རྒྱ་ནག་གི་སྒྲ་བཤད་གསར་པ།

Comments (11) on “རྒྱ་ནག་གི་སྒྲ་བཤད་གསར་པ།”

1. མདའ་ཚན་པ་ལགས།

   རྒྱ་ནག་གི་མིང་དེ་སྒྲའི་འཕེལ་རིམ་ནས་བལྟས་ནས་གསུངས་པ་དེ་མ་རེད་ཟེར་ཡག་མིན་འདུག ད་དེ་ལྟར་ཡིན་ན། རྒྱ་གར་ཟེར་བ་འདི་སྒྲ་གང་གི་ཆ་ནས་འཇོག་གམ།

2. ཁྱེད་རང་གི་དྲི་བ་འདི་ང་ལ་ཡང་འཁོར་ཏེ་གོང་གསལ་གྱི་རྩོམ་མཇུག་ཏུ་ངས་འདི་ལྟར་བྲིས་ཡོད་པ་མ་མཐོང་ངམ། ་་ང་ཚོའི་མི་རིགས་གི་མཆེད་རིམ་དེ་རྒྱ་གར་ལས་རྒྱ་ནག་ལ་འབྲེལ་བ་ཆེ་བས་ཆིནལས་རིམ་པས་སྒྲ་འགྱུར་ཏེ་རྒྱ་ནག་གི་མིང་བྱུང་བ་དང་དེ་ནས་དེའི་ཟླས་དབྱེ་བས་ཕྱེ་སྟེ་རྒྱ་གར་གི་མིང་འདི་རྗེས་སུ་བྱུང་བ་འདྲ།་་ཞེས་བྲིས་ཡོད་པ་འདི་ཙམ་ལས་ང་ལ་བཤད་རྒྱུ་ཅི་ཡང་མེད་དོ།

3. མདའ་ཚན་པ་ལགས། 

   མཆེད་རིམ་ཞེས་པ་དེ་གང་ཟེར། 

4. མི་རིགས་གང་ཞིག་ཡིན་ན་ཡང་དེ་གང་ལས་མཆེད་པའི་ཁུངས་ཤིག་དང་དེ་ནས་ཇི་ལྟར་མཆེད་པའི་རིམ་པ་ཞིག་ཀྱང་ཡོད་པ་མ་རེད་དམ།

5. ད་ཧ་གོ་སོང་། ཁྱེད་ཀྱི་ཟེར་ན་བོད་མིའི་འབྱུང་ཁུངས་ཀྱི་རིམ་པ་དེ་རྒྱ་གར་ལས་རྒྱ་ནག་ལ་འབྲེལ་བ་ཆེ་བ་ཡོད་ཟེར། དབྱེ་ཞིབ་དེ་ཡག་པོ་འདུག ངོ་མ་དབུ་མའི་ལམ་དང་མཐུན་གྱི། མེས་རྒྱལ་ཁྱིམ་ཚང་ཆེན་པོ་ཟེར་བ་དེར་ཐེངས་དང་པོར་རིགས་པའི་གཞུང་ལུགས་ཀྱི་རྒྱབ་གཉེར་བཏོན་འདུག་སེམས།

   ངས་ད་བར་བོད་རྒྱ་ཁོངས་རེད་ཟེར་བ་འདིར་རིགས་པའི་གཞུང་ལུགས་ནས་རང་མགོ་འཐོན་ཐུབ་པའི་གཞུང་ལུགས་གཅིག་མཐོང་མ་སོང་། ད་རེས་ཁྱེད་ཀྱི་ཞིབ་འཇུག་དེ་བོད་པ་གཅིག་གིས་འདི་ལྟར་བཤད་པ་ཐོག་མ་ཡིན་སྲིད། 

   ད་དུང་ཁྱེད་ལ་ཞིབ་འཇུག་གི་འབྲས་བུ་གསར་པ་འདྲ་བཏོན་ཡས་ཡོད་ན་གསུངས་ཤོག ཉན་འདོད་འདུག

6. འདི་རིགས་པའི་གཞུང་ལུགས་གསར་པ་ཅང་མ་རེད། མི་རྒྱུད་རིག་པ་བ་ཚོས་བྲིས་པའི་དཔེ་དེབ་ཡག་པོ་ཀློག འཛམ་གླིང་འདིར་མི་རིགས་ཆེན་པོ་བཞི་སྟེ། ནག་པོ། དཀར་པོ། ཤར་དཀྱིལ་མི་རིགས། མི་རིགས་སེར་པོ་བཅས་བཞི་ཡོད་པ་ལས་ང་ཚོའི་མི་རིགས་སེར་པོ་དེའི་མཆེད་ཁུངས། མཆེད་སྟངས། མཆེད་རིམ་བཅས་ལ་ལྟོས་དང་ཤེས་ཡོང་། དེ་ལ་ཁྱེད་རང་ནས་ཆབ་སྲིད་ཀྱི་རྣམ་རྟོག་དེ་འདྲ་ཁྱེར་ཡོང་དགོས་དོན་ཡོད་པ་མ་རེད། དེ་ནི་ལོ་ཁྲི་དུ་མའི་སྔོན་གྱི་སྐད་ཆ་རེད། ལྷག་པར་དུ་མི་རྒྱུད་ལ་འབྲེལ་བ་ཡོད་པ་ཙམ་གྱིས་གཅིག་ཁོངས་གཅིག་ཡིན་དགོས་ན་འཛམ་གླིང་འདིར་རྒྱལ་ཁབ་བཞི་མ་གཏོགས་ཡོད་མ་འོས་པ་རེད།

