ཉི་མས་ཟླ་བ་བཞུ་སྟངས་ཤིག—རྣལ་འབྱོར་བའི་ཆོས་ལུགས།

Comments (92) on “ཉི་མས་ཟླ་བ་བཞུ་སྟངས་ཤིག—རྣལ་འབྱོར་བའི་ཆོས་ལུགས།”

1. དཔེ་ཡག་པོ་འདུག་
   ཐུགས་རྗེ་ཆེ་
   རྣལ་འབྱོར་བ་རང་རེད་འདུག་
   རྗེས་སུ་ཡི་རང་ཆེན་པོ་ཡོད

2. བཀྲིས་བདེ་ལེགས་ཞུ།

3. བདེ་ལེགས།

4. ཧེ་རུ་ཀ རང་ལ་ཐག་རིང་པོ་ནས་བཀྲིས་བདེ་ལེགས་ཞུ་བཞིན་ཡོད། ངོ་མ་རྩོམ་གཤིས་ལ་སྒྱུ་རྩལ་ལྡན་གི་ཡ། བྱུང་དགའ་ནི་ཡིན་གོ་ལགས།

5. རྣལ་འབྱོར་བ་ངོ་མ་ཞིག་ཡིན་ས་རེད། རྩོམ་སྟངས་དང་བཤད་སྟངས་སོགས་ལ་བལྟས་ན་ཧ་ཅང་ཚད་མཐོན་པོ་ཕྱིན་འདུག མུ་མཐུད་དུ་རེ་བ་ཆེ།

6. ཀླུ་སྨྱོན་ཚང་གིས་སྙན་ངག་གནམ་ས་ཁེབས་ཚད་དུ་བྲིས་སོང་མོད།ད་བར་དུ་བློ་ལ་འབབ་ནོ་གཅིག་པོ།ཁ་སང་སྔོན་འདིར་རྡ་སའི་རྒས་གཉེར་ཞེས་བའི་རྩོམ་ཡིག་དེའི་ཁ་བྱང་དང་པར་དེ་གཉིས་རེད། རེད་ལ་ཀླུ་སྨྱོན།ཕྲན་ཀློག་པ་པོ་ག་འདྲ་འདུག

7. ཀླུ་སྨྱོན་ཧེ་རུ་ཀ་ལེགས།
   གོང་དུ་མཆན་བུ་པ་གཉིས་ཀྱིས་ལེགས་གསོལ་ཞུས་པ་ལེགས་འདུག ཁྱེད་ཀྱིས་ལྷ་དང་ལྷ་མོ་རྣམས་རོལ་ཚུལ་་ལ་གཞིར་བྱས། རང་གི་བཞེད་དོན་མཛད་པར་བསྐུལ་བ་གྲུབ་བམ་མི་གྲུབ་ངེས་པ་མེད་ཀྱང་། བོད་སྐད་ཀྱི་ལྷ་མོ་སྒྲ་དབྱངས་མ་དེ་ཁྱེད་ཀྱི་མགྲིན་པར་རོལ་པར་ངེས་པས་རྟག་སྦྱོར་དང་གུས་སྦྱོར་བོད་སྐད་ལྷ་མོ་དབྱངས་ཅན་མ་ཡུན་རིང་དུ་བསྟེན་པར་མཛོད་ཅིག ཅེས་ཞར་བྱུང་དང་། དོན་དངོས། གནོངས་དང་། ཞེས་པ་དེ། མཛོད་དང་། ཞེས་པའི་དོན་ཡིན། ཡིན་ན། ཡན་ལག་བརྒྱད་ལྡན་ཆུ་འགྲམ་དུ། བ་ཚྭའི་ཁྲོན་པ་རྐོ་བ་དང་མཚུངས་སོ། དོམ་ནག ཅེས་པ་དང་། ཁྱི་ལྡོམ་གྱི་མཉམ། ཞེས་པའི་དོམ་དང་ལྡོམ་གཉིས། དོན་གཅིག་གམ་སོ་སོ་ཡིན། གཅིག་ན་ཡི་གེ་སྔ་ཕྱི་འགལ་བའི་ཉེས་སྐྱོན་དུ་མཐོང་། འབྱུང་བོ། ཞེས་པར་ཆོས་སྐད་དུ། འབྱུང་པོ། རང་གི་ལུང་ཚིག་རིག་གཞུང་གི་སྐད་ལ་སླད་བཅུག་པའི་སྐྱོན། བསྐལ་བ་སྟོང་གི་ བསྐལ་པ་འཇིག་པའི་ཞེས་བཀོད་པར་བསྐལ་བ་དང་བསྐལ་པ། གང་དག་པར་ངོས་འཛིན་ནམ། ཕྲེང་བ་དང་། འཁྲུལ་བ་ཞེས་པར་འཕྲེང་བ་དང་། འཁྲུལ་པ་ཞེས་འདོན་པ་དང་། འབྲི་བ་ལ་དགག་པ་ཡོད་དམ་ཞེས་དྲི་བ་ལགས།

8. མཛོད་དང་། ཞེས་པའི་དོན་ཡིན་ནམ། ཞེས་བཅོས་སོ།

9. རྒན་ལ་དྭགས་པ་ལགས་ཕེབས་པར་དགའ་བོ་བྱུང་། ཉིད་ཀྱི་དྲི་བར་ལན་ཕུལ་གོང་དྲི་བ་གཞན་པ་ཞིག་ཡོད། དེ་ནི་མདོ་སྡེ་ཟ་མ་ཏོག་གི་ནང་དུ། རྒྱལ་རིགས་རྣམས་ཐམས་ཅད་ཁུ་སྒོ་དང་ལྕགས་ཀྱིས་བཅིངས་ཏེ་ཟངས་ཀྱི་བྲག་ཕུག་ཏུ་སྦས་སོ།།ཞེས་པའི་ནང་གི་ཁུ་སྒོ་ཞེས་པ་དེ་ཐག་པའམ་དངོས་པོ་གཞན་ག་འདྲ་ཞིག་གི་མིང་ཡིན་ནམ། ཁུ་སྒོ་ཞེས་པའི་ཐ་སྙད་འདི་དེང་སང་གི་དག་ཡིག་ཚོའི་ནང་དུ་རྙེད་ཐབས་མི་འདུག་ཅིང་། སྐྱོགས་སྟོན་གྱི་ལི་ཤིའི་གུར་ཁང་ན་ཡོད་སྲིད་ཀྱང་རང་ལ་ཡོད་པའི་དེབ་དེ་རྙེད་ཐབས་མི་འདུག་པས། རྒན་ཉིད་ཀྱི་བཀའ་འདྲི་ཞུས་པ་ལགས། སྔོན་གྱི་བརྡ་རྙིང་པ་མང་པོ་ཞིག་དེང་སྐབས་སྤྱི་སྐད་དང་ཡུལ་སྐད་གང་གི་ཁྲོད་དུའང་མེད་པར་རྩ་བརླག་ཏུ་སོང་འདུག་སྙམ། རེ་འགའ་ཡུལ་སྐད་བྱེ་བྲག་པ་རེའི་ནང་དུ་ཡོད་སྲིད་ཀྱང་ལ་དྭགས་དང་ཁུ་ནུ་སོགས་ཀྱི་ཡུལ་ལ་འགྲོ་མ་ཐུབ་པས། བདག་གི་བརྡ་རྙིང་གི་ཕྱོགས་སུ་ཤེས་རྒྱ་ཧ་ཅང་ཆུང་བ་ཞིག་ཡིན་ལགས།

10. བསམ་འགྲུབ་ལགས། མི་རེ་རེའི་སྙན་ངག་ལ་མྱོང་རོལ་བྱེད་པའི་མཛེས་དཔྱོད་ཀྱི་ལྟ་བའམ་འཇུ་སྟོབས་མི་འདྲ་བས་ཉིད་ལ་ངས་བྲིས་བྲིས་པོའི་ནང་ནས་རྡ་སའི་རྒས་གཉེར་དེ་བློ་ལ་འགྲོ་བོ་ཞིག་བྱུང་བ་རེད། ཡིན་ན་ཡང་མི་གཞན་དག་ལ་དེ་ལྟར་མ་ཡིན་ཏེ། ལྷོ་ཕྱོགས་ཉི་ཟླས་རྡ་སའི་རྒས་གཉེར་གྱི་འཕྲོ་མཐུད་པའི་སྙན་ངག་དེའི་མཆན་བུ་འདེབ་མཁན་ཞིག་གིས་རྡ་སའི་རྒས་གཉེར་ལ་སྒྱུ་རྩལ་གྱི་ཁྱད་ཆོས་དང་སྙན་ངག་གི་འགུག་ཤུགས་ཅང་མི་འདུག་ཅེས་བརྗོད་ཡོད་པ་མ་མཐོང་ངམ། སྤྱང་ཀི་ཤ་ཟན་དང་རི་བོང་རྩྭ་ཟན་གཉིས་ཟས་ཀྱི་དོན་དུ་གྲོས་ཁ་མཐུན་པ་ཞིག་ཧ་ཅང་དཀའ་བ་འདྲ།

11. ཀླུ་སང་།   ཁྱེད་ཀྱི་རྟོགས་པ་མཐོན་པོའི་དོ་ཧ་དེ་རེ་ཞིག་གོ་ཐུབ་ཀྱི་མི་འདུག   ཕྱིས་སུ་རྫོགས་སྐོར་གྱི་དཔེ་ཆ་འགའ་རེ་ལ་བལྟ་རྒྱུ་བྱུང་ན་དེ་ནས་གོ་ཐུབ་རྒྱུའི་རེ་བ་ཡོད།    བརྡ་གསར་རྙིང་དགོས་ན་འདི་རེད།

    ༈ན་མོ་མཉྫཱུ་ཤྲཱི་ཡེ།དེ་ཡང་འདིར་བརྡ་གསར་རྙིང་གི་ཐ་སྙད་བཤད་པ་ལ།ཐུ་མི་ས་འབོ་༼ལྷོ་གཉལ་གྱི་ཐུ་མི་སྣང་གྲགས་ཀྱི་བུ་ཨ་ནུ་སྟེ།སམྦྷོཊ་དང་།སམྦྷ་དྲ་སོགས་རྒྱ་སྐད་དུ་བཞེད་པ་བྱུང་ཡང་།འདི་གཉལ་ན་ཡོད་པ་ས་འབུར་པོ་ཞིག་འདུག་པས།ས་འབོ་ར་ཡིན་པ་འདྲ།གང་ནའང་བོད་སྐད་དུ་སྣང་༽ར་དང་།བཙད་པོ་ཁྲི་སྲོང་ལྡེ་བཙན་གྱི་དུས་དང་པོར་བྱས་པའི་འགྱུར་རྣམས་ནི།དང་པོའི་བཀས་བཅད་ཀྱིས་བསྒྱུར་བ་སྟེ།སངས་རྒྱས་ཕལ་པོ་ཆེ་དང་།ལུང་སྡེ་བཞི་དང་།མདོ་སྡེ་ཁ་ཅིག་དང་ཤེར་ཕྱིན་གྱི་མདོ་ཁ་ཅིག་སྟེ།སྐད་གསར་བཅད་ཀྱིས་གཏན་ལ་མ་ཕབ་པ་རྣམས་སོ།།
    དེ་ལ་ནི།གང་ལ་གག་དང་།ཅི་ཕྱིར་ལ་ཇི་རོབ་དང་།ཇི་སྙམ་ལ་ཇི་ལྟར་དང་།རྩེ་མོ་ལ་སྤྱི་བོ་དང་།ཤིན་ཏུའམ་རབ་ཏུ་ལ་ཏེ་པོར་དང་།ཡང་།ཝཱ་ཌྷཾ་ཞེས་པ་བསྒྱུར་བའི་ཏེ་པོར་ནི།དམ་པ་དང་།སྲ་བ་དང་།དྲག་པ་དང་།ཚབས་ཆེ་བ་རྣམས་ལ་འཇུག་པ་དང་།རྐྱེན་སྨན་ལ་རྐྱེན་རྩི་དང་།ལྟག་པ་ལ་གླག་པ་དང་།སྤོས་དང་སྤོས་ཕོར་ལ་པོག་དང་པོག་ཕོར་དང་།བསལ་བ་ལ་བསྩལ་བ་དང་།སོགས་པ་ལ་སྩོགས་པ་དང་།བསུ་བ་ལ་བསྩུ་བ་དང་།དྲི་བསུང་ལ་དྲི་བསྩུང་དང་།བསངས་པ་ལ་བསྩངས་པ་དང་།།རྫོཊ་སོ་ལ་རྫོགས་ཤོ།གཡོགས་པ་ལ་ཡོགས་པ་དང་།གོ་ཆ་ལ་གོ་ཅ་དང་།བྲག་ཆ་ལ་བྲག་ཅ་དང་།རིན་པོ་ཆེ་ལ་རིན་པོ་ཅེ་དང་།དཀོན་མཆོག་ལ་དཀོན་ཅོག་དང་།རིན་ཆེན་ལ་རིན་ཅེན་དང་།ཁྱིམ་ལ་སྡུམ་པ་དང་།དབུས་ལ་དབུང་དང་།འགྲོ་བ་ལ་བགོམ་པ་དང་།གྲུབ་པ་ལ་རེད་པ་དང་།འགྲེལ་བ་ལ་འགྲོལ་བར་བསྒྱུར་བ་ལ་སོགས་པ་མང་སྟེ།རྒྱས་པར་ནི་གསུང་རབ་ལས་ཤེས་པར་བྱའོ།།ཡང་།དེ་དག་ཏུ་ད་དྲག་དང་།དཔྱིད་སླ་ར་བ་སོགས་དང་།དེའ་ལའ་ནིའ་ཞེས་པ་ལྟ་བུ་འ་ཡིག་མཐའ་རྟེན་སྦྱར་བ་ནི་སུམ་རྟགས་ཀྱི་དགོངས་པ་ཡིན་ཀྱང་དོན་ལ་ཐོབ་པ་གཞིར་བཅས་ནས་ཡི་གེ་ཉུང་བའི་སླད་དུ་བཞག་པ་དང་།ཡང་།མྱེད།མྱིན་སོགས་ཡ་བཏགས་པ་དང་།རལ་གྱི་སོགས་ནི་ལོ་ཙཱ་བ་ཁ་ཅིག་གིས་ཡུལ་སྐད་ཤོར་བར་གྲགས་པ་ཡིན་ནོ།།
    གཉིས་པ་སྐད་གསར་བཅད་ལ་ནི་དེ་དག་གི་ཟླས་དྲངས་པ་ཇི་སྐད་བཤད་པ་རྣམས་དང་།གཞན་ཡང་གསུང་རབ་ལ་གྲགས་པའི་མིང་ཕལ་ཆེ་བ་རྣམས་སོ།།བཀས་བཅད་གཉིས་པོ་དེ་ནི་མངའ་བདག་ཁྲི་རལ་པ་ཅན་ཡན་ཆད་དུ་སྐ་ཅོག་ཞང་གསུམ་ལ་སོགས་པས་མཛད་པ་ཡིན་ནོ།།
    བཀས་བཅད་གསུམ་པ་ནི་ལྷ་བླ་མ་ཡེ་ཤེས་འོད་ཀྱི་དུས་ཀྱི་སྒྲ་སྒྱུར་ལོ་ཙཱ་བ་ཆེན་པོ་རིན་ཅེན་བཟང་པོ་ནས་དཔང་ལོ་ཙཱ་བ་ཆེན་པོ་དང་སྙིགས་དུས་ཀྱི་སྐད་གཉིས་སྨྲ་བ་གཅིག་པུ་པ་ལོ་ཆེན་དྷརྨ་པཱ་ལ་བྷ་དྲའི་བར་དུ་བྱོན་པ་རྣམས་ཡིན་ལ།ལོ་ཆེན་གྱིས་ནི།གཉི་ཟླ་ལ་ཉི་ཟླ་དང་།བསྟན་བཅོས་ལ་བསྟན་ཆོས་དང་།སྟུག་པོ་ལ་འཐུག་པོ་དང་།ཉི་ཤུ་དང་སུམ་ཅུ་དང་སུམ་བརྒྱ་རྣམས་ལ།གཉིས་བཅུ་དང་གསུམ་བཅུ་དང་གསུམ་བརྒྱ་དང་།བསམ་གཏན་ལ་བསམ་བཏན་སོགས་འཆོས་པར་མཛད་ཀྱང་།བཀས་བཅད་བར་པ་བཞིན་དུ་གནས་པ་མང་ཞིང་།དེ་དག་གི་བརྡའི་ཁྱད་པར་གསུང་རབ་རྣམས་སུ་འབྱུང་བ་འདི་སྙེད་ཅིག་མཆིས་ཏེ།ཀྭ་དང་གག་ནི་ཀྱེ་དང་གང་།སྐྱོར་སྐྱོར་ནི་ཡང་ཡང་།བླ་འོག་ནི་སྟེང་འོག།བླ་སྐྱལ་བ་ནི་མི་ཟད་པ།རྩ་ལག་ནི་གཉེན།གཉའ་བོ་ནི་དཔང་པོ།རིད་པ་དང་སྦེག་པ་ནི་དངོས་ངན་པ་དང་ཤ་ཆུང་བའམ་སྐེམ་པ།གྱ་བ་ནི་ཉམས་པ།གྱག་པ་ནི་བརླག་པ།ཡེ་འབྱམ་ནི་སྟོང་ཉིད།དབལ་ནི་ཏོག་དང་རྩེ་མོ་དང་ཤ་ཉམས་དང་མེའི་དྲོད།ངོ་ག་ནི་སྣང་ངོ་།གམ་ཡོ་ནི་ཉེ་འཁོར།དམུས་བྱུང་ནི་ཚི་ཆད་དམ་ཡི་ཆད།ཐེན་ཆེར་ནི་ཅ་རེ།ག་ཞན་ནི་བཞད་གད་ཀྱི་སྒྲ།ཡ་ལད་ནི་གོ་ཆ་སྤྱི་དང་སྐབས་ཐོབ་ཀྱི་རྨོག་གི་མིང་ལ་འཇུག་པའང་ཡོད།གནའ་ནི་ཐོག་མའམ་སྔོན།ཡོད་དོ་ཅོག་དང་འགྱུར་རོ་ཅོག་ལྟ་བུའི་ཅོག་ནི་མཐའ་དག་གི་དོན།གྱུར་ཅིག་གུ་ལྟ་བུའི་གུ་ནི་སྨོན་པའི་ཚིག།།སྦྲེབས་པ་ནི་སྐེམ་པ།གསང་ཁུང་ནི་བཤང་ལམ།མདུང་དོར་ནི་རྒྱན་འགྱེད།ཆམ་དུ་ནི་གཏན་དུ།ནོད་པ་ནི་ཐོབ་པའམ་བཞག་པ།ཐ་ཚིག་ནི་ཚིག་གི་དོན།བསྟི་བ་ནི་ངལ་གསོ་བ།བརྣག་པ་ནི་བསམ་པ།སྨྱང་བ་ནི་བརྐྱང་བ།ནམ་ཞར་ནི་ནམ་ཡང་།འོན་ཏང་ནི་འོན་ཀྱང་།བཀྲི་བ་ནི་དྲང་བའམ་འཁྲིད་པ།དབྲག་ནི་བར།གཟགས་པ་ནི་ཟགས་པ།ཕྱམ་ཕྱད་ནི་མཉམ་ཉིད།བགྲོ་བ་ནི་གླེང་བ།རྨ་ག་ཆད་ནི་ཡང་དག་པའམ་ཕལ་པོ་ཆེ་དང་སྙན་གྱི་གོང་རྒྱན།བསྟར་བ་ནི་བྱི་དོར་ལེགས་པ་དང་གཟབས་པ་དང་སྤྲས་པ་དང་།སེམས་ལ་སྒོམ་པ་དང་ཡོད་པ་ལ།གཏིང་ཕྱིན་པ་ནི་དཔྱིས་ཕྱིན་པ།བྲོ་ནི་མནའ།ཆང་ཁྱུ་ནི་ཚོགས་པ།སྤ་ལོ་ནི་སྤོབས་པ།ཐ་རམ་ནི་ངན་པ།བརྙང་བ་ནི་འཁྲུ་བ།དབྱེ་ནི་ཐང་།བསྙིལ་བ་ནི་དོར་བའམ་ཕྱིར་བསྐྲད་པ།ལག་པ་བསྙལ་བ་ནི་ལག་པ་བཀྲུས་པ།མཐོང་ག་ནི་བྲང་།གླམ་པ་ནི་སྣམ་བུ་འཐུག་པོ།ཁྲ་ཁྲོ་ཅན་ནི་སྤྲོ་ཐུང་བ།རུང་ཁུས་ཟ་བ་ནི་གཏུམ་པ།མགོ་ནན་ནི་ཐོག་མ།ཇེ་ནི་དང་པོ་དང་རེ་ཞིག་ཅེས་པ་ལའང་།གཞི་པོ་ནི་གཞི་མ།ཇི་འོས་ནི་འཚམ་པ།གནོང་མི་བཀུར་བ་ནི་ཉེས་པ་ཁས་མི་ལན་པ།བསྒོ་བ་རྣར་གཟོན་པ་ནི་བསྒོ་བ་ལ་མི་ཉན་པ།འཆབ་པ་ནི་གསང་བའམ་སྦེད་པ།འཛན་དཀའ་ནི་སྦྱོར་དཀའ།འཁུ་བ་ནི་ཞེ་སྡང་བ།བཅབས་པ་ནི་སྦས་པ།གྱ་ཙོམ་ནི་མ་བརྟགས་པ།རྣ་བླགས་ནི་རྣ་བ་གཏོད་པ།ཐ་ཆད་པ་ནི་ངན་པ།སྩེལ་བ་ནི་སེལ་བ།འཕྱེ་བ་ནི་འགྲོ་བ།སྨྲེང་ཚིག་ནི་གསང་ཚིག་དང་སྨྲ་བ་ཙམ་ལའང་།སྨྲེང་བ་ནི་སྨྲ་བ།སྨྲེ་བ་ནི་ངན་པར་སྨྲ་བ།སྨྲེ་སྔཊ་ཀྱང་དེ་ཉིད།རྨས་པ་ནི་དྲིས་པ།མི་འཇབ་པ་ནི་རྩུབ་པ།དྲལ་བ་ནི་བཅོམ་པའམ་ཞིག་པ།བླ་མཐང་ནི་སྟོད་སྨད་དམ་ཕྱི་ནང་།བསོད་པ་ནི་བཟང་པོའམ་ལེགས་པ།བསྟབས་པ་ནི་བྲིམས་པའམ་བྱིན་པ།སྟོབ་པ་ནི་འབྲིམ་པའམ་སྟེར་བ།སྟོབ་པ་ནི་མགྲོན་དུ་གཉེར་བ།བྱེར་བ་ནི་སོང་བ།བརྟ་བ་ནི་རྒྱས་པར་བྱ་བ།བརྟས་པ་ནི་རྒྱས་པ།ད་ཀོ་ནི་ད་ནི།འདི་ཀོ་ནི་འདི་ནི།བཀོན་པ་ནི་ཁྲོ་བ།ཇི་ག་ནི་བརྟག་པ།ཁྱོ་ཤུག་ནི་བཟའ་ཚོ།གཞོལ་བ་ནི་འབབ་པ།ཉིས་ན་ནི་རྣམ་པ་གཉིས་སུ་ན་ཞེས་པ་ལྟ་བུའམ།
    ཡང་ན་ཐ་བ་ནི་རེངས་པ།མཐར་གྱིས་ནི་རིམ་གྱིས།གཞར་ཡང་ནི་སླར་ཡང་ངམ་ནམ་ཡང་།མནོས་པ་ནི་བསམས་པ།གྱ་ནོམ་ནི་ཕུན་སུམ་ཚོགས་པ།གྱ་ནོམ་སྣང་བ་ནི་ཡོད་པ་དང་ལེགས་པའི་དོན་ཡང་ཡིན།ཕྱད་པར་ནི་རྒྱུན་པར།བསྣམས་པ་ནི་ཐོགས་པ།ཤ་དག་ནི་ཤ་སྟག།འཇུད་པ་ནི་འཇུག་པ།རྔུབ་པ་ནི་འདུས་པའམ་འཇུག་པ།ཚམ་ངམ་ནི་འཇིགས་སྟངས།བབ་བབ་བམ་བབ་ཅོལ་ནི་མ་བསམ་པར་སྨྲ་བའམ་འཕྲལ་མ།ཕྱང་ཡར་ནི་འཕྲིན་ལས།སྣམ་ལོགས་ནི་ཟུར་དང་རྒྱབ།སྣྲེལ་ཞི་ནི་ལོགས་སམ་འཕྲེད་དམ་འཆོལ་པ་གོ་རིམས་སུ་མི་གནས་པ།ཉོད་པ་ནི་ཟས།རོད་པ་ནི་གོས།ཡོང་ཡེ་ནི་ངེས་པར་རམ་རྣམ་པ་ཀུན་ཏུའམ་རྣམ་པ་ཐམས་ཅད་ཀྱི་ཐམས་ཅད་དུ་ཞེས་པ་ལྟ་བུ།བསྟིར་མེད་ནི་མནར་མེད་དམ་ངལ་གསོ་མེད་པ།སྤྲིབས་པ་ནི་ལྟོགས་པ།བྲུ་བ་ཚ་བ་ནི་བཀྲེས་པ།བས་པ་ནི་ཟད་པའམ་མཐའ་དག་པ།བརྣན་པ་ནི་ངེས་བཟུང་།རམ་ཤག་ནི་འབྱོར་བ།མནངས་ནི་ནོམ་པའམ་སྲིད།མཐའ་གྲུ་དང་ཐག་གྲུ་ནི་རྒྱ་ཁྱོན།མནབ་རྩལ་ནི་ཁ་ཟས།གཡེར་པོ་ནི་མཁས་པའམ་གྲིམས་པ།ཁོས་རང་ཆབ་མི་འཚལ་བ་ནི་མདུན་མ་ཆུད་མི་ཟའོ།བསྐྱུད་པ་ནི་བརྗེད་པ།ཁད་ཀྱི་ནི་དལ་བུ།བྱུར་ནི་མྱ་ངན།ཡོལ་གོ་ནི་སྣོད།བསྙེངས་པ་ནི་འཇིགས་པ།བསྙེམས་པ་ནི་ང་རྒྱལ།ཡུག་པ་དང་ཡོབ་ཡོབ་ནི་རྐང་པ།སུག་པ་ནི་ལག་པ།ནེམ་ནུར་ནི་ཡིད་གཉིས།རྒྱ་ཅང་ནི་སྐ་རགས།གུར་བུ་ནི་གྲུ་བཞི།གྱི་ན་དང་གྱིན་འདར་ནི་དམན་པའམ་དོན་མེད་དམ་རང་བཞིན་པ།བརྟད་པ་ནི་གློ་བུར་བ།མི་ཡོགས་པ་ནི་མི་ཁེབས་པ།འུབས་པ་ནི་འདུས་པ།ཁུད་པ་ནི་སྐྱེས་སམ་རྫོངས།སླགས་པ་ནི་བཀོད་པ།ཕྱང་ཆད་ནི་ཐག་བཅད།ལ་གོར་ནི་མགྱོགས་པའམ་སྐྱེན་པ།མུར་འདུག་ནི་མུ་སྟེགས།ཅོ་འདྲི་ནི་མཐོ་འཚམ།གཞེར་བ་ནི་བསྟེན་པ།ཡེལ་འཕྱོས་ནི་ཟུང་འཇུག།འཆོས་པ་ནི་ཟོས་པ།འདུ་འཕྲོད་ནི་ཚོགས་པ།ཕྱ་ལེ་བ་ནི་མཉམ་པ།ཆིབ་པ་ནི་ཁྱབ་པ།ཁོས་པ་ནི་འདུན་པ།ངོ་མཐོན་ནི་ནན་གྱི།མོལ་པ་ནི་གཏམ་མམ་གྲོས།ཚུད་མོ་མཁན་ནི་རྐོས་མཁན།གོ་འདུན་ནི་ཚོགས་ཤིང་འདུ་བ།གཞུར་བརྟག་ནི་ཟུར་ཟ་བ།ཉེར་བསྡོགས་ནི་སྟ་གོན།མྱག་ཕྲན་ནི་མདའ།གོར་མ་ཆག་པ་ནི་ཐེ་ཚོམ་མེད་པ།གོར་མ་བཀུམ་པའང་དེ་ཉིད།གནམ་རུ་ནི་གཞུ།སྤྲུག་པ་ནི་ཟད་པ།བཀར་བཏགས་ནི་ཁྲིམས་བསྒྲགས་པ།ཕུང་ཀྲོལ་ནི་དོན་མེད་པ།ལྷཊ་པ་ནི་གཏད་པ།ཕྱར་གཡེང་ནི་རྣམ་གཡེང་དང་རང་ཉིད་འདོད་པའི་ཆོས་གཞན་ལ་ངོམ་ཞིང་སྒེག་པའི་དོན་ཡང་ཡིན།སྒམ་པ་ནི་ཟབ་པ།བགམ་པ་ནི་ཉམས་སད་པ།མནབས་པ་ནི་གྱོན་པ།རྩེག་ལོག་ནི་ཕྲན་ཚེགས་སམ་སྲེད་ཞེན་ཆེ་བ།ཚར་ཕྱིན་ནི་མཐར་ཕྱིན།དབབ་པ་ནི་འབེབས་པའམ་བཞག་པ།གཟས་པ་ནི་བརྡེག་པར་བརྩམས་པ།ཕོན་པོ་ནི་ཚོགས་པ།འཛེར་བ་ནི་སྨྲས་པའམ་ཟེར་བ།འཆེལ་བ་ནི་ཞེན་པའམ་འཆད་པ།ཐ་རམས་ནི་གཏམས་པ།ཕྱིས་བུ་ནི་སྣོད།རྩེར་ཕྱིབས་ནི་མཐར་ཕྱིན།གླལ་བ་ནི་ཁ་གདངས་སམ་རྣམ་པར་བསྒྱིངས་པ།ཀླུབས་པ་ནི་ཕུབ་པའམ་གྱོན་པ།གཡེམ་པ་ནི་འདོད་པ།མུ་ཅོར་ནི་ཁ་ཟེར་བ་དང་ཁ་དྲག།གནམ་པོ་ནི་དྲང་པོ།འཇུག་པར།ཀྱེ་མ་གཞན་གྱི་གནམ་པོ་ཉིད།ཅེས་པ་ལྟ་བུའོ།ཁོར་ཟུག་ནི་ཁོར་ཡུག།ཆབས་ཅིག་པ་ནི་ལྷན་ཅིག་པ།ཆུབ་པ་ནི་རྟོགས་པ།གོ་འདུན་ནི་སྣ་ཚོགས་སམ་གང་མོས།མོང་དུ་ཆུད་པ་ནི་ཁོང་དུ་ཆུད་པ།རླིབས་པ་ནི་རྒྱ་ཆེ་བ།མཆིལ་པ་ནི་ལྕགས་ཀྱུ།ལྕགས་ཀྱོ་ཞེས་པའང་དེ་ཉིད།འགྱེད་པ་ནི་འགྱོད་པ།ཟང་ཟིང་ནི་ཤའམ་ཟས།ཟང་ཟིང་སྦྱིན་པའང་གཙོ་བོར་ཤ་སྟེར་བའི་དོན་དུ་བཤད།འགྱེར་བ་ནི་སྤོང་བ།གེར་མ་ནི་རག་མ།རུམ་ནི་ལྟོ་བའམ་ཕག།ཕོམ་པ་ནི་བུམ་པ།རྟོན་པ་ནི་འདོད་པའམ་རྗེས་སུ་འབྲང་བ།དོན་ལ་ནི་མི་རྟོན་ཚིག་ལ་རྟོན།འཕྱོ་བ་ནི་ལྡིང་བ།འགེམས་པ་ནི་འཇོམས་པ།སྙུགས་སུ་ནི་ཡུན་དུ།དབྲོག་པ་ནི་འཕྲོག་པ།གླེབས་པ་ནི་མནན་པ།རྗེན་པ་ནི་གཅེར་བུའམ་རྐྱང་པ།གལ་གྱིས་ནི་ནན་གྱིས་སམ་རྒྱལ་གྱིས།འཇེན་པ་ནི་ལེན་པ་དང་བཅགས་པ་དང་དངོས་པོ་ཡིད་དང་རྣ་བར་འཐད་པ་ལྟ་བུ་ལའང་ཡོད།རླུགས་པ་ནི་ལུག་པ་སྟེ་ཟས་མ་ཞུ་བ་ཕྱིར་བྱུང་བ།ནོངས་པ་ནི་ཉེས་པ།འཕྱེ་བོ་ནི་གོང་པོའམ་ཡན་ལག་མེད་པར་ལྟོ་བས་འགྲོ་བ།ཚུར་ཤེག་ནི་ཚུར་ཤོག།ལྕེ་རྟེན་ནི་བརྗོད་པའམ་སྙད་འདོགས་པ།སྲིབས་པ་ནི་བསྒྲིབས་པའམ་གྲིབ་རི་དང་མཚན་མོ།སླག་པ་ནི་པགས་པའི་གོས།སྡོད་པ་ནི་འཕེན་པ།ཁོལ་མའམ་གླང་མིག་ནི་སྐར་ཁུང་།འདི་དཀར་གསལ་དང་མུན་དཀར་ཟེར་བ་དང་བསྟུན་ན་དས་འཕུལ་ཐོབ་པར་སྣང་ཡང་།འདུལ་བ་ལ་སྐར་ཚོད་བལྟ་བའི་རི་མིག་བཞག་པ་ལས་བཏགས་པའི་བརྡ་བཙན་པར་བྱས་པའོ།འགྲེམས་པ་ནི་འགྱེད་པ།གསེག་ཤང་དང་གསིལ་བྱེད་ནི་འཁར་གསིལ།སྤྱི་ཏོར་ཅན་ནི་གཙུག་ཏོར་ཅན།གསོང་པོར་སྨྲ་བ་ནི་སྔར་སྨྲ་བའམ་དྲང་པོར་སྨྲ་བ།དོ་ཀེར་ཅན་ནི་ཐོར་ཅོག་ཅན།དཔེ་མཁྱུད་ནི་ཆོས་སྟོན་འོས་པ་ལའང་སྦ་བ།འབེལ་བའི་གཏམ་དང་བཀའ་མཆིད་ནི་ཡང་དག་པའི་གཏམ།མཁྱུད་སྤྱད་ནི་མན་ངག་ཕྲན་བུ་སྦས་ཏེ་འཆད་པ།མྱུར་ཐུག་ནི་མཐར་ཐུག།ཕོལ་བ་ནི་རྟོགས་པ།ལ་ཟླས་པ་ནི་ཐག་བཅད་པ།ལ་ཟློ་བ་ནི་མཐའ་འགེགས་པའམ་ཐག་གཅོད་པ།མི་ཆ་བ་ནི་མི་ཤེས་པ།ཆ་མེད་ནི་རྒྱུས་མེད།གཏོལ་མེད་པ་ནི་ཐབས་མེད་པའམ་རྒྱུས་མེད་པ།ཅི་གར་ནི་ཇི་ལྟར།ཅི་ཆིབ་ནི་མཐར་ཕྱིན།གར་ཅིག་ནི་གང་ཞིག།སྨྱན་ཀ་ནི་གཉེན་ཀའབགས་པ་ནི་ཉམས་པ།དམུན་པ་ནི་བླུན་པོ།ཤོ་བེ་ནི་རྫུན།ཤོབ་ཀྱང་དེ་ཉིད།ཤིད་ཟན་ནི་རོ་ཟན་ནམ་གཤིན་ཟས་སམ་དད་ཟས།ཤིད་ནི་གཤིན་པོ་ལ་དམིགས་པའི་དགེ་བ་བསྒྲུབས་པ།ཕྲུ་མ་ནི་ཕོ་བྲང་ངམ་དམག་སྒར།སྤོང་བ་ནི་རྩེ་བ།བརྟུན་པ་ནི་བརྩོན་པ།སྒོ་འཕར་ནི་སྒོ་གླེགས།སྤྱོས་པ་ནི་སྡིགས་པའམ་ཁྲོས་པ།སྙེམ་པ་ནི་གཡེལ་བའམ་སྙོམས་ལས།དབྱེ་ཚོང་ནི་ཚོང་ཁང་།ཐང་ལ་ནི་བཀྲམ་པ།བསླན་པ་ནི་བསྡུས་པའམ་ཕྱོགས་གཏོགས།ཚོག་ཕོར་ནི་རྫོགས་པར།བདར་བ་ནི་བཅད་པའམ་གཞོགས་པ།གཟེངས་པ་ནི་བརྐྱང་པའམ་གཟི་བྱིན།འཆེག་པ་ནི་འཇིག་པ།གློས་པ་ནི་རྨོངས་པ།རྨེག་མེད་ནི་གཏན་མེད།གཡེན་སྤྱོ་བ་ནི་ཅོ་དྲིའམ་སྡང་བར་བྱེད་པ།གཡམ་ནི་ཞར།རྨེད་པ་ནི་གསོལ་བ།སློང་ཕོར་ནི་ལྷུང་བཟེད།བྱ་མ་རྟ་ནི་ཉན་རྣའམ་བང་ཆེན།བྲོ་འཚལ་བ་ནི་ནད་པ།ད་བུར་ནི་སྲེག་གནས།བསེལ་བ་ནི་སྐྱེལ་མའམ་འཇིགས་པ་ལས་སྐྱོབ་པ།གཙུག་ལག་ནི་སྡེ་སྣོད།བསོད་ཉམས་ནི་འདོད་པ་ལ་ལྷག་པར་ལོངས་སྤྱོད་པའི་མིང་།བསྙད་པ་ནི་བཤད་པ།གོ་རེ་ནི་རྫོགས་པ།བརླང་པོ་ནི་རྩུབ་མོ།གཞོགས་སྟེགས་ནི་ཟུར་མིག་གམ་སྐེག་ཆོས།ཤུར་བུ་ནི་སྐ་རགས།འཛན་མོ་ནི་བགྲོད་བྱ་སྟེ་བུད་མེད།འཇུད་མཐུན་དང་འདོད་འགྲོ་དང་གཟུགས་འཚོང་ནི་སྨད་འཚོང་།ལག་གི་བླ་ནི་ལས་དེ་དང་དེ་ལ་བསྐོས་པ།འཛན་ཕོ་ནི་བགྲོད་བྱེད་དེ་སྐྱེས་པ།སྐ་རགས་ཕོག་གུ་ཅན་ནི་སྐ་རགས་རྒྱན་ཅན།འཐབ་ཀྲོལ་ནི་གནོད་རྒྱུ།འགྲེ་བ་ནི་གཡོ་བ།དོ་ཟན་ནི་མཆིང་བུ།ལྕགས་ཕོད་ནི་སྐ་རགས་ཀྱི་རྒྱན།ཁོད་སྙོམ་པ་ནི་ཡིད་མི་དགའ་བའམ་སྒྱིད་ལུག་པ།དཀྱུས་མོ་ནི་མགྱོགས་པའམ་རྒྱུག་པ།དང་ལ་ནི་རྫིང་བུ།ཀླབ་པ་ནི་ལ་བ།དམ་རྒྱ་ནི་ཁྲིམས།ཞ་སྒྲེ་ནི་རྣ་མེད།ལྟག་སྒྲེ་ནི་ལྟག་ཐེར།གོར་མོ་ནི་སྡང་སེམས།རྣ་བྲང་ནི་མདེའུ།བཤུག་པ་ནི་བསླང་བ།པུས་མཁྱུད་ནི་སྒོམ་ཐག།གཡར་ནི་ཁའམ་གདོང་ངམ་མདུན།ཧྭགས་ནི་བུ་རམ་གྱི་དྭངས་མའི་ཤ་ཁ་ར་སྟེ་འགྲེལ་པ་ཟླ་ཟེར་དུ་གལ་ལ་ཞེས་ཀྱང་གྲགས་པ།ཐགས་རན་ནི་བཏགས་པ།རྨས་པ་ནི་ཉམས་པ།མངན་ནི་མཐུ།དངར་ནི་གྲལ་