རྔ་བ་རིག་རྒྱམ།
བོད་མི་སྤྱིའི་མགོ་ཐོག་ཏུ་བྱུང་བའི་སྡུག་བསྔལ་གྱི་ཕུང་བོ་བཟོད་བརླག་མེད་པ་དེར་ཕྱིར་དྲན་ཞིག་བྱས་ན་བོད་ས་རྒྱ་ལག་ཏུ་ཤོར་བ་ནས་བཟུང་གྱང་ངོས་སུ་སྲན་མ་གཏོར་བ་ཇི་བཞིན་རྒྱ་བལ་འབྲུག་གསུམ་གྱིས་གཙོས་རྒྱལ་ཁབ་འདྲ་མིན་དུ་འདོད་མོས་མེད་བཞིན་དུ་བོད་མི་མང་པོ་ཞིག་བཙན་བྱོལ་དུ་ཡོང་དགོས་བྱུང་། རྒྱལ་ཁབ་དེ་དག་ལས་རིམ་པས་ཨ་རི་དང་ཡོ་རོབ་སོགས་ལའང་གང་མཚམས་ཤིག་སླེབས་པ་རེད། དེ་དག་གིས་གཞན་བསྟེན་སྐྱབས་བཅོལ་གྱི་འཚོ་བ་བཟང་ངན་གང་ཞིག་ལོ་ཟླའི་འཕྲང་ལ་གཤར་ཏེ་མི་ལོ་ལྔ་བཅུ་ལྷག་རིམ་གྱིས་འདས་སོང་། འོན་ཀྱང་༸གོང་ས་མཆོག་གིས་ང་ཚོ་བཙན་བྱོལ་དུ་གྱར་དགོས་བྱུང་བའི་བོད་མི་སྐྱབས་བཅོལ་བ་རྣམས་ནི། འཛམ་གླིང་ནང་གི་སྐྱབས་བཅོལ་བའི་ནང་ནས་སྐྱབས་བཅོལ་བ་མ་འདྲ་བ་ཞིག་སྟེ། ཕན་ཚུན་ཡ་རབ་བཟང་སྤྱོད་ཀྱིས་ཕྱུག་པའི་ངའི་མི་རིགས་ཞེས་སྐད་གསང་མཐོན་པོས་ཚོགས་ཐོག་ཏུ་ལན་མང་བསྒྲགས། ཞོར་དུ་བོད་མི་ཕན་ཚུན་བསམ་ཤེས་དང་ནང་ཁུལ་དུ་རང་ནུས་ཀྱིས་ཕན་ཚུན་རོགས་པ་བྱེད་རོགས་ཞེས་ཡང་ཡང་གདམས། ཉིན་ཤས་སྔོན་ནས་བཟུང་རང་ཉིད་ཀྱི་ཉམས་མྱོང་ལྟར་ཨ་རིའི་ནང་གི་བོད་མི་སྐྱབས་བཅོལ་བ་ཁག་ཅིག་གི་གནས་སྟངས་ལ་བལྟས་ཏེ། ཆེད་རྩོམ་འདི་འདྲ་ཞིག་འབྲི་དགོས་བསམ་པ་དེ་རིང་ཡིག་ཐོག་ཏུ་འཁོད་བཞིན་ཡོད། དེའང་ས་གནས་བྱང་ཨ་རི་ཁ་ལི་ཧྥོར་ནི་ཡའི་བོད་རིགས་སྐྱིད་སྡུག་ཚོགས་པ་དཔེར་བཞག་སྟེ་འབྲི་རྒྱུ་ཡིན་ལ། ཞོར་དུ་ས་གནས་གང་ཞིག་ལ་དཀའ་ངལ་འདི་བཞིན་བྱུང་དང་འབྱུང་བཞིན་གདོད་མི་ཟ། འདིར་སླེབས་པའི་བོད་མི་སྤུན་ཟླ་རྣམས་རང་ལ་རྒྱལ་ཁབ་དང་ཡང་ན་རང་ས་ལག་མཐིལ་ཙམ་ཡང་མེད་པས་བོད་མི་སྐྱབས་བཅོལ་བའི་ངོ་བོར་ཡོད་པ་གཅིག་མཚུངས་རེད། འོན་ཀྱང་མང་ཆེ་བས་སོ་སོའི་ངོས་ནས་རང་གི་དགོན་པ་གྲྭ་ཚང་དང་། ཡང་ན། ཁྱིམ་མཚེས་ཤ་ཉེ། གྲོགས་པོ་གྲོགས་མོ། ཕ་མ་སྤུན་མཆེད་སོགས་ལ་དངུལ་དངོས་ཀྱི་ཕྱོགས་ནས་ཕན་ཐོག་ཕྲན་རེ་བྱུང་ན་བསམ་སྟེ་ལུས་སེམས་གཉིས་ཀའི་ཕྱོགས་ནས་མང་ཆེ་བར་དཀའ་ངལ་ཆེ་བའི་རྒྱལ་ཁབ་འདིར་ཡོང་དགོས་བྱུང། ཡོང་སྟངས་ཐད་ནས་བཤད་ན་རྒྱ་བལ་སོགས་ནས་ཐོང་མཆན་ཡིག་ཆ་བདེ་བླག་ངང་གྲུབ་པ་དང་། ཡང་ན་ཧིན་སྒོར་འབུམ་མང་པོའི་བུན་གཡར་བྱས་ནས་ཡོང་གི་ཡོད། འོན་ཀྱང་། ས་གནས་འདིར་སླེབས་རྗེས་དཀའ་ངལ་སྔར་བས་ཀྱང་འཕར་མ་ཞིག་ཞིག་ཡོད་པ་ནི། རང་ལ་འཚམས་པའི་ལས་ཀ་སྟབས་བདེ་ཞིག་རེག་རྒྱུ་ཕར་བཞག སྐྱབས་བཅོལ་བའི་ཡིག་ཆ་ཇི་ལྟར་ཞུ་ཕྱོགས་ཀྱི་དཀའ་ངལ་གྱིས་མཚན་མོར་གཉིད་མི་ཁུག་པའི་དུས་ཚོད་ཅིག་ཡོད། ས་གནས་འདིར་མཚོན་ན། བྱང་ཁ་ལེ་ཧྥོར་ནི་ཡ་བོད་རིགས་ཚོགས་པ་ཞེས་ཨ་རིའི་ནང་དུ་ས་གནས་བོད་མི་སྐྱབས་བཅོལ་བའི་སྐྱིད་སྡུག་ཚོགས་པ་ཞིག་ཡོད། འོན་ཀྱང་། གསར་དུ་སླེབས་པའི་བོད་མི་རྣམས་ལ་ལམ་སྟོན་ནམ་ཡིག་ཆ་ཞུ་ཕྱོགས་སོགས་ལ་རོགས་ཕན་བྱེད་པ་ཕར་བཞག ཐ་ན་ཐོག་མར་བོད་མི་ཞིག་ཡིན་པའི་བདེན་དཔང་ཡིག་ཆ་ཞིག་འབྲི་བ་ལའང་ཨ་སྒོར་ལྔ་བཅུ་མ་ཟིན་ཙམ་ངེས་པར་དུ་དགོས་པའི་ཁྲིམས་ཤིག་བཞག་འདུག ཉིན་ཤས་སྔོན་གྲོང་ཁྱེར་སྲང་ལམ་ནས་འཕྲད་པའི་གྲོགས་པོ་ལྷོ་ཕྱོགས་སེ་ར་ནས་སླེབས་པའི་སྐུ་ཞོགས་ཞིག་ཡོད། ཁོང་ས་གནས་འདིར་འབྱོར་ནས་ཟླ་བ་གཅིག་དང་ཕྱེད་ཙམ་རེད་འདུག