ཉི་མ་རྒྱལ་པོ་ཤར་པ། ཝཱ་ྞ་མཐོ་སློབ།
ཀྱི་ཧུད། བོད་མི་ཚོ་རང་ཡུལ་གཞན་དབང་དུ་ཤོར། ལས་ཀྱིས་མཇལ་བའི་བྱམས་བརྩེ་ལྷད་མེད་ཀྱི་ཕ་མ་ཟུང་དང་སྐྱིད་སྡུག་མཉམ་མྱོང་བྱེད་པའི་སྤུན་ཟླ་དང་ཁ་འབྲལ་དུ་སོང་སྟེ། མི་འདོད་པའི་སྡུག་བསྔལ་སེམས་གཏིང་དུ་འཁྱེར། སྐྱོ་པའི་མིག་ཆུས་མཁུར་ཚོ་བཀར་སྟེ། དཀའ་སྡུག་ཆེན་པོས་རི་ལུང་དང་ཆུ་ྐླུང་དུ་མ་བརྒལ་ནས་གཞན་ཡུལ་དུ་འབྱོར།
རེ་ཡ། ཁྱེད་རྣམས་ལ་རྒྱ་གཞུང་གིས་མནར་གཅོད་ཚད་མེད་གཏོང་བཞིན་པ་དེ་ལ་ང་ཚོས་ཀྱང་སེམས་པས་ག་ལ་བཟོད་ཐུབ། སྲོང་པོར་ཞུས་ན། སྙིང་ཁར་གྲི་བཙུགས་པའི་ན་ཟུག་གི་ཚོར་སྣང་དྲག་པོ་རབ་དང་རིམ་པ་མང་པོ་བྱུང་མྱོང་ལ། ད་དུང་ཡང་གཡལ་མེད། བོད་ཀྱི་རིག་གཞུང་ལ་གཅེས་ཞེན་དང་། འགྲོ་བ་མིའི་ཐོབ་ཐང་། རང་དབང་། དྲང་བདེན་ལ་ཡིད་རྟོན་བྱེད་མཁན་ནམ་རིག་གཞུང་དང་གོམས་སྲོལ་གཅིག་པའི་ཧི་མ་ལ་ཡའི་རིགས་རྒྱུད་རྣམས་ཀྱིས་ཤ་རུས་གཅིག་པའི་བོད་རིག་སྤུན་ཟླ་རྣམས་ལ་རྟག་ཏུ་རྒྱབ་སྐྱོར་བྱས་དང་བྱེད་མུས་ཡིན་ལ། འབྱུང་འགྱུར་དུས་ལའང་གདུང་སེམས་མཉམ་སྐྱེད་བྱ་རྒྱུའི་ལྷག་བསམ་དམར་ཆུང་སྙིང་གི་ཁོང་དུ་བཅངས་ཡོད།
ཀི་ལྡིར། རྒྱ་ནག་ལ་སོགས་པའི་དམར་ཤོག་གི་གཞུང་དང་ཚོགས་པ་ཁག་ཅིག་གིས་འགྲོ་བ་མིའི་ཐོབ་ཐར་དང་སྤྱིར་སྣོད་ཀྱི་འཇིག་རྟེན་དུ་དགོས་ངེས་ཀྱི་ཞི་བདེ་ལ་རྩིས་མེད་རྡོག་རོལ་བཏང་དང་གཏོང་བཞིན་པ་མ་ཟད། ནང་བཅུད་ཀྱི་སེམས་ཅན་ཀུན་གྱི་འཚོ་བའི་གཞི་མར་གྱུར་བའི་བམས་དང་སྙིང་རྗེ་ཐ་སྙད་ཙམ་ཡང་མི་འདོད་ཅིང་། རང་གཞན་གཉིས་ཀ་ཕུངས་ལ་སྦྱོར་བའིབྱ་སྤྱོད་ངན་པ་ཇེ་མང་ནས་ཇེ་སྡུག་ཏུ་སྤེལ་དང་སྤེལ་བཞིན