གཙང་ཁ་བུས།
གླིང་ཆེ་འདི་ནས་བདེན་པའི་གནས་ཤིག་བཙས། །
རང་དབང་ལུང་པར་མར་མེ་ཁྲོམ་སྐོར་རེས། །
དཔའ་བོའི་རྣམ་ཤེས་དག་ཞིང་གང་ཞིག་ལ། །
ཀྱེ་མ་འདི་འདྲའི་དཔའ་རྒོད་རྣམ་པ་ཚོས། །
གཅིག་རྗེས་གཉིས་སུ་བཞི་ཤེད་འཐེན་གྱུར་ན། །
ས་སྟིང་འདི་ན་བོད་ཀྱི་བདེན་མཐའ་དང་། །
གངས་སེང་རྒྱལ་དར་ནང་ཞིག་བསྒྲེང་བར་དཀའ། །
ཨ་སྔོན་གནམ་ལ་དུ་དྲི་ཁྱབ་ཉིན་དེར། །
མི་བུ་ཞིག་གི་གཅེས་སྲོག་གཏར་མར་བཞག །
དམར་ནག་ཁྲག་དྲི་ཁྱབ་པའི་ལོ་ཟླ་དེར། །
བོད་པ་སོང་གི་སྡུག་བསྔལ་རི་ལས་ལྕི། །
གཞིས་ལུས་སྤུན་ཟླའི་རང་སྲོག་མེ་ལ་སྦྱིན། །
བྱེས་འབྱོར་བོད་མིས་རང་བཙན་རྩོད་གླེང་བཏང་། །
རང་བཙན་ལབ་ན་དམར་པོ་རྒྱའི་སོ་བ། །
ཨ་སྡུག་ལས་ཀྱིས་གནས་སྐབས་འདི་ལ་བསྐྱེལ།
ཨ་སྡུག་བོད་པ་ཚང་གི་ལས་དབང་འདི། །
ལྕགས་མཆུ་ནག་པོས་མགོ་ལུས་ཡོངས་སུ་བཟུང་། །
རྒྱུ་དང་འབྱོར་བས་ཐམས་ཅད་བློ་སེམས་བཀུགས། །
ནགས་ཀློང་འདི་ན་མི་བུ་ཞིག་མ་རྙེད། །
ཕོ་ཟད་མོ་ལ་ཐུག་པའི་་བོད་པ་ཚང་། །
བྱང་ཆུབ་སེམས་མཆོག་སྐྱོར་ནས་སྲིད་བཟུང་ན། །
བསྐལ་བ་འཇིག་དུས་ལམ་ཞིག་རྙེད་མི་སྲིད། །
2011 8 19
ཚེ་དབང་ནོར་བུས་ཚེ་སྲོག་མེ་ལ་བསྲེགས། །
གླིང་ཆེ་འདི་ནས་བདེན་པའི་གནས་ཤིག་བཙས། །
ཞེས་པའི་ཚིག་རྐང་དང་པོ་ཆད་འདུག
དགོངས་འགལ་མེད་པར་ཞུ།
བོད་རྒྱལ་ཁབ་ཀྱི་མཛངས་པའི་དཔའ་བོ་དང་བོད་མི་རིགས་ཀྱི་ལས་དབང་ཆག་འཇིག་གི་གནས་སུ་ལྷུང་བའི་སྐབས་མཚམས་འདིར་ལྷག་བསམ་ལྷུར་མཛད་སྙིང་སྟོབས་གཏིང་དཔག་དཀའ་བའི་རང་རྒྱལ་མི་རིགས་ཀྱི་དཔའ་བོ་དམ་པ་མཆོག་ལ་སྒོ་གསུམ་གུས་ཕྱག་དང་སྐྱེད་བ་ཚེ་རབས་ནས་ཚེ་རབས་གདོང་མ་མེས་བུའི་སྤུན་ཁྲག་འབྲེལ་བའི་སྨོན་འདོད་བཅས། གཞི་བཞུགས་ཕ་མ་སྤུན་ནང་མི་ཡོངས་ལ་ཐུགས་གསོལ་དང་འཚམས་འདྲི་གྲངས་མེད་ཞུ།།
ཚེ་བཟང་དཔེ་བྱེད་མེས་རྒྱལ་ཁམས་སུ་འཁྲུངས། ལས་དབང་རྣམ་དག་ཚུལ་ཁྲིམས་གཙང་མ་འཛིན།
ལྷ་ཆོས་ནོར་ལས་བརྩོན་པས་སྐལ་བསྒྲུབས་མཛད། ངེད་ཅག་བུ་རྣམས་ཁྱེད་ལ་བཀའ་དྲིན་མཇལ་ཅིང་།།
དཔའ་བོའི་ཆོད་སེམས་ལ་རྗེས་སུ་བསྔགས་པའི་བསྟོད་ཚིག་ལ་ཡི་རིང་ཡོད།
མྱ་ངན་དང་སྨོནལམ་ལས་ཀྱང་ཞུ།