད་དགོས།
གསུམ་པ།
ཚོགས་ཞུགས་པ་ཚོའི་ཐུན་མོང་གི་ལྟ་ཚུལ་ལ་འཇིག་རྟེན་གོ་ལ་འདིའི་སྟེང་བོད་གཞུང་གཅིག་ལས་མེད་ཅིང་དེ་ནི་ད་ལྟ་བཙན་བྱོལ་དུ་ཡོད་པའི་བོད་གཞུང་འདི་ཉིད་ཡིན་སྟབས།བོད་ཀྱི་ལོ་རྒྱུས་ཀྱི་བདེན་དོན་དང་། བོད་མིའི་མངོན་འདོད་དང་འོས་འཚམ་མེད་པའི་ཐ་སྙད་གསར་བའམ་རང་མཐོང་རང་གིས་བརླགས་པའི་མིང་ཚིག་གསར་པ་ཅི་དགར་བེད་སྤྱོད་བཏང་ན་བོད་མི་ནང་ཁུལ་ཙམ་མ་ཟད། རྒྱལ་སྤྱིའི་ནང་དུའང་བོད་དོན་ཐད་ལ་མགོ་རྨོངས་པར་བྱེད་པ་སོགས་ཤུགས་རྐྱེན་ངན་པ་ཐེབས་ཉེན་ཆེ་བར་འགྱུར། དེ་ནི་འགལ་ཟླར་འགྱུར་བའི་༼ མིང་ཚིག་རེ་ཟུང་ ༽ཙམ་མམ་ཡང་ན་རྒྱ་ནག་གཙོས་པའི་སྲིད་གཞུང་གི་གནོན་ཤུགས་གཏན་མེད་འགྲོ་བའི་གནས་སྐབས་ཀྱི་ཐབས་ཇུས་ཤིག་གི་གནད་དོན་གཏན་ནས་མ་ཡིན་པར།རགས་ཟིན་ནང་འཁོད་པའི་མིང་དང་ཚིག་གསར་བ་དེ་དག་བཅའ་ཁྲིམས་གསར་བ་ནང་ཇི་མ་ཇི་བཞིན་འགོད་འཇུག་བྱས་ཚེ།དོན་དུ་རང་རེའི་གངས་ཅན་པ་རྣམས་ཀྱི་རྒྱུན་རིང་བའི་དངོས་ཡོད་ལོ་རྒྱུས་དེ་དག་སྣང་མེད་གལ་ཆུང་ངང་རྒྱ་དམར་གཞུང་ལ་བསུབ་རོགས་ཞེས་ཕར་རེ་སྐུལ་བྱས་པ་དང་ཆ་མཚུངས་པས་ཚིག་གསར་དེ་ཚོ་གཏན་ནས་མི་འགོད་པའི་འབོད་སྐུལ་ཤུགས་ཆེར་ཞུ།
བཞི་བ།
བཀའ་ཁྲིའི་ལས་ཡུན་དང་བཀའ་བློན་འདེམ་བསྐོ་བྱེད་ཕྱོགས་ཐད་དུའང་བློ་འཚབ་ཡོང་གཞིའི་བསྒྱུར་བཅོས་བཏང་ཡོད་པའི་ནང་། ཚོགས་ཞུགས་པ་ཚོས་བཀའ་ཁྲིའི་ལས་ཡུན་དེ་ལོ་ལྔ་རེ་དང་། མང་ན་སྐབས་གཉིས་ལས་ལྷག་བསྟུད་མར་བསྐྱར་འདེམས་མི་གནང་བའི་རེ་འདོད་ཆེན་པོ་ཡོད་པ་དེ་བཞིན། འབྱུང་འགྱུར་གྱི་བཀའ་བློན་རྣམས་སྔ་མའི་ཁྲིམས་ལུགས་ལྟར་འདེམས་བསྐོ་བྱེད་པ་ལས་བཀའ་ཁྲིས་ཐད་བསྐོ་བྱ་མི་འོས་པའི་ངོས་འཛིན་ཞུ་ཀྱིན་ཡོད།
ལྔ་བ།
སྤྱི་འཐུས་ཚོགས་གཙོས་གྲོས་ཚོགས་ཀྱིས་གཏན་འབེབས་གནང་བའི་རྒྱལ་ཁབ་ཀྱི་ཁྲིམས་ལུགས་དེར་ཕྱག་རྟགས་འགོད་རྒྱུ་དེ་ནི་མང་གཙོའི་རྒྱལ་ཁབ་སྤྱིའི་འགྲོ་ལུགས་དང་མི་མཐུན་པས་སྔོན་བཞིན་༸གོང་ས་མཆོག་གིས་བོད་རྒྱལ་ཁབ་ཀྱི་སྲིད་གཞུང་གི་འགན་དབང་མ་བཞེས་ཀྱང་ཆེས་བླ་ན་མེད་པའི་དབུ་ཁྲིད་ཀྱི་མཚན་གནས་དེ་ཐོག་ནས་གནང་བར་ཁྲིམས་ཐོག་ཏུ་གཏན་འབེབ་བྱ་རྒྱུར་འབོད་སྐུལ་ཤུགས་ཆེན་པོ་ཞུ་རྒྱུ།
དྲུག་པ།
ད་ལྟའི་བཅའ་ཁྲིམས་ནང་དུ་བོད་ཀྱི་ཆབ་སྲིད་ཀྱི་རང་བཞིན་ངོ་སྤྲོད་བྱེད་སྐབས་ཆོས་སྲིད་ཟུང་འབྲེལ་དེ་རང་འཇགས་བཞག་ཡོད་པ་དེར་ཚོགས་ཞུགས་པ་རྣམས་ཀྱིས་དོ་སྣང་ཆེན་པོའི་སྒོ་ནས་བགྲོ་གླེང་བྱས་པ་དང་། ཚོགས་ཞུགས་པ་ལ་ལས་བསམ་འཆར་བཏོན་དོན་ལ།བོད་ཀྱི་ཆོས་སྲིད་ཟུང་འབྲེལ་གྱི་ལམ་ལུགས་དེ་༸གོང་ས་མཆོག་གི་ཆབ་སྲིད་ཀྱི་འགན་དབང་དང་འབྲེལ་བ་དམ་ཟབ་ཡོད་པ་དང་།༸གོང་ས་མཆོག་གིས་དུས་རབས་ཉི་ཤུ་པའི་ལོ་རབས་ ༦༠ མགོ་ནས་རྒྱལ་ཁབ་ཀྱི་ཆབ་སྲིད་ལམ་ལུགས་དེ་མང་གཙོ་ཡག་ཤོས་ཡིན་པར་ཡང་ཡང་གསུངས་པ་ལས།ཆོས་སྲིད་ཟུང་འབྲེལ་གྱི་ལམ་ལུགས་དེ་དུས་ཀྱི་འགྱུར་ལྡོག་ལ་མ་བལྟས་པར་རྒྱུན་འཁྱོངས་བྱེད་དགོས་པའི་བཀའ་སློབ་གནང་མེད་པ་དང ། ཆོས་སྲིད་ཟུང་འབྲེལ་གྱི་ལམ་ལུགས་དེར་དེང་དུས་རྒྱལ་སྤྱིའི་ཁོར་ཡུག་ནང་རྒྱབ་སྐྱོར་ཐོབ་རྒྱུར་རེ་བ་ཧ་ལམ་མེད་པ་དང་། བཙན་བྱོལ་ནང་སྐྱེས་པའི་མི་རབས་གསར་བ་དང་ལྷག་པར་དུ་དུས་རབས་གོང་མའི་ལོ་རབས་ ༦༠ ཚུན་ཆད་དུ་སྐྱེས་པའི་བོད་ནང་གི་རྒྱ་ཆེའི་མང་ཚོགས་དེ་ཚོའི་མ་འོངས་པའི་ཆབ་སྲིད་ཀྱི་འདོད་མོས་དང་བསམ་བློའི་འཁྱེར་ཕྱོགས་བཅས་ལ་ཡང་ཞིབ་འཇུག་གཟབ་ནན་ཞིག་མ་བྱས་པར་སྔར་ལྟར་རང་འཇགས་བཞག་ན། བོད་ནང་གི་སྤྱི་ཚོགས་ཀྱི་སྐྱིད་སྡུག་གི་འགན་འཁྲི་དང་ལེན་བྱེད་བཞིན་པའི་བོད་མི་དེ་ཚོས་ཆབ་སྲིད་ཀྱི་ཐོག་ནས་རྒྱབ་སྐྱོར་བྱེད་པར་ཤིན་ཏུ་དཀའ་བར་མ་ཟད། བཙན་