ཨ་མའི་བུ་རྒོད་བློ་བཟང་སེང་མིང་ཅན༎
གངས་རིའི་ལས་དོན་ལྷག་ཏུ་དར་བ་ཆེ།།
གང་བྱས་གནད་དུ་ཕོགས་པའི་དགོས་པ་ཅན༎
མཐོང་མ་ཐག་ནས་དགའ་བདེའི་ཚོར་བ་སྟེར༎
ཁྱེད་ནི་ལོ་རྒྱུས་རང་བཞིན་ཅན་གྱི་མི༎
ཁྱེད་ནི་བོད་པའི་སྙིང་གི་ཕྱེད་ཀ་ཡིན༎
ཁྱེད་ནི་གདོན་འདྲེ་ཞིག་གི་ཟློག་ཟླ་སྟེ༎
ཁྱེད་ཀྱི་དཔའ་སྟོབས་ལྡན་པའི་རི་བོ་རེད༎
གངས་རིའི་སེང་གེ་ཁྲི་ལ་འཁོད་པ་ཡིན༎
གངས་རིའི་རང་ཁྱིམ་གསར་པ་འཛིན་པ་ཁྱེད༎
གངས་སེང་བུ་ཕྲུག་བདེ་ལ་བབས་པ་ཡིན༎
གང་བྱས་ལས་རྣམས་འགྲུབ་པའི་སྨོན་འདུན་ཞུ༎
བོད་ནང་གི་ བོད་མི་ཞིག་གིས་མཁས་དབང་བློ་བཟང་སེང་གེ་མཆོག་གི་བོད་ཀྱི་སྲིད་སྐྱོང་དམ་འབུལ་དང་བསྟུན་ནས་ཆེད་བསྟོད་ཕུལ་བའི་སྙན་ཚིག་འདི་ཉིད། སེར་ཤུལ་དཀོན་མཆོག་གིས་ཨེ་ཤའི་ཡ་རང་དབང་ཐད་གཏོང་རླུང་འཕྲིན་སྒྲ་ལམ་ནས་ཕབ་བཤུས་བྱས།
བློ་བཟང་བློ་ཡིས་སྲིད་ཁྲིར་འཛེགས། །
སེང་གེ་ལྟ་བུས་མངའ་ཁོངས་སྐྱོངས། །
བློ་བཟང་བློ་ཡིས་དད་སེམས་ཀྱིས། །
སེང་གེའི་ཡུལ་གྱི་རྒྱལ་བསྟན་སྲུངས། །
བློ་གྲོས་མཁའ་ལྟར་ཡངས་པའི་བུ།
བཟང་པོའི་དཔུང་གིས་སྤྱི་བོར་བསླེབས།
སེང་ལྟར་གཞན་སྣང་ཟིལ་གནོན་པའི།
གེ་ཁོད་བགེགས་ལས་རྣམ་པར་རྒྱལ།
༄༅། །བློ་སེང་ཁྲི་ལ་འཁོང་པ་དགའ་བསུ་ཞུ།
ཁྱེད་ལ་བོད་མིའི་རེ་བ་ཡོད།
གཞིས་བྱེས་གཉིས་ཀྱི་སྨོན་འདུན་ཡོད།
ཕོ་རྒོད་རང་འཁྲི་ལས་ལ་གཟབ།