ཁོང་གིས་ང་ལ་ཕྱོགས་མང་པོ་ནས་དཀའ་ངལ་ཡོད་པའི་གནས་སྟངས་རིམ་གྱིས་བཤད་སོང་། དྲང་པོར་བཤད་ན་ཁོའི་དངུལ་ཁུག་ཏུ་ཨ་སྒོར་བརྒྱ་ཡང་མེད་པའི་ཚད་ཡིན་པ་འདྲ། ཕན་ཚུན་ངོ་ཤེས་པའི་གྲོགས་པོ་མི་འདུག་ལ། ཁང་གླ་དང་། ཐ་ན་ཟ་གླ་མི་རེག་པའི་དཀའ་ངལ་ཡོད་ཅེས་བཤད། ད་དུང་ཁོའི་ཡིག་ཆ་ཞུ་བར་བོད་མི་༼མིང་དགོས་ན་རྗེས་སུ་ཞུ་ཆོག༽ཞིག་གིས་ཞུ་ཕྱོགས་ལམ་སྟོན་དང་རོགས་པ་བྱེད་པར་ཨ་སྒོར་ ༡༥༠༠ ཡིན་ཞེས་བཤད་འདུག ཨ་རི་བའི་ངག་རྒྱུན་དུ་དུས་ཚོད་ནི་དངུལ་ཡིན་ཞེས་བཤད་པས་བོད་མི་སྒེར་བ་དེས་བོད་མི་ཕན་ཚུན་དབར་བརྩི་བཀུར་དང་རོགས་པ་བྱ་དགོས་པའི་བཟང་སྤྱོད་ཀྱི་རྣམ་པ་ལག་བསྟར་མ་བྱས་པར་ཁོ་རང་གིས་བསམ་བློ་གཏོང་རྒྱུ་ལས་གཞན་གང་ཡང་མེད། འོན་ཀྱང་འདིར་བཤད་འདོད་པ་ནི། ས་གནས་བོད་རིགས་ཚོགས་པའི་ངོས་ནས་བོད་མི་གསར་འབྱོར་བ་རྣམས་ལ་སྐྱབས་བཅོལ་ཡིག་ཆ་ཞུ་ཕྱོགས་ཐད་ལམ་སྟོན་དང་། ཡང་ན་ཚོགས་པ་གཞན་དང་མཉམ་རུབ་ཀྱི་སྒོ་ནས་ཡིག་ཆ་ཞུ་ཕྱོགས་སོགས་ལ་ཐབས་ཤེས་བསྐྲུན་རྒྱུ་གལ་ཆེན་དུ་མཐོང་། དེ་ལ་ཐབས་ལམ་ཞིག་ཡོད་པ་ནི། ལོ་གསུམ་གྱི་སྔོན་ངས་སྐྱབས་བཅོལ་ཡིག་ཆ་ཞུ་སྐབས་ཁ་ལ་བྱང་སེམས་དང་ཞི་བདེའི་མ་ཎི་བགྲངས་མཁན་མ་ཡིན་པ་སྟོན་པ་ཡེ་ཤུའི་རྗེས་འཇུག་གི་ཚོགས་པ་ཞིག་གིས་རོགས་པ་བྱས་པ་རེད། ད་དུང་ཁོང་ཚོའི་ལམ་སྟོན་བརྒྱུད་ནས་སློབ་གྲྭ་དང་། ལག་ཤེས་བཟོ་གྲྭ། མདོར་ན་མ་འོངས་པར་ལས་ཀ་གང་ཞིག་བསྒྲུབ་པ་ལ་ཡང་ཁ་ཡོད་ལག་ཡོད་ཀྱི་རོགས་པ་བྱ་ངེས་ཟེར། འོན་ཀྱང་ཐོག་མའི་ཆར་སྐད་ཡིག་གི་ཕྱོགས་ནས་ཁོ་ཚོ་དང་འབྲེལ་བ་