ལམ་ཕྲེང་བ།གསུག་པ་ནི་རྔན་པ།བརྔན་ཞེས་པ་ནི་མཆོད་པ།རྣམ་འདལ་ནི་རྣམ་འདུད།འགྱེད་པ་ནི་གཏོང་བ།དབྲེས་པ་ནི་བརྗེས་པ།བསེན་ཁུས་པ་ནི་གཉེན་བསླུས་པ།བརྒྱད་བཀག་ནི་ཁ་སྨྲས་སམ་བཀྱོན་པ།འོ་ནི་ནི་འདི།བཟླུགས་པ་ནི་ཞུས་པའམ་དྲིས་པ།པོ་ཟོས་ཀྱང་ནི་ཇི་ལྟར་ཐོགས་ཀྱང་ཞེས་པ་སྟེ་ཡུལ་སྐད་ལ་པོ་མཐོ་ཡང་ཟེར།སྤྱོན་པ་ནི་འབོད་པའི་བརྡ་ཚུར་ཤོག་ཅེས་པ་ལྟ་བུའོ།།བྱོན་ཅེས་པ་སླེབ་ཟིན་པའི་དོན་ཏེ་དིང་སང་བརྡ་ནོར་མང་།འབྲོངས་པ་ནི་ཉེ་བར་བསྟེན་པ།བཤེས་སྤྲིང་དུ་མཐོ་རིས་བུ་མོས་འབྲོངས་ཤིང་ཞེས་པ་ལྟ་བུའོ།།མི་སློན་ནི་མི་ཟློགས།སྨག་ནི་མུན་པ།གོ་ར་ནི་བཙོན་ར།ཡ་མ་བརླ་ནི་སྙིང་པོ་མེད་པའམ་མི་བདེན་པ།ཀླད་རོལ་ནི་ཕྱི་རོལ།ཆང་ཐུབ་ནི་གང་ཟག།དོག་མ་ནི་མདུན།གེལ་པ་ནི་ཡལ་ག།འཕག་པའམ་ཆ་བ་ནི་འཇུག་པ།རན་པ་ནི་ལྕུག་ཕྲན།རེང་བུ་ནི་འབྲེལ་མེད་དམ་རྐྱང་པ།མི་འགོང་ནི་མི་ཞུམ།ཐན་ཀོར་ནི་ཉེ་འཁོར།བོག་རེ་ནི་བ་གམ།མ་སྟེས་པ་ནི་མ་ལེགས་པ།སྟེས་དབང་ནི་སྟོབས་ཤུགས།གནའ་བོ་ནི་སྔོན།སྣ་བོ་ནི་གཙོ་བོ།མི་གུ་ནི་མི་ཞུམ།ཉེའུ་གྱི་ནི་བཅུད་ཚོར།ཉེན་ནི་རྨང་།བེ་ནོ་ནི་འཛིན་པ།སྲོ་གང་ནི་ཁྲུས།དཀུ་མཉེ།དྲིལ་ཕྱི།མེ།སྟན་རྣམས་ཀྱི་མིང་།འདི་ལ་བསྲོ་ཁང་ཞེས་པའང་སྣང་།ཇེང་ནི་རྒྱུད་མངས་སམ་དབྱངས།རྨང་ལམ་ནི་རྨི་ལམ།གྱ་ཐོ་ནི་རྣ་རྒྱན།ལན་བོན་ནི་ལན་སློན།མདོང་མོ་ནི་མཇུག་དོའི་ནང་།རྣིལ་ནད་ནི་སོ་རྙིལ་གྱི་ནད།རྔུབ་རེ་ནི་ཧུབ་རེ།ཆུ་བྲུབ་པ་ནི་ཁོལ་བའམ་རྦ་ཀློང་།ཉུག་རུམ་ནི་རླིག་ཕྱུང་སྟེ་བཙུན་མོའི་འཁོར་དུ་འབྱུང་བ།ཞོགས་མ་ནི་སྟེང་གཡོགས།གཞའ་བ་ནི་མགུ་བ།གཞའ་ཚོན་ནི་འཇའ་ཚོན།བསྐྱད་པ་ནི་བསད་པའམ་འགྲན་པ།ཕྱི་བི་ནི་ཕྱི་རོལ།ཕ་བི་ནི་ཕ་རོལ།དགོན་དུང་ནི་ཆུ་མེད་པ།ཚ་སྒོ་ཅན་ནི་བ་ཚྭ་ཅན།མོང་བརྟུལ་ནི་བླུན་པོ།ལུང་བོང་དང་བན་ཀླང་ནི་བ་གླང་།ཕོལ་མིག་ནི་འཁོར་ལོ།མཚུན་ནི་ལྷའམ་ཕ་མེས།འཆེས་པ་ནི་ཁས་ལེན་པ།འཕེའུ་ནི་གསོལ་བ།གཞའ་གསང་ནི་གཡུང་དྲུང་ངམ་འཕྲིན་ལས།དམ་དེམ་ནི་དམ་བཅའ།ཕྱང་སྤྲུལ་ནི་རྒྱན་ནམ་སྤུད་པ།དབུ་རྨོག་ནི་དབུ་འཕང་།ཡིད་སྨོ་ནི་ཡིད་དགའ།གཉི་ཟེར་ནི་ཉི་ཟེར།སྦོན་པ་ནི་ཟ་བ།རྙོང་བ་ནི་བརྐྱང་བ།འབྱེར་བ་ནི་འགྲོ་བ།འདྲིད་པ་ནི་སླུ་བ།གཟོད་མ་ནི་དང་པོ།རིལ་ནི་ཐམས་ཅད།གཟེབ་ནི་གུར།ཀློང་དུ་གྱུར་པ་ནི་དབང་དུ་གྱུར་པ།བཅིབས་པ་ནི་ཞོན་པ།མི་བཟད་པ་ནི་དྲག་པོ།དྲག་ཤུལ་ནི་མི་སྡུག་པ།གཅམ་བུ་ནི་བཅོས་མ།བརྐམ་པ་ནི་འདོད་ཞེན།བརྐམ་ཆགས་ནི་འདོད་ཆགས་ཆེ་བ།འཆོབས་ཤིག་ནི་གསོངས་ཤིག།གཉོད་ཀ་ནི་འཁོས་ཀགཡུང་བ་ནི་ཞན་པ།བརྟུན་ངེས་པ་ནི་གཟུ་ལམ་དང་རང་བཟོ།གཞིབ་པ་ནི་འཇིབ་པ།གླགས་པ་ནི་འཇུག་པའམ་འགྲོ་འཚམས།དོང་སྟེ་ནི་སོང་སྟེ།འདོང་བ་ནི་འགྲོ་བ།དཔེན་པ་ནི་མཁོ་བའམ་འཕངས་པའམ་ཡིད་དུ་འོང་བ།བཙོག་པོ་ནི་ཕོ་བཙོག།རྙོང་ནི་གལ།ཇིས་ན་ནི་ཅིས་ན།ཏ་ལ་ལ་ནི་སྒྲོན་མེ།བསྙུངས་པ་ནི་ཉུང་ངུར་བྱས་པ།བསྙེན་སྲིང་ནི་ཉེ་རིང་།སྤང་བྱེད་ནི་རྡོ་བ།ཀོས་ཐག་ནི་ཉམ་ཐག།སྔ་མཁོ་ནི་སྔར་བཞིན།སྨྱུར་ཏེ་ནི་མྱུར་དུ།འོན་ཅིག་ནི་བྱོན་ཅིག།ལྡེམ་པོ་ནི་དྲད་པོ་མིན་པ།ཉིང་ཏོར་ནི་ངེས་པར།བྱོས་ཤིག་ནི་གྱིས་ཤིག།རངས་པ་ནི་དགའ་བ་དང་རིལ་པོ།ཁོང་འཁྱིད་ནི་ཁོང་འབྱིན།གཏུ་ལུམ་ནི་བཟི་བ།གྱུ་བ་ནི་བཀུར་བ།ཕོ་ཐེག་ཆེ་བ་ནི་ཁེངས་པ་སྟེ་ལྟ་བ་མཐོ་བའི་དོན།ཕོག་སྙ་ཆེ་བ་ནི་སྲན་ཆེ་བ།རྨེ་བ་ནི་སྨྲ་བ།རྨུན་པོ་ནི་བླུན་པོ།འཕན་པ་ནི་ཆག་པའམ་ཉམས་པ།ཆུའི་དངོ་ནི་ཆུ་ངོགས།གྲིའི་དངོ་ནི་གྲིའི་སོ།ཡོན་ཁར་བ་ནི་ཡང་དག་མིན་པ།འོར་འགའ་ནི་རེས་འགའ།འབྲུས་འགོགས་ནི་བརྩོན་འགྲུས།འབོགས་པ་ནི་བརྒལ་བ།འབོག་པ་ནི་བརྒྱལ་བ།བྱ་རྐོན་ནི་བྱ་རྒྱ།གཉིག་ཏུ་ནི་གཅིག་ཏུ།བློང་བ་ནི་རྨུགས་ཤིང་སོང་བ།བློ་བློང་ནི་ཡི་མུག་གམ་རིག་པ་མི་གསལ་བ།བློང་བློང་ཡང་ཟེར།གཞེན་འདེབས་དང་གཞན་བསྐུལ་ནི་དྲན་བསྐུལ།ཆད་པའམ་བང་སོ་ནི་དུར་གྱི་གནས།ཕོལ་ཏེ་ནི་ཕན་ཏེ།འུང་ནས་ནི་འདི་ནས།ཉིད་གྲུལ་ནི་རིགས་ངན།རྔད་མོ་ནི་དམོད་མོ།རང་ཉམས་ནི་རང་བཞིན།འགྲན་དོ་ནི་འགྲན་ཟླ།ཡིབས་སུ་ནི་དབྱིབས་སུ།བླ་ཁྱད་ནི་དྲེགས་པ།འུང་ཏེང་ནི་འོན་ཀྱང་།འོར་པ་ནི་བོར་བ།ཕ་ལོགས་ནི་ཕ་རོལ།གྱིམ་ཤིང་ནི་རོལ་མོ།ཆོ་ལོ་ནི་རྒྱན་པོ།ཟུས་ནས་ནི་ཟུག་ནས།བློན་འདེབས་ནི་ཆོས་སྟོན་ནམ་ཟུར་ནས་གྲོས་འདེབས།གདས་པ་ནི་སྨྲ་བའམ་ཞུས་པའམ་ཞུ་བ།སྣ་རུ་ནི་ན་རོ།འགྲོངས་ནི་རྨའི་སྒོ།མཆིས་འབྲང་ནི་ཆུང་མ།མ་དྲངས་པ་ནི་མ་དུལ་བ།གཞོངས་ནི་ལྗོངས།བུས་པ་ནི་བྱིས་པ།འཇེབས་པ་ནི་འགྲོགས་པའམ་ལེགས་པའམ་སྙན་པ།ནན་ཏུར་ནི་ཆད་ལས།ཡུས་ཏེ་ནི་བདེན་ཏེ།ཞ་འབྲིང་དང་ཞམ་འབྲིང་ནི་ཞབས་འབྲིང་།རྨེན་ངན་ནི་ལྟས་ངན།གཏི་བ་ནི་སྨྲ་བ།སླད་བཞིན་ནི་ཕྱི་བཞིན།གཤོར་བ་ནི་རྩུབ་པ།འཕྱན་པ་ནི་འཁྱམ་པ།གཤོར་བ་ནི་སྣོད།ཀླག་ཅོར་ནི་ཅ་ཅོ།ཤེན་པ་ནི་བཤེན་པ།རྙིས་པ་ནི་རྙིངས་པ།སྨྱེ་བ་ནི་ཞན་པ།ལེའུ་གློན་པ་ནི་ལན་ལྡོན་པ།འདྲག་མཐིལ་ནི་ལག་མཐིལ།བུམ་བུ་ནི་བུམ་ཆུང་།རྩིག་གུ་ནི་རྩིག་པ།བྲུངས་ཀྱང་ནི་ཀུན་ཀྱང་།རེ་རྨ་ནི་བུད་མེད།ནན་ཐུར་ནི་ནན་ཏན།གཡུར་དང་ཡུར་ནི་གཉིད།སྒྲེའུ་ཆུང་ནི་འཛག་སྣོད།པར་ཏང་དང་དྲེའུ་རྔོག་ནི་སྟན་ཁྲ་བོ།སྨྱུགས་ནས་ནི་བཅུག་ནས།དཀུ་སྟེ་ནི་ལྷག་སྟེ།མ་ལ་ནི་ཀྱེ་མའམ་ཀྱི་འུད།ངོག་གོ་ནི་ནོན་ནོ།མདུན་བདར་བ་ནི་མདུན་ནས་བསྟོད་པའམ་མདུན་དུ་བགྱིས་པ།ཐོང་ཁོར་ནི་གར་བུ།ལག་ཏུབ་ནི་སྒྱོགས།ལྡོངས་པ་ནི་ལོང་བ།དམིགས་བུ་ནི་ལོང་ཁྲིད།ངོག་ན་ནི་སོང་ན།མོད་མི་དམའ་བ་ནི་དཔངས་མཐོ་བའམ་ཕྲ་མོ་མ་ཡིན་པ།རྙོང་ངམ་བྱུག་པའམ་སྐྱང་ནུལ་ནི་ཞལ་བ།ཞལ་ཞལ་ཀྱང་དེ་ཉིད།ཐན་སྐོར་ནི་ཉེ་སྐོར།ཡུགས་ཤིག་ནི་བྱུགས་ཤིག།ཟ་ཕོད་པ་ནི་ལྟོ་ཆེ་བ།ལྟུང་རུས་ནི་ལྟུང་འབྲས།འཛེར་ཏོ་ནི་ཟེར་ཏོ།དུགས་ཁང་ནི་ཁྲུས་ཁང་།དཔྱ་བ་ནི་འཕྱ་བ།སྔ་ཟ་ནི་སྔ་བ།ཚང་མང་ནི་ནགས་ཚང་ངམ་མེ་ཁང་།ཁུ་ཤ་ནི་ཤ་ཁུ།ཐམ་ལག་ནི་མན་ངག།།ལས་ཀན་ནི་ཁ་ཁྱེར་རམ་སྟེགས་བུ།གཞགས་པ་ནི་བརྒྱན་པ།འདྲུབ་པ་ནི་འཚེམ་པ།དྲུབས་པ་ནི་བཙེམས་པ།དེ་མོ་ནི་དགོས་པ།རྣམ་ཕྱིས་ནི་ཕྱི་ས་ཁང་པ།སྐུན་བུ་ནི་གཞོང་བུ།ཡ་གད་ནི་རྐང་རྟེན་ནམ་སྐས་ཀཅི་ཆོག་ནི་ཅི་ཡོད།ཐ་གི་ནི་ཞི་བ།རྒྱུ་ཁུ་ཅན་ནི་གཅེར་བུ་པ།གཟར་ཐག་ནི་དཔྱང་ཐག།སླས་ནི་བཙུན་མོའི་འཁོར།གྱོང་རལ་ནི་ས་ཞག།།བཤུལ་ནི་ལམ།མད་པ་ནི་བདེན་པ།སྤྱན་པ་ནི་བྱ་ར་བ།ཆེམས་པ་ནི་འཕྲིན་པ།མདུན་ཁང་ངམ་བཀད་ས་ནི་འདུག་ས།འདུག་པ་ནི་ཚོགས་པ།ཚིག་གུ་ནི་འབྲས་བུའི་སྙིང་པོ།སྐྱེས་ཕྲན་ནི་དར་ལ་བབ་པ།ལྕེ་རྟེན་ནི་བརྗོད་པའམ་སྙད་འདོགས་པ།རེགས་པ་ནི་བྲེགས་པ།སྐྱོས་པ་ནི་ཉམས་པ།ཆུ་འདལ་བ་ནི་དལ་པོར་འདུག་པའི་ཆུ།ཉུལ་བ་ནི་བུལ་བའམ་འགོར་བ།གཞར་བ་ནི་མཐུན་པ།ཆན་པ་ནི་ཁྱེ་བོའམ་གྲི་གུག།ལྡང་སྐོ་སྐ་དང་བསེ་ཁ་སྒོ་ནི་སེང་གེ་ཤ་ར་བྷ་སྟེ་སེང་གེ་རྐང་པ་བརྒྱད་པའི་མིང་།ཆེད་འགའ་ནི་རེས་འགའ།སྐྱོ་སྔོགས་ནི་འཁྲུག་པ།བགས་ཀྱི་ནི་རིམ་གྱི།ནོད་པ་ནི་ལེན་པའམ་ཐོབ་པ།བརླ་བརྙན་ནི་སྣོན་པ།ཚང་ཐུར་ནི་གོས་ཤུབས།བརྙན་པ་ནི་གཡར་བ།བརྙས་པ་ནི་གཡས་པ།སྐབས་ཐོབ་ཉོས་པ་ལའང་།ཡུ་བུ་ནི་རང་རེའམ་བདག་ཅག།ཁོམ་པ་ནི་དལ་བ།ཕོ་ལོང་ནི་གྲུ་གུ།ཕྱག་ལས་ཁོམ་ནི་ར་རོ་བ།དགུམ་པ་ནི་གསོད་པ།འགུམ་པ་ནི་འཆི་བ།བཀུམ་པ་དང་གུམ་པ་ནི་བསད་པའམ་ཤི་བ།རྨེད་དུ་ནི་གསོལ་དུ།འཁོབ་པ་ནི་ངན་པའམ་མཐའ།ཛི་ནི་རླུང་།འཁྲུན་རིང་ནི་མཆུ་རིང་ངམ་དཀྱུས་རིང་།བརྣོགས་པ་ནི་བསྡམས་པའམ་སྦས་པ།མནགས་པ་ནི་བཟོད་པའམ་བསྲན་པ།དྲལ་པོ་ནི་མིང་པོ།ཆེ་ཞེ་ནི་ཨ་ཆེའམ་སྲིང་མོ།འབྱེས་པ་ནི་མཛེས་པའམ་མཚམས་ཕྱེད་པ།སྤུ་ལ་བབ་པ་ནི་རུང་བ།མི་ཆོག་ནི་མི་ཕོད།ཤིང་ཐགས་ནི་ཅོག།རྩང་ནན་ནི་བཏུང་བ།འཐམས་པ་ནི་བྱམས་པ།འཁམས་པ་ནི་བརྒྱལ་བ།སྡུམ་མཚེས་ནི་ཁྱིམ་མཚེས།དབང་ཐང་ཆེ་བ་ནི་སྐལ་བ་ཆེ་བའམ་དཔལ་ཆེ་བའམ་སྐལ་བ་བཟང་བ།མ་ནངས་པ་ནི་མ་ལངས་པ།ནངས་ཀྱི་ནི་སྔོན་གྱི།གཡེར་བག་ནི་སྣང་གཡེལ་ཅན།བརླམས་པ་ནི་བསྐྱོད་པ།སྒྲེ་བོ་ནི་ས་རྗེན།འོད་པ་ནི་ཡོད་པ།མིག་གི་རྔུ་མ་ནི་མིག་གི་དྲི་མའམ་སྐྱོ་མ།སྦལ་དུ་ནི་དོང་དུ།ཕྱུགས་ཕྱུང་ནི་གཞོན་ནུ་མ།སྣོག་གཟན་ནི་འཁུར་བ།བྱ་མོ་ཟབ་ནི་མཆོད་རྫས།ལན་ཀན་ནི་པུ་ཤུ།རྒྱུན་ལུགས་ནི་རྒྱུ་འགྲུལ།གཡར་འདྲེན་ནི་སྤྱན་འདྲེན།གཡར་ལེན་ནི་ཁས་ལེན།གཡར་དམ་ནི་དམ་བཅའ།གཡར་ལམ་ནི་མདུན།གཡར་ཁྲལ་ནི་ཁ་ཁྲལ་ལམ་ངོ་ཁྲལ།གཡར་ཚ་ནི་ངོ་ཚ།གཡར་ཁམས་ནི་སྐུ་ཁམས།གཡར་ངོ་ནི་གདོང་།སྒེའུ་ཆུང་ནི་འགྲོ་བ།སྒེའུ་གཤེར་ནི་ཁ་འདམ་སྟེ་བཅའ་སྒ་དང་རོ་ནུས་ཆ་མཐུན་ཞིག་གི་མིང་།དྲུང་ནི་རྩ་བ།འགྱུར་བྱེད་ནི་པྲ་ཆལ།མི་ངས་ནི་མི་ནད་དམ་རིམས་ནད།ཞལ་ཚུས་ནི་ཞལ་ཟས།ལོང་བུ་ནི་ཤིང་ཏོག།འོས་པ་ནི་གཅེར་བུ་པ།རྩེན་པ་ནི་རྩེ་བའམ་རོལ་བ།བླ་གབ་ནི་སྟེང་གཡོགས།ཐོམས་ཤིག་ནི་སོམས་ཤིག།མཐོལ་བ་ནི་སྨྲ་བའམ་མི་སྦེད་པ།བཤོས་པ་ནི་འཁྲིག་པ།གཏམ་འདྲེས་པ་ནི་ཕེབས་པར་སྨྲ་བ།སྨོན་འདྲིན་ནི་གྲོགས་པོ།ལྟག་འོག་ནི་སྔ་ཕྱིའམ་གོང་འོག།སྤུན་པ་ནི་བསྟུན་པ།ཐོག་ཐོག་ནི་དང་པོ།རེག་ཟིག་ནི་ཟིན་བྲིས།བོན་པ་ནི་ཟླས་པ།ནེའུ་ལྡང་ནི་ན་ཟླ།སྒོག་པ་ནི་སྒོག་སྐྱ་སྟེ་ར་སུ་ནའམ་ལ་ཤུ་ན།ཀུན་དོང་ནི་བཙོང་སྟེ་པ་ལཱ་ཎུ།ཀེའུ་ནི་རི་སྒོག།ཧབ་ཤང་མཚེའུ་ནི་དབང་ལག།ལིག་ཤི་ཝེར་ནི་ཛཱ་ཏི་སྟེ་སྣ་མའི་མེ་ཏོག།ཀྲུ་ཀྲུ་ཏྲེས་ནི་ཙི་ཏྲ་ཀཇ་ཧོང་ནི་བཙོད་མདོག།སླད་ཚ་ནི་མི་གཙང་བའམ་བཤང་བ།ཐོབ་ཀྱིས་འཇལ་བ་ནི་ཐབས་ཀྱིས་གཞན་ནོར་འགུགས་པ།ཤ་ཆགས་པ་ནི་བློ་ལ་ཡོད་པའམ་བབ་ཐོབ་ཡོད་བ་དང་འཐུག་པའམ་བརླིང་བ།ངག་འཁྱལ་ནི་འབྲེལ་མེད་དུ་སྨྲ་བ།ཀྱལ་ག་ནི་ཀུ་རེའི་ཚིག།བསྟང་བ་ནི་མགོན་ནམ་གྲོགས།བསྟིངས་ཚིག་ནི་སུན་འབྱིན་པའི་ཚིག་སྟེ་མི་ངན་པ་ལ་མི་ཡ་མཚན་ཅན་ཅེས་བརྗོད་པ་ལྟ་བུ།དུས་པོ་ཆེ་ནི་འཛིན་པ་ཆེ་བ།སྟོངས་པ་ནི་ཕན་པའམ་གྲོགས།དཀོར་དང་ཀ་ཅ་ནི་ནོར་གྱི་སྤྱིའི་མིང་།དཀྱེལ་ཆེ་བ་ནི་ཁོང་ཡངས་པ།ཆུ་གང་ནི་སྙིང་སྟོབས།བཀྲབས་པ་ནི་མང་པོའི་ནང་ནས་འདམས་པ།བསྐྲུན་པ་ནི་བསྐྱེད་པའམ་བཙུགས་པ།སྐྲུས་པ་ནི་གཅོད་པ།སྒྲུན་པ་ནི་འགྲན་པ།བསྐྲུ་བ་ནི་གཞན་ལ་ཐབས་ཀྱིས་འབྲིད་པ།བསྐ་བ་ནི་གར་བའམ་རོའི་ཁྱད་པར།སྐྱིན་གོར་ནི་གངས་སྦལ་ལམ་རྩངས་པ།མི་འགོང་བ་ནི་མི་སྐྲག་པ།དབོས་པ་ནི་སྦོས་པ།དངན་འཐེན་ནི་གཞན་གྱི་ནོར་ཁྱེར་བ་ཕྱིར་མི་གཏོད་པ།ཟིལ་དངར་ནི་བདུད་རྩི།བཅོམ་བསྐྱུངས་ནི་འཇིགས་ནས་སྐད་ཆུང་ངུར་སྨྲས་པའམ་ཁ་རོག་འདུག་པ།མན་ནི་ཚོད་དང་དུས།འཇུངས་པ་ནི་ཞེན་ཆགས་ཆེ་བ།ཉིང་ཤ་ནི་རང་གི་ཤ།ཇུ་བོ་ནི་རྡོ་ལག་ཉ་ནི་བྱིན་ལེན་མ་བྱས་པར་ལེན་པ།ཉེ་རེག་ནི་ཁྲུས།མཆིག་དང་མཆིག་གུ་ནི་མས་གཏུན་དང་ཡས་གཏུན།ཤ་ཀོན་ཞུགས་པ་ནི་ཁོན་ཡོད་པ།མཉེལ་བ་ནི་ངལ་བ།ཕྱག་བརྙན་ནི་འཁོར་གཡོག།སྤྱོ་བ་དང་བརྒྱད་པ་ནི་འཐབ་པའམ་སྨད་པ།སྐྲ་བརྙན་ནི་སྐྲ་ཚབ།སྒྲ་བརྙན་ནི་བྲག་ཆ།གཏམས་པ་ནི་ཁེངས་པའམ་བཅོལ་བ།བལྟམས་པ་ནི་སྐྱེས་པའམ་འཁྲུངས་པ།རྟུལ་ཕོད་ནི་སྙིང་སྟོབས་ཆེ་བ།བརྟུལ་ནི་བསྡུས་པའམ་འཇམ་པ།དགུང་ནི་གནམ།མཚན་མོ།དགུང་ལོ་སོགས།གདུགས་ནི་ཉི་མའམ་ཉིན་པར།འཁྲུན་ནི་འཕང་ངམ་སྲིད།ཁོ་ལག་ནི་ཞེང་ངམ་སྦོམས་བདའ་བ་ནི་ཞིམ་པ།འདྲེན་མ་ནི་སྣ་ཚོགས་འདྲེས་མའམ་ཁྲ་བོ།བླ་བརྡོལ་ནི་བླ་ཅོལ།མནག་དཀའ་དང་མནོག་ཆུང་ནི་སྲན་དཀའ་དང་ཁེ་ཆུང་བ།འཕྲལ་བ་ནི་དཔྲལ་བ།ཕྱང་ངེ་བ་ནི་འཇོལ་ལེ་བ།བྱུག་རིས་ནི་གྲལ།རྩེ་རྒོད་ནི་ལྷ་འབངས།ནང་བྱན་ནི་གཡོག།མཚག་བཟང་བ་ནི་ཉམ་རྒྱས་པའམ་ཡན་ལག་ང་ཉིང་ལག་རྒྱས་པ།མཚལ་ལུ་ནི་རྟིང་དཀར།འཚལ་མ་ནི་ས་སམ་ལྟོ།འཚལ་ནི་ཤེས་པའམ་ཆོག་པའམ་འདོད་པ།འཁུམས་པ་ནི་ཐོས་པའམ་ཤེས་པ།ནུ་རྫི་ནི་ཉིང་ཁུ།ཞེས་པ་ནི་སྡོད་པའམ་བཞུགས་པ།བསྐལ་བ་ནི་བར་ཆོད་པའམ་རྒྱང་རིང་བ།གཞིབ་པ་ནི་འཇིབ་པ།མ་རྟབས་པ་ནི་མི་རིངས་པ།རླམ་ཁྱེར་ནི་ཧམ་ཁྱེར།བརྟགས་པ་ནི་གུས་པའམ་སྒྲིན་པ།གསུད་པ་ནི་སྒྲེགས་པ།གཤུང་བ་ནི་ངོས་ཀྱིས་སྐྱོན་བརྗོད་པའམ་ཤུབ་བུས་སྨོད་པ།སྐྱེལ་བདར་ནི་སྐྱེལ་གླ།དྲི་དཀུ་བ་ནི་དྲི་མི་ཞིམ་པའམ་དྲི་ཚ་བ།འགོང་བ་ནི་སྨད་པ།མངག་གཞུག་དང་ཅི་བགྱི་ནི་གཡོག་པོ།ཤིན་ཏེ་མ་མེད་པ་ནི་སྙིགས་མ་མེད་པའམ་ཆུད་ཟ་བའམ་ཉམ་ཆུང་བ་མེད་པ།སག་རྩ་སྐྱེལ་བ་ནི་སྦུངས་སྐྱེད་པའམ་དམ་བཅའ་བརྟན་པ།སྐྱོ་མ་ནི་ཕྲ་མ་དང་ཕྱེ་བ།སྲིལ་ནི་སྲོག་ཆགས་མུག་པ།སྐྱུ་རུམ་ནི་ཚོད་མ།བྱ་ན་ནི་ཚོད་མའམ་སྤགས་མ།སྤུན་པ་ནི་བསྲེས་པ།སྤེན་ཏོག་ནི་རྒྱན།སྤ་བ་ནི་མཛེས་པའམ་བྱིན་ཆགས་པ།སྤྱོམས་པ་ནི་ངོམ་པའམ་བདག་བསྟོད།ལ་གཅན་པ་ནི་ལའི་ཚུགས་པ།ཤོ་གམ་པ་ནི་ཡུལ་གྱི་ཚུགས་པ།གྲུ་བཙས་པ་ནི་གྲུ་ཚུགས་པ།དོན་མཐུན་ནི་ཚོང་པ།འགྲོན་པོའང་དེ་ཉིད།སྟ་ཟུར་ནི་དཔྱི་མགོ།སྤོན་པ་ནི་གཏོང་བ།སྤུན་པ་ནི་རྫུན་པ།རྗེ་བཙན་ནི་རྗེ་བཙུན།དངགས་ནི་ངག།བླ་ནི་རུང་ངམ་བཟོད་དམ་ཆོག།ཀླད་ནི་གོང་ངམ་སྟེང་།དབྱིག་ནི་ནོར།སོ་སྟོ་ནི་སོ་ཟིང་།སྤྱི་ཅེར་ནི་སྤྱི་ཐེར།བཟླུམས་པ་ནི་བསྡུས་པ།བརྗེད་པ་དང་རིམ་གྲོ་དང་བཙུན་པར་བྱ་བ་ནི་བཀུར་སྟི་དང་མཆོད་པའི་མིང་གི་རྣམ་གྲངས།བཀུས་ཏེ་བོར་བ་ནི་ཁུ་བ་བཏོན་པའི་སྙིགས་ལྟ་བུ།ཆབ་མི་འཚལ་བ་ནི་ཆུད་མི་ཟ་བ།ཕྱིད་ནི་དར་ཡོལ་བའམ་རྒན་པོ།སླེ་འདམས་པ་ནི་མཚན་མ་ཆད་པ།མཚན་བར་རྡོལ་བ་ནི་མོ་མཚན་གྱི་ནད།སྤྱི་བརྟོལ་ཆེ་བ་ནི་དཔྲལ་ཀོ་འཐུག་པ།དམུས་པ་ནི་ཚི་ཆད་པ།སྨེག་པ་ནི་ཉམས་དང་འཁོས་ཀ་ཁ་ཅིག་ཏུ་རྩ་བའམ་ལྷག་མ།སྨྲིག་ནི་གོས་ཚོས་མ།ངུར་སྨྲིག་ནི་གོས་དམར་སེར་ལ་གྲགས་ཀྱང་ཚོས་སྙིགས་མས་བཙོས་པའི་དོན་ཡིན།ག་གོན་དང་ཚོན་མོ་སྟེང་ནི་ཞ་ཉེ།རོ་ཉེ་ནི་ཞ་ཉེ་ནག་པོར་ཡན་ལག་བརྒྱད་པའི་འགྲེལ་པ་ཟླ་ཟེར་ལས་བཤད།སྤྲབས་པ་ནི་ཟས།བཏོགས་པ་ནི་ཕྲོགས་པ།གོ་རེ་ལོང་ནི་གད་བྱེད་པ།སྨྲེ་ཞེས་པ་ནི་སྡུག་བསྔལ།ཡན་ལག་སྐྱེས་ནི་ཕོ་མཚན།རྨྱ་བ་ནི་ཉམས་པ།གཏམས་པ་ནི་བཤད་པའམ་བསྟན་པ།ཁུད་དུ་བྱས་པ་མང་པོའི་ཡིན་པ་བདག་ཉིད་གཅིག་པུས་དབང་དུ་བྱས་པ།དགའ་འདུན་ནི་སྐྱེས་པའམ་བུད་མེད་རྐྱང་པ་དགའ་སྤྲོ་ལ་ཚོགས་པ།ཚོགས་ཅན་མ་ནི་སྨད་འཚོང་མའི་ཚོགས་ལ་ཟེར་བའང་སྣང་།མཉེས་པ་ནི་ལེགས་པའམ་གྲོས་མཐུན་པ།མི་བཀྱིག་པ་ནི་མི་བརྒྱང་བའམ་མྱུར་བ།སྤུ་བསྙལ་བ་ནི་ཉེས་པ་བཤགས་པའམ་ཞེ་སྡང་ཞི་བ།སྤུ་སྙོལ་བ་ནི་ལུས་ངག་ཡིད་ཀྱི་ཞེ་སྡང་ཞི་བར་བྱེད་པ།ཆགས་རྒྱ་ནི་བུ་ལོན་བདའ་བའི་དཔང་རྒྱ་སྟེ་ཡི་གེ་བཅུག་པ།ཁ་ཕྱིན་པ་ནི་གྲོས་མཐུན་པ།བྲུ་བ་ནི་ལྟོགས་པའམ་བཀྲེས་པ།སྨན་བཏགས་པ་ནི་ཕན་བཏགས་པ།རྣལ་དུ་ཕབ་སྟེ་ནི་གཞན་གྱི་འཚེ་བ་མེད་པར་རང་དབང་དུ་གནས་པ།བཟེ་རེ་ཅན་ནི་སྲན་ཆུང་བའམ་གཞོན་ཤ་ཅན།ཆུམས་པ་ནི་ཆགས་པ།འཚལ་མ་འཚལ་ནི་ཟན་ཟ་བ།བརྙན་པ་ནི་གཡར་བ།བླ་ན་ནི་སྨྲ་བའམ་ཟེར།ཁ་དུམ་པ་ནི་འཆམས་པའམ་མཐུན་པ།ཆེ་བཞི་ནི་བདེན་དཔང་།སྐུགས་སུ་བཙུགས་པ་ནི་རྒྱལ་བཙུགས་པ།སྤྱོས་པ་ནི་འཐབ་པའམ་ཁ་སྨྲས།གཞོངས་སྤྱོད་པ་ནི་ལྗོངས་རྒྱུ་བ།ཆུང་པ་ནི་ཞིང་པ།དུས་ཀྱིས་འཆུ་བ་ནི་དབང་གིས་འཆུ་བ།བཟང་མཁན་ནི་གོས་བཟོ་བ།སྤང་བ་ནི་མི་འཇིགས་པ།འགྲོང་གིས་འགྲོང་ལ་སྦྱར་བ་ནི་ཕོ་མཚན་གྱིས་ཕོ་མཚན་ལ་སྦྱར་བ།སྨྱུགས་པ་ནི་བཅུག་པ།དཀྲེ་ནི་ཕོ་མཚན་གྱི་ཏོག།སྤོགས་འགྱིད་པ་ནི་ཚོང་ཁེ་བ་ན་རྒྱག་ཅིང་མཉམ་པ་དང་གྱོང་བྱུང་བ་ན་མི་རྒྱག་པ་དང་མོད་ཉོ་དཀོན་ཚོང་ལའང་།ཀོག་རྩེ་ནི་རྒྱའམ་རྙི་རྙོང་ངོ་།ཐོར་ཏོ་ནི་རྩེ་མོ།བཏུངས་པ་ནི་བསད་པ།སྐྲི་ཤིག་ནི་ཐོང་ཤིག།བཤེས་གཉེན་ནི་ཡོན་ཏན།དཔུང་ཚོགས་ཡན་ལག་བཞི་རྨོངས་བཏབ་བམ།ནམ་སྲོས་ཀྱི་བར་དུ་བྲོངས་ཤིག།ཆུ་ལོན་ནི་རགས།མ་རེག་ཙམ་དུ་དྲུང་དུ་བསྙེན་ཏེ་ནི་ཉེ་བ།གནས་ནས་སྤེད་པ་ནི་གནས་ནས་ཕྱུང་བ།ཉེ་ཞོ་མེད་པ་ནི་ལེགས་པའམ་སྐྱོན་མེད་པའམ་བཀྲ་ཤིས་པ་ལ་སོགས་པ་སྟེ་རྒྱས་པར་ན་སྔ་འགྱུར་གྱི་གསུང་རབ་རྣམས་རྒྱ་ཆེར་བཀླགས་པ་ལས་ཤེས་པར་འགྱུར་གྱི་མཐའ་དག་པ་ནི་ཡི་གེའི་ལས་སུ་ཆེ་ལ།འོན་ཀྱང་ཅུང་ཟད་བརྗོད་པས་བློ་གྲོས་ཀྱི་འཇུག་པ་འཕེལ་བའི་ཐབས་སུ་མཐོང་ནས།བཅོམ་ལྡན་རིག་རལ་དང་།དབུས་པ་བློ་གསལ་ལ་སོགས་པས་མཛད་པའི་ཡེ་གེ་ལས་ཀྱང་ཇི་ལྟར་རིགས་པར་བཏུས་ཤིང་།དཔལ་ལྡན་བླ་མ་ལོ་ཆེན་གྱི་གསུང་ལས་འབྱུང་བའང་བསྣན་ཏེ་བྲིས་པའོ།།
    ཡང་འདིར།ལེགས་སྦྱར་གྱི་སྐད་ཟུར་ཆག་པས་བརྡ་རྙིང་པར་འཁྲུལ་པའང་འགའ་ཞིག་སྣང་སྟེ།ཨབ་ཅེས་པ་ཆུའི་སྐད་དོད་ཡིན་པ་དང་།མར་ཆུང་ངུ་ལ་སྟོ་ཀ་ཞེས་པའང་ཆུང་ངུའི་སྐད་དོད་ཉིད་ཡིན་པ་དང་།ཀོལ་མ་ཞེས་པ་གཟན་དྲོན་གྱི་མིང་དུ་ཡོད་པའང་།ཀུལྨཱ་ཥ་ཟུར་ཆག་པ་དང་།སྨན་དཔྱད་ལས་ནི།མོན་སྲན་སྡེའུ་སྲན་ཆུང་ལ་སོགས་པ་བཙོས་ནས་ཤིང་ཀུན་ལ་སོགས་པ་སྤོད་དུ་བཏབ་པའི་ཐུག་པ་ལ་འདོད་དོ།ཨ་ཎུ་ཞེས་པ་ཆུང་ངུའམ་ཕྲ་མོའི་སྐད་དོད་ཡིན་པ་ལ།ཨ་ནུ་ཞེས་གྲགས་པ་དང་།མི་ཁེངས་པ་ཆེ་བ་ལ་མི་འགར་པོ་ཞེས་ཟེར་བའང་།གརྦ་ཞེས་པ་ང་རྒྱལ་གྱི་སྐད་དོད་ཟུར་ཆག་པ་དང་།མི་སྒྲོབ་ཆེ་བ་ཞེས་པའང་།ཨཱ་ཊོ་པ་ཞེས་པ་བརྗིད་པའམ་བསྒྱིངས་པ་ཟུར་ཆག་པ་དང་།ཀིངྐ་ར་ཞེས་པ་ཅི་བགྱི་སྟེ།ལས་བྱེད་དམ་ཕོ་ཉའམ་གཡོག་གི་སྐད་དོད་ཟུར་ཆག་པས་གིང་པ་དང་།གིང་ཕོ་གིང་མོ་ཞེས་གྲགས་པ་དང་།སྠུ་ལ་ཞེས་པ་སྦོམ་པོ་དང་རགས་པ་དང་རྒྱ་ཆེ་བའི་སྐད་དོད་ཟུར་ཆག་པས་ཐུལ་ཆེ་བ་ཞེས་པ་དང་།དྷཱུ་ལི་ཞེས་པ་ཟུར་ཆག་པས་རྡུལ་ཞེས་པ་དང་།བྷཱུ་ཀ་ཟུར་ཆག་པས་བུག་པ་ཞེས་པ་དང་།བྲཱ་ཧྨ་

12. ཡ་བརྡ་གསར་རྙིང་གི་བསྟན་བཅོས་དེ་དྲ་ཐོག་འདི་ནས་ཕུལ་བ་ཡིན་ཡང་ཅིག་བྱུང་སོང་།  མང་དྲག་ཡོད་པ་འདྲ།

13. ༈ན་མོ་མཉྫཱུ་ཤྲཱི་ཡེ།དེ་ཡང་འདིར་བརྡ་གསར་རྙིང་གི་ཐ་སྙད་བཤད་པ་ལ།ཐུ་མི་ས་འབོ་༼ལྷོ་གཉལ་གྱི་ཐུ་མི་སྣང་གྲགས་ཀྱི་བུ་ཨ་ནུ་སྟེ།སམྦྷོཊ་དང་།སམྦྷ་དྲ་སོགས་རྒྱ་སྐད་དུ་བཞེད་པ་བྱུང་ཡང་།འདི་གཉལ་ན་ཡོད་པ་ས་འབུར་པོ་ཞིག་འདུག་པས།ས་འབོ་ར་ཡིན་པ་འདྲ།གང་ནའང་བོད་སྐད་དུ་སྣང་༽ར་དང་།བཙད་པོ་ཁྲི་སྲོང་ལྡེ་བཙན་གྱི་དུས་དང་པོར་བྱས་པའི་འགྱུར་རྣམས་ནི།དང་པོའི་བཀས་བཅད་ཀྱིས་བསྒྱུར་བ་སྟེ།སངས་རྒྱས་ཕལ་པོ་ཆེ་དང་།ལུང་སྡེ་བཞི་དང་།མདོ་སྡེ་ཁ་ཅིག་དང་ཤེར་ཕྱིན་གྱི་མདོ་ཁ་ཅིག་སྟེ།སྐད་གསར་བཅད་ཀྱིས་གཏན་ལ་མ་ཕབ་པ་རྣམས་སོ།།
    དེ་ལ་ནི།གང་ལ་གག་དང་།ཅི་ཕྱིར་ལ་ཇི་རོབ་དང་།ཇི་སྙམ་ལ་ཇི་ལྟར་དང་།རྩེ་མོ་ལ་སྤྱི་བོ་དང་།ཤིན་ཏུའམ་རབ་ཏུ་ལ་ཏེ་པོར་དང་།ཡང་།ཝཱ་ཌྷཾ་ཞེས་པ་བསྒྱུར་བའི་ཏེ་པོར་ནི།དམ་པ་དང་།སྲ་བ་དང་།དྲག་པ་དང་།ཚབས་ཆེ་བ་རྣམས་ལ་འཇུག་པ་དང་།རྐྱེན་སྨན་ལ་རྐྱེན་རྩི་དང་།ལྟག་པ་ལ་གླག་པ་དང་།སྤོས་དང་སྤོས་ཕོར་ལ་པོག་དང་པོག་ཕོར་དང་།བསལ་བ་ལ་བསྩལ་བ་དང་།སོགས་པ་ལ་སྩོགས་པ་དང་།བསུ་བ་ལ་བསྩུ་བ་དང་།དྲི་བསུང་ལ་དྲི་བསྩུང་དང་།བསངས་པ་ལ་བསྩངས་པ་དང་།།རྫོཊ་སོ་ལ་རྫོགས་ཤོ།གཡོགས་པ་ལ་ཡོགས་པ་དང་།གོ་ཆ་ལ་གོ་ཅ་དང་།བྲག་ཆ་ལ་བྲག་ཅ་དང་།རིན་པོ་ཆེ་ལ་རིན་པོ་ཅེ་དང་།དཀོན་མཆོག་ལ་དཀོན་ཅོག་དང་།རིན་ཆེན་ལ་རིན་ཅེན་དང་།ཁྱིམ་ལ་སྡུམ་པ་དང་།དབུས་ལ་དབུང་དང་།འགྲོ་བ་ལ་བགོམ་པ་དང་།གྲུབ་པ་ལ་རེད་པ་དང་།འགྲེལ་བ་ལ་འགྲོལ་བར་བསྒྱུར་བ་ལ་སོགས་པ་མང་སྟེ།རྒྱས་པར་ནི་གསུང་རབ་ལས་ཤེས་པར་བྱའོ།།ཡང་།དེ་དག་ཏུ་ད་དྲག་དང་།དཔྱིད་སླ་ར་བ་སོགས་དང་།དེའ་ལའ་ནིའ་ཞེས་པ་ལྟ་བུ་འ་ཡིག་མཐའ་རྟེན་སྦྱར་བ་ནི་སུམ་རྟགས་ཀྱི་དགོངས་པ་ཡིན་ཀྱང་དོན་ལ་ཐོབ་པ་གཞིར་བཅས་ནས་ཡི་གེ་ཉུང་བའི་སླད་དུ་བཞག་པ་དང་།ཡང་།མྱེད།མྱིན་སོགས་ཡ་བཏགས་པ་དང་།རལ་གྱི་སོགས་ནི་ལོ་ཙཱ་བ་ཁ་ཅིག་གིས་ཡུལ་སྐད་ཤོར་བར་གྲགས་པ་ཡིན་ནོ།།
    གཉིས་པ་སྐད་གསར་བཅད་ལ་ནི་དེ་དག་གི་ཟླས་དྲངས་པ་ཇི་སྐད་བཤད་པ་རྣམས་དང་།གཞན་ཡང་གསུང་རབ་ལ་གྲགས་པའི་མིང་ཕལ་ཆེ་བ་རྣམས་སོ།།བཀས་བཅད་གཉིས་པོ་དེ་ནི་མངའ་བདག་ཁྲི་རལ་པ་ཅན་ཡན་ཆད་དུ་སྐ་ཅོག་ཞང་གསུམ་ལ་སོགས་པས་མཛད་པ་ཡིན་ནོ།།
    བཀས་བཅད་གསུམ་པ་ནི་ལྷ་བླ་མ་ཡེ་ཤེས་འོད་ཀྱི་དུས་ཀྱི་སྒྲ་སྒྱུར་ལོ་ཙཱ་བ་ཆེན་པོ་རིན་ཅེན་བཟང་པོ་ནས་དཔང་ལོ་ཙཱ་བ་ཆེན་པོ་དང་སྙིགས་དུས་ཀྱི་སྐད་གཉིས་སྨྲ་བ་གཅིག་པུ་པ་ལོ་ཆེན་དྷརྨ་པཱ་ལ་བྷ་དྲའི་བར་དུ་བྱོན་པ་རྣམས་ཡིན་ལ།ལོ་ཆེན་གྱིས་ནི།གཉི་ཟླ་ལ་ཉི་ཟླ་དང་།བསྟན་བཅོས་ལ་བསྟན་ཆོས་དང་།སྟུག་པོ་ལ་འཐུག་པོ་དང་།ཉི་ཤུ་དང་སུམ་ཅུ་དང་སུམ་བརྒྱ་རྣམས་ལ།གཉིས་བཅུ་དང་གསུམ་བཅུ་དང་གསུམ་བརྒྱ་དང་།བསམ་གཏན་ལ་བསམ་བཏན་སོགས་འཆོས་པར་མཛད་ཀྱང་།བཀས་བཅད་བར་པ་བཞིན་དུ་གནས་པ་མང་ཞིང་།དེ་དག་གི་བརྡའི་ཁྱད་པར་གསུང་རབ་རྣམས་སུ་འབྱུང་བ་འདི་སྙེད་ཅིག་མཆིས་ཏེ།ཀྭ་དང་གག་ནི་ཀྱེ་དང་གང་།སྐྱོར་སྐྱོར་ནི་ཡང་ཡང་།བླ་འོག་ནི་སྟེང་འོག།བླ་སྐྱལ་བ་ནི་མི་ཟད་པ།རྩ་ལག་ནི་གཉེན།གཉའ་བོ་ནི་དཔང་པོ།རིད་པ་དང་སྦེག་པ་ནི་དངོས་ངན་པ་དང་ཤ་ཆུང་བའམ་སྐེམ་པ།གྱ་བ་ནི་ཉམས་པ།གྱག་པ་ནི་བརླག་པ།ཡེ་འབྱམ་ནི་སྟོང་ཉིད།དབལ་ནི་ཏོག་དང་རྩེ་མོ་དང་ཤ་ཉམས་དང་མེའི་དྲོད།ངོ་ག་ནི་སྣང་ངོ་།གམ་ཡོ་ནི་ཉེ་འཁོར།དམུས་བྱུང་ནི་ཚི་ཆད་དམ་ཡི་ཆད།ཐེན་ཆེར་ནི་ཅ་རེ།ག་ཞན་ནི་བཞད་གད་ཀྱི་སྒྲ།ཡ་ལད་ནི་གོ་ཆ་སྤྱི་དང་སྐབས་ཐོབ་ཀྱི་རྨོག་གི་མིང་ལ་འཇུག་པའང་ཡོད།གནའ་ནི་ཐོག་མའམ་སྔོན།ཡོད་དོ་ཅོག་དང་འགྱུར་རོ་ཅོག་ལྟ་བུའི་ཅོག་ནི་མཐའ་དག་གི་དོན།གྱུར་ཅིག་གུ་ལྟ་བུའི་གུ་ནི་སྨོན་པའི་ཚིག།།སྦྲེབས་པ་ནི་སྐེམ་པ།གསང་ཁུང་ནི་བཤང་ལམ།མདུང་དོར་ནི་རྒྱན་འགྱེད།ཆམ་དུ་ནི་གཏན་དུ།ནོད་པ་ནི་ཐོབ་པའམ་བཞག་པ།ཐ་ཚིག་ནི་ཚིག་གི་དོན།བསྟི་བ་ནི་ངལ་གསོ་བ།བརྣག་པ་ནི་བསམ་པ།སྨྱང་བ་ནི་བརྐྱང་བ།ནམ་ཞར་ནི་ནམ་ཡང་།འོན་ཏང་ནི་འོན་ཀྱང་།བཀྲི་བ་ནི་དྲང་བའམ་འཁྲིད་པ།དབྲག་ནི་བར།གཟགས་པ་ནི་ཟགས་པ།ཕྱམ་ཕྱད་ནི་མཉམ་ཉིད།བགྲོ་བ་ནི་གླེང་བ།རྨ་ག་ཆད་ནི་ཡང་དག་པའམ་ཕལ་པོ་ཆེ་དང་སྙན་གྱི་གོང་རྒྱན།བསྟར་བ་ནི་བྱི་དོར་ལེགས་པ་དང་གཟབས་པ་དང་སྤྲས་པ་དང་།སེམས་ལ་སྒོམ་པ་དང་ཡོད་པ་ལ།གཏིང་ཕྱིན་པ་ནི་དཔྱིས་ཕྱིན་པ།བྲོ་ནི་མནའ།ཆང་ཁྱུ་ནི་ཚོགས་པ།སྤ་ལོ་ནི་སྤོབས་པ།ཐ་རམ་ནི་ངན་པ།བརྙང་བ་ནི་འཁྲུ་བ།དབྱེ་ནི་ཐང་།བསྙིལ་བ་ནི་དོར་བའམ་ཕྱིར་བསྐྲད་པ།ལག་པ་བསྙལ་བ་ནི་ལག་པ་བཀྲུས་པ།མཐོང་ག་ནི་བྲང་།གླམ་པ་ནི་སྣམ་བུ་འཐུག་པོ།ཁྲ་ཁྲོ་ཅན་ནི་སྤྲོ་ཐུང་བ།རུང་ཁུས་ཟ་བ་ནི་གཏུམ་པ།མགོ་ནན་ནི་ཐོག་མ།ཇེ་ནི་དང་པོ་དང་རེ་ཞིག་ཅེས་པ་ལའང་།གཞི་པོ་ནི་གཞི་མ།ཇི་འོས་ནི་འཚམ་པ།གནོང་མི་བཀུར་བ་ནི་ཉེས་པ་ཁས་མི་ལན་པ།བསྒོ་བ་རྣར་གཟོན་པ་ནི་བསྒོ་བ་ལ་མི་ཉན་པ།འཆབ་པ་ནི་གསང་བའམ་སྦེད་པ།འཛན་དཀའ་ནི་སྦྱོར་དཀའ།འཁུ་བ་ནི་ཞེ་སྡང་བ།བཅབས་པ་ནི་སྦས་པ།གྱ་ཙོམ་ནི་མ་བརྟགས་པ།རྣ་བླགས་ནི་རྣ་བ་གཏོད་པ།ཐ་ཆད་པ་ནི་ངན་པ།སྩེལ་བ་ནི་སེལ་བ།འཕྱེ་བ་ནི་འགྲོ་བ།སྨྲེང་ཚིག་ནི་གསང་ཚིག་དང་སྨྲ་བ་ཙམ་ལའང་།སྨྲེང་བ་ནི་སྨྲ་བ།སྨྲེ་བ་ནི་ངན་པར་སྨྲ་བ།སྨྲེ་སྔཊ་ཀྱང་དེ་ཉིད།རྨས་པ་ནི་དྲིས་པ།མི་འཇབ་པ་ནི་རྩུབ་པ།དྲལ་བ་ནི་བཅོམ་པའམ་ཞིག་པ།བླ་མཐང་ནི་སྟོད་སྨད་དམ་ཕྱི་ནང་།བསོད་པ་ནི་བཟང་པོའམ་ལེགས་པ།བསྟབས་པ་ནི་བྲིམས་པའམ་བྱིན་པ།སྟོབ་པ་ནི་འབྲིམ་པའམ་སྟེར་བ།སྟོབ་པ་ནི་མགྲོན་དུ་གཉེར་བ།བྱེར་བ་ནི་སོང་བ།བརྟ་བ་ནི་རྒྱས་པར་བྱ་བ།བརྟས་པ་ནི་རྒྱས་པ།ད་ཀོ་ནི་ད་ནི།འདི་ཀོ་ནི་འདི་ནི།བཀོན་པ་ནི་ཁྲོ་བ།ཇི་ག་ནི་བརྟག་པ།ཁྱོ་ཤུག་ནི་བཟའ་ཚོ།གཞོལ་བ་ནི་འབབ་པ།ཉིས་ན་ནི་རྣམ་པ་གཉིས་སུ་ན་ཞེས་པ་ལྟ་བུའམ།
    ཡང་ན་ཐ་བ་ནི་རེངས་པ།མཐར་གྱིས་ནི་རིམ་གྱིས།གཞར་ཡང་ནི་སླར་ཡང་ངམ་ནམ་ཡང་།མནོས་པ་ནི་བསམས་པ།གྱ་ནོམ་ནི་ཕུན་སུམ་ཚོགས་པ།གྱ་ནོམ་སྣང་བ་ནི་ཡོད་པ་དང་ལེགས་པའི་དོན་ཡང་ཡིན།ཕྱད་པར་ནི་རྒྱུན་པར།བསྣམས་པ་ནི་ཐོགས་པ།ཤ་དག་ནི་ཤ་སྟག།འཇུད་པ་ནི་འཇུག་པ།རྔུབ་པ་ནི་འདུས་པའམ་འཇུག་པ།ཚམ་ངམ་ནི་འཇིགས་སྟངས།བབ་བབ་བམ་བབ་ཅོལ་ནི་མ་བསམ་པར་སྨྲ་བའམ་འཕྲལ་མ།ཕྱང་ཡར་ནི་འཕྲིན་ལས།སྣམ་ལོགས་ནི་ཟུར་དང་རྒྱབ།སྣྲེལ་ཞི་ནི་ལོགས་སམ་འཕྲེད་དམ་འཆོལ་པ་གོ་རིམས་སུ་མི་གནས་པ།ཉོད་པ་ནི་ཟས།རོད་པ་ནི་གོས།ཡོང་ཡེ་ནི་ངེས་པར་རམ་རྣམ་པ་ཀུན་ཏུའམ་རྣམ་པ་ཐམས་ཅད་ཀྱི་ཐམས་ཅད་དུ་ཞེས་པ་ལྟ་བུ།བསྟིར་མེད་ནི་མནར་མེད་དམ་ངལ་གསོ་མེད་པ།སྤྲིབས་པ་ནི་ལྟོགས་པ།བྲུ་བ་ཚ་བ་ནི་བཀྲེས་པ།བས་པ་ནི་ཟད་པའམ་མཐའ་དག་པ།བརྣན་པ་ནི་ངེས་བཟུང་།རམ་ཤག་ནི་འབྱོར་བ།མནངས་ནི་ནོམ་པའམ་སྲིད།མཐའ་གྲུ་དང་ཐག་གྲུ་ནི་རྒྱ་ཁྱོན།མནབ་རྩལ་ནི་ཁ་ཟས།གཡེར་པོ་ནི་མཁས་པའམ་གྲིམས་པ།ཁོས་རང་ཆབ་མི་འཚལ་བ་ནི་མདུན་མ་ཆུད་མི་ཟའོ།བསྐྱུད་པ་ནི་བརྗེད་པ།ཁད་ཀྱི་ནི་དལ་བུ།བྱུར་ནི་མྱ་ངན།ཡོལ་གོ་ནི་སྣོད།བསྙེངས་པ་ནི་འཇིགས་པ།བསྙེམས་པ་ནི་ང་རྒྱལ།ཡུག་པ་དང་ཡོབ་ཡོབ་ནི་རྐང་པ།སུག་པ་ནི་ལག་པ།ནེམ་ནུར་ནི་ཡིད་གཉིས།རྒྱ་ཅང་ནི་སྐ་རགས།གུར་བུ་ནི་གྲུ་བཞི།གྱི་ན་དང་གྱིན་འདར་ནི་དམན་པའམ་དོན་མེད་དམ་རང་བཞིན་པ།བརྟད་པ་ནི་གློ་བུར་བ།མི་ཡོགས་པ་ནི་མི་ཁེབས་པ།འུབས་པ་ནི་འདུས་པ།ཁུད་པ་ནི་སྐྱེས་སམ་རྫོངས།སླགས་པ་ནི་བཀོད་པ།ཕྱང་ཆད་ནི་ཐག་བཅད།ལ་གོར་ནི་མགྱོགས་པའམ་སྐྱེན་པ།མུར་འདུག་ནི་མུ་སྟེགས།ཅོ་འདྲི་ནི་མཐོ་འཚམ།གཞེར་བ་ནི་བསྟེན་པ།ཡེལ་འཕྱོས་ནི་ཟུང་འཇུག།འཆོས་པ་ནི་ཟོས་པ།འདུ་འཕྲོད་ནི་ཚོགས་པ།ཕྱ་ལེ་བ་ནི་མཉམ་པ།ཆིབ་པ་ནི་ཁྱབ་པ།ཁོས་པ་ནི་འདུན་པ།ངོ་མཐོན་ནི་ནན་གྱི།མོལ་པ་ནི་གཏམ་མམ་གྲོས།ཚུད་མོ་མཁན་ནི་རྐོས་མཁན།གོ་འདུན་ནི་ཚོགས་ཤིང་འདུ་བ།གཞུར་བརྟག་ནི་ཟུར་ཟ་བ།ཉེར་བསྡོགས་ནི་སྟ་གོན།མྱག་ཕྲན་ནི་མདའ།གོར་མ་ཆག་པ་ནི་ཐེ་ཚོམ་མེད་པ།གོར་མ་བཀུམ་པའང་དེ་ཉིད།གནམ་རུ་ནི་གཞུ།སྤྲུག་པ་ནི་ཟད་པ།བཀར་བཏགས་ནི་ཁྲིམས་བསྒྲགས་པ།ཕུང་ཀྲོལ་ནི་དོན་མེད་པ།ལྷཊ་པ་ནི་གཏད་པ།ཕྱར་གཡེང་ནི་རྣམ་གཡེང་དང་རང་ཉིད་འདོད་པའི་ཆོས་གཞན་ལ་ངོམ་ཞིང་སྒེག་པའི་དོན་ཡང་ཡིན།སྒམ་པ་ནི་ཟབ་པ།བགམ་པ་ནི་ཉམས་སད་པ།མནབས་པ་ནི་གྱོན་པ།རྩེག་ལོག་ནི་ཕྲན་ཚེགས་སམ་སྲེད་ཞེན་ཆེ་བ།ཚར་ཕྱིན་ནི་མཐར་ཕྱིན།དབབ་པ་ནི་འབེབས་པའམ་བཞག་པ།གཟས་པ་ནི་བརྡེག་པར་བརྩམས་པ།ཕོན་པོ་ནི་ཚོགས་པ།འཛེར་བ་ནི་སྨྲས་པའམ་ཟེར་བ།འཆེལ་བ་ནི་ཞེན་པའམ་འཆད་པ།ཐ་རམས་ནི་གཏམས་པ།ཕྱིས་བུ་ནི་སྣོད།རྩེར་ཕྱིབས་ནི་མཐར་ཕྱིན།གླལ་བ་ནི་ཁ་གདངས་སམ་རྣམ་པར་བསྒྱིངས་པ།ཀླུབས་པ་ནི་ཕུབ་པའམ་གྱོན་པ།གཡེམ་པ་ནི་འདོད་པ།མུ་ཅོར་ནི་ཁ་ཟེར་བ་དང་ཁ་དྲག།གནམ་པོ་ནི་དྲང་པོ།འཇུག་པར།ཀྱེ་མ་གཞན་གྱི་གནམ་པོ་ཉིད།ཅེས་པ་ལྟ་བུའོ།ཁོར་ཟུག་ནི་ཁོར་ཡུག།ཆབས་ཅིག་པ་ནི་ལྷན་ཅིག་པ།ཆུབ་པ་ནི་རྟོགས་པ།གོ་འདུན་ནི་སྣ་ཚོགས་སམ་གང་མོས།མོང་དུ་ཆུད་པ་ནི་ཁོང་དུ་ཆུད་པ།རླིབས་པ་ནི་རྒྱ་ཆེ་བ།མཆིལ་པ་ནི་ལྕགས་ཀྱུ།ལྕགས་ཀྱོ་ཞེས་པའང་དེ་ཉིད།འགྱེད་པ་ནི་འགྱོད་པ།ཟང་ཟིང་ནི་ཤའམ་ཟས།ཟང་ཟིང་སྦྱིན་པའང་གཙོ་བོར་ཤ་སྟེར་བའི་དོན་དུ་བཤད།འགྱེར་བ་ནི་སྤོང་བ།གེར་མ་ནི་རག་མ།རུམ་ནི་ལྟོ་བའམ་ཕག།ཕོམ་པ་ནི་བུམ་པ།རྟོན་པ་ནི་འདོད་པའམ་རྗེས་སུ་འབྲང་བ།དོན་ལ་ནི་མི་རྟོན་ཚིག་ལ་རྟོན།འཕྱོ་བ་ནི་ལྡིང་བ།འགེམས་པ་ནི་འཇོམས་པ།སྙུགས་སུ་ནི་ཡུན་དུ།དབྲོག་པ་ནི་འཕྲོག་པ།གླེབས་པ་ནི་མནན་པ།རྗེན་པ་ནི་གཅེར་བུའམ་རྐྱང་པ།གལ་གྱིས་ནི་ནན་གྱིས་སམ་རྒྱལ་གྱིས།འཇེན་པ་ནི་ལེན་པ་དང་བཅགས་པ་དང་དངོས་པོ་ཡིད་དང་རྣ་བར་འཐད་པ་ལྟ་བུ་ལའང་ཡོད།རླུགས་པ་ནི་ལུག་པ་སྟེ་ཟས་མ་ཞུ་བ་ཕྱིར་བྱུང་བ།ནོངས་པ་ནི་ཉེས་པ།འཕྱེ་བོ་ནི་གོང་པོའམ་ཡན་ལག་མེད་པར་ལྟོ་བས་འགྲོ་བ།ཚུར་ཤེག་ནི་ཚུར་ཤོག།ལྕེ་རྟེན་ནི་བརྗོད་པའམ་སྙད་འདོགས་པ།སྲིབས་པ་ནི་བསྒྲིབས་པའམ་གྲིབ་རི་དང་མཚན་མོ།སླག་པ་ནི་པགས་པའི་གོས།སྡོད་པ་ནི་འཕེན་པ།ཁོལ་མའམ་གླང་མིག་ནི་སྐར་ཁུང་།འདི་དཀར་གསལ་དང་མུན་དཀར་ཟེར་བ་དང་བསྟུན་ན་དས་འཕུལ་ཐོབ་པར་སྣང་ཡང་།འདུལ་བ་ལ་སྐར་ཚོད་བལྟ་བའི་རི་མིག་བཞག་པ་ལས་བཏགས་པའི་བརྡ་བཙན་པར་བྱས་པའོ།འགྲེམས་པ་ནི་འགྱེད་པ།གསེག་ཤང་དང་གསིལ་བྱེད་ནི་འཁར་གསིལ།སྤྱི་ཏོར་ཅན་ནི་གཙུག་ཏོར་ཅན།གསོང་པོར་སྨྲ་བ་ནི་སྔར་སྨྲ་བའམ་དྲང་པོར་སྨྲ་བ།དོ་ཀེར་ཅན་ནི་ཐོར་ཅོག་ཅན།དཔེ་མཁྱུད་ནི་ཆོས་སྟོན་འོས་པ་ལའང་སྦ་བ།འབེལ་བའི་གཏམ་དང་བཀའ་མཆིད་ནི་ཡང་དག་པའི་གཏམ།མཁྱུད་སྤྱད་ནི་མན་ངག་ཕྲན་བུ་སྦས་ཏེ་འཆད་པ།མྱུར་ཐུག་ནི་མཐར་ཐུག།ཕོལ་བ་ནི་རྟོགས་པ།ལ་ཟླས་པ་ནི་ཐག་བཅད་པ།ལ་ཟློ་བ་ནི་མཐའ་འགེགས་པའམ་ཐག་གཅོད་པ།མི་ཆ་བ་ནི་མི་ཤེས་པ།ཆ་མེད་ནི་རྒྱུས་མེད།གཏོལ་མེད་པ་ནི་ཐབས་མེད་པའམ་རྒྱུས་མེད་པ།ཅི་གར་ནི་ཇི་ལྟར།ཅི་ཆིབ་ནི་མཐར་ཕྱིན།གར་ཅིག་ནི་གང་ཞིག།སྨྱན་ཀ་ནི་གཉེན་ཀའབགས་པ་ནི་ཉམས་པ།དམུན་པ་ནི་བླུན་པོ།ཤོ་བེ་ནི་རྫུན།ཤོབ་ཀྱང་དེ་ཉིད།ཤིད་ཟན་ནི་རོ་ཟན་ནམ་གཤིན་ཟས་སམ་དད་ཟས།ཤིད་ནི་གཤིན་པོ་ལ་དམིགས་པའི་དགེ་བ་བསྒྲུབས་པ།ཕྲུ་མ་ནི་ཕོ་བྲང་ངམ་དམག་སྒར།སྤོང་བ་ནི་རྩེ་བ།བརྟུན་པ་ནི་བརྩོན་པ།སྒོ་འཕར་ནི་སྒོ་གླེགས།སྤྱོས་པ་ནི་སྡིགས་པའམ་ཁྲོས་པ།སྙེམ་པ་ནི་གཡེལ་བའམ་སྙོམས་ལས།དབྱེ་ཚོང་ནི་ཚོང་ཁང་།ཐང་ལ་ནི་བཀྲམ་པ།བསླན་པ་ནི་བསྡུས་པའམ་ཕྱོགས་གཏོགས།ཚོག་ཕོར་ནི་རྫོགས་པར།བདར་བ་ནི་བཅད་པའམ་གཞོགས་པ།གཟེངས་པ་ནི་བརྐྱང་པའམ་གཟི་བྱིན།འཆེག་པ་ནི་འཇིག་པ།གློས་པ་ནི་རྨོངས་པ།རྨེག་མེད་ནི་གཏན་མེད།གཡེན་སྤྱོ་བ་ནི་ཅོ་དྲིའམ་སྡང་བར་བྱེད་པ།གཡམ་ནི་ཞར།རྨེད་པ་ནི་གསོལ་བ།སློང་ཕོར་ནི་ལྷུང་བཟེད།བྱ་མ་རྟ་ནི་ཉན་རྣའམ་བང་ཆེན།བྲོ་འཚལ་བ་ནི་ནད་པ།ད་བུར་ནི་སྲེག་གནས།བསེལ་བ་ནི་སྐྱེལ་མའམ་འཇིགས་པ་ལས་སྐྱོབ་པ།གཙུག་ལག་ནི་སྡེ་སྣོད།བསོད་ཉམས་ནི་འདོད་པ་ལ་ལྷག་པར་ལོངས་སྤྱོད་པའི་མིང་།བསྙད་པ་ནི་བཤད་པ།གོ་རེ་ནི་རྫོགས་པ།བརླང་པོ་ནི་རྩུབ་མོ།གཞོགས་སྟེགས་ནི་ཟུར་མིག་གམ་སྐེག་ཆོས།ཤུར་བུ་ནི་སྐ་རགས།འཛན་མོ་ནི་བགྲོད་བྱ་སྟེ་བུད་མེད།འཇུད་མཐུན་དང་འདོད་འགྲོ་དང་གཟུགས་འཚོང་ནི་སྨད་འཚོང་།ལག་གི་བླ་ནི་ལས་དེ་དང་དེ་ལ་བསྐོས་པ།འཛན་ཕོ་ནི་བགྲོད་བྱེད་དེ་སྐྱེས་པ།སྐ་རགས་ཕོག་གུ་ཅན་ནི་སྐ་རགས་རྒྱན་ཅན།འཐབ་ཀྲོལ་ནི་གནོད་རྒྱུ།འགྲེ་བ་ནི་གཡོ་བ།དོ་ཟན་ནི་མཆིང་བུ།ལྕགས་ཕོད་ནི་སྐ་རགས་ཀྱི་རྒྱན།ཁོད་སྙོམ་པ་ནི་ཡིད་མི་དགའ་བའམ་སྒྱིད་ལུག་པ།དཀྱུས་མོ་ནི་མགྱོགས་པའམ་རྒྱུག་པ།དང་ལ་ནི་རྫིང་བུ།ཀླབ་པ་ནི་ལ་བ།དམ་རྒྱ་ནི་ཁྲིམས།ཞ་སྒྲེ་ནི་རྣ་མེད།ལྟག་སྒྲེ་ནི་ལྟག་ཐེར།གོར་མོ་ནི་སྡང་སེམས།རྣ་བྲང་ནི་མདེའུ།བཤུག་པ་ནི་བསླང་བ།པུས་མཁྱུད་ནི་སྒོམ་ཐག།གཡར་ནི་ཁའམ་གདོང་ངམ་མདུན།ཧྭགས་ནི་བུ་རམ་གྱི་དྭངས་མའི་ཤ་ཁ་ར་སྟེ་འགྲེལ་པ་ཟླ་ཟེར་དུ་གལ་ལ་ཞེས་ཀྱང་གྲགས་པ།ཐགས་རན་ནི་བཏགས་པ།རྨས་པ་ནི་ཉམས་པ།མངན་ནི་མཐུ།དངར་ནི་གྲལ་ལམ་ཕྲེང་བ།གསུག་པ་ནི་རྔན་པ།བརྔན་ཞེས་པ་ནི་མཆོད་པ།རྣམ་འདལ་ནི་རྣམ་འདུད།འགྱེད་པ་ནི་གཏོང་བ།དབྲེས་པ་ནི་བརྗེས་པ།བསེན་ཁུས་པ་ནི་གཉེན་བསླུས་པ།བརྒྱད་བཀག་ནི་ཁ་སྨྲས་སམ་བཀྱོན་པ།འོ་ནི་ནི་འདི།བཟླུགས་པ་ནི་ཞུས་པའམ་དྲིས་པ།པོ་ཟོས་ཀྱང་ནི་ཇི་ལྟར་ཐོགས་ཀྱང་ཞེས་པ་སྟེ་ཡུལ་སྐད་ལ་པོ་མཐོ་ཡང་ཟེར།སྤྱོན་པ་ནི་འབོད་པའི་བརྡ་ཚུར་ཤོག་ཅེས་པ་ལྟ་བུའོ།།བྱོན་ཅེས་པ་སླེབ་ཟིན་པའི་དོན་ཏེ་དིང་སང་བརྡ་ནོར་མང་།འབྲོངས་པ་ནི་ཉེ་བར་བསྟེན་པ།བཤེས་སྤྲིང་དུ་མཐོ་རིས་བུ་མོས་འབྲོངས་ཤིང་ཞེས་པ་ལྟ་བུའོ།།མི་སློན་ནི་མི་ཟློགས།སྨག་ནི་མུན་པ།གོ་ར་ནི་བཙོན་ར།ཡ་མ་བརླ་ནི་སྙིང་པོ་མེད་པའམ་མི་བདེན་པ།ཀླད་རོལ་ནི་ཕྱི་རོལ།ཆང་ཐུབ་ནི་གང་ཟག།དོག་མ་ནི་མདུན།གེལ་པ་ནི་ཡལ་ག།འཕག་པའམ་ཆ་བ་ནི་འཇུག་པ།རན་པ་ནི་ལྕུག་ཕྲན།རེང་བུ་ནི་འབྲེལ་མེད་དམ་རྐྱང་པ།མི་འགོང་ནི་མི་ཞུམ།ཐན་ཀོར་ནི་ཉེ་འཁོར།བོག་རེ་ནི་བ་གམ།མ་སྟེས་པ་ནི་མ་ལེགས་པ།སྟེས་དབང་ནི་སྟོབས་ཤུགས།གནའ་བོ་ནི་སྔོན།སྣ་བོ་ནི་གཙོ་བོ།མི་གུ་ནི་མི་ཞུམ།ཉེའུ་གྱི་ནི་བཅུད་ཚོར།ཉེན་ནི་རྨང་།བེ་ནོ་ནི་འཛིན་པ།སྲོ་གང་ནི་ཁྲུས།དཀུ་མཉེ།དྲིལ་ཕྱི།མེ།སྟན་རྣམས་ཀྱི་མིང་།འདི་ལ་བསྲོ་ཁང་ཞེས་པའང་སྣང་།ཇེང་ནི་རྒྱུད་མངས་སམ་དབྱངས།རྨང་ལམ་ནི་རྨི་ལམ།གྱ་ཐོ་ནི་རྣ་རྒྱན།ལན་བོན་ནི་ལན་སློན།མདོང་མོ་ནི་མཇུག་དོའི་ནང་།རྣིལ་ནད་ནི་སོ་རྙིལ་གྱི་ནད།རྔུབ་རེ་ནི་ཧུབ་རེ།ཆུ་བྲུབ་པ་ནི་ཁོལ་བའམ་རྦ་ཀློང་།ཉུག་རུམ་ནི་རླིག་ཕྱུང་སྟེ་བཙུན་མོའི་འཁོར་དུ་འབྱུང་བ།ཞོགས་མ་ནི་སྟེང་གཡོགས།གཞའ་བ་ནི་མགུ་བ།གཞའ་ཚོན་ནི་འཇའ་ཚོན།བསྐྱད་པ་ནི་བསད་པའམ་འགྲན་པ།ཕྱི་བི་ནི་ཕྱི་རོལ།ཕ་བི་ནི་ཕ་རོལ།དགོན་དུང་ནི་ཆུ་མེད་པ།ཚ་སྒོ་ཅན་ནི་བ་ཚྭ་ཅན།མོང་བརྟུལ་ནི་བླུན་པོ།ལུང་བོང་དང་བན་ཀླང་ནི་བ་གླང་།ཕོལ་མིག་ནི་འཁོར་ལོ།མཚུན་ནི་ལྷའམ་ཕ་མེས།འཆེས་པ་ནི་ཁས་ལེན་པ།འཕེའུ་ནི་གསོལ་བ།གཞའ་གསང་ནི་གཡུང་དྲུང་ངམ་འཕྲིན་ལས།དམ་དེམ་ནི་དམ་བཅའ།ཕྱང་སྤྲུལ་ནི་རྒྱན་ནམ་སྤུད་པ།དབུ་རྨོག་ནི་དབུ་འཕང་།ཡིད་སྨོ་ནི་ཡིད་དགའ།གཉི་ཟེར་ནི་ཉི་ཟེར།སྦོན་པ་ནི་ཟ་བ།རྙོང་བ་ནི་བརྐྱང་བ།འབྱེར་བ་ནི་འགྲོ་བ།འདྲིད་པ་ནི་སླུ་བ།གཟོད་མ་ནི་དང་པོ།རིལ་ནི་ཐམས་ཅད།གཟེབ་ནི་གུར།ཀློང་དུ་གྱུར་པ་ནི་དབང་དུ་གྱུར་པ།བཅིབས་པ་ནི་ཞོན་པ།མི་བཟད་པ་ནི་དྲག་པོ།དྲག་ཤུལ་ནི་མི་སྡུག་པ།གཅམ་བུ་ནི་བཅོས་མ།བརྐམ་པ་ནི་འདོད་ཞེན།བརྐམ་ཆགས་ནི་འདོད་ཆགས་ཆེ་བ།འཆོབས་ཤིག་ནི་གསོངས་ཤིག།གཉོད་ཀ་ནི་འཁོས་ཀགཡུང་བ་ནི་ཞན་པ།བརྟུན་ངེས་པ་ནི་གཟུ་ལམ་དང་རང་བཟོ།གཞིབ་པ་ནི་འཇིབ་པ།གླགས་པ་ནི་འཇུག་པའམ་འགྲོ་འཚམས།དོང་སྟེ་ནི་སོང་སྟེ།འདོང་བ་ནི་འགྲོ་བ།དཔེན་པ་ནི་མཁོ་བའམ་འཕངས་པའམ་ཡིད་དུ་འོང་བ།བཙོག་པོ་ནི་ཕོ་བཙོག།རྙོང་ནི་གལ།ཇིས་ན་ནི་ཅིས་ན།ཏ་ལ་ལ་ནི་སྒྲོན་མེ།བསྙུངས་པ་ནི་ཉུང་ངུར་བྱས་པ།བསྙེན་སྲིང་ནི་ཉེ་རིང་།སྤང་བྱེད་ནི་རྡོ་བ།ཀོས་ཐག་ནི་ཉམ་ཐག།སྔ་མཁོ་ནི་སྔར་བཞིན།སྨྱུར་ཏེ་ནི་མྱུར་དུ།འོན་ཅིག་ནི་བྱོན་ཅིག།ལྡེམ་པོ་ནི་དྲད་པོ་མིན་པ།ཉིང་ཏོར་ནི་ངེས་པར།བྱོས་ཤིག་ནི་གྱིས་ཤིག།རངས་པ་ནི་དགའ་བ་དང་རིལ་པོ།ཁོང་འཁྱིད་ནི་ཁོང་འབྱིན།གཏུ་ལུམ་ནི་བཟི་བ།གྱུ་བ་ནི་བཀུར་བ།ཕོ་ཐེག་ཆེ་བ་ནི་ཁེངས་པ་སྟེ་ལྟ་བ་མཐོ་བའི་དོན།ཕོག་སྙ་ཆེ་བ་ནི་སྲན་ཆེ་བ།རྨེ་བ་ནི་སྨྲ་བ།རྨུན་པོ་ནི་བླུན་པོ།འཕན་པ་ནི་ཆག་པའམ་ཉམས་པ།ཆུའི་དངོ་ནི་ཆུ་ངོགས།གྲིའི་དངོ་ནི་གྲིའི་སོ།ཡོན་ཁར་བ་ནི་ཡང་དག་མིན་པ།འོར་འགའ་ནི་རེས་འགའ།འབྲུས་འགོགས་ནི་བརྩོན་འགྲུས།འབོགས་པ་ནི་བརྒལ་བ།འབོག་པ་ནི་བརྒྱལ་བ།བྱ་རྐོན་ནི་བྱ་རྒྱ།གཉིག་ཏུ་ནི་གཅིག་ཏུ།བློང་བ་ནི་རྨུགས་ཤིང་སོང་བ།བློ་བློང་ནི་ཡི་མུག་གམ་རིག་པ་མི་གསལ་བ།བློང་བློང་ཡང་ཟེར།གཞེན་འདེབས་དང་གཞན་བསྐུལ་ནི་དྲན་བསྐུལ།ཆད་པའམ་བང་སོ་ནི་དུར་གྱི་གནས།ཕོལ་ཏེ་ནི་ཕན་ཏེ།འུང་ནས་ནི་འདི་ནས།ཉིད་གྲུལ་ནི་རིགས་ངན།རྔད་མོ་ནི་དམོད་མོ།རང་ཉམས་ནི་རང་བཞིན།འགྲན་དོ་ནི་འགྲན་ཟླ།ཡིབས་སུ་ནི་དབྱིབས་སུ།བླ་ཁྱད་ནི་དྲེགས་པ།འུང་ཏེང་ནི་འོན་ཀྱང་།འོར་པ་ནི་བོར་བ།ཕ་ལོགས་ནི་ཕ་རོལ།གྱིམ་ཤིང་ནི་རོལ་མོ།ཆོ་ལོ་ནི་རྒྱན་པོ།ཟུས་ནས་ནི་ཟུག་ནས།བློན་འདེབས་ནི་ཆོས་སྟོན་ནམ་ཟུར་ནས་གྲོས་འདེབས།གདས་པ་ནི་སྨྲ་བའམ་ཞུས་པའམ་ཞུ་བ།སྣ་རུ་ནི་ན་རོ།འགྲོངས་ནི་རྨའི་སྒོ།མཆིས་འབྲང་ནི་ཆུང་མ།མ་དྲངས་པ་ནི་མ་དུལ་བ།གཞོངས་ནི་ལྗོངས།བུས་པ་ནི་བྱིས་པ།འཇེབས་པ་ནི་འགྲོགས་པའམ་ལེགས་པའམ་སྙན་པ།ནན་ཏུར་ནི་ཆད་ལས།ཡུས་ཏེ་ནི་བདེན་ཏེ།ཞ་འབྲིང་དང་ཞམ་འབྲིང་ནི་ཞབས་འབྲིང་།རྨེན་ངན་ནི་ལྟས་ངན།གཏི་བ་ནི་སྨྲ་བ།སླད་བཞིན་ནི་ཕྱི་བཞིན།གཤོར་བ་ནི་རྩུབ་པ།འཕྱན་པ་ནི་འཁྱམ་པ།གཤོར་བ་ནི་སྣོད།ཀླག་ཅོར་ནི་ཅ་ཅོ།ཤེན་པ་ནི་བཤེན་པ།རྙིས་པ་ནི་རྙིངས་པ།སྨྱེ་བ་ནི་ཞན་པ།ལེའུ་གློན་པ་ནི་ལན་ལྡོན་པ།འདྲག་མཐིལ་ནི་ལག་མཐིལ།བུམ་བུ་ནི་བུམ་ཆུང་།རྩིག་གུ་ནི་རྩིག་པ།བྲུངས་ཀྱང་ནི་ཀུན་ཀྱང་།རེ་རྨ་ནི་བུད་མེད།ནན་ཐུར་ནི་ནན་ཏན།གཡུར་དང་ཡུར་ནི་གཉིད།སྒྲེའུ་ཆུང་ནི་འཛག་སྣོད།པར་ཏང་དང་དྲེའུ་རྔོག་ནི་སྟན་ཁྲ་བོ།སྨྱུགས་ནས་ནི་བཅུག་ནས།དཀུ་སྟེ་ནི་ལྷག་སྟེ།མ་ལ་ནི་ཀྱེ་མའམ་ཀྱི་འུད།ངོག་གོ་ནི་ནོན་ནོ།མདུན་བདར་བ་ནི་མདུན་ནས་བསྟོད་པའམ་མདུན་དུ་བགྱིས་པ།ཐོང་ཁོར་ནི་གར་བུ།ལག་ཏུབ་ནི་སྒྱོགས།ལྡོངས་པ་ནི་ལོང་བ།དམིགས་བུ་ནི་ལོང་ཁྲིད།ངོག་ན་ནི་སོང་ན།མོད་མི་དམའ་བ་ནི་དཔངས་མཐོ་བའམ་ཕྲ་མོ་མ་ཡིན་པ།རྙོང་ངམ་བྱུག་པའམ་སྐྱང་ནུལ་ནི་ཞལ་བ།ཞལ་ཞལ་ཀྱང་དེ་ཉིད།ཐན་སྐོར་ནི་ཉེ་སྐོར།ཡུགས་ཤིག་ནི་བྱུགས་ཤིག།ཟ་ཕོད་པ་ནི་ལྟོ་ཆེ་བ།ལྟུང་རུས་ནི་ལྟུང་འབྲས།འཛེར་ཏོ་ནི་ཟེར་ཏོ།དུགས་ཁང་ནི་ཁྲུས་ཁང་།དཔྱ་བ་ནི་འཕྱ་བ།སྔ་ཟ་ནི་སྔ་བ།ཚང་མང་ནི་ནགས་ཚང་ངམ་མེ་ཁང་།ཁུ་ཤ་ནི་ཤ་ཁུ།ཐམ་ལག་ནི་མན་ངག།།ལས་ཀན་ནི་ཁ་ཁྱེར་རམ་སྟེགས་བུ།གཞགས་པ་ནི་བརྒྱན་པ།འདྲུབ་པ་ནི་འཚེམ་པ།དྲུབས་པ་ནི་བཙེམས་པ།དེ་མོ་ནི་དགོས་པ།རྣམ་ཕྱིས་ནི་ཕྱི་ས་ཁང་པ།སྐུན་བུ་ནི་གཞོང་བུ།ཡ་གད་ནི་རྐང་རྟེན་ནམ་སྐས་ཀཅི་ཆོག་ནི་ཅི་ཡོད།ཐ་གི་ནི་ཞི་བ།རྒྱུ་ཁུ་ཅན་ནི་གཅེར་བུ་པ།གཟར་ཐག་ནི་དཔྱང་ཐག།སླས་ནི་བཙུན་མོའི་འཁོར།གྱོང་རལ་ནི་ས་ཞག།།བཤུལ་ནི་ལམ།མད་པ་ནི་བདེན་པ།སྤྱན་པ་ནི་བྱ་ར་བ།ཆེམས་པ་ནི་འཕྲིན་པ།མདུན་ཁང་ངམ་བཀད་ས་ནི་འདུག་ས།འདུག་པ་ནི་ཚོགས་པ།ཚིག་གུ་ནི་འབྲས་བུའི་སྙིང་པོ།སྐྱེས་ཕྲན་ནི་དར་ལ་བབ་པ།ལྕེ་རྟེན་ནི་བརྗོད་པའམ་སྙད་འདོགས་པ།རེགས་པ་ནི་བྲེགས་པ།སྐྱོས་པ་ནི་ཉམས་པ།ཆུ་འདལ་བ་ནི་དལ་པོར་འདུག་པའི་ཆུ།ཉུལ་བ་ནི་བུལ་བའམ་འགོར་བ།གཞར་བ་ནི་མཐུན་པ།ཆན་པ་ནི་ཁྱེ་བོའམ་གྲི་གུག།ལྡང་སྐོ་སྐ་དང་བསེ་ཁ་སྒོ་ནི་སེང་གེ་ཤ་ར་བྷ་སྟེ་སེང་གེ་རྐང་པ་བརྒྱད་པའི་མིང་།ཆེད་འགའ་ནི་རེས་འགའ།སྐྱོ་སྔོགས་ནི་འཁྲུག་པ།བགས་ཀྱི་ནི་རིམ་གྱི།ནོད་པ་ནི་ལེན་པའམ་ཐོབ་པ།བརླ་བརྙན་ནི་སྣོན་པ།ཚང་ཐུར་ནི་གོས་ཤུབས།བརྙན་པ་ནི་གཡར་བ།བརྙས་པ་ནི་གཡས་པ།སྐབས་ཐོབ་ཉོས་པ་ལའང་།ཡུ་བུ་ནི་རང་རེའམ་བདག་ཅག།ཁོམ་པ་ནི་དལ་བ།ཕོ་ལོང་ནི་གྲུ་གུ།ཕྱག་ལས་ཁོམ་ནི་ར་རོ་བ།དགུམ་པ་ནི་གསོད་པ།འགུམ་པ་ནི་འཆི་བ།བཀུམ་པ་དང་གུམ་པ་ནི་བསད་པའམ་ཤི་བ།རྨེད་དུ་ནི་གསོལ་དུ།འཁོབ་པ་ནི་ངན་པའམ་མཐའ།ཛི་ནི་རླུང་།འཁྲུན་རིང་ནི་མཆུ་རིང་ངམ་དཀྱུས་རིང་།བརྣོགས་པ་ནི་བསྡམས་པའམ་སྦས་པ།མནགས་པ་ནི་བཟོད་པའམ་བསྲན་པ།དྲལ་པོ་ནི་མིང་པོ།ཆེ་ཞེ་ནི་ཨ་ཆེའམ་སྲིང་མོ།འབྱེས་པ་ནི་མཛེས་པའམ་མཚམས་ཕྱེད་པ།སྤུ་ལ་བབ་པ་ནི་རུང་བ།མི་ཆོག་ནི་མི་ཕོད།ཤིང་ཐགས་ནི་ཅོག།རྩང་ནན་ནི་བཏུང་བ།འཐམས་པ་ནི་བྱམས་པ།འཁམས་པ་ནི་བརྒྱལ་བ།སྡུམ་མཚེས་ནི་ཁྱིམ་མཚེས།དབང་ཐང་ཆེ་བ་ནི་སྐལ་བ་ཆེ་བའམ་དཔལ་ཆེ་བའམ་སྐལ་བ་བཟང་བ།མ་ནངས་པ་ནི་མ་ལངས་པ།ནངས་ཀྱི་ནི་སྔོན་གྱི།གཡེར་བག་ནི་སྣང་གཡེལ་ཅན།བརླམས་པ་ནི་བསྐྱོད་པ།སྒྲེ་བོ་ནི་ས་རྗེན།འོད་པ་ནི་ཡོད་པ།མིག་གི་རྔུ་མ་ནི་མིག་གི་དྲི་མའམ་སྐྱོ་མ།སྦལ་དུ་ནི་དོང་དུ།ཕྱུགས་ཕྱུང་ནི་གཞོན་ནུ་མ།སྣོག་གཟན་ནི་འཁུར་བ།བྱ་མོ་ཟབ་ནི་མཆོད་རྫས།ལན་ཀན་ནི་པུ་ཤུ།རྒྱུན་ལུགས་ནི་རྒྱུ་འགྲུལ།གཡར་འདྲེན་ནི་སྤྱན་འདྲེན།གཡར་ལེན་ནི་ཁས་ལེན།གཡར་དམ་ནི་དམ་བཅའ།གཡར་ལམ་ནི་མདུན།གཡར་ཁྲལ་ནི་ཁ་ཁྲལ་ལམ་ངོ་ཁྲལ།གཡར་ཚ་ནི་ངོ་ཚ།གཡར་ཁམས་ནི་སྐུ་ཁམས།གཡར་ངོ་ནི་གདོང་།སྒེའུ་ཆུང་ནི་འགྲོ་བ།སྒེའུ་གཤེར་ནི་ཁ་འདམ་སྟེ་བཅའ་སྒ་དང་རོ་ནུས་ཆ་མཐུན་ཞིག་གི་མིང་།དྲུང་ནི་རྩ་བ།འགྱུར་བྱེད་ནི་པྲ་ཆལ།མི་ངས་ནི་མི་ནད་དམ་རིམས་ནད།ཞལ་ཚུས་ནི་ཞལ་ཟས།ལོང་བུ་ནི་ཤིང་ཏོག།འོས་པ་ནི་གཅེར་བུ་པ།རྩེན་པ་ནི་རྩེ་བའམ་རོལ་བ།བླ་གབ་ནི་སྟེང་གཡོགས།ཐོམས་ཤིག་ནི་སོམས་ཤིག།མཐོལ་བ་ནི་སྨྲ་བའམ་མི་སྦེད་པ།བཤོས་པ་ནི་འཁྲིག་པ།གཏམ་འདྲེས་པ་ནི་ཕེབས་པར་སྨྲ་བ།སྨོན་འདྲིན་ནི་གྲོགས་པོ།ལྟག་འོག་ནི་སྔ་ཕྱིའམ་གོང་འོག།སྤུན་པ་ནི་བསྟུན་པ།ཐོག་ཐོག་ནི་དང་པོ།རེག་ཟིག་ནི་ཟིན་བྲིས།བོན་པ་ནི་ཟླས་པ།ནེའུ་ལྡང་ནི་ན་ཟླ།སྒོག་པ་ནི་སྒོག་སྐྱ་སྟེ་ར་སུ་ནའམ་ལ་ཤུ་ན།ཀུན་དོང་ནི་བཙོང་སྟེ་པ་ལཱ་ཎུ།ཀེའུ་ནི་རི་སྒོག།ཧབ་ཤང་མཚེའུ་ནི་དབང་ལག།ལིག་ཤི་ཝེར་ནི་ཛཱ་ཏི་སྟེ་སྣ་མའི་མེ་ཏོག།ཀྲུ་ཀྲུ་ཏྲེས་ནི་ཙི་ཏྲ་ཀཇ་ཧོང་ནི་བཙོད་མདོག།སླད་ཚ་ནི་མི་གཙང་བའམ་བཤང་བ།ཐོབ་ཀྱིས་འཇལ་བ་ནི་ཐབས་ཀྱིས་གཞན་ནོར་འགུགས་པ།ཤ་ཆགས་པ་ནི་བློ་ལ་ཡོད་པའམ་བབ་ཐོབ་ཡོད་བ་དང་འཐུག་པའམ་བརླིང་བ།ངག་འཁྱལ་ནི་འབྲེལ་མེད་དུ་སྨྲ་བ།ཀྱལ་ག་ནི་ཀུ་རེའི་ཚིག།བསྟང་བ་ནི་མགོན་ནམ་གྲོགས།བསྟིངས་ཚིག་ནི་སུན་འབྱིན་པའི་ཚིག་སྟེ་མི་ངན་པ་ལ་མི་ཡ་མཚན་ཅན་ཅེས་བརྗོད་པ་ལྟ་བུ།དུས་པོ་ཆེ་ནི་འཛིན་པ་ཆེ་བ།སྟོངས་པ་ནི་ཕན་པའམ་གྲོགས།དཀོར་དང་ཀ་ཅ་ནི་ནོར་གྱི་སྤྱིའི་མིང་།དཀྱེལ་ཆེ་བ་ནི་ཁོང་ཡངས་པ།ཆུ་གང་ནི་སྙིང་སྟོབས།བཀྲབས་པ་ནི་མང་པོའི་ནང་ནས་འདམས་པ།བསྐྲུན་པ་ནི་བསྐྱེད་པའམ་བཙུགས་པ།སྐྲུས་པ་ནི་གཅོད་པ།སྒྲུན་པ་ནི་འགྲན་པ།བསྐྲུ་བ་ནི་གཞན་ལ་ཐབས་ཀྱིས་འབྲིད་པ།བསྐ་བ་ནི་གར་བའམ་རོའི་ཁྱད་པར།སྐྱིན་གོར་ནི་གངས་སྦལ་ལམ་རྩངས་པ།མི་འགོང་བ་ནི་མི་སྐྲག་པ།དབོས་པ་ནི་སྦོས་པ།དངན་འཐེན་ནི་གཞན་གྱི་ནོར་ཁྱེར་བ་ཕྱིར་མི་གཏོད་པ།ཟིལ་དངར་ནི་བདུད་རྩི།བཅོམ་བསྐྱུངས་ནི་འཇིགས་ནས་སྐད་ཆུང་ངུར་སྨྲས་པའམ་ཁ་རོག་འདུག་པ།མན་ནི་ཚོད་དང་དུས།འཇུངས་པ་ནི་ཞེན་ཆགས་ཆེ་བ།ཉིང་ཤ་ནི་རང་གི་ཤ།ཇུ་བོ་ནི་རྡོ་ལག་ཉ་ནི་བྱིན་ལེན་མ་བྱས་པར་ལེན་པ།ཉེ་རེག་ནི་ཁྲུས།མཆིག་དང་མཆིག་གུ་ནི་མས་གཏུན་དང་ཡས་གཏུན།ཤ་ཀོན་ཞུགས་པ་ནི་ཁོན་ཡོད་པ།མཉེལ་བ་ནི་ངལ་བ།ཕྱག་བརྙན་ནི་འཁོར་གཡོག།སྤྱོ་བ་དང་བརྒྱད་པ་ནི་འཐབ་པའམ་སྨད་པ།སྐྲ་བརྙན་ནི་སྐྲ་ཚབ།སྒྲ་བརྙན་ནི་བྲག་ཆ།གཏམས་པ་ནི་ཁེངས་པའམ་བཅོལ་བ།བལྟམས་པ་ནི་སྐྱེས་པའམ་འཁྲུངས་པ།རྟུལ་ཕོད་ནི་སྙིང་སྟོབས་ཆེ་བ།བརྟུལ་ནི་བསྡུས་པའམ་འཇམ་པ།དགུང་ནི་གནམ།མཚན་མོ།དགུང་ལོ་སོགས།གདུགས་ནི་ཉི་མའམ་ཉིན་པར།འཁྲུན་ནི་འཕང་ངམ་སྲིད།ཁོ་ལག་ནི་ཞེང་ངམ་སྦོམས་བདའ་བ་ནི་ཞིམ་པ།འདྲེན་མ་ནི་སྣ་ཚོགས་འདྲེས་མའམ་ཁྲ་བོ།བླ་བརྡོལ་ནི་བླ་ཅོལ།མནག་དཀའ་དང་མནོག་ཆུང་ནི་སྲན་དཀའ་དང་ཁེ་ཆུང་བ།འཕྲལ་བ་ནི་དཔྲལ་བ།ཕྱང་ངེ་བ་ནི་འཇོལ་ལེ་བ།བྱུག་རིས་ནི་གྲལ།རྩེ་རྒོད་ནི་ལྷ་འབངས།ནང་བྱན་ནི་གཡོག།མཚག་བཟང་བ་ནི་ཉམ་རྒྱས་པའམ་ཡན་ལག་ང་ཉིང་ལག་རྒྱས་པ།མཚལ་ལུ་ནི་རྟིང་དཀར།འཚལ་མ་ནི་ས་སམ་ལྟོ།འཚལ་ནི་ཤེས་པའམ་ཆོག་པའམ་འདོད་པ།འཁུམས་པ་ནི་ཐོས་པའམ་ཤེས་པ།ནུ་རྫི་ནི་ཉིང་ཁུ།ཞེས་པ་ནི་སྡོད་པའམ་བཞུགས་པ།བསྐལ་བ་ནི་བར་ཆོད་པའམ་རྒྱང་རིང་བ།གཞིབ་པ་ནི་འཇིབ་པ།མ་རྟབས་པ་ནི་མི་རིངས་པ།རླམ་ཁྱེར་ནི་ཧམ་ཁྱེར།བརྟགས་པ་ནི་གུས་པའམ་སྒྲིན་པ།གསུད་པ་ནི་སྒྲེགས་པ།གཤུང་བ་ནི་ངོས་ཀྱིས་སྐྱོན་བརྗོད་པའམ་ཤུབ་བུས་སྨོད་པ།སྐྱེལ་བདར་ནི་སྐྱེལ་གླ།དྲི་དཀུ་བ་ནི་དྲི་མི་ཞིམ་པའམ་དྲི་ཚ་བ།འགོང་བ་ནི་སྨད་པ།མངག་གཞུག་དང་ཅི་བགྱི་ནི་གཡོག་པོ།ཤིན་ཏེ་མ་མེད་པ་ནི་སྙིགས་མ་མེད་པའམ་ཆུད་ཟ་བའམ་ཉམ་ཆུང་བ་མེད་པ།སག་རྩ་སྐྱེལ་བ་ནི་སྦུངས་སྐྱེད་པའམ་དམ་བཅའ་བརྟན་པ།སྐྱོ་མ་ནི་ཕྲ་མ་དང་ཕྱེ་བ།སྲིལ་ནི་སྲོག་ཆགས་མུག་པ།སྐྱུ་རུམ་ནི་ཚོད་མ།བྱ་ན་ནི་ཚོད་མའམ་སྤགས་མ།སྤུན་པ་ནི་བསྲེས་པ།སྤེན་ཏོག་ནི་རྒྱན།སྤ་བ་ནི་མཛེས་པའམ་བྱིན་ཆགས་པ།སྤྱོམས་པ་ནི་ངོམ་པའམ་བདག་བསྟོད།ལ་གཅན་པ་ནི་ལའི་ཚུགས་པ།ཤོ་གམ་པ་ནི་ཡུལ་གྱི་ཚུགས་པ།གྲུ་བཙས་པ་ནི་གྲུ་ཚུགས་པ།དོན་མཐུན་ནི་ཚོང་པ།འགྲོན་པོའང་དེ་ཉིད།སྟ་ཟུར་ནི་དཔྱི་མགོ།སྤོན་པ་ནི་གཏོང་བ།སྤུན་པ་ནི་རྫུན་པ།རྗེ་བཙན་ནི་རྗེ་བཙུན།དངགས་ནི་ངག།བླ་ནི་རུང་ངམ་བཟོད་དམ་ཆོག།ཀླད་ནི་གོང་ངམ་སྟེང་།དབྱིག་ནི་ནོར།སོ་སྟོ་ནི་སོ་ཟིང་།སྤྱི་ཅེར་ནི་སྤྱི་ཐེར།བཟླུམས་པ་ནི་བསྡུས་པ།བརྗེད་པ་དང་རིམ་གྲོ་དང་བཙུན་པར་བྱ་བ་ནི་བཀུར་སྟི་དང་མཆོད་པའི་མིང་གི་རྣམ་གྲངས།བཀུས་ཏེ་བོར་བ་ནི་ཁུ་བ་བཏོན་པའི་སྙིགས་ལྟ་བུ།ཆབ་མི་འཚལ་བ་ནི་ཆུད་མི་ཟ་བ།ཕྱིད་ནི་དར་ཡོལ་བའམ་རྒན་པོ།སླེ་འདམས་པ་ནི་མཚན་མ་ཆད་པ།མཚན་བར་རྡོལ་བ་ནི་མོ་མཚན་གྱི་ནད།སྤྱི་བརྟོལ་ཆེ་བ་ནི་དཔྲལ་ཀོ་འཐུག་པ།དམུས་པ་ནི་ཚི་ཆད་པ།སྨེག་པ་ནི་ཉམས་དང་འཁོས་ཀ་ཁ་ཅིག་ཏུ་རྩ་བའམ་ལྷག་མ།སྨྲིག་ནི་གོས་ཚོས་མ།ངུར་སྨྲིག་ནི་གོས་དམར་སེར་ལ་གྲགས་ཀྱང་ཚོས་སྙིགས་མས་བཙོས་པའི་དོན་ཡིན།ག་གོན་དང་ཚོན་མོ་སྟེང་ནི་ཞ་ཉེ།རོ་ཉེ་ནི་ཞ་ཉེ་ནག་པོར་ཡན་ལག་བརྒྱད་པའི་འགྲེལ་པ་ཟླ་ཟེར་ལས་བཤད།སྤྲབས་པ་ནི་ཟས།བཏོགས་པ་ནི་ཕྲོགས་པ།གོ་རེ་ལོང་ནི་གད་བྱེད་པ།སྨྲེ་ཞེས་པ་ནི་སྡུག་བསྔལ།ཡན་ལག་སྐྱེས་ནི་ཕོ་མཚན།རྨྱ་བ་ནི་ཉམས་པ།གཏམས་པ་ནི་བཤད་པའམ་བསྟན་པ།ཁུད་དུ་བྱས་པ་མང་པོའི་ཡིན་པ་བདག་ཉིད་གཅིག་པུས་དབང་དུ་བྱས་པ།དགའ་འདུན་ནི་སྐྱེས་པའམ་བུད་མེད་རྐྱང་པ་དགའ་སྤྲོ་ལ་ཚོགས་པ།ཚོགས་ཅན་མ་ནི་སྨད་འཚོང་མའི་ཚོགས་ལ་ཟེར་བའང་སྣང་།མཉེས་པ་ནི་ལེགས་པའམ་གྲོས་མཐུན་པ།མི་བཀྱིག་པ་ནི་མི་བརྒྱང་བའམ་མྱུར་བ།སྤུ་བསྙལ་བ་ནི་ཉེས་པ་བཤགས་པའམ་ཞེ་སྡང་ཞི་བ།སྤུ་སྙོལ་བ་ནི་ལུས་ངག་ཡིད་ཀྱི་ཞེ་སྡང་ཞི་བར་བྱེད་པ།ཆགས་རྒྱ་ནི་བུ་ལོན་བདའ་བའི་དཔང་རྒྱ་སྟེ་ཡི་གེ་བཅུག་པ།ཁ་ཕྱིན་པ་ནི་གྲོས་མཐུན་པ།བྲུ་བ་ནི་ལྟོགས་པའམ་བཀྲེས་པ།སྨན་བཏགས་པ་ནི་ཕན་བཏགས་པ།རྣལ་དུ་ཕབ་སྟེ་ནི་གཞན་གྱི་འཚེ་བ་མེད་པར་རང་དབང་དུ་གནས་པ།བཟེ་རེ་ཅན་ནི་སྲན་ཆུང་བའམ་གཞོན་ཤ་ཅན།ཆུམས་པ་ནི་ཆགས་པ།འཚལ་མ་འཚལ་ནི་ཟན་ཟ་བ།བརྙན་པ་ནི་གཡར་བ།བླ་ན་ནི་སྨྲ་བའམ་ཟེར།ཁ་དུམ་པ་ནི་འཆམས་པའམ་མཐུན་པ།ཆེ་བཞི་ནི་བདེན་དཔང་།སྐུགས་སུ་བཙུགས་པ་ནི་རྒྱལ་བཙུགས་པ།སྤྱོས་པ་ནི་འཐབ་པའམ་ཁ་སྨྲས།གཞོངས་སྤྱོད་པ་ནི་ལྗོངས་རྒྱུ་བ།ཆུང་པ་ནི་ཞིང་པ།དུས་ཀྱིས་འཆུ་བ་ནི་དབང་གིས་འཆུ་བ།བཟང་མཁན་ནི་གོས་བཟོ་བ།སྤང་བ་ནི་མི་འཇིགས་པ།འགྲོང་གིས་འགྲོང་ལ་སྦྱར་བ་ནི་ཕོ་མཚན་གྱིས་ཕོ་མཚན་ལ་སྦྱར་བ།སྨྱུགས་པ་ནི་བཅུག་པ།དཀྲེ་ནི་ཕོ་མཚན་གྱི་ཏོག།སྤོགས་འགྱིད་པ་ནི་ཚོང་ཁེ་བ་ན་རྒྱག་ཅིང་མཉམ་པ་དང་གྱོང་བྱུང་བ་ན་མི་རྒྱག་པ་དང་མོད་ཉོ་དཀོན་ཚོང་ལའང་།ཀོག་རྩེ་ནི་རྒྱའམ་རྙི་རྙོང་ངོ་།ཐོར་ཏོ་ནི་རྩེ་མོ།བཏུངས་པ་ནི་བསད་པ།སྐྲི་ཤིག་ནི་ཐོང་ཤིག།བཤེས་གཉེན་ནི་ཡོན་ཏན།དཔུང་ཚོགས་ཡན་ལག་བཞི་རྨོངས་བཏབ་བམ།ནམ་སྲོས་ཀྱི་བར་དུ་བྲོངས་ཤིག།ཆུ་ལོན་ནི་རགས།མ་རེག་ཙམ་དུ་དྲུང་དུ་བསྙེན་ཏེ་ནི་ཉེ་བ།གནས་ནས་སྤེད་པ་ནི་གནས་ནས་ཕྱུང་བ།ཉེ་ཞོ་མེད་པ་ནི་ལེགས་པའམ་སྐྱོན་མེད་པའམ་བཀྲ་ཤིས་པ་ལ་སོགས་པ་སྟེ་རྒྱས་པར་ན་སྔ་འགྱུར་གྱི་གསུང་རབ་རྣམས་རྒྱ་ཆེར་བཀླགས་པ་ལས་ཤེས་པར་འགྱུར་གྱི་མཐའ་དག་པ་ནི་ཡི་གེའི་ལས་སུ་ཆེ་ལ།འོན་ཀྱང་ཅུང་ཟད་བརྗོད་པས་བློ་གྲོས་ཀྱི་འཇུག་པ་འཕེལ་བའི་ཐབས་སུ་མཐོང་ནས།བཅོམ་ལྡན་རིག་རལ་དང་།དབུས་པ་བློ་གསལ་ལ་སོགས་པས་མཛད་པའི་ཡེ་གེ་ལས་ཀྱང་ཇི་ལྟར་རིགས་པར་བཏུས་ཤིང་།དཔལ་ལྡན་བླ་མ་ལོ་ཆེན་གྱི་གསུང་ལས་འབྱུང་བའང་བསྣན་ཏེ་བྲིས་པའོ།།
    ཡང་འདིར།ལེགས་སྦྱར་གྱི་སྐད་ཟུར་ཆག་པས་བརྡ་རྙིང་པར་འཁྲུལ་པའང་འགའ་ཞིག་སྣང་སྟེ།ཨབ་ཅེས་པ་ཆུའི་སྐད་དོད་ཡིན་པ་དང་།མར་ཆུང་ངུ་ལ་སྟོ་ཀ་ཞེས་པའང་ཆུང་ངུའི་སྐད་དོད་ཉིད་ཡིན་པ་དང་།ཀོལ་མ་ཞེས་པ་གཟན་དྲོན་གྱི་མིང་དུ་ཡོད་པའང་།ཀུལྨཱ་ཥ་ཟུར་ཆག་པ་དང་།སྨན་དཔྱད་ལས་ནི།མོན་སྲན་སྡེའུ་སྲན་ཆུང་ལ་སོགས་པ་བཙོས་ནས་ཤིང་ཀུན་ལ་སོགས་པ་སྤོད་དུ་བཏབ་པའི་ཐུག་པ་ལ་འདོད་དོ།ཨ་ཎུ་ཞེས་པ་ཆུང་ངུའམ་ཕྲ་མོའི་སྐད་དོད་ཡིན་པ་ལ།ཨ་ནུ་ཞེས་གྲགས་པ་དང་།མི་ཁེངས་པ་ཆེ་བ་ལ་མི་འགར་པོ་ཞེས་ཟེར་བའང་།གརྦ་ཞེས་པ་ང་རྒྱལ་གྱི་སྐད་དོད་ཟུར་ཆག་པ་དང་།མི་སྒྲོབ་ཆེ་བ་ཞེས་པའང་།ཨཱ་ཊོ་པ་ཞེས་པ་བརྗིད་པའམ་བསྒྱིངས་པ་ཟུར་ཆག་པ་དང་།ཀིངྐ་ར་ཞེས་པ་ཅི་བགྱི་སྟེ།ལས་བྱེད་དམ་ཕོ་ཉའམ་གཡོག་གི་སྐད་དོད་ཟུར་ཆག་པས་གིང་པ་དང་།གིང་ཕོ་གིང་མོ་ཞེས་གྲགས་པ་དང་།སྠུ་ལ་ཞེས་པ་སྦོམ་པོ་དང་རགས་པ་དང་རྒྱ་ཆེ་བའི་སྐད་དོད་ཟུར་ཆག་པས་ཐུལ་ཆེ་བ་ཞེས་པ་དང་།དྷཱུ་ལི་ཞེས་པ་ཟུར་ཆག་པས་རྡུལ་ཞེས་པ་དང་།བྷཱུ་ཀ་ཟུར་ཆག་པས་བུག་པ་ཞེས་པ་དང་།བྲཱ་ཧྨ་ཎ་ཞེས་པ་ཚངས་པ་ལས་བྱུང་བ་སྟེ་ཟུར་ཆག་པས་བྲམ་ཟེ་དང་།ཕལྐ་ཞེས་པ་རི་མོའི་སྐད་དོད་ཟུར་ཆག་པས་འཕལ་ཀ་དང་།ཀལྦའང་བསྐལ་པ་ཞེས་པ་བོད་ཀྱི་བརྡར་མཛད་པ་དང་།ལཀྵྨཱི་ཀ་ར་ཞེས་པ་དཔའ་མཛད་དེ།ཟུར་ཆག་པས་ལེགས་སྨིན་ཀ་