7. ཁྱེད་གཉིས་ཀྱི་རྩོད་པ་གང་འདྲ་བརྒྱབ་ཀྱང་ཆོག ཤ་འདོག་དཀར་ནག་གིས་མི་རིགས་སོ་སོའི་ཁུངས་འཚོལ་དགོས་པ་ཞིག་བྱུང་མི་སྲིད། ཤ་འདོག་གི་དབྱེ་བ་དེ་ནི་གཙོ་བོ་ནུབ་ཕྱོགས་ནས་འགོ་བཙུགས་དེ་འོང་བ་ཞིག་ལས་བོད་དང་ས་འབྲེལ་རྒྱ་དཀར་ནག་གཉིས་ལས་མཆེད་པ་ཞིག་མ་རེད།

8. མགོན་པོ་ལགས། ངས་ཁ་ས་རྒྱ་ནག་ལ་བོད་པ་ཞིག་དང་ཁ་བརྡ་བྱེད་སྐབས་ཁྱེད་རང་གི་གནད་འགག་ཅན་གྱི་ཞིབ་འཇུག་གི་འབྲས་བུ་དེ་བཤད་པ་ཡིན། ཁོང་གི་ཁྱེད་རང་གིས་དེའི་སྐོར་ལ་གཅིག་བྲིས་ན་ཀྲུང་གོའི་བོད་ལྗོངས་ཟེར་བའི་དུས་དེབ་ཐོག་ཁོང་གིས་འདོན་ཐུབ་པ་བྱེད་ཀྱི་ཡིན་ཟེར། དེ་གང་འདྲ་འདུག 

   ད་ལྟ་རྒྱ་ནག་པ་ཚོ་བོད་པའི་མགོ་ཁྲག་བྲི་བྲོ་བ་བརྡུང་ཐུབ་རུང་ཁོང་ཚོའི་བསམ་བློ་དེ་ད་དུང་འགུག་ཐུབ་མིན་འདུག བྱས་ཙང་བོད་ཀྱི་མཆེད་རིམ་དེ་རྒྱ་ནག་དང་འབྲེལ་བ་ཡོད་པའི་སྐོར་ལ་གཅིག་བྲིས་ན། དེས་རྒྱ་ནག་པ་ཚོར་གཞུང་ལུགས་གཅིག་བཤད་རྒྱུ་རག བོད་པ་ཚོས་ཉན་ཁུལ་བྱེད། བར་ལ་དམག་མིའི་ཉེས་བརྡུང་མྱོང་དགོས་པ་མིན་འདུག་ྙམ།

9. མགོན་པོ་ལགས། གོང་དུ་སྨྲོས་པ་འདིྩེད་མོ་ཡིན། དགོངས་འགལ་མེད་པ། ྙིང་ཐག་པ་ནས་དགོངས་དག་ཞུ། ཁྱེད་ཀྱིས་བོད་ཀྱི་ལོ་རྒྱུས་ལ་དོ་སྣང་བྱས་པ་འདིར་དགའ་པོ་བྱུང་། 

   ཁ་སང་ཕྱི་རྒྱལ་གྱི་ལོ་རྒྱུས་ཞིབ་འཇུག་བྱེད་མཁན་ཞིག་དང་གླེང་མོལ་བྱེད་སྐབས། བོན་ཆོས་དེ་གནའ་རབས་ཁ་ཆེའི་ཆོས་དང་འདྲེས་འདུག་ཟེར། ཁྱེད་ཀྱི་དེ་གོ་ཨེ་མྱོང་། 