བྱ་བར་དཀའ་ངལ་མི་དམན་པ་ཞིག་བྱུང་། དེ་དུས་ཁོང་ཚོས་བཤད་རྒྱུར་ཁྱོད་ཚོ་བོད་པའི་སྐྱིད་སྡུག་ཚོགས་པ་དེ་འདྲ་ཡོད་ན། དེའི་ངོས་ནས་རོགས་པ་བྱས་ན་ལས་དོན་འདི་རིགས་བསྒྲུབ་པར་དངུལ་དངོས་ཀྱི་འགྲོ་སོང་ཆེན་པོ་གང་ཡང་ཡོད་པ་མ་རེད་ཅེས་བཤད་པས། མདོར་ན་ས་གནས་བོད་རིགས་སྐྱིད་སྡུག་ཚོགས་པ་ཁག་གིས་བོད་མི་གསར་དུ་འབྱོར་བ་རྣམས་ལ་རོགས་པ་གང་ཐུབ་རེ་བསྒྲུབ་རྒྱུ་བོད་རིགས་སྐྱིད་སྡུག་ཚོགས་པའི་མིང་དོན་གཉིས་ཐད་ཀྱི་འགན་འཁྲི་རུ་མཐོང་། །
རྔ་པ་རིག་རྒྱམ་ལགས། ངོ་མ་ཡག་པོ་བྲིས་འདུག
ང་ལ་ཡང་ཚོར་སྣང་དེ་འདྲ་རྒྱུན་རིང་ནས་བྱུང། དེ་ཡང་གསལ་པོ་བཤད་ན།
དང་པོ། བཙན་བྱོལ་དུ་ཡོད་པའི་བོད་རིགས་ཕལ་ཆེ་བས་༸གོང་ས་མཆོག་གི་ཞལ་མཇལ་རྩ་ཆེར་འཛིན་པ་ལས། བཀའ་སློབ་དང་བཀའ་རྩོམ་ཁག་ལ་དོན་གཉེར་གྱིས་སློབ་གཉེར་བྱེད་མཁན་ཧ་ཅང་ཧ་ཅང་གི་ཉུང་ཉུང་རེད།
གཉིས་པ། མི་མང་འདུ་འཛོམས་དང་གནས་ཡོད་མི་སྣའི་མདུན་དུ་༸གོང་ས་མཆོག་གི་བཀའ་གལ་ཆེ་ཚུལ་བཤཛད་ཀྱང་དོན་དངོས་སུ་༸གོང་ས་མཆོག་གི་དགོངས་གཞིར་སློབ་སྦྱོང་གིས་ཉམས་སུ་ལེན་ཧ་ཅང་ཧ་ཅང་གི་ཉུང་ཉུང་རེད་འདུག
གསུམ་པ། ༸གོང་ས་མཆཽག་གིས་ཡང་ཡང་གསུངས་མིན་ལ་མ་ལྟོས་པར་། ཚེ་དབང་དང་། དུས་དབང་སོགས་ཞུ་བར་ཡོང་མཁན་མང་ཡང་བཀའ་འཁྲིད་དང་བློ་སྦྱོང་སོགས་ཉན་པར་ཡོང་མཁན་ཧ་ཅང་ཧ་ཅང་གི་དཀོན་པོ་རེད་འདུག
བཞི་པ། ༸གོང་ས་མཆོག་གིས་དུས་ནས་དུས་སུ་བཀའ་སློབ་གང་ཕེབས་མིན་ལ་བལྟས་ནས་རང་འདོད་ལྟར་བཀའ་སློབ་ལ་འགྲེལ་ལོག་རྒྱག་མཁན་ཧ་ཅང་ཧ་ཅང་གི་མང་པོ་རེད་འདུག
