བོད་སྐད་གློག་བརྙན༼བོར་ཟིན་པའི་སྦྲ་ནག༽ཅེས་པ་བརྙན་དུ་འབེབས་མགོ་བརྩམས་པ།

གསར་འགོད་པ་རྨི་འཕྲུལ།

བོད་ཀྱི་ན་གཞོན་རྩོམ་པ་བོ་ལྡོང་ཕྲུག་གིས་འཁྲབ་ཁྲིད་བྱས་ཤིང་མཚོ་ལྷོ་ཁུལ་མཐོ་རིམ་སློབ་འབྲིང་གཉིས་པའི་དགེ་སློབ་སྐོར་ཞིག་གིས་འཁྲབ་སྟོན་བྱས་པའི་བོད་འབྲོག་པའི་འཚོ་བ་དང་ཉམས་ཉེན་མཚོན་པའི་གློག་བརྙན༼བོར་ཟིན་པའི་སྦྲ་ནག༽ཅེས་པ་ཉེ་ཆར་མཚོ་སྔོན་དགེ་ཐོན་སློབ་ཆེན་དང་མཚོ་ཁྲི་ཤོར་རྒྱལ་མོའི་འགྲམ་ངོགས། མགོ་མང་གྲོང་འབྲོག་རུ་སྡེ་བ། གླང་ཆེན་རྫ་འདབས། མགོ་མང་གྲོང་བརྡལ། བྱེ་སྣ་གྲོང་བརྡལ་སོགས་ནས་འཁྲབ་སྟོན་དང་བརྙན་འབེབས་བྱེད་འགོ་བརྩམས།
གློག་བརྙན་འདི་ལས་སྐྱེ་ཁམས་གནས་སྤོ་དང་འབྲོག་སྡེ་གྲོང་བརྡལ་ཅན་དུ་སྒྱུར་བའི་སྲིད་ཇུས་ཀྱི་མཐོ་རླབས་ཁྲོད་ནས་སྦྲ་ནག་གིས་མཚོན་པའི་རྩྭ་ཐང་གི་རིག་གནས་ཉམས་རྒུད་དུ་འགྲོ་བའི་སྣང་ཚུལ་གསལ་རྗེན་དུ་མཚོན་ཡོད།
གློག་བརྙན་དེའི་འཁྲབ་སྟོན་པ།
རྒན་རྟ་མགྲིན་རྒྱལ། ལྷ་སྡེ་ལྕགས་རྒྱལ་འབུམ།
རིག་འཛིན་ཐར། ཨོའུ་རྒྱ་ཚེ་རིང་རྡོ་རྗེ།
གདུགས་མོ་སྐྱིད། ཀླུ་ཐར་རྒྱལ།
ཚེ་དཔལ་རྒྱལ། སྐལ་བཟང་ཚེ་རིང་།
ལྕགས་བྱམས་རྒྱལ།
འཁྲབ་ཁྲིད་དང་བརྙན་ལེན་པ། ལྡོང་ཕྲུག
ཕབ་སྐྲུན་ལས་རོགས་པ། བརྩོན་འགྲུས་རྒྱ་མཚོ།

#6རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@08-01 11:04
གློག་བརྙན་ཞེས་པའི་གདགས་གཞི་འདི་བརྒྱུད་ནས་བོད་མིའི་དུས་གསུམ་གྱི་ལོ་རྒྱུས་དང་རིག་གནས་མཚོན་པའི་ བྱ་གཞག་བསྒྲུབ་པར་ཡི་རང་ཞུ།ཁྱེད་ཀྱིས་གློག་བརྙན་ལེགས་འགྲུབ་ཡོང་བར་བཀྲ་ཤིས་བདེ་ལེགས་ཞུ། ཞོར་དུ་གློག་བརྙན་འཁྲབ་ཁྲིད་ཀྱི་གོ་རིམ་ཁྲོད་ནས་འཁྲབ་ཁྲིད་པས་འཁྲབ་སྟོན་པའི་སྐད་ཆ་ལས་ཉམས་འགྱུར་ མངོན་གསལ་འབུར་ཐོན་སྒོས་འཁྲབ་སྟོན་བྱས་ན་གློག་བརྙན་གྱི་གལ་ཆེན་རང་བཞིན་ལྷང་ངེར་ཐོན་ཐུབ་པ་ཡིན་ལ།འཁྲབ་སྟོན་བྱས་ཚར་རྗེས་གློག་བརྙན་གྱི་པར་གཞི་སྟེ་བཅད་འབྲེག་དང་སྒྲིག་སྦྱོར་གྱི་བྱ་བ་དེ་བརྩི་མཐོང་བྱས་གྱུར་ན་སྐུ་ཉིད་ཀྱི་གློག་བརྙན་ལེགས་འགྲུབ་ཡོང་བར་ཞུ།ཞེས་ཨ་ཉི་ལྷ་བྷེ་ནས།

#5རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@08-01 10:54
གློག་བརྙན་ཞེས་པའི་གདགས་གཞི་འདི་བརྒྱུད་ནས་བོད་མིའི་དུས་གསུམ་གྱི་ལོ་རྒྱུས་དང་རིག་གནས་མཚོན་པའི་བྱ་གཞག་བསྒྲུབ་པར་ཡི་རང་ཞུ།ཁྱེད་ཀྱིས་གློག་བརྙན་ལེགས་འགྲུབ་ཡོང་བར་བཀྲ་ཤིས་བདེ་ལེགས་ཞུ།

#4རྒྱབ་སྐྱོར་བྱེད།(1)ངོ་རྒོལ་བྱེད།(0) Guest@07-31 21:23
རྒན་བླ་ནག་པའི་གློག་བརྙན་འདིས་རང་རེའི་ཤོར་ཟིན་པ་དག་བསྐྱར་འདོན་དང་རང་རེའི་ཉམས་ཟིན་པ་དག་
བསྐྱར་གསོ་བྱེད་པར་བཀའ་འདྲི་ཞུ།
སེ་ཁམས་གྲོལ་གྱིས།

#3རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@07-31 21:19
རྒན་བླ་ནག་པའི་བོད་ཀྱི་གློག་བརྙན་བར་སྟོང་ལ་ཁ་གསབ་བརྒྱབ་པར་ཡི་རངས་ཞུ།
འདྲེ་རི་ཤོར་གྱིས།

#2རྒྱབ་སྐྱོར་བྱེད།(0)ངོ་རྒོལ་བྱེད།(0) Guest@07-31 21:16
རྒན་བླ་ནག་པའི་གློག་བརྙན་ལེགས་འགྲུབ་འབྱུང་བར་སྨོན་འདུན་ཞུ།
རྒྱ་ཕྱུག་གིས།

#1རྒྱབ་སྐྱོར་བྱེད།(2)ངོ་རྒོལ་བྱེད།(0) Guest@07-31 12:02
ཕུ་བོའི་རླབས་ཆེན་གྱི་ལས་ཀ་འདི་ལེགས་འགྲུབ་ཡོང་བའི་སྨོན་འདུན་ཞུ། སྦྲ་ནག་གི་ལས་དབང་ནི་བོད་ཀྱི་ལོ་རྒྱུས་ཡིན། བོད་ཀྱི་ལས་དབང་ནི་སྦྲ་ནག་གི་སྐྱོ་གར་ཡིན། རྒྱང་རིང་ཨ་རི་ནས་ནུ་བོ་ཀླུ་སྨྱོན་གྱིས།
—མཆོད་མེ་དྲ་བ་ལས་དྲངས།