10. ཨི་རན་གྱི་གནའ་སྔ་མོའི་ཆོས་ལུགས་དེ་རིའི་རྩེ་ལ་ཕྱིན་ནས་ལྷ་གསོལ་བྱེད་པ་ཞིག་ཡིན་འདུག དེ་ཡང་ང་ཚོ་ནང་བཞིན་ཆུ་ལྷ། རླུང་ལྷ། མེ་ལྷ་སོགས་རང་བྱུང་གི་ལྷ་ལ་མཆོད་པ་བྱེད་གི་ཡོད་འདུག དེར་མ་ཟད། ང་ཚོ་ནང་བཞིན་བྱ་གཏོར་བྱེད་མཁན་གྱི་ཚོ་ཁག་ཅིག་ཀྱང་ཡོད་པའི་པར་རིས་འགའ་ཞིག་ལོ་ཤས་སྔོན་པར་རིས་འགྲེམས་སྟོན་ཞིག་གི་སྐབས་མཐོང་སོང་། བཀའ་ཐང་སྡེ་ལྔ་ནང་ཡང་། ་་རྒྱལ་པོ་གྲི་གུམ་བཙན་པོའི་སྐུ་རིང་ལ།། ཏ་ཟིག་འ་ཞའི་བོན་པོ་གདན་དྲངས་ནས།། རྡོ་ནག་ཐོམ་དོ་ལྷུ་དང་སྡུམ་དུ་སྦྲེལ།། ཤི་ལྤགས་སྐྱ་མོའི་བླ་གཞི་འབྲིང་དུ་འདྲ།། གསོན་གྱི་ལྷ་མཆོད་གཤིན་གྱི་འདྲེ་འདུལ་བྱུང་་་ སོགས་འདུག

11. ང་ཚོའི་བོན་དེ་སྟོན་པ་གཤེན་རབ་དང་ཞང་ཞུང་ལ་འབྲེལ་བ་ཡོད་པ་དང་། ཞང་ཞུང་དེ་སྟག་གཟིག་དང་འབྲེལ་བསྡད་ཡོད་པ་རེད། ཡང་སྟོན་པ་གཤེན་རབ་དེ་སྟག་གཟིག་འོལ་མོ་ལུང་རིང་དུ་འཁྲུངས་པར་ཤོད། དེས་ན་སྟག་གཟིག་ཟེར་བ་འདིའི་ཐོག་ནས་འོལ་མོ་ལུང་རིང་དེ་སྟག་གཟིག་དང་འབྲེལ་བ་ཡོད་པ་འདྲ་པོ་མི་འདུག་གམ།
    ཁ་སང་ངས་ཁ་ཆེ་དང་བོད་གཉིས་ཀྱི་འབྲེལ་བའི་སྐོར་གྱི་རྩོམ་འཚོལ་བའི་ཕྱིར། THE TIBET JOURNAL སྔོག་པ་ཡིན། ༡༩༨༡ལོའི་དབྱར་ཁའི་འདོན་ཐེངས་ནང་། The highest Deities of the Tibetan Bon religion ཟེར་བ་B.I. Kuznetsovནས་མཛད་པ་ཞིག་འདུག དེའི་ནང་ Iran གྱི་ལྷ་ཆེན་པོ་ Ahura དང་དེའི་འཁོར་ Mazda Mithras དང་འཇིག་རྟེན་གྱི་ལྷ་མོ་ཆེན་མོ་Astarte-Anahita སོགས་སྟོན་པ་གཤེན་རབ་ཀྱི་ལྷ་ཆེན་པོ་སངས་པོ་འབུམ་ཁྲིའམ་སྲིད་པའི་རྒྱལ་པོ་དང་། བོད་ཀྱི་ལྷ་མོ་ sa-trig er-sang སོགས་དང་འབྲེལ་བ་ཡོད་པའི་སྐོར་མང་པོ་ཞིག་བྲིས་འདུག
    དེ་མིན་ THE TIBET JOURNA ༡༩༩༥ དཔྱིད་ཀའི་འདོད་ཐེངས་ནང་། Dan Martin གྱིས་མཛད་པའི་Ol-mo-lung-ring, The Original Holy place ཟེར་བའི་ནང་འོལ་མོ་ལུང་རིང་གང་དུ་ཡོད་པའི་སྐོར་བྲིས་པའི་ནང་རེའུ་མིག་གི་ས་བཀྲ་འདྲ་བོ་ཡང་ཞིག་ཀྱང་བྲིས་འདུག ད་རུང་ཞིབ་ཚགས་ཀློག་རྒྱུ་མ་བྱུང་། དེ་མིན་མི་གཞན་ཞིག་གིས་བོན་པོ་དེ་ཆོ་ག་ཕྱག་ལེན་མང་པོ་ཞིག་གི་ཐོག་ནས་སོག་པོའི་shaman དང་འདྲ་ས་མང་པོ་རྒྱུ་མཚན་དང་བཅས་པ་བཀོད་འདུག དེ་འདོན་ཐེངས་གང་གི་ནང་ཡིན་མིན་ཐོ་འགོད་རྒྱུ་བརྗེད། ད་ཡང་སྐྱར་དུས་དེབ་ཚང་མ་བསྔོག་རྒྱུར་ཚེགས་ཆེ་ལ་དོན་ཆུང་། ངེས་པར་ཀློག་འདོད་ཡོད་ན་ THE TIBET JOURNAl འདོན་ཐེངས་རིམ་པའི་ནང་ཚོལ་དང་རྙེད་གི་རེད།