ལྔ་པ། མི་མང་འདུ་འཛོམས་དང་། ལྷག་པར་དུ་༸གོང་ས་མཆཽག་གི་སྙན་ལམ་དུ་ཆིག་སྒྲིལ་དང་། བོད་རིགས་ནང་ཁུལ་རོགས་རམ་བྱེད་ཀྱི་ཡོད་འདུག་མང་པོ་ཞུས་ཀྱང། ད་ལྟ་གོང་དུ་ཞུས་པ་ལྟར་དོན་དངོས་སུ་གཅིག་གིས་གཅིག་གི་མགོ་མནན་ཐུབ་ལུས་བལྟ་བ་ལས། རོགས་རམ་བྱེད་མཁན་ཧ་ཅང་ཧ་ཅང་གི་ཉུང་ཉུང་རེད།
དེ་ལྟར་མ་རེད་དམ།
ཨོ། སྐྱིད་སྡུག་ཚོགས་པ་དེ་བོད་མི་ཚོར་ཕན་ཐོགས་ཆེད་དུ་བཙུག་པ་ཞིག་མིན་པ་འདྲ། ཁེ་བཟང་ཞིག་གི་ཆེད་དུ་རེད། བོད་མིའི་སྐྱིད་སྡུག་ཚོགས་པ་ཞིག་གི་བྱེད་སྟངས་དེ་འདྲ་ཡོད་འགྲོ་བསམ་པའི་ཡུལ་ལའང་མེད། ངོ་མ་ཅི་བཙོག་གི བོད་ནང་ན་བོད་མིའི་གདུང་སེམས་མཉམ་སྐྱེད་ངང་ཆིག་སྒྲིལ་ལ་ཕྱོགས་བཞིན་ཡོད་ནའང་ཕྱི་རྒྱལ་རང་དབང་ལུང་པ་ན་ཆིག་སྒྲིལ་དང་བོད་མི་ཕན་ཚུན་ལ་གདུང་སེམས་མཉམ་སྐྱེད་མེད་པ་འདི་ཀྱེ་མ་ཧུད།
ངོ་མ་དེང་སང་དུས་འདིར་ཚང་མའི་རང་ལ་ཁེ་ཕན་ཡོང་ཐབས་ཞིག་ཐོག་ནས་མིང་དང་། ཚོགས་པ་འདྲ་མིན་མང་པོ་ཞིག་བཙུགས་དང་འཛུགས་པ་ཤ་སྟག་རེད་འདུག་ག
གལ་སྲིད་ང་ཨ་རིའི་ནང་ལ་ཡོད་ན་ངས་ཁྱེད་ལ་ཕྱག་རོག་བཞུ་མི་ཐུབ་རྒྱུ་མཚན་ནི་ངའི་ལས་ཀ་ཤོར་འགྲོ་གི་རེད་།
འོན་ཀྱང་རྡ་རམ་ས་ལར་ཡོད་ན་ངས་ཁྱོད་ལ་ཉིན་གྲང་ག་ཚོད་སྒོར་རོག་བྱེད་ས་རེད་
གལ་སྲིད་ང་ཨ་རིའི་ནང་ལ་ཡོད་ན་ངས་ཁྱེད་ལ་ཕྱག་རོག་བཞུ་མི་ཐུབ་རྒྱུ་མཚན་ནི་ངའི་ལས་ཀ་ཤོར་འགྲོ་གི་རེད་།
འོན་ཀྱང་རྡ་རམ་ས་ལར་ཡོད་ན་ངས་ཁྱོད་ལ་ཉིན་གྲང་ག་ཚོད་སྒོར་ཀྱང་རོག་པ་བྱེད་ས་རེད་