14. མཆན་༩པའི་ནང་གི རྒན་ཉིད་ཀྱི་ཞེས་པ་དེ་རྒན་ཉིད་ལ་ཞེས་བཅོས།

15. གཏུམ་ཆེན་ལགས། kawakarpo@yahoo.comཞེས་པ་འདིའི་ནང་དུ་བསྐུར་རོགས།

16. རྒན་ལ་དྭགས་པ་ལགས། གནོངས་དང་མཛོད་དོན་གཅིག་ཡིན་ནང་འདིར་ཨམ་སྐད་དུ་གང་ཁྱབ་ཆེ་བ་དེ་ལྟར་བྲིས་པ་དང་། ལྡོམ་དང་དོམ་གཉིས་མི་འདྲ། ལྡོམ་ནི་སྡོད་ཡུལ་མེད་པར་འཁྱམ་པའི་དོན་ཡིན་པས། ཁྱི་ལྡོམ་དང་ཁྱི་འཁྱམ་དོན་གཅིག འབྱུང་བོ་དང་བསྐལ་བ་ཡང་ཨ་མདོའི་སྐད་དུ་ཡོད་པ་དེ་ཡང་ཡི་གེར་བྲིས་པ་ཞིག་ཡིན་པས། འདི་ཙམ་གྱིས་སྔོན་གྱི་བསྟན་བཅོས་ཆེན་པོ་དག་གི་དོན་ཕྱི་ཅི་ལོག་ཏུ་འཁྲིད་འགྲོ་བའི་ཉེན་ཁ་ཅང་མ་མཐོང་། དབྱིན་སྐད་དུ་ཡང་ཨ་རིའི་མཚོན་ན་ཤར་ནུབ་གཉིས་ཀའི་བར་དུ་འབྲི་སྟངས་ཅུང་མ་འདྲ་བ་ཟུང་འདུག་ཀྱང་དེས་དོན་དག་གོ་བ་ལ་གནོད་ཚབས་བཟོ་བཞིན་པའི་སྐོར་གང་ཡང་མཐོང་ཐོས་མ་བྱུང་།

17. ཡིན་ནང་ཞེས་པ་ཡིན་ནའང་
    ཨ་རིའི་ཞེས་པ་ཨ་རིར་་་་་་་

18. བསྐལ་བའི་སྐད་དོད་ངོ་མ་དེ་ནི་རྒྱ་གར་གྱི་ཀལྦ་ཞེས་པ་དེ་ཡིན་པས་བསྐལ་བ་ཞེས་མཐའ་གཅིག་ཏུ་བྲིས་མི་ཆོག་པ་ཡང་མེད་པར་སེམས་ཤིང་། ལི་ཤི་གུར་ཁང་དུ། དགུང་ནི་གནམ་དང་། མཚན་མོ། དགུང་ལོ་སོགས་ཞེས་གསུངས་པ་ཡང་ཉིད་ཀྱིས་བྲིས་པའི་མཆན་རྙིང་པ་ཞིག་ལ་དམིགས་པའོ།།

19. ལི་ཤིའི་གུར་ཁང་དུ།

20. ཀླུ་སྨྱོན་ཧེ་རུ་ཀ་ལེགས།

    ཁུ་སྒོ་ཞེས་པ་བདག་གིས་མི་གོ ལི་ཤི་གུར་ཁང་ན་ཡོད་ན། སང་ཉིན་དགོངས་མོ། རང་སྡོད་གནས་སུ་སླེབས་རྗེས། དེ་དང་དཔེ་གཞན་དག་ན་ཡང་རྙེད་ཚེ། ལན་འབུལ་ཆོག རེས་འགའ་རེ་མ་གཏོགས། རྒྱུན་དུ་ཁ་བརྡ་མཇལ་ཐུབ་དཀའ་བ་ལགས། བདེ་ལེགས།

21. རྒན་ལ་དྭགས་པ་ལགས། ལི་ཤིའི་གུར་ཁང་རྙེད་སོང་ཡང་དེའི་ནང་དུ་ཁུ་སྒོ་ཞེས་པའི་ཚིག་འདི་མི་འདུག

22. ཨ་ལགས་ཀླུ་རིན་པོ་ཆེ། ལགས། དོམ་ནག་སྨྱོན་པ་དང་ས་འབུ་ཐག་ནར་ལ་ཞོན་པའི་ཞི་ཁྲོའི་ལྷ་དེ་གང་རེད། སྙན་ངག་པའི་ཚིག་ཉམས་འདོན་ཚུལ་ཞིག་ཡིན་ནམ། ཡང་ན་དག་སྣང་ལ་གཟིགས་པ་ཞིག ཉིད་ཀྱི་དགོངས་གསལ་ལྟར་སྔ་འགྱུར་བའི་ཞི་ཁྲོ་རིགས་བརྒྱའི་ཞི་བ་ལ་པདྨ་ཟླ་གདན། ཁྲོ་བོ་ལ་པདྨ་ཉི་་གདན། ཞི་ཁྲོ་དུད་འགྲོའི་གདན་ཡོད་པ་ཚོར་བྱོལ་སོང་གཙོ་བོ་བརྒྱད་དེ། སྟག་གཟིགས་སེངྒེ་གླང་ཆེན་དང་། །རྟ་སྦྲུལ་རྨ་བྱ་ཤིང་ཤིང་ཏེའུ། །ཞེས་གསུང་པ་མིན་ནམ། ཞི་ཀྲོ་༧༢༥་ནག་དུའང་ས་འབུ་ཐག་ནར་ལ་ཞོན་པ་དེ་བཞུགས་མི་འདུག ཉམ་ཅུང་དྲག་པ་ཡིན་ནམ། རྩེད་མོ་ཞུ་བ་ལགས།

23. རྒན་ལ་དྭགས་པ་ལགས། རྟག་སྦྱོར་དང་གུས་སྦྱོར་ཞེས་པ་ལེགས་སྦྱར་སྐད་དུ་ཇི་ལྟར་འགྲེལ། ཚིག་དོན་འགྲེལ་བ་ཉུང་བསྡུས་ཤིག་ཐུགས་ལ་འཛིན་པར་ཞུ།

24. གཏན་ཚིག་ཡོད་ནི་ཞིག་བྱ་རྒྱུ་གལ་ཆེ་ནི་ཞིག་རེད།

25. ལྷག་བསམ་དྲི་མེད་ལ། བདུད་འདུལ་ཆེན་པོ་ཀྵེ་ཏྲ་པྰ་ལའི་གཞོན་པ་དོམ་ནག་སྨྱོན་པ་ཡིན་ས་ཡོད།
    ཧྰུཾ།། མགོན་པོའི་བཀའ་ཉན་ཀུན་གྱི་གཙོ་བོ་ཁྱོད།།
    མུན་པའི་མདོག་ཅན་སྲིན་པོ་ཁྲོས་པའི་ཞལ།།
    མེ་ལྕེ་བསྐྱོད་ལྟའི་སྐྲ་བརྫེས་མཆེ་བ་གཙིགས།།
    ཕྱག་གཡས་དགྲ་བགེགས་སྲོག་གཅོད་གྲི་གུག་གདེངས།།
    གཡོན་པ་གདུག་པའི་སྙིང་ཁྲག་གཙོ་ལ་སྟོབ།།
    སྟོང་གསུམ་བགྲོད་ཕྱིར་དོམ་ནག་སྨྱོན་པ་ཆིབས།།
    བལྟས་པ་ཙམ་གྱིས་ས་གསུམ་སྡངས་བྱེད་པ།།
    བདུད་འདུལ་ཆེན་པོ་ཀྵེ་ཏྲ་པྰ་ལ་ཁྱོད།།
    འདི་ལྟར་གསུང་ཡོད་པས་དོམ་ནག་སྨྱོན་པ་ལ་ཆིབས་པའི་ཁྲོ་བོའི་ལྷ་ཚོགས་ཡོད་ན་ཡང་། ས་འབུ་ཐག་ནར་ལ་ཞོན་པའི་ལྷ་དེ་ད་དུང་རེག་མ་སོང་། ཕལ་ཆེར་ཀླུ་སྨྱོན་གྱིས་རེག་གི་རེད་བསམ། ངས་ནི་ས་འབུ་ཐག་ནར་ལ་ཞོན་པའི་ལྷ་ཞིག་རེག་ས་མ་རེད།།

26. ས་འབུ་ཐག་ནར་ལ་ཞོན་པའི་ལྷ་ཞིག་ང་ཚོའི་ས་ཆ་འདི་ན་འདུག མིང་ལ་ས་བདག་སྨྱོན་པ་ཟེར་གི དེའི་གསོལ་ཁའི་ཚིག་ཅིག་འདི་ལྟར།
    ས་བདག་སྨྱོན་པ་ས་འབུ་ཐག་ནར་ཞོན། །
    ཉིན་རེ་བཞིན་དུ་ས་སྟེང་མ་ལུས་བསྐོར། །
    ས་གཞིའི་སྲོག་ལ་གནོད་པའི་དགྲ་བོ་ཚོའི། །
    རྐུབ་ནང་འཛུལ་ཏེ་སྲོག་རྩ་བཟའ་བར་བྱེད། །
    ད་ཨེ་སྐྲག་གི

27. ཨ་རོགས། ད་རྫ་ནེ་རྫུན་ནེ་དེ་འདྲ་མ་བཟོས་ན་ཡག་ནི་རེད་ཀོ མགོན་པོའི་ཆོ་ཀ་ན། འོག་གི་ས་བདག་ཕག་ལ་ཆིབས།། ཕྱག་ན་གསེར་གྱི་བུམ་པ་བསྣམས།། ས་བདག་འབུམ་གྱི་འཁོར་དང་བཅས།། དགྲ་བགེགས་སྒྲོལ་བའི་ལས་མཛོད་ཅིག། ཅིག་ཟེར་ཡོད་ནི་རེད། འདི་ས་སྐྱའི་ཕྱོགས་ནས་བརྒྱུད་པའི་ཚད་ལྡན་གྱི་གཞུང་ཡིན་ནི་རེད། གསང་སྔགས་ཟབ་མོའི་ཆོ་ཀ་འདི་ཚོ་རྟོགས་བཏགས་ཀྱིས་བཟོ་ཆོག་གི་མེད་པ་འདྲ་འདུག བཤགས་པ་ན་འདི་ལྟར་བཀོད་འདུག འཇིག་རྟེན་རྟོགས་བཅས་དབང་གྱུར་འཐོལ་ལོ་བཤགས།། འདི་འདྲའི་བཤགས་པ་འདུག་པས་རྟོགས་བྱས་མང་པོ་བྱེད་མི་རུང་བ་འདྲ་འདུག །

28. ཨ་རོགས་ཀླུ་སྨྱོན། ཚུར་ཁ་པར་ཞིག་ཐོངས་དང་། ངའི་ཁ་པར་རྙིང་པ་བརླགས་སོང་པས། གསར་པའི་ནང་དུ་ཁྱོད་ཀྱི་ཨང་གྲངས་མི་འདུག དེ་རིང་སྡེ་རྒད་པོ་ཚོ་ཚང་མ་རིག་རྒྱུ་མེད་ཀི གཟའ་སྤེན་པ་རེད་མོ། ངེད་ཚོ་ཡང་ཕྱི་ལ་འཁྱམ་གི་འགྲོ་ཡ། ང་ནི་དེ་རིང་ཨ་ཀྲི་ལན་ཏིཀ་རྒྱ་མཚོའི་འགྲམ་དུ་གཅེར་བུ་གཅེར་མོ་ཚོར་བལྟ་གི་འགྲོ་གི་ཡིན། ཁྱེད་ནང་ནས་འཁྱགས་སྒོང་ལ་ལངས་ནས་གློག་ཀླད་ལ་ཅེར་ནས་སྡོད།

29. ང་དེ་རིང་སང་ཉིན་གཉིས་ལ་རྫོང་གསར་མཁྱེན་བརྩེའི་དབྱིན་སྐད་གསུང་ཆོས་བློ་ལྡོག་རྣམ་བཞི་ལ་ཉན་དུ་འགྲོ་གི་ཡོད། ཁོང་ནི་ཕོར་བ་དང་ཆང་ཧུབ་ཐེངས་གཅིག་གི་འཁྲུལ་སྣང་གི་འཁྲབ་འཁྲིད་པ་གྲགས་ཅན་དེ་རེད། ཁྱོད་ལ་འདི་མོ་འདི་ལ་ཉན་རྒྱུའི་བསོད་ནམས་ཟོ་ཡོད་ནི་མ་རེད། ཁ་ནས་ད། བསྟན་པ་ཐམས་ཅད་འགལ་མེད་རྟོགས་པ་དང་། ཟེར་བཞིན་དུ། དགོང་མོར་མ་བརྗེད་ན་ངས་ཁ་པར་ཞིག་གཏོང་ཨེ་ཐུབ་ལྟ།

30. ཡུན་རིང་ཞིག་གི་རྗེས་ལ་སེམས་ལ་བབ་པའི་སྙན་ངག་ཅིག་མཐོང་བྱུང་།
    བཀུར་འོས་སྙན་ངག་མཁན་པོ་ཀླུ་སྨྱོན་ལགས་ཐུགས་རྗེ་ཆེ།

31. ཀླུ་སྨྱོན་ལགས་ཀྱིས་མཆན་བུ་༡༨པའི་གསལ་བཤད་དུ།
    “བསྐལ་བའི་སྐད་དོད་ངོ་མ་དེ་ནི་རྒྱ་གར་གྱི་ཀལྦ་ཞེས་པ་དེ་ཡིན་པས་བསྐལ་བ་ཞེས་མཐའ་གཅིག་ཏུ་བྲིས་མི་ཆོག་པ་ཡང་མེད་པར་སེམས་ཤིང་།”
    ཞེས་གསུངས་པ་ཡང་མི་འཐད་དེ། བསྐལ་པ་ལ་བསྐལ་བ་ཞེས་བཅོས་པ་མི་འཐད་ཅིང་། དེའི་རྒྱབ་རྟེན་དུ། བསྐལ་པའི་སྐད་དོད་ཀལྤ་དེ་ཀལྦར་བཅོས་པ་ཡང་ཤིན་ཏུ་ནས་འཐད་པ་མིན་ལགས།

32. ལགས། །ཕ་མའི་སྐད་དོད་ལ། འཛམ་གླིང་གི་སྐད་ཡིག་ཕལ་མོ་ཆེར་། པ་ཡིག་དང་མ་ཡིག་ཡོད་པ་དང་། ཇ་ཡི་སྐད་དོན་ཕལ་ཆེར་མཐུན་པ། བསམ་གཏན་གྱི་སྐད་དོན་རྒྱ་དཀར་ནག་བོད་སོགས་སོའི་སྒྲ་བཤད་ཡོད་པ་སོགས་མཐའ་གཅིག་ཏུ་སྐད་ཡིག་གཅིག་ཁོ་ན་ལ་སྦྱོར་དགོས་དོན་མེད་སྙམ།

33. “བསྐལ་བའི་”ཁུངས་གཏུགས་ས་དེ་ཨ་ཁུ་བསམ་གཏན་ཚང་གི་དག་ཡིག་གསར་བསྒྲིགས་དང་། “ཀལྦའི་”ཁུངས་གཏུགས་ས་དེ་སྐྱོགས་སྟོན་ལོ་ཙྰ་པའི་བརྡ་གསར་རྙིང་གི་རྣམ་གཞག་ལི་ཤིའི་གུར་ཁང་ཡིན། ང་རང་ཉིད་ནི་གཏད་སོ་ཅི་ཡང་མེད་པར་གྱང་ཁའི་རྩྭ་ལྟ་བུ་ཞིག་ཡིན། ངུ་བའི་ཁ་ལ་བལྟས་ནས་ངུ་གིན་ཡོད། དགོད་པའི་ཁ་ལ་བལྟས་ནས་དགོད་བཞིན་ཡོད།

34. རྗེ་ཙོང་ཁ་བས་མཛད་པའི་གསང་འདུས་སྨོན་ལམ་ལས། ནོར་བུར་ཐིག་ལེ་ཕྲ་མོར་སེམས་བརྟན་པས།།ཉི་མས་ཟླ་བ་བཞུས་བའི་བདུད་རྩིའི་རྒྱུན།།ལུགས་འབྱུང་ལུགས་ལྡོག་རིམ་པས་དྲངས་པ་ཡི།།ཡས་བབས་མས་བརྟན་དགའ་བཞི་སྐྱེ་བར་ཤོག།ཞེས་གསུངས་པའི་ཉི་མ་ནི་གཏུམ་མོ་དང་ཟླ་བ་ནི་བྱང་སེམས་ཡིན་ལ། གཏུམ་མོས་བྱང་སེམས་སྦར་བ་ལས་ཡས་བབས་ཀྱི་དགའ་བ་བཞི་དང་མས་བརྟན་གྱི་དགའ་བ་བཞི་སྐྱེས་ཚུལ་ལོ།། བསྐྱེད་རིམ་ཕྲ་རགས་མཐར་ཕྱིན་པའི་རྣལ་འབྱོར་བ་དེས། རླུང་གི་གནད་དང་ལྡན་པའི་སྒོ་ནས་རྩ་དབུ་མའི་མར་སྣ་འམ་ནོར་བུའི་དབུས་ཀྱི་དམིགས་རྟེན་ཕྱག་མཚན་ནམ་ཐིག་ལེ་ཕྲ་མོ་གང་རུང་ལ་སེམས་ཞུགས་པ་བཞིན་དུ་རྩེ་གཅིག་ཏུ་སྒོམ་པ་ན་རླུང་སེམས་འཇུག་པ་གཅིག་པའི་གནད་ཀྱིས་རླུང་དབུ་མར་ཞུགས་གནས་ཐིམ་གསུམ་འབྱུང་ལ། ཞུགས་པའི་རྟགས་སྣ་བུག་ནས་རླུང་མཉམ་རྒྱུ་ཤེད་མཚུངས། གནས་བའི་རྟགས་སུ་སྣ་བུག་གི་རྒྱུ་བ་ཆད། ཐིམ་པའི་རྟགས་སུ་ས་ཆུ་ལ་ཐིམ་པ་སོགས་ཀྱི་སྣང་བ་འབྱུང་། འདི་དག་ལུས་དབེན་གྱི་སྐབས་མིན་ནམ་སྙམ།

35. ཨ་ཁུ་ཀླུ་སྨྱོན་འདི་མི་ཅི་འདྲའི་སླ་མོ་ཞིག་རེད།
    ཡང་མིན་ན་ཉམས་རྟོགས་ཀྱིས་རབ་ཏུ་རླན་པ་ཞིག་ཡིན་ཚོད།
    བསྐལ་པ་ཞེས་པའི་སྒྲ་དེ་ཡང་རྒྱ་གར་རམ་ལེགས་སྦྱར་གྱི་སྐད་ནས་བྱུང་རབས་ཅིག་བཤད་སོང།
    ད་བོད་ཀྱི་སྐད་ཡིག་ནང་དུ་གཞན་སྐད་དང་མཐུན་པའི་རིགས་ཐམས་ཅད་གཞན་ནས་བྱུང་རབས་ཤོད་སྟངས་འདི་ཡིས་བོད་མི་རིགས་ཀྱི་སྐད་ཡིག་སྲུང་སྐྱོབས་དགོས་ཞེས་པ་དེ་གཞན་གྱི་སྐད་ཡིག་སྲུང་སྐྱོབས་དགོས་ཞེས་པ་དང་མི་མཚུངས་སམ།
    བསྐལ་པ་ནི་བོད་སྐད་ཡིན་པར་མ་ཟད་བོད་སྐད་རྣལ་མ་ཞིག་ཀྱང་ཡིན་དགོས།
    སྤྱིར་བསྐལ་པ་ཞེས་པ་ནི་མེད་པའི་སྒྲ་དོན་ཏེ།
    ཡུལ་གྱིས་བསྐལ་པ། དུས་ཀྱིས་བསྐལ་པ། རིགས་ཀྱིས་བསྐལ་པ། གནས་ཀྱིས་བསྐལ་པ།
    ལས་སོགས་ལྟ་བུ་རེད།
    བསྐལ་པ་ཆེན་པོ་ཞེས་པའང་མེ་ཆུ་རླུང་གསུམ་གྱིས་སངས་རྒྱུང་གི་འཇིག་རྟེན་འདི་མེད་ཅིང་བརླག་པར་བྱེད་པས་ན་དེ་ལྟར་བརྗོད།
    མ་གཞི་ནས་རྒྱ་གར་སྐད་དང་སྒྲ་ཉེ་བ་དག་ཡོ་ཀ་རྒྱ་གར་གྱི་སྐད་ཡིན་འདོད་ན།
    རྡུལ་ཅེས་པའི་སྒྲ་དེ་ཡང་རྒྱ་གར་གྱི་ཡིན་ནམ།
    རྒྱ་བོད་གཉིས་ཀས་ས་ཡི་རྡུལ་ལ་སྒྲ་བརྗོད་ཚུལ་གཅིག་པས་སོ།
    རྒྱ་ནག་གིས་རྟག་ཏུ་ཁོང་ཚོའི་སྒྲ་སྐད་དང་མཐུན་པ་ཐམས་ཅད་རྒྱ་སྐད་ཡིན་ཅེས་ཤོད་སྟངས་འདི་ལ་ཡིད་སྨོན་འཆོར་གི་འདུག

36. རེད། ལི་ཤིའི་གུར་ཁང་དུ་རྡུལ་ཞེས་པ་འདི་ཡང་རྒྱ་གར་གྱི་སྐད་དྷྰུ་ལི་ཞེས་པ་ཟུར་ཆགས་པར་གསུངས་འདུག བསྐལ་བ་ཞེས་དེ་ཀལྦའམ་ཀལྤའི་སྐད་དོད་ཡིན་པ་ནི་དག་ཡིག་ཚད་ཐུབ་དུ་མའི་དགོངས་པ་རེད། ད་དུང་པསྟ་ཀ་ཞེས་པ་ཟུར་ཆགས་པས་པོ་ཏི་དང་། ཀངྐུ་མ་ཟུར་ཆགས་པས་གུར་གུམ། གུགྒུ་ལ་ཟུར་ཆགས་པས་གུ་གུལ། བུམྤ་ཟུར་ཆགས་པས་འབུམ་པ། པ་ཏྰ་ཀ་ཟུར་ཆགས་པས་བ་དན། མུཀྟི་ཀ་ཟུར་ཆགས་པས་མུ་ཏིག་སོགས་རང་རེའི་སྐད་ཀྱི་ནང་དུ་ཟུར་ཆགས་པ་དུ་མ་ཞིག་ཡོད་པ་ཡིན་ཡང་། དེས་རང་རེའི་སྐད་ཡིག་འདི་རིན་ཐང་ཅན་ཞིག་ཡིན་པའི་སྤོབས་པ་བརླག་འགྲོ་བ་ཅི་ཡང་མེད་དེ། འཛམ་གླིང་གི་སྐད་རིགས་ཆེན་པོ་དབྱིན་སྐད་ཀྱང་ལ་ཁྲིན་དང་ཧྥ་རན་ཆི་སོགས་སྐད་རིགས་དུ་མ་འདུས་པ་ལས་གྲུབ་པ་ཞིག་ཡིན་པ་ལོས་མཁྱེན། སྐྱོགས་སྟོན་ལོ་ཙྰ་པ་འདི་ནི་ཞྰ་ལུ་ལོ་ཆེན་གྱི་ཐུགས་སྲས་མཁས་པ་ཆེན་པོ་ཞིག་ཡིན་ཞིང་། ཁོང་གི་ལི་ཤིའི་གུར་ཁང་འདི་བོད་ཀྱི་དག་ཡིག་སྔ་གྲས་ཀྱི་ཁོངས་སུ་་གཏོགས་པས་འདི་དག་ལ་ཆ་འཇོག་བྱེད་རིགས་སོ།།

37. ངས་བྱས་ན། བྷག་ཝྰན། ལ་བཅོམ་ལྡན་འདས་ནི། ལྷག་འགྱུར། གང་ཡིན་ཞེས་ན། འདས་པ་རྒྱ་སྐད་དུ་མེད་པས་དང་། ལོག་ཙྰ་བ། འཇིག་རྟེན་མིག་འབྱེད་ནི། ཐད་འགྱུར། ལོ་ཙྰ་བ་ལ། སྐད་གཉིས་སྨྲ་བའམ། སྐད་བསྒྱུར་ནི། དོན་འགྱུར། སངྒྷ། ལ། དགེ་འདུན་ནི། དོན་འགྱུར། སངྒྷ། ལ་ཚོགས་ཀྱི་མཆོག ཐད་འགྱུར་དང་དོན་འགྱུར་འདྲེས་མ། མུ་ཏིག་ནི། མུཀྟི་ཀའི་ཕྱེད་ཟུར་ཆགས་སུ་འགྱུར་བ། མེ་ཏོག་པདྨ་ལ་པད་མ་ནི། རང་འཇགས་བཞག་པ་སོགས་ཡོད་རེད་སྙམ།
    དེས་ན། བོད་ཡིག་དང་བོད་སྐད་ནི། དེང་སང་གི་ཨིན་སྐད་ལྟར། ཤར་གླིང་དུ། ༥༩བར་གྱི་སྔོན་ལ་ཆོས་དང་རིག་གཞུང་གི་ཐོག་ལ་སྐད་ཡིག་ཕྱུ་ཤོས་ཅིག་ཡིན་པའི་ངོས་འཛིན་ཐུབ་པར་ངེས་པས། ཀུན་གྱིས་ད་དུང་མཚན་རིག་དང་དེང་དུས་ཁྲིམས་ལུགས་ཀྱི་ཚིག་རྣམས་རང་སྐད་དུ་གང་མང་མང་དང་། གང་མགྱོགས་མགྱོགས་བསྒྱུར་དགོས་པ་ནི། མི་རབས་འདི་ཡི་བོད་རིགས་སྤྱི་དང་སྒེར་ཚང་མས་ལན་འགན་ཆེན་པོ་ཞིག་མིན་ནམ།

38. ད་ཡིན་ན་ཨ་རུ་བ་རུ་སྐྱུར་རུ་ལས་སོགས་ཀྱང་ཧིན་སྐད་ཡིན་རྒྱུ་རེད།
    དེ་འདྲ་བྱེད་དུས་་་་་འདྲ་བོ་འདྲ་བོ་ལྷ་སའི་ཁྲོམ་ལ་ཡོད།
    ཅེས་པའི་གཏམ་དཔེ་དེ་དྲན་ཡོང་གི་འདུག
    ད་ལ་དྭགས་པ་དང་ཁུ་ནུ་བ་དེ་ཚོས་བོད་སྐད་དག་དང་མ་དག་ལེགས་སྦྱར་གྱི་སྐད་ལ་གཏུགས་ཀྱི་ཡིན་ཟེར་གྱི་འདུག
    ཨ་ཧོ་ཧཧཧཧཧཧཧཧ།
    ད་གང་ཤེས་ཟ་མ་དང་གྱོན་གོས་ལས་སོགས་ཡོད་བྱད་རིགས་ནི་ཨ་ཤང་ཚང་ནས་སླེབ་རེད་ཟེར།
    བོད་རྒྱལ་དང་སྐད་ཡིག་གིས་མཚོན་པའི་རིག་གཞུང་ཆོས་ལུགས་དེ་ཚོ་ནི་རྒྱ་གར་ནས་སླེབ་རེད་ཟེར།
    ད་བྱེད་དུས་གང་ལྷག་འདུག་གམ།
    སེམས་པ་སྐྱོ་བ་ལ།
    མི་ཡི་ལད་མོ་ཁྱི་ཡིས་བྱས།
    ཁྱི་ཡི་འཇུག་མ་མེ་ཡིས་འཚིག
    ཅེས་པའི་དཔེ་དེ་ཡང་དྲན་ཡོང་གི་འདུག
    བོད་ལ་ཐུན་མོང་མིན་པའི་ཆོས་དང་རིག་གཞུང་ཡོད་མེད་རྒྱ་གར་ལ་སྐད་ཆ་དྲིས།
    བོད་ལ་རང་བཙན་ཡོད་མེད་རྒྱ་ནག་ལ་དྲིས་ན་གང་ཡོང་ས་རེད་དམ།

39. གར་ཞྭ་ལུང་པའི་ཡུལ་མིའི་སྐད་དུ་བོད་སྐད་ཟུར་ཆག་མང་དུ་འདུག དཔེར་ན། བྱན་མོ་ལ་བ་ཡན་མོ་དང་སྦྲང་རྩི་ལ་སྦ་རང་ཙི་ཞེས་ལེགས་སྦྱར་ལྟར་ཡ་བཏགས་དང་ར་བཏགས་ཕྲལ་ནས་ཀློག་གི་འདུག ད་དུང་དེ་མིན་ལུང་པ་སོ་སོའི་སྐད་ཀྱི་ནང་དུ་བོད་སྐད་ཟུར་ཆག་པ་ཡོད་ངེས་རེད། དེ་བཞིན་དུ་ལེགས་སྦྱར་ནས་བོད་སྐད་ཟུར་ཆག་པ་ཡོད་ངེསརེད།