བྱོལ་ཁྲོད་དུ་སྐྱེས་པའི་བོད་མི་ཞིག་ཡིན་ནའང་ལམ་ལུགས་དེ་ཆབ་སྲིད་ཀྱི་ལམ་ལུགས་ཡག་ཤོས་ཤིག་ཏུ་རྩིས་ཏེ་བོད་རང་དབང་སླར་གསོ་བྱེད་པའི་ཆབ་སྲིད་ཀྱི་ལས་འགུལ་ནང་སྤྲོ་སྣང་དང་བཅས་སྤོབས་པ་འཁྱེར་ནས་འཛུལ་འདོད་ཆུང་ཞེས་ཟེར་མཁན་ཐོན་པ་དང་། གཞན་མ་གཞི་ནས་༸གོང་ས་མཆོག་གིས་ཆབ་སྲིད་ཀྱི་སྐུ་དབང་དེ་བོད་བཙན་བྱོལ་མང་གཙོའི་གཞུང་ལ་གནང་བའི་ཉིན་དེ་ནས་བཟུང་ཆོས་སྲིད་ཟུང་འབྲེལ་དེ་བོད་ཀྱི་ཆབ་སྲིད་ཀྱི་ལྟ་གྲུབ་ནང་མུ་མཐུད་དུ་བཞག་པ་དེར་གང་ཟག་སུ་དང་དགོས་དོན་ཅི་ཕྱིར་ཡིན་ཞེས་དྲི་བ་གཏོང་མཁན་ཡང་བྱུང་ངོ་༎
གོང་དུ་ཕུལ་བའི་དོན་ཚན་དྲུག་འདི་ནི་ཐེངས་འདིར་མ་སྐུལ་དང་བླང་དུ་ཚོགས་པའི་བགྲོ་གླེང་གི་སྙིང་དོན་ཡིན་པ་དང་། འདི་ནི་ང་ཚོ་བོད་ཀྱི་མི་རིགས་དེ་ཆེས་ཤིན་ཏུ་ཉག་ཕྲ་པོ་ཞིག་གི་སྒང་དུ་སླེབས་ཡོད་པའི་ལོ་རྒྱུས་ཀྱི་དཀྱོག་མཚམས་འདིར།རང་ཉིད་ཀྱིས་བོད་མི་རིགས་ཀྱི་རང་དབང་བདེན་པའི་འཐབ་རྩོད་དེར་རྒྱབ་སྐྱོར་ཞུས་པ་དང་ཆབས་ཅིགརང་འགན་རང་གིས་ཁུར་བའི་མཚོན་རྟགས་ཞིག་ཀྱང་ཡིན་པས།སྙན་ཞུ་འདི་འབུལ་ཡུལ་ཀུན་གྱིས་ཀྱང་ཐུགས་སྣང་དང་རྒྱབ་གཉེར་ཡོང་བའི་རེ་འདུན་དང་བཅས༎
༢༠༡༡ ། ༥ ། ༢༥ ཉིན་ཨ་རིའི་མངའ་སྡེ་ཝིར་ཇི་ནི་ཡ་ནས་ཕུལ༎
མི་སྒེར་ཞིག་ནས་གོ་སྐབས་དམ་འཛིན་གྱིས་བགྲོ་གླེང་དེ་འདྲ་ཞིག་གོ་སྒྲིག་གནང་བ་ཡག་པོ་རེད། ཡིན་ན་ཡང་མཁས་དབང་རྣམ་པའི་དགོངས་ཚུལ་ཚང་མ་གཡོ་ལྷད་མེད་པར་ད་ལན་དམིགས་བསལ་ཚོགས་ཆེན་ནང་སླེབས་ཐུབ་ན་ཡག་པོ་འདུག རྩ་ཁྲིམས་གསར་བཟོའི་ལས་དོན་དེ༧གོང་ས་མཆོག་གི་མཚན་ཚང་མ་ནག་སུབ་གཏོང་མཁན་འདྲ་བོ་ཞིག་མཐོང་གི་འདུག འཛམ་གླིང་ནང་ལོ་རྒྱུས་ཡུན་རིང་ལྡན་པའི་པུར་རྒྱལ་བོད་རྒྱལ་ཁབ་ཀྱི་མཚན་དེ་བཙན་བྱོལ་བོད་མིའི་སྒྲིགས་འཛུགས་སུ་བསྒྱུར་བ་དང་། གཞུང་ས་དགའ་ལྡན་ཕོ་བྲང་གི་ལས་དམ་དེ་བདེན་པ་ཉིད་རྒྱལ་བར་གྱུར་ཅིག་ཏུ་བསྒྱུར་བ་སོགས་ལ་བལྟས་ན་ད་ང་ཚོས་གཞིས་བཞུགས་བོད་མི་ཡོངས་ལ་གདོང་བསྟན་ནུས་ས་རེད་དམ།