རྔ་བ་རིག་རྒྱམ་ལགས་ཀྱི་བསམ་ཚུལ་ལ་རྒྱབ་སྐྱོར་བརྒྱ་ཆ་བརྒྱ་ཡོད། གནད་དོན་འདིའི་གྲས་དངོས་གནས་ཁ་གསལ་གཏིང་གསལ་གྱིས་སྤྱི་ཚོགས་ནང་ཐེར་འདོན་བྱེད་དགོས་ངེས་རེད། དེང་སང་རྡ་ས་གཙོ་བྱས་པའིབཙན་བྱོལ་ནང་ཕན་ཐོགས་མེད་པའི་ཚོགས་པར་མིང་བཏགས་པའི་བཤུ་བཞོག་བྱེད་མཁན་མང་པོ་གཅིག་རྗེས་གཉིས་མཐུད་དང་གཅིག་དཔེ་གཅིག་བལྟ་བྱས་ཏེ་ཁེ་བཟང་ཞིག་གི་ཆེད་དུ་ཐོན་བཞིན་ཡོད།
དཔེར་ན་ཀིརྟི་གྲྭ་ཚང་གི་གྲྭ་ལོག་ཁ་མ་སོས་ནས་་ཡོད་མཁན་ཁ་ཤས་ཀྱིས་བཙུགས་པའི་རྔ་པའི་ཤེས་ཡོན་ཐེབས་རྩ་ཟེར་པ་ལྟ་བུ་རེད། མིང་ལ་ཐེབས་རྩ་བཏགས་ནས་དོན་གྱིས་མི་མང་འབྲེལ་ཡོད་ཚོའི་ལག་ནས་དངུལ་གཡོ་ལེན་བྱས་ཏེ་སྒེར་ཁ་གསོ་བྱེད་དུ་བེད་སྤྱོདགཏོང་གི་ཡོད་ཚུལ་འདུག འདིའི་གྲས་ནི་ཁྲམ་པའི་བྱེད་སྟངས་དང་འདྲ་བོ་རེད།
དྲ་གྲོགས་ཚོ་སྤྱིར་ན་ཚོགས་པ་སྐྱིད་སྡུག་ཚོའི་ག་རེས་བྱེད་ཀྱི་ཡོད་མི་ཤེས་མོད་་་་གོང་དུ་དཀོན་སེང་ནས་བཤད་པའི་སྐད་ཆ་དེ་ནི་ཁོང་དག་གང་ཡང་མིན་པར་རང་ཉིད་མ་དགའ་བ་གཅིག་པོ་རྒྱུ་མཚན་དུ་བྱས་ནས་འཆལ་གཏམ་སྨྲ་བཞིན་པ་ཡིན་་་་་རྔ་བའི་ཤེས་ཡོན་ཐེབས་རྩ་ཟེར་ནས་ཚོགས་པ་ཞིག་ཡོད་དང་མེད་ད་དུང་ཁ་ཚོད་གཅོད་དཀའ་མོད་དེ་ནི་ཕར་ཆེར་སློབ་ཕྲུག་ཉམ་ཐག་ཚོ་དང་ནད་པ་དཀའ་ངལ་ཅན་དག་ལ་ལྟ་རྟོགས་བྱེད་མཁན་གྱི་ཚོགས་ཆུང་ཞིག་ཡོད་པ་དེ་ལ་ཟེར་གྱིན་ཡོད་ན་དེ་ནི་རྔ་བའི་གཞོན་རབས་པ་དག་གིས་བཙུགས་པ་ཞིག་ཡིན་པ་ལས་ཀིརྟི་བྱིས་པ་གྲྭ་ཚང་གི་གྲྭ་ལོགས་ཙམ་གང་ཡང་མ་རེད་ལགས་་སྤྱིར་ན་རྡ་རམ་ས་ན་་གོང་ས་མཆོག་དང་བོད་གཞུང་གི་བཀའ་དྲིན་ལས་ཁ་མི་སོའི་དགོས་པའི་དཀའ་ངལ་དེ་འདྲ་ཡོད་དམ་སྐད་ཆ་དྲང་མོ་ཤོད་དང་ལྷག་པར་རྔ་བ་རྣམས་ནས་ཁ་མི་སོས་ཀི་ཟེར་ན་ང་ལ་ལན་འདི་རང