40. ང་ཚོའི་བོད་འདི་རྒྱ་མཚོའི་གླིང་ཕྲན་ཡུལ་ལུང་གཞན་དང་འབྲེལ་བ་རྩ་ནས་མེད་མཁན་ཞིག་ཡིན་ན་རང་སྐད་ཀྱི་ནང་དུ་ལུང་པ་གཞན་གྱི་ཐ་སྙད་ཟུར་ཆགས་པ་ཡོད་ཅེ་ན་དགོད་བྲོ་བ་ཞིག་ཡིན་ཡང་། བོད་འདི་ནི་ལོ་ངོ་སྟོང་ཕྲག་མང་པོའི་རིང་རྒྱ་གར་དང་བལ་ཡུལ། རྒྱ་ནག་དང་སོག་པོ་སོགས་དང་མཉམ་དུ་འབྲེལ་ལམ་འགྲོ་འོང་ཡོད་པ་ཞིག་ཡིན་པས། བོད་སྐད་ཀྱི་ནང་དུ་ཡུལ་གྲུ་གཞན་པའི་སྐད་ཟུར་ཆག་པ་མང་པོ་ཞིག་ཡོད་པ་དེ་ང་ཚོས་ཁས་ལེན་དགོས་པ་ཞིག་རེད། ཆབ་སྲིད་ཀྱི་རྩ་དོན་ཡང་དེ་བཞིན་རེད། གོང་ས་མཆོག་གིས་རྒྱ་མི་བོད་ལ་མ་བསླེབས་སྔོན་དུ་བོད་ལ་རང་བཙན་གཙང་མ་གྲིས་བཅད་པ་ལྟ་བུ་ཞིག་མི་འདུག་ཅེས་གསུངས་ཡོད་པ་དེ་ཡང་ཚད་མའི་གསུང་ཞིག་རེད། ལུང་པ་གཞན་པའི་ཐ་སྙད་ཟུར་ཆག་པ་མང་པོ་ཞིག་བསླེབས། ལུང་པ་གཞན་པའི་སྲིད་དོན་པ་མང་པོ་ཞིག་ཀྱང་བསླེབས། བོད་རང་གིས་ཀྱང་ཐ་སྙད་དེ་དག་དང་སྲིད་དོན་པ་དེ་དག་ལ་ངོས་ལེན་ཡག་པོ་ཞིག་པའི་རྐྱེན་གྱིས་ད་ལྟའི་སྐད་ཟུར་ཆག་པ་འདི་དང་ཆབ་སྲིད་ཀྱི་གནས་སྟངས་འདི་འདྲ་ཞིག་བྱུང་བ་རེད། དཔེར་ན་གན་ཏིས་རྒྱ་གར་ལ་རང་བཙན་ཐོབ་ཡོད་ཀྱང་རྒྱ་གར་གྱི་སྐད་ལ་དབྱིན་སྐད་ཀྱི་བཙན་འཛུལ་ཐེབས་ནས་ད་དུང་རང་བཙན་ཐོབ་མེད་བརྗོད་དགོས་བྱུང་བ་ཡང་དོན་དག་འདི་འདྲའི་གནད་འགག་ལ་ཐུག་པ་རེད། བོད་ཀྱི་ཐ་སྐད་གཅིག་པོ་མ་ཡིན་པར་ཆོས་ལ་རྒྱ་གར་དང་། ཟ་མ་ལ་རྒྱ་མིའི། གྱོན་ཆས་ལ་སོག་པོའི་ཤུགས་རྐྱེན་ཐེབས་ཡོད་པ་ནི་ཡོངས་སུ་གྲགས་ཤིང་གྲུབ་པ་ཞིག་ཡིན་པས་ང་ཚོས་དངོས་ཡོད་གནས་ཚུལ་ལ་སྙོན་འདིང་ག་ལ་ཐུབ་ཏེ་མི་ཐུབ་བོ།།

41. ད་གང་ཤེས། ངས་བལྟས་ན་སྐད་རིགས་ཞན་ཞུགས་སྟངས་ཁ་ཤས་ཁྱོད་ཚོ་ལ་བསྟུན་ནས་བཤད་ཀྱི་ཡིན། དབྱིན་ཇི་ལ་ར་ཕོའི་སྐད་ཀྱི་ཟུར་ཆགས་པ་ཤིན་ཏུ་མང་། དཔེར་ན་ར་ཕོ་ལངས་ནས་ར་མ་སྐད་གཏོང་དུས་སྐད་སྦོམ་པོས་ཐོག་ནས་ཧ་ལོ (hello)ཟེར་ནས་སྐད་གཏོང་། འོན་ཀྱང་ར་ཕོས་ར་མ་ལ་འཛགས་རྗེས། ར་མོས་སྐད་ཕྲ་པོས་ཐོག་ནས་བྷེ་ཡེ་(bye)ཟེར་ནས་འགྲོ་བ་ཀུན་གྱིས་མཁྱེན་ངེས་རེད། དེ་བཞིན་དུ་ཧིན་རྡུ་སྐད་ལ་ཨ་མདོ་སྐད་ཀྱི་ཤན་ཞུགས་པ་ཡང་བཀྲ་ཤིས་བདེ་ལེགས་ཀྱི་ཚབ་ལ་མནའ་མ་སུག་ཏི (Namasite)འདྲ་བོ་ཟེར་གི་རེད། དེ་ནི་སྔར་བུ་ཞིག་མནའ་མ་དགའ་དྲག་ནས་རྒྱ་གར་ལ་སླེབས་དུས་མནའ་མའི་རྐང་པ་དྲན་དྲག་ནས་མི་ཐུག་ཚད་ལ་མནའ་མ་སུག་ཏི་ཟེར་ནས་ལབ་པས་རྒྱ་གར་བས་དེ་ནི་བཀྲ་ཤིས་བདེ་ལེགས་ཡིན་ས་རེད་སྙམ་ནས་ད་དུང་ཡང་མནའ་མ་སིག་ཏི་ཟེར་བཞིན་ཡོད་པ་དེ་ག་རེད། དེ་བཞིན་དུ་སི་པེན་ནེ་ཤི་སྐད་ལ་བོད་སྐད་ཀྱི་ཤན་ཞུགས་པ་ཡང་བཀྲ་ཤིས་བདེ་ལེགས་ཀྱི་ཚབ་ལ་སྔར་བོད་སྐད་ཤེས་པ་ཞིག་གི་ཀྱག་ཀྱག་བྱས་ནས་སྐྱག་པ་ཟོ་ཟེར་བ་དེ་ད་དུང་རང་ཆ་བཞག་འདུག དེ་བཞིན་དུ་རྒྱ་ནག་གི་ཐོག་མར་མྱི་ཧྭོ་ཟེར་བ་དེ་ཡང་བོད་སྐད་ནས་མར་ཤན་ཤུགས་པ་རེད། དེ་ཡང་མྱིའི་དབང་བོ་སྟེ་རླུག་པ་ཟེར་བ་ནས་ཕར་ཟུར་ཆགས་པ་རེད། འདི་དག་ཚང་མ་མདོ་སྨད་དགེ་སློང་གི་དག་ཡིག་ལི་ཤི་ཀུར་ཁང་ན་ཡོད་པ་རེད། བློ་གཏད་དང་ཆོག ད་འདྲ་བོ་འདྲ་བོ་ལྷ་སའི་ཁྲོམ་ན་མང་ག།

42. ཟུར་ཆགས་ཡིན་ན་ངན་པ་ཡིན་མི་དགོས་མོད། འདྲ་བ་རེ་རྒྱུ་མཚན་ཏུ་བཟུང་ནས་རང་ལ་རྒྱུས་ཆེ་བའི་སྐད་དེ་ལས་ཟུར་་ཟུར་ཆག་རེད་ཅེས་བཤད་ཀྱང་མི་འོས་སྙམ་སྟེ།དཔེར་ན། ཨ་ཅེ། 阿姐 ཨ་སྲུ། 阿嫂 ཨ་ནེ། 阿尼 ཨ་ཁུ་སྟེ་ཇོ་ལགས། 阿哥 ལ་སོགས་པ་རྒྱ་ནག་སྐད་ལས་བྱུང་བ་དང་། ཞྭ་མོ་ལ་ཧྥ་རན་སིའི་སྐད་དུ་ཞྭ་ཕོར་འབོད། ཉི་་འོང་ལ་ཇར་པན་གྱི་སྐད་ཏུ་ཉི་ཧོང་ཟེར། ཨ་ཞང་ཚང་ཟུར་ཆག་པ་agency ཞེས་སྨྲ་བར་རིགས། རྩེད་མོ་ཡིན།

43. ད་ངོ་མ་་་་་བོད་མི་བན་དེ་་་་་ཚོས་་་་རྒྱ་གར་་་་ལ་ཁུངས་མི་གཏུགས་དང་དགུ་གཏུགས་བྱས་འདུག་སྟེ། ཡིན་ནའང་་་་རྒྱ་གར་བའི་བན་དེ་་་་ཚོས་་་རྒྱ་གར་བན་དེའི་་་ཁུངས་དེ་ག་བར་གཏུག་གི་ཡོད་ནམ།། ་་་་རྒྱ་གར་་་་ཞེས་པ་དེ་ནི་སྤྱི་མིང་ཞིག་རེད་བ། དེ་དུས་ཀྱི་རྒྱ་གར་་་་དང་་་་དེང་དུས་ཀྱི་རྒྱ་གར་་་་གཉིས་ལའང་ཁྱད་པར་ཆེན་པོ་ཞིག་ནི་ཡོད། རྒྱ་གར་ཡོངས་རྗོགས་་་རྒྱ་གར་བའི་བན་དེས་་་དབང་བསྒྱུར་བྱས་པའི་ལོ་རྒྱུས་ནི་བྱུང་མྱོང་མེད་ལ། དེར་མ་ཚད་་་་རྒྱ་གར་བ་ཡོངས་རྗོགས་་་་བན་དེ་་་་བྱས་པའི་ལོ་རྒྱུས་ཀྱང་བྱུང་མྱོང་མེད་པའོ།

44. དྲི་མེད་ལྷག་བསམ་ལེགས་ནས་རྟག་སྦྱོར་དང་གུས་སྦྱོར་ཞེས་པ་ལེགས་སྦྱར་སྐད་དུ་ཇི་ལྟར་འགྲེལ། ཚིག་དོན་འགྲེལ་བ་ཉུང་བསྡུས་ཤིག་དགོས་གསུངས་པ་ལ། ལེགས་སྦྱར་དུ་འདི་དག་བཀླགས་མྱོང་། དཔེ་ཆ་ག་ན་ཡོད་མི་དྲན། འོན་ཀྱང་བོད་དང་རྒྱ་གར་སོགས་སྐད་རིགས་གང་ཡང་རུང་བ་ལ་འདི་དག་ལ་འགྲེལ་པ་རྒྱབ་ཆོག་སྙམ། བདག་གིས་ད་སྐབས་བོད་སྤྱི་སྐད་དེ་མི་ཉམས་པར་ལུས་པའི་ཕྱིར་དུ། སྔོན་གྱི་རྒྱ་གར་པ་རྣམས་ཀྱིས་སྲུང་སྐྱོབ་བྱས་པ་བཞིན་དུ། རྒྱུན་དུ་་བརྩོན་འགྲུས་ཏེ། རྟག་ཏུ་འབད་སྟེ། རྟག་སྦྱོར་བྱེད་པ་དང་། བོད་སྤྱི་སྐད་ལ་གུས་པས་འབད་པ་སྟེ། གུས་སྦྱོར་བྱས་པ་་དང་། བྱེད་བཞིན་པ་དང་། བྱེད་པར་འགྱུར་བ་ལགས། སྔོན་གྱི་རྒྱ་གར་པ་རྣམས་ཀྱིས་རྒྱ་གར་སྤྱི་སྐད་ལེགས་སྦྱར་ལེགས་པར་འཛིན་པའི་དབང་གིས་ཀླ་ཀློ་རྣམས་ཀྱིས་བཙན་འཛུལ་ལན་མང་པོ་བྱས་ཀྱང་། རང་གི་སྐད་ཡིག་དང་། ལུགས་སྲོལ་ལུས་ཐུབ་པ་ཡིན་བཤད་འདུག། དེ་བཞིན་དུ་རང་རེ་བོད་ཀྱིས་ཀྱང་བྱེད་དགོས་སོ།།

45. རྒན་ལ་དྭགས་པ་ལགས། སྐུ་ཚེ་དེ་ཉིད་དུ་སྐད་ཡིག་དང་རིག་གཞུང་ལ་སྲུང་སྐྱོབ་མཛད་མཁན་ཁྱོད་ལྟ་བུས་འདི་ལྟར་གསུང་དགོས་པ་དང་། གསུང་འོས་པ་རེད། མངོན་པར་བསྟོད་དོ། །ཡང་དྲི་བ་གཅིག་ནི། ཁྱོད་ལ་ཞེ་ས་བྱས་ནས་ཁྱེད་དང་།། རྒན་ལགས་ལ་རྒེན་ཞེས་པའི་འབྲི་སྲོལ་ཞིག་ཀྱང་འདུག་པ་དང་། བཀའ་ཁོལ་དང་བཀའ་བཀོལ། ཁོལ་བྱུང་དང་། བཀོལ་བྱུང་སོགས་ལ་ཡང་ཐུགས་སྐབས་ཡོད་ཚེ་བཀའ་ལན་ཞིག་གནང་བར་ཞུ། །

46. གཞོན་ནུ་ཟླ་མེད་ལགས། མདོ་སྨད་དགེ་སློང་གི་དག་ཡིག་ལི་ཤི་ཀུར་ཁང་ཡིན་རྒྱུ་མ་རེད། (དག་ཡིག་ལི་ལིའི་ཁུང་སྒོ་)ཡིན་པ་འདྲ། མདོ་སྨད་པ་ཚོས་ཇ་ལགས་སྤྲད་དུས། མཱ་་་་་་མཱ། ཞེས་ཞི་མིའི་སྐད་འདྲ་བོ་ཞིག་གསུང་གི་འདུག་པ་དེ་ཞུ་བ་ལགས། མདོ་སྨད་ཀྱི་སྐད་དུ་རྒྱ་སྐད་དང་བོད་སྐད་མ་ཡིན་པའི་ཁ་ཆེའི་ཧེ་སྐད་ཤུགས་ཆེན་པོ་འདྲེས་འདུག དེ་བཞིན་ཚོང་བྱེད་སྟངས་ཡག་རྒྱུ་འབྲས་གཏན་ནས་མེད་པའི་ཁ་ཆེའི་བྱེད་སྟངས་ལ་ཡག་པོ་བརྩི་བ་འདྲ། མདོ་སྨད་པར་མི་ཕོག་པའི་རེ་བ་ཡོད། རྩེད་མོ་ཡིན།

47. ལུང་པ་སོ་སོར་སྐད་མ་འདྲ་བ་རེ་ཡོད་པ་ཐོག་མར་ཇི་ལྟར་བྱུང་བ་ཡིན་ནམ། འཛམ་བུ་གླིང་ཐོག་མར་ཆགས་པ་ནས་བཟུང་བསྐལ་བ་ཡ་ཐོག་གི་རྒྱ་མཚོའི་འདམ་རྫབ་ནང་ནས་bacteria་ཟེར་བའི་འབུ་སྲིད་དེ་ཚོ་བརྒྱུད་ནས་སེམས་ཅན་རྣམ་པ་མི་འདྲ་བའི་ངོ་བོར་འཕེལ་རྒྱས་བྱུང་མགོ་བརྩམས། རྒྱ་མཚོའི་སྲོག་ཆགས་འདྲ་མི་འདྲ་དེ་ཚོ་རིམ་གྱིས་རྒྱ་མཚོའི་འགྲམ་གྱི་ས་ཐོག་ཏུ་འགྲོ་བསྐྱོད་བྱས་པ་དང་རྩོལ་བར་བརྟེན་ནས་རྐང་ལག་རིང་པོ་ཡོད་པའི་དུད་འགྲོ་དེ་ཚོ་བྱུང་། སེམས་ཅན་དེ་ཚོའི་འགྱུར་རིམ་ནི་ལོ་ས་ཡ་མང་པོའི་སྐད་ཆ་རེད།གྲོ་བ་མི་ཡི་སྐྱེས་རབས་སྔ་མ་སྤྲ་རྒོད་དེ་ཚོའི་སྐབས་ལ་མིའི་སྐད་ཟེར་བ་ཞིག་ཡོད་པ་མ་རེད། དེ་ནས་སྤྲ་རྒོད་དེ་ཚོའི་རྣམ་པ་ཁག་གཉིས་སུ་གྱེས་ནས་འགྱུར་བ་ནི་འགྲོ་བ་མི་དང་གཅིག་ཤོས་ནི་ད་དུང་སྤྲ་རྒོད་རེད། དེས་ན་འགྱུར་རིམ་དེའི་ཁྲོད་ནས་མིའི་སྐད་ཀྱི་འབྱུང་ཁུངས་ནི་མིའི་སྲོག་འཛིན་གྱི་རླུང་ཟེར་བ་འཇོག་ན་མ་གཏོགས་གཞན་ཅི། རྫོགས་པའི་སངས་རྒྱས་ཨ་ལས་བྱུང་། ཞེས་པ་ཨ་ཡིག་གིས་སྲོག་འཛིན་རླུང་མཚོན་པ་དང་སངས་རྒྱས་ཀྱི་གཟུགས་སྐུའི་སྒྲུབ་གཞི་ངོ་མ་དེ་མ་དེ་ཡང་སྲོག་འཛིན་རླུང་ཡིན་པ་རེད།

48. ལུང་པ་སོ་སོར་སྐད་མ་འདྲ་བ་རེ་ཡོད་པ་ཐོག་མར་ཇི་ལྟར་བྱུང་བ་ཡིན་ནམ། འཛམ་བུ་གླིང་ཐོག་མར་ཆགས་པ་ནས་བཟུང་བསྐལ་བ་ཡ་ཐོག་གི་རྒྱ་མཚོའི་འདམ་རྫབ་ནང་ནས་bacteria་ཟེར་བའི་འབུ་སྲིད་དེ་ཚོ་བརྒྱུད་ནས་སེམས་ཅན་རྣམ་པ་མི་འདྲ་བའི་ངོ་བོར་འཕེལ་རྒྱས་བྱུང་མགོ་བརྩམས། རྒྱ་མཚོའི་སྲོག་ཆགས་འདྲ་མི་འདྲ་དེ་ཚོ་རིམ་གྱིས་རྒྱ་མཚོའི་འགྲམ་གྱི་ས་ཐོག་ཏུ་འགྲོ་བསྐྱོད་བྱས་པ་དང་རྩོལ་བར་བརྟེན་ནས་རྐང་ལག་རིང་པོ་ཡོད་པའི་དུད་འགྲོ་དེ་ཚོ་བྱུང་། སེམས་ཅན་དེ་ཚོའི་འགྱུར་རིམ་ནི་ལོ་ས་ཡ་མང་པོའི་སྐད་ཆ་རེད།གྲོ་བ་མི་ཡི་སྐྱེས་རབས་སྔ་མ་སྤྲ་རྒོད་དེ་ཚོའི་སྐབས་ལ་མིའི་སྐད་ཟེར་བ་ཞིག་ཡོད་པ་མ་རེད། དེ་ནས་སྤྲ་རྒོད་དེ་ཚོའི་རྣམ་པ་ཁག་གཉིས་སུ་གྱེས་ནས་འགྱུར་བ་ནི་འགྲོ་བ་མི་དང་གཅིག་ཤོས་ནི་ད་དུང་སྤྲ་རྒོད་རེད། དེས་ན་འགྱུར་རིམ་དེའི་ཁྲོད་ནས་མིའི་སྐད་ཀྱི་འབྱུང་ཁུངས་ནི་མིའི་སྲོག་འཛིན་གྱི་རླུང་ཟེར་བ་འཇོག་ན་མ་གཏོགས་གཞན་ཅི། རྫོགས་པའི་སངས་རྒྱས་ཨ་ལས་བྱུང་། ཞེས་པ་ཨ་ཡིག་གིས་སྲོག་འཛིན་རླུང་མཚོན་པ་དང་སངས་རྒྱས་ཀྱི་གཟུགས་སྐུའི་སྒྲུབ་གཞི་ངོ་མ་དེ་ཡང་སྲོག་འཛིན་རླུང་ཡིན་པ་རེད།

49. ལོ་ས་ཡ་མང་པོའི་གོང་གི་སྐད་ཆ་བཤད་ན་བོད་རང་བཙན་ཟེར་བ་བོད་ལྗོངས་ཟེར་བ་བོད་བསྒྲིགས་འདྷུགས་ཟེར་བ་མེད།
    དེས་ན་དེ་ལྟར་ཡོད་པའི་སྒྲུབ་བྱེད་ཀྱང་མེད་པས་རྩོད་གཞི་མེད་པར་རྩོད་པ་འདྲ།
    རྒྱལ་ཁབ་རང་བཙན་ནམ་རང་རྐྱ་བ་ཞིག་ཡིན་མིན་ནི་མི་རིགས་རང་ཉིད་ལ་སྐད་ཡིག་ཐུན་མོང་མིན་པ་ཞིག་དང།
    རིག་གཞུང་ཐུན་མོང་མ་ཡིན་པ་ཞིག་གི་སྟེང་ནས་བསྒྲུབ་དགོས་པ་ལས་དེ་མིན་རང་བཙན་པ་ཞིག་བསྒྲུབ་མི་ནུས།
    ད་བོད་མི་རིགས་འདི་ཡང་རྒྱ་གར་བ་ཡིན་པར་འདོད་རྒྱུ་ཡིན་ནམ།
    ད་ནི་བསམ་བཞིན་བསམ་བཞིན་བོད་འདི་བསྐལ་པས་བརླག་མེད་དམ་སྙམས།
    བོད་ལ་ད་ལྟ་ཅི་ཞིག་ལྷག་འདུག་གམ།
    མི་རིགས་ནི་བྱོལ་སོང་གི་རིགས།
    ཆོས་ལུགས་ནི་རྒྱ་གར་ནས་བསུས།
    བོད་རྒྱལ་ནི་རྒྱ་གར་ནས་མཆེད།
    བོད་མོ་ནི་རྒྱ་དཀར་ནག་དང་བལ་ཡུལ་ནས་བསུས།
    བོད་ཀྱི་སྐད་ཡིག་ནི་རྒྱ་གར་ནས་བླངས།
    བོད་ཇ་ནི་རྒྱ་དཀར་ནག་ནས་ཉོས།
    མར་གྱི་འབྱུང་ཁུངས་ཕྱུག་ཡིན་པས་ཕྱུག་ཟོག་ནི་བཤས་རར་བརྫངས།
    བོད་གོས་ནི་པགས་ཙགས་ཡིན་པས་པགས་ཙགས་ནི་གྱོན་མི་ཆོག་པའི་རྒོལ་གཏམ་བསྒྲགས།
    སྐུ་རྟེན་ནི་བལ་ཡུལ་ནས་བསུས།
    དར་ཟབ་ནི་མེས་རྒྱལ་ལས་བླངས།
    གནས་རི་གཡའ་བྲག་དང་གངས་རི་ནི་གཏེར་འདོན་གྱིས་བསྔོགས་ནས་ཐང་དུ་ཕབས།
    གནས་མཚོ་ནི་སྤྲོ་ཁྱམས་པས་ཆུ་རྐྱལ་གྱི་རྫིང་དུ་བསྒྱུར།
    རྟེན་གསུམ་རྙིང་པ་རྣམས་ནི་བོད་ཀྱི་ཚོང་པས་ཕྱི་རུ་གདན་དྲངས།
    ད་ཅི་ཞིག་ལྷག་འདུག་གམ།
    ད་ཅི་ཞིག་ངོམ་རིན་ཆོག་པ་ཡོད་དམ།
    ཧུ་ཧུ་ཧུ་ཧུ་ཧུ
    ང་ནི་ཕྱི་མི་རྣམས་ལ་བོད་རང་གི་ཅོས་དང་རིག་གཞུང་ཐུན་མོང་མིན་པ་ཞིག་ཡོད་རབས་ཤོད་བཞིན་ཡོད་ད་བསམ་དུས་ཅི་ཡང་ལྷག་མེད་པའི་སོམ་ཉིའི་དྲྭ་རྒྱར་ཚུད་སོང།
    ཞུས་དག་བྱས་མེད་པས་ཡིག་ནོར་སོགས་བྱུང་ཚེ་དགོངས་འགལ་མེད་པ་ཞུ།།

50. དྲི་མེད་ལྷག་བསམ་ལེགས།
    ཁྱོད་ལ་ཞེ་ས་བྱས་ནས་ཁྱེད་དང་།། རྒན་ལགས་ལ་རྒེན་ཞེས་པའི་འབྲི་སྲོལ་ཞིག་ཀྱང་འདུག་ཅེས་པར་ཁྱོད་ལ་ཁྱེད་ཅེས་དག་པ་ཡིན་འདུག རྒན་ལ་རྒེན་ཞེས་པ་ཞིག་མ་མཐོང་། མཐོང་ན་ཡང་དག་པ་ཞིག་ཡིན་ཚོད་དུ་མི་སྣང་། བོད་དབུས་དང་ཤར་ཕྱོགས་པ་དག་གིས་སྔོན་ཡུན་རིང་པོ་ནས། ཨ་ཡིག་དེ་ཉིད་ཨེ་ཡིག་ཏུ་འདོན་ཞིང་འབྲི་བ་དང་། ཨེ་ཡིག་དེ། ཨ་ཡིག་ཏུ་འདོན་ཞིང་འབྲི་བ་འདུག་སྟེ། ལེགས་ཞེས་པ་ལ་ལགས་དང་། སྡེ་དཔོན་ཞེས་པ་སྡ་དཔོན་དང་། དེ་ནས་སྡ་དཔོན་ཞེས་པ་མདའ་དཔོན་དུ་གྱུར་ཏེ། མ་དག་རྒྱུན་འབྱམས་སུ་ཆགས། དགའ་ལུགས་ཞེས་པ་དགའ་ལྡན་པའི་ལུགས་ཀྱི་བསྡུས་ཚིག་དེ་དགེ་ལུགས་པར་ཆགས། དེ་བཞིན་རྒན་གྱི་ཨ་ཡིག་དེ་ཨེ་ཡིག་གྱུར་ཏེ། རྒེན་ཞེས་པར་གྱུར་ཀྱང་། ཁོ་བོ་ཅག་དེ་ལྟར་དུ་འདོན་པ་དང་འབྲི་བར་མི་བྱེད་དོ།

51. རྒན་ལ་དྭགས་པར་ཐུགས་རྗེ་ཆེ་ཞུ་བ་དང་། ཡང་སྡེ་དཔོན་མདའ་དཔོན་དུ་འགྱུར་བ་དེ་ལ་བརྟགས་དགོས་ཏེ། བོད་ཤར་ཕྱོགས་ཀྱི་སྡེ་བ་ཕལ་མོ་ཆེར་རུ་ཟེར་བ་དམག་རུའི་དོན་དང་། དཔོན་པོ་ལ་རུ་དཔོན་དང་། མིའི་གྲངས་ཚིག་ལ་མི་མདའ་གཅིག། མི་མདའ་གཉིས་སོགས། མི་ཡོད་ན་མདའ་རེ་ཡོད་པ་གཞིར་བཞག་དང་། གེ་སར་གྱི་སྒྲུང་ལས་ཀྱང་དམག་མིའི་རྩིས་གྲངས་མདའ་ཡིས་མཚོན་པ་བྱེད་པའི་སྐབས་ཀྱང་ཡོད་པས་སོ། །རྒྱའི་ཐང་ཡིག་རྙིང་པར་འང་བོད་ཀྱི་མདའ་མདུང་སོགས་ཕོ་བྲག་གི་སྟེང་ཏུ་བསྟར་ནས་རྩིས་ཆེན་པོ་བྱེད་པ་དང་། སྐྱེས་པ་ཕོ་རེ་ཡོད་ས་ཞིག་ཡིན་ནས་བཟུང་སྒོ་ཁར་མདའ་མདུང་འཇོག་པའི་སྲོལ་བྱུང་བ་དང་། དམག་འགྲོ་ན་མདའ་ཡིས་བརྡ་སྦྱར་ཚུལ་སོགས་འཁོད་པས་སོ། །དེར་མ་ཟད་ས་དཔྱད་དུའང་། མདའ་གཞུ་སྒོ་སྟེང་དུ་བཞག་ན་ཕོ་ལྷ་འཁོར་ཚུལ་གསུང་བ་དང། འགོ་བའི་ལྷ་ལྔའི་གསོལ་མཆོད་ཀྱི་བཤམ་བཀོད་དུའང་མི་ཚང་དེར་བུ་ཡོད་པ་ཡིན་ན་ཕོ་ལྷའི་རྟེན་མདའ་འཛུག་དགོས་པ་དང་། བུ་ཡོད་མེད་ལ་མ་ལྟོས་པར་གཡང་འགུགས་པ་ལ་མདའ་དར་འཛུག་པ་སོགས་བོད་ཀྱི་སྤྱི་ཚོགས་ཀྱི་བྱེད་སྒོ་ཕལ་མོ་ཆེ་དམག་དང་མདའ་ལ་ཁ་འབྲལ་ཐབས་མེད་པ་ལྟ་བུ་ཞིག་ལགས་པས་སོ། །

52. ལ་སྟོད་བུ་ལགས། འགྲོ་བ་མི་ཡི་མཆེད་ཁུངས་དང་དེའི་སྐད་ཀྱི་འབྱུང་ཁུངས་ནི་ཁོར་ཡུག་ངེས་ཅན་ལ་བརྟེན་ནས་བྱུང་བ་རེད། འདི་ལ་འདོད་ཚུལ་སྣ་ཚོགས་ཏེ། ཡེ་ཤུ་བ་རྣམས་ཀྱིས་དཀོན་མཆོག་གིས་ཉིན་བདུན་གྱི་ནང་ལ་འཇིག་རྟེན་གསར་དུ་བཟོས་བར་བཤད། འགྲོ་བ་མི་ཡི་ཐོག་མ་ཨ་དམ་དང་ཨེ་ཝུ་ཟེར་བའི་མི་ཕོ་མོ་གཉིས་བཟོས་ནས་འཕེལ་སྐྱེད་བྱུང་བར་འདོད། དེ་བཞིན་ཁ་ཆེ་བ་དག་གིས་དོན་དམ་གྱི་བདག་པོ་སྟེ་ཨ་ལ་ཡིས་གནང་བར་བར་བཤད་ལ། འཇིག་རྟེན་གྱི་བདག་པོ་ཁོ་ཚོ་ཡིན་ཟེར་གྱི་རེད། དཀོན་མཆོག་ཟེར་བ་རྟག་པ་གཅིག་བུ་བ་རང་དབང་བ་ཡིན་ཟེར་གི་ཡོད་པ་རེད། ལྗེའུ་ཡང་དེ་དང་མཚུངས། ཧུན་དུ་བ་ཚོས་ལྷ་ཆེན་དབང་ཕྱུག་གི་བློའི་གཡོ་བ་ལས་འཇིག་རྟེན་བྱུང་བར་འདོད་ལ། དེ་མིན་ཆོས་ལུགས་པ་ཁག་གཅིག་གིས། དང་པོ་སྒོ་ངའི་དབྱིབས་ལྟ་བུ་ཡིན་པ་ལ་བཀོས་ནས་ས་དང་གནམ་བྱུང་ཚུལ་བཤད་པ་དེ་ཚན་རིག་པ་ཚོས་big bang་ཟེར་བ་དང་འདྲ། ནང་པས་འཇིག་རྟེན་ཁམས་རྡུལ་ཕྲན་ལ་བརྟེན་ནས་གྲུབ་པར་འདོད་ཀྱང་ལས་དབང་གིས་གོ་སྒྲིག་བྱས་བར་འདོད། ཚན་རིག་པ་ཚོས་རྡུལ་ཕྲན་གྱི་རྫས་སྦྱོར་རྐྱང་པ་བརྟེན་ནས་འཇིག་རྟེན་གྲུབ་ཚུལ་འདོད་པ་མང།

53. དྲི་མེད་ལྷག་བསམ་ལགས་་་བཀའ་དྲིན་ཆེ། འགྲེལ་བཤད་ལེགས་པོ་ཞིག་གནང་འདུག། བོད་གངས་ཅན་གྱི་རིག་གཞུང་དང་གོམས་གཤིས་ངོ་མ་གང་ཡོད་པ་དེ་རྣམས་་་་འུ་ཚོ་ཚང་མ་མཉམ་རུབ་ཀྱིས་སླར་གསོ་བྱེད་དགོས་པ་རེད། དེ་མིན་སྤུ་མེད་པའི་་་་ནོར་ལུག་དང་འདྲ་བའི་་་གཞོན་ནུ་མང་པོ་་་ཡར་ལྷ་གྲལ་དུ་ཡང་མེད་་་མར་འདྲེ་གྲལ་དུ་ཡང་མེད་པར་་་བར་མ་དོ་ལ་ལུས་ཉན་འདུག་གོ།

54. རྒན་ལགས་ལ་རྒེན་ལགས་སུ་ཀློག་མཁན་ཚོར།

    དབྱངས་ཨ་ཨི་ཨུ་ཨེ་ཨོ་ཨ་མ་ལས། །
    མ་སྐྱེས་ཡི་གེ་མིང་ཚིག་བོད་ལ་མེད། །
    ཀི་ཀུ་ཀེ་ཀོ་ཀ་ལྔར་ངེས་པས་ཤེས། །
    ཀད་ཀན་ཀལ་ཀས་དབྱངས་ཨར་ཉམས་གསོ་དགོས། །
    ཅིའི་ཕྱིར་ཞེས་ན་ཅུང་ཟད་གླེང་བར་སྤྲོ། །
    ཧིན་སྐད་སང་ཉིན་ཀལ་ལ་བོད་གཟུགས་ཀལ། །
    ཨ་མེད་ཀེལ་དུ་བཀླགས་ན་ཨ་ཀལ་སྒྲ། །
    རྩ་ཆད་འགྲོ་བ་ཅུང་ཟད་དཔྱད་ན་ཤེས། །

55. དྲི་མེད་ལྷག་བསམ་ལེགས་དང་། BONPOལེགས་ལ་དྲི་བ།
    མདའ་དཔོན་ཡང་འོང་སྲིད། བོད་ཀྱི་རིག་གཞུང་ན། སྡེ་དཔོན་ཞེས་ཡོངས་སུ་གྲགས་ཞེས་ཞར་བྱུང་ཙམ་དང་། ལྷན་རྒྱས་གཉིས་ལ་རིམ་བཞིན་རྭ་རུ་ལ་འགྱུར་ཚུལ་དང་། དམག་ལ་རྭའམ་རུ་ཞེས་དང་། འུ་ཚོ་ཞེས་མང་ཚིག་ལ་ཚོ་ཞེས་པ་འབྱུང་ཚུལ་ལོ།

56. དྲ་གྲོགས་མིག་བརྒྱད་པ་ལགས་ཁྱེད་ནས་གསལ་འགྲེལ་གནང་བར་ཐུགས་རྗེ་ཆེ། ཁྱེད་ཀྱིས་འདི་ལྟར་གསུངས་འདུག ༼དེ་མིན་ཆོས་ལུགས་པ་ཁག་གཅིག་གིས། དང་པོ་སྒོ་ངའི་དབྱིབས་ལྟ་བུ་ཡིན་པ་ལ་བཀོས་ནས་ས་དང་གནམ་བྱུང་ཚུལ་བཤད་པ་དེ་ཚན་རིག་པ་ཚོས་big bang་ཟེར་བ་དང་འདྲ།༽
    ཆོས་ལུགས་མང་པོ་ཞིག་གི་མིང་བཏོན་གྱིས་འཇིག་རྟེན་གྲུབ་ཚུལ་གྱི་སྐོར་ལ་བཤད་པ་དེར་འོར་ཆེ་ཞུ་རྒྱུ་ཡིན།
    འོན་ཀྱང་མཐའ་མ་དེར་ཆོས་ལུགས་ཁག་གཅིག་གིས་ཞེས་མིང་འདོན་མེད་པའི་འདོད་ཚུལ་ཞིག་བཀོད་འདུག་པ་དེ་ཁྱེད་ཀྱིས་དགོངས་ཀྱི་ཡོད་ན་གསུང་ན་འགྲིག་པ་འདུག་གམ
    ངོས་རང་ཤེས་འདོད་ཆེ་དེ་དོན་དགོངས་འཇགས་གནང་རོགས།

57. ལ་དྭགས་པ། བཀའ་འགྱུར་བསྟན་འགྱུར་ལ་བཀའ་བསྒྱུར་བསྟན་བསྒྱུར་ཞེས་མི་ཟེར་དོན་ཅི།

58. ཀླུ་སྨྱོན་ལེགས།
    བདག་གིས་སྡེ་དགེ་དང་། སྣར་ཐང་དཔེ་གཉིས་སུ་བལྟས་པས། གཉི་ག་ན་ཅིག་ཏུ་འདུག། གོ་བའི་དབང་དུ་བྱས་ན། ཁུ་ཐག་ཅེས་བསྒྱུར་དགོས་པ་ལས། ཁུ་སྒོ་ཞེས་བསྒྱུར། དིང་སང་རྩྭ་ཐག་ཅེས་སོ། དེ་ཡང་སོ་མ་ར་ཛ་ཞེས་པའི་རྩྭ་ཞིག་ཡོད་འདུག དེ་ཉིད་ལེགས་སྦྱར་དུ། སོ་མ་ར་ས་སྟེ། མིང་མཐའི། ར་ས། ཞེས་པ་ཁུ་བ་ཞེས་བསྒྱུར་པ་འཐད་ལྡན་དང་། འོན་ཀྱང་། ཁུ་སྒོ་ཞེས། སྒོ། ཞེས་ག་ལས་བྱུང་མ་ཤེས། གང་ལྟར་སོ་མ་ར་ཛའི་ཐག་པས་བཅིངས་པ། ཡིན་འདུག སོ་མ་ར་ཛའི་ཐག་པ་ལ། བོད་ཨཻན་ཚིག་མཛོད། མཛད་པ་པོ། མཁས་དབང་ཞས་ཀེ་མཆོག་གིས། hempen ropeཞེས་བྲིས་སོ།
    ཁུ་སྒོ། ཞེས་པ་དེ་མདོ་རྒྱ་ཆེར་རོལ། དམ་ཆོས་པད་དཀར། ལང་གཤེགས་སུ་གཟིགས་ཚེ། དེ་དག་གི་ལེགས་སྦྱར་རྩ་བ་རྙེད་པས། དེ་དག་ཏུ་བལྟ་ཆོག་པ། དེ་དག་ཏུ་ཚིག་དོ་གཟིགས་ཚེ་འབྲི་གྲོགས་མཛོད།

59. རྒན་འཇམ་དཔལ་ལགས། ཉིད་ཀྱིས་སྐུ་ངལ་ལ་མ་འཛེམས་པར་དཔེ་ཀློག་གནང་བ་དང་། ཁུ་སྒོའི་དོན་འགྲེལ་གནང་བར་ཐུགས་རྗེ་ཆེ་ཞུ། ངས་ཀྱང་དེ་ཐག་པ་ཞིག་ཡིན་ས་རེད་བསམས་སོང་ཡང་ཐག་པ་ག་འདྲ་ཞིག་པ་མ་ཤེས། ད་ནི་ཐེ་ཚོམ་དགའ་རབ་ཅིག་ཆོད་སོང་བས་བཀའ་དྲིན་སྙིང་བཅིངས་ཞུ་གི་ཡིན།

60. ལྷ་ལུང་དོན་འགྲུབ་ལེགས།
    ལ་དྭགས་པ། བཀའ་འགྱུར་བསྟན་འགྱུར་ལ་བཀའ་བསྒྱུར་བསྟན་བསྒྱུར་ཞེས་མི་ཟེར་དོན་ཅི། ཞེས་པའི་ཁྱེད་ཀྱི་དྲི་བར་ལ་ན།
    བཀའ་བསྒྱུར་བསྟན་བསྒྱུར། ཅེས་ཟེར་ན། ཡི་གེ་མང་བས་ལྕིད་ཆེན་པོ་ཆགས་པ་འདུག བཀའ་འགྱུར་བསྟན་འགྱུར་རྣམས་ད་དུང་ཡུན་རིང་པོར་ལོ་སྟོང་ཕྲག་མང་པའི་ལམ་ལ་འབྱོན་དགོས་པར་འདུག་བསམས་ཏེ། བཀའ་འགྱུར་བསྟན་འགྱུར། མིང་བཏགས་པ་བརྟན་པོར་ཆགས་སོ།།

61. ལ་སྟོད་བུ་ལགས། ཆོས་ལུགས་ཁག་གཅིག་གིས་ཞེས་མིང་འདོན་མ་བྱས་པ་དེ་ནི་ངས་ལོ་བཅུ་ཕྲག་གཅིག་གི་སྔོན་ལ་བོད་ཀྱི་གདོད་མའི་སྤྱི་ཚོགས་ཀྱི་ཆོས་ལུགས་སྒྲུང་དང་ལྡེའུ་ཞེས་པའི་དཔེ་ཞིག་གི་ནང་དུ་མཐོང་ཡོད་ཀྱང་ད་ལྟ་གང་དུ་ཡོད་མེད་གསལ་བོར་དྲན་མ་སོང་བས་ཁྱེད་ལ་གསལ་ཆ་ཡོད་ན་མིག་སྟོན་གནང་རོགས་ཞུ། ཆོས་ལུགས་དེ་གཉིས་ཀྱི་རྨང་གཞིའི་ཐོག་ནས་བོན་པོའི་ཆོས་ལུགས་དར་འཕེལ་བྱུང་ཚུལ་བོད་ལྗོངས་ཞིབ་འཇུག་ཏུ་འཁོད་འདུག་མོད། དེ་འདྲ་ཏན་ཏན་ཡིན་མིན་མ་ཤེས་ལགས།

62. ཨོ་མིག་བརྒྱད་པ་ལགས་ཁྱེད་ཀྱི་མིག་བརྒྱད་ཀྱིས་མ་གཟིགས་པའི་མཐོང་ཕུལ་ཆུང་བའི་ང་ཡི་ཕྲ་ཆུང་མིག་གཉིས་ཀྱིས་མཐོང་བ་ཞིག་ཡོད་མི་སྲིད།
    འོན་ཀྱང་ཁྱེད་ལ་ཤེས་འདོད་ན་བོན་ལུགས་ཀྱི་གཞུང་སྲིད་པའི་མཛོད་ཕུགས་ལས་སོགས་སྣོད་བཅུད་ཀྱི་གཞུང་འགའ་ཞིག་ནས་སྣོད་བཅུད་ཀྱི་ཆགས་རབས་ཤོད་སྐབས་བློ་དབང་པོ་རྣོ་རྡུལ་ལམ་ཐེག་པ་ཆེ་ཆུང་གི་དབང་དུ་བྱས་པའི་སྣོད་བཅུད་ཆགས་རབས་མི་འདྲ་བར་བཤད་པ་ཞིག་མཐོང་མྱོངས། དེ་དག་གི་ནང་དུ་སྒོང་ང་ལས་བྱུང་ཚུལ་དང་ཕྱྭ་ཡེ་སྲིད་ཀྱིས་སྐོས་པ་ལས་བྱུང་ཚུལ་སོགས་ཤོད་སྟངས་ཤིག་ཡོད་འདུག་པས་དེ་དག་ལ་ཐུགས་སྣང་ཡོད་ན་དྲྭ་རྒྱ་འདིར་གཟིགས་གནོང་དང་དེར་དེ་ཡི་སྐོར་ལ་ཆེད་རྩོམས་ཞིག་ཡོད་འདུག་དྲན་བྱུང། http://www.theyungdrungbon.com
    ཞེས་པར་བསྣན་ན་ཕལ་ཆེར་ཁྱེད་ལ་མཁོ་བའི་གནས་ཚུལ་དེ་དག་ཐོབ་སྲིད།

63. ལ་དྭགས་བློ་བཟང་འཇམ་དཔལ་ལགས། ཁྱེད་ནི་བཀའ་བསྟན་ལ་མིག་བརྒྱ་ཡངས་པ་དང་བོད་ཀྱི་སྐད་ཡིག་ཙམ་དུ་མ་ཟད། ལེགས་སྦྱར་ལའང་བྱང་ཆ་ཡོད་པ་འདྲ། དེས་ན་ཁྱེད་ཀྱི་ཐུགས་རེ་སྐོང་ཕྱིར། ཀན་ལྷོ་མི་རིགས་དགེ་ཐོན་ཆེད་སྦྱོང་སློབ་གྲྭའི་དགེ་རྒན་ཀླུ་ཚང་རྡོ་རྗེ་རིན་ཆེན་གྱིས་བཀའ་བསྟན་ཤིང་པར་གྱི་སྐོར་ལོ་རྒྱུས་འཁོད་པ་ཇི་བཞིན་ཚིག་ཉུང་ངུར་བསྡུས་ཏེ་དཔྱད་གཞིར་ཕུལ་བ་ལགས་ན་ལེགས་ཉེས་ཀྱི་ལམ་སྟོན་ཡོང་བའི་འབོད་སྐུལ་ཞུ།
    ༼སྣར་ཐང་བཀའ་འགྱུར༽་གྱི་པར་གཞི་ཐོག་མ་སྤྱི་ལོ་༡༣༡༢་ལོར་ཡོན་རྒྱལ་རབས་ཀྱི་ཧུང་ཆིན་བྱ་བའི་སྲིད་ལོ་དང་པོར། སྣར་ཐང་གི་དགེ་བའི་བཤེས་གཉེན་ཆེན་པོ་འཇམ་དགག་པཀྴི་ཞེས་བྱ་བ་སོག་པོའི་གོང་མ་ཅི་ཙུང་ཨ་ཡུར་པར་པ་ཏ་ཡན་ཐུ་ཞེས་བས་གདན་ཞུས་ལྟར། སོག་ཡུལ་དུ་ཕེབས་ཏེ་སངས་རྒྱས་ཀྱི་བསྟན་པ་ལེགས་པར་སྤེལ་བས་གོང་མའང་ཧ་ཅང་ཐུགས་མཉེས་བའི་ལོ་རྒྱུས་འདུག་ལ། ཁོང་གི་ཐུགས་ལ་རྒྱལ་བློན་སྔོན་བྱོན་ལོ་པཎ་རྣམས་ཀྱི་བཀའ་དྲིན་ལས་བྱུང་བའི་རྒྱལ་བའི་བཀའ་དང་དེའི་དགོངས་འགྲེལ་བསྟན་བཅོས་བོད་ལ་འགྱུར་རོ་ཅོག་ཕྱོགས་གཅིག་ཏུ་བསྡུས་ན་སྙམ་པའི་ཐུགས་འདུན་ཀུན་ནས་བསླངས་ཏེ། རང་གི་བླ་མ་བཅོམ་ལྡན་རིག་པའི་རལ་གྲི་ལ་གསེར་ཡིག་གི་ལམ་ནས་ཞུས་ཤིང་། དབུས་པ་བློ་གསལ་བྱང་ཆུབ་འོད་ཟེར་དང་ལོ་ཙཱ་བ་བསོད་ནམས་འོད་ཟེར། རྒྱང་རོ་བྱང་ཆུབ་འབུམ་རྣམས་ལ་གསེར་ཡིག་པའི་གདོང་དུ་དངོས་པོ་གཏོས་ཆེར་ཕུལ་ནས་བཀའ་བསྟན་རྣམས་ཕྱོགས་གཅིག་ཏུ་ལེགས་བསྒྲིགས་ཀྱི་པར་བཞེངས་ཀྱི་མཐུན་རྐྱེན་གྱ་ནོམ་པ་སྦྱར་ཏེ། བཅོམ་ལྡན་རིག་པའི་རལ་གྲིས་དབུ་མཛད་དེ་གོང་སྨོས་བླ་སློབ་རྣམས་ཀྱིས་དཀའ་བ་བརྒྱ་ཕྲག་ཁྱད་དུ་བསད་དེ་དབུས་གཙང་མངའ་རིས་དང་བཅས་བའི་ཡུལ་གྲུ་བཞུགས་པའི་བཀའ་བསྟན་གྱི་ཕྱི་མོ་རྙེད་དོ་ཅོག་ལ་ཕྱོགས་གཅིག་ཏུ་བསྡུས་ནས་གོ་བསྡུར་བྱས། ཞུ་དག་གིས་གཏན་ལ་གཏན་ལ་ཕབ་ཅིང་གུང་བསྒྲིགས་ཏེ་དཀར་ཆག་བཅོམ་ལྡན་རིག་རལ་གྱིས་མཛད་པ་བཅས་ ལེགས་པར་གྲུབ། དེ་ལ་སྣར་ཐང་པར་རྙིང་དུ་གྲགས། འདི་རྣམས་བཀའ་འགྱུར་མ་ཕྱི་བྲིས་མ་རྐྱང་ཡིན་ས་རེད། ་དེའང་དུས་འཁྲུག་དང་ཟང་ཟིང་གིས་ད་ལྟ་ཁ་ཐོར་ཙམ་ལས་ལྷག་མ་རྣམས་མ་ལུས་བར་འཇིག་སོང་སྐད། སྤྱི་ལོ་༡༦༨༩་ནས་༡༧༤༧་བར་མི་དབང་ཕོ་ལྷ་བ་བསོད་ནམས་སྟོབས་རྒྱལ་གྱིས་པར་བརྐོས་ཀྱི་མཐུན་རྐྱེན་ཉེ་བར་སྦྱར་ཏེ་སྟོད་ཤེལ་དཀར་དུ་བཀའ་དང་བསྟན་བཅོས་ཤིང་པར་དུ་བརྐོས་བ་དེ་ཙམ་གྱིས་མ་ཟད། འགོ་འཛིན་དང་ཇུས་འགོད། ཡིག་རྒན། པར་བ། ཞུ་དག་པ་བཅས་དབུས་གཙང་མངའ་རིས་དང་བཅས་པའི་རིག་བྱེད་ལ་མཆོག་ཏུ་སྤྲོ་བའི་གསར་སློབ་མང་པོ་ཤེལ་དཀར་རྫོང་གི་འདབས་རོལ་གྱི་པར་ཁང་གི་གྲྭ་ལ་འདུས་ཏེ་ཐུན་མོང་གི་རྩོལ་བ་བརྟེན་ནས། སྤྱི་ལོ་༡༢༩༠་ནས་༡༣༦༤་བར་བུ་སྟོན་རིན་ཆེན་གྲུབ་ཀྱི་མ་ཕྱིས་ཞུས་པའི་བཀའ་འགྱུར་མ་ཕྱི་བྲིས་མ་ཞྭ་ལུའི་གསེར་ཁང་དུ་བཞུགས་པ་དེ་ཕྱི་མོར་བཅོལ་ཏེ་སྤྱི་ལོ་༡༧༣༠་་ནས་མགོ་བརྩམས་ཏེ་ལོ་གཅིག་དང་ཟླ་ངོ་དྲུག་གི་རིང་ཡོངས་སུ་གྲུབ། དེ་ལ་བསྡོམས་པའི་པོད་བརྒྱ་དང་གསུམ་ཡོད་པར་བཤད་ལ་སྣར་ཐང་བཀའ་འགྱུར་པར་གསར་དུ་གྲགས། བསྟན་འགྱུར་པར་གསར་མ་ནི་སྤྱི་ལོ་༡༧༤༤ལོར་གྲུབ་པར་བཤད་དོ།།
    ༼ཚལ་བ་བཀའ་འགྱུར༽ འདི་ནི་སྣར་ཐང་བཀའ་བསྟན་གྱི་ཤིང་པར་བསྐྲུན་པའི་རྗེས་སུ་བཞེངས་ཤིང་། ཚལ་བ་ཁྲི་དཔོན་ཀུན་དགའ་རྡོ་རྗེའི་དུས་སུ་བུ་སྟོན་རིན་པོ་ཆེ་སྤྱན་དྲངས་ཏེ་ཞུ་དག་དང་གོ་བསྡུར་ལེགས་པར་གནང་ཐོག་པར་དུ་བཞེངས་པ་དང་པར་འདིའི་ཕྱི་མོ་ནི་སྣར་ཐང་བཀའ་འགྱུར་པར་རྙིང་ལ་བཅོལ་བར་བཤད།
    ༼ལི་ཐང་བཀའ་འགྱུར༽འདི་ནི་ཚལ་བའི་པར་ལ་ཕྱི་མོ་བགྱིས་ཤིང་དུས་རབས་བཅུ་བདུན་པའི་དཀྱིལ་ཙམ་ལ་ད་ལྟའི་ཡུན་ནན་ཞིང་ཆེན་གྱི་ཁོངས་གཏོགས་འབྲོང་སྡེའམ་འཇང་ས་ཐམ་བྱ་བར་པར་བཞེངས། ཕྱིས་སུ་ཁམས་ལི་ཐང་དུ་གདན་འདྲེན་ཞུས་པས་དེ་ནས་ལི་ཐང་བཀའ་འགྱུར་དུ་གྲགས། འདི་འབྲོང་སྡེར་མི་བཞུགས་པར་ལི་ཐང་དུ་ཅིའི་ཕྱིར་སྤོས་ཤེ་ན་། གུ་ཤྲི་ཧན་འདས་རྗེས་ཁོང་གི་ཚ་བོ་བློ་བཟང་བསྟན་སྐྱོང་དུ་འབོད་པ་དེས་འབའ་ལི་རྒྱལ་གསུམ་ཁོངས་ཀྱི་སྤྱི་དཔོན་བྱེད་སྐབས་དེ་སྔའི་སྲིདགཞུང་ལ་ལོག་པར་འཁུ་བའི་དམག་ཟིང་བསླངས་བར་བརྟེན་། ཏཱ་ལའི་ཧན་གྱིས་གཙོ་བོ་བྱས་བའི་བོད་སོག་གི་དམག་དཔུང་མངགས་སྟེ་ཆམ་ལ་ཕབ་མོད་ཀྱང་། དེ་རྗེས་ད་དུང་ཟིང་སློང་སོགས་འོངས་པར་དོགས་པས་ལི་ཐང་དགོན་ཆེན་དུ་གདན་འདྲེན་ཞུས་སོ།།པར་དེ་ལ་པོད་བརྒྱ་དང་བརྒྱད་ཡོད། འཇང་ས་ཐམ་རྒྱལ་པོ་བསོད་ནམས་རབ་བརྟན་གྱིས་པར་མ་ཚར་གཅིག་ལྷ་ལྡན་གཙུག་ལག་ཁང་དུ་ཕུལ་ཡོད་པ་ནི་པར་གཞི་དེའི་དཔར་ཕུད་ཡིན་པ་ཡི་གེ་འགར་བྱུང་། ད་དུང་ཡང་བཞུགས་ངེས། བཀའ་འགྱུར་འདིའི་པར་ཤིང་སྤྱི་ལོ་༡༩༠༨་པར་དུས་འཁྲུག་གིས་རྐྱེན་གྱིས་འཇིག་སོང་བས་ད་ལྟ་མི་བཞུགས།
    ༼ཅོ་ནེའི་དཔར་མའི་བཀའ་འགྱུར༽འདི་ནི་དམག་ཟོར་མགོན་པོ་ཡབ་ཡུམ་སྲས་དང་བཅས་བ་ཞལ་འཛོམས་པའི་སྐབས་དཔོན་པོ་ཉིད་ཀྱིས་ལྷག་བསམ་གྱི་ཁུར་བཞེས་ཏེ་རང་གི་མངའ་འོག་ན་ཡོད་པའི་ཡི་གེ་བ་དང་པར་རྐོ་བ་རྣམས་བསྡུས། དེ་དག་ལ་དར་ཧན་གྱིས་བདག་རྐྱེན་མཛད་ནས་པར་བརྐོ་དགོས་བའི་ཞལ་བཀོད་གནང་། མཁྱེན་པའི་དབང་ཕྱུགས་མཁན་རིན་པོ་ཆེ་བློ་བཟང་བསྟན་པའི་རྒྱལ་མཚན་གྱིས་ལི་ཐང་གི་པར་མ་དང་།་པེ་ཅིན་པར་མ། དབུས་བྲིས་དག་པ་གསུམ་ལ་ཕྱི་མོར་བཅོལ་ནས་ཡི་གེ་མི་ལེགས་པ་དང་ཆད་ལྷག་ཡོད་པ་རྣམས་སླར་བརྗེས་ནས་ངོས་གཙང་སྤུས་དག་པར་བསྒྲུབས་ཏེ་ཡོངས་རྫོགས་བཞེངས། སྤྱི་ལོ་༡༧༢༡་ལོ་ནས་མགོ་བརྩམས་ཏེ་སྤྱི་ལོ་༡༧༣༡་ལོར་ཡོངས་སུ་གྲུབ་སྟེ། འཛད་པ་མེད་པའི་ཆོས་སྦྱིན་གྱིས་ཕྱོགས་ཀུན་ཏུ་ཁྱབ་པར་བྱས་སོ།། པར་དེའི་ཡི་གེ་གཟུགས་མཛེས་པ། བརྐོས་ཟབ་པ། འབྲུ་གསལ་བ། དག་ཐོན་པ་སོགས་ཀྱི་ཁྱད་ཆོས་དང་ལྡན་པ་ནི་ཀུན་ལ་གྲགས་སོ།། ཅོ་ནེ་བཀའ་བསྟན་གྱི་པར་ཤིང་ནི་སྤྱི་ལོ་༡༩༢༨་ལོར་ཀ་ཅུའི་ཇག་ཚོགས་མཱ་ཀྲུང་དབྱིན་སོགས་ཀྱིས་སྔ་ཕྱིར་དགོན་ཆེན་བཅོམ་སྐབས་མེར་སྲེག་བཏང་བ་དང་དཔར་མ་ནི་༡༩༥༨་འཇིག་ཟིན། ད་ལྟ་རྒྱལ་ཁབ་ཕྱི་ནང་དུ་ཚར་གཅིག་གཉིས་ཤིག་བཞུགས་ཀྱང་མང་པོ་མི་འདུག ཨ་རིའི་ཝ་ཤོན་ཊོན་རྒྱལ་བཙུགས་དཔེ་མཛོད་ཁང་ཆེན་མོར་ཚར་གཅིག་བཞུགས་པར་བཤད། དེ་ནི་སྤྱི་ལོ་༡༩༢༧་ལོར་དཔེ་མཛོད་དེ་གའི་རབ་འབྱམས་པ་ཝའོར་ཐའེ་ལགས་ཀྱིས་བསྐུལ་ངོར། སྐབས་དེར་ཅོ་ནེ་དགོན་ཆེན་དུ་སློབ་སྦྱོང་དང་རྩད་ཞིབ་ལ་གཞོལ་མུས་ཀྱི་ཨ་རི་བ་ལོལ་ཁི་བྱ་བར་ལག་སོན་བྱུང་བ་དང་། ཁོས་སྒམ་མམ་སྒྲོམ་དགུ་བཅུ་གོ་གཉིས་ཀྱི་ནང་དུ་ལེགས་པར་བཅུག་སྟེ་ཁལ་མ་ལ་བརྟེན་ནས་ལན་ཀྲུའུ་ལ་གདན་དྲངས། དེ་ནས་ལོ་གསུམ་སོང་བ་དང་ཨ་རིའི་རྒྱལ་ཁབ་ཏུ་བསླེབས། འཇར་པཎ་དུ་བཞུགས་པའི་ཅོ་ནེ་བཀའ་བསྟན་ཆ་ཚང་དེ་ནི་པཎ་ཆེན་སྐུ་ཕྲེང་དགུ་བ་ཆོས་ཀྱི་ཉི་མ་མཆོག་ནས་འཇར་པན་གྱི་མི་རིགས་བོད་དུ་ཕེབས་སྔ་ཤོས་ཡིན་པ་དགེ་སློང་ཤེས་རབ་རྒྱ་མཚོའམ་ཨེ་ཁའི་ཁ་བ་གུ་ཅིར་ཟེར་བ་ལ་སྤྱི་ལོ་༡༩༣༧་ལོར་གསོལ་རས་གནང་བ་ཡིན་ལ། ༡༢༤༠་ལོར་རྒྱལ་ས་ཊོག་ཁྱོའི་ཐོ་ཡོ་སྦུང་གོའི་དཔེ་མཛོད་ཁང་དུ་ཡོད་སྐད་དང་། རི་བོ་རྩེ་ལྔའི་དགོན་པའི་ནང་དུ་བཀའ་བསྟན་ཆ་ཚང་གཅིག་བཞུགས་ཡོད་ཅེས་ཟེར། ད་དུང་ཕྱི་སོག་དང་ར་ཤི་ཡ་ལ་ཆ་ཚང་རེ་གཉིས་ཡོད་སྐད། ཅོ་ནེ་བསྟན་འགྱུར་ནི་དམག་ཟོར་མགོན་པོ་ཡབ་ཡུམ་སྲས་དང་བཅས་བས་སྔ་མོ་ནས་པར་དུ་བསྒྲུབ་པའི་ཐུགས་འདུན་ཡོད་ཀྱང་། བྲེལ་བ་སྣ་ཚོགས་ཀྱི་དབང་གིས་རེ་ཞིག་ལུས་པ་ན། ཆོས་རྗེས་སངས་རྒྱས་དཔལ་བཟང་གིས་བསྟན་བཅོས་འགྱུར་རོ་ཅོག་པར་དུ་བསྐྲུན་པ་ཞིག་བྱུང་ན་བསྟན་པ་སྤྱི་སྒོས་ལ་ཕན་ཐོགས་རྒྱ་ཆེན་པོ་འགྱུར་རོ་ཞེས་རྟིང་བསྐུལ་ཡང་ཡང་མཛད་པར་བརྟེན། རིན་ཆེན་དཔལ་འཛོམས་དང་དཔོན་རབས་བཅུ་བཞི་པ་བསྟན་སྲུང་ཚེ་རིང་བཅས་ཐུན་མོང་ནས་རྣམ་དཀར་གྱི་བྱ་བ་རྒྱ་ཆེན་པོ་བསྒྲུབ་པའི་ཁུར་བཞེས་ཏེ། དེའི་དགོས་མཁོ་ཐམས་ཅད་ལ་དབང་ཡོད་ཀྱིས་མི་སེར་བསྐུལ་ཞིང་ཁྲལ་ལེན་པ་སོགས་མ་མཛད་པར་རིན་ཐང་ཡུལ་དུས་ལ་དཔག་པ་ལས་ལྷག་པར་བསྩལ་ཏེ། ཐམས་ཅད་རྒྱུ་དག་ཅིང་ཕུན་སུམ་ཚོགས་པར་མཛད་ནས། པར་གྱི་དོ་དམ་པ་དགེ་སློང་ངག་དབང་དར་རྒྱས། འགོ་བ་ཀ་འབུམ་ཚེ་རིང་། གཉེར་བ་ཚེ་རིང་། ཝང་ཧན་རྣམས་ཀྱིས་བྱས་ཤིང་། པར་ཡིག་འབྲི་མི་མཁས་པ་ལྔ་བཅུ། དབུ་ལྷ་འབྲི་མི་དཔལ་འབྱོར་རྒྱ་མཚོ། ཞུས་དག་པ་བཅུ་སྐོར། པར་རྐོ་བ་སུམ་བརྒྱ་ལྷག་ཙམ། ཤིང་བཟོ་བ། སྣག་ལས་པ། ཤོག་ལས་པ་སོགས་ཀྱིས་ལས་ཚན་མང་པོས་བར་མ་ཆད་པར་ལོ་ངོ་མང་པོར་བརྩོན་པ་ཆེན་པོས་བསྒྲུབས་ཏེ། ཡི་གེ་བ་དང་པར་རྐོ་བ་སོགས་ལ་ཡོན་དང་གནང་སྦྱིན་གྱ་ནོམ་པས་ཚིམ་པར་མཛད་དོ།། འདིའི་དཀར་ཆག་ནི་འཇམ་དབྱངས་བཞད་པ་སྐུ་ཕྲེང་གཉིས་པ་འཇིགས་མེད་དབང་པོས་མཛད། བསྟན་འགྱུར་གྱི་པར་ཤིང་འདི་ཡང་བཀའ་འགྱུར་གྱི་པར་ཤིང་དང་ཆབས་ཅིག་མཱ་ཀྲུའུ་དབྱིན་གྱིས་ཅོ་ནེ་དགོན་ཆེན་མེར་སྲེག་བཏང་བ་དང་མཉམ་དུ་འཇིག་སོང་ངོ།།
    ༼སྡེ་དགེའི་བཀའ་འགྱུར༽འདི་ནི་སྡེ་དགེའི་ས་སྐྱོང་རྒྱལ་ཐོག་ཞེ་གཉིས་པ་བསྟན་པ་ཚེ་རིང་དགུང་ལོ་ང་གཉིས་སུ་ཕེབས་པ་སྟེ་ཀརྨ་བསྟན་པའི་ཉིན་བྱེད་གཙུག་ལག་ཆོས་ཀྱི་སྣང་བས་ས་སྐྱོང་ཉིད་ཀྱི་བཀའ་ནན་གསེར་སྦྲམ་ལྟར་ལྕི་བ་ཁུར་དུ་བཞེས་ཏེ། འཕང་ཐང་དང་ལྡན་དཀར་གྱི་ཐོག་མའི་བཀའ་འགྱུར་ལས་རིམ་བཞིན་བཀའ་གྱུར་བྲིས་མ་དང་པར་མ་ཇི་སྙེད་པ་སྟེ་སྔོན་བྱོན་གྱི་མཁས་པ་དང་ལོ་པཎ་རྣམས་ཀྱིས་གཏན་ལ་ཕབ་ཅིང་ལེགས་གྲུབ་བྱུང་བ་དག་ལ་ཁུངས་བཅོལ། ལས་གཞི་འདི་དབུ་བཙུགས་པ་ནས་ཡི་གེ་བ་མང་པོ་འདུས་པ་ལ་སྦྱོང་བརྡར་བྱེད་དུ་བཅུག་པ་དང་དཔོན་ཡིག་པ་དྲུག་ཅུ་ལྷག་ཙམ་གྱིས་ལྷུན་འགྲུབ་སྟེང་གི་བླ་བྲང་ཆེན་མོའི་ནང་དུ་པར་ཡིག་འབྲི་བའི་གྲྭ་བཙུགས་པ་དང་། པར་རྐོ་བ་བཞི་བརྒྱ་ལྷག་དང་། ཞུས་དག་པ་བཅུ་སྐོར་སོགས་ལས་ཚན་ཤིན་ཏུ་མང་བ་བར་མ་ཆད་དུ་བསྟེན་པའི་ལོ་ངོ་ལྔའི་རིང་བསྒྲུབས་པ་ཡི་ནོ།།དེ་ཡང་པར་ཤིང་སྲུང་སྐྱོབ་དང་ཡུན་རིང་བཀོལ་སྤྱོད་ཆེད་མཚལ་པར་དུ་བགྱིས་ཤིང་། ཡི་གེ་གསལ་ཞིང་དག་པ་དང་བརྐོས་ཟབ་ཅིང་གས་འཁྱོག་སོགས་མ་མཆིས་པས་ད་ལྟ་རྒྱལ་ཁབ་ཕྱི་ནང་ཀུན་ཏུ་སྐད་གྲགས་ཆེ།
    ༼སྡེ་དགེའི་བསྟན་འགྱུར༽འདིའི་པར་གཞི་སྡེ་དགེ་ས་སྐྱོད་བསྟན་པ་ཚེ་རིང་གིས་སྦྱིན་བདག་དང་འགོ་འཛིན་གནང་ཞིང་། ཞུས་ཆེན་པ་ཚུལ་ཁྲིམས་རིན་ཆེན་༼ཁོང་ནི་སྤྱི་ལོ་༡༦༩༧་ནས་༡༧༧༤་བར༽་མཆོག་གིས་ཞུ་དག་གི་འགན་བཞེས་ཏེ། འཕྱོང་རྒྱས་འཕྱིང་བ་སྟག་རྩེའི་ཕོ་བྲང་དང་ཞ་ལུ་གསེར་ཁང་གི་བསྟན་བཅོས་འགྱུར་རོ་ཅོག་ལ་ཕྱི་མོར་བཅོལ་ནས་དེ་བཞི་ནས་ན་ཡར་ལུང་བས་བཞེངས་བའི་བསྟན་བཅོས་འགྱུར་རོ་ཅོག་ལས་རིམ་པར་བརྒྱུད་དེ་མཆེད་པའི་བུ་དཔེ་སྟེ་ཆོས་སྡེ་ཆེན་པོ་སེ་འབྲས་དགའ་གསུམ་དང་དེར་མ་བཞུགས་པ་བུ་སྟོན་རིན་པོ་ཆེ་ནས་པར་གཞི་འདིའི་བར་གསར་དུ་འགྱུར་བ་དང་། མདོ་དང་སྔགས་དང། རིག་གནས་ཀྱི་དཔེ་རྙིང་ཁུངས་བཙུན་པ་སྔར་མ་ཆུད་པ་རྣམས་དང་བཅས་བ་ཁྱོན་བསྡོམས་བདུན་བརྒྱ་དང་བརྒྱད་ཅུ་ཙམ་བསྣན། དེ་དག་ལས་མཆེད་པའི་དཔེ་རྒྱུན་མང་པོ་རྣམས་ནི་དབུས་གཙང་གི་གདན་ས་ཆེན་པོ་རྣམས་སུ་དར་རྒྱས་ཤིན་ཏུ་ཆེ་བར་བཞུགས། པོད་ཚན་དུ་དབྱེ་ན། བསྟོད་ཚོགས། རྒྱུད་སྡེ། ཤེར་ཕྱིན། དབུ་མ། མདོ་སྡེ། སེམས་ཙམ་པ། མངོན་པ། འདུལ་བ། སྐྱེས་རབས། དཔག་བསམ་འཁྲི་ཤིང་། སྤྲིངས་ཡིག ཚད་མ། སྒྲ་རིག་པ། གསོ་བ་རིག་པ། བཟོ་རིག་པ། སྣ་ཚོགས་སྐོར་གྱི་པོ་ཏི་བཅས་སོ།། པར་གཞི་འདི་ཉིད་ཁུངས་དག་མང་པོར་གོ་བསྡུར་དང་ཞུས་དག་ལེགས་པར་སོང་བ་དག་ལ་ཕྱི་མོར་བཅོལ་བ་དང་། ཡིག་གཟུགས་ལེགས་པ། ཚིག་གི་འབྲུ་གསལ་བ། ཡི་གེའི་དག་ཐོན་པ། རྐོས་ཟབ་པ་སོགས་ཀྱི་ཁྱད་ཆོས་ལྡན།
    ༼ སོག་པོ་ཁུ་རེ་བཀའ་འགྱུར༽ སྤྱི་ལོ་༡༩༠༨་ལོར་ཁལ་ཁ་རྗེ་བཙུན་དམ་པའི་གདན་ས་དགའ་ལྡན་བཤད་སྒྲུབ་གླིང་དུ། སྡེ་དགེའི་དཔར་མར་ཕྱི་མོར་བཅོལ་ཏེ་བཀའ་འགྱུར་པར་བསྐྲུན་གྱི་དབུ་བཙུགས་ཀྱང་མཇུག་མ་རྫོགས་པར་འཕྲོ་ཅན་དུ་ལུས་པ་ན། སྤྱི་ལོ་༡༩༡༠་ལོར་ཁལ་ཁ་རྗེ་བཙུན་དམ་པའི་སྐུ་ཕྲེང་བརྒྱད་པ་ཆོས་ཀྱི་ཉི་མ་རིན་པོ་ཆེ་དང་། ཨེར་ཏི་ནི་ཆེ་ཚང་ནོ་ཡོན་དོན་འགྲུབ་ལྷ་མོ་རྣམ་གཉིས་ནས་བཀའ་འགྱུར་པར་གཞི་ཆ་ཚང་ཞིག་བསྒྲུབ་དགོས་པའི་བཀའམཆིད་ཕེབས་པ་ལྟར་སྔ་མའི་འཕྲོ་བསྐྱངས་ཏེ་དཔར་བ་ཏ་ཁུ་རེའི་དགོན་དུ་བཞུགས།
    ༼ལྷ་སའི་བཀའ་འགྱུར༽ འདི་ནི་རྒྱལ་དབང་བཅུ་གསུམ་པའི་རིང་ལ། འབྲི་གུང་སྒོ་ལྕོག་སྤྲུལ་སྐུ་མཆོག་གིས་མཐུན་རྐྱེན་བསམ་གྱིས་མི་ཁྱབ་པ་སྦྱར་བ་ལ་བརྟེན། རྒྱལ་དབང་བཅུ་གསུམ་པ་ཐུབ་བསྟན་རྒྱ་མཚོའི་ཞལ་སྔ་ནས་ཀྱི་བཀའ་ལུང་གསེར་གྱི་མེ་ཏོག་སྤྱི་བོར་བསྩལ་བ་བཞིན། མཁས་པའི་དབང་པོ་རྗེ་བཙུན་ཤེས་རབ་རྒྱ་མཚོ་མཆོག་གིས་གྲུ་འཛིན་པོ་ཏ་ལར་ཕེབས་ནས་ལོ་དྲུག་ཙམ་གྱི་རིང་ལ་བུ་སྟོན་རིན་པོ་ཆེའི་གསུང་འབུམ་པོ་ཏི་ཉེར་དགུའི་ཞུ་དག་ལེགས་པར་གྲུབ་པ་དང། སྤྱི་ལོ་༡༩༢༡་ལོར་རྒྱལ་དབང་བཅུ་གསུམ་པ་ཆེན་པོས་བཀའ་ཡིག་ཕེབས་དོན། བཀའ་འགྱུར་ནི་བོད་ཀྱི་མཁས་པ་སྔ་རབས་པ་དང་རྒྱ་གར་མཁས་པ་མང་པོས་བོད་གངས་ཅན་གྱི་ལྗོངས་སུ་འགྱུར་བར་མཛད་པའི་མཛད་རྗེས་བླ་ན་མེད་པ་ཞིག་ཡིན་ཕྱིར་། དུས་ཚོད་རིང་པོ་ཕྱིན་པའི་དབང་གིས་པར་ཤིང་ལ་ལ་རྙིང་ནས་ཡི་གེ་མི་གསལ་བ་དང་། ལ་ལ་ཆད་པ་མི་ཉུང་བ་བྱུང་ཡོད། ལྷག་པར་ལྷ་སའམ་ཡང་ན་རྩེ་ཕོ་བྲང་དུ་བཀའ་འགྱུར་གྱི་པར་གཞི་ཆ་ཚང་ཞིག་མེད་སྟབས་ངས་སྦྱིན་བདག་བྱེད། ཁྱེད་རང་གིས་ཞུ་དག་དང་ཞུ་དག་གི་བྱ་བར་འགན་ཁུར་ནས་རྒྱལ་བའི་བསྟན་པ་དང་འགྲོ་བ་ལ་ཕན་པ་ཞིག་བྱེད་ན་ཇི་འདྲ་རེད། ངའི་བསམ་པར་དགེ་བཤེས་ལ་ལ་གཞུང་ལ་མཁས་ན་རིག་གཞུང་མི་མཁས་པ་དང་། རིག་གཞུང་ལ་མཁས་ན་གཞུང་ལ་མི་མཁས་པས་ཡིན་ཞེས་བཀའ་ཕེབས་པ་ལ། ཁོང་གིས་ཀྱང་འདི་ནི་བོད་མི་རིགས་ཀྱི་རིག་གཞུང་ཉམས་པ་སོར་ཆུད་དང་མ་ཉམས་གོང་སྤེལ། བསྟན་པ་ཡར་རྒྱས་ལ་ལག་རྗེས་ཆེན་པོ་ཞིག་འཇོག་པའི་གོ་སྐབས་བཟང་པོ་ཞིག་ཡིན་པར་དགོངས་ནས་ལགས་སོ།། ཞེས་རྒྱལ་དབང་ཐམས་ཅད་མཁྱེན་པའི་བཀའ་སྤྱི་གཙུག་ཏུ་བླངས་ནས་སྣར་ཐང་པར་སོགས་དང་གཞན་ཡང་བྲིས་མ་ཁག་ཅིག་གོ་བསྡུར་དང་ཕྱི་མོར་བགྱིས་ཐོག བཀའ་འགྱུར་པར་གསར་བཞེངས་ཀྱི་ཞུ་ཆེན་མཛད་དེ་ལོ་ངོ་བརྒྱད་ཙམ་གྱིས་པར་གཞི་གསར་བཞེངས་ལེགས་གྲུབ་བྱུང་བ་ནི་ད་ལྟའང་ང་ཙོའི་མིག་གིས་མཐོང་དང་ལག་ཟིན་གྱི་ཡུལ་དུ་བཞུགས་པ་སྟེ་ཞོལ་པར་གསར་ཞེས་རྩེ་ཞོལ་གྱི་པར་དེ་ལགས་སོ།། དེ་ནི་ཤིང་པར་དུ་བཞེངས་བའི་བཀའ་འགྱུར་ལས་ཡི་གེ་ཆེས་ཤོས་ཡིན་ལ། ངོ་རེར་ཐིག་ཕྲེང་བརྒྱད་རེ། སྣག་པར་དུ་བགྱིས་པ། པར་གསལ་བ། ཡི་གེ་དག་པ། གཟབས་ལེགས་པ་བཅས་ཀྱིས་མཇལ་བ་པོ་རྣམས་ཀྱིས་བཟང་བསྟོད་བྱེད་བཞིན་པ་འདིའོ།།
    ༼ ནན་ཅིན་པར་མ༽སྤྱི་ལོ་༡༤༡༠་ལོར་ཏཱ་མིང་རྒྱལ་རབས་ཀྱི་གོང་མ་ཡུང་ལོ་གསེར་ཁྲིར་འཁོད་ནས་ལོ་བརྒྱད་པ་ན། གོང་མའི་ནང་བློན་ནམ་གསེར་ཡིག་པ་ཧོ་ཤིན་བོད་དུ་འབྱོར། རྗེ་ཙོང་ཁ་བའི་སྐུ་ཚབ་ཏུ་ཁོང་གི་དངོས་སློབ་བྱམས་ཆེན་ཆོས་རྗེ་ཤཱཀྱ་ཡེ་ཤེས་རྒྱ་ནག་ཏུ་གདན་དྲངས། དེ་དུས་སྣར་ཐང་གི་བཀའ་བསྟན་ཆ་ཚང་གཉིས་གདན་དྲངས་པ་དེར་ཕྱི་མོར་བཅོལ་ནས་བཀའ་འགྱུར་གྱི་པར་ཆ་ཚང་ཞིག་བཞེངས་སོ།། དེའི་དཔར་ཕུད་དང་པོ་རི་བོ་རྩེ་ལྔར་ཕུལ་བ་དང་། དེ་ནས་བོད་དུ་མཚུར་ཕུ་ཀརྨ་བ་དང་རྗེ་ཙོང་ཁ་བ་བཅས་ལ་ཕུལ། དེ་ལས་ཚར་གཅིག་ད་ལྟར་ཡང་སེ་ར་ཐེག་ཆེན་གླིང་སྔགས་པ་གྲྭ་ཚང་དུ་བཀའ་འགྱུར་ལྷ་ཁང་དུ་བཞུགས་པར་གྲགས། དེ་ལ་ཡི་གེ་དག་པ་དང་། སྒོས་སུ་བྲིས་ལེགས་པ། པར་ངོས་སྙོམས་པ། སྣག་ལེབ་དང་བྲལ་བ་སོགས་ཀྱི་ཆ་ནས་ནན་ཅིན་ཟངས་པར་དུ་གྲགས།
    ༼ པེ་ཅིང་པར་མ༽ དེ་ལ་ཝན་ལིས་པར་མ་དང་ཁང་ཞི་པར་མ་གཉིས་ཡོད་པར་བཤད་པ་ལས་དང་པོ་ཝན་ལིས་པར་མ་ནི། ༡༥༩༤་ལོར་ཏཱ་མིང་རྒྱལ་རབས་ཀྱི་གོང་མ་ཝན་ལིས་གསེར་ཁྲིར་འཁོད་ནས་ལོ་ཉི་ཤུ་རྩ་གཉིས་པ་ལ། ཀརྨ་ཞྭ་དམར་སྐུ་ཕྲེང་དྲུག་པ་ཆོས་ཀྱི་དབང་ཕྱུག་གིས་ཞུ་དག་གི་འགན་འཁྲི་ལྷུར་བཞེས་ཏེ་། ནན་ཅིན་དཔར་མ་སྟེ་ཡུང་ལོའི་པར་མ་ལ་མ་ཕྱི་བཅོལ་ནས་པར་སློག་གི་བཞེངས་པ་དང་། དེའི་ཞར་ལ་བསྟན་འགྱུར་པོ་ཏི་ཞེ་གཉིས་ཀྱི་པར་བཞེངས་པ་ལ་པེ་ཅིང་པར་མའམ་ཝན་ལིས་པར་མ་ཟེར་རོ།།གཉིས་པ་ཁང་ཞི་པར་མ་ནི་མིན་རྒྱལ་རབས་ཏེ་མན་ཇུའི་གོང་མ་ཁང་ཞིའམ་བོད་སྐད་དུ་བདེ་སྐྱིད་རྒྱལ་པོའི་བཀའ་ལྟར། སྤྱི་ལོ་༡༦༨༣་གོང་མ་ཉིད་ཀྱི་སྲིད་ལོ་ཉེར་གཉིས་པར་གོང་མ་སྔ་མ་དག་གི་རིང་ལ་བཞེངས་པའི་པར་གཞི་ཕྱི་མོར་བགྱིས་ཏེ་བཞེངས་བར་བཤད། ད་ལྟར་པེ་ཅིང་པར་མར་གྲགས་པའི་བོད་ཀྱི་བཀའ་འགྱུར་ཞེས་པ་དེའོ།། དེའི་པར་ཤིང་སྤྱི་ལོ་༡༩༠༠་ལོར་མཉམ་འབྲེལ་རྒྱལ་ཁབ་བརྒྱད་ཀྱི་དྲག་པོའི་དཔུང་གིས་སྲེག་ཟའི་ཕུང་བོར་གཏིམས་སོ།།
    ༼ རྭ་རྒྱའི་པར་མ༽ འདི་ནི་སྤྱི་ལོ་༡༨༡༤་ལོར་རྭ་རྒྱའི་དགོན་གྱི་གདན་ས་པ་ཤིང་བཟའ་ཧོ་ཐོག་ཐུ་སྐུ་ཕྲེང་དང་པོ་བློ་བཟང་དར་རྒྱས་ཀྱིས་ཐུགས་ཁུར་དང་སྦྱིན་བདག་གནང་། སྡེ་དགེའི་མཚལ་དཔར་མ་ལ་ཕྱི་མོར་བཅོལ་ནས་པར་དུ་བཞེངས་པ་རྭ་རྒྱའི་པར་ཁང་ཆེན་མོར་བཞུགས་སུ་གསོལ་བ་ལ་ཪྭ་རྒྱའི་བཀའ་འགྱུར་ཟེར། ད་དུང་ཆབ་མདོའི་པར་དང་བླ་བྲང་པར་སོགས་ཡོད་པར་བཤད།
    ༼བརྙན་པར་སྐོར༽སྤྱི་ལོ་༡༩༣༠་ལོར་དུས་ཙ་ན་འཇར་པན་གྱིས་རྒྱ་ནག་ཡུལ་གྲུར་མང་པོར་བཙན་འཛུལ་བྱས་པ་དང་དུས་ཟིང་གི་གོ་སྐབས་དེ་ལ་བསྟུན་ཏེ་པེ་ཅིང་བོད་ཡིག་པར་མའི་བཀའ་བསྟན་ཆ་ཚང་བ་གཅིག་ཕྱིར་དྲངས་ཤིང་བསྡུས་དཔར་དུ་བརྒྱབ་ཏེ་དེ་གའི་རྒྱལ་ས་ཏོན་ཅིན་དུ་བཞུགས་སུ་གསོལ། སྤྱི་ལོ་༡༩༥༥་ནས་༡༩༦༡་བར་འཇར་པན་ཏཱ་ཀུའུ་སློབ་གྲྭ་ཆེན་མོའི་བོད་ཀྱི་བཀའ་བསྟན་ཞིབ་འཇུག་ཚོགས་པས་གཙོ་འགན་བཞེས་ཏེ་རྩོམ་སྒྲིག་བྱས་ནས་པེ་ཅིང་གི་བཀའ་བསྟན་གཉིས་ཀ་བསྡུས་པར་དུ་བཏབ་ཅིང་། དེ་མཚུངས་ཀྱི་དཀར་ཆག་ཅིག་བསྒྲིགས་པ་བསྡོམས་པས་དེབ་བརྒྱ་དང་ང་གཅིག་བྱོན། པར་གཞི་དེའི་ཇུས་འགོད་དང་རྒྱབ་ཐུམ་གྱི་བཀོད་པ་ཧ་ཅང་མཛེས། མཚན་བྱང་གི་ཡི་གེ་གསེར་བྲིས་དང་དྲས་ཁ་ལ་གསེར་ཚོན་བྱུགས་པ། ངོ་རེ་ལ་བོད་དཔེ་ངོ་ལྔ་རེ་ཤོང་བ། ཡི་གེའི་འབྲུ་གསལ་ཞིང་དག་པས་ཀློག་པ་པོའི་ཡིད་དབང་འགུགས་པར་ནུས་སོ།།འཇར་པན་བརྙན་པར་དེ་ལས་རྒྱ་ནག་ཏུ་མི་ཉུང་བར་མཆེད་འདུག་སྟེ། དཔེར་ན་པེ་ཅིན་མི་རིགས་རིག་གནས་ཕོ་བྲང་དང་། ཀྲུང་དབྱང་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། ནུབ་བྱང་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། ལྷོ་ནུབ་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། མཚོ་སྔོན་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། པེ་ཅིང་དཔེ་མཛོད་ཆེན་མོ་སོགས་སུ་བཞུགས་སོ།།
    ༼རྡོ་པར་སྐོར༽ རྡོ་ལ་བརྐོས་བའི་བཀའ་འགྱུར་ནི་མགོ་ལོག་ཁོངས་གནམ་ལྕགས་རི་འོད་འབར་ཏེ་དབུས་གཙང་གཉིས་པར་གྲགས་པའི་ལྷ་ཁང་ཞིག་ཏུ་རྡོ་ལ་བཞེངས་པའི་བཀའ་བསྟན་མང་པོ་ཡོད་རབས་འདུག དེ་བཞིན་སྟོང་ཇུ་མཁར་དགོན་སོགས་ལ་ཡོད་པ་རིག་གསར་དུས་སུ་ཤུལ་མེད་དུ་བཏང་བ་རེད།

64. ལ་དྭགས་བློ་བཟང་འཇམ་དཔལ་ལགས། ཁྱེད་ནི་བཀའ་བསྟན་ལ་མིག་བརྒྱ་ཡངས་པ་དང་བོད་ཀྱི་སྐད་ཡིག་ཙམ་དུ་མ་ཟད། ལེགས་སྦྱར་ལའང་བྱང་ཆ་ཡོད་པ་འདྲ། དེས་ན་ཁྱེད་ཀྱི་ཐུགས་རེ་སྐོང་ཕྱིར། ༼སྣར་ཐང་བཀའ་འགྱུར༽་གྱི་པར་གཞི་ཐོག་མ་སྤྱི་ལོ་༡༣༡༢་ལོར་ཡོན་རྒྱལ་རབས་ཀྱི་ཧུང་ཆིན་བྱ་བའི་སྲིད་ལོ་དང་པོར། སྣར་ཐང་གི་དགེ་བའི་བཤེས་གཉེན་ཆེན་པོ་འཇམ་དགག་པཀྴི་ཞེས་བྱ་བ་སོག་པོའི་གོང་མ་ཅི་ཙུང་ཨ་ཡུར་པར་པ་ཏ་ཡན་ཐུ་ཞེས་བས་གདན་ཞུས་ལྟར། སོག་ཡུལ་དུ་ཕེབས་ཏེ་སངས་རྒྱས་ཀྱི་བསྟན་པ་ལེགས་པར་སྤེལ་བས་གོང་མའང་ཧ་ཅང་ཐུགས་མཉེས་བའི་ལོ་རྒྱུས་འདུག་ལ། ཁོང་གི་ཐུགས་ལ་རྒྱལ་བློན་སྔོན་བྱོན་ལོ་པཎ་རྣམས་ཀྱི་བཀའ་དྲིན་ལས་བྱུང་བའི་རྒྱལ་བའི་བཀའ་དང་དེའི་དགོངས་འགྲེལ་བསྟན་བཅོས་བོད་ལ་འགྱུར་རོ་ཅོག་ཕྱོགས་གཅིག་ཏུ་བསྡུས་ན་སྙམ་པའི་ཐུགས་འདུན་ཀུན་ནས་བསླངས་ཏེ། རང་གི་བླ་མ་བཅོམ་ལྡན་རིག་པའི་རལ་གྲི་ལ་གསེར་ཡིག་གི་ལམ་ནས་ཞུས་ཤིང་། དབུས་པ་བློ་གསལ་བྱང་ཆུབ་འོད་ཟེར་དང་ལོ་ཙཱ་བ་བསོད་ནམས་འོད་ཟེར། རྒྱང་རོ་བྱང་ཆུབ་འབུམ་རྣམས་ལ་གསེར་ཡིག་པའི་གདོང་དུ་དངོས་པོ་གཏོས་ཆེར་ཕུལ་ནས་བཀའ་བསྟན་རྣམས་ཕྱོགས་གཅིག་ཏུ་ལེགས་བསྒྲིགས་ཀྱི་པར་བཞེངས་ཀྱི་མཐུན་རྐྱེན་གྱ་ནོམ་པ་སྦྱར་ཏེ། བཅོམ་ལྡན་རིག་པའི་རལ་གྲིས་དབུ་མཛད་དེ་གོང་སྨོས་བླ་སློབ་རྣམས་ཀྱིས་དཀའ་བ་བརྒྱ་ཕྲག་ཁྱད་དུ་བསད་དེ་དབུས་གཙང་མངའ་རིས་དང་བཅས་བའི་ཡུལ་གྲུ་བཞུགས་པའི་བཀའ་བསྟན་གྱི་ཕྱི་མོ་རྙེད་དོ་ཅོག་ལ་ཕྱོགས་གཅིག་ཏུ་བསྡུས་ནས་གོ་བསྡུར་བྱས། ཞུ་དག་གིས་གཏན་ལ་གཏན་ལ་ཕབ་ཅིང་གུང་བསྒྲིགས་ཏེ་དཀར་ཆག་བཅོམ་ལྡན་རིག་རལ་གྱིས་མཛད་པ་བཅས་ ལེགས་པར་གྲུབ། དེ་ལ་སྣར་ཐང་པར་རྙིང་དུ་གྲགས། འདི་རྣམས་བཀའ་འགྱུར་མ་ཕྱི་བྲིས་མ་རྐྱང་ཡིན་ས་རེད། ་དེའང་དུས་འཁྲུག་དང་ཟང་ཟིང་གིས་ད་ལྟ་ཁ་ཐོར་ཙམ་ལས་ལྷག་མ་རྣམས་མ་ལུས་བར་འཇིག་སོང་སྐད། སྤྱི་ལོ་༡༦༨༩་ནས་༡༧༤༧་བར་མི་དབང་ཕོ་ལྷ་བ་བསོད་ནམས་སྟོབས་རྒྱལ་གྱིས་པར་བརྐོས་ཀྱི་མཐུན་རྐྱེན་ཉེ་བར་སྦྱར་ཏེ་སྟོད་ཤེལ་དཀར་དུ་བཀའ་དང་བསྟན་བཅོས་ཤིང་པར་དུ་བརྐོས་བ་དེ་ཙམ་གྱིས་མ་ཟད། འགོ་འཛིན་དང་ཇུས་འགོད། ཡིག་རྒན། པར་བ། ཞུ་དག་པ་བཅས་དབུས་གཙང་མངའ་རིས་དང་བཅས་པའི་རིག་བྱེད་ལ་མཆོག་ཏུ་སྤྲོ་བའི་གསར་སློབ་མང་པོ་ཤེལ་དཀར་རྫོང་གི་འདབས་རོལ་གྱི་པར་ཁང་གི་གྲྭ་ལ་འདུས་ཏེ་ཐུན་མོང་གི་རྩོལ་བ་བརྟེན་ནས། སྤྱི་ལོ་༡༢༩༠་ནས་༡༣༦༤་བར་བུ་སྟོན་རིན་ཆེན་གྲུབ་ཀྱི་མ་ཕྱིས་ཞུས་པའི་བཀའ་འགྱུར་མ་ཕྱི་བྲིས་མ་ཞྭ་ལུའི་གསེར་ཁང་དུ་བཞུགས་པ་དེ་ཕྱི་མོར་བཅོལ་ཏེ་སྤྱི་ལོ་༡༧༣༠་་ནས་མགོ་བརྩམས་ཏེ་ལོ་གཅིག་དང་ཟླ་ངོ་དྲུག་གི་རིང་ཡོངས་སུ་གྲུབ། དེ་ལ་བསྡོམས་པའི་པོད་བརྒྱ་དང་གསུམ་ཡོད་པར་བཤད་ལ་སྣར་ཐང་བཀའ་འགྱུར་པར་གསར་དུ་གྲགས།

65. དེབ་དམར་ཡིན་ནམ་ཞིག་ཏུ་བཅོམ་ལྡན་རིག་རལ་འདིས་མཚན་མོ་གདོན་འདྲེས་བརྫུས་ཏེ་ཁོང་གི་བླ་མར་སྐྲག་བསླངས་པས་ཡུན་རིང་ཞིག་ལ་ཐུགས་མ་མཉེས། རྗེས་སུ་རྒྱ་ཡུལ་ནས་ལྗགས་རྩོམ་མཛད་ཡུལ་ཤོག་བུ་དང་སྣག་ཚ་ཁྱོན་ཆེན་བསྐུར་པས་བླ་མ་ཡང་ཐུགས་མཉེས་པར་གྱུར་ཅེས་འབྱུང་། ཡང་གཅིག་བསམས་དུས་རིག་རལ་གྱི་སློབ་མ་ཞིག་ཀྱང་ཡིན་པ་འདྲ། ཞེ་དྲགས་མི་དྲན་གི

66. ༼ཚལ་བ་བཀའ་འགྱུར༽ འདི་ནི་སྣར་ཐང་བཀའ་བསྟན་གྱི་ཤིང་པར་བསྐྲུན་པའི་རྗེས་སུ་བཞེངས་ཤིང་། ཚལ་བ་ཁྲི་དཔོན་ཀུན་དགའ་རྡོ་རྗེའི་དུས་སུ་བུ་སྟོན་རིན་པོ་ཆེ་སྤྱན་དྲངས་ཏེ་ཞུས་དག་དང་གོ་བསྡུར་ལེགས་པར་གནང་ཐོག་པར་དུ་བཞེངས་པ་དང་པར་འདིའི་ཕྱི་མོ་ནི་སྣར་ཐང་བཀའ་འགྱུར་པར་རྙིང་ལ་བཅོལ་བར་བཤད།
    ༼ལི་ཐང་བཀའ་འགྱུར༽འདི་ནི་ཚལ་བའི་པར་ལ་ཕྱི་མོ་བགྱིས་ཤིང་དུས་རབས་བཅུ་བདུན་པའི་དཀྱིལ་ཙམ་ལ་ད་ལྟའི་ཡུན་ནན་ཞིང་ཆེན་གྱི་ཁོངས་གཏོགས་འབྲོང་སྡེའམ་འཇང་ས་ཐམ་བྱ་བར་པར་བཞེངས། ཕྱིས་སུ་ཁམས་ལི་ཐང་དུ་གདན་འདྲེན་ཞུས་པས་དེ་ནས་ལི་ཐང་བཀའ་འགྱུར་དུ་གྲགས། འདི་འབྲོང་སྡེར་མི་བཞུགས་པར་ལི་ཐང་དུ་ཅིའི་ཕྱིར་སྤོས་ཤེ་ན་། གུ་ཤྲི་ཧན་འདས་རྗེས་ཁོང་གི་ཚ་བོ་བློ་བཟང་བསྟན་སྐྱོང་དུ་འབོད་པ་དེས་འབའ་ལི་རྒྱལ་གསུམ་ཁོངས་ཀྱི་སྤྱི་དཔོན་བྱེད་སྐབས་དེ་སྔའི་སྲིདགཞུང་ལ་ལོག་པར་འཁུ་བའི་དམག་ཟིང་བསླངས་བར་བརྟེན་། ཏཱ་ལའི་ཧན་གྱིས་གཙོ་བོ་བྱས་བའི་བོད་སོག་གི་དམག་དཔུང་མངགས་སྟེ་ཆམ་ལ་ཕབ་མོད་ཀྱང་། དེ་རྗེས་ད་དུང་ཟིང་སློང་སོགས་འོངས་པར་དོགས་པས་ལི་ཐང་དགོན་ཆེན་དུ་གདན་འདྲེན་ཞུས་སོ།།པར་དེ་ལ་པོད་བརྒྱ་དང་བརྒྱད་ཡོད། འཇང་ས་ཐམ་རྒྱལ་པོ་བསོད་ནམས་རབ་བརྟན་གྱིས་པར་མ་ཚར་གཅིག་ལྷ་ལྡན་གཙུག་ལག་ཁང་དུ་ཕུལ་ཡོད་པ་ནི་པར་གཞི་དེའི་དཔར་ཕུད་ཡིན་པ་ཡི་གེ་འགར་བྱུང་། ད་དུང་ཡང་བཞུགས་ངེས། བཀའ་འགྱུར་འདིའི་པར་ཤིང་སྤྱི་ལོ་༡༩༠༨་པར་དུས་འཁྲུག་གིས་རྐྱེན་གྱིས་འཇིག་སོང་བས་ད་ལྟ་མི་བཞུགས།
    ༼ཅོ་ནེའི་དཔར་མའི་བཀའ་འགྱུར༽འདི་ནི་དམག་ཟོར་མགོན་པོ་ཡབ་ཡུམ་སྲས་དང་བཅས་བ་ཞལ་འཛོམས་པའི་སྐབས་དཔོན་པོ་ཉིད་ཀྱིས་ལྷག་བསམ་གྱི་ཁུར་བཞེས་ཏེ་རང་གི་མངའ་འོག་ན་ཡོད་པའི་ཡི་གེ་བ་དང་པར་རྐོ་བ་རྣམས་བསྡུས། དེ་དག་ལ་དར་ཧན་གྱིས་བདག་རྐྱེན་མཛད་ནས་པར་བརྐོ་དགོས་བའི་ཞལ་བཀོད་གནང་། མཁྱེན་པའི་དབང་ཕྱུགས་མཁན་རིན་པོ་ཆེ་བློ་བཟང་བསྟན་པའི་རྒྱལ་མཚན་གྱིས་ལི་ཐང་གི་པར་མ་དང་།་པེ་ཅིན་པར་མ། དབུས་བྲིས་དག་པ་གསུམ་ལ་ཕྱི་མོར་བཅོལ་ནས་ཡི་གེ་མི་ལེགས་པ་དང་ཆད་ལྷག་ཡོད་པ་རྣམས་སླར་བརྗེས་ནས་ངོས་གཙང་སྤུས་དག་པར་བསྒྲུབས་ཏེ་ཡོངས་རྫོགས་བཞེངས། སྤྱི་ལོ་༡༧༢༡་ལོ་ནས་མགོ་བརྩམས་ཏེ་སྤྱི་ལོ་༡༧༣༡་ལོར་ཡོངས་སུ་གྲུབ་སྟེ། འཛད་པ་མེད་པའི་ཆོས་སྦྱིན་གྱིས་ཕྱོགས་ཀུན་ཏུ་ཁྱབ་པར་བྱས་སོ།། པར་དེའི་ཡི་གེ་གཟུགས་མཛེས་པ། བརྐོས་ཟབ་པ། འབྲུ་གསལ་བ། དག་ཐོན་པ་སོགས་ཀྱི་ཁྱད་ཆོས་དང་ལྡན་པ་ནི་ཀུན་ལ་གྲགས་སོ།། ཅོ་ནེ་བཀའ་བསྟན་གྱི་པར་ཤིང་ནི་སྤྱི་ལོ་༡༩༢༨་ལོར་ཀ་ཅུའི་ཇག་ཚོགས་མཱ་ཀྲུང་དབྱིན་སོགས་ཀྱིས་སྔ་ཕྱིར་དགོན་ཆེན་བཅོམ་སྐབས་མེར་སྲེག་བཏང་བ་དང་དཔར་མ་ནི་༡༩༥༨་འཇིག་ཟིན། ད་ལྟ་རྒྱལ་ཁབ་ཕྱི་ནང་དུ་ཚར་གཅིག་གཉིས་ཤིག་བཞུགས་ཀྱང་མང་པོ་མི་འདུག ཨ་རིའི་ཝ་ཤོན་ཊོན་རྒྱལ་བཙུགས་དཔེ་མཛོད་ཁང་ཆེན་མོར་ཚར་གཅིག་བཞུགས་པར་བཤད། དེ་ནི་སྤྱི་ལོ་༡༩༢༧་ལོར་དཔེ་མཛོད་དེ་གའི་རབ་འབྱམས་པ་ཝའོར་ཐའེ་ལགས་ཀྱིས་བསྐུལ་ངོར། སྐབས་དེར་ཅོ་ནེ་དགོན་ཆེན་དུ་སློབ་སྦྱོང་དང་རྩད་ཞིབ་ལ་གཞོལ་མུས་ཀྱི་ཨ་རི་བ་ལོལ་ཁི་བྱ་བར་ལག་སོན་བྱུང་བ་དང་། ཁོས་སྒམ་མམ་སྒྲོམ་དགུ་བཅུ་གོ་གཉིས་ཀྱི་ནང་དུ་ལེགས་པར་བཅུག་སྟེ་ཁལ་མ་ལ་བརྟེན་ནས་ལན་ཀྲུའུ་ལ་གདན་དྲངས། དེ་ནས་ལོ་གསུམ་སོང་བ་དང་ཨ་རིའི་རྒྱལ་ཁབ་ཏུ་བསླེབས། འཇར་པཎ་དུ་བཞུགས་པའི་ཅོ་ནེ་བཀའ་བསྟན་ཆ་ཚང་དེ་ནི་པཎ་ཆེན་སྐུ་ཕྲེང་དགུ་བ་ཆོས་ཀྱི་ཉི་མ་མཆོག་ནས་འཇར་པན་གྱི་མི་རིགས་བོད་དུ་ཕེབས་སྔ་ཤོས་ཡིན་པ་དགེ་སློང་ཤེས་རབ་རྒྱ་མཚོའམ་ཨེ་ཁའི་ཁ་བ་གུ་ཅིར་ཟེར་བ་ལ་སྤྱི་ལོ་༡༩༣༧་ལོར་གསོལ་རས་གནང་བ་ཡིན་ལ། ༡༢༤༠་ལོར་རྒྱལ་ས་ཊོག་ཁྱོའི་ཐོ་ཡོ་སྦུང་གོའི་དཔེ་མཛོད་ཁང་དུ་ཡོད་སྐད་དང་། རི་བོ་རྩེ་ལྔའི་དགོན་པའི་ནང་དུ་བཀའ་བསྟན་ཆ་ཚང་གཅིག་བཞུགས་ཡོད་ཅེས་ཟེར། ད་དུང་ཕྱི་སོག་དང་ར་ཤི་ཡ་ལ་ཆ་ཚང་རེ་གཉིས་ཡོད་སྐད། ཅོ་ནེ་བསྟན་འགྱུར་ནི་དམག་ཟོར་མགོན་པོ་ཡབ་ཡུམ་སྲས་དང་བཅས་བས་སྔ་མོ་ནས་པར་དུ་བསྒྲུབ་པའི་ཐུགས་འདུན་ཡོད་ཀྱང་། བྲེལ་བ་སྣ་ཚོགས་ཀྱི་དབང་གིས་རེ་ཞིག་ལུས་པ་ན། ཆོས་རྗེས་སངས་རྒྱས་དཔལ་བཟང་གིས་བསྟན་བཅོས་འགྱུར་རོ་ཅོག་པར་དུ་བསྐྲུན་པ་ཞིག་བྱུང་ན་བསྟན་པ་སྤྱི་སྒོས་ལ་ཕན་ཐོགས་རྒྱ་ཆེན་པོ་འགྱུར་རོ་ཞེས་རྟིང་བསྐུལ་ཡང་ཡང་མཛད་པར་བརྟེན། རིན་ཆེན་དཔལ་འཛོམས་དང་དཔོན་རབས་བཅུ་བཞི་པ་བསྟན་སྲུང་ཚེ་རིང་བཅས་ཐུན་མོང་ནས་རྣམ་དཀར་གྱི་བྱ་བ་རྒྱ་ཆེན་པོ་བསྒྲུབ་པའི་ཁུར་བཞེས་ཏེ། དེའི་དགོས་མཁོ་ཐམས་ཅད་ལ་དབང་ཡོད་ཀྱིས་མི་སེར་བསྐུལ་ཞིང་ཁྲལ་ལེན་པ་སོགས་མ་མཛད་པར་རིན་ཐང་ཡུལ་དུས་ལ་དཔག་པ་ལས་ལྷག་པར་བསྩལ་ཏེ། ཐམས་ཅད་རྒྱུ་དག་ཅིང་ཕུན་སུམ་ཚོགས་པར་མཛད་ནས། པར་གྱི་དོ་དམ་པ་དགེ་སློང་ངག་དབང་དར་རྒྱས། འགོ་བ་ཀ་འབུམ་ཚེ་རིང་། གཉེར་བ་ཚེ་རིང་། ཝང་ཧན་རྣམས་ཀྱིས་བྱས་ཤིང་། པར་ཡིག་འབྲི་མི་མཁས་པ་ལྔ་བཅུ། དབུ་ལྷ་འབྲི་མི་དཔལ་འབྱོར་རྒྱ་མཚོ། ཞུས་དག་པ་བཅུ་སྐོར། པར་རྐོ་བ་སུམ་བརྒྱ་ལྷག་ཙམ། ཤིང་བཟོ་བ། སྣག་ལས་པ། ཤོག་ལས་པ་སོགས་ཀྱིས་ལས་ཚན་མང་པོས་བར་མ་ཆད་པར་ལོ་ངོ་མང་པོར་བརྩོན་པ་ཆེན་པོས་བསྒྲུབས་ཏེ། ཡི་གེ་བ་དང་པར་རྐོ་བ་སོགས་ལ་ཡོན་དང་གནང་སྦྱིན་གྱ་ནོམ་པས་ཚིམ་པར་མཛད་དོ།། འདིའི་དཀར་ཆག་ནི་འཇམ་དབྱངས་བཞད་པ་སྐུ་ཕྲེང་གཉིས་པ་འཇིགས་མེད་དབང་པོས་མཛད། བསྟན་འགྱུར་གྱི་པར་ཤིང་འདི་ཡང་བཀའ་འགྱུར་གྱི་པར་ཤིང་དང་ཆབས་ཅིག་མཱ་ཀྲུའུ་དབྱིན་གྱིས་ཅོ་ནེ་དགོན་ཆེན་མེར་སྲེག་བཏང་བ་དང་མཉམ་དུ་འཇིག་སོང་ངོ།།

67. ༼སྡེ་དགེའི་བཀའ་འགྱུར༽འདི་ནི་སྡེ་དགེའི་ས་སྐྱོང་རྒྱལ་ཐོག་ཞེ་གཉིས་པ་བསྟན་པ་ཚེ་རིང་དགུང་ལོ་ང་གཉིས་སུ་ཕེབས་པ་སྟེ་ཀརྨ་བསྟན་པའི་ཉིན་བྱེད་གཙུག་ལག་ཆོས་ཀྱི་སྣང་བས་ས་སྐྱོང་ཉིད་ཀྱི་བཀའ་ནན་གསེར་སྦྲམ་ལྟར་ལྕི་བ་ཁུར་དུ་བཞེས་ཏེ། འཕང་ཐང་དང་ལྡན་དཀར་གྱི་ཐོག་མའི་བཀའ་འགྱུར་ལས་རིམ་བཞིན་བཀའ་གྱུར་བྲིས་མ་དང་པར་མ་ཇི་སྙེད་པ་སྟེ་སྔོན་བྱོན་གྱི་མཁས་པ་དང་ལོ་པཎ་རྣམས་ཀྱིས་གཏན་ལ་ཕབ་ཅིང་ལེགས་གྲུབ་བྱུང་བ་དག་ལ་ཁུངས་བཅོལ། ལས་གཞི་འདི་དབུ་བཙུགས་པ་ནས་ཡི་གེ་བ་མང་པོ་འདུས་པ་ལ་སྦྱོང་བརྡར་བྱེད་དུ་བཅུག་པ་དང་དཔོན་ཡིག་པ་དྲུག་ཅུ་ལྷག་ཙམ་གྱིས་ལྷུན་འགྲུབ་སྟེང་གི་བླ་བྲང་ཆེན་མོའི་ནང་དུ་པར་ཡིག་འབྲི་བའི་གྲྭ་བཙུགས་པ་དང་། པར་རྐོ་བ་བཞི་བརྒྱ་ལྷག་དང་། ཞུས་དག་པ་བཅུ་སྐོར་སོགས་ལས་ཚན་མང་བ་བར་མ་ཆད་དུ་བསྟེན་པའི་ལོ་ངོ་ལྔའི་རིང་བསྒྲུབས་པ་ཡིན་ནོ།།དེ་ཡང་པར་ཤིང་སྲུང་སྐྱོབ་དང་ཡུན་རིང་བཀོལ་སྤྱོད་ཆེད་མཚལ་པར་དུ་བགྱིས་ཤིང་། ཡི་གེ་གསལ་ཞིང་དག་པ་དང་བརྐོས་ཟབ་ཅིང་གས་འཁྱོག་སོགས་མ་མཆིས་པས་ད་ལྟ་རྒྱལ་ཁབ་ཕྱི་ནང་ཀུན་ཏུ་སྐད་གྲགས་ཆེ།
    ༼སྡེ་དགེའི་བསྟན་འགྱུར༽འདིའི་པར་གཞི་སྡེ་དགེ་ས་སྐྱོད་བསྟན་པ་ཚེ་རིང་གིས་སྦྱིན་བདག་དང་འགོ་འཛིན་གནང་ཞིང་། ཞུས་ཆེན་པ་ཚུལ་ཁྲིམས་རིན་ཆེན་༼ཁོང་ནི་སྤྱི་ལོ་༡༦༩༧་ནས་༡༧༧༤་བར༽་མཆོག་གིས་ཞུ་དག་གི་འགན་བཞེས་ཏེ། འཕྱོང་རྒྱས་འཕྱིང་བ་སྟག་རྩེའི་ཕོ་བྲང་དང་ཞ་ལུ་གསེར་ཁང་གི་བསྟན་བཅོས་འགྱུར་རོ་ཅོག་ལ་ཕྱི་མོར་བཅོལ་ནས་དེ་བཞི་ནས་ན་ཡར་ལུང་བས་བཞེངས་བའི་བསྟན་བཅོས་འགྱུར་རོ་ཅོག་ལས་རིམ་པར་བརྒྱུད་དེ་མཆེད་པའི་བུ་དཔེ་སྟེ་ཆོས་སྡེ་ཆེན་པོ་སེ་འབྲས་དགའ་གསུམ་དང་དེར་མ་བཞུགས་པ་བུ་སྟོན་རིན་པོ་ཆེ་ནས་པར་གཞི་འདིའི་བར་གསར་དུ་འགྱུར་བ་དང་། མདོ་དང་སྔགས་དང། རིག་གནས་ཀྱི་དཔེ་རྙིང་ཁུངས་བཙུན་པ་སྔར་མ་ཆུད་པ་རྣམས་དང་བཅས་བ་ཁྱོན་བསྡོམས་བདུན་བརྒྱ་དང་བརྒྱད་ཅུ་ཙམ་བསྣན། དེ་དག་ལས་མཆེད་པའི་དཔེ་རྒྱུན་མང་པོ་རྣམས་ནི་དབུས་གཙང་གི་གདན་ས་ཆེན་པོ་རྣམས་སུ་དར་རྒྱས་ཤིན་ཏུ་ཆེ་བར་བཞུགས། པོད་ཚན་དུ་དབྱེ་ན། བསྟོད་ཚོགས། རྒྱུད་སྡེ། ཤེར་ཕྱིན། དབུ་མ། མདོ་སྡེ། སེམས་ཙམ་པ། མངོན་པ། འདུལ་བ། སྐྱེས་རབས། དཔག་བསམ་འཁྲི་ཤིང་། སྤྲིངས་ཡིག ཚད་མ། སྒྲ་རིག་པ། གསོ་བ་རིག་པ། བཟོ་རིག་པ། སྣ་ཚོགས་སྐོར་གྱི་པོ་ཏི་བཅས་སོ།། པར་གཞི་འདི་ཉིད་ཁུངས་དག་མང་པོར་གོ་བསྡུར་དང་ཞུས་དག་ལེགས་པར་སོང་བ་དག་ལ་ཕྱི་མོར་བཅོལ་བ་དང་། ཡིག་གཟུགས་ལེགས་པ། ཚིག་གི་འབྲུ་གསལ་བ། ཡི་གེའི་དག་ཐོན་པ། རྐོས་ཟབ་པ་སོགས་ཀྱི་ཁྱད་ཆོས་ལྡན།
    ༼ སོག་པོ་ཁུ་རེ་བཀའ་འགྱུར༽ སྤྱི་ལོ་༡༩༠༨་ལོར་ཁལ་ཁ་རྗེ་བཙུན་དམ་པའི་གདན་ས་དགའ་ལྡན་བཤད་སྒྲུབ་གླིང་དུ། སྡེ་དགེའི་དཔར་མར་ཕྱི་མོར་བཅོལ་ཏེ་བཀའ་འགྱུར་པར་བསྐྲུན་གྱི་དབུ་བཙུགས་ཀྱང་མཇུག་མ་རྫོགས་པར་འཕྲོ་ཅན་དུ་ལུས་པ་ན། སྤྱི་ལོ་༡༩༡༠་ལོར་ཁལ་ཁ་རྗེ་བཙུན་དམ་པའི་སྐུ་ཕྲེང་བརྒྱད་པ་ཆོས་ཀྱི་ཉི་མ་རིན་པོ་ཆེ་དང་། ཨེར་ཏི་ནི་ཆེ་ཚང་ནོ་ཡོན་དོན་འགྲུབ་ལྷ་མོ་རྣམ་གཉིས་ནས་བཀའ་འགྱུར་པར་གཞི་ཆ་ཚང་ཞིག་བསྒྲུབ་དགོས་པའི་བཀའ་མཆིད་ཕེབས་པ་ལྟར་སྔ་མའི་འཕྲོ་བསྐྱངས་ཏེ་དཔར་བ་ཏཱ་ཁུ་རེའི་དགོན་དུ་བཞུགས།

68. ༼ལྷ་སའི་བཀའ་འགྱུར༽ འདི་ནི་རྒྱལ་དབང་བཅུ་གསུམ་པའི་རིང་ལ། འབྲི་གུང་སྒོ་ལྕོག་སྤྲུལ་སྐུ་མཆོག་གིས་མཐུན་རྐྱེན་བསམ་གྱིས་མི་ཁྱབ་པ་སྦྱར་བ་ལ་བརྟེན། རྒྱལ་དབང་བཅུ་གསུམ་པ་ཐུབ་བསྟན་རྒྱ་མཚོའི་ཞལ་སྔ་ནས་ཀྱི་བཀའ་ལུང་གསེར་གྱི་མེ་ཏོག་སྤྱི་བོར་བསྩལ་བ་བཞིན། མཁས་པའི་དབང་པོ་རྗེ་བཙུན་ཤེས་རབ་རྒྱ་མཚོ་མཆོག་གིས་གྲུ་འཛིན་པོ་ཏ་ལར་ཕེབས་ནས་ལོ་དྲུག་ཙམ་གྱི་རིང་ལ་བུ་སྟོན་རིན་པོ་ཆེའི་གསུང་འབུམ་པོ་ཏི་ཉེར་དགུའི་ཞུ་དག་ལེགས་པར་གྲུབ་པ་དང། སྤྱི་ལོ་༡༩༢༡་ལོར་རྒྱལ་དབང་བཅུ་གསུམ་པ་ཆེན་པོས་བཀའ་ཡིག་ཕེབས་དོན། བཀའ་འགྱུར་ནི་བོད་ཀྱི་མཁས་པ་སྔ་རབས་པ་དང་རྒྱ་གར་མཁས་པ་མང་པོས་བོད་གངས་ཅན་གྱི་ལྗོངས་སུ་འགྱུར་བར་མཛད་པའི་མཛད་རྗེས་བླ་ན་མེད་པ་ཞིག་ཡིན་ཕྱིར་། དུས་ཚོད་རིང་པོ་ཕྱིན་པའི་དབང་གིས་པར་ཤིང་ལ་ལ་རྙིང་ནས་ཡི་གེ་མི་གསལ་བ་དང་། ལ་ལ་ཆད་པ་མི་ཉུང་བ་བྱུང་ཡོད། ལྷག་པར་ལྷ་སའམ་ཡང་ན་རྩེ་ཕོ་བྲང་དུ་བཀའ་འགྱུར་གྱི་པར་གཞི་ཆ་ཚང་ཞིག་མེད་སྟབས་ངས་སྦྱིན་བདག་བྱེད། ཁྱེད་རང་གིས་ཞུ་དག་དང་ཞུ་དག་གི་བྱ་བར་འགན་ཁུར་ནས་རྒྱལ་བའི་བསྟན་པ་དང་འགྲོ་བ་ལ་ཕན་པ་ཞིག་བྱེད་ན་ཇི་འདྲ་རེད། ངའི་བསམ་པར་དགེ་བཤེས་ལ་ལ་གཞུང་ལ་མཁས་ན་རིག་གནས་ལ་མི་མཁས་པ་དང་། རིག་གནས་ལ་མཁས་ན་གཞུང་ལ་མི་མཁས་པས་ཡིན་ཞེས་བཀའ་ཕེབས་པ་ལ། ཁོང་གིས་ཀྱང་འདི་ནི་བོད་མི་རིགས་ཀྱི་རིག་གཞུང་ཉམས་པ་སོར་ཆུད་དང་མ་ཉམས་གོང་སྤེལ། བསྟན་པ་ཡར་རྒྱས་ལ་ལག་རྗེས་ཆེན་པོ་ཞིག་འཇོག་པའི་གོ་སྐབས་བཟང་པོ་ཞིག་ཡིན་པར་བསམ་ནས། ལགས་སོ།། ཞེས་རྒྱལ་དབང་ཐམས་ཅད་མཁྱེན་པའི་བཀའ་སྤྱི་གཙུག་ཏུ་བླངས་ནས་སྣར་ཐང་པར་སོགས་དང་གཞན་ཡང་བྲིས་མ་ཁག་ཅིག་གོ་བསྡུར་དང་ཕྱི་མོར་བགྱིས་ཐོག བཀའ་འགྱུར་པར་གསར་བཞེངས་ཀྱི་ཞུ་ཆེན་མཛད་དེ་ལོ་ངོ་བརྒྱད་ཙམ་གྱིས་པར་གཞི་གསར་བཞེངས་ལེགས་གྲུབ་བྱུང་བ་ནི་ད་ལྟའང་ང་ཚོའི་མིག་གིས་མཐོང་བ་དང་ལག་ཟིན་གྱི་ཡུལ་དུ་བཞུགས་པ་སྟེ་རྩེ་ཞོལ་གྱི་པར་དེ་ལགས་སོ།། དེ་ནི་ཤིང་པར་དུ་བཞེངས་བའི་བཀའ་འགྱུར་ལས་ཡི་གེ་ཆེ་ཤོས་ཡིན་ལ། ངོ་རེར་ཐིག་ཕྲེང་བརྒྱད་རེ། སྣག་པར་དུ་བགྱིས་པ། པར་གསལ་བ། ཡི་གེ་དག་པ། གཟབས་ལེགས་པ་བཅས་ཀྱིས་མཇལ་བ་པོ་རྣམས་ཀྱིས་བཟང་བསྟོད་བྱེད་བཞིན་པ་འདིའོ།།
    ༼ ནན་ཅིན་པར་མ༽སྤྱི་ལོ་༡༤༡༠་ལོར་ཏཱ་མིང་རྒྱལ་རབས་ཀྱི་གོང་མ་ཡུང་ལོ་གསེར་ཁྲིར་འཁོད་ནས་ལོ་བརྒྱད་པ་ན། གོང་མའི་ནང་བློན་ནམ་གསེར་ཡིག་པ་ཧོ་ཤིན་བོད་དུ་འབྱོར། རྗེ་ཙོང་ཁ་བའི་སྐུ་ཚབ་ཏུ་ཁོང་གི་དངོས་སློབ་བྱམས་ཆེན་ཆོས་རྗེ་ཤཱཀྱ་ཡེ་ཤེས་རྒྱ་ནག་ཏུ་གདན་དྲངས། དེ་དུས་སྣར་ཐང་གི་བཀའ་བསྟན་ཆ་ཚང་གཉིས་གདན་དྲངས་པ་དེར་ཕྱི་མོར་བཅོལ་ནས་བཀའ་འགྱུར་གྱི་པར་ཆ་ཚང་ཞིག་བཞེངས་སོ།། དེའི་དཔར་ཕུད་དང་པོ་རི་བོ་རྩེ་ལྔར་ཕུལ་བ་དང་། དེ་ནས་བོད་དུ་མཚུར་ཕུ་ཀརྨ་བ་དང་རྗེ་ཙོང་ཁ་བ་བཅས་ལ་ཕུལ། དེ་ལས་ཚར་གཅིག་ད་ལྟར་ཡང་སེ་ར་ཐེག་ཆེན་གླིང་སྔགས་པ་གྲྭ་ཚང་གི་བཀའ་འགྱུར་ལྷ་ཁང་དུ་བཞུགས་པར་གྲགས། དེ་ལ་ཡི་གེ་དག་པ་དང་། སྒོས་སུ་བྲིས་ལེགས་པ། པར་ངོས་སྙོམས་པ། སྣག་ལེབ་དང་བྲལ་བ་སོགས་ཀྱི་ཆ་ནས་ནན་ཅིན་ཟངས་པར་དུ་གྲགས།
    ༼ པེ་ཅིང་པར་མ༽ དེ་ལ་ཝན་ལིས་པར་མ་དང་ཁང་ཞི་པར་མ་གཉིས་ཡོད་པར་བཤད་པ་ལས་དང་པོ་ཝན་ལིས་པར་མ་ནི། ༡༥༩༤་ལོར་ཏཱ་མིང་རྒྱལ་རབས་ཀྱི་གོང་མ་ཝན་ལིས་གསེར་ཁྲིར་འཁོད་ནས་ལོ་ཉི་ཤུ་རྩ་གཉིས་པ་ལ། ཀརྨ་ཞྭ་དམར་སྐུ་ཕྲེང་དྲུག་པ་ཆོས་ཀྱི་དབང་ཕྱུག་གིས་ཞུ་དག་གི་འགན་འཁྲི་ལྷུར་བཞེས་ཏེ་། ནན་ཅིན་དཔར་མ་སྟེ་ཡུང་ལོའི་པར་མ་ལ་མ་ཕྱི་བཅོལ་ནས་པར་སློག་གི་བཞེངས་པ་དང་། དེའི་ཞར་ལ་བསྟན་འགྱུར་པོ་ཏི་ཞེ་གཉིས་ཀྱི་པར་བཞེངས་པ་ལ་པེ་ཅིང་པར་མའམ་ཝན་ལིས་པར་མ་ཟེར་རོ།།གཉིས་པ་ཁང་ཞི་པར་མ་ནི་མིན་རྒྱལ་རབས་ཏེ་མན་ཇུའི་གོང་མ་ཁང་ཞིའམ་བོད་སྐད་དུ་བདེ་སྐྱིད་རྒྱལ་པོའི་བཀའ་ལྟར། སྤྱི་ལོ་༡༦༨༣་གོང་མ་ཉིད་ཀྱི་སྲིད་ལོ་ཉེར་གཉིས་པར་གོང་མ་སྔ་མ་དག་གི་རིང་ལ་བཞེངས་པའི་པར་གཞི་ཕྱི་མོར་བགྱིས་ཏེ་བཞེངས་བར་བཤད། ད་ལྟར་པེ་ཅིང་པར་མར་གྲགས་པའི་བོད་ཀྱི་བཀའ་འགྱུར་ཞེས་པ་དེའོ།། དེའི་པར་ཤིང་སྤྱི་ལོ་༡༩༠༠་ལོར་མཉམ་འབྲེལ་རྒྱལ་ཁབ་བརྒྱད་ཀྱི་དྲག་པོའི་དཔུང་གིས་སྲེག་ཟའི་ཕུང་བོར་གཏིམས་སོ།།
    ༼ རྭ་རྒྱའི་པར་མ༽ འདི་ནི་སྤྱི་ལོ་༡༨༡༤་ལོར་རྭ་རྒྱའི་དགོན་གྱི་གདན་ས་པ་ཤིང་བཟའ་ཧོ་ཐོག་ཐུ་སྐུ་ཕྲེང་དང་པོ་བློ་བཟང་དར་རྒྱས་ཀྱིས་ཐུགས་ཁུར་དང་སྦྱིན་བདག་གནང་། སྡེ་དགེའི་མཚལ་དཔར་མ་ལ་ཕྱི་མོར་བཅོལ་ནས་པར་དུ་བཞེངས་པ་རྭ་རྒྱའི་པར་ཁང་ཆེན་མོར་བཞུགས་སུ་གསོལ་བ་ལ་ཪྭ་རྒྱའི་བཀའ་འགྱུར་ཟེར། ད་དུང་ཆབ་མདོའི་པར་དང་བླ་བྲང་པར་སོགས་ཡོད་པར་བཤད།

69. ༼བརྙན་པར་བཀའ་བསྟན་སྐོར༽སྤྱི་ལོ་༡༩༣༠་ལོར་དུས་ཙ་ན་འཇར་པན་གྱིས་རྒྱ་ནག་ཡུལ་གྲུར་མང་པོར་བཙན་འཛུལ་བྱས་པ་དང་དུས་ཟིང་གི་གོ་སྐབས་དེ་ལ་བསྟུན་ཏེ་པེ་ཅིང་བོད་ཡིག་པར་མའི་བཀའ་བསྟན་ཆ་ཚང་བ་གཅིག་ཕྱིར་དྲངས་ཤིང་བསྡུས་དཔར་དུ་བརྒྱབ་ཏེ་དེ་གའི་རྒྱལ་ས་ཏོན་ཅིན་དུ་བཞུགས་སུ་གསོལ། སྤྱི་ལོ་༡༩༥༥་ནས་༡༩༦༡་བར་འཇར་པན་ཏཱ་ཀུའུ་སློབ་གྲྭ་ཆེན་མོའི་བོད་ཀྱི་བཀའ་བསྟན་ཞིབ་འཇུག་ཚོགས་པས་གཙོ་འགན་བཞེས་ཏེ་རྩོམ་སྒྲིག་བྱས་ནས་པེ་ཅིང་གི་བཀའ་བསྟན་གཉིས་ཀ་བསྡུས་པར་དུ་བཏབ་ཅིང་། དེ་མཚུངས་ཀྱི་དཀར་ཆག་ཅིག་བསྒྲིགས་པ་བསྡོམས་པས་དེབ་བརྒྱ་དང་ང་གཅིག་བྱོན། པར་གཞི་དེའི་ཇུས་འགོད་དང་རྒྱབ་ཐུམ་གྱི་བཀོད་པ་ཧ་ཅང་མཛེས། མཚན་བྱང་གི་ཡི་གེ་གསེར་བྲིས་དང་དྲས་ཁ་ལ་གསེར་ཚོན་བྱུགས་པ། ངོ་རེ་ལ་བོད་དཔེ་ངོ་ལྔ་རེ་ཤོང་བ། ཡི་གེའི་འབྲུ་གསལ་ཞིང་དག་པས་ཀློག་པ་པོའི་ཡིད་དབང་འགུགས་པར་ནུས་སོ།།འཇར་པན་བརྙན་པར་དེ་ལས་རྒྱ་ནག་ཏུ་མི་ཉུང་བར་མཆེད་འདུག་སྟེ། དཔེར་ན་པེ་ཅིན་མི་རིགས་རིག་གནས་ཕོ་བྲང་དང་། ཀྲུང་དབྱང་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། ནུབ་བྱང་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། ལྷོ་ནུབ་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། མཚོ་སྔོན་མི་རིགས་སློབ་གྲྭ་ཆེན་མོའི་དཔེ་མཛོད་ཁང་། པེ་ཅིང་དཔེ་མཛོད་ཆེན་མོ་སོགས་སུ་བཞུགས་སོ།།
    ༼རྡོ་པར་སྐོར༽ རྡོ་ལ་བརྐོས་བའི་བཀའ་འགྱུར་ནི་མགོ་ལོག་ཁོངས་གནམ་ལྕགས་རི་འོད་འབར་ཏེ་དབུས་གཙང་གཉིས་པར་གྲགས་པའི་ལྷ་ཁང་ཞིག་ཏུ་རྡོ་ལ་བཞེངས་པའི་བཀའ་བསྟན་མང་པོ་ཡོད་རབས་འདུག དེ་བཞིན་སྟོང་ཇུ་མཁར་དགོན་སོགས་ལ་ཡོད་པ་རིག་གསར་དུས་སུ་ཤུལ་མེད་དུ་བཏང་བ་རེད།

70. མིག་བརྒྱད་པ་ལེགས།
    བདག་གིས་ཚིག་བརྗོད་གཅིག་གཉིས་བྲིས་པ་ལས་འཕྲོས་ཏེ། ཁྱེད་ཀྱིས་བོད་ལྗོངས་ཀྱི་བཀའ་བསྟན་དག་གི་སྤར་ཤིང་གསར་བསྐྲུན་མཛད་ཚུལ་གྱི་ལོ་རྒྱུས་བོད་གཞོན་རིག་གཞུང་ལ་དོན་གཉེར་ཡོད་པ་ཀུན་ལ་ཕན་པ་ཞིག་བྲིས་མཛད་པར་བཀའ་དྲིན་ཆེ། སྣར་ཐང་དང་པེ་ཅིང་འདྲ་བ་ཡིན་ཞེས་ཐོས། སྡེ་དགེ་ལས་དེ་གཉིས་དག་པར་སྣང་། ཐམས་ཅད་དུ་དེ་འདྲ་ཡིན་ནམ་མ་ཡིན་ཡུན་རིང་མང་པོར་བལྟས་ན་མ་གཏོགས་རང་རེས་རྟོགས་མི་ཐུབ་པ་ལགས། ༡༩༥༨ལོར་བདག་བོད་ལ་ལོག་འགྲོ་མ་ཐུབ་པར་ཝ་ར་ཎ་སིར་སོང་སྟེ། ལེགས་སྦྱར་ལོ་མང་དུ་སྦྱང་ཐུབ་པའི་སྐལ་བཟང་བྱུང་བ་ལགས། དེར་དབྱངས་ཅན་མའི་ཕོ་བྲང་ཞེས་པའི་དཔེ་མཛོད་དུ། བོད་ཀྱི་བཀའ་བསྟན་སྡེ་དགེ་དང་། པེ་ཅིང་སྤར་མ་སོགས་ཡོད་པར་བདག་ཐོ་རྒྱབ་པའི་ལས་བྱེད་དུ་བསྐོས། དཔེ་མཛོད་དོ་དམ་པ་མཁས་དབང་ཞིག་བཞུགས་པ་དེས། ཁྱོད་ཀྱིས་ཐོ་རྒྱབ་དུས་དཔེ་ཆ་རྣམས་ལེགས་པར་བཀླགས་ཏེ་ཐོ་རྒྱོབས། མ་འོངས་པ་ན་ཁྱོད་བོད་ཀྱི་རིག་གཞུང་ལ་རྒྱུས་ཡོད་པ་ཞིག་ཆགས་ངེས་ཞེས་གསུངས་པ་ཡང་ཡང་དྲན་ནོ།།

71. ཕྱི་ནང་རིག་གནས་ཀུན་ལ་མཁྱེན་རྒྱ་ཡངས་བའི་ལ་སྟོད་བུ་ལགས། ཁྱོད་ནི་བོན་གྱི་ལར་ཞེན་དྲི་མ་མེད་པ་ཞིག་ཡོད་པ་འདི་གཟི་བརྗིད་རེད། ངས་ཁྱོད་ལ་དྲི་བ་ཞིག་འདྲི། བོན་པོ་ནང་པ་ཡིན་ནམ། འདི་ངའི་སེམས་ནང་གི་དཀའ་གནད་ཅིག་ཡིན། ནང་པ་ཡིན་མིན་གྱི་ཐད་ནས་དཔྱོད་ཚུལ་མང་གི་ལགས།

72. མཁྱེན་ཡངས་མིག་བརྒྱད་པ་ལགས།

    ངམས་རིང་བཀའ་བསྟན་ཟེར་བ་ཞིག་ཡོད་སྐད་འདུག་ཅིང་། བསྟན་འགྱུར་དཀར་ཆག་ཆོས་རྒྱལ་ཕྱོགས་ལས་རྣམ་རྒྱལ་གྱིས་བྲིས་པ་ཞིག་ཡོད་རབ་ཐོས་པས་དེའི་སྐོར་གསལ་བོ་ཞིག་གསུང་རྒྱུད་ཡོད་དམ།

73. མདོ་སྨད་རྩེ་ཁོག་རྫོང་གི་ཁོངས་གཏོགས་ཧོར་ཡུལ་ཚོའི་ས་ཆར་ཡོད་པའི་རྡོ་བརྐོས་བཀའ་འགྱུར་དེ་ནི་འཛམ་གླིང་གི་བཀའ་འགྱུར་རྡོ་བརྡོས་ཆེ་ཤོས་ཤིག་ཡིན་པར་བཤད་ལ། ང་རང་ལོ་བཅུ་གཉིས་ཙམ་ཡིན་དུས་རྟ་ལ་ཞོན་ནས་པཎ་ཆེན་རིན་པོ་ཆེ་མཆོག་ལ་མཇལ་ཁ་ཞུ་རུ་འགྲོ་དུས་རྡོ་བརྐོས་མ་ཎི་དེའི་འཁྲིས་ཤིག་བརྒྱུད་ནས་སོང་བ་ད་དུང་རོབ་ཙམ་ཞིག་དྲན་གི་འདུག