གངས་ཅན་མགོན་པོའི་ཐུགས་རྗེས་བཀའ་དྲིན་ལས། །
པུར་རྒྱལ་བོད་ཅེས་འཛམ་གླིང་ཀུན་ཏུ་གྲགས།
དྲིན་བྱས་དྲིན་ལན་མེད་པའི་གསོན་དམན་ཚོས།
དྲིན་ལན་བྱུར་གྱིས་མཇལ་བ་ཡིད་རེ་རྨོངས།
༡ དོན་ཚན་གཉིས་པ། གྲོས་ཚོགས་ཀྱིས་མང་མོས་ཀྱིས་བཟོས་བཞག་པའི་ཁྲིམས་དེ་ཁྲིམས་སུ་འགྲོ་བར་༧གོང་ས་མཆོག་གི་མཚན་རྟགས་ཞུ་རྒྱུ་དེ་ལེགས་པོར་མཐོང་། ངས་ཀྱང་དེ་དོན་ཚོགས་བཅར་བ་རེ་ཟུང་ལ་ཞུ་རྒྱུ་བྱུང་། དབྱིན་ཇིའི་རྒྱལ་མོས་ཀྱང་ཁྲིམས་དེ་ཁྲིམས་སུ་འགྲོ་བར་མཚན་རྟགས་འགོད་ཀྱི་ཡོད་པ་འདྲ།
༢ ༧གོང་ས་མཆོག་ལ་ཁྲིམས་ཐོག་ཏུ། མཚན་དབང་ངེས་པར་འབུལ་དགོས་པར་མཐོང་། དཔེ་མཚོན་ཞིག་བཀོད་ན། ཁོང་ནི་སྤྱན་རས་གཟིགས་ཡིན་པ་དང་བོད་དེ་སྤྱན་རས་གཟིགས་ཀྱི་གདུལ་ཞིང་ཡིན་པ་དང་། ་དུང་ཁོང་ནི་བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་ཡིན་པ་ལྟ་བུས་མཚོན་ནོ།
༣ བོད་གཞུང་གི་མིང་དེ་ཡང་མང་པོ་ཞིག་ནས་བཤད་བཞིན་པ་ལྟར་འགྱུར་བ་མ་བཏང་ན་མ་འགྲིགས་པ་མི་འདུག་སྙམ། གཅིག་ནས། ཁྲིམས་ཐོག་ལ་ཐུག་ན་གཙོ་བོ་དབྱིན་ཇིའི་ནང་ཚིག་ཇི་བཞིན་ཡོད་པ་དང་། བཙན་བྱོལ་བོད་གཞུང་ཟེར་ནའང་། གོ་དོན་ངེས་གཏན་འཁེལ་བ་ཞིག་ཁྲིམས་ཐོག་ཏུ་མ་བཟོས་པར་དུ་ཇི་ལྟར་བཀྲལ་ཆོག་ཆོག་རེད། བཙན་བྱོལ་དུ་ཡོད་པའི་བོད་མིའི་སྒྲིགས་འཛུགས་ཀྱི་གོ་དོན་ཡོད་པར་འགྲེལ་ཆོག་ལ། བཙན་བྱོལ་དུ་ཡོད་པའི་བོད་མི་གཞིས་བྱེས་གཉིས་ཀྱི་གཞུང་དུའང་འགྲེལ་ཆོག་པ་རེད། སྤྱིར་ཁྲིམས་དང་མཐུན་མི་མཐུན་དེ་དབྱིན་ཚིག་ལ་གཞི་བཟུང་ན་དེས་ཆོག་གི་མེད་པ་རེད་དམ།
༤ བཀའ་བློན་གྱི་ཡུན་ཚད་ཀྱང་ཁྱེད་ཚོས་བཤད་པར་རྒྱབ་སྐྱོར་ཡོད།