་ལས་གང་ཡང་མེད་ལགས་་་ཧཧཧཧཧཧཧཧཧ་་་་་རང་ཉིད་མ་དགའ་བ་རྒྱུ་མཚན་དུ་བྱས་ནས་མི་རིགས་དང་སྤྱི་ཚོགས་ལ་ཁ་མི་གཡར་རོགས་གནང་་་དེ་ནས་ཐེབས་རྩ་ཟེར་ནས་མི་མང་གང་ཞིག་གིས་ལག་ནས་མགོ་བསྐོར་ནས་དངུལ་གང་དུ་བླང་འདུག་ཆ་རྒྱུས་མེད་པའི་སྤྱི་ཚོགས་ལ་ཕན་མེད་ཀྱི་སྐད་ཆ་དེ་འདྲ་མི་གསུངས་རོགས་ཞུ་་་་
དྲ་གྲོགས་ཚོ་ངེས་འདིར་ཅུང་ཙམ་ཞིག་འབྲི་ན་འདོད། གང་ཡིན་ཟེར་ན་ད་སྐབས་གདོང་དེབ་དང་། ཁ་བརྡ་དུས་བབ་ཟིན་བྲིས་སོགས་སུ་མང་པོ་ཞིག་གི་འདིའི་ནང་དུ་མིང་རྫུན་མ་བྲིས་ནས་ཚོགས་པ་ཁག་དང་ཡུལ་ལུང་འདྲ་མིན་དང་དགོན་པ་ཁག་གི་ནང་ཕན་ཚུན་་དཀྲུགས་ཤིང་བྱེད་ཀྱི་ཡོད་པ་བཞིན་འདིའི་གོང་གི་དཀོན་སེང་ཞེས་པ་འདི་ཡང་དེ་འདྲ་ཞིག་ཡིན་པ་ཚང་མིའི་ཤེས་གལ་ཆེ་འོན་འདི་འདྲ་གླེང་བ་ནི་རྒྱུ་མཚན་དང་གནས་ལུགས་གང་ཡང་མེད་མཁན་ཞིག་ཡིན་པས་དེ་ལ་ལན་འབྲི་དགོས་པ་མེད་ན་ཡང་དཀྲུགས་ཤིང་དུ་འགྲོ་ཉེན་ཆེ་བས་བྲིས་པ་ཡིན།
ནུབ་ཕྱོགས་སུ་སྔོན་དུ་སླེབས་པའི་བོད་པ་མགོ་བདེ་བ་ཁ་ཤས་ལ་མཚོན་ན་གསར་དུ་སླེབས་པ་རྣམས་ཀྱི་ཡིག་ཆ་བཟོ་རྒྱུ་ནི་ཁོང་ཚོའི་དངུལ་གསོག་བྱེད་ཀྱི་ཐབས་ལམ་ཡག་ཤོས་ཤིག་རེད། དང་པོར་ལོ་རྒྱུས་བྲི་བ་དང་། དེ་རྗེས་ཁྲིམས་རྩོད་པ། སྐད་འགྱུར་སོགས་ཀྱི་གླ་ཡིན་ཟེར་ནས་སྒོར་སྟོང་ཕྲག་མང་པོ་བཟའ་བཞིན་པ་རེད། ཕན་སེམས་ཀྱི་ཐོག་ནས་གསར་བུར་ལམ་སྟོན་བྱ་མཁན་ནི་ཡི་ཤུ་སོགས་ཆོས་ལུགས་གཞན་པའི་ཚོགས་པ་རྣམས་ཡིན། ཁོང་ཚོས་གླ་མེད་པར་སྦྱོར་དངོས་མཇུག་ཆ་ཚང་རོགས་པ་བྱེད་པ་དང་། ཟས་གོས་ཀྱི་སོགས་ཀྱི་མཐུན་རྐྱེན་ཡང་སྦྱོར་གྱི་ཡོད།