74. དྲྭ་གྲོགས་མིག་བརྒྱད་པ་ལགས།
    ཕྲན་བོན་པོ་ཡིན་རུང་མིན་རུང་བོན་ཆོས་གང་ལའང་དག་སྣང་སྦྱང་བ་ཅུང་ཙམ་ཡོད་ཅིང་གང་གིས་གཉའ་གནོན་བྱེད་པར་དེ་ལ་སྡོང་གྲོགས་བྱེད་པར་དགའ་མོས་ཡོད་མཁན་ཞིག་ཡིན་པ་ལས་ཆོས་ལུགས་འདི་ཞེས་ད་ལྟ་ངེས་པ་མེད།
    ཁྱེད་ནས་མཐོང་ཕུལ་ཆུང་ཞིང་ན་ཚོད་མ་སྨིན་པའི་བུ་ཆུང་ང་ལ་དེ་ལྟའི་བསྟོད་བསྔགས་གནང་བ་ནི་ཁ་དགེ་བའི་པྲ་མཚན་ཞིག་ཏུ་སེམས་བཞིན་ཡོད། བོན་པོ་ནང་པ་ཡིན་མིན་དེ་བལྟ་སྟངས་མི་འདྲ་བ་གཉིས་སུ་གྱེས་ཡོད། དེ་ནི། ཇི་སྲིད་འདུ་ཤེས་ཡོད་ཀྱི་བར། དེ་སྲིད་ཐེག་པའི་གྲངས་ལ་ཐུག་མཐའ་མེད། ཅེས་པ་ལྟར་ལགས། སྤྱིར་ནང་པ་ཞེས་པའི་གོ་དོན་ནམ་མཚན་ཉིད་དེར་གཞིར་བཟུང་ནས་དཔྱད་པ་དང་མནོ་བསམ་གཏོང་དགོས་པ་ལས་ངས་འདི་དང་འདི་ཞེས་ཐག་གཅོད་བྱེད་དཀའ།
    གྲུབ་མཐའ་རིན་ཆེན་འཕྲེང་བ་ལས། ནང་པའི་མཚན་ཉིད་དུ། སྙིང་ཐག་པ་ནས་དཀོན་མཆོག་གསུམ་ལ་སྐྱབས་སུ་འགྲོ་བ་དེ་བཞག་པ་དང། བོན་གྱིས་ཀྱང། མཆོག་གསུམ་སྐྱབས་གནས་སུ་འཛིན་པའི་གྲུབ་མཐར་བཞུགས་པའི་གང་ཟག་དེ་ལ་བརྗོད་ཅིང་དེས་ན་མཚན་ཉིད་དེ་ཡི་སྟེང་ནས་བོན་པོ་ནང་པ་ཡིན་མིན་དང་ནང་པ་དང་ནང་པ་མ་ཡིན་པའི་ཁྱད་པར་འབྱེད་དགོས།
    གཞན་ཡང་ཕྱི་ནང་གི་ཁྱད་པར་ལ། སྟོན་པ་དང་། བསྟན་པ། ལྟ་བ་གསུམ་གྱིས་སྒོ་ནས་ཁྱད་པར་འབྱེད་དེ། སྟོན་པ་ནི་སྐྱོན་ཀུན་ཟད་ཅིང་ཡོན་ཏན་རྫོགས་པ་དང། བསྟན་པ་སེམས་ཅན་ལ་འཚེ་བ་མེད་པ་དང། ལྟ་བ་རྟག་གཅིག་རང་དབང་ཅན་གྱི་དབག་གིས་སྟོང་པ་བཅས་གསུམ་ལ་བརྗོད། དེས་ན་དེ་ཡིས་ཀྱང་བོན་པོ་ནང་པ་ཡིན་མིན་དང་ཕྱི་ནང་གི་ཁྱད་པར་འབྱེད་ཚུལ་གོ་ནུས། ཕྱིས་བྱུང་མཁས་པ་འགའ་ཞིག་གིས་བོན་པོ་ཡིན་མིན་གྱི་སྐོར་ལ་དཔྱད་པ་དང་དགག་བཞག་མི་ཉུང་བ་བྱས་པའང་ཡོད་པ་ནི། དཔེར་ན། སྟག་ཚང་ལོ་ཙཱ་བ་དང་ཀུན་མཁྱེན་འཇམ་དབྱངས་བཞེད་པ་གཉིས་ལྟ་བུ་རེད།
    དེ་ཡི་སྐོར་ལ་མཁྱེན་པའི་ཐུགས་འདོད་ཡོད་ཚེ་ཕུལ་ཆོག
    མ་གཞི་ནས་ང་ཡང་སྔོན་མ་ང་ཡི་རྒན་ལགས་ཀྱིས་དེ་ཡི་སྐོར་ལ་གསལ་འགྲེལ་མང་པོ་ཞིག་གནང་ཡོད་ཅིང་སྐབས་དེར་ང་ལའང་ཁྱེད་དང་འྡར་བའི་དྭོགས་པ་རི་བོ་ཞིག་ཏུ་གྱུར་བྱུང། འོན་ཀྱང་ཕྱིས་སུ་དཔེ་ཀློག་གི་གོ་སྐབས་མང་ཙམ་བྱུང་བ་དང་དག་སྣང་དང་མཐོང་ཕུལ་ཀྱང་ཅུང་ཆེ་ཙམ་བྱུང་དུས་མིག་གཉིས་ཀར་ཕྱེས་ཏེ་ལྟ་དུས་སྔར་གྱི་རྒན་ལགས་ཀྱིས་གསུངས་པ་དེ་ནི་ཕྱོགས་གཅིག་གིས་གཟིགས་ཚུལ་ལས་ཕྱོགས་ཡོངས་ནས་གཟིགས་པའི་གནད་དོན་མ་ཡིན་པར་ངེས་ཤེས་སྐྱེས་བྱུང། དེས་ན་ཁྱེད་རང་ཡང་ཅུང་གུ་ཡང་ཙམ་གནང་གལ་ཆེ་བ་དང། ལར་ནས་ངེད་ཚོས་ཕ་རོལ་གྱི་འདོད་པ་འགོག་དགོས་ཚེ་ཕ་རོལ་གྱིས་འདོད་པའི་འདོད་གཞུང་རྣལ་མ་དག་དང་དེ་དག་ལ་རྒྱུས་མངའ་ཆེ་ཞིང་གཞུང་ལུགས་དེ་དག་ལ་སྐུ་ཚེ་སྐྱེལ་བའི་མི་སྣར་འདྲི་རྩད་བྱ་རྒྱུ་ནི་མེད་དུ་མི་རུང་བའི་ཆ་རྐྱེན་ལེགས་ཤོས་ཤིག་ཏུ་མཐོང། དེ་ང་ཡི་བསམ་ཚུལ་ཙམ་ལས། ཞུ་ཕྱོགས་ནོར་ན། གསན་ཕྱོགས་མ་ནོར་བར་གནང་བ་བཅས།
    ད་ལྟ་ང་ལ་དྭོགས་པ་ཆེ་ཤོས་ནི་སྔར་ནང་པའི་མཁས་པ་ཚོས་ཕྱི་རོལ་པ་ལ་དགག་པ་དག་ལའང་དཔྱད་གཞི་གལ་ཆེར་མཐོང་ནས་ཕྱི་རོལ་པའི་མཁས་པ་ཚོར་དྭོགས་འདྲི་ཞུས་དང་ཞུ་བཞིན་པ་ཡིན། མཁས་པར་མཆེས་པ་མང་པོ་ཞིག་ནི་རང་གི་རྒན་ལགས་ཀྱིས་གསུངས་པ་དེར་གཙོ་བོར་ཚད་འཛིན་ཆེ་དྲགས་པ་དང། གཞན་དུ་རང་གི་མདུན་ལྕོག་གི་སྟེང་དུ་གང་ཡོད་པའི་དཔེ་ལ་གང་ཡོད་པར་ཡིད་ཆེས་བློས་བཀལ་གྱིས་རྩོམ་གྱི་གླེགས་བམ་མང་པོ་ཞིག་གནང་ཡོད་པས་དེ་ཚོར་དྭོགས་གཞི་ཤིན་ཏུ་ནས་ཆེ།
    ད་བདེ་མོ་བྱོས།

75. ནོར་བཅོས།
    བོན་པོ་ནང་པ་ཡིན་མིན་ཞེས་བཅོས་རོགས།

76. འདི་ནས་ཕྲན་གྱི་དོག་གཞི་ཞིག་ལ་སྟོད་པ་ལ་ཕུལ་ན་བསམ་གི སྤྱིར་ང་ནི་བན་དང་བོན་ཆོས་དང་ལུགས་གང་ལ་ཡང་ཡིད་ཆེས་རྩད་ནས་མེད་མཁན་ཞིག་ཡིན། གང་ཡིན་ཞེ་ན། རང་ཉིད་ཀྱིས་དཔྱད་པའི་ལམ་ནས་ད་དུང་གནས་ལུགས་གང་ཡང་མ་མཐོང་ཞིང་། གཞན་ཟེར་གྱི་རྗེས་སུ་རྒྱུགས་པ་ལ་འདོད་མོས་མེད་པས་རེད། ཡིན་ཡང་འདི་ནས་ཁྱེད་ཅག་གིས་ཡང་ཡང་གླེང་བཞིན་པའི་བན་བོན་གཉིས་ལ་ལོ་རྒྱུས་དང་ཆ་ལུགས་ཙམ་ལས་ལྟ་གྲུབ་ཀྱི་ཐོག་ན་འགལ་བ་ཅི་ཞིག་ཡོད་པ་རེད། ངས་བསམ་ན་ཆོས་ལུགས་ཤིག་གི་འགལ་འབྲེལ་བཤད་དུས་ཆ་ལུགས་དང་ལོ་རབས་སྔ་ཕྱི་གཅིག་མིན་གཙོ་བོ་མ་ཡིན་པར་ལྟ་གྲུབ་ཀྱི་འགལ་འབྲེལ་གཙོ་བོ་བཤད་དགོས་ནི་རེད། དེས་ན་ཁྱེད་ཅག་གི་དང་པོ་བན་བོན་གྱི་གཞི་རྩའི་ལྟ་གྲུབ་ཀྱི་ཁྱད་པར་ཞིག་གླེང་ན་ཉན་འདོད་ཡོད། དེ་ཡང་ལྷག་པར་ཁྱེད་ཀྱིས་བན་བོན་གྱི་གཞུང་ལུགས་དགེ་རྒན་གྱི་བཤད་པ་ཙམ་མ་ཡིན་པར་ཞིབ་འཇུག་མཐིལ་ཕྱིན་གནང་བར་ཞལ་བཞེས་གནང་འདུག་པས་དེའི་སྐོར་ནས་ཅིག་གསུངས་རོགས་ཞུ།

77. གྲོགས་མེགརྒན་ལགས།
    རེ་བསྐུལ་གནང་བར་ཐུགས་རྗེ་ཆེ། བན་བོན་གཉིས་ཀྱི་དབུ་མའི་ལྟ་གྲུབ་སྐོར་ལ་ཡག་པོ་བྱེད་དེ་གཟིགས་གནང་དང་དེ་ནས་མཁྱེན་ཐུབ་ཀྱི་རེད། དེ་མདོ་ལུགས་ཀྱི་ཀྟ་གྲུབ་གཙོ་བོ་དེ་རེད། མདོར་ན། མདོ་ལུགས་ལ་བོན་ནམ་ཆོས་ཐམས་ཅད་བདེན་པར་གྲུབ་པ་གཅིག་ཀྱང་མ་གྲུབ་ཅིང་རང་གི་ངོ་བོ་རྟེན་ཅིང་འབྲེལ་བར་ཙམ་དུ་གནས་པའམ་ཐ་སྙད་ཙམ་དུ་འདོད་པ་བན་བོན་གཉིས་ཀའི་དབུ་མའི་ལྟ་བར་བཞེད་ཚུལ་མཐུན།
    སྔགས་ལུགས་ལ་བཀའ་རྒྱུད་པའི་ཕྱག་རྒྱ་ཆེན་པོ་དང་ས་སྐྱ་བས་སེམས་འོད་གསལ་ཆེན་པོ་ཞེས་པ་དང་རི་བོ་དགེ་ལུགས་པ་དང་སྔ་འགྱུར་རྙིང་མའི་གསང་སྔགས་ཀྱི་ཐེག་པ་དང་བོན་ལུགས་ཀྱི་གསང་སྔགས་ཀྱི་ཐེག་པའི་ལྟ་གྲུབ་རྣམས་ཕལ་ཆེར་གཅིག་མཚུངས་ཡིན། རྫོགས་ཆེན་གྱི་སྐོར་ལ། སྔ་འགྱུར་རྙིང་མའི་ལུགས་དང་བོན་གྱི་ལུགས་ཀྱི་རྫོགས་ཆེན་གཉིས་ནི་སྔ་དུས་སུ་ལྟ་གྲུབ་གཅིག་གྱུར་ཅིག་དུ་བྱུང་མོད་དེང་སང་སྔ་འགྱུར་བའི་མཁས་པ་ལ་ལས་རྫོགས་ཆེན་གྱི་ལྟ་བ་དེ་སེམས་ཙམ་པའི་ཆོས་ཐམས་ཅད་སེམས་ཙམ་དུ་འདོད་པའི་གསལ་བ་དེ་དང་དབུ་མའི་ལུགས་ཀྱི་ཆོས་ཐམས་ཅད་བདེན་གྲུབ་ཀྱིས་སྟོང་པའི་སྟོང་པ་གཉིས་ཟུང་དུ་འབྲེལ་བའི་ལྟ་བ་ཞིག་ལ་འདོད་པར་གོ་ཐོས་བྱུང། དེ་ཡིན་ན་གཅིག་མཚུངས་མིན། དེ་མིན་རྒྱལ་བ་ཀློང་ཆེན་རབ་འབྱམས་པ་ལས་སོགས་སྔ་འགྱུར་གྱི་མཁས་པ་ཁྱུ་མཆོག་ལྟ་བུས་བཞེད་པའི་རྫོགས་ཆེན་གྱི་ལྟ་བ་ནི་བོན་དང་གཅིག་མཚུངས་སུ་གནས་ཡོད།

78. འབྲུག་པ་ཀུན་ལེགས་ཀྱིས། སྟོན་པ་གཤེན་རབ་སྤྱན་རས་གཟིགས་དབང་ཡིན།།གཙང་མའི་བོན་དང་ཆོས་ལ་ཁྱད་པར་མེད།།ཅེས་གསུངས་འདུག་པ་ལ་གཞིགས་ན་སྤྱིའི་ཆ་ནས་བོན་པོ་ནང་པ་ཡིན་ཟེར་མི་རུང་ཡང་། ཕྱིས་ཀྱི་བོན་པོ་དག་ནང་པ་ཡིན་ཟེར་ན་མི་ཆོག་པ་མེད་སྙམ། གང་ཡིན་ཟེར་ན། སྔར་གྱི་འཁྱར་བོན་སོགས་ལྟ་བའི་ཆ་ནས་མི་སྟེགས་པ་དང་ཁྱད་པར་མེད་ལ། རྗེས་སུ་ཆོས་ལུགས་བར་ཤུགས་རྐྱེན་གཏིང་ཟབ་པ་ཞིག་ཐེབས་ནས་ལྟ་གྲུབ་ལའང་འགྱུར་བཅོས་ཐེབས་པ་དང་།། ཕྱོགས་མཚུངས་དམར་མཆོད་དང་འཚེ་བ་ཆོས་སུ་སྨྲ་བའི་ལུགས་སྲོལ་དེ་དག་འཇའ་ལྟར་ཡལ་ཚར་བ་རེད། དེ་དག་ལ་གཙང་མའི་བོན་ཟེར་བ་མིན་ནམ།

79. བཀའ་གདམས་གླེགས་བམ་ལས།
    ང་ནི་མགོན་པོ་སྤྱན་རས་གཟིགས།
    བོན་གྱི་གཤེན་ལྷ་དཀར་བརྗོད།
    དེ་ལའང་དྲང་དོན་གྱི་འགྲེལ་བ་ཞིག་དགོས་འདུག སྡུག་ས་དེ་ངེས་དོན་དང་ལེགས་བསྟོད་དེ་ལ་དྲང་དོན་གྱི་འགྲེལ་རེ་དགོས་པ་འདུག

80. བཀའ་གདམས་གླེགས་བམ་ལས།
    ང་ནི་མགོན་པོ་སྤྱན་རས་གཟིགས།
    བོན་གྱིས་གཤེན་ལྷ་དཀར་བརྗོད།
    དེ་ལའང་དྲང་དོན་གྱི་འགྲེལ་བ་ཞིག་དགོས་འདུག སྡུག་ས་དེ་ངེས་དོན་དང་ལེགས་བསྟོད་དེ་ལ་དྲང་དོན་གྱི་འགྲེལ་རེ་དགོས་པ་འདུག

81. ལ་སྟོད་ལགས་ནས་དྲིས་ལན་གནང་བ་བཀའ་དྲིན་ཆེ། འོན་ཀྱང་ཕྲན་ལ་ད་དུང་དོག་པ་ཧ་ཅང་མང་པོ་སྐྱེ་རུ་བཅུགས་སོང་། གང་ཡིན་ཞེ་ན། བོད་ཀྱི་ས་དགེ་བཀའ་རྙིང་ཚོ་ལྟ་གྲུབ་ཀྱི་སྟེང་ན་མི་མཐུན་ས་ཤིན་ཏུ་མང་རབས་ཡོད་ཀི དེ་ལས་ཀྱང་དབུ་མའི་ལྟ་བའི་སྟེང་ན་དབུ་མ་སྔ་རབས་པ་དང་ཕྱི་རབས་པའི་བར་ཁྱད་པར་ཆེ་བར་སྣང་། དེ་ཡང་ཐ་སྙད་ཀྱི་འཇོག་སྟངས་ཕྲ་མོ་ཙམ་མ་ཡིན་པར། དོན་དམ་ལྟ་བ་རང་གི་སྟེང་ནས་ཡིན་ཚོད་རེད། འདི་དག་ལ་རྩོད་ཡིག་ཀྱང་སྐད་གྲགས་ཅན་མང་པོ་འདུག དེ་ཡང་དབུ་མ་རང་སྟོང་གི་ཕྱོགས་དང་གཞན་སྟོང་གི་ཕྱོགས་སོགས་ཧ་ཅང་མང་གི སྔགས་ལ་ཡང་འགྲེལ་ཚུལ་མང་ཚོད་རེད། དེ་དག་གི་ནང་ནས་བོན་པོ་གང་དང་མཐུན་ནི་རེད། དེང་སང་རྙིང་མའི་ནང་རྒྱལ་བ་ཀློང་ཆེན་པའི་རྫོགས་ཆེན་གྱི་ལྟ་བ་ལས་སུ་བཤད་མཁན་ཞིག་ཨེ་ཡོད་ན། ཡོད་ན་ངོ་མ་ཡ་མཚན་རེད། ཁྱད་ཆོས་ཤིག་ཡོད་རྒྱུ་རེད། ངོ་སྤྲོད་གནང་ཐུབ་ན་བཀའ་དྲིན་ཆེ། ང་ནི་གསར་བ་ལ་ལྟ་ཀློག་བྱེད་རྒྱུར་ཧ་ཅང་དགའ་མཁན་ཞིག་ཡིན།

82. ལྟ་བའི་གཞི་བཟུང་ས་གཅིག་པ་རེད་ངས་མཐུན་པའི་ཕྱོགས་ནས་བཤད་མོད་མི་མཐུན་པའི་ཕྱོགས་ཀྱང་མང།
    ང་ཚོས་དག་སྣང་སྦྱོང་དགོས་ན་མཐུན་པའི་ཕྱོགས་དེ་ཚོར་ཤོད་དགོས།
    གཏིང་ཟབ་མོའི་ཐོག་ནས་དཔྱད་ན་མི་མཐུན་པ་ཤིན་ཏུ་ནས་མང། ད་ལྟ་༧གོང་ས༧་མཆོག་ནས་ཀྱང་གནམ་གྲུའི་ཚོན་མདྷོག་དང་དབྱིབས་མི་འདྲ་བ་ལས་གཞི་སླེབ་ས་གཅིག་པ་ཡིན་པར་ལྟར་ནང་པའི་གྲུབ་མཐའ་ཐམས་ཅད་ཀྱང་དེ་བཞིན་ནོ་གསུངས་པར་དགོས་པ་ཆེ། ལྷག་པར་དུ་བན་བོན་གཉིས་ཀྱི་དབུ་མའི་ལུགས་ཀྱི་བདེན་གཉིས་འཇོག་ཚུལ་ཇི་ལྟར་ཡིན་མིན་༼ཝར་ན་བོད་ཀྱི་ཆེས་མཐོའི་གཙུག་ལག་སློབ་དཔོན་རྒྱ་གཞུང་གི་དགེ་རྒན་ཕུན་ཚོགས་དོན་གྲུབ་ལགས་ཀྱིས་དཔྱད་རྩོམ་གནང་བའི་དེབ་དེར་གཟིགས་དང་ཁོང་གིས་དཔྱད་པ་ཡག་པོ་ཞིག་གནང་འདུག དེབ་དེ་ཕྱི་ལོ་༢༠༠༠་ལོར་པར་སྐྲུན་གནང་བ་ཞིག་ཡིན་འདུག འབྲེལ་བ་གནང་ན་ཝར་ན་བོད་ཀྱི་དཔེ་མཛོད་ལ་གནང་ན་ཐོབ་ངེས་སོ།་

83. གྲོགས་པོ་ལ་སྟོད་ལགས། ང་ལ་འདི་ན་དེབ་མང་པོ་མེད་པས་གཞིབ་བསྡུར་བྱེད་རྒྱུ་ཧ་ཅང་དཀའ་འུ། སྤྱིར་ཆོས་ལུགས་ཚང་མ་མཐུན་ལམ་བྱེད་རྒྱུ་གལ་ཆེན་པོ་ཡིན་ལ། ལུང་རིགས་ཀྱིས་གནས་ལུགས་འཚོལ་རྒྱུ་དེ་ལས་གལ་ཆེ་ནི་རེད་བསམ་གི དཔེར་ན་ཀླུ་སྒྲུབ་དང་ཐོག་མེད་གཉིས་ཀྱི་ལྟ་བ་ལ་བཞེད་མཚམས་མི་འདྲ་བ་མང་ཡང་། ཐེག་ཆེན་ནང་པ་ཚོས་གཉིས་ཆར་ལ་ཤིང་རྟ་རྣམ་གཉིས་ཞེས་བསྔགས་བརྗོད་དང་དད་གུས་ཞུ་བ་ལས་མི་གུས་པ་དང་སྐུར་འདེབས་བྱེད་སྲོལ་མེད། དེའི་ཕྱིར་ལྟ་བ་མི་འདྲ་བ་བཤད་ན་མཁས་པ་ཚོའི་ཐུན་མིན་གྱི་ཁྱད་ཆོས་ངོམ་བྱེད་ལས་ཅང་མ་རེད། དེ་ལས་ཐམས་ཅད་གཅིག་པ་རེད་ཅེས་ལྷོད་ལྷོད་བྱེད་པ་དེ་ཡང་བསྟན་པ་ལ་ཤ་ཞེན་ཡོད་པ་ཡིན་མིན་ཡང་ཤེས་དཀའ་བ་ཞིག་རེད། སྤྱིར་གྲུབ་མཐའ་གཅིག་མིན་ནི་ལྟ་བ་གཅིག་མིན་གྱིས་འཇོག་དགོས་པ་ཞིག་རེད་འདུག དེས་ན་བན་བོན་གཉིས་གྲུབ་མཐའ་གཅིག་རེད་ཅེས་ལབ་ན་སྐྱོན་ཡོད་པ་ཨེ་རེད།

84. མེགརྒན་ལགས་སྐྱར་དུ་ཕེབས་པར་དགའ་བསུ་ཞུ།
    ཁྱེད་ཀྱིས་གསུངས་པར་ཡི་རངས་ཡོད། བསྟན་པ་ལ་དག་ཐེར་ལོས་དགོས་དེ་ཡང་ལུང་རིགས་ཀྱི་རྩོད་པ་བྱེད་དེ་དགག་བཞག་ཟེར་བ་དེ་ལ་འཇིག་རྟེན་ལུགས་ཀྱི་ཁ་རྩོད་དང་གཏན་ནས་མི་མཚུངས། དེ་ནི་འཁོར་གསུམ་དང་ཚ་དང་ཁྱབ་ལོག་སོགས་ཇི་ལྟར་བཤད་རུང་ཞལ་གྱི་འཛུམ་མདངས་དང་ལུས་ཀྱི་རྣམ་འགྱུར་གཅིག་པོས་ཀྱང་མཚུངས་ཚུལ་མེད། དེས་ན་ལྟ་གྲུབ་ཀྱི་སྐོར་ལ་དགག་བཞག་ཇི་ལྟར་བྱས་པ་ཙམ་གྱིས་ཆོས་ལུགས་དེ་དང་དེ་ཡི་ལྟ་གྲུབ་རྣམ་པར་དག་པར་གྲགས་རྒྱུའི་རྒྱ་རྐྱེན་ཞིག་ཏུ་འགྱུར་ངེས། དེས་ན་བླུན་པོ་འགའ་ཞིག་གིས་མཁས་པ་ག་གེ་མོ་ཞིག་གིས་བླ་མ་དེ་དང་དེ་ལ་དགག་ཡིག་བྲིས་པར་ངོ་རྒོལ་དང་རྣམ་འགྱུར་ལས་སོགས་མ་དག་པའི་ཆ་མང་པོ་ཞིག་སྟོན་ཡོང་གི་རེད། དེ་ལྟར་མིན་པར་གོང་བཤད་བཞིན་དགག་ཡིག་བྲིས་པ་ཙམ་གྱིས་སྐྱོན་བརྗོད་རང་ཁ་མ་ཞིག་ག་ནས་ཆགས།
    བན་བོན་གཉིས་གྲུབ་མཐའ་གཅིག་ཏུ་བཟུང་མི་བཟུང་ཟེར་བ་དེ་ཡང་ཁས་ལེན་ལ་བལྟ་དགོས་ཀྱི་རེད། ནང་པའི་གྲུབ་མཐའ་ཡིན་པའི་དབང་དུ་བཏངས་ན་གཅིག་རེད། དེ་བཞིན་བོན་ལ་ཐེག་པ་རིམ་དགུ་རུ་འདོད་ཅིང་དེ་དག་ཀྱང་བོན་གྱི་གྲུབ་མཐའ་གཅིག་གི་ནང་དུ་འདུས་ཡོད་པས་བོན་གྱི་གྲུབ་མཐར་གཅིག་པ་རེད། དེ་བཞིན་ཆོས་རྒྱུད་བཞི་ཡང་སྟོན་པ་ཤཀྱ་ཐུབ་པའི་བསྟན་པའི་གྲུབ་མཐའ་འམ་ཆོས་ལུགས་སུ་གཅིག་ཡིན། འོན་ཀྱང་རང་རང་གི་རྟོགས་ཚད་སོ་སོ་ནས་ཡོད་པས་ཆོས་རྒྱུད་ཀྱང་སོ་སོ་ནས་ཡོད་པ་བཞིན་རེད། གང་ཞིག་ཆོས་ལུགས་གྲུབ་མཐའ་ཞིག་ལ་དགག་པ་བྱེད་འདོད་ཚེ་ཆོས་ལུགས་དེ་ཡི་ལྟ་གྲུབ་ཀྱི་སྟེང་ནས་འགོག་དགོས་པ་ལས་ཁྱོད་ཀྱི་ཁ་དང་ང་ཡི་སྣ་ཞེས་བཤད་ནས་ལ་དག་གི་མ་རེད། དེ་བཞིན་མནའ་བསྐྱེལ་བས་ཀྱང་འགོག་མི་ནུས། དགག་ཡིག་འབྲི་ལ་མཁས་པ་གོ་རམ་པ་རེད་ཅེས་པ་ཞིག་གོ་མྱོང།་གང་ལྟར་ཁོང་གིས་ཤར་ཙོང་ཁ་བ་ཆེན་པོར་བཀག་ཡོད། གོ་རམ་པའི་ལྟ་བའི་ཤན་འབྱེད་ཐེག་མཆོག་གནད་ཀྱི་ཟླ་ཟེར་ཞེས་པའི་ནང་དུ་མང་པོ་བཀག་ཡོད། དེ་བཞིན་ལྡན་མ་སྟོང་དཔོན་གྱིས་ཀུན་མཁྱེན་ཀློང་ཆེན་རབ་འབྱམས་པ་ལས་སོགས་བོན་རྙིང་མའི་རྫོགས་ཆེན་ལ་ཚུལ་གསུམ་རིགས་པའི་སྟེང་ནས་བཀག་ཡོད། དེ་དག་རིགས་པ་སྨྲ་བས་བཀག་དུས་དགག་ཡིག་ལའང་བྲོ་བ་ཆེན་པོ་ཡོད།
    ཆོས་ལུགས་དང་གྲུབ་མཐའ་ནང་ཕན་ཚུན་དབར་ལ་མཐུན་ལམ་བྱེད་རྒྱུ་ནི་ཤིན་ཏུ་ནས་གལ་ཅེ་དེ་ང་ལ་སྔོན་ནས་བསམ་བློ་ཡོད། དེ་ལས་ཀྱང་བོད་ཀྱི་ཆོས་ལུགས་ཀྱི་དབར་ལ་མཐུན་ལམ་ཡོང་དགོས་ཀྱི་ཡོད། དེ་མིན་ཕྱི་རྒྱལ་བ་ཞིབ་འཇུག་པ་ཚོས་བོད་ཀྱི་ཆོས་ལུགས་མི་སྣ་ཚོས་འདས་པའི་ལོ་རྒྱུས་ཀྱི་ནང་དུ་ཁོང་ཚོས་འཚེ་བ་སྤོང་དགོས་རབས་དང་དག་སྣང་སྦྱོང་དགོས་རབས་མང་པོ་ཞིག་བཤད་ཡོད་མོད། དོན་དུ་ཁོང་ཚོས་གཅིག་གཏོར་གཅིག་འཛུགས་ཀྱི་བྱ་སྤྱོད་མང་པོ་སྤེལ་འདུག་ཅེས་བཤད་ཀྱི་འདུག དེ་ལ་ངས་ལན་ཇི་ལྟར་འདེབས་མིན་མ་ཤེས་ནས་མི་སྨྲ་བའི་རྟུལ་ཤུགས་སུ་མ་བསྡད་རང་བསྡད་བྱུང། ང་ཡི་ནང་དུ་བན་བོན་གྱི་བཀའ་རྟེན་འགྱུར་ལས་སོགས་དཔེ་དེབ་ཤིན་ཏུ་ནས་མང་པོ་ཡོད། ཁྱེད་རང་ལ་དགོས་ཆེ་བའི་བོན་དཔེ་དེ་འདྲ་ཡོད་ན་ངས་ཐབས་ཤེས་ཞུས་ཆོག

85. ལ་སྟོད་ལགས་བཀའ་དྲིན་ཆེ། ང་ལ་བན་བོན་གྱི་དཔེ་ལ་ཁྱད་པར་མེད་མོད། རྙེད་དཀའ་བ་ནི་བོན་དཔེ་ཡིན་པ་སྨོས་མ་དགོས་པ་ཞིག་རེད། དེ་ལས་ཀྱང་ཡིག་ཆ་སྔ་ཤོས་དག་རེད། ང་དགོས་པ་དེ་བསྟན་སྔ་དར་སྐབས་ཀྱི་བོན་དཔེ་གཏེར་དུ་མ་སོང་པ་ཁུངས་ལྡན་དེ་འདྲ་གང་ཞིག་ཐོབ་ན་ཡང་ཆོག དེ་རིགས་དཔེ་དངོས་འདི་གར་མ་འཕྲོད་ཀྱང་། དཔེ་མིང་དང་རྩོམ་པ་པོ། ཁུངས་ལུང་ལོ་རྒྱུས་ཙམ་རེ་རྙེད་ཀྱང་རིན་ཐང་བླ་ན་མེད་པའི་ནོར་བུ་ཉིད་དུ་མཐོང་གི་ཡོད། དེ་ནི་ཆོས་ལུགས་ཀྱི་དད་ཞེན་མིན་པར་མི་རིགས་ཀྱི་ལོ་རྒྱུས་ཀྱི་ཁྱད་ནོར་ཉིད་དུ་ངེས་པས་ཡིན། ད་དུང་དྲི་བ་ཞིག་ལ། བན་བོན་ནང་པ་གཅིག་རེད་ཅེས་ཉིད་ནས་ཡང་ཡང་གསུངས་ཀྱིན་འདུག དེ་ཙམ་ལས་ང་ལ་དགོས་པའི་ལན་དེ་མིན། ལྟ་གྲུབ་ལབ་དུས་ཚད་མཐོན་པའི་མཐར་ཐུག་གི་ལྟ་བའི་བཞེད་མཚམས་དེ་རེད། དེས་བོན་ལུགས་ཀྱི་དབུ་མ་ཐལ་འགྱུར་རམ་མཐར་ཐུག་གི་དབུ་མའི་ལྟ་བ་དེ་བོད་ཀྱི་ཆོས་རྒྱུད་གང་གི་ལྟ་བ་དང་མཐུན་ནི་རེད། དེ་རང་སྟོང་ཡིན་ནམ་གཞན་སྟོང་ཡིན། རང་སྟོང་ཡིན་ན་དབུ་མ་སྔ་རབས་པ་དང་ཕྱི་རབས་པ་སུ་དང་མཐུན། གཞན་སྟོང་ཡིན་ན་ཆོས་ཅན་གཞན་སྟོང་དང་ཆོས་ཉིད་གཞན་སྟོང་གང་ལ་མཐུན་འདི་གཙོ་བོ་དྲིས་པ་ཡིན། དེ་ནི་མདོ་ཕྱོགས་ཀྱི་ལྟ་བ་རེད། བོན་ལུགས་ལ་སྔགས་ལ་མདོ་ལས་ལྷག་པའི་ལྟ་བ་ཡོད་དམ་མེད་སོགས་མང་ཡང་དེ་རིང་དེ་ཙམ་གྱིས། རྗེས་ནས་མཇལ་ཆོག་པ་ཞུ།

86. མེགརྒན་ལགས།
    བོན་ནང་པ་ཡིན་པའི་ལུང་རིགས་མང་པོ་ཡོད་འདུག་དེ་ཁྱེད་ལ་མི་དགོས་པ་བྱས།
    རང་སྟོང་གཞན་སྟོང་གང་ཡིན་རུང་། བོན་གྱི་གཞུང་ལུགས་ལས། རང་སྟོང་ཞེས་བྱ་བ་རང་རང་གི་ངོ་བོས་མ་གྲུབ་པའི་ཆ་རང་མཚན་ཀུན་ལ་ཡོད་པས་འདིར་མ་སྨྲོས་པ་ཡིན་ཞིང། གཞན་སྟོང་ཞེས་བྱ་བ་རྟ་ཡི་ངོ་བོར་གླང་མ་དམིགས་པ་ལྟ་བུ་ནི་ཐ་སྙད་པས་ཀྱང་ཤེས་སླ་བའི་ཕྱིར་མ་བརྗོད་ཅིང། ཞེས་གསལ་ཡོད་པས་རང་སྟོང་གཞན་སྟོང་གང་ཡང་མི་འདོད་པ་འདྲ། མདོར་ན་མདོ་ཡི་ཐེག་པ་མཐོ་ཤོས་རོལ་པ་སྐྱེ་མཆེད་གཡུང་དྲུང་སེམས་དཔའ་སྤྲོས་མེད་པས། བོན་ཐམས་ཅད་བདེན་མེད་སྤྲོས་མེད་བྲལ་དུ་འདོད་ཅིང། དེས་ན་བོན་ཐམས་ཅད་ཐ་སྙད་བཏགས་པའི་བཏགས་དོན་རྩལ་ནས་རྙེད་པར་མི་འདོད་པ་དང་མིང་རྐྱང་བཏགས་ཡོད་ཙམ་དུ་གྲུབ་པར་འདོད། སྔགས་ལུགས་གི་ལྟ་བ་ནི་མཐའ་བཞི་སྤྲོས་བྲལ་དུ་འདོད་པ་མདོ་དང་མཐུན་མོད་ལྷུན་གྲུབ་ཀྱི་ཆ་ནས་མི་མཚུངས་པ་ཤིན་ཏུ་ནས་མང། ཐེག་པའི་ཡང་རྩེ་རྫོགས་པ་ཆེན་པོའི་ལྟ་བ་ནི་སེམས་ཀྱི་ངོ་སྤྲོད་མ་ཐོབ་པའི་རིགས་ལ་གསང་བ་ཆེན་པོ་ཡོད་པས་སྨྲ་སྤོབས་དང་བྲལ། འོན་ཀྱང་སྟོང་ངོས་དོན་དམ་མེད་དགག་དང་སྣང་ངོས་ཀུན་རྫོབ་མ་ཡིན་དགག་གང་དུའང་མི་ལྟ་ཞིང་ཇི་བཞིན་ཉིད་ཀྱི་སྐྱེ་མཆེད་དེ་སྣང་སྟོང་གཉིས་རྫོགས་ཏེ་

    ལམ་དཀྱིལ་གྱི་ཕ་བོང་ལྟ་བུ་ཞིག་ཏུ་འདོད་དོ།
    ཁྱེད་ཀྱི་ཞལ་བྱང་སྐུར་ན་ངས་བོན་དཔེ་འགའ་ཐབས་ཤེས་ཞུས་ཆོག

87. དེང་དུས་བོད་ཀྱི་ས་གནས་མང་པོར། པཎ་ཆེན་བཅུ་བའི་མཛད་པའི་དོལ་རྒྱལ་གྱི་ཆོ་ག་དང་། བསྟོད་པ། གསོལ་འདེབས་སོགས་སྣ་ཚོགས་ཤིག་སྤེལ་བཞིན་འདུགཟེར། དེ་ཁོང་གི་གསུང་ཡིན་མིན་ལ་དོགས་པ་ཡོད་མཁན་ཡང་མི་ཉུང་པ་འདུག་པས་རྒྱུས་ཡོད་མཁན་ཞིག་ཡོད་ན་གསལ་བཤད་རེ་ཐུགས་ལ་འཛིན་པར་ཞུ། །

88. པཎ་ཆེན་༡༠པའི་དོལ་རྒྱལ་ཨེ། ?????

89. མདོ་ཡི་ཐེག་པ་མཐོ་ཤོས་རོལ་པ་སྐྱེ་མཆེད་གཡུང་དྲུང་སེམས་དཔའ་སྤྲོས་མེད་པས། བོན་ཐམས་ཅད་བདེན་མེད་སྤྲོས་མེད་བྲལ་དུ་འདོད་ཅིང། དེས་ན་བོན་ཐམས་ཅད་ཐ་སྙད་བཏགས་པའི་བཏགས་དོན་རྩལ་ནས་རྙེད་པར་མི་འདོད་པ་དང་མིང་རྐྱང་བཏགས་ཡོད་ཙམ་དུ་གྲུབ་པར་འདོད། ཅེས་གསུངས་གནང་བ་བཀའ་དྲིན་ཆེ། འདི་གནད་འགག་ཅིག་རེད། དེ་ལྟར་བཏགས་དོན་བཙལ་ན་མི་རྙེད་པར་མིང་རྐྱང་བཏགས་ཡོད་ཙམ་དུ་བོན་གྱི་གཞུང་གང་ན་མཁས་པ་སུས་གསལ་བོར་གསུངས་ཡོད་ངོ་སྤྲོད་ཅིག་གནང་རོགས། གཞན་རང་སྟོང་དང་གཞན་སྟོང་གི་གོ་བ་དེ་ཅུང་ནོར་ཡོད་པ་འདྲ། བོན་རྣམས་ཀྱིས་བདེ་གཤེགས་སྙིང་པོའི་བཞུགས་ཚུལ་དང་། དེ་སེམས་ཅན་གྱི་རྒྱུད་ལ་ཁྱབ་ཚུལ་ལ་འགྲེལ་བཤད་ཇི་ལྟར་གནང་གི་རེད། གསུངས་རོགས་ཞུ། བོན་གྱི་རྫོགས་ཆེན་དེ་ཀློང་རམ་པ་སོགས་ཀྱི་གསུང་དང་གཅིག་མཚུངས་ཡིན་ན་མ་བཤད་ཀྱང་ཆོག་གི ངས་ཀྱང་ཀློང་རམ་པའི་དཔེ་ཆ་གང་འཚམས་ཀློག་མྱོང་། ངའི་ཡིག་ཟམ་ཁ་བྱང་འདི་ཡིན། niaboyutse88@yahoo.com

90. གྲོགས་མེགརྒན་ལགས།
    བཀའ་ལན་གནང་བར་ཐུགས་རྗེ་ཆེ། བོན་ལུགས་ཀྱི་མདོ་ཡི་ཐེག་པ་མཐོ་ཤོས་དེ་རོལ་པ་སྐྱེ་མཆེད་པའི་གཡུང་དྲུང་སེམས་དཔའ་སྤྲོས་མེད་པ་མ་རེད། མཚན་མ་ཀུན་བྲལ་ཅིར་མི་སྣང་བའི་གཡུང་དྲུང་སེམས་དཔའ་སྤྲོས་མེད་པ་རེད། ངས་ས་དགེ་བཀའ་རྙིང་གི་དཔེ་གཞུང་ཁ་ཤས་ལྟ་མྱོང་བས་དགེ་ལུགས་ཀྱི་དབུ་མ་ཐལ་འགྱུར་བའི་ལུགས་ཀྱི་ལྟ་བ་བཤད་སྟང་དང་བོན་གྱི་དེ་གཉིས་བཤད་ཚུལ་ཕལ་ཆེར་མཐུན་པོ་ཡོད། སྤྱིར་དེ་ཡི་མཁྱེན་འདོད་ན། སྟོན་པ་གཤེན་རབས་ཀྱིས་མཛད་པའི་《ཐེག་པའི་རིམ་པ་མངོན་དུ་བཤད་པའི་མདོ་རྒྱུད་ཀྱི་འགྲེལ་བ་》ཞེས་པ་ཞིག་དང་དེ་བཞིན་རྗེ་མཉམ་མེད་པས་མཛད་པའི་ཐེག་འགྲེལ་དང་དེ་བཞིན་མཁས་མཆོག་སྒ་སྟོན་གྱིས་མཛད་པའི་ལས་སོགས་ཤིན་་ཏུ་ནས་མང།
    བོན་ལུགས་ལ་བདེ་བར་གཤེགས་པའི་སྙིང་པོ་དེ་ཉིད་སེམས་ཅན་ཀུན་གྱི་རྒྱུད་ལ་ཡོད་ཅིང་དེ་ཉིད་ཇོ་ནང་པའི་འདོད་ཚུལ་དང་མི་མཐུན། དེ་ལ་རྒྱུ་དུས་ཀྱི་བདེར་གཤེགས་སྙིང་པོ་ཞེས་བཤད། དེ་ནི་ཁམས་གསུམ་གྱི་སེམས་ཅན་ཐམས་ཅད་ཀྱི་རྒྱུད་ལ་ཡོད་ཅིང་འབྲས་བུ་སངས་རྒྱས་ཀྱི་རྒྱུ་རུ་གྱུར་བ་ཡིན་པས་ན་དེ་ལྟར་བརྗོད་འོན་ཀྱང་དེ་རྒྱུ་འབྲས་སྐབས་ཀྱི་རྒྱུ་མཚན་ཉིད་པ་དེ་འདྲ་མ་རེད། དེ་ལ་བྲལ་རྒྱུ་ཞེས་བརྗོད། སེམས་ཅན་གང་ཞིག་སངས་རྒྱས་པའི་ཚེ་ན་དེ་ཉིད་འབྲས་དུས་ཀྱི་བདེར་གཤེགས་སྙིང་པོའི་རང་བཞིན་དུ་འགྱུར་འགྲོ་གི་རེད།

    མིང་རྐྱང་བཏགས་ཡོད་ཙམ་དུ་གྲུབ་པ་ཞེས་པའི་ཚིག་བོན་གྱི་གཞུང་ལུགས་མང་པོ་ནས་གསུངས་ཡོད།
    ལྷག་པར་དུ་ཕར་ཕྱིན་གྱི་གཞུང་དང་ས་ལམ་དབུ་མ་དང་ཐེག་པའི་མདོ་རྒྱུད་ལས་སོགས་ནས་གསུངས་ཡོད།

91. འདིར་ཨ་མདོ་རྔ་བ་ལ་རྒྱུས་ཡོད་མཁན་བཞུགས་ན་དྲི་བ་ཞིག་འདུག ??? སྔོན་པཎ་ཆེན་༡༠་པ་རྔ་བའི་ཨ་འདུ་དགོན་དུ་ཕེབས་སྐབས་རླུང་འཚུབས། ཆར་བབ། ཐོག་སེར་སོགས་བྱུང་བ་། པཎ་ཆེན་རིན་པོ་ཆེས་འདྲེ་ངན་དོལ་རྒྱལ་གྱི་ཆོ་འཕྲུལ་རེད་ཅེས་བཀའ་སྐྱོན་དང་བཀའ་བགོ་དམ་བསྒྲགས་མཛད་ཚུལ་ཀྱི་བཤད་སྲོལ་དེ་བདེན་པ་ཡིན་ནམ། ?? ད་ལྟ་པཎ་ཆེན་༡༠་བཅུ་བའི་གསུང་དུ་དོལ་རྒྱལ་གྱི་ཆོ་ག་དང་། དོལ་རྒྱལ་ཕྱོགས་ཀྱིས་སྤེལ་བའི་མཆོད་བསྟོད་གསོལ་འདེབས་སོགས་སྐུ་ངོ་བའི་ཞལ་རྩོམ་ཡིན་མིན།?? འདི་ཕྱོགས་ལ་བགྲོ་གླེང་རེ་གནང་རྒྱུ་དང་། རྒྱུས་ཡོད་རྣམས་ཀྱིས་ལོ་རྒྱུས་མཁོ་འདོན་རེ་ཐུགས་ལ་འདོགས་པར་ཞུ།

92. རྩོམ་འདིར་གོ་རྒྱུ་གཉིས་འདུག་

    གཅིག་ནི་ལྷ་དང་ལྷ་ཚོགས་ཀྱི་དད་རྟེན་ལ་བཀུར་འདེབས་བྱེད་པ་དང་ལྷག་པར་རྫོགས་ཆེན་དང་དུས་འཁོར་གྱི་དོན་གནད་གཅིག་ཀྱང་མི་ཤེས་པའི་རྟགས་གསལ་

    དོན་དག་གཉིས་པ་དེ་ནང་ཆོས་ལ་བཀུར་འདེབས་བྱས་པའི་ཉེས་པ་དེ་ཉི་མས་ཟླ་བས་བཞུ་བའི་དངོས་དོན་ལ་ཁག་དཀྲི་བྱས་འདུག་

    དེ་ནས་དོན་དག་གཙོ་བོ་ནི་ལྷ་ཚོགས་དང་ཉི་མ་ཟླ་བའི་བཞུས་པ་གཉིས་ཆ་འདོད་ཆགས་ཀྱི་རྩ་བར་བཤད་འདུག་

    དེ་ནི་རང་མདོག་སྟོན་པ་ དོན་དངོས་ཐོག་སྙན་ངག་ཡིན་ཅེས་བརྡ་རྙིང་དང་ཆོས་ཚིག་གི་བསྟུམས་སྟེ་གབ་ཚིག་ལྟ་བུ་ཞིག་མ་གཏོགས་ དོན་དག་ཞེ་དྲག་གོ་རྒྱུ་མིན་འདུག་ ཚོང་རྒྱག་རྒྱུར་འདོད་ཆགས་ཡག་པོ་ཡོད་པ་ལྟར་ཁྱེད་ཀྱི་སྙན་ངག་ཞེས་པ་འདི་སྙན་ངག་ཏུ་མི་ཉོ་ཐག་གཅོད་ཡིན་

    དགོངས་དག་ དེང་སང་སྙན་ངག་ལས་ལྷུག་རྩོམ་ཡག་པ་དང་་དེ་བཞིན་ལྷུག་རྩོམ་ནང་ནས་དངོས་དོན་སྨ་བའི་འབྲི་རྩོམ་ཡག་ག་འདུག་