་ཡོད་ལ། ལྷག་པར་དུ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་དཔལ་འབོར་དང་དྲག་སྤྱོད་ཀྱི་སྟོབས་ཤུགས་ཆེ་རུ་འགྲོ་མུས་བཞིན། བགྲང་བ་ཉི་ཤུ་རྩ་གཅིག་པའི་དུས་རབས་ཀྱི་འཕོ་འགྱུར་གྱི་ཁྲོད་དུ་རྒྱལ་ཁབ་ཕན་ཚུན་དབར་འཆམ་མཐུན་གྱི་འབྲེལ་ལམ་གོང་འཕེལ་དུ་སྐྱོད་བཞིན་ཡོད་ཀྱང་། དེ་ཚོའི་དབར་ཞི་མེད་འཁྲུག་རྩོད་ཀྱི་མེ་རི་སྐྲུན་མཁན་ནམ་ཉོག་ཟིང་ཀྱི་ཆག་སྒོ་སློང་མཁན་གཙོ་བོ་ཆགས་ཡོད་པ་མ་ཟད། དེང་སང་འཛམ་གླིང་ནང་དུ་ཞི་བདེ། འགྲོ་བ་མིའི་ཐོབ་ཐང་། དེ་བཞིན་ཁོར་ཡུག་སྲུང་སྐྱོབ་སོགས་ཀྱི་ཐད་ཐུགས་འཁུར་བཞེས་མཁན་གྱི་གང་ཟག་སྒེར་བ་དང་སྤྱི་ཚོགས་དང་རྒྱལ་ཁབ་ཆེ་ཆུང་བར་གསུམ་མི་ཉུང་བ་ཞིག་གི་སྙིང་ཁར་གསོ་ཐབས་དཀའ་བའི་རྨ་ཁ་བཟོས་དང་བཟོ་མུས་རེད།
གལ་ཏེ་རྒྱ་ནག་གཞུང་དྲང་བདེན་ལ་རྒྱབ་སྐྱོར་དང་འཚེ་མེད་ཞི་བའི་ལམ་ལུགས་ལ་བརྩི་སྲུང་དང་ལེན་བྱེད་མཁན་ཞིག་ཡིན་ན། རྒྱ་གཞུང་གིས་བཙན་པོས་དབང་སྒྱུར་བྱེད་མི་དགོས་པར་རྒྱལ་ཁབ་གཞན་དང་གཞན་གྱིས་དེའི་སྲིད་བྱུས་ལམ་ལུགས་ལ་བརྩི་སྲུང་བྱེད་མི་སྲིད་པའང་མིན། འོན་ཀྱང་། རྒྱ་ནག་གིས་དྲག་སྤྱོད་ཀྱི་སྟོབས་ཤུགས་ངོམས་ནས་རང་གི་ཁྱིམ་མཚེས་རྒྱལ་ཁབ་མང་པོ་ཞིག་ལ་གདུག་རྩུབ་ཚད་མེད་གཏོང་བཞིན་པ་ནི་འཛམ་གླིང་མི་དམངས་ཀྱིས་མིག་འཐོང་ལག་ཟིན་ཡིན་ལ། ངོ་ཚ་ཁྲེལ་མེད་ཀྱིས་འཛམ་གླིང་གང་སར་ཧར་རྒྱ་ཚ་བོའི་དྲག་ཆར་ཕབ་ནས་ཉམ་ཆུང་འགྲོ་བའི་བདེ་སྐྱིད་དང་མཛེས་སྡུག་ལྡན་པའི་ཁོར་ཡུག་ལ་གནོད་ཚབས་ཆེས་ཤིན་ཏུ་ཆེ་བཏང་དང་གཏོང་བཞིན་པ་དང་། འཛམ་གླིང་ཞི་བདེའི་དེད་དཔོན་༸གོང་ས་མཆོག་ལ་སོགས་པ་སྐྱེས་བུ་དམ་པར་མཚན་སྨོད་བྱེད་པ་ནི་འཛམ་གླིང་ལོ་རྒྱུས་ཀྱི་རྡོ་རིང་སྟེང་དུ་གསུབ་ཐབས་ཡོད་རེ་སྐན། མདོར་ན་དྲག་སྤྱོད་རིང་ལུགས་པའི་རྒྱལ་ཁབ་དང་སྤྱི་ཚོགས་ནི་དེང་སང་སྐྱེ་འགྲོ་ཀུན་གྱི་མིག་ཁར་ཚེར་མ་ལྟ་བུ་ཞིག་རང་བཞིན་གྱིས་གྱུར་ཡོད་པ་ཡིན། རྐྱེན་དེའི་དབང་གིས་རྒྱ་གཞུང་ལ་མ་རང་པའང་ཅི་ལ་མིན།་ རྐྱེན་དེའི་དབང་གིས་རྒྱ་གཞུང་ལ་མ་རང་པའང་ཅི་ལ་མིན།
བོད་མི་ཚོ། ཁྱེད་ཅག་ལ་དྲང་བདེན་གྱི་དཔང་པོ་ཡོད། ཁྱེད་ཅག་གི་དྲང་བདེན་ལ་རྒྱབ་སྐྱོར་སུས་ཀྱང་བྱེད། གདོང་དམར་བོད་མི་ཚོ། གཉའ་གནོན་ལ་མགོ་མ་སྒུར། དྲག་གནོན་ལ་དཔའ་མ་ཞུམ། ཁྱེད་ཚོས་ཞི་བའི་ཐལ་མོ་སྙིང་ཁར་སྦྱར་ནས་་འདྲང་བདེེན་གྱི་དར་ལྕོག་དགུང་མཐོར་ཀེར་ཏེ་རང་མི་རིགས་དང་རིག་གཞུང་གི་འཐབ་རྩོད་ལ་རྒྱུན་མི་ཆད་པར་ཉི་མ་ནས་ཉི་མ། ཟླ་བ་ནས་ཟླ་བ། ལོ་ནས་ལོ། མི་རབས་ནས་མིརབས་འགོར་ནའང་སེམས་ཤུགས་ཀྱི་གདུགས་ནམ་ཡང་ཕབ་མི་རུང་། བོད་ཀྱི་གཏམ་དཔེར་དཀའ་བའི་བྲག་རྡོ་དང་མ་ཐུག་ན། བདེ་བའི་སྤངས་ལ་སླེབས་མི་ཐུབ་ཅེས་བརྗོད་པ་ལྟར། ཁྱེད་བོད་མི་རྣམས་པས་གཞན་ཡུལ་དུ་གནས་པའི་རིང་སྡུག་དཀའ་ལས་ཕྲེད་ཀྱང་དེ་ལ་སྲན་ཐུབ་པར་གནང་དང་། བདེ་བའི་ཉི་མ་རང་ཡུལ་དུ་ཤར་ཡོངས་ཞེས་བདག་གིས་ལྷག་བསམ་གི་གཞེན་སྐུལ་ཞིག་འདི་ནས་ཕུལ་ལོ།
ངས་ད་ལྟ་CCTVབརྙན་འཕྲིན་བརྙན་འཕྲིན་གསར་འགྱུར་ལ་བལྟས་པ་ཡིན། ཤིང་རྩ་བསྟན་འཛིན་ཆོས་གྲགས་གཙོ་བྱས་པའི་བོད་ཀྱི་འཐུས་ཚབ་སྡར་མ་ཁ་ཤས་ཀྱིས་ཨ་རི་ན་སྐྱག་པ་གཏོང་གི་འདུག བོད་ལ་རང་དབང་སོགས་གོ་ཡང་མ་མྱོང་བ་མང་པོ་ཞིག་ཡོད་ཚུལ་བཤད་འདུག སྡར་མ་དེ་ཚོ། རྒྱུག་ཁྱི་དེ་ཚོ།