༥ བཀའ་བློན་རྣམས་སྔར་མུས་བཞིན་སྤྱི་འཐུས་ཀྱིས་འོས་འདེམས་བྱས་ནས་འདེམས་པ་དེ་དེ་འདྲ་ལེགས་པོ་ཞིག་ཡིན་པ་མཐོང་དཀའ། དེ་ནི་ད་ལྟའི་གསར་དུ་བཟོས་པ་ལྟར། བཀའ་ཁྲི་རང་གིས་བསྐོས་པ་ཡིན་ན་བཀའ་ཤག་གི་ནུས་པ་གཅིག་ཏུ་བསྒྲིལ་ཐུབ་པར་ཕན།
༦ ༧གོང་ས་མཆོག་ལ་མཚན་དབང་ངེས་པར་དུ་འབུལ་བར་རིགས་ཀྱི་སྐུ་དབང་མ་མ་མོ་མོ་ཟེར་བ་མང་པོ་ཞིག་ཕུལ་ན་འོས་སུ་མི་མཐོང་ངོ་། ཁ་རུ་སྐུ་དབང་ཟེར་བ་མ་གཏོགས་དོན་དམ་པས་ལས་སྐུལ་བྱས་པ་རེད། བཅའ་ཁྲིམས་རགས་ཟིན་གྱི་དོན་ཚན་དང་པོའི་༣ དམིགས་བསལ་སྐུ་ཚབ་ཟེར་བ་སོགས་ཀྱང་མི་དགོས་པ་ཞིག་ཏུ་མཐོང་། སྐུ་སྒེར་གྱི་སྐུ་ཚབ་ཡིན་ན་སྐུ་སྒེར་ནས་སུ་བསྐོ་བསྐོ་རེད། སྐུ་སྒེར་གྱི་སྐུ་ཚབ་དེ་ཚོ་བཙན་གྱིས་བོད་གཞུང་ལ་སྦྲེལ་དགོས་པ་མི་འདུག དེ་བོད་གཞུང་ལ་སྦྲེལ་བ་ཡིན་ན། ༧གོང་ས་མཆོག་དང་རྒྱ་གཞུང་གི་འབྲེལ་བའི་ཐད་ལ་སྟབས་བདེ་བོ་ཞིག་ཡོང་གི་ཡོད་མེད་ད་རུང་བཤད་དཀའ་འོ། བོད་གཞུང་དང་ཆབ་སྲིད་འབྲེལ་བ་མེད་པ་ཡིན་ན། རྒྱལ་བ་རིན་པོ་ཆེ་སྐུ་སྒེར་དེ་རྒྱ་བོད་གཉིས་ཀྱི་གནད་དོན་གྱི་སྒོ་མོ་འབྱེད་པའི་ལྡེ་མིག་ཅིག་ཏུ་ཆགས་པར་གོ་སྐབས་ཤིག་ཡོད་པའི་རེ་བ་ཞུ་གི་ཡོད།
ད་མི་འདི་ཚོས་ཅི་ཞིག་ཤོད་ཀྱིན་ཡོད།༧གོང་ས་མཆོག་ལ་བོད་རྒྱལ་ཁབ་ཀྱི་གཙོ་འཛིན་གོ་གནས་འབུལ་དགོས་པ་རེད་ཟེར།༧གོང་ས་མཆོག་གིས་ཐུགས་ཐག་གཅོད་པོས་རྒྱལ་ཁབ་དང་གཞུང་གི་འགན་གང་ཡང་བཞེས་རྒྱུ་མིན་པ་དེ་གསལ་གསལ་ཐང་ཐང་གིས་གསུངས་སོང་།༧གོང་ས་མཆོག་གིས་འགན་གང་ཡང་བཞེས་རྒྱུ་མ་རེད་ལ།བཞེས་པའི་དབང་དུ་བཏང་ན་རྒྱ་ནག་ཕྱོགས་ནས་ཀྱང་༧གོང་ས་མཆོག་གི་ལྷག་བསམ་ལ་སྐྱོན་བརྗོད་བྱས་པ་དེ་ཡང་འདྲ་བོ་ཞིག་ཆགས་ངེས།ང་ཚོ་ནི་ང་ཚོ་རེད།བོད་པ་སྐྱབས་བཅོལ་བ་རེད།རྒྱལ་ཁབ་སུ་ལ་འང་མིག་དཔེ་ལྟ་ས་མེད།ད་ང་ཚོས་གཞི་ནས་༧གོང་ས་མཆོག་གི་ནུས་པ་དང་གཟི་བརྗིད་ཤེས་ཀྱིན་ཡོད་པ་འདྲ།༧གོང་ས་མཆོག་གིས་འགན་གང་ཡང་མ་བཞེས་ན་ལམ་ཁ་བོར་བའི་ཐང་འཁྱམ་པ་ཞིག་ཡིན་པ་གཞི་ནས་ཤེས་ཀྱིན་ཡོད་པ་འདྲ།༧གོང་ས་མཆོག་གིས་རང་བཙན་རྩོད་ཀྱིན་མི་འདུག།དབུ་མ་ལམ་དང་དེ་མིན་༧གོང་ས་མཆོག་གི་ཕྱག་ལས་ལ་སྐྱོན་རྗོད་པ་ཚོ་ཡར་ལོངས་ཤོག།ད་ནི་འགྲོ་རན་ལ་འཕག་རན།རང་ཉིད་འགྲོ་རན་པ་རེད།ཁ་རྒྱག་པ་ཚོ།
གོང་གི་དོན་ཚན་གསུམ་པ་དེར་མོས་མཐུན་ཡོད
ཆོས་སྲིད་ཟུང་འབྲེལ་གྱི་ཐད་ཀྱི་གོང་གི་སྐད་ཆ་དེ་ཅིག་མང་བོ་ཞྀག་སྐད་ཆ་ཡིན་རབས་བཤད་པ་ཙམ་ལས་དོན་ལ།བསྟན་ཐོས་རང་གི་བསམ་ཚུལ་རེད་འདུག་གོ།
སྐྱུ་རྩི་ལགས་ཁྱེད་ཀྱིས་གསུངས་པ་དེར་གུས་པས་རྒྱབ་སྐྱོར་བརྒྱ་ཆ་བརྒྱ་ཐམ་པ་ཡོད། ༼ འཛམ་གླིང་ནང་ལོ་རྒྱུས་ཡུན་རིང་ལྡན་པའི་པུར་རྒྱལ་བོད་རྒྱལ་ཁབ་ཀྱི་མཚན་དེ་བཙན་བྱོལ་བོད་མིའི་སྒྲིགས་འཛུགས་སུ་བསྒྱུར་བ་སོགས་ལ་བལྟས་ན་ད་ང་ཚོས་གཞིས་བཞུགས་བོད་མི་ཡོངས་ལ་གདོང་བསྟན་ནུས་ས་རེད་དམ།༽
དེང་སང་མི་སྣ་རེ་ཟུངས་ཀྱི་རང་ཉིད་མཁས་འདོད་དང་འཇོན་འདོད་ཀྱི་བོད་མི་རིགས་ཀྱི་ལོ་རྒྱུས་ནག་སུབ་གཏོང་རྐྱང་བྱས་པ་དང་། རང་ཅག་གི་མི་རབས་ཕྱི་མ་རྣམས་ལ་རྒྱལ་རབས་ལོ་རྒྱུས་ཀྱི་དཔང་པོ་མེད་པར་བརྕིས་བྱེད་ཀྱི་འདུག གལ་ཏེ་བཅའ་ཁྲིམས་སྐྱར་བཅོས་ཚོགས་ཆུང་གི་ཚོགས་མི་ཚོར་འཇོན་ཐང་དང་ནུས་པ་ཡོད་ན་བྱེས་བཞུགས་སྤུན་ཟླ་རྣམས་ལ་ཕྱི་གསལ་ནང་གསལ་གྱི་སྐད་ཆ་ཞིག་རོགས། ཁོང་ཚོས་རང་གི་རྙེད་པར་དཀའ་བའི་ཚེ་སྲོག་ཀྱང་བོད་མི་རིགས་དང་རྒྱལ་ཁབ་ཀྱི་དོན་དུ་ཕུལ། བོད་ནས་གཉེན་ཕྲད་ལ་ཕེབས་མཁན་རྣམས་པར་ང་ཚོ་སྐྱབས་བ་འདྲ་འདྲའི་ནང་ནས་མི་འདྲ་བའི་སྐྱབས་བཅོལ་བ་ཞིག་ཡིན། ཁྱེད་རྣམ་པར་འཇོན་ནུས་དེ་ལས་མེད་ན་དམངས་གཙོའི་ཀ་བ་གསུམ་ལྡན་གྱི་གཞུང་ཞིག་ཡིན་ཞེས་འུར་འདྲོགས་མ་རོགས་གནང་ཞེས་ཞུ་འདོད་བྱུང།
ཕྱོགས་བཞི་མཚམས་བརྒྱད་ནས་འདི་དང་འདི་འདྲ་བའི་སེམས་འཚབ་དང་། འདི་དང་འདི་འདྲ་བའི་རང་ཉིད་ཀྱི་སེམས་ནང་གི་བསམ་ཚུལ་དེ་ཚོ་བགྲོ་གླེང་གི་ཚུལ་དུ་ཕུལ་བ་ཧ་ཅང་ཡག་པོ་རེད།
བསམ་ཡོད་ཚོས་ཐུགས་སྣང་དང་དོ་སྣང་གནང་ན་ཕན་ཐོགས་ཡོད་ངེས་རེད། བློ་དང་ལྡན་པ་བསྟན་འཛིན་ཐོས་བསམ་ལགས་ཀྱི་་བཏོན་པའི་དོན་ཚན་དྲུག་ཡོད་པ་ཚང་མ་གནད་འགག་ཅན་ཤ་སྟག་རེད། ངེས་པར་དུ་ཚོགས་ཆེན་ཐོག་གོ་བསྡུར་ཞུ་དགོས་ངེས་གི་དོན་དག་ཅིག་རེད།
དྲ་གྲོགས་ཚོ་ད་དུང་ང་ ཚོ་འགྱུར་བ་གཏོང་ཡག་གི་ཚིག་ཁ་ཤས་ལྷག་འདུག་དཔེར་ན་ང་ཚོའི་སྲོལ་རྒྱུན་འབོད་ སྲོལ་ལ་རྗེ་ཡབ་སྲས་གསུམས་ལྟ་བུ་ཡིན་དེ་འགྱུར་བ་མ་བཏང་བ་ཡིན་ན་མ་འོངས་པར་ ཁྲིམས་ཐོག་ནས་དཀའ་ངལ་ཞིག་འཕྲད་པའི་བཟོ་འདྲ་བོ་འདུག་ཧཧཧཧཧཧཧཧཧཧཧཧ
དྲ་གྲོགས་ཚོ་་འདས་པའི་ཉམ་ མྱོང་ལ་ཞིག་ན་ང་ཚོས་ཕྱོགས་ཡོང་ནས་ལྕགས་གསེར་ལ་འསྒྱུར་བའི་འབད་བརྕོན་བྱས་པ་ ལས་།གསེར་ལྕག་ལ་འསྒྱུར་བའི་ཐབས་ཤེས་བྱེད་མི་རུང།
ལྟ་བཟོ་བསྟན་བཟོ་མེད་པའི་ཐ་སྙད་འགའ།
གསར་དུ་བཟོས་ནས་ལྷག་བསམ་ཡིན་མདོག་གིས།
མ་འོངས་བོད་མིའི་མདུན་ལམ་ཆུ་ལ་གཡུག།
དེ་དག་བསམ་ན་དབང་མེད་མིག་ཆུ་ཤོར།
ད་དཀོན་མཆོག་གསུམ། རྒྱལ་བ་རིན་པོ་ཆེར་ངོ་རྒོལ་དང་དྲག་བརྡུང་བྱེད་ཀྱི་འདུག ཁ་སྔོན་རྒྱལ་བ་རིན་པོ་ཆེས་དབང་ཆ་དང་ཆབ་སྲིད་ཀྱི་འགན་བཞེས་ཀྱི་མིན་གསུངས། ད་འོག་ལ་སྡོད་མཁན་ཚོས། ཨུ་ཚུགས་མཐའ་སྐྱེལ་གྱིས་འདི་བཞེས་དགོས་ཡོད་ཟེར། དེ་ཁོང་གི་བཀའ་ལ་མ་རྩིས་པ་དང་ཁོང་ལ་ངོ་རྒོལ་བྱེད་པ་དང་ཨ་ན་མ་ན་རེད།
ཨ་ཙི་ད་ལྐུགས་པ་དེ་ཚོས་ཉིན་མ་གཅིག་རྒྱལ་བ་རིན་པོ་ཆེ་ལ་སྡུག་གཅོང་དང་མནར་གཅོད་བཏང་ནས་སྐུ་བཀྲོངས་ཉེན་འདུག
བླ་མ་ཀ་ལུས་ཡང་སྲིད་ལ་གཟིགས་དང་།